Redlinenews.lk

06/04/2022

පාර්ලිමේන්තුව උණුසුම්වෙයි – විපක්ෂයෙන් දැඩි විරෝධයක් !
----------------------------------

පාර්ලිමේන්තුවේ විපක්ශයේ මන්ත්‍රීවරුන් පාර්ලිමේන්තුවේ පවත්වන විරෝධයක් නිසා දැඩි උණුසුම් තත්වයක් නිර්මාණය වී තිබෙනවා.ඔවුන් විවිධ පුවරු ප්‍රදර්ශනය කරමින් විරෝධතාවය පලකරන අයුරු දක්නට ලැබෙනවා.

06/04/2022

පාර්ලිමේන්තුව අසලට පැමිණි යතුරුපැදි කණ්ඩායම ගැන විවාදාත්මක තත්ත්වයක්
----------------------------------

අද දින පාර්ලිමේන්තුව තුලදී පාර්ලිමේන්තුව අසලට පැමිණි යතුරුපැදි කණ්ඩායම ගැන උණුසුම් විවාදාත්මක වචන හුවමාරුවක්

06/04/2022

ශ්‍රි ලංකා නිදහස් පක්ෂයේ මන්ත්‍රීවරුන් 14 දෙනා ස්වාධීන විමට ගත් තීරණයේ කිසිදු වෙනසක් නොමැත - හිටපු ජනාධිපති මෛත්‍රීපාල සිරිසේන මහතා
----------------------------------

*ශ්‍රීලනිපයේ මන්ත්‍රීන් 14 දෙනා පාර්ලිමේන්තුවේ ස්වාධීන වීමත් සමඟ ඊයේ (05) රාත්‍රියේ ජනපති ගෝඨාභය රාජපක්ෂ මහතා ශ්‍රී ලංකා නිදහස් පක්ෂයේ පාර්ලිමේන්තු කණ්ඩායම සමඟ විශේෂ රැස්වීමක් පවත්වනු ලැබිණි.
එහිදී ජනපතිවරයා විසින් පාර්ලිමේන්තුවේ නියෝජ්‍ය කථානායක ධුරයෙන් සහ නියෝජ්‍ය කාරක සභා සභාපති ධුරයෙන් ශ්‍රී ලංකා නිදහස් පක්ෂයට ඉවත් නොවන ලෙසට ඉල්ලීමක් සිදුකර තිබේ.

06/04/2022

ප්‍රචණ්ඩකාරී විරෝධතාකරුවන්ට දැඩිව නීතිය ක්‍රියාත්මක කරනවා - ආරක්ෂක ලේකම් විශ්‍රාමික ජෙනරාල් කමල් ගුණරත්න මහතා
----------------------------------

*උද්ඝෝෂණවලදී ප්‍රචණ්ඩකාරී ක්‍රියාවලට සම්බන්ධ වන සියලු පුද්ගලයින්ට එරෙහිව දැඩිව නීතිය ක්‍රියාත්මක කරන බව ආරක්ෂක අමාත්‍යාංශයේ ලේකම් විශ්‍රාමික ජෙනරාල් කමල් ගුණරත්න මහතා පවසයි.

*විශේෂ ප්‍රකාශයක් නිකුත් කරමින් ඒ මහතා පෙන්වා දුන්නේ ඇතැම් කණ්ඩායම් මේ අයුරින් කටයුතු කරමින් සිටින බවත්, ජනජීවිතයට බාධා කිරීමට කිසිවකුටත් ඉඩ දි ‌නොහැකි බවත්ය.

06/04/2022

ජනාධිපතිවරයා ඉල්ලා අස් නොවන බව ආණ්ඩු පක්ෂයේ ප්‍රධාන සංවිධායක ජොන්ස්ටන් ප්‍රනාන්දු මහතා පාර්ලිමේන්තුවට කියයි.
----------------------------------

*ජනාධිපතිවරයා ඉල්ලා අස් නොවන බව ශ්‍රී ලංකා ආණ්ඩු පක්ෂයේ ප්‍රධාන සංවිධායක ජොන්ස්ටන් ප්‍රනාන්දු මහතා පාර්ලිමේන්තුවේදී ප්‍රකාශ කළේය.

