Warakamura Pasanga

19/04/2024

Life Before Technology And Social Media 😍

02/12/2022

04/08/2022

என் உடலுக்கு 13 வயதில் நிகோடினை அறிமுகப்படுத்தினேன். என் பள்ளி, கல்லூரி நண்பர்களில் தொடங்கி சினிமா வரை `வெற்றி மாறன்' என்றாலே எல்லோருக்கும் கையில் சிகரெட்டுடன் இருக்கும் பிம்பம்தான் நினைவுக்கு வரும். 21 வயதுக்கு முன்னர் புகைக்க ஆரம்பித்தால், நமது உறுப்புகள் முறையாக வளரவேண்டிய அளவுக்கு வளராது. `நிகோடின், பிரவுன் சுகரைவிட அடிக்‌ஷனான விஷயம்' என்கிறார்கள். ஆனால், அது எல்லோருக்கும் எளிதில் கிடைக்கிறது. புகையிலைப் பொருட்கள்தான் முதலில் தடை செய்யப்படவேண்டிய போதைப்பொருள் என நினைக்கிறேன். அந்த அளவுக்கு சிகரெட் என்னைப் பாதித்திருக்கிறது. ஒரு நாளில் ஐந்து சிகரெட்டில் தொடங்கி, `பொல்லாதவன்' சமயத்தில் ஒரு நாளைக்கு 170 சிகரெட்களைப் புகைக்கும் நிலைக்குச் சென்றிருந்தேன்.

`பொல்லாதவன்' ரிலீஸுக்குப் பிறகு ஒருநாள் ஈ.சி.ஜி எடுத்துப்பார்த்தேன். நார்மலாக இல்லை எனத் தெரிந்ததும் `ஆஞ்சியோ செய்துபார்க்க வேண்டுமா?' என கார்டியாலஜிஸ்ட் முரளிதரனிடம் கேட்டேன். ரிப்போர்ட்டைப் பார்த்த டாக்டர், `ஆஞ்சியோ ஆப்ஷனல். ஆனா, சிகரெட்டை கட்டாயம் விடணும்' என்றார். வீடு திரும்பும் வழியில் என்ன செய்யலாம் என்பதையும் சிகரெட் பிடித்தபடியே யோசித்துக்கொண்டிருந்தேன். புகைக்காத என் நண்பர்கள் என்னைவிட ஃபிட்டாக இருந்ததைக் கவனித்தேன். நானும் ஃபிட் ஆக வேண்டும் என நினைத்து, ஒரு மாதம் சிகரெட்டைத் தொடாமல் இருந்தேன். இனி நிச்சயம் சிகரெட்டைத் தொட மாட்டோம் என்ற கான்ஃபிடன்ஸ் கிடைத்தது.

ஒருநாள், ஸ்கிரிப்ட் வொர்க்கில் ஏதோ ஒரு நெருக்கடி வந்தது. அப்போது உதவியாளர் ரவியிடம் (`ஈட்டி' பட இயக்குநர்) சிகரெட் வாங்கி வரச் சொன்னேன். நான் விட்டுவிட்டேன் எனத் தெரிந்ததால் தயங்கித் தயங்கித்தான் ஒரு பாக்கெட் வாங்கிவந்தார். அன்று 30 நாளைக்கும் சேர்த்துப் புகைத்துவிட்டேன். பாக்கெட்டில் இருந்த 10 சிகரெட்களையும் வரிசையாகப் புகைத்தேன். என் உடலுக்கு அவ்வளவு நிகோடின் தேவைப்பட்டது.

தயாரிப்பாளர் ஹன்ஸ்ராஜ் சக்ஸேனா அப்போது ஏழு வருடங்களாக புகைப்பழக்கத்தை விட்டிருந்தார். சிகரெட் பாக்ஸைப் பார்த்து `டேய்... தம்மாத்துண்டு இருந்துக்கிட்டு நீ என்னைக் கொல்ல பாக்கிறியா? இனிமே உன்னால என்னைக் கொல்ல முடியாது. வெளியே போ' என ஜன்னல் வழியே வீசி எறிந்ததாகச் சொன்னார். நானும் அதே வசனத்தைச் சொல்லி ஜன்னல் வழியே வேகமாக சிகரெட் பாக்ஸை விட்டெறிந்தேன். அந்த ஐடியா வொர்க்அவுட் ஆனது.

ஆனால், மூன்று நாட்கள் மட்டுமே விட முடிந்தது. நான்காவது நாள் காலை நான் சிகரெட்டை விட்டுவிட்டேன் என்பதையே மறந்துவிட்டு சிகரெட்டை கையில் எடுத்துவிட்டேன். சிகரெட்டை நிறுத்துவது என முடிவெடுத்துவிட்டால் அது நம் கண் பார்வையிலே இருக்கக் கூடாது. மற்ற எல்லா அடிக்‌ஷனைவிடவும் புகை தந்திரமானது. என்றாவது ஒருநாள் சிகரெட் நம்மை மீண்டும் வென்றுவிடும். நான் மீண்டும் புகைக்க ஆரம்பித்தது என்னை டீமோட்டிவேட் செய்தது. ஒருமுறை நிறுத்திவிட்டு மீண்டும் புகைக்கும்போது உடல் இன்னும் மோசமானது.

டாக்டர் முரளிதரனைச் சந்தித்து மீண்டும் மீண்டும் புகைப்பதை அவரிடம் சொன்னேன். அதற்கு அவர் `அப்படித்தான் ஆகும். ஒரு வாரம் நிறுத்தி ஆரம்பிப்பீங்க. அடுத்த தடவை ஒரு மாசம். அப்புறம் ஆறு மாசம் ஆகும். இப்படியே தொடர்ந்து முயற்சித்துக்கொண்டே இருந்தால் ஏழாவது தடவைக்குள் உங்களுக்கே தெரியாம நிரந்தரமா நிறுத்திடுவீங்க. எஃபர்ட் போடுறதை மட்டும் நிறுத்தாதீங்க' என்றார்.

எனக்கு முரளிதரனை அறிமுகம் செய்தது தனுஷின் அக்கா கணவர் ஆஞ்சநேயன் கார்த்திகேயன்தான். அவரும் ஒரு கார்டியாலஜிஸ்ட். `சிகரெட் பிடிக்க வேண்டும் என்ற எண்ணம் வரும்போது எல்லாம் 200 மி.லி குளிர்ந்த நீர் குடித்தால், அந்த எண்ணம் தள்ளிப்போகும்' என அவர் ஒரு ஐடியா தந்தார். என்னால் நம்ப முடியவில்லை.

ஹன்ஸ்ராஜ் சக்ஸேனா, முரளிதரன், ஆஞ்சநேயன், படித்த பல புத்தகங்கள் எனப் பலரும் பல ஐடியாக்கள் சொன்னார்கள். எல்லாவற்றையும் யோசித்துப்பார்த்ததில் ஒன்று புரிந்தது. புகைப்பதை விடுவது என்பது, நமது இலக்கு. அந்த இடத்துக்குச் சென்று சேர பாதைகள் வெவ்வேறு. நம்முடைய பாதையை நாமேதான் கண்டுபிடிக்க வேண்டும். அவரவர் சூழல், வாழ்க்கை முறை, வேலை பொறுத்து ஒவ்வொருவருக்கும் அது மாறும். இந்தப் புரிதல் வந்ததும் என்னால் புகையை விட்டுவிட முடியும் என்ற தைரியம் வந்தது.

அப்போதுதான் (நவம்பர் 14, 2008) `வாரணம் ஆயிரம்' படம் வெளியானது. ஆர்த்தியும் நானும் சென்றிருந்தோம். அந்தப் படமும் அதில் புகை கையாளப்பட்ட விதமும் என்னை ஏதோ செய்தன. வெளியே வந்ததும் `இதை கடைசி தம்மா வெச்சிக்கலாம்' என நினைத்தபடி புகைத்து முடித்தேன். அதன் பிறகு இன்று வரை நான் புகைக்கவில்லை. இன்றும் ஒவ்வொரு நாளும் புகை என்னைத் துரத்திக்கொண்டே இருப்பதால்தான் `இன்று வரை புகைக்கவில்லை’ எனச் சொல்கிறேன்.

சிகரெட்டை, உலகம் முழுக்கவே வீரத்துடன் உருவகப்படுத்தி இருக்கி றார்கள். நண்பர்கள் என்றால் புகைக்க வேண்டும், காதல் தோல்வி என்றால் தாடியும் சிகரெட்டும் கட்டாயம் என நம்பவைத்ததில் சினிமாவுக்குப் பெரும்பங்கு உண்டு. நான் சிகரெட் பிடிக்க ஆரம்பித்ததும் சினிமாவைப் பார்த்துதான்; விட்டதும் சினிமாவைப் பார்த்துதான். 20 ஆண்டுகளாகப் புகைப்பிடித்த நான், புகையை நிறுத்துவதற்கு `வாரணம் ஆயிரம்' ஏதோ ஒரு வகையில் உந்துசக்தியாய் இருந்தது. ஒரு ஃபிலிம் மேக்கராக கெளதம் மேனன் அவர்களின் மிகப்பெரிய வெற்றியாக நான் இதைப் பார்க்கிறேன். என் படங்களில் ஹீரோக்கள் யாருமே புகைக்கக் கூடாது என்பதில் நான் உறுதியாக இருக்கிறேன்.

