Arunalu Bulathsinhala

14/04/2024

සුබ අලුත් අවුරුද්දක් වේවා සහෘදයෙනි!

08/04/2024

2024/04/06

වෙලාව රාත්‍රී 9.09 යි. ⁣මගෙ කාමරේ ඇඳ තියෙන්නෙ ජනෙල් අයිනෙමයි. ගෙදර පොඩ්ඩක් නඩත්තු කටයුතු නිසා ග්‍රිල් ගලවලා තියෙන්නෙ. මෙතන ජනෙල් තුනක් තියෙනවා. ජනෙල් ගාව මගෙ ඇඳ තියෙනවා. එතනින් මගෙ කාමරේ අතුලෙ සිඟිති සාලෙ තියෙනවා. ඊට පස්සේ මම වැඩ කරන මේසේ උඩ ලැප් එක කටඇරගෙන ඉන්නවා.

මම ගොඩක් වෙලාවට ලියන්නෙ මට ⁣ගොඩක් දැනෙන කාලගුණයක් තියෙන වෙලාවට. මේ වෙලාව නියමයි. වැඩි සද්දයක් බද්දයක් නැතිව සොබාදහම අපූරු නර්තනයක යෙදිලා ඉන්න වෙලාවක්. ජනේල ගාවට වෙලා සීතලේ එළිය බලාගෙන ඉන්න මට පේනව මගෙ ජනේලෙ ⁣ළඟම තියෙන පේර ගහ යට තියෙන නුග වර්ගයේ ශාකයේ කොළයක් යටට වෙලා තවත් මල් පෝච්චියක් උඩ ඉන්න පොඩි ගෙඹි පැටියෙක්, මේකා ගෙම්බෙක්ද, මැඩියෙක්ද කියන්න හරියටම මතක නැ. මොකද ඔය frog සහ Toad කියන වචන⁣ දෙකේ සිංහල තේරුම මට හැමතිස්සෙම පටලැවෙනව. මොනව උනත් හිටියෙ toad කෙනෙක් බව සහතිකයි. තවත් ටිකක් වෙලා ඉද්දී මිදුලේ වතුර රැඳිච්ච චූටි වලවල් වලින් නනා යන්නේ ගෝනුස්සෙක්. අපේ තාත්තා කියන විදිහට බැකෝ එකක්. කඩිසරයෙන් එයා යන්නේ අලුත් නවාතැනක් හොයාගන්න වෙන්න ඕන. මොකද ටිකක් සැරට වහිනකොට මෙයාලගෙ ගෙවල් දොරවල් අහෝසි වෙලා යනවා. ⁣එයා එළි බහිනකොට හීනි පොදයක් විතරයි යන්නේ. බැකෝ ගිහින් ටික වෙලාවකිං අර ගෙඹි පොඩ්ඩගෙ පවුලෙ ජ්‍යෙෂ්ඨ සාමාජිකයෙක් බැකෝ ගිය පැත්තෙ ඉඳලා එළයට ආවා. එහෙමම ටිකක් වෙලා ඉඳලා එයා ගිහින් හෙවණැලි අස්සෙ හැංඟුනා. මේ ඔක්කොම අස්සේ ආදරේ ගැන, සොබාදහම, ෆැන්ටසිය සහ සෞන්දර්ය ගැන කතා කරන්නත් පුළුවන් උනා ආදරණීයම කෙනත් එක්ක. ඒකත් සතුටක්.

මේ ඔක්කොම මම දැක්කෙ මෙච්චර කල් මට වදයක් වෙච්ච පාරෙ විදුලි පහනේ එළියෙන්. මේ වෙලාවෙ විතරක් මට පේන සීමාවෙ මෙච්චර දේවල් වෙනවනම් හැමදාම රෑට මේ විදුලි පහන මොනව දකිනව ඇත්ද ?

සමහරවිට හෙවණැලි අස්සෙ පොඩි අඟුටු මිට්ටො අපි දිහා බලාගෙන ඉන්නව වෙන්නත් පුළුවන්

ප.ලි : දැං 10.00 වෙලාව පැය කාලකට ' කලිං වැස්ස නැති වෙන්නම පෑව්වා.

-අරුණළු බුලත්සිංහල-

05/04/2024

ලස්සන 😍😍

Spring flowers bloom in a green and mossy forest in Washington's Olympic National Park.

27/03/2024

වසන්ත විශුවය🌿🌧️⛈️

පායන කාලය අවසන් කරමින් දැනට දවස් හතකට කලිං සංවහන වැසි ආරම්භ උනා. දැං වෙලාව හවස 3.37යි මේ දැනුයි අපේ නගරයට වහින්න පටන් ගත්තේ.

මේ දවස් වල කුරුල්ලො එහෙම බොහොම සතුටින් ඉන්නෙ එයාලට දරාගන්න අමාරු රස්නෙ කාලෙ ටිකක් ඉවර හින්දා ඒ වගේම හැමදාම අපේ ගෙදර ඉටිකොලේකට පුරවල තියෙන වතුර වලෙන් නාන්න ඕන නැති හිංදා.

