09/12/2020
අප විසින් භාවිතා කරනා භාෂාව ශිෂ්ට සම්පන්න වන තරමට සමාජයේ චින්තනයද වඩාත් ශිෂ්ට සම්පන්නව හැඩගැස්වෙනු ඇති බව අපි නැවත නැවතත් පෙන්වා දී ඇත්තෙමු. උදාහරණ ලෙසින් දක්වන්නේ නම්, මාධ්‍ය මගින් සිය පුවත් වාර්තාවන් තුළ යම් යම් පුද්ගලයින් හැඳින්වීම සඳහා යොදාගැනෙනා නාමකරණයන් කෙතරම් සමාජ චින්තනය ශිෂ්ටසම්පන්න කරවීමට දායක වන්නේද යන්න පැනයකි. එපමණක් නොව, මෙවැනි නාමකරණයන් ඔස්සේ පුද්ගල ගරුත්වය සඳහා ඇති අයිතියටද හානි නොවන්නේදැයිද අප ඇසිය යුතුයි.
මීට උදාහරණ ලෙසින් ලංකාදීප පුවත්පතේ (12/03) දැක්වුණු "කොරෝනා කතක්" යන යෙදුම සහ අරුණ පුවත්පතේ (11/29) දැක්වුණු "කොරෝනා පොලී මුදලාලි" යන යෙදුම් දැක්විය හැක.
මෙවන් යෙදුම් කෙතරම් ශිෂ්ට සම්පන්න වන්නේද, පුද්ගල ගරුත්වයට හානි පමුණුවන්නේද යන්න සාකච්ඡාවට ලක් වියයුතු නොවේද? එසේම මෙවන් යෙදුම් ඔස්සේ කොවිඩ්-19 ආසාදිතයන් කෙරෙහි සමාජ කොන් කිරීමක්ද ඇති විය හැකි නොවන්නේද?
