The Pioneers Online Radio, Makhakhe, Matelile (2024)

05/07/2023

PAID ad

Ha-Motjatji, Ha-Thabo, Litjepeletsane, Ha-Motšetšero, Ha-Mosala, Ha-Thobi, Ha-Raliapeng, Ha-Mpapa

Mona ke se ke etsa khoelehetso ho bacha ba lilemong tsa ho khetha, haholo ba Lehlakaneng E04, ho nka bohato ho leka ho fetola boemo ba baka sa bona

Me bua mona ke le mocha ea tšoenyehileng ke bobosi bo se nang molemo sechabeng, bo ichebileng bo-bona le beng ka bona

Joalo kaha rea likhethong tsa "macanslara", ke bua mona ka phatla e phahameng h**e ke tl'o emela likhetho tikolohong ena. 'Me ke ipiletsa ho bohle ba nang le thahasello ho boneng ntlafala tikolohong ea bona ho nkhetha.

Ke bua mona ka maano a boleng bo holimo. 'Me 'ona ke a latelang;

Ho ntlafatsa tikoloho le moruo ka temo ea lifate tsa litholoana

Tsetela temong

Ho felisa bobolu le khethollo phanong ea bosebeletsi

Ho akofisa le ho phethahatsa merero e metle eo 'muso o neng o e ralile

Maana ana ha a fella, empa e le karoloana feela ea 'ona.

Ela hloko h**e ke moiketi ea ilemetseng(Independent) lebitso la ka ke SEPHEWE DAVID MASEELA. LETŠOAO LA KA KE KHARAFU

16/05/2023

SESOSA SA LEFU LA JOKI SEA HLAHELLA

Ho ea ka Motseki Joki ho hlaha lelapeng la bo mofu Ralikonelo Joki,ke likulo tse 7 tse thuntseng Leqhashasha.Likulong tseo tse 7,tse 5 ke tsona tse bakileng h**e ebe Leqhashasha ke mofu kajeno.

A buoa Moaforika FM,Joki o bonts'itse kulo ele ngoe e kene hlohong 'me ho bonahala sethunya se ne se beiloe hlohong ea hae hantle ha a thunngoa holatela botebo ba eona kaha e qhaqhile hlooho ka hare.

Ho feta moo,o re tse peli li ka lehlakorong la letsoho le letona ha tse peli li kene ka lehlakorong la letsoho le lets'ehali

O re tsena tse keneng mahlakorong li hlenhlantse sohle se ka hara 'mele eleng 'mats'oafo,libete mala joalo joalo.

16/05/2023

BAITHUTI BAA KENELOA MATELILE

Morutoana oa se seng sa likolo tse Ha-Makhakhe ea lulang matlong a khiroso o re o seboko ke tšireletseho e fokolang moo a phelang teng.

Morutoana enoa ea etsang Grade9, o re kajeno mantsiboea ha a fihla moo a lulang, u fumane fenstere e pshatliloe ka mohl'omong lejoe, eaba motho ooa kena a inkela mohala oa hae oa thekeng le litsejana.

Ha a bua ka pelo e bohloko, o re mohala ona o ne a qeta le ho o reka, 'me o belaela e ka ba batho ba mo lisang kapa ba pel'a hae e le bona babelaelloa ba mofapa-hlooho. O re o tlalehetse mong'a moaho, 'me o itse o tla etsa ka mokh'o mong.

Ha a menyeletsa maritsa, o bontšitse ha nokoane sena se bile sa phutha lejoe leo se pshatlileng ka lona sa tsamaea ka lona, mohl'omong se tšaba h**e se ka louoa ka lona.

Setšeng sena sa bolulo, barutoana ba bang ba phela le mong'a setša kahare ka ntlong e le 'ngoe, ha ba bang ba phela ka ntlong e ka thoko.

