Lesilo News Agency

Home
Lesotho
Maseru
Lesilo News Agency

Contact information, map and directions, contact form, opening hours, services, ratings, photos, videos and announcements from Lesilo News Agency, Media/News Company, Maseru.
(1)

Lesilo News Agency is an organization that gathers news reports and sells them to subscribing news organizations, such as newspapers, magazines and radio and television broadcasters.

23/02/2024

𝐌𝐀𝐓𝐄𝐊𝐀𝐍𝐄 𝐎 𝐊𝐎𝐓𝐄𝐋𝐀 𝐁𝐀𝐂𝐇𝐀!
.𝒔𝒆𝒃𝒐𝒌𝒂 𝒔𝒆 𝒄𝒉𝒆𝒄𝒉𝒊𝒍𝒆...

23/02/2024 Lesilo News Agency 06:54am

Moetapele oa letŝolo la ntlafatso ea moruo RFP Sam Ntsokoane Matekane, o hlahelletse khatisong ea mantsoe (clip) a chechisa seboka sa khetho ea komiti ea bacha.

Ho utloahala ha mabaka leha Matekane asa a behe ele ho phahama ha maikutlo ho bacheng litabeng tseo tsa khetho. Hara maikutlo ana karolo ea bacha ba ileng ba etsa 'moka oabo ralitaba ho utloahala ba hapile maikutlo a bacha ba bangata.

Hara tseo bacha bana ba li batlang, ke ho bona bacha ele karolo ea lekhotla la matona, ele bangoli ba litereke ebile ele baemeli ba linaha machabeng. Bacha bana ke karolo e supang ha molao oa mothoe oa letŝolo o lokela ho koaloa ma*oba.

Seboka se chechile leha Matekane asa hlalosa h**e na etlaba kapele hakae h**e bacha ba kene letŝeng ba inole eo ba 'matlang. Komiti e joalo ea bacha etla be ele ea pele nalaneng ea ho thehoa hoa letŝolo.

22/02/2024

'𝐌𝐔𝐒𝐎 𝐎 𝐍𝐓𝐒𝐄 𝐎 𝐋𝐎𝐊𝐈𝐒𝐀 𝐋𝐈𝐓𝐒𝐄𝐋𝐀!
.𝒌𝒉𝒂𝒕𝒆𝒍𝒐 𝒑𝒆𝒍𝒆 𝒆 𝒕𝒆𝒏𝒈...

22/02/2024 Lesilo News Agency 18:06pm

Ho bonahala ho phathahana ho hoholo tukisong ea litsela tse neng li senyehile seterekeng sa Maseru.

Koranta ena e tlaleheloa h**e setŝoantŝong mona ke Khubetsoana moo hothoeng ke Nutri Foods eka le moo hothoeng ke Wi***es Hospital ho ntse ho lokisoa litsela. Hara likomponi tse tŝoareng ka natla hara tsona ke Mokhahla Holdings.

Re romelle setŝoantŝo sa moo o hlokomelang tukiso ea tsela obe o hlalose sebaka se joalo.

22/02/2024

𝐌𝐎𝐒𝐀𝐋𝐈 𝐄𝐀 𝐑𝐄𝐊𝐈𝐒𝐀𝐍𝐆 𝐊𝐔𝐊𝐔, 𝐎 𝐇𝐎𝐏𝐎𝐓𝐒𝐄 𝐌𝐎𝐒𝐈𝐒𝐈𝐋𝐈!
..𝒃𝒂𝒓𝒖𝒊 𝒃𝒂 𝒎𝒐𝒏𝒚𝒆𝒌𝒊𝒔𝒊𝒕𝒔𝒆 𝒑𝒆𝒍𝒐...

22/02/2024 Lesilo News Agency 06:23am

Mosali oa mosotho ea tumneng selika-likoeng sa marang-rang kaho rekisa likuku leho beha litaba asa khathalle ho tŝeptjoa, 'Mamojela Masupha. O hlahelletse a supa nthoena le nthoane ka 'muso oa barui.

Jelly ka moo a tloalehileng ka teng ore "Mmusong oa Tau ea thaba nka se lebale free primary . Le kene sekolo la ba la mo tloaela hampe. Tom a etsa salary structure eka oa mpona . Ho le boima ra tsoa ka forong. Hona tjena khetho ea rona e Bua ka bo exponents le lilotho."

Litaba tsena li thokotse maikutlo a fapaneng hotsoa likarolong tse ngata tsa sechaba ka mora h**e 'muso o teke likhakanyo tsa lichelete. Masupha ke emong oa ba bang ba basali ba nang le tŝusumetso e ngata maikutlong a sechaba.

Maikutlo a hau ke afeng ka litaba tse tsa 'Mamojela?

21/02/2024

𝐁𝐀𝐂𝐇𝐀 𝐁𝐀 𝐁𝐀𝐓𝐋𝐀 𝐋𝐄𝐒𝐎𝐁𝐀 𝐋𝐀 𝐍𝐓𝐇𝐀𝐓𝐈 𝐋𝐄 𝐊𝐎𝐀𝐋𝐎𝐄!
.𝑴𝒐𝒆𝒕𝒂𝒑𝒆𝒍𝒆 𝒐 𝒍𝒐𝒌𝒆𝒍𝒂 𝒉𝒐 𝒌𝒉𝒂𝒍𝒆𝒎𝒂...

21/02/2024 Lesilo News Agency 18:27am

Ke nakong ena eo letŝolo la ntlafatso ea moruo le lebileng likhethong tsa komiti ea bacha. Karolo engoe kea bacha kentseng kopo h**e seboka se se tsoelepele.

Mongoli e moholo oa letŝolo o hlahile sealemoeeng sa Tŝenolo FM a hlalosa ha molao oa motheo oa RFP ole ma*oba. Ha hlalosa Moorosi o supa ha mabaka a ma*oba a joalo a bakuoe ke ho phathahana ha letŝolo nakong ea likhetho, eleng se bakileng h**e lintlha tse 'maloa tsa tsamaiso lise eloe hloko.

Polelo ena e thokotso karolo engoe ea litho kaha bahlalosa ha eo a lokela ho khalengoa ke moetapele kaha a pepesitse letŝolo.

"Ke boinahano ba mofuta ofeng ba mongoli e moholo a phetlang bofokoli ba rona pepeneneng, taba ena ha rena ho e tlohela feela. Moetapele ha khaleme nako e sale teng, haeba molao oa rona ona le lesoba kapa ma*oba re lokela ho sebetsa ka o teng ho fihlela o lokisitsoe, haeba ba tsekang h**e seboka se eme ka mabaka aka molaong oa motheo oa rona ebile ba nepile mongoli e moholo ha ikobele tsamaiso." Ntŝiuoa Koele.

21/02/2024

𝐌𝐀𝐓𝐋𝐀𝐍𝐘𝐀𝐍𝐄 𝐎 𝐍𝐘𝐀𝐍𝐘𝐀 𝐓𝐒̂𝐄𝐎𝐋𝐄 𝐌𝐎𝐓𝐒̂𝐄𝐀𝐑𝐄 𝐁𝐀𝐓𝐇𝐎 𝐁𝐀 𝐒𝐇𝐄𝐁𝐈𝐋𝐄!
..𝒃𝒐𝒌𝒐 𝒃𝒂 𝒕𝒔̂𝒆𝒐𝒍𝒆 𝒃𝒐 𝒔𝒆𝒃𝒆𝒍𝒊𝒕𝒔𝒆...

21/02/2024 Lesilo News Agency 12:49pm

Eo eseng ele moemeli oa naha ea Lesotho naheng ea Canada, Molise Tŝeole, one a ile a meketsa a supa ha 'muso o lokela ho rekisetsa linaha tse ling litsebo tsa bana ba Ba*otho ba sa sebetseng.

"Taba ena ntate, eeeeh-eeeeh ntate Maloi, re lokela ho sebetsana le taba ea export of Labour, re ise bana bana bo India, bo China balo ruta sekhooa haholo bana ba matichere." Ke Tŝeole khatisong ea mantsoe lenanehong la sealemoea sa Tŝenolo FM.

Kajeno letona la lichelete Dr Retŝelisitsoe Matlanyane ha teka ha 'muso oa Matekane o hlalositse ha 'muso ona le morero oa ho rekisetsa linaha tse kang Mauritius le Seychelles litsebo tsa bana ba Ba*otho ba nang le mangolo a thuto empa basa fumane mosebetsi.

