FactResearch (2024)

02/11/2023

ජාතික ජන බලවේගයේ ඇමරිකානු ජන හමු පිලිබදව විවිධ පුවත් පළවූ අතර, ප්‍රචාරණ වැඩ පිළිවෙල සම්බන්දයෙන් පැතිර ගිය පුවතක නිරවධ්‍යතාව සෙවීමට තීරණය කරන ලදී.

සමාජ මාධ්‍ය සටහන්

කොහොමද අපේ USA ප්‍රචාරණ යාන්ත්‍රනය සුපිරි නේද.. දැන්වත් පිලිගන්නවලා එහෙ ජෙප්පෝත් කරන වැඩේ හරියටම කරනවා කියලා යන ශීර්ෂය යටතේ පහත සටහන පලව තිබිණි.

මුලාශ්‍ර - https://web.facebook.com/photo?fbid=10231231585281867&set=a.10211291893842043

තොරතුරු විමර්ශනය

අප මේ ප්‍රචාරණ රථය පිලිබදව අන්තර්ජාලය හරහා සෙවීමක් සිදු කරන ලද අතර එහිදී අනාවරණය වුයේ traffic display ආයතනය විසින් සිදු කරන ලද ප්‍රචාරණ රථයක රුවක් ව්‍යාජ ලෙස සකසා එය ජාතික ජන බලවේගයේ ප්‍රචාරණයක් ලෙස හුවා දක්වමින් කටයුතු කර ඇති බවයි.

මුලාශ්‍ර - https://trafficdisplays.com/landing/boston/

නිගමනය

ජාතික ජනබල වේගයේ නායක අනුර කුමාර මහතා සහභාගී වන බොස්ටන් සම්මන්ත්‍රණය පිළිබද සිදු කරන ලද ප්‍රචාරණ ලොරි රථයක් ලෙස හුවා දක්වමින් සමාජ මාධ්‍ය හරහා සංසරණය වන ලොරි රථය ව්‍යාජ බවයි.

01/10/2023

බාලවයස්කාර පෙම්වතුන් පොලිස් අත්අඩංගුවට ගැනීම සම්බන්දයෙන් විවිධ කතාබහ නිර්මාණය වන අතර ඒ සදහා පෙම් සම්බන්දතාව ආරම්භ කිරීමට පෙර පොලිස් අවසරය ගත යුතු ද ?

සමාජ මාධ්‍ය සටහන්

පෙම් සම්බදතාවක් පවත්වාගෙන යාම සදහා අවසර ගැනීමේ ඉල්ලුම් පත්‍රය යන ශිර්ෂය යටතේ ඉල්ලුම්කරු විසින් සම්පුර්ණ කල යුතු විස්තර පුරවා දෙමව්පියන්ගේ අත්සන ලබා ගෙන ඉන්පසු සහකරුගේ විස්තර පුරවා සහකරුගේ දෙමව්පියන්ගේ අත්සන සහිතව ප්‍රදේශයේ පොලිස්ථානයේ ස්ථානාධිපතිවරයාගේ අත්සන ලබා ගත යුතු බවට හැගවෙන අයදුම්පත්‍රයක් සමාජ මාධ්‍ය හරහා සංසරණය විය.

තොරතුරු විමර්ශනය

අප මේ පිලිබදව පොලිස් මාධ්‍ය ප්‍රකාශක කාර්යාලයෙන් විමසීමක් සිදු කරන ලද අතර, එවැනි කිසිදු අයදුම්පත්‍රයක් නිකුත් නොකරන ලද බවට තහවුරු කරන ලදී. තවද බාලවයස්කාර දරුවන් යම් නොමනා ක්‍රියාවන් සිදු කිරීමට ඇති හැකියාව නිසාවෙන් දෙමව්පියන් ඒ පිලිබදව අවධානයෙන් කටයුතු කොට, දරුවන් ආරක්ෂා කර ගැනීමේ වගකීම ද සතු වේ. එවැනි යම් අපචාර සදහා යොමුවන දරුවන් පුනරුත්ථාපනය සදහා යොමු කරන අතර, අශෝබන ලෙස හැසිරෙන්නේ නැති පෙම් යුවල් සදහා කිසිදු බාදාවක් නොමැති බවද තහවුරු කරන ලදී.

නිගමනය

පෙම් සම්බදතාවක් පවත්වාගෙන යාම සදහා අවසර ගැනීමේ ඉල්ලුම් පත්‍රය ලෙස පෙම්වතුන් විසින් දෙමව්පිය අවසරය සහිතව පොලිසියේ අවසරය ලබා ගත යුතු බවට සැලකෙන ඉල්ලුම් පත්‍රය ව්‍යාජ එකකි.

19/09/2023

වසීම් අක්‍රම් ශ්‍රී ලංකාවේ ආසියානු කුසලාන පරාජය ගැන දැක්වූ අදහස් සමාජ මාධ්‍ය තුළ විශාල කතිකාවතක් නිර්මාණය වූ අතර, එහි සත්‍යතාව කුමක්ද යන්න පිළිබද ව Fact Research කරුණු විමර්ශනය කරන ලදී.

සමාජ මාධ්‍ය සටහන්

ශ්‍රී ලංකා කණ්ඩායම ක්‍රීඩා කල ආකාරය අනුව තිරය පිටුපස යම් කිසි වැඩපිළිවෙලක් දැනටමත් සකස් කර ඇති බව පෙනේ. අවසන් මහා තරගයට පැමිණි කණ්ඩායමක් මේ ආකාරයෙන් ක්‍රීඩා කරනවා දැකීම ප්‍රශ්න කිහිපයක් මතුවන නමුත් සමහර විට අප නිහඩව සිටිය යුතු අතර ICC සහ BCCI කලබල නොවිය සිටිය යුතුය.

වසීම් අක්‍රම්

තොරතුරු විමර්ශනය

වසීම් අක්‍රම් වැනි ජනප්‍රිය හිටපු ක්‍රිකට් ක්‍රීඩකයෙකු මෙවැනි ආන්දෝලනාත්මක ප්‍රකාශයක් කළේ නම් එය ප්‍රධාන ප්‍රවෘත්ති ආයතන විසින් ආවරණය කරනු ඇත.
අප මේ පිලිබදව අන්තර්ජාතික මාධ්‍ය හා මේ සම්මුඛ සාකච්ජාව සිදු කරා යැයි පැවසෙන Star Sports නාලිකාව පිළිබද සොයා බැලීමක් සිදු කරන ලද අතර එවැනි තරග පවා දීමක් පිළිබද කිසිදු පුවතක් හෝ සටහනක් වාර්තා කර නොතිබිණි.

මේ පිලිබදව වසීම් අක්‍රම් සිය නිල ට්විටර් ගිණුමේ මෙලෙස සදහනක් කර තිබිණි.

People need to stop thinking everything on social media is true. The bad is always easier to believe than the good. Fake news, in our part of the world, ignites unnecessary controversies, sparks hate and toughens the rift between us something that both countries do not need any more of. Enough is enough !

මිනිස්සු සමාජ මාධ්‍යවල තියෙන හැමදේම ඇත්ත කියලා හිතන එක නතර කරන්න ඕන. හොඳ දේට වඩා නරක දේ විශ්වාස කිරීම සැමවිටම පහසුය. ව්‍යාජ ප්‍රවෘත්ති අප ලෝකයේ එක් කොටසකි. අනවශ්‍ය මතභේද අවුලුවයි, වෛරය අවුලුවයි, දෙරටටම තවදුරටත් අවශ්‍ය නොවන දෙයක් අප අතර ඇති විරසකය දැඩි කරයි.

මුලාශ්‍ර - https://wisden.com/series-stories/cricket-world-cup-2023/enough-is-enough-wasim-akram-lashes-out-at-fake-news-on-social-media-following-pakistans-asia-cup-exit

නිගමනය

වසීම් අක්‍රම් විසින් ශ්‍රී ලංකාව ආසියානු කුසලානයේදී තරග පවා දී ඇති බවට හැගවෙන කිසිදු ප්‍රකාශයක් කර නොමැති අතර, එවැනි කිසිදු සදහනක් ජාත්‍යන්තර මාධ්‍ය වාර්තා කර නොතිබිණි.
යම් පුද්ගලයෙකු විසින් අසත්‍ය තොරතුරක් පළමුව වාර්තා කර ඇති අතර, එය බොහෝ පිරිස් සත්‍ය තොරතුරක් ලෙස වාර්තා කර තිබිණි.
එබැවින් එම අසත්‍ය තොරතුර නැවත වාර්තා නොකරන මෙන් Fact Research මහජනතාවගෙන් ඉල්ලීමක් කරයි.

