Yowun Piyawara - teenage digital Magazine

05/01/2024

08/09/2023

18/08/2023

•Reader's Space සදහා ලිපියක් මෙම මාසයට තවම ලැබී නැති අතර අගෝස්තු 21 සදුදාට පෙර එවන්නට හැකිනම් බාරගනු ලැබේ

•ඔබ කැමති මාතෘකාවක්‍ යටතේ ලිපියක් අපගේ Gmail ලිපිනය වෙත එවන්න.
[email protected]

•ලිපිය සමග ලිපියට අදාල Original High Qullity Photos සහ ඒවායෙ Links අමුණා එවීමට මතක තබා ගන්න

ස්තුතියි !
✍🏼♥️
පියවර පිරිවර

14/07/2023

ජූලි මාසයේ සගරාව පාඨක ඔබේ අවකාශය වන' Reader's Space ' සදහා ඔබ කැමති මාතෘකාවක්‍ යටතේ ලිපියක් අපගේ Gmail ලිපිනය වෙත එවන්න.
[email protected]

•සංස්කාරක මණ්ඩලයේ තේරීමෙන් වඩා හොද මට්ටමේ පවතින ලිපියක් මේ මාසයෙ පල කරනු ලැබේ.

•ලිපිය සමග ලිපියට අදාල Original High Qullity Photos සහ ඒවායෙ Links අමුණා එවීමට මතක තබා ගන්න

•අවසාන දිනය - ජූලි 17 සදුදා

ස්තුතියි !
✍🏼♥️
පියවර පිරිවර

07/07/2023

යොවුන් පියවර Teenage Digital Magazine 07 වන කලාපය download කර ගැනීමට පහත link එක යොදා ගන්න.

https://drive.google.com/file/d/1ra02JAfmxepDvI8e3-IsEJshjROxbsnY/view?usp=share_link

‘වඩ්ජ්ඩා’ යනු සෞදි අරාබියෙන් බිහි වූ සිනමා කෘතියක්. ‘වඩ්ජ්ඩා’ ධෛර්යය හීන වී ගෙන යන අප වැනි රටක පුරවැසියන්ට ජීවිතයට ධෛර්යයෙන් මුහුණ දීමට අපට කථා කරන චිත්‍රපටයක්. එසේ කීමට කරුණු රාශියක් බලපානවා. ‘වඩ්ජ්ඩා’ යනු පුරුෂ මූලික සමාජයක ස්ත්‍රීයකගේ නිදහස සීමා කරනු ලැබු රටක ස්ත්‍රියක විසින් අධ්‍යක්ෂණය කරන ලද චිත්‍රපටයක්. තමන් ජීවත් වන භූගෝලීය ප්‍රදේශයේ සැබෑ ස්වරූපය සමස්ත ලෝකයාටම ප්‍රකාශ කිරීමට තරම් ධෛර්යයක් ඇති කාන්තාවක් මෙහි අධ්‍යක්ෂවරිය. එමෙන්ම මෙම චිත්‍රපටය මෙවර ඔස්කා සම්මාන උළෙලද නියෝජනය කරන අතර සෞදි අරාබි කාන්තාවක විසින් අධ්‍යක්ෂනය කරන ලද ප්‍රථම චිත්‍රපටයද ‘වඩ්ජ්ඩා’ වෙයි.
චිත්‍රපටයේ ‘වඩ්ජ්ඩා’ යනු ප්‍රධාන චරිතය නියෝජනය කරන දස හැවිරිදි ගැහැණු දරුවකු වන අතර මූලිකව කථාව ගොඩනැගෙනුයේ ‘වඩ්ජ්ඩාගේ මිතුරා සහ ‘වඩ්ජ්ඩා අතර ඇතිවන පුංචි අමනාපකමක් සමගින්ම, මිතුරාට බයිසිකලයක් තිබීමත් ඔහුට තම හැකියාව පෙන්වීමට තරඟයට මෙන් ‘වඩ්ජාද බයිසිකලයක්

මිලදී ගැනීමට දරන උත්සාහයත් සිනමාවේ සියුම් ශක්තීන් භාවිතයෙන් අප වෙත ගෙන ඒමට ‘වඩ්ජ්ඩාගේ ධෛර්ය අභියෝග කරනවා අද දවසේ පාසල් දරුවන්ට.
එමෙන්ම චිත්‍රපටය අපට පැහැදිලි අදහසක් ගෙන එනවා සෞදි අරාබියේ කාන්තාවගේ ඉරණම පිළිබඳව. වාහන පැදවීමට පුරුෂ පාර්ශවය සමඟ සමාජයේ ගැටීමට ඇති ඉඩකඩ ඇහිරීම ස්ත්‍රී අදහස්වලට ඇති අවතක්සේරුව මෙන්ම බයිසිකලයක් පැදීම නිසා කන්‍යාභාවයට හානිවනවාය වැනි පටු තර්ක මෙන්ම ස්ත්‍රී නිදහස සීමා කරන ස්ත්‍රී ජීවිත සුළු කොට සැළකීම කොතරම් ඒ සමාජයේ මුල් බැසගෙන තිබේද ? යන්න පිළිබඳව අපට මතක් කරනවා. අප විවෘත මනසකින් සිතුවොත් මෙවැනි දේ වෙනස් හැඩයක් හෝ ගනිමින් අද දවසේ අප සමාජයේ ස්ත්‍රීයද පීඩාවට ලක් කරනවා නේද ?

නිවසක පවා අම්මාගේ නංගීගේ අදහස්වලට ඇති ඉඩ අල්පයි නේද ? මඟ තොටේදී ස්ත්‍රීයක් වාහනයක් පදවන විට අප ඇය අපහසුතාවයට ලක් වන අයුරින් වාහනය පදවනවා හෝ උසුළු විසුළු කරනවා නේද ? ස්ත්‍රියට ඇයගේ හැකියාවන් වලින් යා හැකි දුර අප අවම කරනවා නේද ? ඇය අධ්‍යාපනය ලැබීමට මහත් ආශාවෙන් ඉද්දී එයට ඇයට බාධා කරනවා නේද ?

අප අවදි වෙමු. ‘වඩ්ජ්ඩා’ සමඟ. මේ ලෝකය වෙනස් කරන්න. ධෛර්යයෙන් ජීවිතයට මුහුණ දෙන්න යහපත් අරමුණු වෙනුවෙන් කැප වෙන්න. සියලු මනුෂ්‍යයන් ලෙස ඒ සමානාත්මතාවෙන් බලන්නට, ස්ත්‍රී පුරුෂ හෝ වෙනයම් භේදයන්ට මනුෂ්‍යයත්වයට බාධා නොවන්නට.

07/07/2023

යොවුන් පියවර Teenage Digital Magazine 07 වන කලාපය download කර ගැනීමට පහත link එක යොදා ගන්න.

https://drive.google.com/file/d/1ra02JAfmxepDvI8e3-IsEJshjROxbsnY/view?usp=share_link

2014 පමණ කාලයේ සිට තැනින් තැන විටින් විට මතුවෙමින් ආ යුක්‍රේන - රුසියා සංග්‍රාමය 2022 වසරේ පුර්ණ පරිමාණ ආක්‍රමණයක් ලෙසින් මුලු ලොවේම අවධානය දිනාගනිමින් ජිවිත, දේපල හානි ඇතිකරමින් තවමත් ඇවිලෙමින් තිබේ. යුධ ටැංකිවලින්, තුවක්කුවලින්, ප්‍රහාරක ගුවන්යානාවලින් දෙපාර්ශවයම සිදුකරගන්නා දේපල, මිනිස් ජිවිත, පරිසර හානි ලොවට දිනපතා පෙනෙද් දී තවත් යුද්ධයක් ඒ රටවල් දෙක අතර ඇවිලෙමින් තිබේ. ඒ අන්තර්ජාල අවකාශයේ සිදුවන ඩිජිටල් දත්ත යුද්ධයයි.

භුමියේ යුද්ධය ඇවිලීමත් සමග දෙපාර්ශවයම තම තමන්ගේ අවි බලය පෙන්වීමට නොයෙක් විනාශකාරී ක්‍රියාවන්හි නිරතවෙද්දි, තිරය පිටුපස ක්‍රියාත්මත වු සයිබර් අවකාශයේ සටන ගැන දැන් දැන් තොරතුරු නිරාවරණය වෙන්නට පටන්ගෙන ඇත. මේ ගතවන කාලයේ තාක්ෂණික දියුණුවේ අහිතකර බලපෑම්වල උදාහරණ ලැයිස්තුවේ ඉහලින්ම ලියැවෙන කතාව මේ “සයිබර් යුද්ධය” වනු ඇත.