18/02/2024

𝐌𝐀𝐊𝐇𝐔𝐁𝐄 𝐎 𝐁𝐄𝐇𝐀 𝐏𝐎𝐒𝐎𝐒𝐄𝐋𝐎 𝐒𝐄𝐅𝐀𝐇𝐋𝐄𝐇𝐎𝐍𝐆 𝐒𝐀 𝐌𝐎𝐓𝐋𝐎𝐓𝐋𝐄𝐇𝐈!
..𝒎𝒂𝒌𝒉𝒖𝒃𝒆 𝒐 𝒃𝒊𝒏𝒏𝒆..

18/02/2024 Lesilo News Agency 08:38am

Balateli ba koranta ena ba hlahile ka makhalo ho fapana ba kopa setlabolane sa Mahlomola Makhube moo a tŝelisang Pakalitha.

Shebella pososelo e sefahleng sa Raba*otho!

Seo re se fumaneng ke sena, molemong oa hose utsoe likhatiso tsa baphatlalatsi ba bang le boqapi ba bona, elelloa h**e video eo e sebelitsoe le ho hatisoa ka makhethe ke Joseph Ntakha!

𝑪𝒐𝒖𝒓𝒕𝒆𝒔𝒚 𝒐𝒇 𝑱𝒐𝒔𝒆𝒑𝒉 𝑵𝒕𝒂𝒌𝒉𝒂 𝒗𝒊𝒅𝒆𝒐𝒔

18/02/2024

𝐌𝐀𝐊𝐇𝐔𝐁𝐄 𝐎 𝐓𝐒̂𝐄𝐋𝐈𝐒𝐈𝐓𝐒𝐄 𝐌𝐎𝐒𝐈𝐒𝐈𝐋𝐈 𝐊𝐀 𝐏𝐈𝐍𝐀!
..𝑹𝒆𝒕𝒉𝒂𝒃𝒊𝒍𝒆 𝒐 𝒃𝒐𝒍𝒐𝒌𝒖𝒐𝒆...

18/02/2023 Lesilo News Agency 07:48am

Kheleke ea 'mino oa lipolotiki, Mahlomola Makhube ke emong ea tlamelletseng maqeba a tonakholo ea mehleng Pakalitha Mosisili le lelapa la hae.

Makhube eena o ntŝitse setlabolane seo a binang a bile a fana ka molaetsa ho likhaitseli tsa Rethabile. Ha tsoelapele Mahlomola o tŝelisitse 'me oa Rethabile, 'Mathato Mosisili hara ba bang.

Hara ba ileng ba raoha ba thenthetsa ha Mahlomola a ntse a tŝelisa, ke motlatsi oa tonakholo Nthomeng Majara le moetapele oa LCD Mothejoa Metsing. Ho utloahala ha Makhube a nkile matsatsi a mararo ho qapa, ho ngola le ho hatisa pina e joalo.

16/02/2024

𝐁𝐀𝐂𝐇𝐀 𝐁𝐀 𝐅𝐄𝐓𝐎𝐋𝐀 𝐌𝐀𝐇𝐀𝐎 𝐌𝐎𝐓𝐋𝐀𝐄, 𝐒𝐇𝐄𝐁𝐄𝐋𝐋𝐀 𝐕𝐈𝐃𝐄𝐎!
..𝒎𝒂𝒓𝒆𝒕𝒍𝒂𝒏𝒆 𝒐𝒂 𝒌𝒆𝒏𝒆𝒍𝒍𝒂...

16/02/2024 Lesilo News Agency 20:30pm

16/02/2024

𝐌𝐀𝐓𝐄𝐊𝐀𝐍𝐄 𝐎𝐁𝐀 𝐍𝐓𝐒̂𝐀 𝐊𝐀 𝐅𝐄𝐒𝐄𝐓𝐄𝐑𝐄!
..𝒐𝒃𝒂 𝒒𝒉𝒂𝒍𝒊𝒍𝒆...

16/02/2024 Lesilo News Agency 15:55pm

Ka mora h**e letona la matla ka matla a hae a thonye bao etlang hoba litho tsa boto (board) litabeng tsa motlakase, Nqosa Mahao. Tonakholo ea Lesotho Sam Ntsokoane Matekane o rahile khetho e joalo ka seeta a e lahlela matjoing.

Lengolo le supang ha bao ba lokela ho qhaloa lese le fihlile ho letona Mahao. Khetho e joalo ke ea tse ling tse ileng tsa sisinya metheo ea BAP kaha litho tse ling line lisa khotsofala.

Liphuphutso tsa koranta ena li fumane h**e sena se etellapele ho hlokoloa ha Mahao lekaleng le joalo.

15/02/2024

𝐓𝐇𝐎𝐋𝐎 𝐎 𝐏𝐇𝐀𝐋𝐋𝐄𝐋𝐀 𝐒𝐄𝐏𝐎𝐋𝐄𝐒𝐀 𝐊𝐀 𝐓𝐒𝐄 𝐄𝐀𝐍𝐆 𝐊𝐀 𝐌𝐀𝐋𝐄𝐍𝐆!
..𝒉𝒐 𝒕𝒍𝒐𝒉𝒂 𝒔𝒆𝒍𝒆𝒎𝒐 𝒔𝒆 𝒇𝒊𝒕𝒊𝒍𝒆𝒏𝒈...

15/02/2024 Lesilo News Agency 20:04pm

Lipatlisisong tsa koranta ena tse keneletseng, mophatlalatsi oa koranta ena o fumane h**e ese ele nako monga komponi ea mafura Thabiso Moroahae ea tloalehing ka lebitso la (Tholo) ho le nako a fepa sepolesa se batlileng nyeoe eo ka eona a belaelang a senyelitsoe.

Mophatlalatsi oa koranta ena o sibollotse h**e
ea etelletseng nyeoe ena pele Senior Inspector 'Mathaane Lenea le karolo engoe ea sepolesa e ile ea fuoa moaho matlong a 'muso (government complex room 1018) ele moo batlang ho etsetsoa sohle ke Tholo bale hona teng.

Ho utloahala ha Tholo ana le nako a etsa sohle ho susumetsa sepolesa ho lelekisa eo Tumisang Thahanyane le bo mphato oa hae. Koranta ena e boetse e fumane ha eo Tholo a sebelisa bokhotho-khotho ba chelete e kalo ka sekete (M1000.00 ka letsatsi, ka etsang M30,000.00 ka khoeli, eo ho fihlela ha joale eseng e le M90,000.00 kaha litaba li qalile November 2023) h**e sepolesa se sebetse nyeoe ena.

Mophatlalatsi oa koranta ena o boetse a batla lehlakore la Senior Inspector Lenea empa eo a sheba molaetsa feela. Koranta e ne ile ea sibolla bohashana ba qabang ea Thabiso (Tholo) le bao aba qositseng.

Setŝoantŝong ke makoloi a Tholo a leba nqa ea Mokhotlong moo aneng a isa mafura teng, moo ha morao 'muso o ileng oa khaola maqhama le eena.

15/02/2024

𝐁𝐎 𝐓𝐋𝐄𝐓𝐒𝐄 𝐍𝐓𝐋𝐎 𝐁𝐎𝐒𝐔𝐋𝐔 𝐊𝐀 𝐌𝐀𝐅𝐔𝐁𝐄𝐍𝐆, 𝐇𝐎 𝐊𝐔𝐏𝐀 𝐄𝐀 𝐋𝐈𝐁𝐎𝐍𝐎!
.𝒏𝒕𝒐𝒂 𝒆 𝒍𝒐𝒆𝒕𝒔𝒆...

15/01/2023 Lesilo News Agency 13:42pm

Ntoa e ileng ea runya nakong eo mokha oa Ba*otho Action Party e kenang pusong e loetse. Hone ho ile hoa loana eo eleng mongoli oa mehleng Lebohang Thotanyana le komiti ea naha a supa linthoana-nthoana tseo aneng a hlalosa ha Mahao asa li sebetse hantle.

Kajeno ho utloahala ha litho tse matla tse akhang Tlhabeli Mojapela le bang ba nkile marumo ba loantŝa eo eleng moetapele Nqosa Mahao.

Mahao ose a bile a ngoletse eo eleng mongoli e moholo Tankiso Phapano mokhephahali oa lengolo moo a moqosang kaho mo senya lebitso. Qabang ena e hlahella moo Mahao a batlang ho laela Phapano ho abela bao a ratoang ke eena mosebetsi.

Mahao one a ile a sekisetsa Tlhabeli mosebetsi ka le reng lebatooa le ea loana empa khabareng a boela a thonya lithatohatsi tsa hae mesebetsing emeng a ntse a siea ba bang. Sello sa lehlakore la Phapano ke h**e Mahao o abela litho tse sa sebeletsang BAP h**e ebe e hapile lipalo.