19/09/2023

ආසියානු කුසලානය ශ්‍රී ලංකාව පරාජයට පත් වීමත් සමග බොහෝ පුද්ගලයන් විවිධ අදහස් දක්වා තිබුණු අතර එවැනි දක්වා තිබු අදහසක නිරවධ්‍යතව සෙවීම සදහා Fact Research තීරණය කරන ලදී.

සමාජ මාධ්‍ය සටහන්

ශ්‍රී ලංකාව මේ ලද පරාජය තුළ සැගව ඇත්තේ මෙවර ලෝක කුසලාන ජයග්‍රහණය විය හැක. මගේ මතකයට අනුව 1995 බෙන්සන් ඇන්ඩ් හෙජස් තරගාවලියද මේ අයුරින්ම නින්දා සහගත ලෙස ශ්‍රී ලංකා පිල පරාජය වුවත් ඉන් මාසයකට පමණ පසු පැවති 1996 ලෝක ශුරයින් බවට ඔවුන් පත්වුණා.

මා ශ්‍රී ලංකා නායක දසුන් ශානක තුලින් දකින්නේ 96 දී අර්ජුන රණතුංග සිය තරුණ කණ්ඩායම හැසිර වූ පරිපුරණත්වය යි. දසුන් 2027 ලෝක කුසලානය තෙක් ශ්‍රී ලංකාවට නායකත්වය දිය යුතු ශ්‍රී ලංකා ක්‍රිකට් ක්‍රීඩාවේ නූතන අර්ජුන බව මාගේ අදහසයි.

සිටපු ඕස්ට්‍රේලියානු සුපිරි ක්‍රිකට් ක්‍රීඩක ඇන්ඩෘ සයිමන්ඩ්ස්

තොරතුරු විමර්ශනය

හිටපු ඕස්ට්‍රේලියානු සුපිරි ක්‍රිකට් ක්‍රීඩක ඇන්ඩෘ සයිමන්ඩ්ස් 2022 වසරේ මැයි මස 14 වන දින සිදුවූ මෝටර් රථ අනතුරකින් ජිවිතක්ෂයට පත් වූ අතර, 2023 වසරේ පැවති ආසියානු කුසලානය පිළිබද කිසිදු සදහනක් සිදු කිරීමට ඔහුට අවකාශ නොමැත.

නිගමනය

ආසියානු කුසලාන අවසන් මහා තරගය ශ්‍රී ලංකාව පරාජයට පත් වීම සම්බන්දයෙන් හිටපු ඕස්ට්‍රේලියානු සුපිරි ක්‍රිකට් ක්‍රීඩක ඇන්ඩෘ සයිමන්ඩ්ස් සිදු කරන ලද ප්‍රකාශය අසත්‍ය වන අතර ඔහු 2022 මැයි 14 වන දින මෝටර් රථ අනතුරකින් ජිවිතක්ෂයට පත් විය.

18/09/2023

ධනුෂ්ක ගුණතිලක වරින් වර පුවත් මවන චරිතයක් වන අතර වර්තමානයේ අපචාර චෝදනාවක් මත ඕස්ට්‍රේලියානු අධිකරණය මත පෙනී සිටිය යුතු අතර, ඔහු ගැන පළවූ පුවතක නිරවධ්‍යතාව සෙවීමට Fact Research කටයුතු කරන ලදී.

සමාජ මාධ්‍ය සටහන්

ධනුෂ්ක ගුණතිලක තම පෙම්වතිය වන නීතිඥවරියගේ අතින් අල්ලන් යන ජායාරුපයක් ලෙස හුවා දැක්වෙන ජායාරුපයක් විවිධ සිරස්තල ඔස්සේ සමාජ මාධ්‍ය හරහා සංසරණය විය.

සැබෑ ආදරය නඩුවක් ලෙස වුවද පැමිණිය හැක 😌❤️🥹
ලෝයර් නෝනයි ඩැනියි 🥺🙉😍

මුලාශ්‍ර- https://web.facebook.com/photo/?fbid=331899526029917&set=pcb.331899816029888

කැලේ මාරු උනාට කොටියාගෙ පුල්ලි මාරු වෙන්නේ නෑ මහත්තයෝ

මුලාශ්‍ර - https://web.facebook.com/photo/?fbid=644317744500804&set=a.510527754546471

දැන් එතකොට නඩුව විසදෙන්නේ මෙහෙම!
දස්ස කොල්ලා

මුලාශ්‍ර - https://web.facebook.com/photo/?fbid=2978451105622872&set=a.403141446487197

තොරතුරු විමර්ශනය

අප මෙම ජායාරුපයේ මුලාශ්‍රය ලෙස යොදා ගත The Australian පුවත්පතේ නිල වෙබ් අඩවිය වන www.theaustralian.com.au වෙබ් අඩවිය වෙත ගොස් එහි කරුණු පිළිබද සොයා බැලීමක් සිදු කරන ලදී.

එහිදී ධනුෂ්ක ගුණතිලක අධිකරණය වෙත පිවිසෙන ජායාරුප සමග ප්‍රවෘත්තිය පළ කර තිබුනත් එහි නීතිඥවරියගේ අතින් අල්ලන් යන කිසිදු සටහනක් යොදා නොමැති අතර, එහි සදහන්ව තිබුනේ " ගුණතිලක මහතා ඔහුගේ වර්තමාන පෙම්වතිය යැයි සැලකෙන කාන්තාවක් සමඟ උසාවියට පැමිණේ" යනුවෙනි.
"Mr Gunathilaka arriving at court with a woman believed to be his current girlfriend"

මුලාශ්‍ර- https://www.theaustralian.com.au/breaking-news/alleged-rape-victim-of-sri-lankan-cricketer-danushka-gunathilaka-feared-for-her-life-court/news-story/714bcde75a663cf059938fa5abf5b8e7

නිගමනය

ධනුෂ්ක ගුණතිලක සිය වර්තමාන පෙම්වතිය වන නීතිඥවරියකු හා සමග අධිකරණය වෙත පැමිණෙන බවට සැලකෙන ජායාරුපයේ සත්‍ය සටහන තුල එවැනි කිසිදු සදහනක් නොමැති අතර, පෙම්වතිය ලෙස පමණක් සදහන් කර ඇත. නමුත් මෙරට සමාජ මාධ්‍ය ක්‍රියාකාරීන් විසින් නඩුවට පෙනී සිටින නීතිඥවරිය සමග පෙමින් වෙලෙමින් සිටින බවට නොමග යවන තොරතුරක් වාර්තා කොට ඇත.

11/09/2023

ශ්‍රී ලංකා තැපැල් දෙපාර්තමේන්තුව හරහා ඔබට ත්‍යාග ලැබීමක් පිළිබද පණිවිඩ බොහෝ පුද්ගලයන් හට ලැබී තිබෙන අතර ඒ පිළිබද බොහෝ දෙනාගේ අවධානය යොමු විය.

මෙහි දී ඔබට පාර්සලයක් ඩිලිවරි කිරීමට තිබෙන බැවින් ඔබගේ විස්තර ඇතුලත් කරන ලෙස පවසා ඔබට මැසේජ් එකක් ලැබෙන්න පුළුවන්. එම මැසේජ් එක තුළ link එකක් ඇතුලත් කරලා තියෙනවා. එම ලින්ක් එක හරහා යනවිට ශ්‍රී ලංකා තැපැල් සේවයේ වෙබ් අඩවියට ඔබ ඇතුලත් වෙනවා.
👉හැබැයි එය සැබෑම ශ්‍රී ලංකා තැපැල් සේවයේ වෙබ් අඩවිය නොවෙයි. තැපැල් වෙබ් අඩවිය හා සමානවම සෑදූ ව්‍යාජ වෙබ් අඩවියක්.
👉 එම ව්‍යාජ තැපැල් වෙබ් අඩවියට ගියහම ඔබගේ නම ලිපිනය ඇතුළු විස්තර ඉල්ලනවා.
👉 එහෙම විස්තර දුන් පසුව රුපියල් 99/= ක ගාස්තුවක් ගෙවන්න කියල තියෙනවා.
👉 එම රුපියල් 99/= ගෙවන්න ඔබගේ බැංකු කාඩ් පත ඇතුලත් කරන්න කියනවා.
👉 ඔබගේ බැංකු කාඩ්පත ඇතුලත් කරලා ටික වේලාවකින් ඔබගේ බැංකු ගිණුමේ ශේෂය 00000 බවට පත්වෙලා තියෙන හැටි බලාගන්න පුළුවන්.