යුක්‍රේන- රුසියා රටවල රජයන් දෙපාර්ශවයම මෙම සයිබර් සටනට සෘජුව දායකවන බව් ඔවුන් මේ සඳහා සහයෝගය දක්වන බව හරිහැටි පිළිනොගන්නත් ඔවුන් මේ සඳහා සහයෝගය දක්වන බව දැන් නොරහසක්. තැන් තැන් වල විසිරී සිටි “හැකර්වරු” එක්කර ගනිමින් ඔවුන්ගේ අවශ්‍යතා පරිදි මේ ක්‍රියාකාරකම් කරගෙන යාමට ඉඩදීම තුලින්ම ඒ බව පැහැදිලිවන අතර එයින් ඉදිරියේදී ඇති විය හැකි අහිතකර බලපෑම නැවත නිවැරදි කල හැකි එකක් නොවනු ඇති සන්නිවේදන, බලශක්ති, භාණ්ඩ හා සේවා, දෛනික ජන ජිවිතය පවත්වාගෙන යාමට අවැසි සියලු කාරණා ආදී දේ නව තාක්ෂණය සමග මුසුකර අන්තර්ජාල පහසුකම් මාර්ගයෙන් ඉටුකරගැනීමට යොමුව තිබු මේ රටවල්, සියලු දේ තාක්ෂණිකව සම්බන්ධ වු වටපිටාවක, සියලු සම්බන්ධතා වල බිඳවැටීම් වලට මුහුණදෙමින් සිටි. දෙපිලකට බෙදී මේ රටවල්වලට උපකාර කරන ඇතැම් රටවල් හා සංවිධානවලටද මේ සයිබර් ප්‍රහාර බලපෑම් එල්ලවෙමින් පවතී.
අන්තර්ජාල වෙබ්පිටු බිඳවැට්ටවීම්, පෞද්ගලික දත්ත සොරාගැනීම්, සන්නිවේදන හා විකාශන සේවා පාලනය පැහැර ගැනීම් මේ සයිබර් යුද්ධයේ මුලික ඉලක්ක බවට පත්ව තිබේ.

killnet යනු රුසියාව තුල ක්‍රියාත්මකවන හැකර් කණ්ඩායමයි. telegream සමුහයක් හරහා එක්වු 100,000 පමණ පිරිසක් තොරතුරු හුවමාරු කරගනිමින් මෙහි ක්‍රියත්මකවන අතර රුසියානු ක්‍රියාකලාපයට සහය දක්වන වෙනත් රටවල පිරිස්ද මේ මෙහෙයුම් වලට සහය දක්වන බව දැන් හෙලිවී ඇත.NATO සංවිධානයේ වෙබ් පිටුව අකර්මණ්‍යය කිරීම, යුක්‍රේනයට යුධ ටැංකි ලබා දෙමින් සහය දක්වන රටවල්වල, රෝහල්වල වෙබ් පිටු හා දත්ත ගබඩා අකර්මණ්‍යය කිරීම මොවුන්ගේ වඩාත් බලපෑම්සහගත සයිබර් ප්‍රහාර ලෙස මේ වන විට තොරතුරු හෙලිවී ඇත.

යුක්‍රේනය තුල බලශක්තිය සම්බන්ධව වැඩකටයුතු කරන සමාගම්වලට එල්ලවන සයිබර් බලපෑමද මේ වනවිට ඉහලගොස් ඇතිබව ඉහලගොස් ඇතිබව තොරතුරු සඳහන් වෙයි.

යුක්‍රේනය තුල සයිබර් ආරක්ෂාව සම්බන්ධව රජයේ මධ්‍යස්ථානය හා සම්බන්ධව කටයුතු කරන IT Army of ukrain සමුහය Telegram හරහා 200,000 අධික සහයෝගී පිරිසක් සමග රුසියාව මෙන්ම මෙම ක්‍රියාකාරීන්ද යෙදි සිටි. සිවිල් සයිබර් ක්‍රියාකාරීන් සහ මිලිටරි සයිබර් ක්‍රියාකාරින් ලෙස දෙපිරිසක් අතික්‍රමණය කරමින් මේ ක්‍රියාවල නිරත වෙයි.

ආර්ථිකව ඉතා අර්බුදකාරී තත්වයක සිටින රුසියාවේ භාණ්ඩ හා සේවා සපයන ප්‍රධාන අන්තර්ජාල දොරටු කීපයක පාලනය අතටගෙන එය අකර්මණ්‍යය කිරීමටIT Army of ukrain වගකිවයුතු බවට තොරතුරු ලැබී ඇත. තවද රුසියාවේ දකුණු ප්‍රදේශයේ දුම්රිය ප්‍රවේශපත් නිකුත්කරන මෙහෙයුම් පද්ධතියද මොවුන් දින දෙකකට අධික කාලයක් අකර්මණ්‍යය කර ඇත. රුසියානු රේඩියෝ නාලිකාවක විකාශනය පැහැරගෙන සාවiය ගුවන් ආක්‍රමණයක් පිළිබඳ තොරතුරු නිවේදනය කරමින් ජන ජිවිතයට බලපෑම් එල්ල කිරීමටද මොවුන් කටයුතු කර ඇත.

සියලු දේ එකිනෙක සම්බන්ධකරමින් නව තාක්ෂණය භාවිතා කරමින් එදිනෙදා වැඩ කටුයුතු කරන ලෝකයක, භු දේශපාලනික පොරපිටියක බලය පෙන්වීමට ඒ තාක්ෂණයම යොදැගැනීම ඉතා අහිතකර අනික් කෙලවරට න්‍යෂ්ටික මිසයිලයක් පවා යැවිය හැක කරමින් දියුණු තාක්ෂණයන් මානව ප්‍රජාවගේ විනාශයටම යොදා ගැනීම කිසිසේත් නොසලකා හැරිමට නොහැකිය. පවතින යුධ තත්වය මැඩපැවැත්වෙන දිනක වුවද, මේ නැඹුරුව හා දත්ත, සමස්ත මානව ප්‍රජාවගේම විනාශයට යොදා නොගනිවියි යැයි වගවිය හැක්කේ කා හටද ?

මුලාශ්‍ර BBC

09/06/2023

යොවුන් පියවර Teenage Digital Magazine 06 වන කලාපය download කර ගැනීමට පහත link එක යොදා ගන්න.

https://drive.google.com/file/d/1ra02JAfmxepDvI8e3-IsEJshjROxbsnY/view?usp=share_linkc

09/06/2023

යොවුන් පියවර Teenage Digital Magazine 06 වන කලාපය download කර ගැනීමට පහත link එක යොදා ගන්න.

https://drive.google.com/file/d/1ra02JAfmxepDvI8e3-IsEJshjROxbsnY/view?usp=share_linkc