වසන්ත විශුවයත් එක්ක මාර්තු 21 ඉදලා පටන් ගත්ත වැස්ස නොකඩවා ඇද හැලුනෙ නැති උනාට මුල්ම දවස් කීපයේ හවස් වෙනකොට ලොකු සිසිලක් ගෙනාවා. කඳු වැටි මීදුම් වලාකුළු වලින් වැහිලා තිබුණා මට මතකයි.

කොහොම නමුත් ටිකක් එකදිගට හැමදාම හවසට වහින්න ගත්තොත් ඔයාලට සොබාදහම් ඉන්ටනෙට් එකේ විකාශන කුළුණු දැක ගන්න පුළුවන් වෙයි.( මොනවද කියල දන්න අය කමෙන්ට් එකක් දාමු )

- අරුණළු බුලත්සිංහල-

20/03/2024

වසන්තය🌿🌺

අවසාන පෝ්ස්ටුවෙන් මාස තුනකටත් වඩා කල් ගිහින්, ඒ ටිකට ජීවිතේ නොසෑහෙන්න වෙනස් උනා, මාස තුනක් තිස්සේ එක දිගට මනස මහන්සි වෙනවා, ඒ මනසට පොඩි හරි සහනයක් දැනෙන්නෙ, ආදරණීයන් ළඟ ඇතිවෙන සංවාද විසංවාද වලිනුයි සොබාදහම යට ඉන්න එක දවසකිනුයි තමා. ඊට අමතරව මොළයට හොඳට හිතන්න අවබෝධ කරගන්න කාරණාවක් එහෙම ආවමත් බොහොම ප්‍රබෝධමත්. ඒත් එක පැත්තකින් ජීවිතේ සාක්කු හිස් වෙනකොට එහෙමම ඉන්න බැහැ, දැනට අර ඒකාකාරී ගංගාවට බහින්නම වෙනවා.

කොහොම උනත් මේ කාලෙ පුදුම රස්නයක් තියෙන්නෙ, ඒක මේක කියවන ඈයන්ට අමුතුවෙන් කියන්න දෙයක් නැනෙ, වැඩි රස්නෙ අමතක කලාම රබර් ගස් ළා කොළ පාටින් දිලිසි දිලිසි ඉන්නව මම දැක්කා මේ ටිකේම, රසනෙ විඩාව නිවාගන්න හොඳම දෙයක් තමා සීතල රබර් දළු අස්සෙං එන හුළඟ විඳින ගමං හවසට පැහැදිලි අහසේ ඉර බැහැගෙන යනවා බලං ඉන්න එක, දවස පුරාම මනසෙ ඇතිවෙන විකාරරූපී සිතිවිලි ඔක්කොම අර බැහැලා යන ඉරත් එක්කම පිටකරල දාන එක.

මේ දවස් වල මාර ගස් එහෙමත් මල් වඩාගෙනම ඉන්නව දකින්න පුළුවන්, රොබරෝසියා ගස් එහෙමත් මල් ටික දරිගෙන ඉන්න බැරිව හැමතැනම මල් ඉහරවගෙන ඉන්නවා. කහ පට පලස් බිම එලාගෙන මාර ගස් හුළගෙ තාලෙට පැද්දෙනවා බලන්න පුළුවන් හිමීට හැංගිලා බලං හිටියොත්.

හැම තැනම මල්, දළු... ඔව් ඔව් මේ වසන්තකාලෙ තමා. අන්තිමට දිගට ලිපියක් ලිව්වෙ පහුගිය වස්සානෙට දැං වසන්තෙ ඇවිත් මිත්‍රවරුනි, මාර්තු 20 වසන්ත විශුවයෙන් පස්සේ මෝසම් වැස්සක් ඒවි කියල බලාපොරොත්තු තියාගෙන ඉන්න. වසන්තය ඉවර වෙන්න කලිං තව ලියන්න තමා හිතාගෙන ඉන්නෙ...

ලයික් එකක් කමෙන්ට් එකක් වැඩිපුර දාන්න. කාලෙකින්නෙ ලිව්වෙ, ශෛලියත් වෙනස් වෙලාද මංදා 🌿

-අරුණළු බුලත්සිංහල-

Arunalu Bulathsinhala

08/01/2024

මේ දවස් බොහොම කර්යබහුලයි මිත්‍රවරුනි,

ළඟදිම ලියන්න පටන් ගන්නම් ❤🌿

08/01/2024

ඉස්සර ආසාවෙන් හිටියට හම්බනොවුන ඒවා 😍❤️

01/01/2024

හැමෝටම 24 සුබ වේවා ! සියලු යහපත් බලාපොරොත්තු ඉටු වේවා !