*බදාදා එනම් අද දින (6) පාර්ලිමේන්තුවේදී අදහස් දක්වමින් ඔහු මේ බව පැවසීය.

06/04/2022

ඇති වී ඇති තත්වය සාමකාමීව පාලනය කරන ලෙස එක්සත් ජාතීන්ගේ මානව හිමිකම් කාර්යාලය ශ්‍රී ලංකාවෙන් ඉල්ලා සිටී
----------------------------------

*එක්සත් ජාතීන්ගේ මානව හිමිකම් කාර්යාලය (OHCHR) අඟහරුවාදා (5) ශ්‍රී ලංකාවේ ගැඹුරු වන ආර්ථික අර්බුදය සම්බන්ධයෙන් විරෝධතාවලට ප්‍රතිචාර වශයෙන් හදිසි තත්වයක් ප්‍රකාශයට පත් කිරීමෙන් පසු, ආතතීන් සාමකාමීව සමනය කරන ලෙස බලධාරීන්ගෙන් ඉල්ලා සිටියේය.

*OHCHR පැවසුවේ තත්වය වඩාත් නරක අතට හැරී ඇති බවත් ආහාර හා ඉන්ධන හිඟයක් ඇති බවත්, විදුලිය විසන්ධි කිරීමත් සමඟ මංමුලා සහගත ශ්‍රී ලාංකිකයන්ගේ නව විරෝධතා ඇති වූ බවත්ය.

*හදිසි නීතිය සහ අනෙකුත් සීමා කිරීම් වලින් පසුව, OHCHR හි ප්‍රකාශක Liz Throssell පැවසුවේ, එවැනි පියවරයන් සාමකාමී විරෝධතා හරහා මිනිසුන්ගේ දුක්ගැනවිලි නීත්‍යානුකූලව ප්‍රකාශ කිරීම වැළැක්වීම හෝ අධෛර්යමත් කිරීම අරමුණු කර ගෙන ඇති බවත්, ඔවුන් කරුණු සම්බන්ධයෙන් අදහස් හුවමාරු කර ගැනීම කලකිරීමට පත් කරන බවත්ය.

06/04/2022

🔴 LIVE | පාර්ලිමේන්තු සජීවී විකාශය | பாராளுமன்ற நேரலை | Parliament Live - 06.04.2022 (I)
Webcast - https://www.parliament.lk/.../bus.../webcast/parliament-live

.lk

06/04/2022

අද (06) කාලගුණ අනාවැකිය
----------------------------------

*දිවයිනේ බොහෝ ප්‍රදේශවල සවස් කාලයේ දී හෝ රාත්‍රී කාලයේ දී තැනින් තැන වැසි හෝ ගිගුරුම් සහිත වැසි ඇති වන බව කාලගුණ විද්‍යා දෙපාර්තමේන්තුව නිවේදනය කරයි.

*මධ්‍යම, සබරගමුව, දකුණ, බස්නාහිර, ඌව සහ උතුරු-මැද පළාත්වලත් අම්පාර දිස්ත්‍රික්කයෙත් ඇතැම් ස්ථාන වලට මි.මී. 100 ට වැඩි තද වැසි ද ඇති විය හැක.

*ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්‍ය පියවර ගන්නා ලෙස එම දෙපාර්තමේන්තුව ජනතාවගෙන් ඉල්ලා සිටී.

06/04/2022

නියෝජ්‍ය කථානායක රංජිත්
සියඹලාපිටියගේ ඉල්ලා අස්වීම ප්‍රතික්ෂේපයි!
----------------------------------