මේ පිලිබදව අප තැපැල්පති තුමාගෙන් විමසීමක් සිදු කරන ලද අතර, එවැනි කිසිදු ආකාරයක තැපැල් සේවයේ වෙබ් අඩවියට ඇතුලත් වීමක් නොව, ව්‍යාජව සකසන ලද වෙබ් අඩවියක් සදහා ඇතුලත් වන බවයි.

අපි මේ පිළිබඳ මොරටු විශ්ව විද්‍යාලයේ පරිගණක විද්‍යා හා ඉංජිනේරු අධ්‍යයනාංශයන් විමසීමක් කරන ලදී.

මෙවැනි SCAM වර්ගයේ පණිවිඩ සදහා ඔබ දැනුවත්ව හෝ නොදැනුවත්ව පිවිසීමෙන් ඔබ පරිගනකයේ හෝ ජංගම දුරකථනයේ ඇති සියලු දත්ත හා තොරතුරු මෙන්ම ඡායාරූප විවිධ පාර්ශව අතරට පත්විමට ඉඩ ඇති අතර අපරාධ හා වෙනත් සාමාජ විරෝධී ක්‍රියා සදහා එම තොරතුරු භාවිතා කිරීමට ඉඩ ඇති බවයි

එබැවින් එබැවින් ශ්‍රී ලංකා තැපැල් හරහා මුදල් ගෙවීමට OTP අංක ඉල්ලීමක් සිදු කරන්නේ නම් ඒ පිළිබද අවධානයෙන් කටයුතු කරන මෙන් Fact Research මහජනතාවගෙන් ඉල්ලීමක් කරයි.

23/08/2023

ගුගල් හරහා සෙවීම් සිදු කිරීමේදී විව්ධාකාර සෙවුම් ලැබීම සිදු වන අතර, එවැනි සිදුවීමක් ගැන පළවූ වර්තාවක නිරවධ්‍යතාව සෙවීමට Fact Research තීරණය කරන ලදී.

සමාජ මාධ්‍ය සටහන්

අපේ මහත්තයා Facebook පිටුවේ මෙලෙස සදහන් විය.

ඔබ ගුගල් වෙත ගොස් 241543903 යන අංකය සදහන් කර සෙවීමක් සිදු කල හොත් මිනිසුන් හිස ශීතකරණ තුලට දමාගෙන සිටින ජායාරුප දැක ගත හැකි වේ.
මුලාශ්‍ර-
https://web.facebook.com/photo?fbid=677891297712773&set=a.597330139102223

තොරතුරු විමර්ශනය

අප 241543903 යන අංකය ගුගුල් හා යාහු යන සෙවීම් දෙක හරහාම සෙවීමක් සිදු කරන ලද අතර, එම පුවත සතයක් බවට තහවුරු විය.

මෙහි නිධාන කතාව

ඩේවිඩ් හෝර්විට්ස් විසින් 2009 අප්‍රේල් 6 වන දින අධිශීතකරණයක තබා ඇති ඔහුගේ හිස පින්තූරයක් පළ කර එය 241542903 අංකයෙන් ටැග් කරන ලද අතර ඉන් දින කිහිපයකට පසු, ඔහු අනෙක් අයටද එසේ කිරීමට උපදෙස් මාලාවක් Tumblr හි පළ කළේය.
මෙහිදී Horvitz ගේ අදහස වූයේ SEO (සෙවුම් යන්ත්‍ර ප්‍රශස්තිකරණය) නිසි ප්‍රයෝජන ගැනීමයි, නොපැහැදිලි අංක මාලාවක් තෝරාගෙන එය සමඟ ඔවුන්ගේ සියලුම ඡායාරූප ටැග් කිරීමෙන් ශීතකරණ තුලට මිනිස් හිස් යොදා ගත් ඡායාරූප සියල්ලම එක Google Images සෙවුමකින් අවසන් කිරීම ඔහු බලාපොරොත්තු විය.

මේ අනුව 2009 හා 2010 වසරයන් හිදී මෙය ඉතාමත් ජනප්‍රිය වූ අතර Tumblr හා Flickr වල වැඩි වශයෙන් භාවිත වීමත් සමග මේ යෙදුම ජනප්‍රිය විය. තවද බ්‍රසීලය ජපානය වැනි රටවල ද විශාල ජනප්‍රියතාවයක් මෙම අංකය සහිත ජායාරුප වලට හිමි විය.

නිගමනය

241543903 අංක ගුගුල් වැනි අන්තර්ජාල සෙවීම් හරහා සෙවීමේදී මිනිසුන් හිස දමාගෙන සිටින ජායාරුප දර්ශනය වීම සත්‍ය වන අතර, ඩේවිඩ් හෝර්විට්ස් නමැති පුද්ගලයෙකු විසින් SEO උපරිම භාවිත කිරීමේ හැකියාව සෙවීම සදහා භාවිත කරන ලද අංක කිහිපයක් මෙලෙස ජනප්‍රිය වී තිබේ.

18/08/2023

ඖෂධ ගැන විවිධ කතිකාවත් නිර්මාණය වන පසුබිමක සිරින්ජර් නොමැති නිසා අපහසුතාවට පත් වන රෝගීන් සම්බන්දව පලවුනු පුවතක නිරවර්ධ්‍යතාව සෙවීමට FactResearch තීරණය කරන ලදී.

සමාජ මාධ්‍ය සටහන්

Dasu - දසු නමැති ෆේස්බුක් පිටුව මෙලෙස සදහන් කර තිබිණි.

මේ දකුණු පළාතේ ප්‍රධානම රෝහලේ ලේ ගන්න සිරින්ජර් නොමැති නිසා ලේ ගන්න හැටි

අපි ඔය කටුවත් නැතිවෙන දවස එනකන් දේශපාලුවන් ට කඩේ යමු.

මුලාශ්‍ර - https://m.facebook.com/story.php?story_fbid=pfbid0SVFe78J8ZMWVewTo8NuYTPhEBwfxLJR6LnUUK13M8EqGZjLMHdGsZqJvs1JG4xgKl&id=100050609945467&sfnsn=wa&mibextid=RUbZ1f

තොරතුරු විමර්ශනය

අප මේ ජායාරුපයේ දැක්වෙන ආකාරයේ ලේ ගැනීම් සිදුවන ද යන්න පිලිබදව සෞඛ්‍ය අමාත්‍යංශයේ මාධ්‍ය ඒකකයෙන් විමසීමක් සිදු කරන ලදී.

එහිදී ඔවුන් තහවුරු කරන ලද්දේ එය සම්පුරණයෙන්ම අසත්‍ය පුවතක් බවයි. මේ ආකාරයට පිටි අල්ල භාවිත කර ලේ ගන්නා අවස්ථා ඕන තරම් රෝහල් හා සායන වල සිදුවන බවත්, එය පහත අවස්ථා වලදී මෙලෙස සිරින්ජර් නොමැතිව රුධිරය ලබා ගන්නා බවයි.
1.කුඩා ළමුන් ගෙන් රුධිරය ලබා ගැනීමේදී.
2. රුධිරය ලබා ගන්නා රුධිරවාහිනී සිහින්ව ඇති හෝ පැහැදිලිව නොපෙනෙන අවස්ථාවක
3. පිටි අල්ලේ රුධිරය ගලා යන බැවින් රෝගියෙකුගෙන් ආයාසයකින් තොරව රුධිරය ලබා ගත යුතු අවස්ථාවක සිරින්ජර් භාවිත නොකොට රුධිරය ලබා ගන්නා අවස්ථාවක
ඉහත කරුණු වලට අමතරව විශේෂිත අවස්තාවන් හිදී මෙලෙස රුධිරය ලබා ගන්නා අතර, එය අවස්ථාව හා රෝගී ස්වභාවය හා රෝගී තත්ත්ව මත තීරණය කරන්නක් මිස සිරින්ජර් නොමැති කම නිසාවෙන් රුධිරය ලබා ගැනීම ලෙස නිර්වචනය කිරීම අසත්‍ය බවයි.