ඡායාරූපකරණය යන්න සන්නිවේදනය හා නිර්මාණාත්මක කලා අතරින් ප්‍රමුඛතාවයකි. මන්ද, ඡායාරූපකරණය හරහා සිදු කරනුයේ සැබැවින්ම සන්නිවේදන කාර්යයකි. එනම් ඡායාරූප ශිල්පියා හා ග්‍රාහකයා සහ දෙපාර්ශවය අතර පොදු එකගතාවයක් තේරුම් ගැනීමත් උපදවීමත් යන සන්නිවේදන කාර්යය මේ හරහා සිදුවන බව අප සැමට පැහැදිලි වන්නකි. නමුත් විෂේශත්වය වන්නේ ඡායාරූපකරණ සන්නිවේදනයේ පැවැත්ම හා ගුණාත්මකභාවය රඳා පවතින්නේ නිර්මාණශීලීත්වය මත පදනම්වයි. එසේ නම් ඡායාරූපකරණය හා නිර්මාණශීලිත්වය අතර ඇති හාඳකම අවියෝජනීය බව ස්තීරසාර වූවකි.
නිර්මාණශීලිත්වයෙන් තොර ලෝකයට පැවැත්මක් නොමැත. එය එසේම ඡායාරූපකරණයට ද වලංගුවන්නේය. නිර්මාණශීලිත්වය හරහා බුද්ධිමය දායකත්වයක් මෙන්ම හැකියාමය දායකත්වයක් ද සපයන අතර එහි අහුඵලයන් ලෙස නිර්මාණශිල්පියෙකුට ඉහළ මිළක්, සමාජ පෞරුෂත්වයක්, ඒ හරහා අවසානයේදි වෘත්තීයවේදියෙකු හා අදාළ ක්ෂේත්‍රයට කර්මාන්තයට බිහිවීමක් සිදුවීමක් සිදුවන්නේය. ඡායාරූප ශිල්පියාද සැබැවින්ම නිර්මාණශිල්පයෙකි. අප ඇසුරු කරන සමාජයේ ඡායාරූප ශිල්පින් තම පෞද්ගලික පෞරුෂත්වය වර්ධනය කරගෙන ඇත්තේ කෙසේද යන්න හා ඔවුන් වෘත්තීයවේදින් ලෙස ගොඩනැගීම ද සිනමාව, ජනමාධ්‍ය හා මාධ්‍ය කර්මාන්ත තුළ වැජඹෙන අයුරුද ඉහත පැවසු කරුණු සඳහා සනාථන නිදසුනකි. තවද සරලව පැවසුවහොත් ඡායාරූප ශිල්පියා යනු නිර්මාණශිල්පියෙක් වන අතර ඡායාරූපය යනු නිර්මාණයක් වේ.
මෙතෙක් පුන පුනා කීමට උත්සහ දැරූ නිර්මානය යන්න නිර්වචනය කරන්නේ නම් රසවින්දනය කේන්ද්‍ර කරගත් අපූර්ව එනම් පෙර නොවූ විරූ ගොඩනැගුවක්, ඉදිරිපත් කිරීමක් ලෙස පැවසීමට හැක. ප්‍රතිභාව, ව්‍යුත්පත්තිය, පතනඅභ්‍යාසය සහ ත්‍රිවේදයන් තුළ නිර්මාණායන් පෝෂණය වේ.
රමණීයත්වය, සෞන්දර්ය, රසය, චමත්කාරය, අපූර්වත්වය, අත්දැකීම්, ආකෘතිය, පරිකල්පනය, ජීවන දෘෂ්ටිය යන්නා වු ලක්ෂණ නිර්මාණයක නිර්මාණාත්මක සන්නිවේදනය ගොඩනගන අත්‍යවශ්‍ය අංගයක් වේ. යම්කිසි රසවින්දනයක්, විනෝදාස්වාදයක්, පෙළඹවීමක්, විඥාපන කාර්යයක් (තොරතුරු සැපයීමේ කාර්යයක්) භාව ප්‍රකම්පනයක්, පණිවිඩ හුවමාරුවක් මෙන්ම ලාභ ඉපැයීමක් ලෙස අරමුණු එකක් හෝ කිහිපයක් මුල්කරගෙන නිර්මාණයක් බිහිවීම ආරම්භ වේ. අත්දැකීම් හරහා නිර්මාණකරුවාගේ මනස තුළ කරන්නා වු භාව ප්‍රකම්පනයන්ගෙන් නිර්මාණකරුවා නිර්මානයන් සිදු කර අවසානයේදී එම භාව ප්‍රකම්පනයන්ම ග්‍රාහකයාට ද උද්ධීපනය කිරීමට උත්සහ දැරීම ශිල්පියෙකුගේ ඉලක්කය වේ.
පොදුවේ ගත් කළ නිර්මාණකරුවෙකු යනු කවුරුන්ද, නිර්මාණ ශිල්පියෙක් යනු කවුරුන්ද, ඔහුගේ කාර්ය භාර්ය කුමක් වන්නේද යන්න ඡායාරූපකරණය තුළ ඡායාරූපශිල්පය මනාව අවබෝධ කර ගැනීම අතිශය වැදගත්ය. ප්‍රථමයෙන් නිර්මාණකරුවෙකු පර්යේෂණ කාර්යයේ නිරත වන්නෙක් විය යුතුමය. එනම් නිර්මාණකරුවෙකු වීමට ප්‍රථම හෝ ඔහු පර්යේශකයෙකු විය යුතුය. තමා නිර්මාණය කරනු ලබන නිර්මාණය හා ඊට අදාල සෑම තොරතුරක්ම පිළිබඳව පුලුල් නිවැරදි අවබෝධයක් ලබා ගැනීම සඳහා නිරන්තරයෙන් තොරතුරු සොයා බැලීම, සංසන්දනය කිරීම, විශ්ලේෂණය කිරීම අත්‍යාවශ්‍යය. එසේම යාවත්කාලීන සමාජ සංවාදයක් නිර්මාණකරුවාට නොඑසේ නම් ඡායාරූප ශිල්පියාට තිබිය යුතුමය. අත්දැකීම් වලින් ප්‍රබලයෙක් විය යුතුයි. විචාරාත්මක බුද්ධියක් තිබිය යුතුයි. පරිශීලන නිර්මාණ ආභාසයද නිර්මාණකරු වැදගත්ය.
උසස් නිර්මාණශීලිත්වයක්, උපක්‍රමණශීලී නිර්මාණාත්මක කුසලතාවයක්, රස ජනනය කිරීමේ කාර්යයක් මෙන්ම යථාර්ථය නිර්මාණයකට භාජනය කිරිමට තේරුම් ගැනීමේ හැකියාවන් සමගම උසස් සන්නිවේදන සංජානන හැකියාවක් සහිත මානුෂීය ඇත්තෙක් විය යුතුය. මෙයින් පැහැදිලි වන්නේ හැකියාව හා පහසුකම් තිබු පමණින් යමෙකු නිර්මාණකරුවෙක් හෙවත් ශිල්පියෙකු නොවන බවයි. කැමරාකරු සහ ඡායාරූපශිල්පියා අතර වෙනස ගොඩනැගෙන්නේ මේ හරහාය. කැමරාවක් තිබු පමණින් එයින් රූප කාචගත කළ හැකි පමණින් නිර්මාණකරුවෙක්, ඡායාරූප ශිල්පියෙක් වන්නේ නැත. නිර්මාණයක් බිහි වන්නේද නැත.
නිර්මාණාත්මක ඡායාරූපකරණය තුළ තේමාව, රූපය හා රූප වින්‍යාසය, චරිත හා වස්තු ගොඩනැගීම මෙන්ම පසුබිම යන මූලිකාංග සතරක් පවතී. තේමාව හරහා තමාගේ අරමුණ තුළ තමාව ග්‍රාහකයාට සංජානනය කරන්නට අවශ්‍ය පණිවිඩය ඉස්මතු විය යුතුයි. එය මූලිකව නිර්මාණකරුට එන අදහස පදනම් ව ඡායාරූපය ගැනීමෙන් (එනම් පෙර නිෂ්පාදන අවධියේදී) හෝ ප්‍රථමයෙන් තමා ලබාගත් ඡායාරූපයට සංස්කරණයක් සමග (පසු නිෂ්පාදන අවදියේදි) නිර්මාණකරුවට අවශ්‍ය පණිවිඩය නිරාකරණය කිරීමත් එයින් මාතෘකා යෙදීමත් කළ හැක. එහිදී රූපයට, හෝ රූප රාමු යොදන්නා වු මාතෘකාව හරහා සෘජුවම තම පණිවිඩය ග්‍රාහකයාට නොදී ව්‍යංගයෙන් සංඥාත්මකව ඉදිරිපත් කිරීමට හැකිනම් එහි නිර්මාණාත්මක ගුණය බොහෝ විට ඉහළ නගී. රූපය සහ රූප වින්‍යාසය තුලදී නිර්මාණාත්මක විය යුතුය. එහිදී වස්තු සංවිධානය, ආලෝකය සංවිධානය, වර්ණ සංයෝජනය යන මූලික පර්යාලෝකයන් තුල කැමරාවෙහි සැකසුම් සැකසීම ඡායාරූප නිෂ්පාදන අවධියේදී සිදු වේ.
එහිදී කැමරා රූප, කැමරා කෝණ ආදිය අවස්ථාචෝචිතව යොදා ගැනීම ද නිර්මාණකරනය තුළ එක් කොටසකි. ඒ ඒ අදාල වු භාව ප්‍රකාශනයන් එලෙසම ග්‍රාහකයාට තාත්විකව දැනවීමට සරිලන සේ රූප රාමු, කෝණ යොදා ගැනීමට මෙම මූලිකාංගය යටතට ගත හැකිය. එසේම චරිත හා වස්තු ගොඩනැගීමද සහ පසුබිම ගොඩනැගීමටද ඡායාරූප පෙර නිෂ්පාදන අවදියේ සිට පශ්චාත් නිෂ්පාදන අවධිය වන සංස්කරණය දක්වා ගොඩනැගෙන්නකි. මේ සියලු කරුණු කාරණා මත පදනම්ව අවසානයේ නිර්මාණය වී ඇති නිර්මාණයත් එහි ගුණාත්මකභාවයත් එසේම ග්‍රාහක ප්‍රතිචාර ප්‍රතිපෝෂණ ක්‍රියාවලියත් තීරණය වේ.
මේ අනුව ඡායාරූපකරණය හා නිර්මාණකරණය යනු පුලුල් විෂය පතයන් බැවින් සංක්ෂිප්තව ඉහත ඉදිරිපත් කළ අදහස් මගින් ඡායාරූපකරණයට නිර්මාණශීලිත්වය හාදකම් පාන්නේ අවියෝජනීයත්වය සමග යන්නට තහවුරක් දෙමිනි. එබැවින් ඔබද ඡායාරූපකරණය තුළ ශිල්පීයත්වය මගින් නිර්මාණවේදියෙකු වන්නට රුචි නම් මේ සියලු කාරණා තව දුරටත් පුලුල්ව විමසා, අධ්‍යයනය කර අපූර්ව නිර්මාණකරුවෙකු වන්නට මෙය ආරාධනාවක්ම වේවා.
සත්‍යා ප්‍රනාන්දු

09/06/2023

යොවුන් පියවර Teenage Digital Magazine 06 වන කලාපය download කර ගැනීමට පහත link එක යොදා ගන්න.