*නියෝජ්‍ය කථානායක ධුරයෙන් ඉවත්වීම සඳහා රංජිත් සියඹලාපිටිය විසින් ජනාධිපතිවරයා වෙත කළ ඉල්ලීම ජනාධිපති ගෝඨාභය රාජපක්ෂ විසින් ප්‍රතික්ෂේප කර තිබෙනවා.
ඊයේ දිනයේදී රංජිත් සියඹලාපිටිය මන්ත්‍රීවරයා විසින් ලිපියක් යොමු කරමින් ජනාධිපතිවරයා වෙත දැනුම් දුන්නේ තමන් නියෝජ්‍ය කථානායක ධුරයෙන් ඉවත්වීමට කටයුතු කරන බවයි.
කෙසේ වෙතත්, ජනාධිපතිවරයා සහ නිදහස් පක්ෂය අතර ඊයේ පැවති සාකච්ඡාවේදී ජනාධිපතිවරයා දැනුම් දී ඇත්තේ තවදුරටත් නියෝජ්‍ය කථානායක ධුරයේ කටයුතු කරන ලෙසයි.
එහිදී ජනාධිපතිවරයා ඉල්ලා ඇත්තේ පාර්ලිමේන්තු ප්‍රජාතන්ත්‍රවාදය ආරක්ෂා කිරීම සඳහා නියෝජ්‍ය කථානායක ධුරයෙන් ඉවත් නොවන ලෙසටයි.

06/04/2022

ජනාධිපතිවරයාට ඉල්ලා අස්වන ලෙස ව්‍යවස්ථාපිත ප්‍රතිපාදන නැහැ - කථානායක
----------------------------------

*කථානායක මහින්ද යාපා අබේවර්ධන මහතාගේ ප්‍රධානත්වයෙන් අඟහරුවාදා (05) පැවැති පක්ෂ නායක රැස්වීමේදී ජනාධිපතිවරයා ඉල්ලා අස්වීම, නව ජනාධිපතිවරයකු පාර්ලිමේන්තුව හරහා පත් කිරීම හෝ අතුරු ආණ්ඩුවක් පිහිටුවීම පිළිබඳ යෝජනාවක් ඉදිරිපත් විය.

*කෙසේ වෙතත් ඒ සඳහා ව්‍යවස්ථාපිත ප්‍රතිපාදන නොමැති බව කථානායකවරයා පක්ෂ නායකයින්ට දැනුම් දී තිබේ.

*මේ අතර පාර්ලිමේන්තුව විසුරුවා හැරීම සඳහා තවත් යෝජනාවක් ඉදිරිපත් වී තිබේ.

*පාර්ලිමේන්තුව විසුරුවා හැරීමට ජනාධිපතිවරයාට බලයක් නොමැති බැවින් බහුතර මන්ත්‍රීවරුන්ගේ යෝජනාවක් සම්මත කර ජනාධිපතිවරයා වෙත ඉදිරිපත් කළ හැකි බව පක්ෂ නායකයින් පෙන්වා දී තිබේ.

*කෙසේ වෙතත්, කථානායකවරයා ප්‍රතිචාර දක්වා ඇත්තේ එම යෝජනාව සම්මත කර ජනාධිපතිවරයා වෙත ඉදිරිපත් කළද දින 52 ආණ්ඩුව සම්බන්ධයෙන් ශ්‍රේෂ්ඨාධිකරණය ලබාදුන් නියෝගයෙන් පසු එම යෝජනාව නොසලකා හැරීමට ජනාධිපතිවරයාට හැකිවනු ඇති බවයි. මේ අතර, පාර්ලිමේන්තුව විසුරුවා හැරීමෙන් පසු මැතිවරණයකට යාමට තෝරාගත් පක්ෂවල අකමැත්තක් දක්නට ලැබේ.

06/04/2022

අදත් (06) විවාදයකට පාර්ලිමේන්තුව රැස්වේ!
----------------------------------

*ඊයේ (05) රැස්වූ පක්ෂ නායක රැස්වීමේදී ගත් තීරණයකට අනුව පාර්ලිමේන්තුව අද (06) පෙරවරු 10.00 ට රැස්වීමට නියමිතව තිබේ.

*ඒ අනුව රටේ වත්මන් තත්වය සම්බන්ධයෙන් පාර්ලිමේන්තු විවාදයක් අදත් පැවැත්වීමට නියමිතයි. කථානායක මහින්ද යාපා අබේවර්ධනගේ ප්‍රධානත්වයෙන් ඊයේ පක්ෂ නායක රැස්වීම පැවැත්විණ එහිදී රටේ පවතින වත්මන් තත්වය පිළිබඳ වැදගත් කරුණු කීපයක්ද කතාබහට ලක්වූ බව ආරංචි වේ.