මුලාශ්‍ර - https://www.youtube.com/watch?v=eP98ECOqQLA&t=113s

නිගමනය

රෝගීන්ගේ තත්වය හා රෝගී ස්වභාවය මත පිටි අල්ල ප්‍රදේශයෙන් රුධිරය ලබා ගැනීම ලොව පිළිගත් වෛද්‍ය ක්‍රමවේදයක් බවත්, එය සිරින්ජර් නොමැති කම නිසාවෙන් සිදුවන්නක් බවට සමාජ මාධ්‍ය හරහා සංසරණය වන පුවත මහජනයා නොමග යවන අසත්‍ය පුවතක් වේ.
#පරික්ෂාව

20/07/2023

දළදා මාලිගාවේ ඇසළ පෙරහැර හා බැදුණු පුවත් වලට මේ දිනවල වඩාත් අවධානය යොමු වන අතර එහි විදුලි බිල සම්බන්දයෙන් මතු වූ කරුණක සත්‍ය අසත්‍යතාව සෙවීමට Fact Research තීරණය කරන ලදී.

සමාජ මාධ්‍ය සටහන්

ඉතිහාසයේ පළමු වරට ශ්‍රී දළදා මාලිගාවේ පෙරහැරට නොමිලේ විදුලිය දෙන්න CEB බෑ කියයි. යනුවෙන් හා බොහෝ සමාජ මාධ්‍ය වල පුවත පල වූ අතර, ධනාත්මක හා අසතුටුදායක අදහස් පල වී තිබිණි.

මුලාශ්‍ර- https://web.facebook.com/photo/?fbid=779476957514123&set=a.519302533531568

තවද විපක්ෂ නායක සජිත් ප්‍රේමදාස මහතා නිවේදනයක් "අධිරාජ්‍යවාදීන් පවා හිස නැමූ දළදා හාමුදුරුවන්ටත් බිල් ලියන ආණ්ඩුවක්..!" යනුවෙන් නිකුත් කරමින් සිය විරෝධතාව දක්වා තිබිණි. බෞද්ධයින්ගේ මුදුන්මල්කඩ වන ශ්‍රී දළදා මාලිගාවේ ඇසළ පෙරහැරට පෙර කිසිකලෙක නොවු විරූ පැරිදි විදුලි බිල්පතක් ලියා ආණ්ඩුව ස්වකීය අශිෂ්ඨ, අමනෝඥ පිළිවෙත හෙළිදරව් කර ඇති බවය.
එමෙන්ම අදාළ නිවේදනයෙන් වැඩිදුරටත් පෙන්වා දෙන්නේ විහාරස්ථාන සහ ආගමික සිද්ධස්ථාන උදෙසා සහනදායි විදුලි බිලක් වෙත යොමුවීම ආණ්ඩුව නොවලහා කළ යුතු අතර ඒ උදෙසා සංස්කෘතික අරමුදලේ දායකත්වය ලබා ගැනීම කළ හැකි බවය.

මුලාශ්‍ර - https://web.facebook.com/photo?fbid=838319720987595&set=a.258874345598805

තොරතුරු විමර්ශනය

අප මේ පිලිබදව විදුලිබල මණ්ඩලයේ මහනුවර දිස්ත්‍රික් කාර්යාලයෙන් විමසීමක් සිදු කරන ලද අතර, ඔවුන් ප්‍රකාශ කරේ සෑම වසරකම දළදා මාලිගාවේ ඇසළ පෙරහැර සදහා විදුලි බිල ඇස්තමේන්තුව ඉදිරිපත් කරන අතර, එය සාමාන්‍ය ක්‍රියාවලියක් බවයි. එය මේ වසරට පමණක් අදාලව සිදු කරන ලද්දක් නොවන බවයි. පෙර වසර වල පෙරහැර පසුවී ගෙවීම් කටයුතු සිදු කරන මුත් මෙවර පෙරහැරට පෙර ගෙවිය යුතු බව පමණක් සිදු වූ එකම වෙනස් කම බව තව දුරටත් තහවුරු කරන ලදී.

අප මේ පිලිබදව දළදා මාලිගාවෙන් විමසීමක් සිදු කරන ලදී. එහෙදි සදහන් කරන ලද්දේ මහනුවර දළදා පෙරහැර හා සම්බන්ද වන සියලු ආයතන සමග එක්ව සාකච්ජා කොට, විදුලි බල මණ්ඩලයෙන් මේ පිලිබදව නැවත සලකා බැලීමක් සිදු කරන ලෙස ඉල්ලීමක් සිදු කරන ලද බවයි. තවද විදුලි බිල දළදා පෙරහැර පැවැත්වීම සදහා කිසිදු බාදාවක් නොවන බවද සදහන් කරන ලදී.

නිගමනය

දළදා මාලිගාවේ ඇසළ පෙරහැර වෙනුවෙන් ඉදිරිපත් කරන ලද බිල සෑම වසරකම ඉදිරිපත් කරන ලද ඇස්තමේන්තුවක් බවත්, එය සාමාන්‍ය ක්‍රියාවලියක් නොවන අතර, මෙලෙස විදුලි බිල ඉදිරිපත් වුවද දළදා පෙරහැර පැවැත්වීමට කිසිදු බාදාවක් නොවන බවයි.

11/07/2023

පඬුකරද ගහ පිළිබද සමාජ කතිකාවතක් මුල් වරට පැමිණියේ මධ්‍යම අධිවේගී මාර්ගය ඉදි කිරීමේදී ලොව ඇති එකම පඬුකරද ගහ ගලවා ඉවත් කිරීමේ සුදානමක් නිසාවෙනි. එම ගස හොර රහසේ ගලවාගෙන ගොස් තිබේද?

සමාජ මාධ්‍ය සටහන්

කොළඹ නුවර අධ්වේගීයට හරස් වූ පඬුකරද ගහ ගලවා ගෙන ගිහින් යනුවෙන් ප්‍රධාන පුවත් පතක් අද දින පුවත සිය පළමු පිටුවේ සදහන් කර තිබිණි.

තවද ලෝකයේ වඳවී යාමේ තර්ජනයට මුහුණ පාන ලද කෘඩියා සෙලනිකා ශාකය පිලිබදව සිරස TV මාධ්‍ය ජාලය විසින් දේවානි ජයතිලක මහත්මිය සමග සිදු කරන ලද පුවත් වාර්තාකරණය පහත දිගුව හරහා නැරඹිය හැක.

https://web.facebook.com/watch/?ref=search&v=259342328908070&external_log_id=eaf575d1-0ac6-4a19-b27f-388158979bf4&q=%E0%B6%AF%E0%B7%9A%E0%B7%80%E0%B7%8F%E0%B6%B1%E0%B7%92

තොරතුරු විමර්ශනය

අප මේ පිලිබදව වන සංරක්ෂණ දෙපාර්තමේන්තුවෙන් විමසීමක් සිදු කරන ලද අතර, පඬුකරද ගහ එම ස්ථානයෙන් කිසියම් පිරිසක් විසින් ඉවත් කර ඇති බවට තහවුරු කරන ලද අතර, ඒ සදහා ඔවුන්ගේ කිසිදු දායකත්වයක් නොමැති බව ප්‍රකාශ කරන ලදී. රජයට අයත් ඉඩමක පිහිටා ඇති මෙම ශාකය ගැලවීමේ නෛතික බලය හිමි වන්නේ රාජ්‍ය දැව සංස්ථාවට වන අතර, ඔවුන් එය සිදු කර නොමැති බවද තහවුරු කරන ලදී. තවද මාර්ග සංවර්ධන අධිකාරිය විසින් ද එම ගස ඉවත් කිරීමක් සිදු කර නොමැති බවට තහවුරු කරන ලදී.

මධ්‍යම අධිවේගී මාර්ගය සැකසීමේදී මේ ශාකය පිලිබදව යම් සාකච්ජා සිදු කරන ලද අතර, ශාකය ගලවා ඉවත් කිරීමට නොව, වෙනත් තැනක නැවත සිටු වීම පිළිබද අවධානය යොමු වූ අතර, එම සාකච්ජා හා වර්තමාන සිදුවීම පිලිබදව කිසිදු සම්බන්දයක් නොමැති බව තහවුරු කරන ලදී.
තවද මේ සම්බන්දයෙන් අධිකරණය වෙත කරුණු දැක්වීමක් සිදු කිරීමට නියමිත බවද වැඩි දුරටත් සදහන් කරන ලදී.

ප්‍රදේශවාසීන් විසින් පවසන පරිදි 4ත් 4.30 ත් අතර කාල සීමාව තුලදී පුද්ගලයන් පිරිසක් පැමිණ, බැකෝ යන්ත්‍ර යොදා එම ගස ගලවා ඉවත් කරමින්, බැකෝ යන්ත්‍ර රැගෙන එන ලද ලොරියේම එය පටවා ගනිමින් එම ස්ථානයෙන් රැගෙන ගිය බවයි.

