Qaima Tv Qatar-Sri Lanka

20/12/2024

20/12/2024

20/12/2024

📌ஒவ்வொருவரும் சுமார் எட்டு இலட்சம் செலவில் புகலிடம்கோரி இலங்கை வந்த #மியன்மார்வாசிகள்!

வடக்கு மாகாணம் முள்ளிவாய்க்கால் மேற்கு கடற்கரையில் (19) கரை ஒதுங்கிய #மியன்மார் படகு இன்று (20) காலை #திருகோணமலை அஷ்ரப் துறைமுகத்திற்கு கொண்டுவரப்பட்டது.

குறித்த படகில் பயணித்த 115 பயணிகளும் அஷ்ரப் துறைமுகத்தில் தரையிறக்கப்பட்டு குருதி மாதிரிகள் பெறப்பட்டு சுகாதார பரிசோதனைகளுக்கு உட்படுத்தப்பட்டனர்.

இவர்களில் கற்பிணித் தாய் ஒருவர் உட்பட 39 ஆண்களும் 27 பெண்களும் 49 சிறுவர்களும், அடங்குகின்றனர்.

இவர்களை மாலை 3.00 மணியளவில் திருகோணமலை நீதிமன்ற நீதிபதி அர்யூன் அரியரெட்ணம் விஜயம் மேற்கொண்டு விசாரணைகள் மேற்கொண்டிருந்ததுடன் மாலை 4.30 மணிக்குப் பின்னர் அவர்கள் நீதிமன்றத்திற்கு அழைத்துச் செல்லப்பட்டனர்.

இவர்களுக்கு தேவையான உணவு உட்பட அத்தியாவசிய தேவைகளை மாவட்ட செயலகம், பிரதேச செயலகம் உட்பட அரச திணைக்களங்களும், பொலிசாரும், தொண்டு நிறுவனங்களும் மேற்கொண்டு வருகின்றனர்.

அத்துடன் இவர்களை தங்க வைப்பதற்காக ஜமாலியா முஸ்லிம் மகா வித்தியாலயம் ஒழுங்குபடுத்தப்பட்டு குடிவரவு குடியகல்வு திணைக்களத்தின் உத்தரவின் பின்னர் அவர்களை தங்க வைப்பதற்கான முன்னெடுப்புகள் மேற்கொள்ளப்பட்டுள்ளதுடன்
இவர்களுக்கான மதிய உணவை AHRC தொண்டர் நிறுவனம் வழங்கியிருந்தது.

மியன்மார் நாட்டில் 12 வருடகாலமாக தாம் புனர்வாழ்வு முகாம்களில் வசித்து வந்ததாகவும் தம்மை ஐ.நா பாராமரித்து வந்த நிலையில் அவர்கள் கடந்த 18 மாதங்களுக்கு முன்னர் நாட்டை விட்டு வெளியேறியதாகவும் இதனால் வாழமுடியாத சூழ்நிலையில் இலங்கை நாட்டுக்கு செல்ல முடிவெடுத்ததாகவும் தெரிவித்தனர்.

இலங்கைக்கு வருகை தரும் நோக்கில் மூன்று படகுகளில் 120 பேர் வருகை தந்ததாகவும் இடைநடுவே இரண்டு படகுகள் பழுதடைந்ததாகவும் இதனால் ஒரு படகில் மற்றைய படகில் வந்த நபர்களும் சேர்ந்து பயணித்ததாகவும் குறிப்பிடுகின்றனர்.

அத்துடன் வரும் வழியில் இரண்டு குடும்பங்களை சேர்ந்த ஐந்து பேர் பசியினால் உயிரிழந்ததாகவும் அவர்களின் உடல்களை கடலில் வீசிவிட்டு வந்ததாகவும் அந்த குடும்பத்தில் ஒருசிறுமி உயிர் தப்பி தம்முடன் இருப்பதாகவும் அவர்கள் தெரிவிக்கின்றனர்.

இலங்கைக்கு வருவதற்காக தங்களுடைய சொத்துகளை விற்று தங்கள் நாட்டின் பெறுமதியில் ஒவ்வொருவரும் எட்டு இலட்சம் ரூபாய் வழங்கி படகினை கொள்வனவு செய்து கடந்த டிசம்பர் மாதம் 4ஆம் திகதி அங்கிருந்து புறப்பட்டதாகவும் அவர்கள் மேலும் தெரிவிக்கின்றனர்.

திருகோணமலை மாவட்ட பாராளுமன்ற உறுப்பினரும், வெளியுறவு மற்றும் வெளிநாட்டு வேலைவாய்ப்பு பிரதி அமைச்சருமான அருண் ஹேமச்சந்திரா குறித்த நபர்களை பார்வையிட்டு அவர்களுக்கான வசதிகளை ஏற்படுத்திக் கொடுப்பது தொடர்பாக அரச அதிகாரிகளுடனும் பொலிசாருடனும் கலந்துரையாடியிருந்தார்.