நவம்பர் 15-ம் தேதி காலையில் தூங்கி எழுந்ததும், மனம் மீண்டும் சிகரெட்டைத் தேடியது. அந்தக் காலத்தில், காலை எழுந்ததும் ஒரு சிகரெட், டாய்லெட்டில் ஒன்று, குளித்துவிட்டு ஒன்று, டீ குடிப்பதற்கு முன்னர் ஒன்று, குடித்த பிறகு ஒன்று... என எல்லா செயல்களுக்குமே சிகரெட்டைக் காரணமாக வைத்திருந்தேன். அதனால் அடுத்த நாள் காலை எழுந்ததும் சிகரெட் நினைவுவந்தது. அப்போது அந்த இடத்தில் சிகரெட் இருந்திருந்தால் புகைத்திருப்பேன். ஒருநாள் புகைக்காமல் இருந்தால் ரத்தத்தில் நிகோடின் இருக்காது. அதன் வாழ்வு 24 மணி நேரம்தான். அதனால் சிகரெட்டை நிறுத்தி 24 மணி நேரம் நெருங்க நெருங்க, புகைக்க வேண்டும் என்ற ஆர்வம் அதிகமாகும். அன்று இரவு சீக்கிரமே வீட்டுக்குச் சென்று, வாசலிலேயே நீண்ட நேரம் நின்றுக்கொண்டிருந்தேன்.

கண்கள் அடைத்தன. அந்த ஒருநாளை தாண்டிவிட்டால் பிரச்னை இருக்காது என எனக்கு நானே சொல்லிக்கொண்டேன். வீட்டுக்குள் கரன்ட் இல்லை. இருந்தும் ஓடிப்போய்த் தூங்கிவிட்டேன். நிகோடின் இல்லாததால் நல்ல தூக்கம் வந்தது. முதல் நாளை வெற்றிகரமாக சிகரெட்டே இல்லாமல் தாண்டிவிட்டேன். `இனி நான் ஸ்மோக்கர் இல்லை' என எனக்கு நானே சொல்லிக்கொண்டேன். அடுத்த நாள் சிகரெட் எண்ணம் வந்தபோது `ஐ யம் நாட் எ ஸ்மோக்கர். ஐ யம் எ ஹெல்த்தி பெர்சன்' என எனக்கு நானே சொல்லிக்கொண்டேன்.

புகைப்பதை நிறுத்தியதும் மீண்டும் புகைப்பதற்கான ஆர்வம் எழுவதில் ஒரு பேட்டர்ன் இருக்கும். முதல் நாள் அதிகமாக இருக்கும். அப்படியே அடங்கி, ஒரு வாரம் முடிந்த பிறகு இன்னும் வேகத்துடன் அந்த ஆர்வம் எழும். பின்னர் ஒரு மாதத்தில் வரும். மூன்று மாதம், ஒரு வருடம் என அப்படியே சென்று, எட்டு வருடம் கழித்து ஒருமுறை தோன்றும். அதையும் தாண்டிவிட்டால் மீண்டும் புகைக்கவே மாட்டோம் என்கிறார்கள்.

நான் புகைப்பதை நிறுத்தியதும் `அலுவலகத்தில் யாரும் புகைக்கக் கூடாது' எனச் சொல்லிவிட்டேன். ஏ.சி அறைக்குள் புகைப்பது என் வழக்கம். அந்த ஒரு வார காலம் அலுவலகத்தில் புகை வாசனையே வரவில்லை. எட்டாவது நாள் சிகரெட்டை மனது இன்னும் தீவிரமாகத் தேடியது. தண்ணீர் குடித்ததும் கொஞ்சம் ரிலீஃப் ஆக இருந்தது. புகைப்பதை மறக்க சூயிங் கம்மும் பழங்களும் உதவின. கொய்யாப்பழம், திராட்சை, மாதுளை போன்ற ஃப்ரெஷ்ஷான பழங்களைச் சாப்பிட்டால் அந்த ஜூஸ் உடம்புக்குள் இறங்குவதே இதமாக இருக்கும்.

அடுத்த கெடு மூன்று மாதம். இரண்டு நாட்களில் `ஆடுகளம்' ஷூட்டிங் தொடங்கவிருந்தது. பிருத்வி என்னிடம் வந்து `அசிஸ்டென்ட் டைரக்டர் மனசெல்லாம் சரியில்லையே' என்றார். உதவியாளர்கள் யாரும் என்னுடன் சரியாகப் பேசுவது இல்லை. ஒரு பெரிய கேப் விழுந்துவிட்டதாகச் சொன்னார். அதைச் சரிசெய்துகொள்ளச் சொல்லிவிட்டு அவர் சென்றுவிட்டார். எனக்கு டென்ஷனாக இருந்தது. நான் பாஸ்கரை அழைத்து ஒரு சிகரெட் வாங்கிக்கொண்டு வரச் சொன்னேன். முதலில் தயங்கியவன், பின்னர் சென்றான். நான் டி.வி-யில் படம் பார்க்கத் தொடங்கிவிட்டேன். சில மணி நேரத்தில் சிகரெட் ஞாபகம் வர பாஸ்கரைத் தேடினேன். அவனும் மற்ற உதவியாளர்களும் சிரித்துப் பேசிக்கொண்டிருந்தார்கள். சிகரெட் வாங்க அவன் போகவே இல்லை.

நான் சென்று `என்னடா... போய் சிகரெட் வாங்கிட்டு வா' என்றால், அவன் நகரவே இல்லை. எனக்குக் கோபம் அதிகரித்தது. அருகில் இருந்த கார்த்தியிடம் சிகரெட் கேட்டால், புகைக்கும் பழக்கமே இல்லாததுபோல `சிகரெட் இல்லையே' என்றான். அந்தக் கோபத்துடன் காரை ரிவர்ஸ் எடுத்து, முதல் கியர் போட்டு அப்படியே நிறுத்திவிட்டேன். மறுநாள் காலை வரை இந்த எண்ணம் இருந்தால் சிகரெட் பிடிக்கலாம். இல்லையென்றால் வேண்டாம் என முடிவெடுத்து காரை மீண்டும் திருப்பி நிறுத்தினேன். பாஸ்கர், கார்த்தி யாரையும் பார்க்காமல் வேகமாக அறைக்குச் சென்று படுத்துவிட்டேன். அடுத்த நாள் காலை புகைக்கும் நினைவே வரவில்லை. முதல் நாள் இரவு புகைக்கும் ஆசை வந்த எந்தத் தடயமுமே எனக்குள் இல்லை.

புகைப்பழக்கம் இருக்கும் எல்லோருக்குமே 20 ஆண்டுகளில் உடல் `இதற்கு மேல் என்னால் தாங்க முடியாது. நிறுத்தித்தான் ஆகணும்' என ஒரு சிக்னல் கொடுக்கும். அதைக் கேட்டால் நிறுத்திவிட முடியும். இல்லையேல் சிரமம்தான். எனக்கு அப்படித் தோன்றியபோது நான் புகைப்பதை நிறுத்திவிட்டு உடற்பயிற்சி செய்ய ஆரம்பித்தேன். 58 முதல் 62-க்கு மேல் என் எடை எப்போதும் கூடியது இல்லை. தொடர்ந்த உடற்பயிற்சிகளால் 68 கிலோ ஆனது. `ஆடுகளம்' படத்துக்கு அந்த பலம் தேவைப்பட்டது. அதீத உடல் உழைப்பு தேவைப்பட்ட புராஜெக்ட் அது. `ஆடுகளம்' நான் நினைத்ததுபோல ஓரளவுக்கு வர சிகரெட்டை நான் நிறுத்தியது ஒரு முக்கியமான காரணம்.

ஒருமுறை சத்யஜித் ரேவிடம் நல்ல இயக்குநர் ஆக என்ன தகுதி வேண்டும் எனக் கேட்கப்பட்டது. `ஒரே இடத்துல எட்டு மணி நேரம் உங்களால நிக்க முடியும்னா, மற்ற தகுதி எல்லாம் தானா வந்துடும்' எனச் சொன்னதாக பாலு மகேந்திரா சார் அடிக்கடி சொல்வார். உடல் ஆரோக்கியம் ஓர் இயக்குநருக்கு முக்கியமான தேவை. எல்லா வேலைகளுக்குமே தேவை என்றாலும் ஒரு ஃபிலிம் மேக்கருக்கு இது அடிப்படை தேவை. என்னைப் பொறுத்தவரை ஒரு பாக்ஸர் அல்லது ஒரு மாரத்தன் வீரருக்கு இருக்கவேண்டிய ஃபிட்னஸ் ஒரு ஃபிலிம் மேக்கருக்கும் தேவை. ஓர் இயக்குநர் முழு ஆரோக்கியத்துடன் இருக்கும்போது எடுக்கும் படத்துக்கும், அப்படி இல்லாதபோது எடுக்கும் படத்துக்கும் நிறைய வித்தியாசம் தெரியும்.

புகைப்பதை விட்டால் நாம் தூங்கும் நேரம் சரியாகும். ஒரு கட்டுக்கோப்பில் நம்மால் இருக்க முடியும். இன்னும் ஆர்வத்துடன் காமத்தைக் கொண்டாட முடியும். நம் வாழ்க்கை இன்னும் அழகாக மாறும். இது எல்லாமே என் வாழ்வில் நான் அனுபவித்துச் சொல்கிறேன்.