06/04/2022

අද (6) ත් පැය 6කට වැඩි විදුලි කප්පාදුවක්
----------------------------------

*ලංකා විදුලිබල මණ්ඩලය සඳහන් කළේ, A සිට L දක්වා කලාප 12 ට පෙරවරු 8.00 සිට පස්වරු 5.00 දක්වා පැය 4 ක් ද, පස්වරු 5.00 සිට රාත්‍රී 7.30 දක්වා පැය 2 යි විනාඩි 30 ක් ද, විදුලිය කප්පාදු කරන බවයි.

*P සිට W දක්වා කලාපවලට පෙරවරු 10.00 සිට පස්වරු 6.00 දක්වා පැය 4 ක් හා පස්වරු 6.00 සිට රාත්‍රී 11.00 දක්වා පැය 2 යි විනාඩි 30 ක් විදුලිය කප්පාදු කෙරෙනු ඇති.

*කොළඹ නගරයේ වාණිජ කලාපයේ විදුලි සැපයුම පෙරවරු 6.00 සිට පෙරවරු 9.30 දක්වා පැය 3.00 යි විනාඩි 30 ක් කප්පාදු කරන බව ද විදුලිබල මණ්ඩලය නිවේදනය කළේ ය.

06/04/2022

නිරූපමා රාජපක්ෂ දිවයිනෙන් පිටව යයි
----------------------------------

*නිරූපමා රාජපක්ෂ ඊයේ රාත්‍රියේ දී කටුනායක ගුවන් තොටුපළෙන් ඩුබායි බලා පිටත්ව ගිය බව කටුනායක ගුවන් තොටුපළ ආගමන විගමන දෙපාර්තමේන්තු නිලධාරීන් සනාථ කර සිටිනවා.

*ඇය ඊයේ දින රාත්‍රී 10.25 ට එමිරේට්ස් ගුවන් සේවයේ ඊ.කේ.- 655 දරන ගුවන් යානයෙන් එසේ ඩුබායි බලා පිටත්ව ගොස් තිබුණා.

*ඇය රාජපක්ෂ පවුලේ සමීපතම ඥාතීවරියක වන අතර අයථා මුදල් ගණුදෙනු සහ මූලාශ්‍ර ඉදිරිපත් කළ නොහැකි මුදල් වත්කම් සහ උපයා ගැනීම් පිළිබඳව සුප්‍රකට පැනමා පත්‍රිකා වලින් ද පසුගිය දා චෝදනාවට ලක් වී තිබුණා.

05/04/2022

පාර්ලිමේන්තුව අසල සිදුවූ සිද්ධිය ගැන විශේෂ නිවේදනයක්...
-----------------------------

*පාර්ලිමේන්තු සංකීර්ණය අසල මාර්ග බාධකයකදී අද ඇතිවූ සිද්ධියක් සම්බන්ධයෙන් වහාම ස්වාධීන පරීක්ෂණයක් කරන ලෙස පොලිස්පතිවරයා දැනුම්දී තිබේ. පොලිස් මාධ්‍ය ප්‍රකාශක කාර්යාලය විශේෂ මාධ්‍ය නිවේදනයක් නිකුත් කරමින් මේ බව ප්‍රකාශ කර ඇත.

*මේ අතර යුද හමුදා මාධ්‍ය ඒකකය නිවේදනයක් නිකුත් කරමින් පවසන්නේ අද පස්වරුවේ යුද හමුදාවේ යතුරුපැදි ඒකකයේ සිව්දෙනෙකු පාර්ලිමේන්තු සංකීර්ණය අසල මාර්ග බාධකයක් වෙත පැමිණි අවස්ථාවේ ඔවුන්ට සුදුසු නොවන ආකාරයෙන් හැසිරුණු පොලිස් නිලධාරීන් දෙදෙනෙකු සම්බන්ධයෙන් කඩිනමින් විමර්ශනයක් සිදුකොට අදාළ නිලධාරීන්ට එරෙහිව විනයානුකූලව කටයුතු කරන ලෙස යුද හමුදාපතිවරයා පොලිස්පතිවරයාගෙන් ඉල්ලීමක් කර ඇති බවය.

05/04/2022

හදිසි නීතිය අවලංගු කරමින් ජනාධිපතිවරයාගෙන් අති විශේෂ ගැසට් නිවේදනයක්.

05/04/2022

05/04/2022

05/04/2022