20/12/2024

பாலஸ்தீன அப்பாவிகள் மீதாக தாக்குதல்களை உடனே நிறுத்தக் கோரியும், பாலஸ்தீனத்தில் உடனடியாக சமாதான உடன்படிக்கையை நிறைவேற்றி தனி நாடாக பலஸ்தீனத்தை அங்கீகரிக்கக் கோரியும் கொழும்பில் அமைந்துள்ள அமெரிக்க தூதரகத்திற்கு முன்னாள் இன்று 20/12/2024 நடைபெற்ற ஆர்ப்பாட்டம்.

20/12/2024

தமிழ் நாட்டில் கரையொதுங்கியுள்ள மீனவர்களை அழைத்து வர வேண்டும் - கடற்றொழில் அமைச்சரிடம் SLMC உதுமாலெப்பை எம்பி கோரிக்கை!!!

(எஸ்.அஷ்ரப்கான்)

அட்டாளைச்சேனை கப்பலடி மீனவர் துறையிலிருந்து கடற்றொழிலுக்காக இயந்திரப்படகில் சென்ற மீனவர்களும் பருத்தித்துறை மீனவர் துறையிலிருந்து கடற்றொழிலுக்காக கடலுக்கு சென்ற 05 மீனவர்களும் தமிழ் நாட்டில் சென்ற ஜுலை மாதம் 07ம் திகதி கரையொதுங்கினர்.

அட்டாளைச்சேனையைச்சேர்ந்த கே.ஆர்.நிஸ்பர் என்பவர் காணாமற்போயுள்ளார். இம்மீனவர்களில் அட்டாளைச்சேனையிலிருந்து சென்ற இர்பான் எனும் மீனவர் சென்னை உயர்ஸ்தானிகத்தில்
தங்க வைக்கப்பட்டுள்ளார்.

பருத்தித்துறை மீனவர் துறையிலிருந்து மீன்பிடிக்கச் கடலுக்குச்சென்ற 05 மீனவர்களான அட்டாளைச்சேனை சேர்ந்த எம்.எப்.முஸ்தகீன், வடமாகாணத்தைச்சேர்ந்த என்.குணபாலசிங்கம், ஏ.இராதாகிருஸ்னன், எம்.பிரமசிறி ஆகியோர் சென்ற ஜுலை மாதம் 07ம் திகதி தமிழ்நாடு திருச்சி மாவட்டத்தில் கரையொதுங்கி கொட்டப்பட்டு சிறப்பு முகாமில் தடுத்து வைக்கப்பட்டுள்ளனர்.

வட கிழக்கு மாகாணத்தைச்சேர்ந்த 05 மீனவர்களையும் இலங்கைக்கு அழைத்து வருவதற்கான ஏற்பாடுகளை மேற்கொள்ளுமாறு கடற்றொழில் அமைச்சர் இராமலிங்கம் சந்திரசேகருடன் அம்பாறை மாவட்ட பாராளுமன்ற உறுப்பினனர் உதுமாலெப்பை கோரிக்கை விடுத்துள்ளார்.

கடற்றொழில் அமைச்சர் இராமலிங்கம் சந்திரசேகரன் பாராளுமன்ற உறுப்பினர் உதுமாலெப்பை அவர்களுக்குமிடையிலான சந்திப்பு இன்று (20) கடற்றொழில் அமைச்சில் இடம்பெற்றது.

சின்னப்பாலமுனையைச்சேர்ந்த இர்பான் என்ற மீனவர் மாத்திரம் சென்னை உயர்ஸ்தானிகத்தில் ஒப்படைக்கப்பட்டுள்ளார். அட்டாளைச்சேனையைச் சேர்ந்த மீனவர் காணாமற்போயுள்ளதுடன் 04 மீனவர்கள் தமிழ் நாட்டில் தடுத்து வைக்கப்பட்டுள்ளனர்.

இக்கோரிக்கைகளுக்கு பதிலளித்த கடற்றொழில் அமைச்சர் வட கிழக்கு மாகாணத்தைச்சேர்ந்த தமிழ் நாட்டில் தடுத்து வைக்கப்பட்டுள்ள 05 மீனவர்களையும் நாட்டுக்கு அழைத்து வருவதற்கான ஏற்பாடுகளை மேற்கொள்வதாகவும் கடந்த வெள்ளத்தினால் பாதிக்கப்பட்ட அம்பாறை மாவட்ட மீனவர்களினது படகுகள், இயந்திரங்கள் தொடர்பாக கல்முனை கடற்றொழில் பணிப்பாளரின் அறிக்கை கிடைத்ததும் நஷ்டயீடு தொடர்பான நடவடிக்கைகளை மேற்கொள்வதாகவும் தெரிவித்தார்.