30/12/2023

විශ්මයජනක දේ විශ්වාස කරමි. ❤🌿

24/12/2023

පියේරෝ

" ඒමි සං ඔයා මොකද මෙතන කරන්නේ? "

" ඊට කලින් මට කියනවද ඔයා මොකද මේ කැළේ කරන්නෙ කියලා, පියේරෝ "
ඒමිගේ හඩ බරපතල ස්වරයක් ගත්තාය.

" මම මෙතන තමා කොහොමත් ඉන්නෙ, මේ කැළේ මගෙ ගෙදර වගේ. එයා මට උගන්නනවා හරියට ඒමිසං ට ඉස්කෝලෙ ගුරුවරු උගන්නනවා වගේ. "

පියේරෝ දිය ඇල්ල මුදුනේ සිටම පිළිතුරු දුන්නේය.

" ඒමි සං එහායින් එන්න මම ඔයාට වටපිටාව පෙන්නනම් "

"මාව ලිස්සයිද? " ඒ ඒමිය.
"නැතිවෙයි පරිස්සමට එන්න."
පියේරෝගේ කාරුණික උපදෙස විය.

" ඉස්කෝලෙ ළමයි කියනවා ඔයා කිට්සුනේලා එක්කලු ජිවත් වෙන්නෙ." ඒමි අඩිය තියන ගමන් පැවසුවාය.

" එයාලට මගේ තාත්තව කිට්සුනේ කෙනෙක් වගේ පේනවද දන්නැ. " පියේරෝ එසේ පවසා සිනහ වන්නට විය.

වනාන්තරයේ කුඩා නිවසක ජිවත් වන පියේරෝත් ඔහුගේ පියාත් බොහෝදුරට සමාජයෙන් වෙන්ව ජීවත් වන්නෝය. ඒමි නම් පාසල් ශිෂ්‍යාව පියේරෝට හමු වුවේ අහම්බයකිනි. මාස කිහිපයක සිට සොබාදහමේ උණුුසුම් තුරුලේ ගෙවෙන මේ මිත්‍ර සමාගමය කොයි අතට ගමන් කරන්නේද යන්න නිශ්චිතවම කිව හැක්කේ හිකාරි ගංගාවේ මකර කුමරුට පමණක් බව විශ්වාසයෙන්ම කිව හැකිය.
ගම තුළ පියේරෝ පිලිබදවත් ඔහුගේ පියා පිළිබදවත් පුරාවෘත ගොඩනැගෙමින් පවති. නමුත් සත්‍ය විවර වි ඇත්තේ ඒමීට පමණි.

ඒමිගේ සුරතින් අල්ලා අසලට ඇදගත් පියේරෝ ඇයට වනාන්තරයේ රහස් පැවසීම පටන් ගත්තේ ය.ඔහු දෙවියන් හමුවී තිබුණි. සියලු ඖෂධයන්ගේ දැනුමැත්තාගෙන් උගෙන තිබුනේය.යක්ෂයන් හා අද්භූතයින් හදුනන්නේය. ඔහු අද්විතීය විය. ඒමිගේ ජිවිතයේ හැරවුම් ලක්ෂයක් අද සිට ආරම්භ වු බව නිසැකය.

-අරුණළු බුලත්සිංහල-

21/12/2023

|විලාසිනි|

ලාලිත නාරි දේහ විලාසිනි මම මත්වන
පායුග ගැටෙන හඬ ඇසෙන නෑසෙන සුයාමය
ගන්නට පිනව සියලොග නුඹෙ හදවත දැක
රම්‍යව හිදිනු මැන මීවිත නුඹ තුල රුවාගෙන

මීවිත ගැනුම එක අත මිටට
දෙන්නට ලැම අතර හැඩැස
ප්‍රේමය දෙන්න මුවෙන් මුව ගැටුන
රාගය ප්‍රේමය එකින් එක වෙළුණ

යායට පිපුණු සෙව්වන්දි පති ඇතිරුව
දිගු මුදු සයනය බලා හිදී අප එනතුරු
රාත්‍රිය ගාව ගොළු වු ඒ පුන් සඳු
නැතිය අමාවක දාට අද මදුසම

