Lesotho Government

18/12/2024

U ka fumana koranta ea Lentsoe La Basotho mona >>>
https://shorturl.at/dFVNx

18/12/2024

Download your Lesotho Today copy here >>>
https://shorturl.at/apWsa

17/12/2024

'MUSO O FANA KA MATLO A 14 LERIBE

Tšitoe 16, 2024… Letona Ofising ea Tona-Kholo Mohlomphehi Limpho Tau o fane ka matlo a macha a 14 a ahiloeng ke Setsi sa Likoluoa (DMA) ​​ho malapa ao matlo a ona a ileng a sengoa ke lifefo Tabola Leribe.

Mohlomphehi Tau o re boikarabello ba Ofisi ea Tona-Kholo ke ho sireletsa le ho netefatsa h**e Basotho baa sireletsoa, ​​ba bolokehile.

Setho sa Paramente sa Peka Mohlomphehi Mohopoli Monokoane o lebohetse matlo ana lebitsong la baahi.

17/12/2024

Phano ea mehoma le likofolo seterekeng sa Mokhotlong

14/12/2024

Tšitoe 14, 2024 -- Mofumahali Thothi Chimombe oa ReNOKA o bontša Presidente ea Germany Frank-Walter Steinmeier mosebetsi oa bona letamong la Metolong. Ke mona moo a ileng a fuoa mpho ea kobo.

(Litšoantšo ka S. Nkuebe)

14/12/2024

"Bekeng ena, Lesotho le amohetse baetapele ba babeli ba hlahelletseng: Mongoli e Moholo oa Machaba a Kopaneng (UN) le Presidente ea Germany. U ikutloa joang ka maeto aa?"

A - Ke motlotlo haholo - Lesotho le 'mapeng oa lefatše lohle!

B - Ke motlotlo empa ke labalabela ho bona molemo oa ketelo tsena.

C - Ha ke nke lehlakore - Ke emela ho bona phello ea taba tsena.

D - Maikutlo a mang (ngola maikutlo a hau).

14/12/2024

Presidente ea Germany Frank-Walter Steinmeier o etetse Metolong, Qiloane kamor'a ho amoheloa kahar'a naha. O ntsa hlahloba merero ea muso e tšehelitsoeng ke Germany e leng ea GIZ/Renoka.

14/12/2024

Presidente ea Germany Frank-Walter Steinmeier o bokile likhomo ho Motlotlehi Letsie III leetong la hae la semmuso kahar'a naha. Ke eena presidente ea pele ea Germany ea ho etela Lesotho. 🇱🇸🫱🏾‍🫲🏽🇩🇪

13/12/2024

TSELA EA ANTONIO GUTERRES E BUTSOE
Tšitoe 14, 2024 -- Tsela e rehelletsoeng ka Mongoli e Moholo oa Mokhatlo oa Machaba a kopaneng (UN) e butsoe ka Labohlano Butha-buthe.

Tsela ena e kopanyang Lesotho le Afrika Boroa, e rehiloeng Antònio Guterres e butsoe ka molao ke Motlatsi oa Tona-Kholo Justice Nthomeng Majara le Letona la Mosebetsi ea Sechaba le Lipalangoang Mohlomphehi Neo Matjato Moteane.

Monghali Guterres eo tsela e rehelletsoe ka eena o bile teng, a bile a phethela letsatsi hae la bobeli la ketelo ea hae Lesotho, ebile e le ha a fonanisa.

Ha fana ka ka puo ea hae lebitsong la Tona-Kholo, Justice Majara o boleletse sechaba sa Makhoakhoa h**e o thabile haholo hotla bula tsela ena e kopanyang linaha tsena tse peli.

A re sechaba se iponetse h**e ‘muso oa Lesotho o lumela kantle ho qeaqeo ho nolofaletsa Basotho mokhoa o potlakileng oa maeto ka khaho ea litsela le marokho ho ntlafatsa moruo oa naha le litšebeletso tse fanoang ho sechaba.

A tsoela pele h**e khaho ea tsela ena ea letšoana e kopanyang Ha Marakabei le leliboho la Monontša ke morero o moholo haholo kaha e akofisitse maeto a sechaba sa Ha-Marakabei le sechaba sa Basotho kaofela.

Monghali Guterres o lebohetse kamohelo e mofuthu eo a e fumaneng ka hara naha ea Lesotho ‘me a re o utloisisitse h**e morero ona o moholohali oa khaho ea tsela ena ebile ka lichelete tsa ‘Muso oa Lesotho eseng ka lichelete tsa lithuso, ‘me sena ke tsoelopele e kholo le sesupo sa h**e naha ea Lesotho e lebisa kholong.

A tsoelapele ka h**e o motlotlo haholo hoba ka hara naha e renang khotso, ebileng teng lilemo tse makholo a mabeli 200 years ‘me hona ke mohlala ho lefatše.

H’a phethela, Monghali Guterres a re ketelo ea hae Lesotho o tlile ka sepheho sa ho tla tšehetsa ‘Muso oa Lesotho le sechaba sa Basotho hobane ke mohlala ho machaba.

H’a teka polelo ea hae Letona la Mosebetsi ea Sechaba le Lipalangoang le Bahlanka ba ‘Muso Mohlomphehi Neo Matjato Moteane o itse motse oa Ha-Marakabei o tla etsa nalane sechabeng sa Basotho le Lefatšeng kaha motse ona otla tuma ka tsela ena e rehelletsoeng ka Monghali Antònio Guterres le nalane ea Basotho ka Morena oa pele oa Makhoakhoa Morena Lethole.