20/12/2024

வன்னி முன்னாள் நாடாளுமன்ற உறுப்பினரும் செயலாளரும் கைது!

வன்னி மாவட்ட முன்னாள் நாடாளுமன்ற உறுப்பினரும், முன்னாள் மாவட்ட மாவட்ட அபிவிருத்திக் குழுத் தவைருமான
கு.திலீபன் மற்றும் அவரது பிரத்தியேக செயலாளர் ஆகியோரை வவுனியா மாவட்ட நிதிமோசடி குற்றப் பிரிவு பொலிசார் கைது செய்துள்ளனர்.

காசோலை நிதி மோசடி தொடர்பில் முன்னாள் பாராளுமன்ற உறுப்பினரும், முன்னாள் மாவட்ட அபிவிருத்திக் குழுத் தவைருமான கு.திலீபனது பிரத்தியேக செயலாளரை காசோலை மோசடி தொடர்பில் நேற்று (19/12) மாலை மாவட்ட நிதிமோசடி குற்றப் பிரிவு பொலிசார் கைது செய்தனர்.

அவரிடம் மேற்கொள்ளப்பட்ட விசாரணைகளையடுத்து, ஈழமக்கள் ஜனநாயக கட்சியின் வன்னி மாவட்ட முன்னாள் பாராளுமன்ற உறுப்பினர் கு.திலீபன் இன்று (20/12) காலை கைது செய்யப்பட்டார்.

குறித்த இருவரையும் நீதிமன்றில் முற்படுத்த பொலிசார் நடவடிக்கை எடுத்துள்ளனர்.

20/12/2024

திருகோணமலை அஷ்ரப் துறைமுகத்தை வந்தடைந்த மியன்மார் அகதிகள் படகு!

மொழி பிரச்சினை காரணமாக தகவல்களை பெறுவதில் சிக்கல்!

முள்ளிவாய்க்காலில் 102 பேருடன் கரை ஒதுங்கிய மியன்மார் படகு இன்று (20) காலை திருகோணமலை துறைமுகத்திற்கு கொண்டு வரப்பட்டுள்ளது.

முன்னதாக முள்ளிவாய்க்கால் மேற்கு கடற்கரையில் இப்படகு 102 பேருடன் நேற்று (19) கரை ஒதுங்கியது. குறித்த இப்படகு திசைமாறி வந்து கரையொதுங்கியதாகவும், இப்படகில் 35 சிறுவர்களும், ஒரு கற்பிணி தாயும் உள்ளனர் எனவும் அறிய முடிகின்றது.

குறித்த படகில் இருப்பவர்களுக்கு உணவுகள், குடிநீர் வழங்கப்பட்டது. இந்நிலையில் இதில் உள்ள சிலர் மயக்கநிலையிலும், சுகவீனமுற்றும் உள்ளனர்.

மொழி பிரச்சினை காரணமாக குறித்த நபர்களிடமிருந்து சரியான தகவல்களை தற்போது பெற்றுக் கொள்ள முடியவில்லை. அத்துடன் இவர்கள் இலங்கைக்கு குடியேறத்தான் வந்தார்களா? என்ற சந்தேகமும் நிலவுகின்றது.

இப்படகினை முள்ளிவாய்க்கால் கடற்கரையில் கரைசேர்ப்பதில் சிரமங்கள் இருந்தமையினால் இப்படகு திருகோணமலைக்கு கொண்டுவரப்பட்டதாக தெரிய வருகின்றது. இதற்கான ஏற்பாடுகள் திருகோணமலை மாவட்ட அரசாங்க அதிபரின் தலைமையில் குறித்த ஏற்பாடுகள் இடம்பெற்றிருந்தது.

படகில் உள்ளவர்களை முதலில் பாடசாலை ஒன்றில் தங்க வைப்பதற்கான ஏற்பாடுகளும் முன்னெடுக்கப்படுகின்றன.

அத்துடன் சுகாதரத்துறையினர் உட்பட அதனுடன் தொடர்புடைய திணைக்களங்கள் இவ்விடயம் தொடர்பில் தயார் நிலை வைக்கப்பட்டுள்ளது என தெரிய வருகின்றது.

19/12/2024

இரண்டு வருடங்களில் 121 இலட்சம் ரூபாவை செலவிட்டுள்ள முன்னாள் பிரதமர்
தினேஷ் குணவர்தன:-

முன்னாள் பிரதமர் தினேஷ் குணவர்தன கடந்த இரண்டு வருட காலப்பகுதிக்குள் ஜனாதிபதி நிதியத்தில் இருந்து 121 இலட்சம் ரூபாவை செலவிட்டுள்ளதாக அமைச்சர் நளிந்த ஜயதிஸ்ஸ தெரிவித்துள்ளார்.