-අරුණළු බුලත්සිංහල-

21/12/2023

සුන්දර මොහොතවල් ගොඩනැගෙන්නෙම කෝපිය වැස්සයි ආදරණිය කෙනෙකුයි එක්ක

-අරුණළු බුලත්සිංහල-

17/12/2023

මේ කතාව 🥺❤

16/12/2023

දෙසැම්බර් දවස් 02

දෙසැම්බර් කියන්නෙ සමහරුන්ට නත්තල්, සමහරුන්ට සුනාමි, ඒත් මම හිතන්නේ දෙසැම්බර් කියන්නේ හැගීම් ගොඩක් අපිට මතක් කරන මාසයක්. අදහන්නන්ට හා සංස්කෘතියට ප්‍රේම කරන්නන්ට නත්තල සතුටක්, වන්දනාකරුවන්ට සමනොල ශ්‍රී පාද පද්මය වදින්න යන වාරාරම්භය තවත් අයට අමිහිරි අදුරු මතකයන් පිරිච්ච අදුරු මාසයක්.
හැබැයි මම ගැන ගත්තොත්,
අදින් වසර ගණනාවකට කලින් අවුරුද්දෙ මේ කාලෙ වෙනකොට වෙනමම වයිබ් එකක් තිබ්බෙ මට තවම ඒ වයිබ් එකේ ඡායාවන් දැනෙනවා. විශේෂයෙන්ම මේ සීතලයි,අදුරයි,වැස්සයි එක්ක. ඒකාලෙ දෙසැම්බර් මාසෙ අන්තිම වෙද්දි ඉස්කෝලෙ බඩු ලිස්ට් එක ගන්න ටවුන් එකේ හැමතැනම වගේ තදබද, අලුත් ඇදුම් ගන්න, පොත් පත් ගන්න, ලයිට් වැල් සහ නත්තල් සැරසිලි ගන්න ඒ වගේම සෙරෙප්පු සපත්තු ගන්න පවා සෑහෙන මිනිස්සු ගාණනාවක්ම ටවුන් එකේ පිරෙනවා. හැම කඩේකම වගේ නත්තල් සැරසිලි තියලා අමුතුම ලස්සනක් තියෙනවා. ඒ කාලෙ මට දැනෙන කාලයක්. ඉස්කෝලෙ නිවාඩුවත් එක්ක උදේම ටිවි එකේ යන ළමා චිත්‍රපටි බලලා තමා දවස පටන් ගන්නෙ. ඒක පිස්සුවක්.ඉස්සරමනං අහල පහල ළමයිනුත් අපේ ගෙදර ආවා මතකයි ඒත් පස්සෙ පස්සේ ඒවා මගැරිලා ගියා මොකද මම තමා එතන හිටිය පොඩිම එකා. එයාලා මට කලින් ලොකු උනා මම ලොකුවෙන්න පරක්කු උනා.
මට ඊයෙ හම්බුනා කෆ්කා සම්බන්ධ යම් කතාවක්. ඒක පුදුමයි, මට හිතුනා සාහිත්‍යකාරයෝ කියන්නෙ පුදුම තරම් හදවතට සමීප මිනිස්සු කියලා. මම ඒ කතාව තියෙන විඩියෝ එක පේජ් එකේම දාලා තියන්නම්. මේක මේ සීතල දෙසැම්බරේ අදුරු වෙලාවක ලියන සටහනක්. හුගදවසකින් ලිව්වෙත් නැති හින්දා.
මම ප්‍රාර්ථනා කරනවා මේ මාසෙ කිසිවිටෙකත් කාටවත් අදුරු මාසයක් වෙන්න එපා කියලා, අනික් අයගෙ රශ්මියෙන් හරි අලෝකමත් වෙන්න කියල මම ප්‍රාර්ථනා කරනවා!

-අරුණළු බුලත්සිංහල-

04/12/2023

දෙසැම්බර් දවස්

අද උදේ ඉදලම වහිනවා.චිරි චිරිය දිගටම.අම්මත් උදේම ගියා මමත් මේ ටිකේම මහන්සි වෙලා ඇගට අමාරු හිංදා ගෙදර නතර උනා.දැං උදේ දහයට විතර ඇති , පෙරේදා දිනිදු අයිය දීලා අරගෙන ආව පැළ වල තත්වෙ අද දවසටම දෙපාරක් බැලුවා.ඒ අස්සේ ගෙදර ඉස්සරහ තියලා තිබ්බ පැළ ගෙනාව පෙට්ටියෙ අපේ නොවන ඒත් අපේ වගේ ඉන්න බඩියා නිදි.එයාටත් සීතල ඇති කියල හිතල තාත්තටත් කිව්ව එළවන්න එපාය කියල. කොහොම උනත් මම මේ මෙහෙම ලියන්නෙ ඇත්තටම මෙ වෙලාවෙ කරන්න වැඩක් නැතුව නෙමෙයි වැඩ කට ළගටම ගොඩ ගැහිලා තියෙන්නෙ. මේ දවස් ටිකේම මට ලියන්න බැරි උනා ඒ වගේම ලියන්නෙ මොනවද කිටල දන්නෙ නැතිඋනාය ලිවීමේ දැඩි අවශ්‍යතාවයක් තිබුනා,මොකක් හරි විස්මයක් ගැන කතාවක් ලියන්න තමා අහිතාගෙන හිටියේ හැබැයි මෙහෙම හෑල්ලක් ලියනව මම.
මේ දෙසැම්බර් මාසෙ මේ දෙසැම්බර් සීතලත් එක්ක ගොඩක් අයගෙ හිත් නොස්ටැල්ජික් හැගීමකින් පිරිලා යනවා කියන එක මහ අරුමයක් නෙමෙයි ( ඇත්තටම ඒක අරුමයක් නෙමෙයිද .... මම දන්නැ ) . කොහොම උනත් අපි අලුත් අවුරුද්දකට ලක ලෑස්ති වෙන්න හිතුවට සමහරුන්ටනම් මේ අවුරුද්ද ඉවර නොවෙනවානම් හොදයි කියල හිතෙනවා ඇති.තවත් අයට අනේ ඉක්මනට ඉවර වෙන තරමට හොදයි කියල හිතෙනවා ඇති. අවුරුදු ගාණක ප්‍රේමයන්,මිත්‍රයන්,බැදීම් ගොඩක් ඇති වෙච්චි,නැති වෙච්චි අවුරුද්දක් වෙන්න ඇති මේ අවුරුද්ද.පෞද්ගලිකව මගෙත් ජීවිතේ ගොඩක් වෙනස් ඇති වෙච්ච අවුරුද්දක අවසාන සති හතර තමා මේ ගෙවෙන්නේ.
මේක මේ අවුරුද්ද අවසානෙ ලියන ටිපිකල් හෑල්ලක් නෙමෙයි.එහෙමයි කියල හිතුවත් කමන්නැ. කොහොම නමුත් මේ අවුරුද්ද ගැන පසුතැවෙනවා නම් ලබන අවුරුද්ද එහෙම නොවෙන්න වැඩ කරමු.