இந்தச் சமூகத்துக்கு நாம் ஏதாவது பங்களிக்க வேண்டும் என்றால், நிகோடின் இல்லாமல் வாழ்ந்தாலேபோதும் என நினைக்கிறேன். புகைப் பிடிப்பவர்கள் அதை நிறுத்தினால் நல்லது. பிடிக்காதவர்கள் அதைத் தொடங்காமலே இருந்தால் மிகவும் நல்லது. இதை நான் இன்று புகையைவிட்டதால் சொல்லவில்லை, முன்னர் நான் புகைத்ததால் சொல்கிறேன்.

#வெற்றிமாறன்

17/07/2022

மன்வர் பாஷா துருக்கியின் பெரும் போராளிகளில் ஒருவர். தன் முழு வாழ்வையும் இஸ்லாத்தின் எதிரிகளோடு போரிடுவதற்கே அர்ப்பணித்தார். இறுதியில் ரஷ்யர்களோடு போரிடும் போது ஷஹீதானார்.

தன் மரணத்திற்கு ஒரு நாள் முன் தன் மனைவி நஜியா சுல்தானாவிற்கு இறுதிக் கடிதம் எழுதினார். அதை துருக்கி பத்திரிகைகளும் 22.04.1923 ல் இந்திய பத்திரிகைகளும் வெளியிட்டன. உணர்ச்சிகளின் கொந்தளிப்பான இக்கடிதம் நமக்கு பெரும் படிப்பினையைத் தருகிறது....

"என் ஆருயிர் நஜியாவிற்கு! சர்வ சக்தி படைத்த அல்லாஹ்வே உனது பாதுகாவலன்.
உன் கடிதம் என் முன்னால் விரிந்திருக்கிறது...
உன் வலிகளை அழுகைகளை வார்த்தைகளால் கோர்த்திருக்கிறாய்...

நம்பிக்கையோடு இரு! உன் கடிதம் எப்போதும் என் நெஞ்சோடு இணைந்திருக்கும். உன் உருவத்தை என்னால் பார்க்க முடியவில்லை... ஆனால் கடிதத்தின் வரிகள்.. எழுத்துக்களில்.. என் தலை ரோமங்களோடு விளையாடிய உன் விரல்கள் அசைந்தவாறு காட்சியளிக்கிறது.

கூடாரத்தின் ஏகாந்தத்தில் உன் முகம் மின்னலாக மறைகிறது.

ஓஹ்! நான் உன்னை மறந்து விட்டேன். உன் காதலை எறிந்து விட்டேன் என்று எழுதுகிறாய். காதல் நிரம்பி வழியும் உன் இதயத்தை கிழித்து விட்டு தூர தேசத்தில் நெருப்போடும் உதிரத்தோடும் விளையாடுகிறேன் என்று குமுறுகிறாய்...!

ஒரு வெள்ளந்தியான பெண் என் பிரிவால் இரவின் தனிமையில் நட்சத்திரங்களை எண்ணுவதைப் பற்றிய கவலையே உனக்கில்லை என்கிறாய்... எனக்கு யுத்தத்தோடு காதல்.. வாளோடுதான் மோகம் என்றெல்லாம்

கொதிக்கிறாய்...!

ஆனால் உண்மைக் காதல் கையொப்பமிட்ட இந்த வார்த்தை நெருப்பு என் இதயத்தை பொசுக்கி விடும் என்பதை ஏனோ மறந்து விட்டாய்..!

நான் எப்படி உனக்கு நம்பிக்கையூட்டுவேன். உலகில் உன்னை விட பிரியமானது எதுவுமில்லை. நீயே என் பாசத்தின் எல்லை.. நான் எப்போதும் யாரோடும் பிரியம் கொண்டதில்லை.. ஆனால் நீ ஒருத்தி தான் என் உள்ளத்தை என்னிடமிருந்து பறித்து விட்டாய்...

பிறகு நான் ஏன் உன்னை விட்டு தூரமானேன்..! என் ஆன்மாவின் மகிழ்வே! இக்கேள்வியை வீச கண்டிப்பாக உனக்கு உரிமையுள்ளது. என் உள்ளத்தின் துடிப்பை தயவு செய்து கேள். நான் அற்ப உலகை சம்பாதிக்க உன்னை விட்டுப் பிரியவில்லை. என் எதிரிகள் பரப்புரை செய்வதைப் போன்று ஆட்சியைப் பிடித்து அரசனாகுவதற்கும் உன்னைப் பிரியவில்லை. மாறாக.. அல்லாஹ்வின் கட்டளையே உன்னிடமிருந்து என்னை பிரித்து இங்கே இழுத்து வந்தது. -

அல்லாஹ்வின் பாதையில் போராடுவதை மிஞ்சிய கடமை வேறில்லை. இக்கடமையை நிறைவேற்றுவேன் என்ற எண்ணமே சொர்க்கத்தின் பூங்காவனத்தில் நுழையும் தகுதியைத் தருகிறது... அல்லாஹ்விற்கே எல்லாப் புகழும்! நான் இக்கடமையைச் செய்யும் எண்ணம்

மட்டும் கொண்டிராமல் அதை செயல் ரீதியாகவும் நிறைவேற்றி வருகிறேன்.

உன் பிரிவு மட்டுமே ஒவ்வொரு கனமும் என் இதயத்தை ரம்பத்தால் அறுக்கிறது...ஆனால் இந்தப் பிரிவால் நான் மிகவும் சந்தோஷப் படுகிறேன். ஏனெனில் உன் காதல் மட்டுமே என் மனவலிமைக்கு சோதனையாக வர முடியும். அல்லாஹ்விற்கு நான் எப்படி நன்றி செலுத்துவது? இச்சோதனைக் களத்தில் முழுமையாக இறங்கி இறைக்காதலுக்கு முன் தன் காதலை

நசுக்குவதில் முழுமையாக வெற்றி பெற்றேன்..

கணவன் இறைக் கட்டளைக்காக உன் பாசத்தையும் உன் ஆருயிர் கணவன் இறைக் அர்ப்பணமாக்கும் ஈமானியத் திணிவு கொண்டவன். இதை எண்ணி நீ பூரிப்படைய வேண்டும். அல்லாஹ்விற்கு நன்றி செலுத்த வேண்டும்.

வாளால் போரிடுவது உன் மீது கடமையில்லை. ஆனால் அறப்போர் உம் மீதும் கடமை. முஸ்லிமான ஆண், பெண் அனைவர் மீதும் அல்லாஹ்விற்காக போராடுவது கடமை.

நஃப்ஸோடு போராடுவது உன் பொறுப்பு. உன் காதலை நசுக்கி இறைக் காதலை முற்படுத்தி உன் கணவனோடு உண்மையான பாசத்தை இன்னும் உறுதியாக்கு...!

என் உயிரே! புரிந்து கொள்..! எப்படியாவது திரும்பி உன்னோடு இதமான ஆலிங்கனத்தில் இணைய ஒரு போதும் இறைவனிடம் வேண்டாதே..! உன் கணவன் போர்க்களத்திலிருந்து

இது சுயநலத்தின் வேண்டுதலாகிவிடும், இறைவனின் வெறுப்பைத் தரும் வேண்டுதலாகிவிடும்..ஆம்! அல்லாஹ் உன் கணவனின் போராட்டத்தைப் பொருந்தி கொண்டு வெற்றியோடு திரும்ப வைக்கட்டும்..

இல்லையெனில் மதுவால் மாசுபடாத இறைநாமத்தில் நனைந்திருக்கும் உன் காதலனின் உதடுகளை வீர மரணத்தின் கோப்பை தடவட்டும். இதுதான் உன் வேட்கையாக, வேண்டுதலாக இருக்க வேண்டும்.

பிரிய நஜியா! சௌந்தர்யமானது என்று உன்னால் வர்ணிக்கப்பட்ட உன் பேரழகாக காதலனின் தலை அல்லாஹ்வின் பாதையில் உடலை விட்டு துண்டாகும் நிமிடங்கள் எவ்வளவு உன்னதமானது. உன் கண்களால் கொண்டாடப்பட்ட வதனம் அல்லாஹ்விற்காக சிதைக்கப்படும் தருனங்களை நினைத்தாலே பரவசம் பெருகுகிறது..

அல்லாஹ்விற்காக உயிர் நீத்த நபித்தோழர் காலித் பின் வலீதோடு எழுப்பப்பட வேண்டும் என்பதே என் ஏக்கமும் எதிர்பார்ப்பும்... உலகம் நிலையற்றது. மரணம் உறுதியானது. பிறகு மரணத்தை ஏன் அஞ்ச வேண்டும்?

மரணத்தை நிச்சயம் சுவைத்தாக வேண்டும். பிறகு ஏன் ஆண்மகன் படுக்கையில் மரணிக்கின்றான். இறைபாதையின் உயிர் பிரிவு மரணமல்ல. மரணத்தை வெல்லும் புது ஜனனம்..

உயிர் நஜியா!வின் இறுதி வஸிய்யத்தைக் கேள்.. நான் மரணித்தால் நூர் பாஷாவை திருமணம் செய்துகொள். உனக்கு அடுத்து நான் அதிகம் நேசிப்பவன் நூரி.என் மரணத்திற்குப் பிறகு நூரி கண் கலங்காமல் உன்னைக் காப்பான் என்று நம்புகிறேன்.