நாடாளுமன்றில் (17.12.2024) கருத்து தெரிவிக்கும்போதே அவர் இதனை கூறியுள்ளார்.

இது தொடர்பில் கருத்து தெரிவித்த அவர்,

2022 செப்டம்பர் 01 முதல் 2024 செப்டம்பர் 30 வரை பிரதமர் அலுவலக மருத்துவப் பிரிவு செலவுகளை மொத்தமாக எடுத்துக்கொண்டால் 121 இலட்சத்து 10,220 ரூபா செலவாகியுள்ளது.

இந்த செலவுகள் மக்களின் வரிப்பணத்தில் இருந்தே செலவழிக்கப்பட்டுள்ளது.

பிரதமர் அலுவலகம் எங்கே உள்ளது? அங்கிருந்து தேசிய வைத்தியசாலைக்கு எவ்வளவு தூரம்? இது ஒன்றும் அதிக தூரம் இல்லை.

நாட்டின் அனைத்து முன்னணி அரசு மற்றும் தனியார் மருத்துவமனைகளும் அருகில் உள்ளன.

இவற்றை தடுத்து நிறுத்தவே மக்கள் அதிகாரத்தை எம்மிடம் கொடுத்துள்ளனர்'' என்றார்.

19/12/2024

ஶ்ரீலங்கா முஸ்லிம் காங்கிரஸின் தவிசாளர் முன்னாள் கிழக்கு மாகாண சபை உறுப்பினர் முழக்கம் அப்துல் மஜீட் அவர்களுடைய மரணச்செய்தி கேட்டு ஆழ்ந்த கவலை அடைகின்றேன்.

அவரின் இழப்பு கட்சிக்கு பேரிழப்பாகும். ஶ்ரீலங்கா முஸ்லிம் காங்கிரஸின் வளர்ச்சியிலே மறைந்த மாபெரும் தலைவர் அஷ்ரப் அவர்களோடு இனைந்து 1987 ஆம் ஆண்டு தொடக்கம் கட்சியின் ஒவ்வொரு தேர்தல்களிலும் பாராளுமன்ற உறுப்பினர், மாகாண சபை உறுப்பினர்களை உருவாக்குவதற்காக நாடு முழுவதும் சென்று தனது கம்பீர குரலிலே முழங்கி கட்சியின் கொள்கைகளை விளக்கி, கட்சியின் வெற்றிக்காக பாடுபட்டவர் இதனால் தான் அவருக்கு முழக்கம் மஜீத் என்ற பட்டத்தையும் மறைந்த தலைவர் அஷ்ரப் சேர் வழங்கியிருந்தார்கள்.

தற்போதைய கட்சியின் தலைவர் சட்ட முதுமாணி ரஊப் ஹக்கீம் அவர்களோடும் விசுவாசமாக கட்சியின் வளர்ச்சிக்காக அன்று தொடக்கம் இறுதி மூச்சுவரைக்கும் பாடுபட்டார்கள்.

எந்தவொரு பிரதிபலனையும் எதிர்பார்க்காமல் கட்சிக்காக வாழ்ந்தவர். அவரின் இழப்பு முஸ்லீம் காங்கிரஸ் கட்சிக்கும் , கட்சியின் போராளிகளுக்கும் பேரிழப்பாகும்.

அவரின் மறுமை வாழ்வுக்காக நாம் அனைவரும் பிராத்திப்பதோடு அவரின் மறைவால் வாடும் அவரின் குடும்பத்திற்கு அல்லாஹ் மன அமைதியினையும் பொறுமையினையும் வழங்குவானாக!

மேலும் அவரின் ஜனாஸா நல்லடக்கம் நாளை காலை 9 மணிக்கு கல்முனையில் இடம் பெறவுள்ளது. முடியுமானவர்கள் கலந்து கொள்ளுமாறு அன்போடு கேட்டுக்கொள்கிறேன்.

கலாநிதி எம்.எல்.ஏ.எம் ஹிஸ்புல்லாஹ்
பாராளுமன்ற உறுப்பினர்.

19/12/2024

Katara Cultural Village's Qatar National Day celebrations concluded Wednesday, after attracting thousands of citizens and expatriates who gathered from 3pm to enjoy the national and heritage events and the impressive military displays.

19/12/2024

சுகாதார அமைச்சரின் பதில் திருப்தியில்லை!

சமூகங்களைச்சீண்டும் செருக்குத்தணத்தில் செயற்பட்டால் கோட்டாவின் நிலையே -
-எச்சரிக்கும் ரிஷாட்:-

-ஊடகப்பிரிவு -

கல்விச்சான்றிதழ்களைப் பரீட்சித்துப்பார்க்கும் பாராளுமன்றமாகச்செயற்படாமல், அரசாங்கத்தை ஆட்சிக்குக் கொண்டு வந்த மக்களின் அபிலாஷைகளை பூர்த்தி செய்யும் சபையாகச்செயற்பட வேண்டுமென அகில இலங்கை மக்கள் காங்கிரஸ் தலைவரும் பாராளுமன்ற உறுப்பினருமான ரிஷாட் பதியுதீன் தெரிவித்தார்.

