15/03/2024
දාහක් භික්ෂූන් කැඳවා පවත්වන්නට සැලසුම් කල මහ සඟ සමුළුවක වරුණ !
නාමල් රාජපක්ෂ කල එලි බහින්නට දස බල සේනා නමින් project එකක් පටන් ගත්තේය. පොහොට්ටු මන්ත්‍රීවරුන් එක්කාසු කරගෙන රට වටා යන්නට රාහුල් ගාන්ධි පන්නයේ වැඩක් ලෙස සැලසුම් කළ ඒකට ඇත්තටම හිටියේ දහයකට අඩු පිරිසකි. ඊලඟට නාමල් රාජපක්ෂ ඇල්ම බැල්ම දැම්මේ තම පියා මෙන්ම භික්ෂුන්වහන්සේලා වෙත ය.
Project එක භාර දුන්නේ රාජපක්ෂ නිකායික මැදගොඩ අභයතිස්ස හිමිට ය. උන්වහන්සේ රාජපක්ෂ මුදල් ද යහමින් පාවිච්චි කරමින් පසුගිය දිනවල නාමල්ව රට තුළ ඉහළට ගෙන ඒමට මහා සඟ සමුළුවකට භික්ෂු සංඝයා එකතු කරන්නට කටයුතු සූදානම් කළේය.
සඟ සමුළුව පවත්වන්නට යෙදී තිබුනේ පසුගිය 14 වෙනිදාය. ඉලක්කය වී තිබුනේ භික්ෂු සංඝයා දාහක් නමකි. තැන ලෙස තෝරාගෙන තිබුනේ නගානන්ද බෞද්ධ මධ්‍යස්ථානයයි.
අදාල ශාලාව බෞද්ධ භික්ෂූන්ගෙන් කොපමණ පිරී තිබුණේ ද, අභයතිස්ස - නාමල් project එක කොච්චර සාර්ථක වුනා ද යන්න අනන් මනන් අවශ්‍ය නැත. මෙහි එල්වා ඇති ඡයාරූපය පමණක් ඊට ප්‍රමාණවත් ය.
මහින්ද රාජපක්ෂ පවා සහභාගී වී සිටි අදාළ අවස්ථාවට වැඩම කරමින් සිටි ඇතැම් රටේ පිළිගත් භික්ෂූන් ශාලාව හිස් බව ආරංචි වී ආපසු හැරී ගිය බවට ද තොරතුරු ඇත.