https://drive.google.com/file/d/1ra02JAfmxepDvI8e3-IsEJshjROxbsnY/view?usp=share_linkc

හෙල්මට් හෙවත් හිස් ආවරණ නොමැතිව මෝටර් සයිකලයක ඉගිල්ලී යන්නට හදන පාසල් වයසේ නව යෞවනයන් තුන්දෙනෙකුට එහි ඇති භයානකකම ගැන අවවාද කළ එක් දරු පියෙකු එම යෞවනයන් විසින් කළ පහරදීමක් නිසා මිය ගියේය.
මේ ඛේදනීය මිනිමැරීම ගැන ජනමාධ්‍ය හා සමාජ මාධ්‍ය තුළ සිදුවු කතාබහ නව යෞවනයන් වෙත දෝෂාරෝපණය කිරීමට පමණක් සීමා වී තිබිණි. නව යෞවනයා හා මෝටර් සයිකල් ගැන ඊට වඩා පුළුල් කතාබහක් අවැසි බවයි අපේ හැඟීම.
කැපී පෙනීම
නව යෞවනයාට ආවේණික ලක්ෂණයක් වන්නේ ‘තමා කියන කෙනෙක් සිටින බව’ හෙවත් ස්වසංකල්පය ඇති වීමයි.
මේ ‘තමා’ ව ප්‍රකාශ කිරීමට ඔහුට/ඇයට ස්වභාවික වුවමනාවක් පවතී. තමා සිටින බව, තමාත් ‘යමෙකු’ බව ඒත්තු ගැන්වීමේ වුවමනාව ‘කැපී පෙනීමට’ ඇති යොමුවක් ලෙසද හඳුනාගත හැක.
පංතිකාමර ඉගෙනීම තුළ කැපි පෙනේන්නේද, ක්‍රීඩා වැනි අප රට තුළ යෞවනයාට ඇති සීමිත ක්ෂේත්‍රවල කැපි පෙනීමට හැක්කේද නව යෞවන යෞවනියන්ගේ සුළු පිරිසකට පමණි. තවත් පිරිසකට පවතින අධ්‍යාපන ක්‍රමය තුළ ඊට අවස්ථාවක් නොලැබේ.
මෝටර් බයික් හා රංචුව
‘පාපැදියක්’ පැදීම මෝටර් සයිකල් නැති යුගයේ නව යොවුන් පිරිමි දරුවෙකුගේ සිහිනයක්. පාපැදියෙන් රංචු ගැසි ගමන් බිමන් යාම එකල තාරුණ්‍යයේ ප්‍රකාශනයක් විය. එය නව යව්වනයා කිසියම් දක්ෂතාවයක් අත්පත් කර ගැනීමකි.
පාපැදියේ තැන අද මෝටර් බයික් විසින් ඊට වඩා විශාල ආකර්ශනයක් සහිතව අත්පත් කරගෙන ඇත. එයට මෝටර් බයික් පිළිබඳ වෙළඳපොළ ප්‍රචාරණය ද ඉවහල්වී ඇත.
විවිධ මාදිලියේ මෝටර් සයිකල් ගැනත් ඒවායින් ඉගිල්ලිී ගමන් කිරිමේ යෞවන වීරත්වයක් ගැනත් ප්‍රචාරණය යෞවන හා තරුණ පරම්පරාව පමණක් නොව ස්ත්‍රීයද ඉලක්ක කොට ඇත.
වෙළඳ දැන්වීම් පමණක් නොව, චිත්‍රපටි තුළින්ද මේ මෝටර් සයිකල් උන්මාදයට තල්ලුවක් ලබා දේ.
විරුද්ධ ලිංගික ආකර්ශනය
ශ්‍රී ලංකාවේ එක්තරා ජනප්‍රිය මෝටර් සයිකල් වෙළඳ දැන්වීමක අදහස පහත පරිදි විය.
අහවල් වර්ගයේ මෝටර් සයිකලයක හිමිකරුවෙකු වෙත්නම් ප්‍රේමවන්තියක් ඔබව සොයාගෙන එන අතර ප්‍රේමවන්තියගේ පවුලේ අයද ඔබට කැමැති වනු ඇත.
විරුද්ධ ලිංගික ආකර්ශනය නමැති යෞවනයේ තවත් ස්වභාවික ලක්ෂණයක් සමඟ මෝටර් සයිකල් බද්ධ කොට අළෙවි ප්‍රවර්ධනය සිදු කිරීම තරුණ, තරුණියන් දෙපක්ෂයටම බලපෑමක් කර ඇත.
මීට කළකට පෙර කප්පම් ගැනීම සඳහා ප්‍රාථමික පාසල් සිසුවෙකු පැහැරගෙන ගොස් මරා දැමු තරුණයෙකු පාපොච්චරණය කර තිබුණේ, තමාගේ පෙම්වතියගේ ආසාව ඉටුකිරීම තමන් අහවල් වර්ගයේ මෝටර් සයිකලයක් ගැනීමට එම පැහැර ගැනීම කළ බවත්, තමාට එම සිසුවා මැරීමට වුවමනාවක් නොතිබු බවත්ය.
මෙවැනි සිදුවීම් විශාල ගණනක් සමාජය තුළ සැඟවී ඇත. මෝටර් සයිකල් උන්මාදය ජීවිතයේ වගකිම් ගැන, ස්වභාවය ගැන ගැඹුරු හැගීමක් නැති නව යෞවනයට බරපතළ විනාශයක් කැඳවා ඇත.
ආර්ථික ප්‍රශ්නය හා මව්පියන්
මෝටර් සයිකලයක් ගැනීම පහසු කටයුත්තක් නොවේ. එසේම එය නඩත්තු කිරිමද පහසු නැත. ‘පෙට්ට්‍රල්’ ගැසීමට වූවද විශාල මුදලක් අවශ්‍යය. ලීසිං ක්‍රමයට ඉක්මනින් ගත හැකි වුයද නව යව්වනයට ඒ සඳහා දෙමාපිය, වැඩිහිටි මැදිහත්වීම අවශ්‍යය.
තමන් හරි හම්බ නොකරන නව යෞවනයාට මෝටර් සයිකලයක් ගැනීම මෙන්ම නඩත්තු කිරීම කියන්නේම දෙමව්පියන් විසින් වැය කළ යුතු දෙයකි. මත්ද්‍රව්‍යවලට මුදල් සොයන්නා සේ මොටර් බයික් පවත්වා ගන්න මුදල් සොයන අය වෙති.
නව යොවුන් දරුවන්ට දෙමාපියන් විසින් මෝටර් සයිකල් අරන් දීම රෝද දෙකක් සවි කළ මිනි පෙට්ටියක් අරන් දීමක් බවට පත්වන අවස්ථා රැසක් පසුගිය කාලය තුළ වාර්තා වී ඇත.
‘පුතා දිගින් දිගටම මෝටර් සයිකලයක් ඉල්ලුවා. දහ අට වැනි උපන් දිනයට මම අරන් දුන්නා. රු. 100 000 ක් ණයටත් අරගත්තා. දවස් දෙකයි දෙයියනේ ගියේ. එයා ගෙදර ආවේ මිනි පෙට්ටියකින්’
යව්වනයන්ගේ මෝටර් සයිකල් මරණ පිටුපස මෙවැනි කතා රැසකි. විශේෂයෙන් මව්වරුන් ව ඒ සඳහා නම්මවා ගන්නට යොවුන් පුතාලා සමත් වේ.
‘මම අපේ බිරිඳට කිව්වා ඔය වැඩේ කරන්න එපා කියලා. තමන් හරි හම්බ කරලා මෝටර් සයිකලයක් ගන්න තුරු අපි අරන් නොදී ඉමු කියලා. ඒත් අම්මයි පුතයි එකතුවෙලා මම කිව්ව දේ ඇහුවේ නෑ. අපිට හිටියේ එකම පුතායි. එයාව නැති කරගත්තා විතරක් නෙවෙයි තවත් පවුලක දරුවෙකුත් නැති වුණා. ඒ නැති වුණු දරුවත් ඒ පවුලේ එකම පිරිමි දරුවා. පවුල් දෙකම විනාශ වුණා.’ ඒ තවත් තාත්තා කෙනෙකුගේ අත්දැකීමක්.
‘හුගාක් යෞවනයෝ මෝටර් සයිකල් පදින්නේ බලපත්‍ර නැතිව. දෙමව්පියන්ටත් ඔවුන්ව පාලනය කරන්න බැරිවෙලා. වෙළඳපොළ බලවේග විසින් හා ආවේග විසින් ඔවුන්ව පාලනය කරනවා. ඔවුන් බහුතරය මව්පියන්ගේ දරුවෝ නොවෙයි. වෙළඳපොළ ක්‍රමයේ දරුවෝ. මම නම් කියන්නේ රෝද හතරට කෙසේ වෙතත් රෝද දෙකට ලයිසන් දෙන්න ඕනි වයස අවුරුදු 25 ක් වත් උනාම’
ඒ කතාව කිව්වේ බලපත්‍ර නැතිව පැදවු මෝටර් සයිකලයක් හැපි සදාකාලික අකර්මන්‍යතාවයට පත්ව සිටින තිදරු පියෙක්.
අනතුරු හා සමාජ පිරිවැය
ලංකාවේ මහා මාර්ග අනතුරු වලින් වැඩීම ප්‍රතිශතය මෝටර් සයිකල් අනතුරු. ඒ මගින් අහිමි වන ජීවිත පූර්ණ හෝ අර්ධ අකර්මන්‍යයතාවයට ලක්වන ජීවිත, දරුවන් හා මව්පියන් අහිමි වීම නිසා පවුල්වලට අහිමි වන ආර්ථීක හා සමාජීය අහිමිවීම් ගත් විට එය විශාල ආර්ථීක හා සමාජ පිරිවැයක්.
මෝටර් සයිකල් අනතුරු රටක මුලු අනතුරුවල ප්‍රතිශතයක් ලෙස ගත් විට, පොදුවේ 40% ක් පමණ වෙනවා. ඒ අනතුරුවලින් වැඩිම ප්‍රතිශතයක් අවුරුදු 25 ට අඩු පුද්ගලයින් අතින් සිදු වන බව හඳුනාගෙන තිබෙනවා. බොහෝ විට මෝටර් සයිකල් අනතුරුවලට හේතු වන්නේ අධික වේගය, අනාරක්ෂීතව පැදවීම, මාර්ග නීති පිළිනොපැදීම ආදියයි.
මෝටර් සයිකලයක හිමිකරුවෙකු වීමට එහා ගිය ජීවිත ඉලක්කයක් ඇති කරගන්න හැකි නව යෞවනයන් බවට නව යෞවනය පත් කරන්න වැඩිහිටි පරපුර හා අධ්‍යාපන ක්‍රමය සමත් විය යුතුයි. එසේ නොමැතිව සිදුවීමක් සිදුවූ විට ඒ ගැන විවිධ අදහස් පළ කිරීම තේරුමක් නෑ.