பாராளுமன்றத்தில் (18/12) உரையாற்றிய அவர் கூறியதாவது!

"எழுபது வருட அரசியல் கலாசாரத்தை மாற்றுவதற்கே தேசிய மக்கள் சக்திக்கு மக்கள் வாக்களித்தனர். இதை விடுத்து, எம்பிக்களின் கல்வித்தகைமைகளைப் பரீட்சித்தல், விவாதித்தல் செயற்பாடுகளே அண்மைக்காலமாக இப்பத்தாவது பாராளுமன்றத்தில் இடம்பெற்று வருகிறது.

இந்நிலை நீடித்தால், அரசாங்கம் மக்களின் எதிர்ப்பைச் சம்பாதிக்க நேரிடலாம். எனவே, ஆக்கபூர்வமான பணிகளை முன்னெடுங்கள்.

ஜனாதிபதி அனுரகுமார திஸாநாயக்கவிடம் இருக்கும் நல்ல பண்புகள், தேசிய மக்கள் சக்தி எம்பிக்களிடமும் இருக்க வேண்டும். 159 எம்பிக்களை வைத்திருக்கும் செருக்குத்தணத்தில் செயற்பட்டால், கோட்டாபயவுக்கு ஏற்பட்ட இழிநிலையே ஏற்படும்.

147 எம்பிக்களுடன் ஆட்சிக்கு வந்த ஶ்ரீலங்கா பொதுஜன பெரமுன அரசாங்கம் துரத்தியடிக்கப்பட்டது ஏன்? அகம்பாவம் மற்றும் ஆணவத்துடன் நடந்ததால், இன்று மூன்று எம்பிக்கள் தெரிவாகுமளவுக்கு அவர்கள் இழிவுபடுத்தப்பட்டனர்.

கொரோனா காலத்தில் எரிக்கப்பட்ட ஜனாஸாக்களின் எண்ணிக்கையை அரசாங்கம் கூறியே ஆக வேண்டும். இது தொடர்பில், சுகாதார அமைச்சர் நேற்று வழங்கிய பதிலில் எமக்குத் திருப்தியில்லை. மக்களால் தெரிவானவர்கள் என்ற உரிமையுடனேயே இவ்விடயத்தைக் கோருகின்றோம். எமது மதத்தை நிந்தித்த கோட்டாவுக்கு இறைவன் வழங்கிய தண்டனையாகவே அவரது ஆட்சிக் கவிழ்ப்பை நோக்குகின்றோம்.

இதுவே எமது நம்பிக்கை. எல்லா மதங்களும் நல்லதையே போதிக்கின்றன. எனவே, சிறுபான்மைச் சமூகங்களை சிறுமைப்படுத்தும் இழிசெயலைச் செய்ய வேண்டாம்.

அல் ஆலிம் பரீட்சையை தொடர்ந்தும் இழுத்தடிக்காமல் விரைவாக நடத்தி, சிறந்த மௌலவிமார்களை ஆசிரியர்களாக நியமியுங்கள்.

அஸ்வெசும சிறந்த திட்டம் தான். ஆனால், இவற்றை வழங்கும் முறைகள் ஒழுங்காக இல்லை. விதவைகள், ஏழைகள் மற்றும் ஊனமுற்றோருக்கு இக்கொடுப்பனவுகள் சென்றடையவில்லை. சமுர்த்தி உத்தியோகத்தர்களைப் புறந்தள்ளி இப்பணிகள் முன்னெடுக்கப்படுவதனாலே, இதில் குறைபாடுகள் நிலவுகின்றன.

சமூகங்களப்புறந்தள்ளும் அல்லது ஒரு சமூகத்தை மாத்திரம் குறிவைக்கும் செயற்பாடுகளை எதிர்ப்பதற்கு ஒரு போதும் தயங்கமாட்டோம்.

மனோ கணேசன், முன்னாள் எம்பி சுமந்திரன் ஆகியோருடன் முன்னெடுத்த பணிகளை மீண்டும் செய்வதற்கும் நாங்கள் தயாராக இருக்கின்றோம்" என்று குறிப்பிட்டுள்ளார்.

19/12/2024

15 வயது சிறுமியை அவளுடைய காதலன் மற்றும் அவளுடைய சித்தப்பா ஆகியோர் பாலியல் வன்புணர்வுக்கு உட்படுத்திய சம்பவம் தொடர்பில் தனமல்வில பொலிஸார் விசாரணைகளை முன்னெடுத்துள்ளனர்.

