හිතේ පාටින් - Hithe patin

07/12/2023

මට ඉන්න ඉඩදෙන්න
ඔයාගේ ඇස් දෙකේ..
ආදරේ විඳගන්න
ඉඩ දෙන්න හදවතේ..
සිහිනයෙන් සිහිනයට
ලඟ ඉන්න පන මගේ ..
මැරෙනකම් නෙවෙයි අපි
අපේ වෙමු සසරේ....

නයනා දර්ශි

18/04/2023

බැද්දකට සුන්දර උනත්
නාදුනන වැඩුනු වැල්..
මිදුලකට නොහොබී
ඉබාගාතේ වැඩුණු වැල්
සුන්දර උනත් කොතනක
උව පිපුනු මල්..
මල් තමයි විදවන්නෙ "ඒ වැල් හරි නෑ" කියා
වැදෙනකොට ගල්..
..නයනා දර්ශි

28/05/2022

මතකයන් වැඩිපුරම තියෙන්නෙ
නවාතැන්පලවල් වල ....

27/05/2022

25/05/2022

කච්චං සුළඟ හමන කොටත්
ගිල්ම ගහන්නෙ අහේතුකව
හිත පුරා ගොඩගැහුන අහිමිවීම් ගඟුලක්...

වසන්තය එන බවය ඉඟිදෙන
කොහාත් කෑගහසන්නෙ
කනකොකෙකුගෙ ස්වරයෙන්..

ඒ හැමදේම දරාගන්න හදවතට
පණිවිඩ ගෙනියන්නෙ හැම නියුරෝනයක්ම
හදවත කිණිහිරයක් කරගනින් ..

ඇසිල්ලක දැවටෙන තුත්තිරියෙත්
පැටලෙන්නෙ කච්චං හුළඟෙන් බව
සළුවත් දැන දැනත්...

කච්චං සුළං - වියළි කාලයේ හමන තද සුළඟ

නයනා දර්ශි

13/03/2022

කඳුළු කුමට නොගලා ගල් වෙන්න නම්
සුසුම කුමට නොහැලී හිර වෙන්න නම්
තනිය කුමට නොගෙවා වල් වැදෙන්න නම්
සිතක් කුමට තවකෙකු මත යැපෙන්න නම්

නයනා දර්ශි

13/03/2022

සයුර කොපමන දුරට දිව්වත්
මේඝයක හෝ වදිනු නම් බෑ
රැල්ල කොපමන ගොඩට ගැසුවත්
ඇතුගලේ හෝ වදිනු නම් බෑ
ඇයට කොපමන අය සිටීයත්
නුඹට ඇයගෙන් වෙන්වෙන්න බෑ
අපිට අපි ගස, මල ලෙසට වූවත්
අපේ ලස්සන ලොවට නම් බෑ...

නයනා දර්ශි

13/03/2022

ලං වෙන කොට හැකිලෙන එකයි
නිදිකුම්බා ගහකට උරුමය ...
සහස්රැස් හැරෙන කොට
සැගවෙන එකයි සේපාලිකාවක උරුමය..
ගොරවන කොට නවතින එකයි
වැස්සක උනත් උරුමය..
තනිවෙනකොට ඉවසන එකයි
ගැහැණියකගේ උරුමය..

--- නයනා දර්ශි ---