-අරුණළු බුලත්සිංහල-

27/11/2023

කලාබර දවසක් !

නිල වශයෙන් වේදිකාවක බලපු පළවෙනිම වේදිකා නාට්‍ය " සුර අසුර " ඇත්තටම හරිම ලස්සන කතාවක්,රංගනයක්, නළු නිළියන් පිරිසක් එක්ක ගොඩනැගුණු විශිෂ්ඨ නිර්මාණයක්!

ඒ වගේම අර්ථවත් හා රසවත් හර බර ⁣කතා වලින් මිත්‍ර සමාගමයක් වෙච්චි Shanaka Abeysiri සහ Chanitha Madurya මිත්‍රවරුන්ටත් ස්තූතියි වේදිකා නාට්‍ය පිස්සුව වැඩි කලාට ❤🌼

ඔයාලත් බලන්න !

20/11/2023

හුම් 😪

18/11/2023

අතීතයේ සමහර මතක පොත් ඇතුලෙ වේලෙනවා!

15/11/2023

ජාතක කතා ටික අහලා බෞද්ධ දැනුම් පද්දතිය ජෝක් එකක් කියල හිතනව නම් මට කියන්න තියන්නෙ, පාඩුව ඔබටයි.

අවදානය ලබා ගැනීම හෝ වෙනත් හේතූන් නිසා සමාජ මාධ්‍ය ජාලාවල මේ වගේ දැනුම් පද්දතියකට ගරහන අයට මොනවද කියන්නෙ කියල මටනම් හිතා ගන්න බෑ මිත්‍රවරුනි,
යමකට ගරහන්න කලින් ඒක තේරුම් ගන්න උත්සාහා කරනවා කියන මූලික ශික්ෂණය වත් ඇති කර ගැනීම වැදගත්!

- Randika Wijesinghe | රාමුව

13/11/2023

ලොවේ දනා
පසුපස පන්නන
මායා මිරිඟුව
සතුට නමින් ලොව
පසිදුව වැජබේ

-අරුණළු බුලත්සිංහල-

10/11/2023

වැහි දවස් ☔

08/11/2023

|දෙදින|

' Coconut juice bar ' එම දැන්වීමෙහි සටහන්ව තිබුණි.එය මාගේ හදවත පාරවන මතකයක් විය.
මාහට එදින එම සඳුදාව කිසිසේත් අමතක නොවේ....මම සෑහෙන කාලයකින් අධ්‍යාපන පාඨමාලාවකට ඉල්ල්ලුම් කලෙමි.විශ්වවිද්‍යාලයීය අයදුම්පත් වලට පිළිතුරු එන තෙක් නොසිට ග්‍රැෆික් ඩිසයින් අංශයෙන් හැදෑරීමට ගත් තීරණයේ ප්‍රතිඵලයක් ලෙස මා බස් නැවතුමට වී සිටිමි.

මට වම් පසින් ගැහැණු ළමයෙකු ඩෙනිමි සායට සුදු බ්ලව්ස් එකක් යට කර සිටින අතර කොණ්ඩය පිරිමි ළමයෙකු මෙන් කොටටම කපා ඇත.ඇගේ ඉතාමත් හුරුබුහුටි හුරතල් ගතියක් දැනුනි.තලෙලු සිහින් සිරුරක් තිබුණු ඇය ඉවත බලා සිටියාය.ඉතාමත් හුරුපුරුදු හැඟීමකින් මා හද පිරී ගොස් ඇති බව දැනුනි.

ඇය මා දෙසට හැරුණාය.