Ho sa le joalo, ha se lekhetlo la pele sebakeng sena ho utsuoa hoba menyenyetsi e re ho na le mohla masholu a ileng a kena, a inkela lijo le tsohle, lehoja ka tsatsi le leng le fapaneng, ba ile ba kena ka tsela e tšoanang, ka bomalimabe ba fumana barutoana bao ka hare, 'me bao ba ba tlaleha, hofihlela ba isoa sepoleseng sa Matelile.

Menyenyetsi e meng e re baahi ba motse o ka holimo ho matlo ana a khiriso, ba ka 'na ba nkha lefotha tabeng ena hoba ke bona ba kileng ba fumanoa

09/05/2023

MOSALI O SHOELA TUMELO MASERU

Setho sa kereke ea New Jerusalem Apostolic Church in Zion, e Setibing Maseru, se noetse koetseng Nokeng ea Makhaleng se qeta ho kolobetsoa sontaha se fitileng.

A buoa Molisa ea Molemo Fm Moareka-Bishopo oa kereke eo, Alexander 'Malei, o itse lehlasipa le ile la thella letlapeng la oela ka koetseng,le ne le qeta ho kolobetsoa le ba bang.

Moareka-Bishopo o itse metsi a ne a le mangata empa o hlotse a ntse a kolobetsa batho mono.

Lehlasipa le tlalehoa e le ngoetsi e ncha e sokang e qeta khoeli tse tharo e le lenyalong, Sepolesa se batlile lehlasipa sa ba sa itlosa.

𝗦𝗢𝗨𝗥𝗖𝗘:𝗠𝗢𝗟𝗜𝗦𝗔 𝗘𝗔 𝗠𝗢𝗟𝗘𝗠𝗢 𝗙𝗠

08/05/2023

LEQHEKOANA LE RUA SETHUNYA MATELILE

Morena oa sebaka oa Matelile, morena Makoanyane, o re o putlame moea joalo ka Mopostola a jele nama ea kolobe ke ketsahalo e hlahileng tlas'a puso ea hae bekenge fetileng

Makoanyane o buile sena kamor'a h**e ho fumanoe sethunya ho e mong oa marena a tlas'a hae, eo e bileng e le motsofe o lilemo li ka holimo ho 80.

Motsofe o bontšitse ha sethunya e le sa makhomosha, seo a se sebelisang ha a le hae mona ho hlaha sekhoeng.

Re tla hopola h**e sesole se ile sa phetla Matelile kamor'a ho thunngoa ho bileng teng bekeng e fetileng tikolohong ena

06/05/2023

MAQHEKU LE MAQHEKOANA HA A TL'O KHOLA LITSIANE TSA BONA KHOELING ENA, BA TLA E KHOLA KHOELING EA PHUPTJANE E LE EA KHOELI TSE PELI❗❗❗

06/05/2023

BANNA BA IKISA SEPOLESENG MATELILE

Sesole sa Lesotho se ile sa tlola matjato a masesane shoalaneng ea Laboraro ho leba 'Maliepetsane le Ha-Koepe moo ho bileng le ho thunngoa le ho bolaoa hoa mosali, ha lehlatsipa le leng le tsoile likotsi.

Ho ea ka letona ofising ea tona-kholo, monghali Limpho Tau, kamor'a h**e ho phuthoe setopo Matelile Ha-Koepe, se ile sa fumana tlaleho ea h**e ho boetse ho thuntsoe batho 'Maliepetsane, moo motho a le mong a ileng a timela, ha e mong a tsoile likotsi.

Mong Tau a re liketsahalo tsena li ile tsa susumetsa h**e ho romeloe lebotho le potlakelang likotsi la sesole, lebotho le felletseng le seroalankhoana hoea etsa liphuputso leho tsomana le babelaelloa.

Ke moo hoseng hoa maobane babelaelloa ba ileng ba inehela sepoleseng le ho nehelana ka lithunya tse peli le mahlaahlela a tsona.