නිගමනය

පඬුකරද ගහ ගලවා ඉවත් කර ඇති බවට සමාජ මාධ්‍ය ප්‍රමුඛ මාධ්‍ය මගින් වාර්තා කරන ලද පුවත සත්‍ය පුවතක් වන අතර, මෙම ලිපිය ලියන ලද අවස්ථාව වෙන තුරු, එම ශාකය ගලවා ඉවත් කරන ලද්දේ කවුරුන් විසින් ද යන්න අනාවරණය වී නොතිබිණි.

07/07/2023

ලොතරැයි මුදල දෙගුණ කිරීම 6 වෙනිදා සිට සිදු කිරීම ගැන සමාජයේ බොහෝ දෙනෙකු කතා කරන්න අතර, එවැනි කතාවක් ගැන සත්‍ය සෙවීමට Fact Research තීරණය කරන ලදී.

සමාජ මාධ්‍ය සටහන්

දයාසිරි ජයසේකර මහතා පාර්ලිමේන්තුව අමතමින් මෙලෙස ප්‍රකාශ කරන ලදී.
" ලොතරයියක මිල රුපියල් 20 සිට 40 දක්වා වැඩි කරලා තියනවා... මේකේ ලොකු ප්‍රශ්නයක් තියනව මේක විකුණන අහිංසක මිනිස්සු ඉන්නවා 35000 ක් විතර. මේ අයට දෙන කොමිස් මුදල රුපියල් 3.50 යි. මේක එයාල ඉල්ලනවා රුපියල් 8 දක්වා වැඩි කරන්න කියල. නමුත් ඒක වෙන්නේ නෑ.

මුලාශ්‍ර - https://web.facebook.com/Dayasiri/videos/225320343653590

තොරතුරු විමර්ශනය

අප මේ පිළබදව ජාතික ලොතරැයි මණ්ඩලයෙන් විමසීමක් සිදු කරන ලදී.

ජාතික ලොතරැයි මණ්ඩලය හා සංවර්ධන ලොතරැයි මණ්ඩලය එක්ව 2023 ජූලි 6 වනදා සිට රුපියල් 20 ක් ව පැවති ටිකට් පත, රුපියල් 40 දක්වා වැඩි කරන ලදී. එහිදී විකුණුම් කරුවන්ට ලැබෙන කොමිස් මුදල ඒ හා සමානව දෙගුණ කරන ලද අතර, දිස්ත්‍රික් අලෙවි නියෝජිත, අලෙවි නියෝජිත හා විකිනුම්කරුවන්ට ඊට පෙර ලැබුණු කොමිස් මුදල ද දෙගුණ කරන ලදී. ඒ අනුව මිල වැඩි වීමෙන් යම් අලෙවි කරුවෙකුට ලැබෙන කොමිස් මුදල් ප්‍රමාණය කිසි සේත්ම අඩු වන්නේ නැහැ.

තවද ත්‍යාග මුදල ද දෙගුණ කිරීම නිසා පාරිභෝගිකයන්ට ලැබෙන මුදලද කිසිම ලෙසක අඩුවක් සිදු වන්නේ නෑ. උදාහරණ ලෙස රුපියල් කෝටි 20 ක් ලෙස මෙගා පවර් සුපිරි ත්‍යාගය කෝටි 40 ක් දක්වා වැඩි කරන ලද අතර, අවම ජයග්‍රාහී මුදල වන රුපියල් 20 ද රුපියල් 40 දක්වා වැඩි කරන ලදී. එම නිසා ලොතරැයි මිල වැඩි වීමෙන් අලෙවි නියෝජිත මහතුන්ට හෝ පාරිභෝගිකයන්ට කිසිදු ලෙසකින් පාඩුවක් සිදු වන්නේ නැහැ.

සංවර්ධන ලොතරැයි මණ්ඩල මාධ්‍ය අංශයෙන් ද මේ පුවත තහවුරු කර ගත් අතර, ඔවුන්ද කොමිස් මුදල හා ජයග්‍රාහක මුදල දෙගුණ කරන ලද බව ප්‍රකාශ කරන ලදී.

නිගමනය

ලොතරැයි මිල දෙගුණයකින් ඉහල යාම සමග, අලෙවිකරුවන්ට ලැබෙන කොමිස් මුදල වැඩි කිරීමක් සිදු නොවූ බවට සමාජ මාධ්‍ය හරහා පලවන පුවත් අසත්‍ය වන අතර, කොමිස් මුදල හා ජයග්‍රහණ සදහා ලැබෙන මුදල් ද ඒ අනුව දෙගුණ කරන ලද බව ජාතික ලොතරැයි මණ්ඩලය හා සංවර්ධන ලොතරැයි මණ්ඩලය තහවුරු කරයි.

05/07/2023

පාප් වහන්සේ,සියළුම කිතුනු ජනතාව ප්‍රමුඛ සියළුම ආගම් වලින් ගෞරවාදරයට පත් වූ ආගමික නායකයෙකු වන අතර පාප් වහන්සේ පිලිබදව කියවෙන වීඩියෝවක් සමාජ මාධ්‍ය හරහා සංසරණය වීමත් සමග එහි සත්‍යතාව සෙවීම මෙහි අරමුණ විය.

සමාජ මාධ්‍ය සටහන්

After 12 years they unearthed pope st John Paul's remains yesterday. His body remains completely in tact. යන වැකිය සහිතව පාප් වහන්සේගේ ශුද්ධ වූ ශ්‍රී දේහය ශාලාවක් තුලට ගෞරවයෙන් යුතුව රැගෙන එන වීඩියෝවක් Whatsapp හරහා සංසරණය විය.

තොරතුරු විමර්ශනය

අති උතුම් ශුද්ධ වූ ශාන්ත ජුවන් පාවුළු පාප් වහන්සේ ස්වර්ගස්ථ ගත වුයේ 2005 අප්‍රේල් මස 2 වන දින වන අතර වසර 12 කට පසු ගොඩ ගැනීමක් සිදු විය නොහැකි වූ නිසාවෙන් අප මෙම වීඩියෝව පිලිබදව අන්තර්ජාලය ඔස්සේ විමර්ශනයක් සිදු කරන ලදී.

එහිදී අනාවරණය වුයේ මෙය 2016 වසරේ නොවැම්බර් 22 වන දින ගත් වීඩියෝවක් වන අතර, එය පහත මුලාශ්‍රය ඔස්සේ ඔබට දැක ගත හැක.

මුලාශ්‍ර- https://fb.watch/lATSnpkfBb/

නිගමනය

අති උතුම් ශුද්ධ වූ ශාන්ත ජුවන් පාවුළු පාප් වහන්සේගේ ශුද්ධ වූ ශ්‍රී දේහය නැවත ශාලාවක් තුලට රැගෙන එන වීඩියෝව 2016 සිදු වුවක් වන අතර, එය 2023 වසරේ නැවත වරක් මහජනයා නොමග යවන අයුරින් සමාජ මාධ්‍ය ජාලා හරහා සංසරණය වේ.

03/07/2023

සත්ව හිංසනය පිලිබදව වරින් වර කතාබහ කරලියට එන අතර, අලියෙකු ප්‍රවාහනය කිරීමේදී නිලධාරීන්ගේ වැරද්දකින් මිය ගිය පුවතක් පල වීමත් සමග සමාජ අවධානය ඒ සදහා යොමු විය.

සමාජ මාධ්‍ය සටහන්

දිලූක වීරසිංහ සිය ෆේස්බුක් පිටුවේ මෙලෙස සදහන් කර තිබිණි.

ඉතා පරිශ්‍රමයකින් පියවර කිහිපයකින් විශේෂ බහාලුමකට පුරුදු කර විශේෂිත ගුවන් යානයකින් ලංකාවෙන් විදේශයකට ත්‍යාගයක් ලෙස යවන ලද හස්තිරාජයා එරටදී ලොරියකින් 250 KM ප්‍රවාහනයේදී තට්ටුව කඩා වැටීමෙන් මිය ගොස් ඇත.

මුලාශ්‍ර - https://m.facebook.com/story.php?story_fbid=1673358289816313&id=100014264739125&sfnsn=mo&mibextid=RUbZ1f

තොරතුරු විමර්ශනය

මෙහි යොදා ඇති පළමු ජායාරුපය පිලිබදව සිදු කරන ලද විමර්ශනයේදී අනාවරණය වුයේ තායිලන්තය වෙත සුරක්ෂිතව ප්‍රවාහනය කරන ලද මුතු රාජා ගේ ජායාරුපයක් වන අතර එලෙස කිසිදු අනතුරක් සිදු නොවී සුරක්ෂිතව තායිලන්තය වෙත ප්‍රවාහනය කර තිබිණි.