" ඔයාට මාව මතකද ? " මම ඇසුවෙමි.

" හරියට මතකනං නැ " ඇය උත්තර දුන්නාය

ඇගේ සුපුරුදු බව කුමක්ද යන්න මතක් උනු මා එය තහවුරු කරගැනීමට වම් අත ඇගේ හිසින් තබා එහාට මෙහාට කර කොණ්ඩය ඇවිස්සුවෙමි.

" දැං මතකද ? " මම ඇසුවේ තරමක බියකින් හා චකිතයකිනි.ඇය මා සිතන කෙනා නොවේ නම් මහ විනාශයක් වන බව දැන දැනමය.

" ගණිත කඳවුර " ඇය පැවසුවාය

හිස සලා මා එය අනුමත කලේ දීර්ඝ කතාවකට මුල පිරීමේ අටියෙනි.

මම පාසලේ නමය වසරේ සිටින විට පාසලෙන් සංවිධානය කරන ලද ගණිත කඳවුරක් පැවැත්වුනා.මට වඩා වසරක් වැඩිමල් ඇය ද මෙම කඳුවරට සහභාගී වූවාය.'සයිස්' එකෙන් කුඩා නිසා මා අක්කා යන වචනය භාවිත නොකල අතර තවමත් එසේමය.එදා සිටම කොට කොණ්ඩයක් ඇති ඇය මා හට හමුවූයේ අපට එකට රඟපෑමට තිබුණු නිසාවෙනි.ඒ දුටු
විටම මා මෙලෙසින් ඇඟේ කොණ්ඩය අවුල් කලෙමි.එදා කඳවුරු දවස් තුනම එකට ගෙවුනු අතර ඉන්පසු එක්දිනක් පමණක් පාසලේදී ඇය හමුවුනි.

" මට ඔයාව විතරයි මතක නම මතක නැ "

" ආ ඒකට කමක් නැ දැං අවුරුදු හතක් විතරනෙ, මම අයේෂා "

හිනාවෙමින් කියපු ඒ නම මගෙ මතකයෙ නොමැකෙන විඳිහට රැඳුනු බව නිසැකයි.

" කාලෙකින් හම්බුනේ...එදායින් පස්සේ කතා කරන්නවත් බැරි උනා " මම එසේ පැවසුවේ ඇයට කුමක් උනාදැයි දැන ගැනීමේ කුතුහලෙයනි.

" ඔයාගෙ වරදක් නෙමෙයි.මම ඉස්කෝලෙන් අයිං උනා.පස්සේ අපි වෙන තැනක පදිංචියට ගියා " ඇය පැවසුවාය.

අපගේ කතා ලෝකයට බාධා කරමින් බසය පැමිණි අතර අප දෙදෙනාම එක ළඟ අසුන් ගතිමු.ඇය බැංකුවක පිළිගැනීමේ නිළධාරිනියක් වශයෙන් වැඩ කරන බවත් ටික කාලයක් වන බවත් පැවසුවාය.මමද මාගේ අධ්‍යාපන පරමාර්ථය හා අනෙකුත් විස්තර පවසමින් සිනහවෙමින් ගමනාන්තය තෙක්ම පැමිණියෙමි.අප දෙදෙනාම එකම තැනින් බැස ඉදිරියට ඇවිද යන්නට වීමු.

මද දුරක් ගිය තැන ඇගේ බැංකුවට යන බව පවසා සමුදී ඇය පිටව යාමට සූදනම් විය.

" මම මෙතනින් හැරෙනවා " ඇය පැවසීය.

" ආ මෙතනද ? හරි එහෙනම් පරිස්සමට "

" ම්ම් හරී...පැතුම් " ඇය සිනහ වෙමින් හැරී යන්නට විය.

" අයේෂා " මම කතා කලෙමි

ඇය හැරී බැලුවාය.

" කීයටද ඕෆ් එක " මම ඇසුවේ තරමක චකිතයකිනි.

" හතරහමාරට "

" මම එනකං ඉන්න " මම පැවසුවෙමි

ඇය සිනහ වී ගියාය.

ඇය සැබවින්ම සොඳුරු චරිතයකි.ඇය ප්‍රසන්නය.වචන වලින් පැවසිය නොහැකි තරමේ අමුතු පෙනුමක්, අමුතු සිනහවක් ඇයට හිමිය.අව්‍යාජ වූත් අවංක වූත් ඇය වචනයේ පරිසමාප්තියෙන්ම ආදරණීයය.

********************************************

මුහුණු පොත පුරා ඇයව සෙව්වෙමි.නමුත් සොයාගත නොහැකි විය.

" ෆේස් බුක් නැති කෙල්ලෙක් ! " මම මටම මුමුණා ගතිමි.

එකොළහට අවසන් වූ පසු මා සවස හතර වන තෙක් පුස්තකාලයේ රැඳී සිටියෙමි.පොත් කියවීම කෙසේ වෙතත් මනස තුළ අයේෂා අරගල කරන්නට විය.එම අරගලය හදවතට ඇතුල්වීම පිණිසය.