සෙනෙහස නවාතැන
සදිප්තා සෙනෙහසේ නවාතැනට දුරකථන ඇමතුමක් දුන්නේ ඉක්මනින් කතාබහ කරන්න වෙලාවක් ඉල්ලලා . ඇයට තිබෙන ප්‍රශ්නය තමයි මෙවරත් ඇය කැම්පස් යන්න සමත් නොවන එක.
ඇගේ දෙමාපියන් කියන්නේ දොස්තර කෙනෙක් වෙන්න කියලා. ඒත් සදිප්තාගේ කැමැත්ත කලාවට. ඇ පළමු සැරේ විද්‍යා අංශයෙන් විභාගය කළා ක්‍ දෙකයි, ී එකයි.
“ඔයා මොනවාද කරන්න හදන්නේ ? ”
ඔයාට ඔය ප්‍රතිඑල වලින් මොනවත් කරන්න බෑ ?
අම්මා, තාත්තා ඇතුළු බොහෝ දෙනෙක් කියන්නේ එහෙම
මටත් හිතාගන්න බෑ මට මොනවාද කරන්න පුළුවන්. මේ ප්‍රතිඵල වලින් කැම්පස් යන්නත් බෑ. මට කරන්න පුළුවන් වෙන දෙයක් ගැන අදහසකුත් නැහැ.
“ගෙදර අය කිව්ව නිසා මේ පාරත් විභාගේ කරාට, ගිය පාරට වඩා ප්‍රතිඵලයක් ලැබෙයි කියලා හිතෙන්නේ නෑ.
මම අදක්ෂ ළමයෙක්. මට තේරෙන්නේ නෑ මොනා කරන්නද කියලා.
ක්‍ දෙකයි ී එකයි කියන්නේ ඔබ උසස් පෙළ සමත් විශ්ව විද්‍යාලයට අවම සුදුසුකම් තිබෙන කෙනෙක් කියන එකයි. අදක්ෂයෙක් නොවෙයි. ලංකාවේ විශ්ව විද්‍යාලවලට ඒවායේ ඉඩකඩ අනුව සීමිත පිරිසක් ගන්න නිසා තමයි ඔයාට විශ්ව විද්‍යාලයට යන්න බැරි.. ඔයාට උපාධියක් හදාරන්න අඩු සුදුසුකමක් තිබෙනවා ”
අනාගත රැකියාවක් ගැන නිශ්චිත අදහක් නැති වීම නිසා ඔබ අදක්ෂයෙක් හා කිසිම දෙයක් බැර කෙනෙක් වෙන්නේ නැ...
අපිට රැකියා ලෙස පෙන්වලා තියෙන්නේ ීජසැබජැ කළොත් වෙද්‍යවරයෙක්, ඵ්එයි කළොත් ඉන්ජිනේරුවරයෙක් වැනි පටු ක්ෂේත්‍රයක්. ඔබට කරන්න හැකි බොහොදෙ තිබෙනවා අපි එකක් තෝරාගමු.
ඒ කතා බහත් එක්ක සදිප්තා ලොකු නිදහසක් ලැබුවා. තමා අදක්ෂයෙක් නොවන බව තේරුම් ගත්තා. කරන්න වැඩ ඕනෑ තරම් තිබෙනවා. කැමිපස් සිහිනයක් විතරක් ම නොවයි.

09/06/2023

යොවුන් පියවර Teenage Digital Magazine 06 වන කලාපය download කර ගැනීමට පහත link එක යොදා ගන්න.

https://drive.google.com/file/d/1ra02JAfmxepDvI8e3-IsEJshjROxbsnY/view?usp=share_link

02/06/2023

යොවුන් පියවර ඩිජිටල් සඟරාවේ මෙතෙක් කල් නිකුත් කර ඇති සියලුම කලාප බාගත කර ගැනීමට මෙම යොමුව භාවිතා කරන්න.
https://drive.google.com/drive/folders/1irPd82G-J9mlua_u5vWxXpIkiwIngrMS?usp=sharing

අපගේ ෆේස්බුක් පිටුව සමඟ සම්බන්ධවන්න.
https://www.facebook.com/profile.php?id=100086493777811

