We provide information about Tourism & culture and other tourism concept.
08/04/2020
සංචාරක ව්‍යාපාරයේ ඉතිහාසය සැකෙවින්
කර්මාන්තයක් ලෙස බිහිවීමට පෙර සංචාර සහ චාරිකා මානවයින්ගේ මුලික හැසිරීමේ ලක්ෂණයකි. සැබැවින්ම සංචාරක කර්මාන්තයක් ලෙස පරිණාමය වන්නට පෙර එය පැවතියේ කෙසේද?
පුරාතන රෝම අධිරාජ්‍ය සමයේදී පුරවැසියන් සහ වහළුන් ලෙස මිනිසුන් කොටස් දෙකකට බෙදා තිබුණු අතර ඉන් පුරවැසියන් හට තමන්ගේ විවේකකාලය වෙනුවෙන් වෙනමම කාලයක් වෙන්වූ බව කියැවේ. [1] එකී විවේක කාලය ක්‍රීඩා, දඩයම් වැනි ක්‍රියාවන්ට වෙන්වූ කාලයට අමතර වූවක් බවත් තමන්ගේ වාසස්ථාන සහ නගරයෙන් පිටත පිහිටා ඇති වෙනමම නගර ඒ සදහා වෙනවූ බවත් සදහන්ය. මේ නගර විනෝදාස්වාදය උදෙසා වෙනවී තිබුණි. Centumcellae සහ Hadriana යන නගර ඒ සදහා උදාහරණය.
පුනර්ජීවන සමයේ 15 වැනි සහ 17වැනි ශතවර්ශ අතර කාලයේදී යුරෝපයේ වංශවත් පවුල් විසින් රටින් රට සංචාරය කළ බවත්, එය නිශ්චිත සමාජපංතියකට පමනක් හිමිවූ වරප්‍රසාදයක් බව ගැටිනෝ පවසයි. (ගැටිනෝ 2002 26). මේ සදහා හොදම උදාහරණය යුරෝපයේ වරප්‍රසාද ලත් තරුණ පිරිස් විසින් සිදුකළ “ග්‍රෑන්ඩ් ටුවර්” යයි [2]. එහිදී වියපැහැදැම් කළ හැකි තරුණ පිරිස් යුරෝපය වටා සංචාරය කළහ. මෙය නිශ්චිත ස්ථාන ආවරණය කරමින් නිර්මාණය වී තිබුණි. යුරෝපයේ කලා සහ සංස්කෘතික මූලයන් ගවේෂණය කළ මෙම චාරිකාවන් නූතන සංචාරක කර්මාන්තයේ ප්‍රාරම්භය ලෙස සැළකිය හැකිය.