இரண்டாவது வஸிய்யத்..

குழந்தைகளுக்கு

உன் என் வாழ்வின் போராட்டங்களை ஊற்றி இறைப் பாதையில் போராட அனைவரையும் களத்திற்கு அனுப்ப வேண்டும்..

பிரியமானவளே! நான் விடை பெறுகிறேன். ஏனென்று இறுதியாக! என் பிரியமானவளே! நான் தெரியவில்லை. இதற்குப் பிறகு எப்போதும் உனக்கு கடிதம் எழுத முடியாதோ என உள் மனம் அஞ்சுகிறது. அழுகிறது.. நாளையே மரணத்தை சுவைத்தாலும் ஆச்சரியமில்லை. நீ பொறுமையை விட்டு விடாதே.. என் மரணத்தால் கவலையுறாமல் சந்தோஷத்தை வெளிப்படுத்து.. நான் பாதையில் குருதி சிந்துவது உனக்கு பெருமிதம் தரட்டும். அல்லாஹ்வின்

என் ஆருயிரே..! நான் செல்கிறேன்.. இப்போது கனவுகளின் உலகில் உன்னை அணைக்கிறேன். அடுத்து சொர்க்கத்தில் சந்திப்போம். பிறகு எப்போதும் பிரிய மாட்டோம்... இன்ஷா அல்லாஹ்!

தமிழில் மௌலவி முஹம்மது இல்யாஸ்.

29/05/2022

28/05/2022

🎨👩‍🎨

27/05/2022

The longest road in the world a person can walk is from Cape Town, South Africa 🇿🇦 to Magdan, Russia 🇷🇺

There are bridges across rivers, no boat or air journey required. The road is over 22 000 km long and it would take 587 days to cover for a person walking 8 hours a day. The road also covers 17 countries, 6 time zones and the traveller will experience all the seasons and weathers of the world in his or her journey.

27/05/2022

If you put 100 red ants and 100 black ants together in one jar nothing will happen.

But if you shake the jar the ants will start killing each other.

The reds will think blacks are their

enemies.

While blacks will believe that reds are their enemy, while the real enemy is the person who shook the jar.

The same goes with our society. Before we fight amongst ourselves, we must ask ourselves: Who shook the jar.

27/05/2022

🐈

19/05/2022

🚫

15/05/2022

𝗜𝗳 𝗮𝗻 𝗮𝗻𝘁 𝗯𝗶𝘁𝗲𝘀 𝘆𝗼𝘂, 𝗱𝗼𝗻'𝘁 𝗸𝗶𝗹𝗹 𝗶𝘁, 𝗯𝘂𝘁 𝘁𝗵𝗮𝗻𝗸 𝗶𝘁, 𝗯𝘂𝘁 𝘄𝗵𝘆?!!!

First, it suffices that the ant is mentioned in the Qur’an, and an entire surah is named after it (Surat An-Naml).
The Prophet ( ﷺ) forbids killing 4 kinds of animals: ants, bees, Hudhud( birds), and Suradi( hawk like sparrow).”
(Hadith Ahmad 3066, Abu Daud 5267 and were validated by Syuaib al-Arnauth)
For us Muslims AlhmdulilAllah the hadiths is enough and its the command of Allah and his prophet ﷺbut
Let's go on a scientific tour with this living creature..
𝗕𝗲𝗻𝗲𝗳𝗶𝘁𝘀 𝗼𝗳 𝗔𝗻𝘁 𝗣𝗶𝗻𝗰𝗵:
Many people are bitten by an ant here and there.. but they immediately kill the aggressor ant. And here comes the error..
it is forbidden to kill an ant, no matter how small it is, as it is a living creature. But why don't we give our heartfelt thanks to the ant when it gnaws at us, especially since its benefits are many.
𝗧𝗵𝗲𝘀𝗲 𝗯𝗲𝗻𝗲𝗳𝗶𝘁𝘀 𝗮𝗿𝗲 𝗮𝘀 𝗳𝗼𝗹𝗹𝗼𝘄𝘀:

🐜1- An ant’s pinch leads to stimulating blood circulation and increasing the number of red blood cells, which is reflected on the body’s activity and vitality.

🐜2- An ant’s pinch activates the neurons in the brain through sensory signals that are transmitted from the place of the pinch to the sensory cells at the bottom of the brain

🐜3- Alobhat proved that the human body when it is exposed to more than a pinch in the same place at the same time special will be exposed to cirrhosis of the skin,
👉intended cirrhosis of the skin to the skin becomes resistant to bacteria more, as the skin becomes more tolerant to high temperatures,

👉and in the case of the body for many suffered from pinches in different places in the body will coagulate the blood, and
Intended to blood clotting: is the layer of blood be somewhat of blood Adamma gives the ability of the blood vessels more resistant to poisons the hardest ... and thus help the liver and reduce the burden with him

🐜4- Pinch the ant as the best means of dieting. When the ant (the female) directs its pinch to the desired goal...

it secretes a quantity of ionic saliva, and the strange thing is that this saliva burns all the fats in the pinched organ..

For example, if the pinched organ is the arm, saliva It will gradually spread throughout the arm and thus.. it will burn 99% of the fats that are found in the arm..
سبحان اللہ Glory be to God..
And Allah knows Best💞

01/04/2022

#பாலியல்_உறவு : நீங்கள் கன்னித்தன்மையை இழக்க சரியான வயது என்ன?

சீக்கிரமாகவே கன்னித்தன்மையை இழந்து விடுவது இளம் வயதினரின் மத்தியில் பெரிய கவலையை ஏற்படுத்தியுள்ளதாக பிரிட்டிஷ் மக்களின் பாலியல் நடத்தை குறித்த ஒரு ஆய்வு கூறியுள்ளது.

பதின்ம பருவ வயதில் உள்ள பெண்களில் மூன்றில் ஒரு பங்கினருக்கும் அதிகமானோரும், ஆண்களில் நான்கில் ஒரு பங்கினரும், 20 வயதுகளில் துவக்கத்தில் இருப்பவர்களும் தாங்கள் பாலியல் உறவில் ஈடுபட்ட காலகட்டம் 'சரியான காலமல்ல' என ஒப்புக்கொண்டுள்ளனர்.

பிரிட்டனில் பாலியல் உறவில் ஈடுபட ஒருவர் பதினாறு வயதை தாண்டியிருக்க வேண்டும்.

ஆனால் சமீபத்தில் வெளியாகியுள்ள பாலியல் அணுகுமுறை மற்றும் வாழ்வியல் முறை குறித்த தேசிய ஆராய்ச்சி, மக்களில் பலர் 16 வயதை தாண்டிவிட்டாலும் பாலியல் உறவுக்கு தயாராகாமல் போகலாம் எனத் தெரிவித்துள்ளது.

பிரிட்டனின் ஒவ்வொரு தசாப்த காலகட்டத்திலும் பாலியல் நடத்தை எப்படி இருக்கிறது என்பது குறித்து விளக்கமாக சொல்வது இந்த அறிக்கைதான்.

பி எம் ஜே பாலியல் மற்றும் இனப்பெருக்க நல இதழில் இந்த அறிக்கை வெளியாகியுள்ளது. லண்டன் ஸ்கூல் ஆஃப் ஹைஜீன் குழுவினர் மற்றும் ட்ராபிக்கல் மெடிசின் ஆராய்ச்சியாளர்கள் இளம் வயதினரில் உள்ள 3000 பேரிடம் ஒரு ஆய்வு நடத்தினர்.

ஆய்வு முடிவு என்ன சொல்கிறது?

இளம் பெண்களில் 40 சதவீதத்தினரும், இளம் ஆண்களில் 26 சதவீதத்தினரும் தங்களது முதல் பாலியல் அனுபவம் சரியான நேரத்தில் நடக்கவில்லை என நினைக்கிறார்கள் என்கிறது இந்த ஆய்வு.

சற்று ஆழமாக அவர்களிடம் பேசிய போது, பலர் கன்னித்தன்மையை இழக்க இன்னும் சற்று காலம் காத்திருக்க விரும்பியதாகவும், சிலர் இன்னும் விரைவிலேயே கன்னித்தன்மையை இழக்க விரும்பியதாகவும் தெரியவந்ததாக ஆய்வு கூறுகிறது.

பெரும்பாலானவர்கள் 18 வயதில் பாலியல் உறவு அனுபவத்தை பெற்றிருக்கிறார்கள். பாதி பேர் 17 வயதில் முதல் முறையாக பாலியல் உறவில் ஈடுபட்டுள்ளார்கள். மூன்றில் ஒருவர் பதினாறு வயதுக்கும் முன்னதாகவே பாலியல் உறவில் ஈடுபட்டுள்ளனர்.

இருவருக்கும் சம்மதமா?''

பாலியல் உறவில் ஈடுபட தனது இணையுடன் சம்மதம் பெற்று ஈடுபட்டார்களா என்பதையும் இந்த ஆய்வு ஆராய்ந்தது. அதாவது முதன் முறையாக பாலியல் உறவில் ஈடுபடுவதற்கு முன்னதாக, தனது இணையிடம் பாலியல் உறவில் ஈடுபட இருவரும் குடி போதையில் இல்லாத நிலையில் பரஸ்பரம் சம்மதம் பெற்றுக்கொண்டார்களா அல்லது போதையின் உச்சத்தில் பாலியல் உறவுக்கு இணங்கினார்களா என்பதையும் இந்த ஆய்வு ஆராய்ந்தது.