Ha liphuputso li se li ntse li etsoa malapeng a fapaneng 'Maliepetsane ketsahalong ea bobeli ea polao, sesole se ile sa fumana sethunya lelapeng le leng, moo se neng se patuoe lehlabatheng.

06/05/2023

BATHO BA BABELI BA THUNTSOE BA LE TEBELONG EA MOAMANI LE BONA BOSIUNG BA LA 05/05/2023, MOO TENG HO NENG HO LEBETSOE MOFU EA BILENG TENG KA HO THUNNGOA MAKENENG LIKHOELE.

BAKENG SENA, KE MOO MOTHO A NENG A THUNNGOE A TSOA MOSEBETSING AFRIKA BOROA, 'MÉ O N'A BOLOKOA BEKENG ENA

05/05/2023

MONNA O TŠOARELOA BOSHOLU MAFETENG

Thabana Motsoafi, 29, oa Ha-Tobi Thabana-morena, o fumanoe a le molato oa ho utsoa le ho hlaba nku ea moohisane oa hae.

Sepolesa se supa ha moqosuoa a ile a hlaha ka pel'a lekhotla la maseterata Mafeteng, moo a ileng a fua monyetla oa ho itefella M4000, kapa ho hohla lemo tse peli chankaneng.

O ile a hloleha ho lefa, 'me o qalelletse ho hoehla sekoebo sa hae

05/05/2023

BANNA BA THUNNGOA MATELILE

Banna ba babeli ba Ha-'Maliepetsane ba ile ba thunngoa ke litlokotsebe tse sa tsejoeng Ha-'Maliepetsane bosiung ba la 03/05/2023

Tlaleho e bontša ha ho ile ha fihla litlokotsebe tse peli li ikhakantse sa mokana e le bareki khoebong ea moitšokoli moo, ba ipatlisa moea, 'mpa ha morekisi a ba hlophela 'ona ba bulula ka tsopa la kapa.

Litlaleho li supa ha tlokotsebe tsena li ile tsa thunya bobeli bona bo neng bo le khoebong, 'me a le mong a shoa, ha e mong a otliloe ke ferene kulo, 'me o ntse a phela bo hlobaetsang sepetlele.

Menyenyetsi e bontša ha likulo tse sebelitseng e ka ba tse robong ho latela maqeba a mahlatsipa le phofu

05/05/2023

BAHLANKA BA E SUPA KA LIRETHE LESOTHO

Ke bonyane bahlanka ba ka holimo ho 120 ba lelekuoeng ba le letsatsing la bobeli ba qalile tšebetso lekaleng la likhokahanyo le mahlale ka Laboraro la la 03/05/2023

Tlaleho e supa ha bana ba bontšitse ba fumane mosebetsi ona ka morero oa "Lihalahala" moo bahlanka ba bang lekaleng le tšoanang, ba ne ba fumane mosebetsi ho tloha selemong sa 2020, 'me litumellano tsa tšebetso li ile tsa fela lehoja li ile tsa eketsoa.

Letona lekaleng lena, Nthati Moorosi, o itse bana ba phole hae ha ho ntse ho etsoa litokiso tse bakileng pherekano ena lekaleng

04/05/2023

SEPOLESA SE TŠOARA MORENA M/HOEK

Ramotse oa Ha-Tiheli Taung Mohale's Hoek o litlamong tsa sepolesa kamor'a ho leka ho beta ngoana ea lilemo li 14.

Tlaleho e supa ha morena a ne a robalelitse moo e neng e le moketjana h**e a tle a tsamae ka la hosane. Ke moo morena a ileng a tsoa bosiu ho ea fahla mokholitsoane, empa ho khutleng hoa hae a fetela phaphusing eo ngoanana a neng a le ho eona, a leka ketso empa lehlatsipa la hooa. Morena o ile a le sunya lekholo la Maloti empa la nganga.

Lelapa le lekile ho kubuta taba eena kaha 'melaelloa a ile a le tšepisa likete tse 'ne, empa sepolesa sa rotela morero oo.