දෙවැනි ජායාරුපයේ දැක්වෙන මියගොස් සිටින ඇතාගේ රුව වන්නේ 2010 වර්ෂයේ සියඹලන්ගමුවේ ඇතා උඩවලව වෙත ප්‍රවාහනය කරන විටදී ලොරි තට්ටුව කඩා වැටීමෙන් අවාසනාවන්ත ලෙස ජිවිතක්ෂයට පත් විය.

මුලාශ්‍ර- http://archives.dinamina.lk/sanwedi/art.asp?id=2010/11/29/sPg15_0

නිගමනය

විශේෂිත ගුවන් යානයකින් ලංකාවෙන් විදේශයකට ත්‍යාගයක් ලෙස යවන ලද හස්තිරාජයෙකු ප්‍රවාහනයේදී මිය ගොස් ඇති බවට සමාජ මාධ්‍ය හරහා සංසරණය වන පුවත අසත්‍ය වන අතර සියඹලන්ගමුවේ ඇතා මිය ගොස් සිටින ජායාරුවක් ව්‍යාජ ලෙස භාවිතා කර ඇත.

26/06/2023

ක්‍රිකට් ලෝක කුසලානය සමග ක්‍රිකට් හා බැදුණු පුවත් සදහා හිමි වන්නේ විශේෂ ස්ථානයක්. ඒ අතර පුටුවක් ගැන පළවූ පුවතක නිරවධ්‍යතාව සෙවීමට තීරණය කරන ලදී.

සමාජ මාධ්‍ය සටහන්

ශ්‍රී ලංකා ක්‍රිකට් ආයතනය විසින් ශම්මි සිල්වා හට ලබා දුන් පුටුව යනුවෙන් හැදින්වෙන පුටුවක ජායාරුපයක් සමාජ මාධ්‍ය වල අවධානය යොමුව තිබිණි.

තොරතුරු විමර්ශනය

අප මේ පුටුව පිලිබදව අන්තර්ජාලය ඔස්සේ පරික්ෂා කිරීමක් සිදු කරන ලදී. එහිදී අනාවරණය වුයේ විවිධ ලී බඩු සාදන ලද ආයතනයක් විසින් පළ කරන ලද දැන්වීමක් උපයෝගී කරගෙන ශ්‍රී ලංකා ක්‍රිකට් Logo සහිතව ව්‍යාජ ව නිර්මාණය කර ඇත.

මුලාශ්‍ර - https://www.indiamart.com/proddetail/chear-2849014122788.html

නිගමනය

ශ්‍රී ලංකා ක්‍රිකට් ආයතනය විසින් සභාපති ශම්මි සිල්වා මහතා හට ලබා දුන් පුටුව යනුවෙන් සදහන් වෙන පුටුව ව්‍යාජ පුවතක් වේ.

22/06/2023

ටයිටනික් සොයා ගිය අතුරුදහන් වූ සබ්මැරීනය මේ දිනවල ලොව කාගේත් අවධානය යොමු වූ ප්‍රධාන පුවතක් බවට පත්ව අවසන්. එය පදවා ඇත්තේ වීඩියෝ ක්‍රීඩා කරන්නෙකු බවට අද දින ප්‍රධාන පුවත් පතක පළ වූ වාර්තාවේ සත්‍යතාව සෙවීමට Fact Research තීරණය කරන ලදී.

දිවයින පුවත් පතේ පළමු පිටේ සටහන

"සබ්මැරීනයේ නියමුවා වීඩියෝ ක්‍රීඩා මෙහෙයවන්නෙක්"

අත්ලාන්තික් සාගරයේ අතුරුදහන් වූ සබ්මැරීනයේ නියමුවා ලෙස ක්‍රියාකර ඇත්තේ සබ්මැරීන් නියමුවෙකු නොව වීඩියෝ ක්‍රීඩා මෙහෙයවන්නෙකු බව ඇමරිකානු CBS ප්‍රවෘත්ති සේවය ඊයේ 21 හවස හෙළිකර ඇත. යනුවෙන් කිර්ති වර්ණකුලසුරිය විසින් රචිත ලිපියක් 22 වන දින දිවයින පුවත්පතේ පළමු පිටුවේ වාර්තා කර තිබිණි.

තොරතුරු විමර්ශනය

අප මේ පිලිබදව CBS ප්‍රවෘත්ති සේවයේ නිල වෙබ් අඩවිය පරික්ෂා කරන ලද අතර, එම පාදක වූ ලිපියේ වීඩියෝ ක්‍රීඩා මෙහෙයවන්නෙකු එම සබ්මැරීනය පදවා ඇති බවට කිසිදු සදහනක් නොමැත. එහිදී CBS පුවත් සේවය අනාවරණය කර ඇත්තේ සබ්මැරීනය පැදවීමට වීඩියෝ ක්‍රීඩාව සදහා යොදා ගන්නා උපකරණයට ( Controller )සමාන ප්‍රමාණයේ Controller බවත්, එය වීඩියෝ ක්‍රීඩා වලට වඩා බොහෝ වැඩි දියුණු කරන ලද උපකරණයක් බවයි. මේ පිලිබදව Ocean Gate අධිපති වරයා වීඩියෝවක් මගින් මෙම Controller පිලිබදව කල පැහැදිලි කිරීම ඇතැම්විට වීඩියෝ ක්‍රීඩා උපකරණය ලෙස වැරදියට වටහා ගෙන ඇති බවයි.
'
තවද අන්තර්ජාලය ඔස්සේ සබ්මැරිනයක නියමුවෙකු වීමට නම් කරුණු රාශියක් සම්පුර්ණ කල යුතු අතර, කිසි විටකදී වත් වීඩියෝ ක්‍රීඩා ක්‍රීඩා කරන්නෙකුට එවැනි අවසරයක් හිමි නොවන බැව් අන්තර්ජාලය පරික්ෂා කිරීමෙන් ඔබට අවබෝද කර ගත හැක.

නිගමනය දි

අද දිවයින පුවත්පත විසින් අත්ලාන්තික් සාගරයේ අතුරුදහන් වූ සබ්මැරීනයේ නියමුවා ලෙස ක්‍රියාකර ඇත්තේ සබ්මැරීන් නියමුවෙකු නොව වීඩියෝ ක්‍රීඩා මෙහෙයවන්නෙකු ලෙස නොමග යවන පුවතක් පළමු පිටේ පළ කර ඇති අතර, සබ්මැරීනය පාලනයට ගන්න Controller උපකරණය වීඩියෝ ක්‍රීඩා කරණ Controller උපකරණයට සමාන ලෙසින් වරදවා අවබෝද කර ගනිමින් පල කර ඇත.

20/06/2023

මෙරට අමෙරිකානු තානාපති ජුලී චන්ග් මහත්මිය පැවිදි දිවියට ඇතුළත් වීමට සෙනෙට් සභාවේ අනුමැතිය ඉල්ලුව ද?

අමෙරිකානු තානාපති ජුලී චන්ග් මහත්මිය ඉලක්ක කරගනිමින් උපහාසාත්මක කෝණයෙන් නිර්මාණය වන ව්‍යාජ පුවත් සහ සංස්කරණ බොහෝ අවස්ථාවල දී සමාජ මාධ්‍ය ඔස්සේ දැකගනන්ට ලැබෙනවා. මේ ආකාරයකටම ඇය පැවිදි දිවියට ඇතුළත් වීමට සෙනෙට් සභායේ අනුමැතිය ඉල්ලා ඇති බවට සඳහන් කරමින් සමාජ මාධ්‍ය ඔස්සේ සටහන් පෙළක් හුවමාරු වී තිබුණා.

සමාජ මාධ්‍ය සටහන් :
අමෙරිකානු තානාපතිනිය බුදු දහම ගැන පැහැදී මෙහෙනි ශාසනයට පිය නැගීම සදහා ඇමරිකාවේ සෙනෙට් සභායේ අනුමැතිය ඉල්ලා ඇති බවක් සඳහන් කරමින් ඡායාරූපයක් ද සමඟ ෆේස්බුක් සටහනක් සංසරණය වී තිබුණි

තොරතුරු විමර්ශනය

එමෙන්ම ජුලී චන්ග් මහත්මිය සම්බන්ධයෙන් ඉහත දක්වා තිබූ ව්‍යාජ සටහන සඳහා භාවිත කර තිබූ ඡායාරූපය වෙත ද, අපගේ අවධානය යොමු වූ අතර එය Reverse Image සෙවුමක් සඳහා අප යොමු කළා.