தனமல்வில போதாகம பிரதெசத்தில் இந்தசம்பவம் இடம்பெற்றுள்ளது. சம்பவம் தொடர்பில் மேலும் தெரியவருகையில்,

சிறுமி, தாய், சித்தப்பா, தங்கை மற்றும்
தம்பி ஆகியோர் ஒரே வீட்டில் வசித்து வந்துள்ளனர். இந்நிலையில், சிறுமி காதலிக்கும் இளைஞனுடன், டிசெம்பர்
மாதம் 2 ஆம் திகதியன்று சித்தப்பா முரண் பட்டுள்ளார்.

இந்த சந்தர்ப்பத்தில், தன்னுடைய சிறிய தந்தை, தாய் வீட்டில் இல்லாத நேரத்தில் தன்னை இரண்டு தடவைகள் பாலியல் வன்புணர்வுக்கு உட்படுத்திய உள்ளார் என சிறுமி கூறிவிட்டார்.

அப்போது, சிறுமியை அழைத்துக் கொண்டு பொலிஸ் நிலையத்திற்கு சென்ற தாய், முறைப்பாடு செய்துள்ளார்.

விசாரணையின் போது, தாய், தம்பி மற்றும் தங்கை மேலதிக வகுப்புக்குச் சென்றிருந்த வேளையில், காதலனை வீட்டிற்கு அழைத்த சிறுமி, கணவன் மனைவி போல் வாழ்ந்தமையும் தெரியவந்துள்ளது.

சம்பவம் தொடர்பில் 16 வயதான இளைஞன் கைது செய்யப்பட்டார். அதற்கு முன்னர் சிறுமியை பாலியல் வன்புணர்வுக்கு உட்படுத்தினார் என குற்றஞ்சாட்டப்பட்ட சித்தப்பா,

யாழ்ப்பாணத்தில் கராஜ் ஒன்றில் வேலை செய்வதாக கிடைத்த தகவலின் அடிப்படையில், பொலிஸார் விசாரணைகளை முன்னெடுத்துள்ளனர். இந்நிலையில் பாதிக்கப்பட்ட சிறுமி, வைத்திய பரிசோதனைக்காக மொனராகலை மாவட்ட வைத்தியசாலையில் அனுமதிக்கப்பட்டுள்ளார்.

19/12/2024

இன்று (19/12) பிற்பகல் குருநாகலிலிருந்து மீரிகம நோக்கி பழங்களை ஏற்றிச் சென்ற லொறி மத்திய அதிவேக நெடுஞ்சாலையின் 39 ஆவது கிலோமீற்றர் மின்கம்பத்திற்கு அருகில் வீதியில் கவிழ்ந்ததில் இந்த விபத்து இடம்பெற்றுள்ளது.

19/12/2024

*முன்னாள் ஜனாதிபதியின் பாதுகாப்பு குறைப்பு: சபையில் கடும் சர்ச்சை*

‘‘முன்னாள் ஜனாதிபதி மஹிந்த ராஜபக்ஷவின் பாதுகாப்பைக் குறைத்து டயஸ்போராக்களின் விருப்பத்துக்கிணங்க செயற்படாதீர்கள். பாதாளக் குழுக்களும் மஹிந்த ராஜபக்ஷவும் ஒன்றல்ல’’ என பொதுஜன பெரமுனவின் பாராளுமன்ற உறுப்பினரான டி.வி.சானக (17/12/2024) சபையில் தெரிவித்தார்.

இந்நிலையில், மஹிந்த ராஜபக்ஷவின் தென்னந்தோட்டங்களைப் பாதுகாக்க இராணுவத்தினரை வழங்கமுடியாதென தேசிய மக்கள் சக்தி பாராளுமன்ற உறுப்பினர்கள் அந்தக் கருத்துக்கு சபையில் கடும் எதிர்ப்பை வெளியிட்டனர்.

பாராளுமன்றத்தில் (17/12) இடம்பெற்ற பாடசாலை மாணவர்களுக்கான காகிதாதிகளுக்கான குறை நிரப்பு பிரேரணை மீதான விவாதத்தில் உரையாற்றிய பொதுஜன பெரமுனவின் எம்.பி. சானக,

‘‘முன்னாள் ஜனாதிபதி மஹிந்த ராஜபக்ஷவுக் கான பாதுகாப்பு இல்லாது செய்யப்பட்டுள்ளது. அவரின் பாதுகாப்பை நீக்கியுள்ள இந்த அரசு.தற்போது மஹிந்த ராஜபக்ஷவின் பாதுகாப்புக்கு இராணுவத்தை வழங்க முடியாதெனவும்
60 பொலிஸாரை மட்டுமே வழங்க முடியுமெனவும் கூறுகின்றது.