13/02/2024

𝐑𝐀𝐏𝐀𝐏𝐀 𝐎 𝐋𝐔𝐓𝐒𝐄 𝐌𝐀𝐓𝐈𝐂𝐇𝐄𝐑𝐄 𝐌𝐎𝐍𝐀!
..𝒍𝒆𝒌𝒂𝒍𝒂 𝒍𝒂 𝒕𝒉𝒖𝒕𝒐 𝒉𝒂 𝒍𝒆𝒏𝒂 𝒕𝒋𝒆𝒍𝒐...

13/02/2023 Lesilo News Agency 05:38am

Ka mora h**e lekala la thuto le khutlise chelete e kalo ka limillion tse robeli (M8,000,000.00) mokotleng oa 'muso. Matichere a hlahile ale seboko se hlomolang pelo.

Ho utloahala haba kolotoa chelete e ngata eo lekala hale lokela hoba patala ebe letona Ntoi Rapapa o hlahella a bolelisaka bosiko ba chelete. Amang a Matichere ha a*o pataloe chelete ea ho nyolloa mosebetsing le tse ling tse ngata.

"Re ile rahla raba seboko keha ntate enoa a etsoa letona la thuto hobane re motseba, chelete e ngata hakalo ea khutla empa re kolotoa molato." Malereko Nthunya.

Ba bang ba bahlanka kahare ho lekala leo la thuto ba kumetse mophatlalatsa oa koranta ena h**e khang ea ho sebelisa chelete e kolla kahare ho ofisi e rekang thepa (procurement).

"Bothata bo hlaha moo bahlanka ba laeloang h**e na bafe bo mang lithentara, ebe li ofisi tse ling li hulanya maoto ho etsa mosebetsi kaha beng ba tsona ba sekisetsoa h**e le bona ba fane ka batho batho baka fuoang thentara. Sena se bakile likhula-khulano ho fihlela selemo sa lichelete se fela." Ea hlaloselitseng mophatlalatsi oa rona o kopile ho sireletsoa.

11/02/2024

𝐁𝐎 𝐌𝐀𝐊𝐄𝐏𝐈𝐒𝐈 𝐁𝐀 𝐇𝐎𝐋𝐎𝐌𝐎, 𝐁𝐀 𝐂𝐇𝐎𝐀𝐓𝐋𝐈𝐋𝐄 𝐒𝐄𝐈𝐏𝐎𝐍𝐄 𝐊𝐀𝐉𝐄𝐍𝐎!
...𝒃𝒂 𝒌𝒉𝒐𝒕𝒔𝒐 𝒃𝒐𝒉𝒍𝒂𝒔𝒐𝒂 𝒃𝒂 𝒔𝒆𝒑𝒐𝒍𝒆𝒔𝒂...

11/02/2024 Lesilo News Agency 18:30pm

Makoloi a moetso oa Hondafit a reketsoeng sepolesa se etelletsoeng pele ke Compol Holomo Molibeli. A bonahala a tŝoaroe ka bohla*oa ke baselisi ba ona.

"Makoloi ana a lutse ale lebelong le holimo, beng ba ona ba akhela feela kahara tsela empe. Re ipotsa h**e na atle nka nako e kae" Rapapea Sonti

Setŝoantŝong ke koloi ea sepolesa eseng e bonahala temalo.

11/02/2024

𝐋𝐈𝐊𝐇𝐔𝐓𝐒𝐀𝐍𝐀 𝐋𝐈 𝐉𝐄𝐋𝐄 𝐂𝐇𝐄𝐋𝐄𝐓𝐄 𝐄𝐀 𝐓𝐇𝐎𝐋𝐎! 𝐌𝐎𝐊𝐇𝐄𝐑𝐀𝐍𝐄 𝐎 𝐀𝐌𝐄𝐇𝐈𝐋𝐄!
.𝒎𝒐𝒌𝒉𝒆𝒓𝒂𝒏𝒆 𝒐 𝒆𝒎𝒂 𝒍𝒆 𝑻𝒉𝒂𝒏𝒚𝒂𝒏𝒆...

11/02/2024 Lesilo News Agency 06:50am

Leha Tumisang Thahanyane ase a hlongoe thupang ese ele moetsalibe eo libe tsa hae li lileng khubelu. Mokhethoa oa mehleng oa lebatooa la Stadium Area, Mokherane Ts'asanyane o hlahile a ema le Tumisang.

Thahanyane o pakuoe ke sechaba sa Ha-Thamae kaho kenya letsoha mesebetsing ea sechaba kahare ho sebaka seo. Eka Tumisang one a phuthile bacha a bafa mosebetsi sebakeng sa hae sa khoebo se bitsoang Shelly Brown.

Mokherane o pakile taba ena ka h**e nakong eo eneng e ntse ele mokhethoa, Tumisang one a patalla bana ba senang mang ngoe litjeo tsa thuto. Eka Tumisang ha fella moo feela, o boetse one a kenya letsoho nakong ea mariha a fana ka liphahlo hoba hlokang.

Ke hona moo ho felileng mesbetsi e kabang lekholo (100) kaho koaloa ha sebaka sa khoebo moo bacha bana ba Ha -Thamae baneng ba sebetsa teng.

10/02/2024

𝐁𝐀𝐇𝐋𝐀𝐍𝐊𝐀 𝐁𝐀 '𝐌𝐔𝐒𝐎 𝐁𝐀𝐓𝐒̂𝐎𝐀𝐑𝐀 '𝐌𝐔𝐒𝐎 𝐎𝐀 𝐌𝐀𝐓𝐄𝐊𝐀𝐍𝐄 𝐊𝐀 𝐓𝐒𝐄 𝐁𝐎𝐍𝐎𝐋𝐎!
..𝒎𝒐𝒉𝒐𝒂𝒏𝒕𝒐 𝒐𝒕𝒍𝒂 𝒒𝒂𝒍𝒂...

10/02/2024 Lesilo News Agency 08:33am

Mokhatlo oa bahlanka ba 'muso COLEPA, eleng setlamo sa mapolesa, matichere, lingaka le ba bang. Ba ntŝitse polelo e supang ha batla emisa tŝebetso ha nakoana.

Sena setla ka mora hose lumellana ha mokhatlo le 'muso ka nyollo ea moputso. COLEPA e hlalosa ha tukiso ea mohoanto o joalo etla qala ho tloha ka la 12/02/2024..

Kala 23/02/2024 teng etlaba mohoanto o moholo kahare ho teropo ea Maseru ele pontŝo ea nyatso ka seo bahlanka ba se hlalosang ele hose tsotelle.

"Bahlomphehi ba inyollela khafetsa kabo li M5000.00 le tse ling, rona ikopela nyollelo e fokolang 'muso oa hana, re emisa tŝebetso kannete Ba*otho batla re tŝoarela." Ea buileng litaba tsena o kopile ho sireletsoa.

10/02/2024

𝐌𝐀𝐒𝐇𝐎𝐋𝐔 𝐀 𝐓𝐇𝐎𝐋𝐎 𝐄𝐍𝐄𝐑𝐆𝐘, 𝐀 𝐓𝐇𝐔𝐒𝐈𝐓𝐒𝐄 𝐓𝐇𝐎𝐋O 𝐇𝐎 𝐔𝐓𝐒𝐎𝐄𝐓𝐒𝐀 '𝐌𝐔𝐒𝐎!
..𝒂 𝒒𝒂𝒍𝒂 𝒌𝒉𝒐𝒆𝒃𝒐 𝒆𝒂 𝒎𝒂𝒇𝒖𝒓𝒂 𝒂 𝒎𝒂𝒌𝒐𝒍𝒐𝒊...

10/02/2023 Lesilo News Agency 05:54am

Tumisang Thahanyane eo ho utloahalang ele eena moqosuoa oa mofapahloho lipakeng tsa Tholo Energy le ba bang. Ho utloahala a tsebela Tholo ebile ele eena ea thusitseng eo ho etsa linthoana-nthoana.

Hara tse ling Tholo Energy ene e ile ea fuoa mosebetsi oa ho fana ka mafura moo 'muso o ntseng o aha letamohali, Polihali. Ke mona moo makoloi a Tholo aneng a tŝella 'muso moea ebe makoloi a joalo a khutla a ntse a tletse moqeqekohali oa mafura, eka mona Tumisang ona sebelisoa ho etsa litokomane tsetla etsa eka mafura a ile a tŝeloa (invoices, delivered note, le tse ling).

Tabeng ena 'muso hau fumana bosholu bona ba Tholo ba mafura o ile oa khaola maqhama le Tholo Energy.

Bo fufu ba hlalosa ha Tumisang ka litsebo tsa hae tsa lipoloko tsa libuka ane a etsa makhokolotso sa mokana eka tŝebetso e etsahetse hantle. Ka lehlakoreng le leng a etsa mokhobonthithi h**e Tholo a patale lekhetho le lenyane eleng se ileng sa atlehisa Tholo ho qala khoebo ea thekiso ea mafura naha ka bophara.