ඒ අනුව, එම ඡායාරූප අවස්ථාව වන්නේ ජුලී චන්ග් මහත්මිය පසුගිය පොසොන් පොහොය දිනය නිමිත්තෙන් ගංගාරාම විහාරස්ථානයේදී ශ්‍රී ලාංකේය බෞද්ධ සම්ප්‍රදායන් හා සම්බන්ධව පුද පූජාවලට සහභාගි වූ අවස්ථාවකි. තවද ඇමරිකානු තානාපති මාධ්‍ය අංශය මගින් ද එම පුවත අසත්‍ය පුවතක් බවට තහවුරු කරන ලදී.

නිගමනය:
අපගේ විමර්ශනයෙන් පෙන්වා දෙන්නේ, මෙරට අමෙරිකානු තානාපති ජුලී චන්ග් මහත්මිය පැවදි දිවියට ඇතුළත් වීමට සෙනෙට් සභායේ අනුමැතිය ඉල්ලා ඇති බවට සමාජ මාධ්‍ය ඔස්සේ පළ වූ සටහන් අසත්‍ය වන අතර, ගංගාරාම විහාරස්ථාන පොසොන් උත්සවයේ ජායාරුවක් මහජනයා නොමග යැවීමෙන් පළ කර ඇති බවයි.

19/06/2023

කීල්ස් ආයතනය ජුනි 18 වන දිනට යෙදුනු පියවරුන්ගේ දිනය වෙනුවෙන් විශේෂ ත්‍යාග හිමි වන බවට කීල්ස් සමාගමේ නිවේදනයක් ලෙස SMS, Whatsapp, Telegram පණිවිඩ ඔස්සේ පුවතක් සංසරණය වෙමින් පවතී.

මෙය SCAM වර්ගයේ පණිවිඩයකි.

මෙවැනි SCAM වර්ගයේ පණිවිඩ සදහා ඔබ දැනුවත්ව හෝ නොදැනුවත්ව පිවිසීමෙන් ඔබ පරිගනකයේ හෝ ජංගම දුරකථනයේ ඇති සියලු දත්ත හා තොරතුරු මෙන්ම ඡායාරූප විවිධ පාර්ශව අතරට පත්විමට ඉඩ ඇති අතර අපරාධ හා වෙනත් සාමාජ විරෝධී ක්‍රියා සදහා එම තොරතුරු භාවිතා කිරීමට ඉඩ ඇත.
එබැවින් මෙවැනි SCAM වර්ගයේ පණිවිඩයක් ලැබුණු විගස එහි සත්‍ය අසත්‍යතාව අදාල සමාගමේ නිල වෙබ් අඩවියට, Facebook හෝ Twitter ගිණුමට පිවිස සත්‍යතාව පරික්ෂා කිරීමෙන් ඔබටම එම අපරාධ වලින් බේරීමට හැකි වනු ඇත.

කීල්ස් ආයතනයේ නිල වෙබ් අඩවිය
https://www.keellssuper.com/home

කීල්ස් ආයතනයේ නිල Facebook පිටුව
https://web.facebook.com/Keells.SL/?_rdc=1&_rdr

19/06/2023

තෙල් පෝලිම් නිසාවෙන් සිදුවූ අපහසුතා නිසාවෙන් ඉන්ධන තොග පිලිබදව මහජනයා කෙරෙහි ඇත්තේ උනන්දුවක්. මේ අතරින් ඔක්ටේන් 95 තොග අවසන් බව පළවූ මාධ්‍ය වාර්තා නිසාවෙන් මහජනයා යම් කැළබීමක් ඇතිවූ අතර ඇත්තටම ඉන්ධන තොග අවසන් ද ?

සමාජ මාධ්‍ය සටහන්

දිවයින පුරා සිපෙට්කෝ පිරවුම්හල්වල ඔක්ටේන් 95 පෙට්‍රල් නොමැති තත්වයකට පත්ව ඇති බව ඛනිජ තෙල් බෙදුම්කරුවෝ සදහන් කරයි.

සති දෙකකට ආසන්න කාලයක සිට ඛනිජ තෙල් සංස්ථාව සතුව ඔක්ටේන් 95 පෙට්‍රල් තොග නොමැතිවීම හේතුවෙන් එම පෙට්‍රල් ඇණවුම් නොලැබෙන බව ඛනිජ තෙල් බෙදුම්කරුවෝ සදහන් කරයි.

ඛනිජ තෙල් බෙදුම්කරුවෝ තවදුරටත් සදහන් කළේ, ඔක්ටේන් 95 පෙට්‍රල් තොග නිසි අයුරින් ඛනිජ තෙල් සංස්ථාව පවත්වාගෙන නොයාම මෙම තත්ත්වයට හේතුව බවයි.

මුලාශ්‍ර- https://unusuma.lk/petrol-s/

තොරතරු විමර්ශනය

අප මේ පිලිබදව ලංකා ඛනිජ තෙල් සංස්ථා සභාපති මොහමඩ් උවේයිස් මහතාගෙන් විමසීමක් සිදු කරන ලදී.

ශ්‍රී ලංකාව තුල මේ වන විට කිසිදු ආකාරයක ඉන්ධන තොග හිඟයක් නොමැති අතර, අවශ්‍ය පරිදි බෙදා හැරීම් සිදු කරන අතර ඉරිදා දිනයේ පමණක් ඉන්ධන බෙදා නොහරින බව තහවුරු කරන ලදී. දැනට ඔක්ටේන් 95 ඉන්ධන මෙට්‍රික් ටොන් 601 ක් පමණ ආයතනය සතු අතර, ජුනි 22 තවත් මෙට්‍රික් ටොන් 9000 ක ඔක්ටේන් 95 ඉන්ධන තොගයක් මෙරට ලගා වෙන බවද තහවුරු කරන ලදී.

තවද මේ පිලිබදව බලශක්ති අමාත්‍ය කංචන විජේසේකර මහතා Twitter ගිණුමේ නිල සටහනක් තබමින් ඉන්ධන තොග පිලිබදව අදහස් දක්වා තිබිණි.

Stock Details as at 2023/06/18 08:30 hrs
For All CPSTL/CPC Plants

Diesel - 103,087
Sup. Diesel - 2,977
92 Pet - 53,632
95 Pet - 601
JET A1 - 37,316
(All figures in MT)

මුලාශ්‍ර - https://twitter.com/kanchana_wij/status/1670417389471825925

නිගමනය

ඔක්ටේන් 95 ඉන්ධන තොග අවසන් බවට වෙබ් අඩවි කිහිපයකින් සිදු කරන ලද වාර්තා අසත්‍ය වන අතර, ප්‍රමාණවත් ඉන්ධන තොග සිපෙට්කෝ හා LIOC සමාගම සතු බැව් ඉහත දත්ත නිරීක්ෂණයේ දී අනාවරණය වේ.

18/06/2023

බොන්සායි කලාව පිලිබදව බොහෝ දෙනා අවධානය යොමු කරන අතර, බොන්සායි කලාවෙන් සතුන් බිහි කළ හැකි ද යන්න පිලිබදව සොයා බැලීමට තීරණය කරන ලදී.

සමාජ මාධ්‍ය සටහන්

බොන්සායි කලාවට පූසන්ටත්
මෙම ජායාරුපයේ දැක්වෙන්නේ බොන්සායි කළ ලොව පළමු පූසා වේ.
එංගලන්තයේ සිදු කරන ලද පරීක්ෂණයකින් පසු මෙම පුසා බිහි කර ඇත

මුලාශ්‍ර-
https://web.facebook.com/photo.php?fbd=16977948648675&set=pb.10009098724944.-2207520000.&type=3

තොරතුරු විමර්ශනය

අප බොන්සායි කලාවෙන් සතුන් බිහි කල හැකි ද යන්න පිලිබදව අන්තර්ජාලය ඔස්සේ සිදු කරන ලද විමර්ශනයකින් අනතුරුව අනාවරණය වුයේ එවැනි කිසිදු සත්වයෙකු එලෙස බිහි කල නොහැකි බවයි.