බැංකුව ඉදිරිපිටට වී ඇය එනතුරු සිටියෙමි.වාහන ගමනා ගමනය නොකඩවා සිදුවෙයි.වාහන නලා හඬ හා දුම්ද පරිසරය පුරා ගලායන්නේ නාගරික බව ප්‍රකට කරමිනි.මම පාර දෙස බලා සිටියෙමි.විවිධාකාරයේ වාහන සහ මිනිසුන් දැක ගැනීමට හැකි විය.

" ගොඩක් වෙලාද ඇවිත් " ඇය ඇසුවේ මාගේ පිටට ඇගිලි දෙකකින් තට්ටු කරමිනි.

"නෑ එච්චර වෙලා නැ.." මම ආපසු හැරෙමින් පැවසුවෙමි.

" යං ද " මම ඇසීමි

" කොහෙද " ඒ ඇයය.

" ගෙදර "

⁣" ගෙදර යන්නද හිටියෙ " ඇය මාගේ සිත කියවීය.

" මොනා හරි කමු බොමුද " සිනහවෙමින් මම ඇසීමි.

" හා යං "

" අතන ජූස් බාර් එකක් තියෙනව. " මම පැවසීමි.

ඇයත් සමඟ කතා කරමින් යන්නට වීමි.ඇගේ පියකරු බව ඉතාමත් සිත්ගන්නා සුළුය.

" ඔයා හරි අමුතුයි " අසුන්ගත් පසු මම පැවසීමි.

ඇය තරමක විශ්මයෙන් බලා සිටියාය.ඒ දෑස අමතක කල නොහැකි තරම් පියකරුය.

" එහෙම අවුල් අමුතු එකක් නෙමෙයි.අනෙ මංද හරි ශෝක් අමුතු එකක් " මම පැවසීමි

" ආාාා....එහෙම එකක් " ඇය මද සිනහවකින් පැවසීය.

මෙසේ ඇයත් සමඟ හෝරාවක් පමණ කතා කරමින් සිටියෙමි.

" හෙට මොකද කරන්නේ " මම ඇසීමි.

" විශේෂයක් නැ...සෙනසුරාදනෙ , ගෙදර තමයි " ඇය පැවසුවාය.

" මගෙත් එක්ක ගමනක් යංද " මම විශ්වාසයෙන් යුතුව ඇසීමි.

" කොහෙද ... මම කැමතියි ගමං යන්න " ගත් කටටම කීවාය.

" හෙටම කියන්නම්. " මම පැවසුවෙමි.

මෙසේ කතා බහ කරමින් සිටි අප දෙදෙනා සෑහෙන කුළුපග මිතුරන් වීමු.පෞද්ගලික දේවල් පවා කතා කලෙමු.කිසිදා ඇති නොවූ සෙනෙහසකින් හා මිත්‍රත්වයකින් සෑහෙන අඩු වෙලාවකදි අප වෙළුනෙමු.

බිල ගෙවා දමා පිටව ගියේ හෙට උදෑසන මෙතනදිම හමුවන බලාපොරොත්තුවෙනි.

*********************************************

" සොරී චුට්ටක් පරක්කු උනා " යි පවසමින් ඇය පැමිණියාය.සාමාන්‍ය ඇඳුමින් සැරසී සිටි ඇය.වෙනදාටත් වඩා සුන්දරය.බීම වීදුරුවක් පානයෙන් පසුව අල්ලාප සල්ලාපයෙන් යුතුව.මුහුදු වෙරළ දෙසට අප ඇවිද යන්නට වීමු.

" එන්න යන්න ඉක්මනට මෙතන තමයි තැන "
වෙරළ අසල ඇති එක්තර වෙළඳසලක් වෙත මා ඇය ඇඳගෙන ආවෙමි.' King crafts ' එහි දැන්වීම් පුවරුවේ සටහන්ව තිබුණි.මමද මෙහි පැමිණ ඇත්තේ කිහිප විටක් පමණි.

මෙය විවිධාකාරයේ පිළිම හා කැටයම් වලින් යුතු වෙළඳසැලකි.එය තුළට පිවිසි විට වෙනමම හැඟීමක් ඇතිවේ.අයේෂාටද එය දැනුනු බව විනාඩි කිහිපයක සිට විවරව ඇති ඇගේ මුවින් දැක ගත හැකිය.ඇගේ නිකටින් ඔසවා මුව වැසීමි.

වෙළඳසල තුළ අප නිදහසේ සැරි සැරුවෙමු.ඇය මා හට හංස⁣යෙකුගේ රුවක් රැගෙන දුන්නාය.

