08/10/2023
වැල්ලවීදියේ ජනතාවට පොලිස් පහරදීමක් - ජනතාව දේවස්ථානයට රැස්වෙයි
සා.සෙබස්තියන් ධීවර ගම්මානයේ ජනතාව මේ වනවිට වැල්ලවීදිය දේවස්ථානයට රැස්වෙමින් සිටින අතර ඔවුන් පවසන්නේ මීගමුව පොලීසිය පැමිණ ඔවුන්ට පහරදුන් බවයි. මේ වනවිට වැල්ලවීදිය දේවස්ථානයේ සිනුව නාද කරමින් ඔවුන් අවට ජනතාවගේ සහය බලාපොරොත්තු වන අතර කාන්තාවක් මීපුර අමතා ප්රකාශ කර සිටියේ පොලිසියේ ප්රහාරයට ලක්වූ කාන්තාවන් හා පිරිමි තැන තැන වැටී සිටින බවයි. මෙම පහරදීමට ආසන්න හේතුව වී ඇත්තේ ගමේ මත්ද්රව්ය අළෙවිකරන පුද්ගලයන් සම්බන්ධ සිදුවීමක් වන අතර දැනට මාසයක් පුරා ගමට ගල්ගසන පුද්ගලයන් සොයාගැනීමට නොහැකිවූ අතර අද රාත්රියේදී ගම්මුන් විසින් ගල් ගැසූ ඒක් පුද්ගලයෙකු අල්ලාගෙන ඒ් පිළිබදව දැනුම් දීමට පොලීසියට ගොස් ඇත. ඉන්පසුව පොලීසිය ගමට පැමිණි ඇති අතර , ඒම කිසියම් කරුණක් නිසා පොලීසිය විසින් ගම්වාසීන්ට පහරදීමට පටන් ගෙන ඇත.