02/01/2023
පාසල් පරිසර අධ්‍යාපන
වැඩසටහන.
Viharamahadevi Balika Vidyalaya Kiribathgoda
විහාර මහා දේවී බාලිකා
විදුහල .කිරිබත්ගොඩ .
https://www.facebook.com/ViharamahadeviBalikaVidyalayaKiribathgoda
සංරක්ෂණ සංස්කෘතියක්
තුළින් යහපත් දරුවකු
ගොඩනැගීම තේමා කර ගනිමින් දියත් වුවකි.
වර්ෂ 1992 වසරේදී කිරිබත්ගොඩ විහාර මහා දේවී බාලිකා විදුහල තුළ ද පාසල් පරිසර අධ්‍යාපන වැඩසටහන ආරම්භ කරන ලදී.
මහාචාර්ය ,සරත් කොටගම මහතාගේ ලිපියක් සමග විද්‍යාලය වෙත මා ගියෙමි. එවිට විදුහල්පතිනිය වූයේ
S. Premadasa මහත්මියයි.
ලිපිය කියවා තේරුම්ගත්
එතුමිය, ආරම්භයක්ලෙස පංතියක් මේ සදහා ලබා දීමට පොරොන්දු වූයේය.සතියට කාල පරිච්ඡේද දෙකක් ඒ සදහා වෙන් කෙරිණ. විද්‍යා ගුරුතුමියක වු දමයන්ති රූපසිංහ කැදවා, ඇයගේ කාල පරිච්ඡේදවල පරිසර විද්‍යාව ඉගැන්වීමට අවස්ථාව උදාකර දුන්නේය. මසකට කාල පරිච්ඡේද 7ක් හෝ 8 ක් මේ සදහා වෙන්වූහ. ආරම්භයේදී එය විශේෂ සිද්ධියකි. එය අප වැඩසටහනට මහත් ශක්තියක් වූයේය.
මාස කීපයක් යන විට පංතියේ දරුවන් දැක්වූ
කුසලතා මෙන්ම යහපත් ආකල්ප හේතුවෙන් 1994 වසරේ සිට 10වසර
සියලු දරුවන්ට පරිසර විෂය උගන්වන ලෙස මට
උපදෙස් දෙන ලදී. ඒ අනුව පංති පහකට විෂය
ඉගැන්වීමට සිදුවිය. සිසුවියන් 190ක් පමන , පුරා වසරක් විෂය ඉගෙන ගත්තේය. මාසයකට කාල පරිච්ඡේද 20ක් මේ සදහා වෙන්කළ පළමු විදුහල මෙය වූහ.
මෙම පංති භාරව කටයුතු කළ ගුරුවරුන් කීපයක්, තම කාල පරිච්ඡේද මේ සදහා වෙන්කර දීම ඉතා මහගු පරිත්‍යාගයක් වුහ. එම ගුරුවරුන් අතර,
ලලනි අල්ගම, කොන්සි කල්දේරා, මෙත්තා වික්‍රමසිංහ. යසින්තා රණතුංග, එස්.එල් ගුනවර්ධන, ලංකා රාජකරුණා, ඩේසි අබේගුණවර්ධන ,නෙරංජලා හෙට්ටිආරච්චි සහ ආර්.දමයන්ති යන මහත්මීන් ගෞරවයෙන්
සිහිපත් කරන්නෙමි.
ඉගෙන ගන්නා පංති කාමර, පිළිවෙලට හා පිරිසිදු ව පවත්වාගෙන යාම, පාසල් භුමිය පොලිතින් වලින් මුක්ත කිරීම, උපන්දින තෑගි ලබාදීම ,බිත්ති පුවත්පත් පවත්වාගෙන යාම, සුවිශේෂී දේවල් ය.
පරිසර අධ්‍යයන චාරිකා මහත් ජනප්‍රිය වුයේය. පිළිකුත්තුව ,අරංකැලය, ගම්පහ උද්භිද උද්‍යානය .ජාතික කෞතුකාගාරය යන ස්ථාන වෙත සිය වතාවකට වැඩියෙන් අධ්‍යයන චාරිකා ගෙනගොස් තිබේ.
රාගම වෛද්‍ය පීඨයට ළමුන් රැගෙන ගොස් මහාචාර්ය කාලෝ පොන්සේකා සමග පැවැත්වු වැඩ සටහන් පෙළ තවත් අංශයකි. ගුවන් විදුලි පුහුණු වැඩසටහන ක් ද දරුවන් සදහා පවත්වන ලදී.
පාසල් 15ක් සම්බන්ධ කර ගනිමින් කැළණි පාලම අසල සිට කිරිල්ලවල මහා විදුහල් භුමිය දක්වා ගිය පරිසර පා ගමනේ ගිමන් තොටුපල වුයේ විහාර මහා දේවී විදුහලයි.
මෙම විදුහල තුළ වසර 15ක් පමණ කාලයක් පරිසර අධ්‍යාපනය ළමුනට ඉගැන් වු අතර, එම කාලය තුල දස වතාවක් පමන මහාචාර්ය සරත් කොටගම විද්‍යාලය වෙත පැමිණියහ.
මෙම වැඩසටහන් උදෙසා විශේෂ දෙසුම් පැවැත්වීමට පැමිණි ,විශාරද සුනිල් එදිරිසිංහ ,මැරතන් කරුණාරත්න, කථිකාචාර්ය මාපා තිලකරත්න මහාචාර්ය චන්දුසිරි පල්ලියගුරු, කථිකාචාර්ය පුෂ්ප රුද්‍රිගු විශේෂ යෙන් සදහන් කල යුතුය.
වසර 30ක් සපිරෙන පරිසර අධ්‍යාපන වැඩඩසටහනේ වසර 15ක කාලයක් මෙම විදුබිමේ දරුවන්, සමග ගත කිරීමට ,කොළඹ විශ්ව විද්‍යාලයේ කුරුලු විද්‍යා කවයට හැකිවිය. වසර පහළොවක් ගතවනතුරු පැවැත්වු වැඩසටහනට පාසලින් ගමන් වියදමක් හෝ නො ගැනීම තවත් සුවිශේෂි දෙයකි.
එසේම මෙවැනි දේ පිළිබද
විමසාබලා ඒවායේ ඵල
තවදුරටත් ලබා ගැනීම
අතීතය උදෙසා කරන ආචාරයකි.....
(මගහැරුණු තතු හැකිනම් එකතුකරන්න.) ස්තුතියි...
අරුණ පද්මපෙරුම.
ඊළගට අප යොමුවන්නේ,එදා මෙදා තුළ වසර 30ක කාලයක් තිස්සේ පරිසර විද්‍යාව
තවමත් උගන්වන කොළඹ සිරිමාවෝ බණ්ඩාරනායක විදුහලේ
කටයුතු විපරමි කිරීමටයි..