பெண்களில் பாதி பேர் இந்த ஆய்வில் தோல்வி அடைந்திருக்கிறார்கள். பத்தில் நான்கு ஆண்களுக்கும் இதில் தோல்வி கிடைத்துள்ளது.

ஐந்தில் ஒரு பெண் மற்றும் பத்தில் ஒரு இளைஞர் முதன் முறையாக பாலியல் உறவில் ஈடுபடும்போது இருவருக்கும் ஒரே நேரத்தில் விருப்பம் வரவில்லை என்கின்றனர், சிலர் பாலியல் உறவில் ஈடுபட அழுத்தங்களை சந்தித்ததாக தெரிவித்துள்ளனர்.

இந்த ஆராய்ச்சியின் நிறுவனர் பேராசிரியர் கேய் வெல்லிங்ஸ், பாலியல் உறவில் ஈடுபடுவதற்கு வயதை மட்டும் வைத்து ஒருவர் பாலியல் உறவில் ஆர்வமாக ஈடுபட தயாராவார் எனச் சொல்ல முடியாது என்கிறார்.

''ஒவ்வொரு இளைஞர், இளம் பெண்ணும் வித்தியாசமானவர்கள். சிலர் 15 வயதிலேயே பாலியல் உறவுக்கு தயாராகலாம். சிலர் 18 வயதிலும் பாலியல் உறவுக்கு தயாராகாமல் போகலாம்'' என்கிறார்.

சக ஆராய்ச்சியாளரான மருத்துவர் மெல்லிசா பால்மர் கூறுகையில், ''இளைஞர்களை விட இளம் பெண்கள் பாலியல் உறவில் ஈடுபடுமாறு தங்களது இணையிடம் இருந்து அழுத்தங்களை சந்தித்ததாக தெரிவித்துள்ளனர் என்பது எங்களது ஆய்வில் தெரியவந்துள்ளது'' என்றார்.

''ஆராய்ச்சி முடிவுகளில் சில சாதகமான முடிவுகளும் கிடைத்துள்ளன. இளம் வயதினரில் பத்தில் ஒருவர் முதல் பாலியல் உறவில் கருத்தடை செய்வதற்கான நம்பகமான வழிகளை கையாள்வதாக தெரிவித்துள்ளனர். பாதுகாப்பாகவும், இணையின் சம்மதம் பெற்று எப்படி முதல் பாலியல் உறவில் நல்லபடியாக ஈடுபடுவது என்பதை இளம் வயதினர் அறிய பள்ளிகளில் பாலியல் கல்வி குறித்து முறையாக கற்றுக்கொடுக்க வேண்டும்'' என்கிறார் மெல்லிசா.

சரி பாலியல் உறவில் ஈடுபட சரியான கால கட்டம் எது?

உங்களுக்கு பாலியல் உறவில் ஈடுபட வேண்டுமென தோன்றினால் முதல் உங்களிடம் சில கேள்விகளை கேட்டுக்கொள்ளுங்கள்.

• இது சரியான சமயம் என உணர்கிறீர்களா?

• உண்மையில் நான் எனது இணையை நேசிக்கிறேனா?

• இணையும் உங்களை அதே அளவுக்கு நேசிக்கிறாரா?

• கரு உருவாகாமல் தடுப்பதற்காகவும், எச் ஐ வி போன்ற தொற்றுகளில் இருந்து பாதுகாக்கவும் ஆணுறை பயன்படுத்துவது குறித்து எனது இணையுடன் நான் பேசினேனா?
அப்படி பேசிய நிகழ்வு சரியாக இருந்ததா?

• கர்ப்பத்தை தடுக்க என்ன கருத்தடை சாதனங்களை பயன்படுத்துவது என்பது குறித்து பேசினோமா?

அதனை கைவசம் வைத்திருக்கிறோமா?

• பாலியல் உறவில் ஈடுபட முதலில் ஒப்புக்கொண்டு பின்னர் ஒருவேளை ஏதோவொரு புள்ளியில் மனம் மாறினால், பாலியல் உறவுக்கு 'நோ'சொல்ல என்னால் முடியுமா? அப்படியொரு நிலையை இருவராலும் சகஜமாக எதிர்கொள்ள முடியுமா?

இந்த கேள்விகளுக்கு எல்லாம் உங்களால் 'ஆம்' என விடை கூட முடிந்தால். நீங்கள் பாலியல் உறவில் ஈடுபட சரியான சமயம் வந்திருக்கலாம். ஆனால் கீழ்கண்ட ஏதாவதொரு கேள்விக்கு உங்கள் பதில் 'ஆம்' எனில் சரியான நேரமாக அது இல்லாமலிக்கலாம்.

• நான் யாரிடமிருந்தாவது பாலியல் உறவில் ஈடுபட அழுத்தங்களை சந்திக்கிறேனா? குறிப்பாக எனது இணையிடம் இருந்து அல்லது நண்பர்களிடமிருந்து.

• பாலியல் உறவில் ஈடுப்பட்ட பின்னர் நான் ஏதாவது வருத்தம் கொள்வேனா?

• எனது நண்பர்களை ஈர்க்கவோ அல்லது அவர்களை தக்கவைக்க பாலியல் உறவில் ஈடுபடுவது குறித்து சிந்திக்கிறேனா?

• எனது இணையை என்னுடன் தக்க வைக்கவே பாலியல் உறவு குறித்து யோசிக்கிறேனா?

ஆதாரம் - பிரிட்டனின் நேஷனல் ஹெல்த் சர்வீஸ்

BBC Tamil

01/04/2022

நாட்டினுடைய இன்றைய நிலை எல்லோருக்கும் தெரிந்ததே. இருந்தாலும் நாட்டில் சகல பாகங்களிலும்

போராட்டம் நடப்பது நாமறிந்த விடயம். இந்த ராஜபக்ஸ அரசை முஸ்லிம் சமூகத்தில் பெரும்பான்மை யானவர்கள் கடந்த 2005 முதலே எதிர்த்து வருகிறார்கள் என்பது வெளிப்படையான உண்மை. இப்படி இருக்க நாட்டில் பெரும்பான்மை இன மக்கள் போராட்டம் நடத்தும் போது அதில் நாம் பங்கெடுப்பதில் எமது சமூகத்திற்கு இருக்கும் ஆபத்தை விட நாம் தனியாக போராட்டம் நடத்தும் போது இருக்கும் ஆபத்து அதிகம் என்பதை நாம் எல்லோரும் உணர்ந்து கொள்ள முடியும் என ஸ்ரீலங்கா ஜனநாயக கட்சியின் தலைவரும், கிழக்கு மாகாண தகவல் தொழிநுட்ப பேரவையின் தவிசாளருமான கலாநிதி அன்வர் முஸ்தபா தெரிவித்தார்.

சமகால அரசியல் நிலைகள் தொடர்பில் ஊடகங்களுக்கு கருத்து வெளியிட்ட அவர், தொடர்ந்தும் கருத்து தெரிவிக்கையில் எமது நாட்டில் கடந்த காலங்களில் முஸ்லிம் சமூகம் அனுபவித்த கசப்பான சம்பவங்களின் உண்மையான காரணங்களில் முதன்மையானது ராஜபக்ஸ எதிர்ப்பு வாதம் என்பதை அறியாதவர்களல்ல நாம். இலங்கை தேசத்தின் வளர்ச்சியில் பாரிய பங்காற்றிய முஸ்லிம் சமூகம் நசுக்கப்படும் சமூகமாக கடந்த காலங்களில் இருந்து வந்தமைக்கான காரணம் எமது தலைமைகளின் பிழையான தீர்மானங்களே என்பதை கசப்பாக இருந்தாலும் ஏற்றுக்கொள்ள வேண்டியது காலத்தின் கட்டாயம்.

முஸ்லிம் சமூகத்தின் குரல்வளைகள் நசுக்கப்பட்ட போது, முஸ்லிம் ஜனாஸாக்கள் எரிக்கப்பட்ட போது, புனித பள்ளிவாசல்களில் நாய்கள் மோப்பம் புடிக்க அழைத்து வரப்பட்ட போது, அப்பாவி இளைஞர்கள் வீண்பழி சுமந்த போது, முஸ்லிங்களின் சட்டங்களில் அதிகாரம் பாய்ந்த போது அமைதிகாத்த எமது தலைமைகள் இப்போது நாட்டின் தேசிய பிரச்சினைகளுக்கு தனி அடையாளம் கொடுத்து தனியே முஸ்லிங்கள் பாதிக்கப்படும் பிரச்சினைகள் போன்று விம்பத்தை உருவாக்கி தனி முஸ்லிங்களின் போராட்டத்தை முன்னெடுப்பது இலங்கையில் வாழும் எதிர்கால முஸ்லிம் சந்ததிகளுக்கு ஆபத்தாக அமையும் என்பதை கடந்த கால வரலாறுகள் தெளிவாக எமக்கு எடுத்து காட்டியுள்ளது.