Se makatsang ba emeng le masholu a Tholo ke h**e na ho qabanoe hampe tjena haho fihloa hokae moo Tholo a ileng a batlela bao bo ramahlale a lipatlisiso tsa libuka (forensic audit) khahlanong le lisebelisoa tsa hae.

Koranta ena etla boela e kenya nko fatŝe ho fumana sesosahali sa taba ena, le mabaka a kenelletseng a ho phethisoa babelaelloa pele nyeoe e oela!

Maikutlo a hao ke afeng Mosotho oa haeso?

03/02/2024

𝐌𝐀𝐓𝐄𝐊𝐀𝐍𝐄 𝐎 𝐇𝐀𝐍𝐀 𝐇𝐎 𝐑𝐄𝐊𝐄𝐋𝐀 𝐓𝐇𝐀𝐁𝐀𝐍𝐄 𝐅𝐎𝐍𝐎!
..𝒉𝒂𝒆𝒔𝒂𝒍𝒆 𝒆 𝒄𝒉𝒐𝒂𝒕𝒍𝒆𝒉𝒂...

03/02/2023 Lesilo News Agency 07:00am

Ho utloahala ha mohala oa thekeng oa Motsoahae o ile oa hatoa ke koloi ka phoso, eaba eo o kopa ofisi e rekang thepa tsa 'muso e mo rekele fono. Ho fihlela lena le holimo Thabane o ntse a*o rekeloe fono.

Mophatlalatsi oa koranta ena o atametse emong oa bahlanka ea kopileng ho sireletsoa. Potsong ea h**e na mabaka ke afe a hose rekele Tom fono, o itse "ofisi ea procurement e laetsoe hose etse order kapa requisition pele ntate Thabane a khutlisa fono ea khale, nka araba hakalo feela."

Ho fihlile ha joale ho utloahala ha Thabane a*o khutlise fono, re boetse ra buisana le emong oa bahlanka ba mehleng ea sebelitseng ofising ea tonakholo (cabinet) eena o itse "ke qala ho utloa ha ho lokeloa ho rekeloa motho fono a batluoa ea khale, meropotso e joalo hoane pele ene ele ntho ea selemo le selemo, eno ea khale ke boikhethelo ba hae h**e na o etsang ka eona."

Makalo Chefa ore "batho bana ba batla fono ea ntate Tom hobane ba batla litaba tse ka mono, hantle hobaneng ntate Matekane a rata lifono tsa batho tje. Ntate Thabane ha rekeloe fono ke phetho ke tuu."

02/02/2024

𝐇𝐎 𝐍𝐘𝐀𝐌𝐄𝐋𝐀 𝐇𝐀 𝐊𝐎𝐏𝐀𝐍𝐎 𝐇𝐎 𝐇𝐋𝐀𝐇𝐈𝐒𝐀 𝐍𝐓𝐋𝐇𝐀!

...𝒌𝒆𝒍𝒆𝒍𝒍𝒐 𝒆 𝒊𝒍𝒆 𝒆𝒂 𝒃𝒂𝒍𝒆𝒉𝒂....

02/0/2024 Lesilo News Agency 18:27pm

Puisanong le setho sa lelapa la 'Mamorake Motjotji eo eleng 'mangoana Kopano Makoele, o hlalositse ha ba ile ba fumana eo ka hara teropo ea Maseru empa kelello esa tsitsa.
_______________________
𝑩𝒂𝒕𝒉𝒐 𝒃𝒂𝒏𝒂 𝒃𝒂 𝒕𝒔𝒆𝒃𝒂 𝒉𝒐 𝒕𝒉𝒐𝒕𝒉𝒂 𝒕𝒉𝒆𝒑𝒂 𝒍𝒆 𝒉𝒐 𝒆 𝒍𝒂𝒐𝒍𝒍𝒂 𝒌𝒂 𝒎𝒂𝒌𝒉𝒆𝒕𝒉𝒆....𝐏𝐑𝐎𝐅𝐄𝐒𝐒𝐈𝐎𝐍𝐀𝐋 𝐌𝐎𝐕𝐄𝐑𝐒 - 𝐋𝐀𝐒 𝐕𝐄𝐆𝐀𝐒 𝐓𝐑𝐀𝐍𝐒𝐏𝐎𝐑𝐓

▪️𝑾𝒆'𝒓𝒆 𝒑𝒓𝒐𝒇𝒆𝒔𝒔𝒊𝒐𝒏𝒂𝒍 𝒕𝒓𝒂𝒏𝒔𝒑𝒐𝒓𝒕 𝒈𝒐𝒐𝒅𝒔 𝒊𝒏 𝒂𝒏𝒅 𝒐𝒖𝒕 𝒐𝒇 𝒕𝒉𝒆 𝒄𝒐𝒖𝒏𝒕𝒓𝒚

▪️𝑳𝒊 𝒄𝒖𝒔𝒕𝒐𝒎𝒆𝒓 𝒕𝒔𝒂 𝒓𝒐𝒏𝒂 𝒕𝒔𝒆𝒍𝒊𝒏𝒈 𝒉𝒂𝒍𝒊 𝒃𝒂𝒕𝒍𝒆 𝒉𝒂 𝒕𝒉𝒆𝒑𝒂 𝒆𝒂 𝒃𝒐𝒏𝒂 𝒆 𝒃𝒐𝒏𝒐𝒂, 𝒕𝒂𝒃𝒂 𝒆𝒐 𝒓𝒆'𝒆 𝒂𝒓𝒂𝒃𝒆𝒕𝒔𝒆 𝒓𝒐𝒏𝒂 𝒃𝒂 𝑳𝒂𝒔 𝑽𝒆𝒈𝒂𝒔 𝑻𝒓𝒂𝒏𝒔𝒑𝒐𝒓𝒕

☎️𝑪𝒂𝒍𝒍 𝒖𝒔 𝒐𝒏:- 63657340/ 50922791
🥏𝑾𝒉𝒂𝒕𝒔𝑨𝒑𝒑: 𝒘𝒂.𝒎𝒆/63657340
--------------------------------------
O hlalosa haba ile ba mo nka ba mo isa sepetlele mohlomi moo ha morao Kopano o ile a lokolloa. Sena se makalitse ba lelapa kaha taba ena e qala ho etsahalla Kopano.

02/02/2024

𝐁𝐀𝐓𝐒̂𝐎𝐀𝐑𝐔𝐎𝐀 𝐁𝐀 𝐏𝐇𝐄𝐋𝐀 𝐋𝐈𝐇𝐄𝐋𝐄𝐍𝐆!

...'𝒎𝒖𝒔𝒐 𝒐 𝒏𝒚𝒂𝒉𝒍𝒂𝒍𝒊𝒕𝒔𝒆 𝒃𝒂𝒕𝒔̂𝒐𝒂𝒓𝒖𝒐𝒂...

02/02/2024 Lesilo News Agency 08:13am

Mona ke meoho ea setsi sa tlhabollo seterekeng sa Quthing moo ho bonahalang meaho ea boroko moo batŝoaruoa ba robalang teng.

Marulelo a bonahala ele a khale ha meaho e hlalosoa ele ea lilemo tse fetang mashome a mane a fitileng. Batŝoaruoa ba robala ka likobo tsa khale ha liaparo tseo ba liaparang li tabohile.

Ea buisaneng le mophatlalatsi oa koranta ena a hlalosa le lijo ele masisa-pelo, sebaka se joalo se sa sireletsoa ho latela lipehelo. Maemo ele asa khotsofatseng le bahlanka ba alositseng batŝoaruoa.

Maikutlo a hau ke afe ho latela seo ose tsebang ka setsi sa tlhabollo seterekeng sa haeno o bona maemo ele a joang, o bona eka batŝoaruoa batla tsoa moo ba hlabolohile?

02/02/2024

𝐊𝐎𝐏𝐀𝐍𝐎 𝐎 𝐅𝐔𝐌𝐀𝐍𝐄𝐇𝐈𝐋𝐄!
..𝒐 𝒔𝒆𝒑𝒐𝒍𝒆𝒔𝒆𝒏𝒈...

02/02/2024 Lesilo News Agency 07:46am

Kopano Makoele ea ileng a tlalehoa ke ba lelapa a nyametse, o fumanehile Maseru ka boemelong ba makoloi a baeti Lepoqong.

Lelapa le leboha bohle ba nkileng karolo ele ka lithapelo le ho etsa mekutu eohle ho thusaneng ho fumana mora eo oa bona.

31/01/2024

𝐋𝐄𝐓𝐎𝐍𝐀 𝐋𝐄 𝐒𝐇𝐎𝐄𝐋𝐄!
.𝑴𝒂𝒕𝒋𝒂𝒕𝒐 𝑴𝒐𝒕𝒆𝒂𝒏𝒆...

