11/08/2023
හදිසි කෝපය යටපත් කරගන්න Tips 5 ක්
ඇත්තටම හදිසි කෝපය කියන්නේ ජීවීතයක් උනත් නැති කරලා දාන්න පුලුවන් ලොකු ප්‍රශ්නයක්.මේක ඇත්තටම ගොඩක් දෙනෙක්ට තියෙන එකක්.මේක ඉස්සර මටත් තිබුනා.හදිසි කෝපයෙන් දෙයක් කලාට පස්සෙ,පසු තැවිලි වෙන එක අනිවාර්යයෙන් වෙන දෙයක්.මොකද හදිසි කෝපය නිසා කරන දේවල් එච්චර හොඳ දේවල් නෙමෙයි.මේක ගැන ඔයාලටත් ඕන තරම් උදාහරණ ඇති.නැත්තං ඔයාගේ යාලුවා වෙන්න පුලුවන්,ඔයාගේ කෙල්ල,ඔයාගේ කොල්ලා,ඔයාගේ මහත්තයා,ඔයාගේ නෝනා,ඔයාගේ සහෝදරයා,සහෝදරී ඕනෙම කෙනෙක්ට මේ අව්ල ඇති.අද මම කියලා දෙන්නම් මේක නැති කරන හැටි.හදිසි කෝපය තියෙන අයව යටින් Mention කරලා හරි,මේක Story Share හරි අනිත් මිනිස්සුන්ට මේක බලන්න සලස්වන්න.කතා ඕන නෑ අපි දැන් බලමු මේක නැති කරගන්න හැටි
1) මේක පුරුද්දක්
හදිස්සි කෝපය කියන දේ ඔයාට උපතින් ලැබෙන දෙයක් නෙමෙයි.මේකත් ගතිගුණයක් ඔයාගේ.අනිත් ගතිගුණ වගේම මේකත් පුරුද්දක්.
ඉතින් මේක නැති කරගන්න දවස් 21 ක්‍රමය පාවිච්චි කරන්න පුලුවන්.මන් ඒක ගැන වැඩිදුර කියලා දීපු වෙනම ලිපියක් ඇති.මන් දැනට ඒක කෙටියෙන් කියලා දෙන්නම්
ඔයා මොකක් හරි දෙයක් එක දිගට දවස් 21 කලොත් ඒක පුරුද්දක් බවට පත් වෙනවා සහ දවස් 21 ක් එක දිගට නොකර හිටියොත් ඒ පුරුද්ද නැති වෙනවා.
ඉතින් ඔයාට මේ පුරුද්ද නැති කරන්න වෙන දෙයක් දවස් 21 කරලා පුරුද්දක් බවට පත් කරගත්නම් හරි.මෙතනින් එහාට දාන Tips 4 පුරුද්දක් බවට පත් කරගන්න.
2) මෛත්‍රී භාවනා කරන්න
මෛත්‍රී භාවනාව තුලින් ඔයාට හැමෝටම මෛත්‍රී පතුරවන්න පුලුවන්.මේක හැබැයි කියන තරම්ම ලේසි වැඩැක් නෙමෙයි.මන් මේක කරන ක්‍රමය තමයි ඔයා කෙනෙක් ගැන මතක් කරගෙන (මුලින්ම මෛත්‍රී කරන්න ලේසි කෙනෙක්ව මතක් කරගන්න)එයාට හදවතින්ම මෛත්‍රී කරන්න.
පස්සෙ ටික ටික අනිත් හැමෝටම මෛත්‍රී කරන්න.අම්මා,තාත්තා,යාලුවො,සහෝදර සහෝදරියො....මෙහෙම ගිහින් ගිහින් අන්තිමට ඔයාට පේන්න බැරි අයටත් මෛත්‍රී කරන්න පුලුවන්.
මන් භාවනාව ගැන වෙනම ලිපි දෙකක් මගේ Psychology කියන Category එකේ ලියලා තියෙනවා.ඒක ගිහින් කියවන්න.
තව රාමුව කියන Youtube channel එකේ මීටත් වඩා සාර්තක ක්‍රමයක් තිබ්බා ඒකත් ගිහින් බලන්න
3) ගණන් කරන්න
ඔයාට තරහා යන හැම වෙලේම ගණන් කරන්න පුරුදු වෙන්න.මේක මම Try කරපු ක්‍රමයක්.ටිකක් දුරට හොඳ ප්‍රතිඵල මට ලැබුනා..
මේක කරන්නේ...ඔයා තරහා ගියපු ගමන් මුකුත් ගැන හිතන්නේ නැතුව නිශ්ෂබ්ද වෙලා 1-10 වෙනකම් ගණන් කරන්න.ඒ වෙලාව ඇතුලත ගණන් කරන එකට විතරක් අවධානය යොමු කරන්න
මේ ක්‍රමය කරලා හරිගියපු අය අනිවාර්යයෙන් පහලින් Comment කරන්න.
4) තරහා ගියපු ගමන් එතනින් යන්න
තරහා ගියාම හානියක් වෙන්නේ ඔයා එතන හිටියොත්..ඒක නිසා තරහා ගියපු ගමන් එතනින් යන්න.Call එකක නම් කෝල් එක කට් කරන්න.
ඒ දේවල් කරලා තරහා නිවෙනකම් පැය දෙකක් විතර ඉන්න.ඒ කාලය ඇතුලත ඔයා තරහා ගත්තු කෙනාගේ හොඳ පැත්ත,එයා ඔයාට කරපු හොඳ දේවල්,එයා ඔයාට කොච්චර ආදරේද,මේහෙම තරහා ගිහින් ඔයා මොකක් හරි දෙයක් කලොත් අත් වෙන්න පුලුවන් අවසන් ඉරණම ගැනත් හිතන්න.
මුලින්ම මේ කාලය පැය දෙකෙන් පටන් ගත්තත් පුරුදු වෙන්න වෙන්න ඒ කාලය අඩු කරගන්න පුලුවන්.
මේක ඇත්තටම කියන ලේසි නෑ.මේ කිසිම දෙයක් ලේසි නෑ.ඒත් අමාරුවෙන් හරි පුරුදු උනොත් ප්‍රතිලාභ ඔයාට.
5) පීඩනය පිට කරන්න
ඔයා තරහා ගිහින් නම් ඉන්නේ කෑ ගහලා පීඩනය පිට කරන්න.මේ විදියට කෑගහලා පීඩනය පිට කරාම 50% කින් විතර ඔයාගේ තරහා නැති වෙනවා.
ඒක නිසා තරහා ගියපු වෙලාවට කෑ ගහල පීඩනය පිට කරන්න.
හරි අද මාතෘකාව කතා කරලා ඉවරයි.මන් දන්නවා කියන තරම් මේ දේවල් කරන එක ලේසි නෑ.ඒත් මේ මොන යම් විදියෙන් හරි තරහා පාලනය කරගන්න පුරුදු උනොත් වාසිය ඔයාටම තමයි.
මේ විදි වලින් තරහා පාලනය කරගන්න පුලුවන් උන අය අනිවාර්යයෙන් පහලින් Comment එකක් දාන්න.ඒක අනිත් අයට ශක්තියක් වෙයි.
තව මේ වගේ Post කියවන්න අපේ Alpha H page එකට Set වෙන්න : Alpha H