WhatsApp No - 076 2229879

02/06/2023

ශ්‍රී ලාංකීය කලා ක්ෂේත්‍රය තුළ රසිකයාගේ මනෝභාවයට වඩාත් සමීප වන කලා මාධ්‍යයක් ලෙස ‘සංගීතය’ ඉහළින්ම තියන්න පුලුවන්. මෑත කාලීනව දශකයක් පමණ පුරාවට බිහිවුනු ඒකාකාරී විරහව දනවන, එනම් බොහෝ දෙනා ‘මල් සිංදු’ ලෙස ජනගත කළ ගීතයන්ගෙන් ඔබ්බට ගොස් නව ගීත ශෛලීන් හා වෙනස් ආකාරයේ සංගීත නිර්මාණ රැසක් නව පරපුරේ සංගීත ශිල්පීන් අතින් නිර්මාණය වෙනවා. අද කලාපෙතට ලියැවෙන්නේ නව සමාජ කතිකාවන් තමාටම ආවේණික ශෛලියකින් නිර්මාණය කරමින් සංගීත ක්ෂේත්‍රයේ ජනාදරයට පත් වී තිබෙන සොඳුරු නිර්මාණකරුවෙකු ගැනයි. ඔහු නමින් ‘සාදර බණ්ඩාර’ කියූ විට කවුරුත් හඳුනයි.
සාදර බණ්ඩාර තරම් නූතන සමාජය ප්‍රශ්න කරන තරුණ සංගීත ශිල්පියෙකු මේ මොහොතේ නැති බවයි මගේ අදහස.... සම්ප්‍රදායික නිර්මාණකරුවන් මෙන් ආදරය, විරහවට පමණක් රාමු නොවී සමාජ දේශපාලනික කියවීමක් තම ගීත ඔස්සේ ප්‍රේක්ෂකයාට ලබා දීමට සාදර ඉහළින්ම සමත් වෙනවා. ඔහුගේ සංගීත දිවිය දීර්ඝ එකක් වූවද ඔහුව හා ඔහුගේ නිර්මාණ ලෝකයක්ම හඳුනා ගන්නේ වසර හතරක පමණ කාලයක සිටය. ඒ නූතන ජනප්‍රිය කවි ටිම්රාන් කීර්ති අතින් ලියැවී සාදර බණ්ඩාර අතින් සංගීතවත් වුණු ‘පොඩ්ඩියේ’ ගීතය හරහාය. සාදර ගේ නිර්මාණ කීපයකින්ම ඔබට ඔහුව අඳුනගන්න පුලුවන්.
පොඩ්ඩියේ
‘සතා’ කියා ඉඳ හිටකදි ඇහුනාට
කතා හදන උන් සේරම බෝසත්ද
යකා වැහෙන්නට පෙර උඹේ අයියාට
කතන්දර එපා වැඳපන් අම්මාට
සාදරගේ සංගීතය ප්‍රේක්ෂකයා වැළඳගැනීමට මුල්වෙන හැරවුම් ලක්ෂය මේ ගීතය ‘අම්මා’ ගැන නව සමාජ කතිකාවක් ගොඩනගන්නට මේ ගීතයට පුලුවන් උනා. ඒ ඔහුගේ ගැඹුරු හඬ, සරල සංගීතය හා අමු වචන වලින් පේ්්‍රක්ෂකයාගේ හදවත ගැඹුරටම ගිහින් කොනිත්තන්න පුලුවන් උනු නිසා. ‘පොඩ්ඩියේ’ ගීතය ටිම්රාන්ගේ කවියක් විදිහට කාලෙකට කලින් ලියැවුණු එකක්. කවියා මෙහි නිමිත්ත ලෙස දක්වා ඇත්තේ ‘අම්මා ගණිකාවක් නිසා අවුරුදු දා ඇයට වැඳීමට තමාට නොහැකි බැව් කී, නැගණියට අයියාගේ තරවටුව’ යන්න ඔහු ඵල කරලා තියෙනවා.
ඒත් අපි එක පන්තියේ.
අනේ හිමියනී ඉදින් නවතිනු - සෙබළු බොහොමයි ගැන්සියේ
නුඹව ලොකු නැත ගොඩක් කල් යුධ - කෙරුව එකෙකුට වන්නියේ
එකම පාරක දෙපිල බෙදිලා - සටන් කෙරුවත් හන්දියේ
බංකරේ මා අන්තරේ නුඹ - ඒත් අපි එක පන්තියේ
සාදර බණ්ඩාර බොහෝ විට රටේ ඒ ඒ මොහොතවල් වල පවතින දේශපාලනික කරුණුවලදී වෙනත් කලාකරුවන්ට වඩා වෙනස් මානයකින් එම අර්බුද දෙස බලන වග ඔහුගේ නිර්මාණ වලින් දැනෙනවා. මේ ගීතය ඒකට හොඳම උදාහරණයක්. ‘සයිටම්’ පෞද්ගලික විශ්වවිද්‍යාලය වසා දැමීමේ අරගලයේ විශ්ව විද්‍යාල ශිෂ්‍යයන් යෙදි සිටි කාලවකවානුවේ ඊට විරුද්ධව මර්දනය සිදු කල හමුදා නිලධාරීන්ගේ තත්ත්වය ඔවුන්ගේ පැත්තේ සිට සමාජගත කිරීමට මෙම ගීතය නිර්මාණය වුණා. මෙයද සමාජ මාධ්‍ය තුළ විසරණය වුණු විශිෂ්ට නිර්මාණයක්.
සාදර බණ්ඩාර යනු හුදු සම්ප්‍රදායික සංගීත ශිල්පියෙකු පමණක් නොව විචාරශීලිව ලෝකය දෙස බලන නිතරම සමාජ සංවාද, විකල්ප සංගීත ප්‍රසංග තුල සැරිසරන මානව හිතවාදී සංගීතකරුවෙක්. එම නිසාම ඔහු පීඩිත දේශපාලනය විවේචනය කිරිමට හා යහපත් දේශපාලනික මිනිසුන් නිර්මාණය කිරිමට සංගීතය තුලින් ලොකු උත්සහයක් ගන්නවා.
අමුඩ සෙල්ලම, කතිර ගසන්නා, කාකි වහලුන්, ජනතා යුගයක්, විකූණමු, ඩෝසර් එවැනි කාලීන ගීත නිර්මාණ කීපයක්. ඔහුගේ ගීත පමණක් නොව, ගීතවල රූප රචනාද ඉතා සිත් ඇදගන්නා විදිහට නිර්මාණය කරලා තියෙනවා.
,ී්ා්ර් ඊ්බා්ර්, ශදම ඔමඉැ චැනලය ඔස්සේ ඔහුගේ ගීත සියල්ලම ඔබට රස විඳින්න පුලුවන්.
ඒ වගේ ම සාදර ගේ නිර්මාණයන්හී මතු කරන තවත් සමාජ අර්බුදයක් ලෙස සමාජයේ ආගමික හැසිරීම දක්වනවා. සැබෑ ආගමික දර්ශකයන්ගෙන් බැහැරව අධාර්මික අශිෂ්ටත්වයකින් පමණක් ගොඩනැගෙන ආගම, සමාජයට සිදු කරන හානිය නොබියව ප්‍රේමය නම් ආගම, බුත්තල නත්තල, ලියමු සිල් පද අලුතින් යන ගීත තුළින් ගෙන එනවා. ඔහු සැබෑ දර්ශනයන් සමාජගත කිරීමට දරන උත්සහය ඉතා මානවවාදී උත්සහයක් සහ අගය කල යුතු එකක්. ඒ සෑම නිර්මාණයක්ම අපිට අපිව මූණගස්වනවා.
ප්‍රේමය නම් ආගම :ඍැකසටසදබ දf ඛදඩැ*
පිරිත් පැන් බීලයි සිටු මකරු ගිනි සිඹින්නේ
කුරුස දලු දාලයි බයිබලේ ටිකෙන් ටික වැහෙන්නේ
අබායාවක් මැද හද පලුවකි මැදෙන්නේ
කවුද හද්දෙයියනේ.....
ස්වර්ගෙට යන හරිම පාර කියන්නේ.
ඒ වගේ නාට්ටාමි, සේපාලි, යාමේ. පැදපල්ලා වැනි ගීත නිර්මාණ හරහාද සාදර බණ්ඩාර ප්‍රේක්ෂකයාට ලබා දෙන්නේ වින්දයත් සමග මුසු වූ වෙනස් මානයන්හී සමාජ පණිවුඩයන්. තමන්ට ආවේණික හඬකින් හා සංගීතයකින් ඔහුව මේ වන විට ලෝකයක් හඳුනා ගනිමින් පවතිනවා. මේ වන විටත්, ඉදිරියටත් සාදර බණ්ඩාරගේ සමාජ වෙනසක් හා වෙනස් රසවින්දනයක් උදෙසා තම සමාජීය යුතුකම සංගීතය හරහා ඉටුකරමින් සිටිනවා. ඔබත් ඔහුගේ ගීතවල ආදරණීය ඇබ්බැහිකරුවෙකු වෙන්න. ඔහුගේ නිර්මාණ රසවිඳින්න, අලුතින් හිතන්න පටන් ගන්න.
අහසෙ තියෙන පිණි බිඳුවට
මොනවා මොනවා වෙනවා ඇද්ද
පොළොවෙ ඉන්න අපිත් හොයනවා

28/05/2023

පියවර 7 වන කලාපය කියවීම සදහා පහත ලින්ක් එක භාවිත කරන්න.
https://drive.google.com/file/d/18uZBN-KbfdZaOngv3mreOy6dBhZYaAib/view?usp=share_link