01/01/2024 Lesilo News Agency 11:46am

Ke nakong ena eo ho bonahalang ho qoba lerole ho lokisoa litsela tse senyehileng tse kenang ka hare ho teropo ea Maseru le tse kahare ho eona.

Bo fufu ba supa ha letona Matjato Moteane a ile a botsa Tŝepang Koele a shoele ke litŝeo h**e ba ile ba hloloa ke eng ho lokisa litsela nakong e fitileng.

Tŝepang Koele e ile ea eba mongoli e moholo lekaleng la litsela le lipalangoang pusong ea tonakholo ea mehleng Moeketsi Majoro, o boetse e ntse ele mongoli e moholo lekaleng leo.

Ke mekontereka e 'maloa e ileng ea abeloa mesebetsi ho lokisa litsela tse joalo.

Setŝoantŝong ke tsela e hlahang seputana e leba nqa ea setenshining Maseru. Hara litsela tse ntseng li tsoelapele ho lokisoa ke tsela ea Ha-Thetsane e hlahang ha Pena-pena le Lekhalaneng.

31/01/2024

𝐁𝐀𝐅𝐀𝐍𝐀 𝐁𝐀𝐅𝐀𝐍𝐀 𝐁𝐀 𝐉𝐀𝐈𝐅𝐈𝐒𝐀 𝐌𝐎𝐑𝐎𝐂𝐂𝐎 𝐒𝐊𝐎𝐌𝐎𝐓𝐀!

𝑺𝒌𝒐𝒎𝒐𝒕𝒂 𝒎𝒂𝒄𝒉𝒂𝒃𝒆𝒏𝒈..

31/01/2023 Lesilo News Agency 07:58am

Sehlopha sa naha sa papali ea bolo ea maoto Bafana Bafana se fetela mokhahlelong oa tse robeli tsa ho qetela lipapaling tse ntseng li tsoelapele naheng ea Ivory Coast.

Evidence Makhopa o hlabile ntlha ea pele karolong ea bobeli ea papali a keteka ntlha ea hae ka ho tantŝa joalo ka mohlankana ea tummeng ka lebitso la Skomota.

Afrika Boroa etla kopana le naha ea Cabo Verde e bonahalang e kapile mollo kaha e ile ea hlola naha ea Ghana. Teboho Mokoena o hlabile ntlha ea bobeli karolong ea bobeli ea papali, Bafana Bafana 2-0 Morocco.

31/01/2024

𝐊𝐎𝐏𝐀𝐍𝐎 𝐌𝐀𝐊𝐎𝐄𝐋𝐄 𝐎 𝐍𝐘𝐀𝐌𝐄𝐓𝐒𝐄, 𝐑𝐄 𝐁𝐀𝐓𝐋𝐈𝐒𝐄𝐍𝐆!
..𝒓𝒆 𝒌𝒐𝒑𝒂 𝒕𝒉𝒖𝒔𝒐...

31/02/2024 Lesilo News Agency 06:41am

Mohlankana ea setŝoantŝong o tlalehoa ke ba lelapa a qetetse ho bonoa ka 28/01/2024 Lipompong pela Lancers Gap High School.

O qetetse ho bonoa a apare borikhoe bo navy blue bo mola o mosoeu, kobo e tala le lieta tse ntŝo. Hau ka 'mona letsetsa 639984414, 62704866,57205510,57126116,62092142

30/01/2024

𝐌𝐎𝐒𝐀𝐋𝐈 𝐄𝐀 𝐁𝐄𝐓𝐔𝐎𝐄𝐍𝐆 𝐓𝐇𝐄 𝐌𝐀𝐑𝐊𝐄𝐓 𝐎 𝐅𝐔𝐌𝐀𝐍𝐀 𝟏𝐌𝐈𝐋́𝐋𝐈𝐎𝐍, 𝐌𝐎𝐄𝐓𝐒𝐈 𝟑𝐌𝐈𝐋𝐋𝐈𝐎𝐍, 𝐇𝐀𝐏𝐀 𝐀𝐈𝐑𝐓𝐈𝐌𝐄!
.𝒃𝒐𝒍𝒆𝒍𝒂 𝒑𝒂𝒍𝒐...

30/01/2024 Lesilo News Agency 21:41pm

Lesilo News Agency e fana ka airtime ea boleng ba lekholo (M100.00) ho ea tla nepa lipalo tse ngotsoeng ka tlase. Tsena ke lipalo tsa batho ba balileng litaba tsa mosali ea tsetetseng ngoana oa hae oa lesea le litaba tsa Pricilla Hakane ea llang ka Katara Ray Bulane ea reng o mo betile.

Tlholisano e qala kajeno etla fella boesa ka eona nako ena, o ngola ka matsoe lipalo tse hlahang litŝoantŝong tse ka tlase. Mohloli otla phatlalatso a bile a fuoa monyetla oa ho bapatsa khoebo ka litsebo tseo anang le tsona ebang a kaba le thahasello ea ho etsa joalo.

30/01/2024

𝐌𝐎𝐂𝐇𝐀 𝐎𝐀 𝐌𝐎𝐑𝐔𝐓𝐄𝐈𝐇𝐀𝐋𝐈 𝐎 𝐈𝐓𝐇𝐀𝐎𝐏𝐄𝐋A 𝐇𝐎 𝐓𝐇𝐔𝐒𝐀 𝐁𝐀𝐂𝐇𝐀 𝐁𝐀 𝐁𝐀𝐍𝐆!
.𝑵𝒕𝒋𝒆𝒍𝒐 𝒐 𝒊𝒌𝒆𝒕𝒔𝒂 𝒔𝒆𝒉𝒍𝒂𝒃𝒆𝒍𝒐...

30/01/2024 Lesilo News Agency 18:12pm

Moroetsana ea balileng oa Hloahloeng ebile ele morupelli sekolong se seholo sa sechaba (NUL) Pontŝo Ntjelo, o iphetotse mosamaria ea molemo ho thusa bacha basa atlaheng ho ntŝetsa lithuto tsa bona pele.

Utloa Ntjelo oreng "Ke ithaopela ho thusa bana ba lona ba qetang ho ngola LGCSE basa sebetsang hantle, basa tsebeng na ba lokela ho etsa joang h**e ba fihle University kapa college-ng, ka career guidance. Keya tseba emong le emong o inahanetse holo supplementa fela, and most of them ntse batlo feila tsona li supp tseno motho aba ngale."

" Haeba uka atleha ho lefa chelete ea ho supplementa le exam fee, sena se bolela h**e oka atleha ho school fees College oa etsa certificate etla e thusa ho applyela diploma, etla u thusa ho apply-ela degree. Tertiary hoa paseha haho tŝoaane le high school! Leka kena inbox yaka!"

30/01/2024

𝐁𝐀𝐍𝐊𝐀 𝐄 𝐍𝐘𝐄𝐓𝐋𝐄𝐋𝐄𝐓𝐒𝐀 𝐌𝐎𝐒𝐀𝐋𝐈 𝐄𝐀 𝐈𝐏𝐀𝐁𝐎𝐓𝐒𝐄𝐍𝐆 𝐌𝟒𝟎,𝟎𝟎𝟎.𝟎𝟎!
..𝒔𝒆𝒌𝒐𝒍𝒐 𝒔𝒂 𝒉𝒂𝒆 𝒔𝒆𝒆𝒂 𝒉𝒐𝒍𝒂..

31/01/2024 Lesilo News Agency 16:21pm

Puisanong le mophatlalatsi oa koranta ena, mothehi ebile ele mookameli oa sekolo sa Mamello School and Special Needs Centre se fumanehang Maseru, Naleli, Harasetimela Kefuoe Nkuoatsana. O hlalositse ha sekolo seo ase tsamaisang se hapile khau ea ho matlafatsa sekolo hotsoa ho Standard Lesotho Bank.

"Rene re kenetse tlholisano ena rele robeli eaba sekolo sa rona setsoa ele sona mohloli. Re amohela bana bohle empa kaho khetholoha ba nang le litlhoko tse ikhethang. Mpho ena e tsamaea le h**e retla emela naha ea Lesotho tlholisanong engoe naheng ea Kenya ka April." Ke Nkuoatsana eo. Standard Lesotho Bank e matlafalitse sekolo sa Nkuoatsana kaho sefa likete tse mashome a mane a maluti M40,000.00.

Nkuoatsana ke emong oa bacha ba ileng ba khetha ho ithehela mosebetsi ka litsebo tseo ali fumaneng sekolong se seholo sa sechaba ele tichere.