මෙලෙස අද්භූත හැගීම් වල ගිලී සිටි අප අවසානයේ ගොළු මුහුදු දෙස බලාගෙන බැම්මක් උඩට වී වඩේ හපන්නට වීමු.ඉර බැස යන තෙක් නිදහසේ සිටි අප.පිටත් වීමට සූදානම් වන විටම,

" මම සෑහෙන්න සතුටු උනා මේ දවස් දෙකට. " ඇය පැවසුවාය.

" මටත් සතුටුයි " මමද පැවසීමි.

තවත් නොනැවතී විහිළු තහළු කරමින් පැමිණියෙමු.සන්ධ්‍යාවේ අඳුර මැඳින් නමුදු සතුටේ ආලෝකය විය.

බසයෙන් බට අප දෙපසට වෙන් වූයෙමු.

" අයේෂා හෙට හම්බවෙමු " මම පැවසුවෙමි

සිනහවකින් මා හට සංග්‍රහ කල ඇය යන්නට විය.ඇයගේ දෙනෙත් බොහෝ දේ පැවසීය.ඇයට යන්නට නොදී බදාගන්නට මට සිතෙයි.නමත් කල නොහැකියි.මා ආපසු හැරී නිවසට ආවෙමි.

ඉරිදා ඇය⁣ට ඇමතුම් ගත්තත් දුරකථනය ක්‍රියා විරහිතය.තරමක කනස්සල්ලෙන් යුතුව සිටිමුත් සඳුදා හමුවන බලාපොරොත්තුවෙන් සිටියෙමි.

නමුත් එය බලාපොරොත්තුවක්ම විය.ඇයව කිසිදා දකින්නට ලැබේවිදැයි සැකය.ඇය සේවයෙන් ඉවත් වී ඇත.

" අසනීපෙත් එක්ක වැඩ කරන්න බැ කියල තමයි කිව්වේ " බැංකුවෙන් පවසා සිටි අතර.මාගේ දෑසින් කඳුළු කඩා වැටුනි.
.....................................................................

ඇගේ නිවස සෙව්වද සොයාගත නොහැකි විය.මම දැඩි ලෙස අසරණ වූවෙමි.මෙය ප්‍රේමයද නැතිනම් වෙනත් යමක්ද යන්න අදටත් නොදනින නමුත් මෙය හදවත පාරන මතකයක් වන බව නිසැකය.

ඇයට තිබූ අසනීපය පිළිබඳ පමණක් මා නොදැන සිටීම ඉතාමත් වේදනාකාරී වූ අතර නිරවුල් මනසින් සිතන විට එය නොකියා දුක් විඳි ඇය ගැන මට මහත් ශෝකයක් හටගත්තේය.මම මටම සාප කරගතිමි.නොකියා අතුරුදහන් වීම ඇගේ හැටි බැව් මම දැන සිටියත් මෙතරම්ම....

මම තවමත් හුරු පුරුදු තැන් වල ඇගේ සුවඳ සොයමි.නමුත් ඇය කොහේ ඇතිද ?

- අරුණළු බුලත්සිංහල-

ප.ලි :- මේක 2021 ලියපු කතාවක්,කොහේවත් පල නොකර තිබුණු දූවිලි බැඳිච්ච කතාවක්,මට පෞද්ගලිකව මේක බොලඳයි වගේ.මට මේක අවසන් කරන්න තේරෙන්නැ අවසාන තිත් ඉරි පේලියේ ඉදලා මගෙ අවසානෙට කැමති නැතිනම් ඔයාම එකක් හිතාන්න,නැත්තං ඔයාම එකක් ලියල කමෙන්ට් කරන්න ❤

07/11/2023

|හස්ථි කුමරිය|

නෙතු මතින් පෙම්
හැඟුම් ගල්වන
වන සතුන් ඈ
ඇසුර ඉල්වන
වන සරන්නන්
දෑත ඉල්ලන
සුරඟනකි ඇය
ධවල,
සළු දරණ

හස්ථි මස්තක
වන සරා එන
සුපිෂ්පිත මුදු
කුසුම් රන්දන
නුඹේ වත දෙයි
චන්ද්‍ර කැලුමන්
කැළේ වඩිනා
හස්ථි කුමරිය

-අරුණළු බුලත්සිංහල-

06/11/2023

විශ්වයට පරමාත්මයක් තිබේනම් එය මා තුළත් ඇත! එසේ නොමැතිනම් මම සොබාදහමේ කොටසකි, එහි පණිවිඩ කියවන්නෙකි !

06/11/2023

ලේසියෙන් දකින්න නොලැබෙන තල මලක් හොයාගෙන මමයි Dininduඅයියයි සෑහෙන දුරක් ගියා.ඒකෙ විස්තරේ පස්සේ ගේන්නම්. මේ තියෙන්නෙ තමන්ගේ ආයු කාලය අවසන කරමින් නොඑන ගමන් යන තල් ගසේ මල. රණතුංග මාමා කියපු විදිහට මේක මාස එකහමාරක් විතර පරණයි! තව කල් තියේවිලු 🌼🌿