இந்த நாட்டில் யுத்தத்தை முடித்து வைத்தவர் மஹிந்த ராஜபக்ஷ. யுத்தம் நடந்தபோது 05 நிமிடங்களுக்கு 30 கோடி ரூபா செலவானது. இன்று அந்த நிலை இல்லை. அவ்வாறான நிலையில், யுத்தத்தை முடித்து இந்த நாட்டின் பாதுகாப்பை உறுதிப்படுத்திய மஹிந்த ராஜபக்ஷவுக்கு உங்களினால் 30 கோடி ரூபா செலவிடமுடியாதா?

பாதாளக்குழுத் தலைவர்களுக்கே பலர் பாதுகாப்பு வழங்கும் நிலையில் முன்னாள் ஜனாதிபதி மஹிந்த ராஜபக்ஷவுக்கு பாதுகாப்பு வழங்க முடியாதா?

மஹிந்த ராஜபக்ஷவை பாதாளக்குழுத் தலைவர்களுடன் ஒப்பிட வேண்டாம். முன்னாள் ஜனாதிபதி ரணில் விக்கிரமசிங்கவுக்கு வழங்கும் பாதுகாப்பை மஹிந்த ராஜபக்ஷவுக்கும் வழங்குவதற்கு இருவரும் ஒன்றல்ல.

மஹிந்த ராஜபக்ஷ யுத்தத்தை முடித்தவர். ரணில் அவ்வாறானவரல்ல. எனவே, முன்னாள் ஜனாதிபதி ராஜபக்ஷவின் பாதுகாப்பைக் குறைத்து டயஸ்போராக்களின் விருப்பத்துக்கிணங்க செயற்படாதீர்கள்’’ என்றார்.

இதனால் விசனமடைந்த தேசிய மக்கள் சக்தி எம்.பிக்கள் எழுந்து, ‘‘முன்னாள் ஜனாதிபதி மஹிந்த ராஜபக்ஷவின் பாதுகாப்புக்கு வழங்கப் பட்ட இராணுவத்தினர் மஹிந்த ராஜபக்ஷவின் தென்னந்தோட்டங்களைப் பாதுகாக்கத்தான் பயன்படுத்தப்பட்டார்கள். வீட்டு வேலைக்கு பயன்படுத்தப்பட்டார்கள். வளவுகளை சுத்தம் செய்வதற்காகப் பயன்படுத்தப்பட்டார்கள்.

அவ்வாறு இராணுவத்தினரை பயன்படுத்த அனுமதிக்க முடியாது’’ என்றனர். இதனால் இருதரப்புகளுக்குமிடையில் சிறிது நேரம் கடும் வாய்த்தர்க்கம் ஏற்பட்டிருந்தமை குறிப்பிடத்தக்கதாகும்.

19/12/2024

*கொரோனா தொற்றால் உயிரிழந்தவர்களை தகனம் செய்து அம்மக்களுக்கும் இழைத்த அநீதியை ஒருபோதும் நியாயப்படுத்த முடியாது!

இது கடந்த அரசாங்கத்தின் மிகவும் கொடூரமான ஒரு தீர்மானம். நாம் சமயங்களின் மரபுகளை ஒருபோதும் அவமதிக்க மாட்டோம்:- பிரதமர் ஹரிணி*

கொவிட் தொற்று காரணமாக உயிரிழந்தவர்களை தகனம் செய்ததன் மூலம் சமய மரபுகளுக்கும் அம்மக்களுக்கும் இழைக்கப்பட்ட அநீதியை ஒருபோதும் நியாயப்படுத்த முடியாது என பிரதமர் கலாநிதி ஹரிணி அமரசூரிய (17/12/2024) பாராளுமன்றத்தில் தெரிவித்தார்.

அவர் மேலும் தெரிவிக்கையில்!

கடந்த அரசாங்கம் மேற்கொண்ட தீர்மானம் எந்தவகையிலும் நியாயப்படுத்தப்படக்கூடிய ஒன்றல்ல. இது மிகவும் உணர்ச்சியற்ற மற்றும் மிகவும் கொடூரமான ஒரு தீர்மானம். ஒரு மரணத்திற்குப் பின்னர் நிறைவேற்றப்படும் சம்பிரதாயங்கள் மூலம் குடும்பத்தினர் தங்கள் துக்கத்தை வெளிப்படுத்தவும் துக்கத்தைக் குறைக்கவும் முடிகிறது. அதனால்தான் இதற்கு சமய ரீதியான பெறுமானம் வழங்கப்பட்டுள்ளது.

கொவிட் தொற்றுநோய் போன்ற நிச்சயமற்ற சூழ்நிலையில் இத்தகைய மரபுகள் மிகவும் முக்கியமானவை. இப்படியான சந்தர்ப்பத்தில் இத்தகையதொரு கொடூரமான தீர்மானத்தை மேற்கொண்டமையை எந்தவகையிலும் அனுமதிக்க முடியாது. அதற்கு அரசியல் அல்லது வேறு எந்த நியாயமும் செல்லுபடியாகாது.