நாட்டின் மேம்பாட்டுக்காக இலங்கையர்களாக ஒன்றிணைந்து பிராத்திக்க வேண்டிய நேரத்தில் நாம் பேரணிக்காக தயாராவது பிழையான தீர்மானமாக அமைந்துள்ளது. என்னுடைய கருத்துக்களுக்கு சமூக வலைத்தள பாவனையாளர்கள் எதிர்காலத்தை கவனத்தில் கொள்ளாது கண்களை மூடிக்கொண்டு மனதில் பட்டதையெல்லாம் எழுதி தள்ளுவார்கள் என்பதை நன்றாக அறிந்தும் எமது சமூகத்தின் எதிர்கால நலனுக்காக இந்த பதிவை முன்வைத்துள்ளேன்.

சரியான நேரத்தில் எடுக்கப்படும் பிழையான முடிவும் பிழையான நேரத்தில் எடுக்கப்படும் சரியான முடிவும் ஆபத்தை தரவல்லதாக அமைந்துவிடும் என்பதை கவனத்தில் கொண்டு முஸ்லிம் தலைமைகள் சமூகத்தை சரியாக வழிநடத்த வேண்டிய தேவை இருப்பதை உணர்ந்து நடக்க வேண்டும். நமது விரல்களை கொண்டு நாம் குத்திக்கொண்டு பின்நாட்களில் அழ முடியாது என்பதை எமது முஸ்லிம் சமூகம் சிந்தித்து நடக்க வேண்டும்.



இப்போது ஆட்சியை பிடிக்க வரிந்து கட்டிக்கொண்டு வீதிக்கு வந்தவர்கள் கடந்த பொழுதுகளில் முஸ்லிம் சமூகம் நசுக்கப்பட்ட போது எவ்வாறு அமைதியாக இருந்து வேடிக்கை பார்த்தார்களோ அப்படி முஸ்லிம் சமூகமும் இப்போது வேடிக்கை பார்க்க வேண்டியதே காலத்தின் தேவையாக அமைந்துள்ளது என்றார்.

01/04/2022

மக்கள் சக்தி என்பது சாம்பலுக்குக் கீழால் இருக்கும் தணல் போன்றது. அது இருப்பது வெளிக்குத் தெரியாது. ஆனால் அதனைத் துலங்கச் செய்யுமளவுக்கு ஒரு தூண்டல் தொழிற்படும் போது தணலுக்குள்ளிருந்து தீ கனன்றெரிய ஆரம்பிக்கும். உலகில் எங்கெல்லாம் ஆட்சியாளர்களின் அநீதி தலைவிரித்தாடுகின்றதோ அங்கெல்லாம் அந்தத் தணலைப் போர்த்தியிருக்கும் சாம்பல் நீங்க ஆரம்பிக்கும். இது இறைவன் வகுத்திருக்கும் பிரபஞ்ச நியதி. இந்த நியதிக்கு மாற்றமாக உலகில் எதுவும் நடப்பதில்லை.

ஆனால் இந்தப் பிரபஞ்ச நியதியைத் தம்வயப்படுத்தி அநீதியை அழித்தொழித்து நீதியை நிலைநாட்டும் வீரியம் மக்கள் சக்திக்குள் இயல்பாக அமைந்து விடுவதில்லை. மக்கள் சக்தி என்பது இயற்கையானது. அந்த மக்கள் சக்தி மூலமாக அவ்வப்போது அநீதியின் குரல்வளை நெறிக்கப்படுவதும் ஓரளவுக்கு இயல்பானது. ஆனால் அந்த மக்கள் சக்தி மூலமாக நீதி எப்போதும் நிலைநாட்டப்பட்டு விடும் என்பதை அறுதியிட்டுக் கூறி விட முடியாது. ஏனெனில் அநீதியின் குரல்வளை நெறிக்கப்படுவதற்கு மக்கள் சக்திக்குள் கொழுந்து விட்டெறியும் உணர்ச்சிப் பிழம்புகள் போதுமானவை. ஆனால் நீதி நிலைநாட்டப்படுவதற்கு அந்த உணர்ச்சிப் பிழம்புகளைத் தாண்டிய பக்குவமும், திட்டமிடலும், முதிர்ச்சியும், தலைமைத்துவமும் மக்கள் சக்திக்குள்ளிருந்து வெளிப்பட வேண்டும். இல்லாத பட்டசத்தில் மக்கள் சக்தியால் ஓர் அநீதி அகற்றப்பட்டாலும் கூட அந்த இடத்தை நிரப்ப இன்னுமொரு அநீதி அரியாசனம் ஏறுவதைத் தடுக்க முடியாமல் போய்விடும்.

புரட்சிகளின் யதார்த்தங்கள் பற்றி அலி ஷரீஅத்தி கூறியிருக்கும் கருத்து இங்கு மனங்கொள்ளத்தக்கது. 'புரட்சிகளின் நிறைவில் சர்வாதிகாரிகள் வீழ்வார்கள், புரட்சியாளர்கள் நிம்மதியாக ஓய்வெடுக்கப் புறப்படுவார்கள். துரோகிகள் தூக்கத்தை விட்டெழுந்து சுறுசுறுப்பாக அதிகாரங்களைப் பொறுப்பேற்றுக் கொள்வார்கள்'. இன்றைய உலகின் பெரும்பாலான புரட்சிகளின் பின்னால் தொழிற்படும் சமூக யதார்த்தத்தை மேற்படி வரிகளுக்கூடாக அலி ஷரீஅத்தி படம் போட்டுக் காட்டுகிறார்.

அரபு வசந்தமாக இருக்கட்டும், இன்னோரன்ன அஜமி வசந்தங்களாக இருக்கட்டும் அந்த வசந்தங்கள் அனைத்தும் மீண்டும் கோடையாக மாறியதன் பின்னால் தொழிற்பட்ட யதார்த்தம் இதுதான். மக்கள் சக்தியை வீதிக்குக் கொண்டுவருவதற்கு தலைமைத்துவம் தேவையில்லை. ஆனால் மக்கள் சக்தியை சரியான திசையில் வழிநடாத்துவதற்கும், அதன் மூலம் ஏற்படும் விளைவை மக்களுக்குப் பிரயோசனமுள்ளதாக மாற்றுவதற்கும் தூரநோக்குள்ள தலைமைத்துவத்தின் தேவை இன்றியமையாததாகும்.

குழப்பங்கள் மற்றும் நெருக்கடிகளின் போது சாத்தியப்படாத அனைத்தையும் நெருக்கடிகளின் முடிவில் சாத்தியப்படுத்துவதற்குரிய திட்டங்கள் யாரின் கைவசம் இருக்கின்றதோ, அவர்களால்தான் நெருக்கடி நிலைகளை சரியான திசையில் வழிநடாத்தி நெருக்கடிகளின் நிறைவில் கடிவாளத்தைக் கையிலெடுக்க முடியும். அந்த வேலைக்குரியவர்கள் இல்லாமல் நடைபெறும் புரட்சிகள் யாவும் தற்காலிக குதூகலத்தையும், இன்பத்தையும் தரவல்லவையாக இருந்தாலும் கூட, நிலைத்து நிற்கும் தன்மையற்ற புரட்சிகளாக மாறிவிடும் என்பதே உலக நியதி.

மக்கள் சக்திக்குள் புரட்சிகளுக்கான வித்துக்கள் எப்போதும் இருக்கும். அந்த வித்துக்கள் வெடித்து முளை விடும் சந்தர்ப்பம் வரும் போது அவை வெடித்து முளை விடும். ஆனால் அதற்கு யார் பசளையிடுகிறார்கள் என்பதை வைத்துத்தான் அந்தப் புரட்சி என்ன பலனைத் தரும் என்பதைத் தீர்மானிக்கலாம். பெரும்பாலான மக்கள் புரட்சிகளில், எடுத்தெறியப்படும் கற்களாகத்தான் மக்கள் இருந்திருக்கிறார்கள் என்பதே யதார்த்தம்.

'இலங்கை மக்கள் ஓர் அநீதியை நீண்ட காலம் வாழ விட மாட்டார்கள், அதே நேரம் ஓர் அநீதி தளைப்பதற்குரிய சூழ்நிலையை இல்லாமலாக்கவும் மாட்டார்கள்' என பேராசிரியர் ஜயதேவ உயங்கொட கூறியதாக அவரை மேற்கோள் காட்டி யாரோ எழுதியிருந்ததை எங்கோ படித்த ஞாபகம் இருக்கிறது. அந்தக் கூற்றின் இரண்டாவது பகுதி சுட்டிக்காட்டும் தவறை சரிசெய்யாத வரையில் நமது புரட்சிகள் நமது நோக்கங்களை நோக்கி நம்மை நகர்த்த மாட்டா.

ஓர் அநீதியாளன் வீழ்வதற்கு அவனது அநீதிகள் போதுமானவை. ஆனால் நீதி நிலைநாட்டப்படுவதற்கு மக்களுக்குள்ளிருந்து நீதி முளைத்து வர வேண்டும். எனவே இப்போதைக்கு சில அநீதியாளர்கள் முகங்குப்புர வீழ்த்தப்படுவதற்குரிய சாத்தியப்பாடுகள் இருந்தாலும் கூட, நீதி நிலைநாட்டப்படுவதற்குரிய பக்குவத்தை இன்னும் இந்த மண் பெறவில்லை என்பதே யதார்த்தம். நிலைநாட்டப்பட வேண்டிய எதுவும் விண்ணிலிருந்து விழ முடியாது, அது மண்ணிலிருந்துதான் முளைக்க வேண்டும்.