26/05/2023

1. අවුරුදු තුනකට පස්සේ තමයි ,ීචදරඑ ඵැැඑථ, තිබුණේ... ගිය අවුරුදු තුනේ කී දෙනෙක්ගේ අවස්ථා අහිමි වුණාද? අපේ ඉස්කොලේ විතරක් ගත්තොත් 20 පහළ චැම්පියන් වෙන්න සිහින මවපු අයියලා, අක්කලා කීප දෙනෙකුටම ඒ අවස්ථාව නැතිවුණා.
ඒ විතරක්ද ප්‍රධාන ශිෂය නායකයා, ප්‍රධාන ශිෂ්‍ය නායිකාව, නිවාස නායක නායිකාවන් කී දෙනෙකුට ජිවිතයේ, එක් වරක් පමණක් හිමි වන පාසලේ ධජය, නිවාස ධජය, රැගෙන යාමේ අවස්ථාව නැති වුණද ?
ආයෙත් ඔවුන්ට කවදාවත් පාසලේ ශිෂ්‍යයකු, ශිෂ්‍යාවක ලෙස අවස්ථාව ලැබෙන්නේ නෑ.
පාසල් කාලයේ අපිට හැකි හැම බාහිර දේකටම සම්බන්ධ වෙන්න ඕනි. මොකද ඒ අවස්ථාවන් ආයෙත් ලැබෙන්නේ නෑ. අපේ සර් හැම විටම කියන දෙයක් මට මතක් වුණේ ඒ ගැන හිතද්දි.
“මිහිරි මතක ඉබේ ඇති නොවේ. ඒවා අප උපයා ගත යුතුයි“
,ීචදරඑ ඵැැඑථ, කියන්නේ එවන් මිහිරි මතක ඇති කරන සොඳුරු අවස්ථාවක්.
2. මේ දවස්වල හරිම රස්නෙයි. වතුර වැඩිපුර බොන්න, විනාඩි 20 ක් විතර නාන්න කියලා වෙiවරු කියනවා.
කොහොමත් පෙබරවාරි - අප්‍රියෙල් කාලවල පායනවා. ලොකුවට අපේ රටට සෘතු විපර්යාස නොදැනුනාට පෑවිල්ල දැනෙනවා.
ඒත් මේ පෑවිල්ල නම් අපි පොඩි කලේ තිබුනට වඩා ගොඩක් වැඩියි කියලයි අපේ තාත්තා කියන්නේ.
ඒකට තමයි තාත්තේ “ගෝලිය උෂ්ණත්වය” කියන්නේ. පරිසර මිතුරෙක් වන අපේ අයියා කිවිවා. එයා ඕන දෙයක් ගැන කතා කරන කොට පරිසර පැත්ත ගැන කතා කරනවාමයි.
ගෝලිය උෂ්ණත්වය වැඩිවීම කියන්නේ පරිසර ප්‍රශ්න අතර ප්‍රමුඛම ප්‍රශ්නයක්. ගිය අවුරුදු දෙක තුන තමයිලු ලෝකයේ මෙතෙක් වාර්තා වු වැඩිම උණුසුමක් ඇති අවුරුදු.
මමත් ගෝලිය උෂ්ණත්වය වර්ධනයට උදව් වෙනවා. ඒ තමයි විදුලිය නාස්ති කරන පුරුදු මගින්... ඒත් ඇත්තටම ගෝලීය උෂ්ණත්වය ඉහළ යන්නේ මහ පරිමාණ කර්මාන්ත හා අධි පරිභෝජන රටාව මගින්.
3. ඉස්කොලෙන් ටි්‍රප් එකක් යන්න ලෑස්ති වෙනවා. රු 2000 ක් වැය වෙනවා. අම්මා කිව්වා මට යන්න කියලා. අම්මට මම කිව්වේ නැ ටි්‍රප් එක ගැන. හැබැයි මම හිතාගෙන හිටියා ටි්‍රප් එක යන්නේ නෑ කියලා. ප්‍රශ්නය මුදල්...
මගේ යාළුවෙක් තමයි අම්මට කියලා තියෙන්නේ මම ටි්‍රප් එකට එන්නේ නෑ කියලා...
හැමෝම ටි්‍රප් එක යන්න අලුත් ටී ෂර්ට් එකම පාටින් ගන්න හදනවා. ටි ෂර්ට් එකක් 1600ක්. අම්මා සල්ලි දුන්නේ අමාරුවෙන් බව මම දන්නවා...
බස් එකේ ඉස්කෝලේ නොයන නිසා සමහරුන්ට වගේ මට පොකට් මනි කියලා දෙයක් ලැබෙන්නේ නෑ. කීයක් හරි ඉතුරු කරගන්න.
මම හිතුවා ටි්‍රප් එක යනවා. ඒත් අලුත් ටී ෂර්ට් එක නොගෙන කියලා. කරන්න දෙයක් නෑ. යාලුවන්ගේ රැල්ලටම යන්න බෑ. ටී ෂර්ට් එකටත් සල්ලි ඉල්ලන්න බෑ. ටි්‍රප් එකක් යනකොට අලුත් ඇඳුම් ගන්න ඕනි කියන එක කව්රු බෝ කළ රෝගයක්ද මන්දා ?

15/04/2023

යොවුන් පියවර Teenage Digital Magazine 05වන කලාපය download කර ගැනීමට පහත link එක යොදා ගන්න.
https://drive.google.com/.../1dlkWRjMlx03irZ9nKwW.../view...

24/03/2023

යොවුන් පියවර Teenage Digital Magazine 05වන කලාපය download කර ගැනීමට පහත link එක යොදා ගන්න.
https://drive.google.com/.../1dlkWRjMlx03irZ9nKwW.../view...

චීනයේ කුන්මින්ග් නුවරදි පැවැත්වීමට නියමිතව තිබු, ජදච 15 එක්සත් ජාතින්ගේ ජෛව විවිධත්වය සමුළුව” කැනඩාවේ මොන්ටි්‍රයෙල් නුවරදි පැවැත්වුණා. ඒ චීනයේදි එය පැවැත්වීමට නොහැකි තත්ත්වයක් උදා වීම හේතුවෙන්.
කෙසේ වෙතත් බලධාරීන් සමුළුව නම් කර තිබුණේ “එක්සත් ජාතින්ගේ ජෛව විවිධත්වය සමුළුව 2022 - කුන්මින්ග් - මොන්ටි්‍රයල්” ලෙසයි.
මෙම සමුළුවේදි ගත් වැදගත් තීරණයක් වන්නේ, 2030 දි පෘතුවියේ ස්වභාවික පරිසරයෙන් 30% ක් රැක ගැනීමට ඇති කරගත් එකඟතාවයයි. මෙය කෙටියෙන් ”‍30 ඉහ 30”‍ හෙවත් ‘30 දි 30 ක්’ ලෙස නම් කෙරුනා.
මෙම සමුළුවේදි සාමාජීක රටවල් අත්සන් තැබු කුන්මින්ග් මොන්ටි්‍රයල් ජෛව විවිධත්වය ක්‍රියාකාරී රාමුව යටතේ ”‍30 දි 30”‍ ක් එකඟතාවය ඇති කරගෙන තිබෙනවා.
2030 දී පෘතුවියේ ස්වභාවික පරිසරයෙන් 30% ක් රැක ගැනීමට ගත යුතු ක්‍රියාමාර්ග වශයෙන් පහත දේ ගැන එකඟතා ඇති කරගෙන තිබෙනවා.
තර්ජනයට ලක්ව ඇති පරිසර පද්ධති, විශේෂයෙන් තෙත්බිම් හා වැසි වනාන්තර ආරක්ෂා කිරීම
ස්වදේශික ජනතාවගේ හිමිකම් ආරක්ෂා කර දීම.
නැවත වගා කිරීම
ජාන විවිධත්වය ආරක්ෂා කිරීම
තර්ජනයට ලක් වී ඇති ලොව සිටින ශාක, සත්ව විශේෂවලින් 25%ක් පමණ හෙවත් වඳ වීමේ තර්ජනය ලක් ව ඇති විශේෂ මිලිනයක් පමණ වඳවීම මන්දගාමි කොට ආරක්ෂා කිරීම.
කෘමි නාශක ඇතුලු‍ පරිසර හානි කරන දෑ සඳහා ලබා දී ඇති ඩොලර් බිලියන 500 ක පමණ සහනාධාර කපා හැරීම.
මෙම සුබවාදි එකඟතා ක්‍රියාත්මක කිරීමට ප්‍රධාන බාධාව වන්නේ පවතින තන්හාධික ආර්ථීක ක්‍රමය බව පැහැදිලියි. ඒ ගැන සමුළුවේ අවධානය ‍යොමු වු බවක් දක්නට ලැබෙන්නේ නෑ. කෙසේ වෙතත් එක්සත් ජාතින්ගේ මහලේකම්වරයා සමුලු‍වේ එකඟතා ගැන දක්වන්නේ සුබවාදි බවක්.
”‍අපි අවසානයේදි සොබාදහම සමග සෑම එකඟතාවයකටම පිවිසීම ආරම්භ කළා.”‍
”‍30 දි 30”‍ ක් සඳහා ගෝලීය කැපවීමක් අවශ්‍යයි. එය සියලු‍ මිනිසුන් හා ගැහැනුන් විසින් කළ යුතු ක්‍රියාන්විතයක්.

24/03/2023

යොවුන් පියවර Teenage Digital Magazine 05වන කලාපය download කර ගැනීමට පහත link එක යොදා ගන්න.
https://drive.google.com/.../1dlkWRjMlx03irZ9nKwW.../view...

The novel "Bringing Tony Home" is a story in three movements. The writer, Tissa Abeyasekara presents a strong intimate relationship of a boy and a dog and the situations they have faced. In the first movement. 'The Sunset' brings many flashbacks and many incidents which are connected to the writer's life while the second movement entitled 'Tony" vividly brings forth the intimacy between Tissa and Tony. In the last movement "The little train" the writer presents a mature narrator who is addicted to his past and memories with the passing time, everything undergoes a shocking split and sometimes things become more complicative than the past. The narrator himself His intimates, friends as well as the environment and location Undergoes remarkable changes.
Due to an adverse economic Situation the boy's family moves from their familiar environment, depanama, to a new house in Egodawatta, then again to a half house in the same area. They gradually become poor and have to settle themselves with a small space with fewer facilities. This change creates a lot of impact upon the seven-year-old relationship of the boy and the dog. Both are confused, perplexed and unhappy. Tissa as a boy who cannot understand has made him to say goodbye to his lovely pet.
But he tries his best to get his pet back to him. when they reunite, the behavior highlights their bond. The mixture of emotions and the behavior of the dog proves how it attached to it's little master.
In the second time, when Tissa is sent back to depanama, tries to avoid Tony. The boys has gone through a big difference in his thoughts and feelings.
he changes to a stubbon, playful and an active teenager and then he finds his career as a film producer. All his teenage friends have changed and have found their own paths.
In the last movement 'The little train' we can find the adult narrator who recollects his past bitter and sweet memories by visiting places related to them. He surprisingly remembers every single detail connected to every situation. Though he remembers everything, It seems others have forgotten the past. This is clearly presented in the situation where he meets one of his childhood friends.
Even though he remembers everything, He get stuck at one point, the memories of his loving dog. when it comes to Tony. He's unable to imagine the rest. The image blurres like an old snapshot with the distance bark of Tony in his ears. He feels guilt of abandoning his loyal dog.