04/05/2023

MAHOKELA A TŠOARA LESHOLU MAFETENG

Mahokela a Ha-Ramohapi a ile a tšoara mohlankana ka linku tse 8 tsa bosholu ka hora ea pele bosiu.

Tlaleho e fanoeng e bontša ha 'melaelloa enoa oa bosholu a ile a sitoa ho fana ka lipampiri tsa linku tsena, 'me mahokela a mo fasa ka mahlahlela, ea ba ba bitsa sepolesa.

Ho sa le joalo, sepolesa se ile sa etsa mosebetsi, sa ba sa khothaletsa masholu ho khaotsa mesebetsi ea 'ona

04/05/2023

KOLOI E CHAISA MORUTOANA MATELILE

Koloi ea moetso oa haftrak e chaisitse ngoana oa se seng sa likolo tse fumanehang Matelile mantsiboeng a la 03/05/2022 Ha-Makhakhe.

Ha a hlalosa ketsahalo, ea boneng ha ketsahalo e nka sebaka, o re lehlatsipa le ne le baleha lintja tsa machaena sebakeng sa Ha-Makhakhe, ea ba o balehela ka tseleng.

Ke moo koloi ena e ileng ea leka ho mo qoba, empa ka bomalimabe ea mo thula lehoja e ile ea ba taolong.

Lehlatsipa le isitsoe setsing sa kokelo se Ha-Makhakhe ke beng ba koloi ka maqeba a fokolang 'me le ile la rokoa la ba la lokolloa.

04/05/2023

SECHABA SE TOKHOTSA MONNA MATELILE

Sechaba sa Moteletsane se tokholitse monna ka pelaello ea h**e o ipata tlas'a thaba ka sepheeo sa ho hlekefetsa ka motabo batho ba fetang moo.

Puisanong le MCR, morena oa moo o bontšitse ha lehlatsipa le tokholitsoe ka phoso kaha hamorao ho ile ha siboloha ka lengolo la morena oa hae, a ne a eo batla mosebetsi oa ho e 'ngoe ea lifeme tse hlahisang setene.

O bontšitse ha ba bile ba fumana linomoro tsa baamani le lehlatsipa, 'me ba netefatsa h**e ke ngoan'a bona, 'me morena o ile a letsetsa sepolesa

04/05/2023

LIBOKO LI JA LITHAKISA MAFETENG

Moahi oa Makeneng Likhoele o re hoseng hoa maobane o tsohile a bona mohlolo lelapeng la hae.

Ha a bua le MCR, monghali Khampepe o re o fumane liboko tsa mohlolo li le serapeng sa hae, 'me li bokanetse semela se bitsoang thakhisa.

O re o ile a leka ho chesa boko tsena ka metsi a belang, empa a hloleha. O ile a tsoela pele ho li chesa ka mollo, le teng a phutla ka mokotla o metsi. O bontšitse ha qetellong a ile a li chesa ka lipolasetiki, 'me tsona tsa cha.

O re mohlolo o mong ke ha a ne a bona le ne li sa nyeunye ha li utloa mollo, 'me sena sa mo hopotsa ka likatse tse peli tseo li neng li tanakella bakeng se tšoanang, li lla habohlo.

O re nakong ena, keha a ntse a sebetsa Afrika Boroa. Ha a menyeletsa maritsa, o re kamor'a ho tšosa katse tsena, o ne a tsoha a opeloa ke 'mele

04/05/2023

BANNA BA BABELI BA THUNTSOE HA-'MALIEPETSANE Matelile bosiung bo selang kajeno

04/05/2023

LIPETLELE LIA KOALOA LESOTHO

Mokhatlo oa baoki le lingaka o re ho tloha hosane ka la 05/05/2023, bo tl'o khefutsa tšebetso ka lebaka la tiehiso ea mokholo oa khoeli e fetileng.