விஞ்ஞான அடிப்படையின்றி இதுபோன்றதொரு தீர்மானத்தை மேற்கொள்வது நியாயமற்றது. அதனால், எந்த ஒரு பிரிவினருக்கும் இதுபோன்ற துன்பத்தை ஏற்படுத்தும் அல்லது சமய மரபுகளை அவமதிக்கும் எந்தவொரு தீர்மானத்தையும் எமது அரசாங்கம் ஒருபோதும் மேற்கொள்ளாது.

ஏதேனும் ஒரு சம்பவம் நடந்தால் அது அப்போதைய அரசியல் கலாசாரத்தின் அடிப்படையில் அந்த அதிகாரிகள் மேற்கொண்ட தீர்மானம் என்று நாம் நினைக்கிறோம். அந்த கலாசாரத்தை நாம் மாற்றுவோம். மீண்டும் மக்களைப் பாதிக்கும் இவ்வாறான தீர்மானங்களை அதிகாரிகள் எடுக்க இடமளிக்க மாட்டோம் என்பதை வலியுறுத்த விரும்புகிறோம்.

இதன்மூலம் பாதிக்கப்பட்ட மக்களுக்கு நீதி வழங்கப்பட வேண்டும் என்பதை நாம் அறிவோம். அதற்கு எவ்வாறு பதிலளிப்பது என்பது குறித்து கலந்துரையாட நாங்கள் தயாராக உள்ளோம் என்றார்.

19/12/2024

அமைச்சர் பிமல் ரத்னாயக அவர்களுக்கு புனித திருக்குர்ஆன் சிங்கள மொழிபெயர்ப்பு அன்பளிப்பு செய்யப்பட்டது. -அல்ஹம்து லில்லாஹ்-

19/12/2024

அரச நிதிக்குழுவின் தலைவராக கலாநிதி ஹர்ஷ த சில்வா:-

அரசாங்க நிதி பற்றிய குழுவின் தலைவர் பதவிக்கு பாராளுமன்ற உறுப்பினர் கலாநிதி ஹர்ஷ த சில்வா நியமிக்கப்பட்டுள்ளார்.

(17/12/2024) கூடிய பாராளுமன்ற தெரிவுக்குழுக் கூட்டத்தின் போது, நிலையியற் கட்டளை 121 இன் ஏற்பாடுகளுக்கமையவும் 2024 டிசம்பர் 06 ஆம் திகதி பாராளுமன்றத்தினால் ஏற்றுக்கொள்ளப்பட்ட பிரேரணைக்கமையவும் அரசாங்க நிதி பற்றிய குழுவில் பணியாற்றுவதற்காக குழுவின் தவிசாளராக கலாநிதி ஹர்ஷ த சில்வா நியமிக்கப்பட்டுள்ளார்.

இக்குழுவில் பணியாற்றுவதற்கான ஏனைய உறுப்பினர்களின் பெயர்களையும் சபாநாயகர் (18) சபையில் அறிவித்தார்.

இதற்கமைய, கலாநிதி ஹர்ஷண சூரியப்பெரும, ரவி கருணாநாயக்க, ஹர்ஷன ராஜகருணா, நிமல் பலிஹேன, விஜேசிரி பஸ்நாயக்க, திலிண சமரகோன், சட்டத்தரணி செல்வி லக்மாலி ஹேமசந்திர ஆகியோர் அரசாங்க நிதி பற்றிய குழுவில் பணியாற்றுவதற்காக நியமிக்கப்பட்டுள்ளனர்.

19/12/2024

ஸ்வீடன் மற்றும் டென்மார்க் இரண்டு நாடுகளை கடலுக்கு அடியில் ஒரு சுரங்கப்பாதையுடன் இணைக்கிறது இந்த பாலம் oresund connection என்று அழைக்கப்படுகிறது.

பொறியியல் அற்புதம் என்று சொல்லத்தக்க பிரம்மாண்டமான மிக நீளமான இந்த பாலம் உள்ள நீரிணையின் நீளம் 118 கிலோமீட்டர்கள் (73 mi) மற்றும் அகலம் 4 கிலோமீட்டர்கள் (2.5 mi) முதல் 28 கிலோமீட்டர்கள் (17 mi) வரை பல இடங்களில் மாறுபாடு அடைகிறது.

ஸ்காண்டிநேவியாவின் சாலை வழிகள் மற்றும் ரயில் நெட்வொர்க்குகளை மேற்கு ஐரோப்பாவுடன் இந்த மிகவும் நீண்ட பிரம்மாண்டமான பாலம் இணைக்கிறது.