17/03/2023

යොවුන් පියවර Teenage Digital Magazine 05වන කලාපය download කර ගැනීමට පහත link එක යොදා ගන්න.
https://drive.google.com/.../1dlkWRjMlx03irZ9nKwW.../view...නිහඩ

කුලියට ගැනීම

2022 යනු ලොව පුරා අතීශය දරුණු ආර්ථික අවපාත තත්ව නිර්මාණය කරමින් ගෙවී ගිය වසරක් ලෙස දැක්වීම අතිශෝක්තියක් නොවන බව පැහැදිලිය. වසංගත තත්ත්වය, යුධ ගැටුම්, බලශක්ති අර්බුද වැනි මානව පැවැත්මට සෘජු බලපෑම් එල්ල කරන තත්ත්ව යටතේ ගැටෙමින් ඒ වසර ගෙවෙද්දී බොහෝ දෙනාගේ රැකියාවන් අර්බුදයට ලක්වීම, අඩු වැඩි වශයෙන් ප්‍රධාන ධාරාවේ මාතෘකාවක් බවට පත්විය. විවිධ සමාගම්වල රැකියාවල නියුතු විශාල මානව ප්‍රජාවක් පත් වු සහ පත්වෙමින් සිටින අපහසුතා ඉන් වැඩි ඉඩක් ගනී.
සැලකිය යුතු තරම් විශාල රැකියා ප්‍රමාණයක් අහිමි කර වූ 2022 වසර තුල අවසාන කාර්තුවේ රැකියා අහිමිකරවීම එක්තරා රැල්ලක් ආකාරයට ක්‍රියාත්මක විය. තවද රැකියා අත්හැර යෑම් පවා ඉතා විශාල ලෙස වැඩිවිය.
මේ ආකාරයේ විවිධ ප්‍රවණතාවයන්ගෙන් පසු 2023 වසරේ ප්‍රධාන ධාරාවේ රුකියා ආශ්‍රිත ප්‍රවණතාවක් ලෙස Quiet Hiring (නිහඬ බඳවා ගැනීම්) පත්වනු ඇති බවට සාධක මතුවෙමින් පවතී.
Quiet Hiring ක්‍රමය අද, ඊයේ ඇතිවු අලුත් තත්ත්වයක් නොවේ. නමුත් එය ප්‍රධාන ප්‍රවණතාවක් බවට පත්වීම සිදුවෙමින් පවතී.
Quiet Hiring යනු ඉතා කුඩා කාල සීමාවක කොන්ත්‍රාත් පදනමකට යටත්ව රැකියාවක් ලබා දීම හෝ කෙනෙකු මේ මොහොතේ ඉටුකරන රාජකාරියට, වගකීමට අමතරව තවත් වැඩි වගකීමක් හා රාජකාරියක් එම ආයතනය තුලම පැවරීමයි.
පසු වසංගත තත්ත්වයන්, විශාල ආර්ථික, බලශක්ති අර්බුද හමුවේ කලයුතු වැඩ කිරිමට හැකියාවක් සහිත මානව සම්පත හිඟවිම, අලුතින් පිරිස් පුහුණුකර බඳවා ගැනීම් කිරීමේ මිල අධික වීම මෙවන් ප්‍රවණතාවයක් වෙත යොමුවීමට මුලිකව ම බලපා ඇත.
වසංගත තත්ත්වයන් තුල එක්තැන් වු ලෝකය තාක්ෂණික මෙවලම් හා යෙදුම් කෙරෙහි වැඩි නැඹුරුතාවක් දක්වන විට ඒ සේවා සැපයීමට ආයෝජනය කළ මානව සම්පත දැන් දැන් හිස ඔසවන ආර්ථිකමය අවපාතයන් සමඟ නඩත්තු කිරීම අපහසු වී ඇත. 2022 අවුරුද්දේ පමණක් ලොව ප්‍රධාන පෙළේ ආයතන අතලොස්සකින් රැකියා අහිමි කල ප්‍රමාණය 70,000 කට අධිකය.
මන්දගාමී තලයකට ගමන් කරන ආර්ථික රටාව තුල තව දුරටත් තම ව්‍යාපාර පවත්වාගෙන යෑමට ූමසැඑ ්‍යසරසබට තුලින් මානව සම්පත් ආයෝජනයට බොහෝ සමාගම් දැන් කටයුතු කරමින් සිටි.
මේ වසර තුළ ඇති විය හැකි යැයි විශ්වාස කෙරෙන ආර්ථික අවපාතයට මුහුණ දීමට හා වියදම් අවම කිරිමට බොහෝ අධිකාරින්ගේ හා ව්‍යාපාරවල මූලික පියවර මේ ක්‍රමයයි.
Quiet Hiring ප්‍රවණතාවයන් නිසි සදාචාරාත්මක ආකාරයෙන් ක්‍රියාත්මක වීම රැකියා ස්ථානවල, ව්‍යාපාරවල මෙන්ම ඒ රැකියාවල නියුතු වන්නන්ටද වාසි සහගත ලෙස බලපැම් ඇති කල හැකි ක්‍රමවේදයකි. රැකියාවල නියුතුවන්නන්ගේ නිපුණතා ඉහල යාම කාර්යක්ශමතාව වැඩිවීම හා නව අදහස්, නිර්මාණාත්මක අදහස් මගින් අභියෝග ජය ගැනීමට ඇති හැකියාව වැඩිවීම ආදි මෙන්ම ආයතනයක ව්‍යුහාත්මක ගුණාත්මකභාවය වැඩිවීම කෙරේද එය ඉවහල් කරගත හැක.
නමුත් ලාභ පමණක් ඉපයිම, වියදම් අඩු කිරිම වැනි වු පටු සීමාවල සිරවී මෙම ප්‍රවණතාවන් තුල කටයුතු කිරිම අතීශය හානිදායක විය හැක. සමස්ථයක් ලෙස ගත්කල බොහෝ රැකියාවල නියුතුවන්නන්ට ඇතිවන වක්‍රාකාර පීඩන හා වෘත්තිය කාර්්‍යයබහුලත්වය, මානව ගුණංග විනාශ වු යාන්ත්‍රණයක් ඇති කිරීමටද ආරම්භයක් විය හැක.
ශ්‍රී ලංකාව වැනි, මානව සම්පත් කළමණාකරණයේ විශාල අඩුපාඩු ඇති ආර්ථිකයක මෙවන් ප්‍රවණතාවයක් යනු අතිශය අවදානම් ක්‍රියාවලියකි. කෙසේ වුවත් මේ ප්‍රවණතාවන් දැනටමත් වැඩි වශයෙන් ක්‍රියාත්මකවන මට්ටමට ලංකාව වැනි ආර්ථිකමය අස්ථාවර රටවල් පත්වී ඇත.
“රැකියා සුරක්ෂිතතාව”පෙන්වමින් මානව සම්පත මේ වෙත සීග්‍රයෙන් යොමුකරවමින් පවතී. තවද අධිකාරීන් හා සමාගම් නීතිමය තත්ත්වයන් මග හරිමින් රැකියා හැර යන්නන් නීර්මාණය කිරීමටද මේ ක්‍රමය ක්‍රියාත්මක කරවමින් සිටි.
වෙනස්වන ලෝකයත් සමග වෙනස්වීම හා අනුගත වීම හැර වෙනත් විකල්පයක් නොමැති තරම්ය. නමුත් මෙවන් ප්‍රවණතා මතුවීමේදී ඒවා ක්‍රියාවට නැංවීම හෝ ඒ තුල හැසිරීම වඩාත් අවබෝධයෙන් කළ යුතුය.
ඒකාධිකාරීන්ගේ පටු වුවමනා හා ශ්‍රමය සූරාකෑම් ඉතා සුක්ශමව සිදුකරමින්, ගතවන මොහොතේ නොනැසි ජීවත්විමට වෑළඳගන්නා මෙවන් ප්‍රවණතා පිළිබඳ ගෝලීය සම්මුතීන් ඇති විය යුතු හොඳම කාලයද මෙයයි. වඩා යහපත් මානව ප්‍රගමනයක් වෙනුවෙන් සකස් විය යුතු, ගෝලීය ප්‍රවණතා නැවත නැවතත් සංවාදයට ගත යුතු කාලයයි මේ.
මූලාශ්‍ර:-
CNBC
FORBES