Sena se re ho sechaba litšebeletso tsa bophelo ha li na ho fumaneha ka lebaka la boipelaetso bona.

04/05/2023

MASOLE A HLAHLOBA MEKOTLA EA BAPALAMI HA-MAKHAKHE

04/05/2023

Masole a qeta ho hlahloba koloi ea Moruti oa Roma HA-MAKHAKHE

28/04/2023

BABOLAI BA NYAHLATSA KOLOI MATELILE

Sepolesa sa Lesotho se tlalehile se fumane koloi ea moetso oa Golf GTI ea nomoro ea C 238 BBJ e nyahlalitsoe Ha-Matjeka Matelile.

Sepolesa se ile sa bontša ha beng ba koloi eo ba ile ba thunya motho Morija pel'a moo ho tšeloang makoloi ea ba ba khola phalo

Leha ho le joalo, LMPS e bontšitse ha ho na le 'melaelloa ea le mong oa monna ea seng a le matsohong a bona ka pelaello ea ho amana le ketsahalo ena

27/04/2023

SECHABA SE NTŠA KOEPERE MORAHENG MAFETENG

Mohlanka oa Matholeng Mafeteng o ile a felloa ke bophelo kamor'a h**e sechaba se neng se jele masoko se mo tleberele ka tleki

Ho utloahala ha se seng sa lihoai e bile e le mohoebi sebakeng se boletsoeng a ile a nyamelloa ke linku tse 25, 'me eena ka tšebelisano-mmoho le sechaba ba ile ba fumana mophula o ba lebisang ho mofu.

Tlaleho e supa ha sechaba se ile sa tokhotsa mofu empa sa lala phoka khabareng se lala phoka sa nehelana ka eena sepoleseng a se a khathetse.

'Me o ile a shoella sepetlele. Leha ho le joalo, sepolesa se tšoetse ketsahalo ea ho inkela molao matsohong hoa sechaba ka sehlethelahali sa mathe.

26/04/2023

ABC E HLAHISA LIKHOEBO LESOTHO

Moetapele oa Terene e tsamaeang le ABC, Kobo-tata ea Basotho, Sello Sarele Khosi Mokata, o re bona e le materene ba ikemiselitse ho holisa moruo oa naha ka ho hlahisa mesebetsi.

A bua MCR, Mokata o itse ke 'nete bona e le Materene ba tl'o hlahisa joala phoofo le ho aha matlo a polokelo ea bafu.

Khosi o itse ba ntse ba tl'o tsoela pele ho ntlafatsa le ho holisa moruo oa naha ena.

Ho sa le joalo, sena se fetoha 'nete boiketong ba moetapele oa ABC, ea ileng a bontša h**e ba ikemiselitse ho khutlisa khotso ka har'a naha, lintoa le mafu a bakiloeng ke Terene a fete.

Kabi o ne a bontše ha bona ka kopanelo le Terene, ba tl'obula likhoebo tse ngata, 'me sena sea phethahala

25/04/2023

MONNA O TŠOARELOA POLAO MAFETENG

Kamor'a h**e a hlahe kapel'a lekhotla la maseterata Mafeteng ka la 21/04/2023, Morena Domela, 29, oa Matšaneng, o tla boela a hlaha khotla hape ka la 04/05/2023, moo a qosoang ka ho bolaea monna ea lilemo li 45 oa Matholeng.

Moqosuoa hajoale o ntse a le matsohong a sepolesa, 'me o tla hlaha khotla a ntse a tloha chankaneng ka tsatsi le boletsoeng

25/04/2023

BAHLANKANA BA ITATSOA MENOANA MAFETENG

Kajeno bahlankana ba thusang batho ho paka makoloi hantle kapela mabenkele Mafeteng ba ile ba itatsoa menoana kamor'a h**e monna oa Mosotho, Tholang Sebaki oa hona Mafeteng a tekele bao tafole.