Leseli Khauta ore "kene kena le ngoana oa ausi oaka a phelang le bokooa bo nkekeng ka bohlalosa mona empa ausi eno o ile a momamella a kena sekolo moo, kannete a ithuta hantle aba phethela lithuto tsa hae ka katleho. Rea molebohela ha Ba*otho ba bang ba ntse ba bona bohlokoa ba hae."

30/01/2024

𝐒𝐄𝐀𝐋𝐄𝐌𝐎𝐄𝐀 𝐒𝐀 𝐓𝐒̂𝐄𝐍𝐎𝐋𝐎 𝐒𝐄 𝐎𝐄𝐋𝐀 𝐋𝐄𝐑𝐀𝐁𝐄𝐍𝐆 𝐋𝐀 𝐌𝐀𝐈𝐍𝐎𝐀𝐍𝐄!
..𝑴𝒂𝒊𝒏𝒐𝒂𝒏𝒆 𝒐 𝒃𝒂𝒕𝒍𝒂 𝒌𝒉𝒂𝒕𝒊𝒔𝒐...

30/01/2024 Lesilo News Agency 06:53am

Rearabiloe Mainoane ea tummeng tummeng ho marang-rang a Facebook kaho buoa litaba tsa lipolotiki. O batla khatiso ho sealemoea sa Tŝenolo FM ka seboholi sa sona se ipitsang Sebolai oaka lihlabeng eo mabitso a hae ha feletse eleng Abiel Sebolai.

Mainoane o seboko ka seboholi seo h**e se mohobositse asa moetsa letho ka hona o batla khatiso ea lenaneo moo Sebolai a buileng ka eena.

Eka Sebolai o itse "nna hake moshanyana bana ba kang bo Rearabiloe ba rongoang ba emetseng ho kena Home Affairs, kapa o batla ho mela litsebe."

Ese ekaba bapolotiki ba 'maloa ba seboka ka seboholi seo kaha hara ba bang eo eleng phala ea Ba*otho Action Party a kile a lla seboko ka h**e eo o ile a mo mema sealemoeeng empa a beha sethunya tafoleng nakong eo lenaneo le ntseng le tsoelapele.

29/01/2024

𝐌𝐎𝐋𝐀𝐓𝐈 𝐎 𝐊𝐄𝐍𝐀 𝐊𝐀 𝐇𝐀𝐑𝐀 𝐌𝐀𝐅𝐔𝐑𝐀!
..𝒌𝒆 𝒓𝒂𝒍𝒊𝒑𝒉𝒂𝒕𝒍𝒂𝒍𝒂𝒕𝒔𝒐 𝒆 𝒎𝒐𝒄𝒉𝒂...

29/01/2024 Lesilo News Agency 21:32pm

Puisanong le mophatlalatsi oa koranta ena, seboholi sa mehleng sa 357 le ACL Radio, Lebese Tsokotsa Molati o hlalosa ese ele eena raliphatlatso oa sehlopha sa papali ea bolo ea maoto sa Limkwokwing University of Creative Technology.

"Ho joalo ntate ho tloha ha ke buoa le uena tjena ke raliphatlalatso e mocha oa sehlopha, empa nkase kene ka botebo likateng tsa litumellano tsaka le sehlopha seo." Molati a hlalosa.

Sehlopha sa Limkwokwing ke tsa se seng tse holang hantle ebile se bonahala sena le tsamaiso e batsi. Sehlopha sena se bapala liking e kholo ea naha.

Rona ba Lesilo News Agency re ntse re tsoelapele ho lakaletsa baphatlatsi 'moho le rona likatlehong tsa bona.

29/01/2024

𝐊𝐀𝐓𝐀𝐑𝐀 𝐎 𝐏𝐀𝐓𝐄𝐓𝐒𝐄 𝐌𝟏𝟓𝟎𝟎,𝟎𝟎 𝐅𝐄𝐄𝐋𝐀, 𝐊𝐀 𝐏𝐄𝐓𝐎!
.𝒏𝒚𝒆𝒐𝒆 𝒆𝒕𝒍𝒂 𝒕𝒔𝒐𝒆𝒍𝒂 𝒑𝒆𝒍𝒆..

29/01/2024 Lesilo News Agency 16:18pm

Nyeoeng eo ka eona Reabetsoe "Katara" Bulane a qosoang ka pelaello ea peto ke Pricilla Hakane, The Market. O lokollotsoe ka ho patala chelete e kalo sekete le makholo a mahlano M1500.00.

Katara otla boela a hlaha khotla hape khoeling etlang kala 19. Sena se lokolla h**e lipatlisiso tse kenelletseng li etsahale.

Lekhotla ka maseterata Nthabiseng Moopisi le ile la kholiseha h**e eo akeke a kena-kenana le lipatlisiso kapa hona ho tŝosa 'melaelloa.

29/01/2024

𝐒𝐄𝐁𝐈𝐍𝐈 𝐒𝐀 𝐌𝐎𝐊𝐇𝐄𝐑𝐀𝐍𝐄 𝐒𝐄 𝐌𝐎 𝐓𝐋𝐄𝐋𝐀 𝐊𝐀 𝐌𝐄𝐋𝐄𝐊𝐎!
.𝑴𝑪𝑻 𝑬𝒏𝒕𝒆𝒓𝒕𝒂𝒊𝒏𝒎𝒆𝒏𝒕 𝒆 𝒎𝒂𝒌𝒆𝒕𝒔𝒆...

29/01/2023 Lesilo News Agency 15:52pm

Puisanong le mophatlalatsi oa koranta ena, mookameli oa komponi ea 'mino e bitsoang MCT Entertainments e hlahisitseng talenta ea Thaabe Letsie "Ntate Stunna" hara ba bang e makalletse sebini se seng sa eona.

"Kene ke bone Lerato Clifford Moleko a bina lefung le leng eaba ke ea mo nka ke moreha Khosi ele lebitso la hae la sethaleng (stage name) h**e a rekisehe habonolo, ka mothusa ho ntŝa lipina tse ling. Le ha li sa ka tsa sebetsa hantle hakalo ke ile ka tsoelapele ho mothusa hoea pele. Ke mona moo ereng ha ke qeta ho mothusa ho hatisa pina ea lerato eo MCT Entertainments eneng e rerile ho e ntŝa ka Valentines Day, ebe ose a e ntŝitse a le mong ka thoko koana e le motho." Ke Mokherane eo.

Ho utloahala ha seboko sa Lerato ele h**e o bona eena asa tsotelloe ke MCT Entertainments e shebane le libini tse ling. Mokherane ha otlolla ena ore eo esale are o ea sekolong ebile o ne a ntsa a sebetsa le libini tse ling tse kang Chifasa le 'Malichelete. Mokherane o bolela ha Khosi a sebelisitse MCT Entertainments ho ntŝa pina eleng ntho esa amoheleng kaha pina e joalo ese ea sebini seno ele ea komponi ea hae.

Address

Maseru

Telephone

+26663920906

Website

http://www.lesilo.co.ls/

Alerts

Be the first to know and let us send you an email when Lesilo News Agency posts news and promotions. Your email address will not be used for any other purpose, and you can unsubscribe at any time.

Videos

𝐌𝐀𝐊𝐇𝐔𝐁𝐄 𝐎 𝐁𝐄𝐇𝐀 𝐏𝐎𝐒𝐎𝐒𝐄𝐋𝐎 𝐒𝐄𝐅𝐀𝐇𝐋𝐄𝐇𝐎𝐍𝐆 𝐒𝐀 𝐌𝐎𝐓𝐋𝐎𝐓𝐋𝐄𝐇𝐈! ...𝒎𝒂𝒌𝒉𝒖𝒃𝒆 𝒐 𝒃𝒊𝒏𝒏𝒆.. 18/02/2024 Lesilo News Agency 08:38am Balateli ba koranta ena ba hlahile ka makhalo ho fapana ba kopa setlabolane sa Mahlomola Makhube moo a tŝelisang Pakalitha. Shebella pososelo e sefahleng sa Rabasotho! Seo re se fumaneng ke sena, molemong oa hose utsoe likhatiso tsa baphatlalatsi ba bang le boqapi ba bona, elelloa hore video eo e sebelitsoe le ho hatisoa ka makhethe ke Joseph Ntakha! 𝑪𝒐𝒖𝒓𝒕𝒆𝒔𝒚 𝒐𝒇 𝑱𝒐𝒔𝒆𝒑𝒉 𝑵𝒕𝒂𝒌𝒉𝒂 𝒗𝒊𝒅𝒆𝒐𝒔

𝐁𝐀𝐂𝐇𝐀 𝐁𝐀 𝐅𝐄𝐓𝐎𝐋𝐀 𝐌𝐀𝐇𝐀𝐎 𝐌𝐎𝐓𝐋𝐀𝐄, 𝐒𝐇𝐄𝐁𝐄𝐋𝐋𝐀 𝐕𝐈𝐃𝐄𝐎! ...𝒎𝒂𝒓𝒆𝒕𝒍𝒂𝒏𝒆 𝒐𝒂 𝒌𝒆𝒏𝒆𝒍𝒍𝒂... 16/02/2024 Lesilo News Agency 20:30pm

𝐌𝐀𝐌𝐄𝐋𝐀 𝐋𝐄𝐁𝐎𝐇𝐀𝐍𝐆 𝐌𝐀𝐊𝐄𝐓𝐀 𝐀 𝐁𝐔𝐎𝐀 𝐊𝐀 𝐌𝐎𝐒𝐄𝐁𝐄𝐓𝐒𝐈 𝐎𝐀 𝐇𝐀𝐄 𝐎 𝐌𝐀𝐍𝐎𝐍𝐈! ...𝑴𝒂𝒌𝒆𝒕𝒂 𝒌𝒆 𝒎𝒐𝒐𝒌𝒂𝒎𝒆𝒍𝒊... 26/01/2024 Lesilo News Agency 09:14am Maketa o hlalosa tsa mosebetsi o mocha puisanong le rona ba Lesilo News Agency. Mamela khatiso ka tlase!