තවද මේ ජායාරූපය ලබා ගත් මුලාශ්‍රය ගැන සෙවීමේදී අනාවරණය වුයේ Alexis Riveros AR නමැති ත්‍රිමාණ සජීවිකරණ නිර්මාණකරුවෙකු විසින් Si ignoras al Michi pequeño te irá mal en el amor.. ("ඔබ කුඩා මිචි නොසලකා හරින්නේ නම්, ඔබ ආදරයේදී නරක දේ කරනු ඇත.")❤️😗 නමැති වැකිය සමග ඔහු සිදු කරන ලද 3D නිර්මාණය මහජනයා නොමග යවන අයුරින් පළ කර ඇති බවයි.

මුලාශ්‍ර - https://web.facebook.com/photo/?fbid=1292690441647872&set=a.116769309239997&_rdc=1&_rdr

නිගමනය

බොන්සායි කලාවෙන් බිහි කරන ලද පළමු පූසා ලෙස සමාජ මාධ්‍ය තුල සංසරණය වන ජායාරූපය නිර්මාණකරුවෙකු විසින් සිදු කරන ලද 3D නිර්මාණයක්, නොමග යවන අයුරින් සමාජ මාධ්‍ය තුලට මුදා හැර ඇති බවයි.

16/06/2023

LGBTQIA+ ශ්‍රී ලංකාව තුළ තවමත් නීතිගත නොවූ සංකල්පයක් වන අතර ජුනි මාසය ඔවුනට විශේෂ වූ මාසයක් ලෙස සලකනු ලබන අතර, ඔවුන්ගේ සැමරුමක් ගැන පළවූ වීඩියෝවක් මිලියන 3 කට අධික පිරිසක් නැරඹු අතර, එහි නිරවධ්‍යතාව සෙවීමට Fact Research තීරණය කරන ලදී.

සමාජ මාධ්‍ය සටහන්

Ian Padgham විසින් සිය Twitter ගිණුමේ සදහන් පහත වීඩියෝව මිලියන 3 කට අධික පිරිසක් නරඹමින් විවධ පුද්ගලයන් මෙය Share කර තිබීම නිසා සමාජ මාධ්‍ය තුල වැඩි අවධානයක් යොමු විය.

ප්‍රංශයේ බෝඩෝ හි වෙසෙන කැලිෆෝනියාවේ වීඩියෝ කලාකරුවෙකු වන ඉයන් පඩ්ගම්, අභිමානවත් මාසය සැමරීම සඳහා පැරිසියේ මියගිය සොල්දාදුවන්ට ගෞරව කිරීම සඳහා වූ ස්මාරකයක් වන ආර්ක් ඩි ට්‍රයිම්ෆේ වටා සහ හරහා විශාල දේදුන්න ස්ථාපනයක සජීවිකරණයක් නිර්මාණය කළේය.

වීඩියෝවේ, දේදුන්න Arc de Triomphe වෙත සම්බන්ධ කර ඇති බව පෙනෙන අතර, දේදුන්න අවසානයේ "marche des fiertés" යන වචන සහිත වලාකුළක් ඇත - එය ප්‍රංශ භාෂාවෙන් ප්‍රයිඩ් මාර්තු සඳහා වන අතර එය ජුනි 24 වන දින පැරිසියේ පැවැත්වීමට නියමිත පෙළපාලියකි.

තවද මෙමගින් ආර්ක් ඩි ට්‍රයිම්ෆේ ස්මාරකයේ පෞරාණික බව විනාශ කරන ලද බවට විශාල සමාජ විරෝධයක් ද එල්ල විය.

මුලාශ්‍ර-
Arc-en-ciel de Triomphe, Paris.
Happy everyone!!

https://twitter.com/i/status/1664222663319928832

තොරතුරු විමර්ශනය

අප මේ පිලිබදව අන්තර්ජාලය ඔස්සේ කරුණු පරික්ෂා කරන ලද අතර, එවැනි කිසිදු සැමරුමක් ආර්ක් ඩි ට්‍රයිම්ෆේ ස්මාරකය යොදා සිදු කල බවට කරුණු වාර්තා නොවිණි.

මේ පිළිබද සමාජ විරෝධය එල්ල වීමත් සමග ඉයන් පඩ්ගම් විසින් ම එය කෘතීම බුද්ධිය යොදා නොව ත්‍රිමාණ සජීවිකරණය ඇසුරෙන් තාම සිදු කල දෙයක් බව ප්‍රකාශ කර තිබිණි.

මුලාශ්‍ර - https://twitter.com/origiful/status/1664321832923586560

ආර්ක් ඩි ට්‍රයිම්ෆේ ස්මාරකය ගැන තොරතුරු දැන ගැනීමට පහත දිගුව භාවිතා කරන්න
https://www.paris-arc-de-triomphe.fr/en/discover/history-of-the-arc-de-triomphe

නිගමනය

ආර්ක් ඩි ට්‍රයිම්ෆේ ස්මාරකය LGBTQIA+ ජුනි මස සැමරුම වෙනුවෙන් විශේෂ සැරසිලි සිදු කරන ලද සමාජ මාධ්‍ය වල සංසරණය වන වීඩියෝව ත්‍රිමාණ සජීවිකරණය ඇසුරෙන් නිර්මාණ ශිල්පියෙකු විසින් සිදු කරන ලද නිර්මාණයක් වන අතර සත්‍ය වශයෙන් එවැන්නක් ආර්ක් ඩි ට්‍රයිම්ෆේ ස්මාරකය තුල සිදු කර නොමැත.

05/06/2023

IPL තරගාවලියේ අවසානයත් සමග ශ්‍රී ලාංකිකයින්ට විශේෂ ස්ථානයක් හිමි වූ අතර, ඒ හා බැදුණු පුවත් රාශියක් සමාජ ගත වීමත් සමග එහි සත්‍ය අසත්‍යතාව සෙවීමට තීරණය කරන ලදී.

සමාජ මාධ්‍ය සටහන්

ආකාශ් මඩවල ලෙස ගාල්ල මහමෝදර රෝහලේ උපත ලැබූ ඔහුව ඉන්දියානු යුවලක් විසින් හදා වඩා ගැනීම සදහා ඉන්දියාවට රැගෙන යනවා. එතැන් පටන් ආකාශ් මඩවල, ආකාශ් මද්වාල් බවට පත් වන අතර කුඩා කල සිටම ක්‍රිකට් ක්‍රීඩාවට දක්ෂතා දක්වනවා. මෙවර IPL ක්‍රිකට් තරගාවලියේ දී මුම්බායි ඉන්දියන්ස් කණ්ඩායම නියෝජනය කරමින් ලක්නව් සුපර් ජයන්ට්ස් කණ්ඩායමට එරෙහිව විශිෂ්ට පන්දු යැවීමක නිරත වීමට ආකාශ් ට හැකි වනවා.

ඉතින් ආකාශ් මඩවල , ඔබ ශ්‍රී ලංකික අප සැමට ආඩම්බරයක්.

තොරතුරු විමර්ශනය

අප මේ පිලිබදව අන්තර්ජාල පරීක්ෂාවක් සිදු කරන ලදී. එහිදී අනාවරණය වුයේ ඔහු ශ්‍රී ලාංකිකයෙකු නොව ඉන්දියානු ජාතිකයෙක් වන අතර 1993 නොවැම්බර් මස 25 වන දින Roorkee ප්‍රදේශයේදී උපත ලබා ඇති බවයි.

මුලාශ්‍ර -
1. https://www.espncricinfo.com/cricketers/akash-madhwal-1206039
2. https://en.wikipedia.org/wiki/Akash_Madhwal

නිගමනය

මුම්බායි ඉන්දියන්ස් කණ්ඩායම වෙනුවෙන් විශිෂ්ට පන්දු යැවීමක නිරත වූ ආකාශ් මද්වාල් ශ්‍රී ලංකික ක්‍රීඩකයෙකු බවට සමාජ මාධ්‍ය හරහා පලවන පුවත් අසත්‍ය වන අතර ඔහු 1993 වසරේ රූර්කි ප්‍රදේශයේදී උපත ලැබූ පුද්ගලයෙකු වේ.

FactResearch

02/11/2023

01/10/2023

19/09/2023

19/09/2023

18/09/2023

11/09/2023

23/08/2023

18/08/2023

20/07/2023

11/07/2023

07/07/2023

05/07/2023

03/07/2023

26/06/2023

22/06/2023

20/06/2023

19/06/2023

19/06/2023

18/06/2023

16/06/2023

05/06/2023

Address

Website

Alerts

Videos

රාජිතගෙ බොරු

Shortcuts

Share