Ketsahalong ena, e mong oa ba ileng ba hlahisa maikutlo a bona koranteng ea marang-rang Meloli Airwaves Media, o bontšitse ha ba le motlotlo ka se entsoeng ke monna enoa, 'me e ka ba ho mo nyatsa ha ba ka ipata lifahleho ha ba nkuoa linepe

25/04/2023

LEFU LE LATELLA LELAPA MATELILE

Kamor'a h**e sepolesa sa Lesotho se batle ho batlisoa beng ka mofu ea ileng a fumanoa Ha-Shelile Maseru ka la 25/04/2023, sepolesa sa Lesotho se ile sa khutla hape ka masoabi lehoja se leboha sechaba ka ho se thusa ho fumana beng ka mofu.

Tlaleho ea sepolesa e supa ha mofu, 28, a fumanoe moo pelaelo e leng h**e o koetetsoe eaba o nyahlatsoa teng kamor'a ho bolahoa

E tsoela pele ho supa ha eo mofu a ne a ntse a hlopha lepato la monna oa hae eo le eena a ileng a bolahoa ka ho thunngoa Sebelekoane Matelile ke linokoane tse s'o tsejoe

14/04/2023

LECHAENA LE HELA LE ITLAMELA TSOAING

Kamor'a h**e 'muso o hlahise kapel'a sechaba sa mabatooa a 'MALIEPETSANE 55 le Matelile 54 mokonteraka oa lechaena ea tlang ho aha borokho ba Tsoaing, sechaba se ile sa ba le tšepo le ho khothala h**e se tla fumana mosebetsi.

E se e ka ba matsatsi a mabeli joale tšebetso ea borokho e qalile, lehoja boo bo ntseng bo ahoa e le ba nakoana h**e likoloi li 'ne li fete ha bo boholo bo tla be bo ntse bo lokisoa.

Leha ho le joalo, ho bile le se makatsang sechaba ha se bona ha monna oa lechaena e le eena ea ntseng a sebelisa khofu, 'me e mong hape oa lechaena, a khatha tema le Basotho ba keneng ka nokeng.

Lehoja sechaba se maketse ha kalo, tlaleho e fanoeng ke e mong oa bahlanka, oa Mosotho, oa konteraka eo, e bontšitse ha bahlanka bao e le ba sebetsang le konteraka eo ka kotloho, sechaba se se ferohe libete ke hona khiro e tlang ho thakholoa.

Lechaena lena le butse phorohloana ka hara noka ena, e balehisetsang metsi ka thoko h**e a se ba setisi ho sebetsa

Ka: Honourable Councillor Maseela

13/04/2023

BOKULO BO HLASELA LIKOLO LESOTHO

Ke bonyane barutoana ba bararo ba fumanoeng ba na le lefu la maslese ho se seng ka hare ho likolo tsa Lesotho ka hare ho nako ea beke ke lekala la bophelo.

Lekala le bontšitse le tšoenyehile haholo ke taba ena hoo le nkileng qeto ea ho enta bonyane bana ba ka bang likete tse lekholo le leshome le metso e mene(114 000) ba sekolo sa thuto ea mathomo.

Lekala le ntšitse h**e le tla enta bana ho tloha ka Mantaha oa la 17 khoeling e holimo, le qala Maseru.

The Pioneers Online Radio

05/07/2023

16/05/2023

16/05/2023

09/05/2023

08/05/2023

06/05/2023

06/05/2023

06/05/2023

05/05/2023

05/05/2023

05/05/2023

04/05/2023

04/05/2023

04/05/2023

04/05/2023

04/05/2023

04/05/2023

04/05/2023

04/05/2023

04/05/2023

28/04/2023

27/04/2023

26/04/2023

25/04/2023

25/04/2023

25/04/2023

14/04/2023

13/04/2023

Address

Telephone

Website

Alerts

Shortcuts

Share

Category

Other Matelile media companies

You may also like