SHEBELLA VIDEO SA NGOANANA A BETUOENG THE MARKET! 21/01/2023 Lesilo News Agency 16:53pm Molateli oa Lesilo News Agency o bona eka moroetsana eo o tsoile ka ntloaneng ana le khotso le 'melaelloa oa peto joalo kaha The Market e hlalosa? Maikutlo!

𝐍𝐓𝐀𝐊𝐇𝐀 𝐎 𝐈𝐋𝐄 𝐀 𝐅𝐈𝐇𝐋𝐀, 𝐀 𝐏𝐀𝐋𝐀𝐌𝐀 𝐒𝐄𝐅𝐎𝐅𝐀𝐍𝐄 𝐀𝐁𝐀 𝐒𝐈𝐄𝐀 𝐁𝐀 𝐍𝐓𝐒𝐄 𝐁𝐀 𝐏𝐎𝐋U𝐊𝐀𝐍𝐀 𝐋𝐄𝐑𝐎𝐄𝐋𝐄𝐍G! ...𝒐 𝒉𝒐𝒑𝒐𝒕𝒔𝒂 𝒎𝒐𝒍𝒐𝒎𝒐 𝒍𝒊𝒕𝒂𝒃𝒂... 18/01/2023 Lesilo News Agency 08:17am Hara litaba tseo Joseph "Ndades" Ntakha a ile ali hopotsa mapotoana nakong eo ho utloahalang eka baea mohlasela ke tse hlahellang khatiso-ponong. Ntakha ke motho oa ho beha litaba asa tŝoha le ho li beha lile joalo, mamela o mamelisitse maikutlo a Ndades.

𝐌𝐀𝐂𝐇𝐄𝐒𝐄𝐓𝐒𝐀 𝐎 𝐍𝐘𝐄𝐁𝐄𝐊𝐎𝐋𝐋𝐀 𝐏𝐄𝐋𝐀𝐄𝐋𝐎 𝐄𝐀 𝐁𝐎𝐁𝐎𝐋𝐔! ...𝑳𝒆𝒕𝒔̂𝒆𝒏𝒈 𝒍𝒆 𝒎𝒂𝒌𝒂𝒕𝒔𝒂 𝒎𝒂𝒑𝒂𝒓𝒂𝒎𝒆𝒏𝒕𝒆... 17/11/2023 Lesilo News Agency 10:26am Moetapele oa mokha oa sechaba sa Basotho, Machesetsa Mofomobe, o ngolletse letona la lirashoa lengolo le lipotsohali. Machesetsa o batla tlhakisetso ea hore na morafo oa Letŝeng o rekile thepa ea tonakholo Matekane ka bokae hang hore eo a khaole maqhama le ona. Seqhoba-Thokoa o hlalosa ha Matekane a ile a ruisoa ke tonakholo ea mehleng Pakalitha Mosisili ka ho etsa molao oa 2005 moo honeng hothoe Basotho ba hoebe ka lirashoa. Se makalitseng Machesetsa ke hore eo Matekane ha ele tonakholo ha atsoa ka hare ho morafo ha batle ha Basotho ba kena eena o lumellana le morafo o ho irafela ebile ao rekisetsa thepa.

𝐁𝐀 𝐁𝐈𝐍𝐄𝐋𝐀 𝐌𝐀𝐓𝐄𝐊𝐀𝐍𝐄 𝐁𝐀𝐂𝐇𝐀! ...𝒀𝒆𝒎𝒃𝒆.. 17/10/2024 Lesilo News Agency 06:23am Mamela mocha a bineng 'mino oa morao-rao moo a binelang tonakholo Matekane.

𝐌𝐀𝐓𝐄𝐊𝐀𝐍𝐄 𝐎 𝐓𝐒̂𝐎𝐄𝐋𝐀 𝐌𝐀𝐒𝐇𝐀𝐋𝐀, 𝐌𝐀𝐏𝐀𝐑𝐀𝐌𝐄𝐍𝐓𝐄 𝐀 𝐑𝐀𝐓𝐀 𝐌𝐀𝐓𝐋𝐀! ...𝒕𝒐𝒏𝒂𝒌𝒉𝒐𝒍𝒐 𝒆 𝒆𝒕𝒔𝒂 𝒑𝒐𝒍𝒆𝒍𝒐.. 16/10/2023 Lesilo News Agency 10:28am Mamela polelo e qetang ho etsoa ke tonakholo Matekane mabapi le ho ketoloa ha 'muso.

𝐒𝐄𝐂𝐇𝐀𝐁𝐀 𝐒𝐀 𝐌𝐎𝐊𝐇𝐎𝐓𝐋𝐎𝐍𝐆 𝐒𝐄𝐁𝐎𝐊𝐎! ...𝒍𝒆𝒌𝒂𝒍𝒂 𝒍𝒆 𝒃𝒂 𝒎𝒂𝒌𝒂𝒍𝒊𝒕𝒔𝒆... 20/09/2023 Lesilo News Agency 16:17pm Mamela mathata ao barui ba liphoofolo ba tobaneng le ona ka ho fosoa hoa tora e lumellang baramehlape ho tlaleha mekhosi ka nako. Ranku Likae ea kopileng ho sireletsoa ore "Tora ea likhokahano tsa marang-rang a mohala oa letsoho o hlongoa ho sele moo letona le sa supang. Sena se etsahetse Sanqebetho J03, tora ene e tšoaetsoe sebaka sa Matlaong hore e tle e thuse sechaba sa motse oo le balisana meraka masholu a nyolla liphoofolo tsa MaZulu ka Natala. Hape, kaha sebaka sena se maloting, haufi le mohloli oa noka ea Mokhotlong. Balisana ba ne ba tla hlaba mokhosi ha bobebe joale tora e hlongoe tlaase ka hare ho noka."

𝐌𝐎𝐂𝐀𝐍𝐒𝐄𝐋𝐀𝐑𝐀 𝐎 𝐏𝐇𝐎𝐍𝐘𝐎𝐇𝐀 𝐋𝐄𝐅𝐔 𝐊𝐀 𝐌𝐎𝐇𝐋𝐎𝐋𝐎! ..𝒍𝒊𝒌𝒉𝒆𝒕𝒉𝒐 𝒕𝒔𝒂 𝒑𝒖𝒔𝒐 𝒆𝒂 𝒍𝒊𝒃𝒂𝒌𝒂... 13/09/2023 Lesilo News Agency 05:51am Mamela litaba tsa monna ea reng o phonohile lefu nakong ena ea likhetho tsa puso ea libaka.

'𝐌𝐀𝐁𝐀𝐓𝐋𝐎𝐔𝐍𝐆 𝐎 𝐈𝐏𝐄𝐏𝐈𝐒𝐈𝐓𝐒𝐄 𝐀𝐁𝐀 𝐓𝐒𝐄𝐓𝐄𝐋𝐀 𝐒𝐄𝐓𝐎𝐏𝐎 𝐒𝐀 𝐍𝐆𝐎𝐀𝐍𝐀! ....𝑩𝒂𝒔𝒂𝒍𝒊 𝒃𝒂 𝒉𝒂𝒍𝒆𝒇𝒊𝒍𝒆... 04/09/2023 Lesilo News Agency 10:48am Shebella setŝoantŝo sa mosali ea ileng a ipepisa lesea aba se setsetela ha basali ba mo laela hose tsetolla.