- Affan Abdul Haleem -

30/09/2021

Defense Tips Every Woman Should Know

28/09/2021

🤍💚❤️

06/09/2021

பழங்கால கிரேக்க வரலாறு:
#பேரரசர்_அலெக்சாண்டரின் மர்ம மரணம் - இந்தியா வந்தவரை முடக்கிய நரம்பியல் குறைபாடு

அலெக்சாண்டர் தி கிரேட்' என உலக வரலாற்றாய்வாளர்களால் போற்றப்பட்டு வந்த பேரரசர், கி.மு 323இல் பாபிலோனில் இறந்ததை வரலாற்றுப் பாட நூல்களில் படித்திப்போம். அவர் மர்ம நோயால் இறந்தார் அல்லது கொல்லப்பட்டார் அல்லது நோய்வாய்ப்பட்டு 32 வயதில் இறந்தார் என்றும் பல கதைகள் நமக்கு சொல்லப்பட்டிருக்கலாம்.

ஆனால், அந்த பேரரசர், நோய் பாதிப்பால் சுயநினைவின்றி இருந்ததை மூச்சு நின்று விட்டதாக கணித்து அந்த காலத்திலேயே உயிருடன் புதைக்கப்பட்டிருந்ததாக வெளிவந்துள்ள அதிர்ச்சி வரலாறு தெரியுமா?

உலகின் பல சாம்ராஜ்ஜியங்களை வென்ற அந்த பேரரசரின் கடைசி கால வாழ்க்கையை வரலாற்றுக் குறிப்புகள் மற்றும் சமீபத்திய கண்டுபிடிப்புகளுடன் விவரிக்கிறது இந்த கட்டுரை.

பழங்கால கிரேக்கர்கள், இளம் வயதில் போர் ஆற்றல் திறனுடன் விளங்கிய அலெக்சாண்டர் தங்களுடைய மாசிடோனிய கடவுள் என நம்பினர். அதற்கு காரணம், அவர் பால்கன்ஸ் முதல் நவீன பாகிஸ்தான் உள்ள பகுதிவரை தமது சாம்ராஜ்ஜியத்தை விரிவுபடுத்தியிருந்தார். அதுவும் 32 வயதில் இதை அவர் சாதித்திருந்தார்.

நவீன பாகிஸ்தான் நிலப்பரப்பில் இருந்து மற்றொரு ஆக்கிரமிப்புக்கு ஆயத்தமான வேளையில்தான் அவர் திடீரென தாக்கிய மர்ம நோயால் 12 நாட்களுக்கு கடுமையாக அவதிப்பட்டு காலமானார்.

அவரது மரணத்துக்கு மலேரியா, டைஃபாய்டு, மதுப்பழக்கம் போன்றவை காரணம் என சில வரலாற்றாய்வாளர்கள் கூறினார்கள். சிலர் அவரை எதிரிகள் கொலை செய்தார்கள் என்று குறிப்பெழுதினார்கள்.

ஆனால், அலெக்சாண்டரின் கடைசி கால வாழ்க்கையை மிக ஆழமாக ஆய்வு செய்த நியூசிலாந்தின் ஒட்டேகோ பல்கலைக்கழகத்தின் டுன்டின் மருத்துவக் கல்வி நிறுவன மூத்த விரிவுரையாளர் டாக்டர் ஏ. கேத்ரைன் ஹால், அலெக்சாண்டர் நரம்பு மண்டலங்களை பலவீனப்படுத்தும் குயில்லன் பார்ரே குறைபாட்டாலேயே (GBS) இறந்திருக்க வேண்டும் என்ற தமது கண்டுபிடிப்பை பதிவு செய்திருக்கிறார்.

அலெக்சாண்டரின் கடைசி கால வாழ்க்கை குறிப்புகளை பதிவு செய்துள்ள பல வரலாற்றாய்வாளர்களும் அவர் தனது மரணப்படுக்கையின் கடைசி நாட்களில் தீராத காய்ச்சல், நாள்பட்ட அடிவயிற்று வலியால் பாதிக்கப்பட்டிருந்ததாக கூறியதை அடிப்படையாக வைத்து ஆய்வு செய்ததில் இந்த முடிவுக்கு கேத்ரைன் ஹால் வந்திருக்கிறார். இவர் வெளியிட்டுள்ள ஆய்வறிக்கையை உலக வரலாற்றாய்வாளர்களில் பலரும் ஏற்றுக் கொள்கிறார்கள்.

குயில்லன் பார்ரே குறைபாடு என்றால் என்ன?
இது நரம்புக்கொழுப்பு இழக்கும் கடும் அழற்சிப் பன்னரம்பு நோய் (AIDP) என்றும் அழைக்கப்படும்.

GBS ஒரு சுயதடுப்பாற்றல் கோளாறு ஆகும். இதில் ஒருவரின் நோய்த்தடுப்பாற்றல் மண்டலம் புற நரம்பு மண்டலத்தின் ஆரோக்கியமான திசுக்களைத் தாக்குகிறது.

தசை அசைவுகளைக் கட்டுப்படுத்தும் நரம்புகளையும், வலி, வெப்பம், தொடு உணர்வுகளைக் கடத்தும் நரம்புகளையும் இந்நோய்த் தாக்கம் பாதிக்கிறது. இதன் விளைவாகத் தசை பலவீனம், உணர்வின்மை, கூச்ச உணர்வு மற்றும் சில வேளைகளில் முடக்குவாதமும் ஏற்படும்.

சிலர் முற்றிலுமாக இந்நோயில் இருந்து குணம் பெறுவர். ஆனால் சிலருக்கோ நீடித்த நரம்புச் சிதைவு ஏற்படும். இந் நோய் சிக்கல்களால் 3%-5% நோயாளிகள் இறக்க நேரிடலாம். மூச்சைக் கட்டுப்படுத்தும் தசைகளில் வாதம், இரத்தத் தொற்று, நுரையீரலில் இரத்த உறைவு, இதயச் செயலிழப்பு ஆகியவை இச்சிக்கல்களில் அடங்கும்.

இந்நோய்க்கான காரணம் தெரியவில்லை. ஆனால், இரைப்பைக் குடல் தொற்று அல்லது நுரையீரல் தொற்று போன்ற ஒரு தொற்று நோயினால் இது குறிப்பாகத் தூண்டபடுகிறது.

இந்த பாதிப்புகள் அனைத்தும் ஆலெக்சாண்டருக்கு இருந்தது, தமது ஆய்விலும் தெரிய வந்ததாகக் கூறுகிறார் டாக்டர் கேத்ரைன் ஹால்.

•கேத்ரைனின் வாதமும் அதிர்ச்சித் தகவலும்•

நரம்பு மண்டலத்தில் உள்ள ஆரோக்கியமான செல்களை நோய் எதிர்ப்பு அமைப்பு தாக்கும் ஒரு அரிய ஆனால் தீவிரமான தன்னுடல் தாக்கக் கோளாறுதான் இந்த ஜிபிஎஸ்.

தமது கடைசி காலத்தில் ஒரு பொதுவான நுண்கிருமியான கேம்பிலோபாக்டர் பைலோரியின் தொற்றால் அலெக்சாண்டருக்கு இந்த கோளாறு ஏற்பட்டிருக்கலாம் என்று தான் நம்புவதாக கூறுகிறார்.

கேத்ரைனின் கூற்றுப்படி, அலெக்சாண்டரை தாக்கிய ஜிபிஎஸ் திரிபு, அவரை எவ்வித குழப்பமான நிலைமைக்கும் ஆளாக்காமலும் மயக்கநிலைக்கு கொண்டு செல்லாமலும் இயல்பாகவே ஒரு பக்கவாதத்தை உண்டாக்கியிருக்கிறது.

ஆனால், "நாம் நினைத்தபடி அலெக்சாண்டர் நோய்வாய்ப்பட்டு இறந்திருக்கிறார் என்று நாம் இதுநாள் வரை நம்பியிருந்தால் அது தவறு," என்று அதிர்ச்சிகரமான தகவலையும் கேத்ரைன் பதிவு செய்திருக்கிறார்.

அலெக்சாண்டர் தீவிர பக்கவாதத்தால் பாதிக்கப்பட்டார். அந்த காலத்தில் தற்கால மருத்துவர்கள் நாடித்துடிப்பை கணக்கிட்டு ஒருவருடைய உடலில் உயிர் உள்ளதா என்பதை அனுமானிக்காமல், பாதிக்கப்பட்டவரின் சுவாசத்தை வைத்தே அவர் இறந்தாரா வாழ்கிறாரா என்ற முடிவுக்கு வரும் வழக்கத்தை கொண்டிருந்தனர்.

அந்த வகையில் தீவிர முடக்குவாதத்தால் பாதிக்கப்பட்டிருந்த அலெக்சாண்டர், கண்கள் மூடிய நிலையிலேயே இருக்க அவருக்கு குறைவான பிராணவாயுவே தேவைப்பட்டது. அதனால், அவரது உடல் அசைவற்றும் இடைவிட்டு மூச்சு விடுவதும் தொடர்ந்தது.

ஆனால், அவரது மூச்சு நின்று போனதாகக் கருதி அவர் இறந்து விட்டதாக அந்த காலத்தில் வாழ்ந்த மருத்துவர்கள் அறிவித்து அவர் உண்மையில் இறக்கும் முன்பாகவே புதைக்க காரணமாகியிருக்க வேண்டும் என தாம் நம்புவதாக கேத்ரைன் கூறுகிறார்.