A hlalosa h**e khaho ea tsela ena ho ile hoa fihleloa morero ka 2015 h**e tsela ena e ntlafatsoe kaha ene ese maemong a matle. A boela a re khaho ea tsela ena e ile ea fana ka mesebetsi e hakanyetsoang ho likete tse peli ho Basotho.

(Ka S. Mosili, Litšoantšo ka LENA )

13/12/2024

13/12/2024

13/12/2024

13/12/2024

GUTERRES O ETELA KATSE

Tšitoe 13, 2024 - Mongoli-Kakaretso oa Machaba a Kopaneng (UN), Antonio Guterres, o etetse Letamo la Katse ho ea boha litsi tsa tsoelopele ea moruo tsa naha.

Leeto lena ke karolo ea bohlokoa ho Guterres eo boitlamo ba hae e leng ho thusa linaha ho ba le tsoelopele ea moshoelella.

Botsamaisi ba Setsi sa Metsi a Lihlaba (LHDA) le ile la amohela Monghali Guterres ka liatla tse mofuthu le ho mo bontša letamo le mesebetsi e etsoang moo le ho mo bontša bohlokoa ba lona phepelong ea metsi le phehlong ea motlakase ka metsi.

Letona la Lihloliloeng Mohlomphehi Mohlomi Moleko o ile a leboha a ba a a hlalosa h**e Monghali Guterres o bontšitse thahasello e kholo mererong ea meralo ea mesebetsi e meholo ea Lesotho.

"Tšehetso ea hae, haholo-holo molemong oa ho phahamisa moruo oa nahana e tla ka nako eo lefatše le tobaneng le liqholotso moruong," Moleko o boletse joalo.

Mong. Steven Phakisi, Molula-setulo oa Boto ea Batsamaisi ba LHDA, o itse o motlotlo ka ho amohela moeti ea hlomphehang joalo. “E se e le lilemo tse 20 re bile le tlotla ea ketelo ea Mongoli-Kakaretso oa Machaba a Kopaneng, oa ho qetela e le Monghali Kofi Annan. Ketelo ena e totobatsa khatelo-pele eo Lesotho le e entseng le kananelo ea machaba ea Morero oa Metsi a Lihlaba tsa Lesotho,” a rialo.

(Ka K. Mafereka)

13/12/2024

Letsatsi la pele la Mookameli Kakaretso oa UN Antonio Guterres kahará naha ea Lesotho.

12/12/2024

KETEKELO EA LETSATSI LA MACHABA LA TOKOMANE EA MANTLHA EA BOITSEBISO

Tšitoe 12, 2024 --Monongoaha Lelaka la Puso ea Libaka, Borena, Tsa Lehae le Sepolesa le ketekile letsatsi la machaba la tokomane ea mantlha ea boitsebiso ka ho etsa ‘moka oa ho tšohloa bohlokoa ba tokomane ea boitsebiso.

Ha bula ‘moka ona Mongoli emoholo oa Lekala la Puso ea Libaka, Borena, Tsa Lehae le Sepolesa, Dr Mamphaka Mabesa o letsatsi la lefatše la tokomane ea mantlha ea boitsebiso ke tokelo ea mantlha ea botho, ka hona monongoaha ho ketekoa ho itšetlehiloe le metheho ea ho kenyeletsa bohle le tšireletso ea bona hobane ke metheho ea bohlokoa ho haha sechaba se itšematlelang le nyollo ea moruo

A re ka litokomane tsa mantlha tsa boitsebiso, bohle ba ka fihlela Lesotho leo ba le batlang.

Ha phethela o itse ba ntse ba e-ba le lipuisano le mekhatlo e kang Banka ea Lefatše h**e ba fihlele boemo boo tokomane ea boitsebiso e tla sebetsa ka marangrang h**e motho e mong le e mong a fumane litšebeletso hohle moo a leng hona teng, ho kenyeletsoa le ka mohala oa thekeng.

Moemeli oa UNICEF Lesotho Monghali Deepak Bhaskaran o itse ketekelo ena e bontša bohlokoa ba boitsebiso kaha kahará lipehelo tsa mongoaha-kholo (SDGs) ho na le boitlamo ba h**e ka 2030 motho e mong le e mong o tlameha a be a ngolisitsoe ka molao ho kenyeletsa le ngoliso ea mahala ea tlhaho, ‘me taba ena e bontša h**e naha ea Lesotho e se e hatetse pele, leha ho na le liqholotso.

A re ba batla ho tšehetsa naha ea Lesotho boitekong ba eona ntlafatsong ea ngoliso ho koala sekheo sa ngoliso ea mantlha ea boitsebiso kaha bona e le UNICEF boitlamo ba bona e le ho fihlela ngoliso ea lefatše ea boitsebiso ea batho bohle.

Ketekelo ena e etsoa selemo le selemo ka khoeli ea Loetse,‘me ‘moka ona o ne o bopiloe ka boemeli ba NICR, Lekala la Lichelete le Meralo ea Ntšetsopele, Lekhotla la taolo ea khaso (LCA), Banka e kholo ea Lesotho le UNICEF.
(Ka S. Nkuebe)