𝐍𝐓𝐇𝐎𝐌𝐄𝐍𝐆 𝐌𝐀𝐉𝐀𝐑𝐀 𝐊𝐄 𝐒𝐄𝐇𝐎𝐋𝐄! ....𝒃𝒐𝒉𝒐𝒍𝒆 𝒆𝒌𝒂𝒓𝒆 𝒃𝒐𝒓𝒆𝒏𝒂... 22/08/2023 Lesilo News Agency 10:37am Mamela mokhethoa oa Ha-Abia ha buoa ka pulo ea Paramente.

𝐓𝐇𝐀𝐁𝐀-𝐓𝐄𝐋𝐋𝐄 𝐎 𝐊𝐇'𝐎𝐄𝐅𝐄𝐋𝐀 𝐌𝐀𝐓𝐄𝐊𝐀𝐍𝐄! ...𝑴𝒂𝒕𝒆𝒌𝒂𝒏𝒆 𝒐𝒔𝒆 𝒂 𝒌𝒉𝒆𝒏𝒏𝒆.. 14/08/2023 Lesilo News Agency 16:10pm Imamelle nelehetsano ea mantsoe a matla lipakeng tsa moetapele oa letŝolo la ntlafatso ea moruo Sam Matekane, le monna ea tummeng ka lebitso la Thaba-Telle, eo lebitso la hae la nnete ele Francis Ramosetle.

𝐌𝐎𝐍𝐆𝐀 𝐓𝐖𝐈𝐓𝐓𝐄𝐑 𝐎 𝐁𝐔𝐎𝐀 𝐌𝐀𝐒𝐄𝐏𝐀! ...𝑴𝒂𝒍𝒆𝒎𝒂 𝒐 𝒉𝒂𝒍𝒆𝒇𝒊𝒍𝒆... 10/08/2023 Lesilo News Agency 09:33am Letsoalloa la Afrika Boroa ebile ele eena mookameli oa sehlahisoa sa Twitter Alon Mask, o li thotse li chesa. Mask o ile a ngola hore moetapele oa EFF, Julius Malema o susumetsa polao ea makhooa Afrika Boroa. Malema ha araba Mask o itse "o bolela masepa" Tsena li etsahetse hang hore Malema a bine pina ereng "kill the farmer, kill the boer" eleng se bolelang "bolaea rapolasi, bolaea leburu"

𝐌𝐎𝐅𝐔𝐌𝐀𝐇𝐀𝐋𝐈 𝐎 𝐁𝐎𝐍𝐓𝐒̂𝐈𝐓𝐒𝐄 𝐋𝐈𝐓𝐒𝐄𝐁𝐎 𝐓𝐒𝐀 𝐇𝐎 𝐓𝐀𝐍𝐓𝐒̂𝐀 𝐊𝐀 𝐌𝐀𝐊𝐇𝐄𝐓𝐇𝐄! ....𝒎𝒐𝒏𝒂𝒕𝒆 𝒐𝒂 𝒎𝒐𝒌𝒆𝒕𝒆𝒏𝒈... 18/07/2023 Lesilo News Agency 10:05am Ke moketeng moo ho hlahellang ha Mofumahali 'Masenate Bereng Seeiso a bontŝitseng bokhabane ba ho tjeka ka makhethe a hlollang. Shebella video ka tlase!

𝐌𝐎𝐓𝐋𝐎𝐓𝐋𝐄𝐇𝐈 𝐂𝐇𝐄𝐋𝐄𝐓𝐄𝐍𝐆 𝐓𝐒𝐀 𝐁𝐀𝐒𝐎𝐓𝐇𝐎! ....𝒔𝒆𝒇𝒂𝒉𝒍𝒆𝒉𝒐 𝒔𝒂 𝑹𝒂𝒃𝒂𝒔𝒐𝒕𝒉𝒐.. 14/07/2023 Lesilo News Agency 11:04am Banka e kholo ea Lesotho bookameling ba Dr Maluke Letete, hlahisitse mofuta o mocha oa Maloti onang le sefahleho sa Motlotlehi Letsie oa boraro. Shebella video e ka tlase ho e bona.

𝐌𝐎𝐊𝐇𝐄𝐓𝐇𝐎𝐀 𝐎 𝐍𝐘𝐄𝐊𝐄𝐓𝐒𝐎𝐄 𝐊𝐄 𝐋𝐈𝐊𝐇𝐈𝐑𝐎 𝐓𝐒𝐀 𝐁𝐎𝐍𝐘𝐀𝐓𝐒𝐈! ...𝑴𝒂𝒌𝒉𝒂𝒍𝒂𝒏𝒚𝒂𝒏𝒆 𝒐𝒂 𝒑𝒉𝒂𝒉𝒍𝒐𝒉𝒂... 28/06/2023 Lesilo News Agency 19:06am Mokhethoa oa Ha-Abia Jacob Makhalanyane, o hlahelletse khatisong ea lentsoe moo a hlalosang ba buile e bile ba khathetse ke khiro ea seoeso-oeso. Makhalanyane o hlalosa ha bakhethoa beo eleng matona ba hira bana ba bo bona, linyatsi, ba amani le ba pela bona. Mamela khatiso ka tlase.

𝐒𝐄𝐋𝐋𝐎𝐀𝐍𝐄 𝐎 𝐇𝐋𝐀𝐇𝐈𝐒𝐀 𝐓𝐀𝐋𝐄𝐍𝐓𝐀 𝐄𝐀 𝐇𝐎 𝐓𝐒𝐀𝐍𝐘𝐀𝐎𝐋𝐀! ...𝑻𝒉𝒂𝒌𝒂𝒏𝒚𝒂𝒏𝒆 𝒌𝒆 𝒎𝒐𝒕𝒋𝒐𝒍𝒊.... 28/06/2023 Lesilo News Agency 17:55pm Mosali oa mosotho ea tummeng ho marang-rang, Selloane Thakanyane, o hlahisitse engoe ea litalenta tsa hae. Thakanyane o hlahelletse a tsanyaola sa tsoere mohlakeng a bina pina ka puo e khubelu. Ba motsebang bare ke morali oa molisa oa meea ea batho Kerekeng ea Pholoho, pina ke lelomolo ho lekaota lena. Shebella video!

𝐋𝐄𝐇𝐎𝐋𝐔𝐎𝐓𝐒𝐎𝐀𝐍𝐀 𝐋𝐄 𝐁𝐎𝐋𝐀𝐈𝐋𝐄 𝐁𝐀𝐓𝐇𝐎 𝐃𝐔𝐑𝐁𝐀𝐍! ...𝒎𝒂𝒕𝒍𝒐.𝒂 𝒔𝒆𝒏𝒚𝒆𝒉𝒊𝒍𝒆.. 28/06/2023 Lesilo News Agency 07:01am Ke selemong se fetileng ha batho ba bangata ba bolaoa ke likhohola tse mpe Porofensing ea Natala. Hara ba ile ba hlokahala hone ho ena le Basotho moo. Likhohola tse joalo li bonahala li qalella le selemong sena. Ke hona moo matlo a leshongoana a bonahalang a ntse a sengoa ke leholuotsoana lena. Shebella video ka tlase!

𝐊𝐇𝐄𝐋𝐄𝐊𝐄 𝐄𝐀 𝐄 𝐑𝐎𝐊𝐀 𝐌𝐎𝐅𝐔 𝐌𝐀𝐁𝐈𝐓𝐋𝐄𝐍𝐆! ....𝑰𝒕𝒖𝒎𝒆𝒍𝒆𝒏𝒈 𝑴𝒐𝒉𝒂𝒏𝒐𝒆... 17/06/2023 Lesilo News Agency 09:09am Sehopotsong sa mofu Kopano Makutuoa, seroki se tumeng Itumeleng Mohanoe o ntŝitse litsebo tsa hae. _____________________________ 𝑯𝒂 𝒖 𝒃𝒂𝒕𝒍𝒂 𝒉𝒐 𝒆𝒕𝒔𝒂 𝒍𝒊𝒑𝒂𝒑𝒂𝒕𝒔𝒂 𝒕𝒔𝒂 𝒌𝒉𝒐𝒆𝒃𝒐 𝒆𝒂 𝒉𝒂𝒖 𝒌𝒂 𝒍𝒆𝒏𝒕𝒔𝒐𝒆 𝒍𝒂 𝑰𝒕𝒖𝒎𝒆𝒍𝒆𝒏𝒈 𝑴𝒐𝒉𝒂𝒏𝒐𝒆 +26656864191 -𝑯𝒐 𝒏𝒂𝒕𝒊𝒇𝒊𝒔𝒂 𝒎𝒆𝒌𝒆𝒕𝒆 -𝑽𝒐𝒊𝒄𝒆 𝒐𝒗𝒆𝒓 _____________________________ Kopano o ile a thungoa ke sepolesa nakong eo baithuti ba hoantang. Shebella video ka tlase.