அதாவது, அலெக்சாண்டரின் மரணம் முன்பு வரலாற்றாய்வாளர்களால் ஏற்றுக் கொள்ளப்பட்ட நாளை விட ஆறு நாட்களுக்குப் பிறகே அவர் இறந்திருக்க வேண்டும் என்ற எனது இந்த ஆய்வு மீது புதிய விவாதம் தொடங்க வேண்டும். அநேகமாக வரலாற்றுப் புத்தகத்தில் அலெக்சாண்டரின் கடைசி கால நாட்கள் திருத்தி எழுதப்பட இந்த ஆய்வு வரலாற்றாய்வாளர்களைத் தூண்ட வேண்டும் என்கிறார் கேத்ரைன் ஹால்.

அவ்வாறு அலெக்சாண்டரின் வாழ்க்கை வரலாறு திருத்தி எழுதப்படுமானால், அதுவே, அந்தக்காலத்தில் நரம்பியல் மண்டல குறைபாட்டின் தாக்கம் ஏற்பட்ட ஒருவருக்கு தவறாக மரணம் கணிக்கப்பட்ட முதல் சம்பவமாக இருக்கும்.

•அலெக்சாண்டரின் கடந்த காலம்..

அலெக்சாண்டரின் தந்தை இரண்டாம் ஃபிலிப்புக்கு பல மனைவிகள் இருந்தனர் என்பது நமக்குத் தெரியும். அவர்களில் ஒருவர் பேரழகி கிளியோபாட்ரா. அவர் அலெக்சாண்டருக்கும் அவரது தாய்க்கும் பல சிக்கல்களை ஏற்படுத்தினார்," என்று அலெக்சாண்டர் ஆட்சிக்கு வந்ததை விவரித்த பர்மிங்காம் பல்கலைக்கழகத்தின் செவ்வியல் இலக்கியப் பேராசிரியர் டயானா ஸ்பென்சர் கூறுகிறார்.

"தாய், மகன் இருவரும் தாங்கள் முழுமையான மாசிடோனிய ரத்தம் அல்ல என்று உணரத் தொடங்கினர். இந்த உண்மை அவர்களின் கெளரவத்தை குலைப்பதாகவும், அரசியல் ரீதியாக தீங்கு விளைவிப்பதாகவும் இருந்தது. சிம்மாசனத்திற்கான போராட்டத்தில் இது அலெக்சாண்டரின் பலவீனமாக இருந்தது.

இரண்டாம் ஃபிலிப்பின் புதிய மனைவியான கிளியோபாட்ரா புதிய ராணியாக மாறியிருக்கலாம். மேலும் ஃபிலிப்புக்குப் பின் அரசுரிமைக்கு வருவதற்கான போட்டியில் ஈடுபட்டவர்களுக்கு இது உதவியாக இருந்திருக்கலாம் . இதன் மூலம் அலெக்சாண்டர் மன்னராக மாறுவதற்கு கிளியோபாட்ரா ஒரு தடையாக இருந்திருக்கக்கூடும்," என்று டயானா ஸ்பென்சர் தெரிவிக்கிறார்.

•அரசியல் உண்மைநிலை..

முற்றிலும் மாசிடோனிய நாட்டைச் சேர்ந்த ஒரு புதிய ஆண் வாரிசு தோன்றினால், அலெக்சாண்டருக்கு சிக்கல் ஏற்படக்கூடும் என்பது ஒரு அரசியல் உண்மை. பல வரலாற்றாசிரியர்களும் இந்த நிலையின் உளவியல் பின்னணியை முன்வைத்துள்ளனர்.

"அலெக்சாண்டர் ஆறு மாதங்கள் நாடு கடந்து வாழ்ந்தார். மேலும் அவரது தாயும் சில மாதங்கள் அரசவையிலிருந்து விலகியே இருந்தார். சிறிது காலம் கழிந்தவுடன் தந்தைக்கும் மகனுக்கும் இடையிலான மனக்கசப்பு நீங்கி, அலெக்சாண்டர் நாடு திரும்பினார். ஆனால் உறவில் ஏற்பட்ட விரிசல், அலெக்சாண்டர் வாரிசாக உருவெடுக்கும் வழியில் ஒரு தடையாக மாறியது," என டயானா ஸ்பென்சர் விளக்குகிறார்.

"இந்த சூழ்நிலையில், ஒரு சம்பவம் நிகழ்ந்தது, அது அலெக்சாண்டரை அரியணையில் அமர்த்தியது. ஒரு தூய மாசிடோனிய ரத்தம் அவரது வாரிசுரிமைக்கு சவால் விடக்கூடிய சூழ்நிலை உருவாவதை அவர் தடுத்தார்."

•தந்தையை கொன்றாரா..?

அலெக்சாண்டரின் மாற்றாந்தாயான கிளியோபாட்ராவின் மகளின் திருமணத்தின்போது, மன்னர் இரண்டாம் ஃபிலிப் ஒரு பாதுகாவலரால் கொல்லப்பட்டார் என்று டயானா ஸ்பென்சர் கூறுகிறார்.

தப்பிக்க முயன்றபோது அந்தக் காவலரும் கொல்லப்பட்டார். எனவே இந்த கொலைக்கான காரணம் என்ன என்று கண்டுபிடிக்க முடியவில்லை. ஆனால் இந்த கொலையில் அலெக்சாண்டருக்கும் அவரது தாய்க்கும் தொடர்பு இருக்கலாம் என நம்பப்படுகிறது.

இந்த கொலையுடன் அலெக்சாண்டர் நிற்கவில்லை. அவர் தனக்கு அச்சுறுத்தலாக மாறக்கூடிய அனைவரையும் ஒவ்வொருவராகக் கொன்றார்.

தன் மாற்றாந்தாய் மகன்களில் ஒருவரான ஃபிலிப் எரிடாய்ஸைத் தவிர்த்து தன்னுடைய எல்லா சகோதரர்கள், உறவினர்கள் மற்றும் தான் மன்னராவதற்கு இடையில் நிற்கக்கூடிய அனைவரையும் அலெக்சாண்டர் கொன்றார். அவர்களில் சிலர் கொடூரமான முறையில் கொல்லப்பட்டனர்.

இறுதியில் அலெக்சாண்டர் அரியணையில் அமர்ந்தார். இப்போது அவரது பார்வை பாரசீக சாம்ராஜ்ஜியத்தின் மீது விழுந்தது. பாரசீக பேரரசு மத்திய தரைக்கடலுடன் இணைந்த பகுதிகளை 200 ஆண்டுகளுக்கும் மேலாக ஆட்சி செய்தது. இந்தப் பேரரசு வரலாற்றின் உண்மையான வல்லரசுகளில் ஒன்றாகும்.

•பாரசீக வெற்றியும் அலெக்சாண்டரின் முடிவும்..

பாரசீகப் பேரரசின் எல்லை இந்தியாவிலிருந்து எகிப்து மற்றும் வடக்கு கிரேக்கத்தின் எல்லை வரை நீண்டிருந்தது. ஆனால் இந்த மாபெரும் பேரரசின் முடிவு, அலெக்சாண்டர் மூலம் ஏற்பட்டது.

கிமு 324 இல், அலெக்சாண்டர் பாரசீகத்தின் சூசா நகரை அடைந்தார். பாரசீக மற்றும் மாசிடோனிய மக்களை ஒன்றிணைத்து, தனக்கு மட்டுமே விசுவாசமாக இருக்கும் ஒரு இனத்தை உருவாக்க அவர் விரும்பினார்.

அலெக்சாண்டர் தனது பல தளபதிகள் மற்றும் அதிகாரிகளை பாரசீக இளவரசிகளை திருமணம் செய்துகொள்ள உத்தரவிட்டார். இதற்கென ஒரே இடத்தில் பல திருமணங்கள் நடக்கும் விழாவுக்கு ஏற்பாடு செய்யப்பட்டது. அலெக்சாண்டர் தனக்கென மேலும் இரண்டு மனைவிகளைத் தேர்ந்தெடுத்தார்.

அலெக்சாண்டர் ஆட்சிக்கு வந்தது, வெற்றி பெற்றது, பின்னர் வீழ்ச்சியடைந்தது , இவை எல்லாமே மிகக் குறுகிய காலத்திற்குள் நடந்தன

•ரோமானிய வரலாற்றாசிரியர்கள்..

பல ரோமானிய வரலாற்றாசிரியர்களின் கூற்றுப்படி, அலெக்சாண்டர் சில சமயங்களில் குடிபோதையில் இருந்ததாக டயானா ஸ்பென்சர் கூறுகிறார். ஒருமுறை இரவு உணவின் போது அவர் தனது நெருங்கிய நண்பரை போதையில் கொலை செய்தார்.

குடிபோதை காரணமாக கோபமாகவும் விசித்திரமாகவும் அவர் நடந்து கொண்ட பல சம்பவங்களைப் பற்றி ரோமானிய வரலாற்றாசிரியர்கள் எழுதியுள்ளனர். இருப்பினும், அவற்றின் உண்மைத் தன்மை குறித்தும் கேள்விகள் உள்ளன.

அலெக்சாண்டர் கொலை செய்த நண்பர் கிளெடியஸ், அலெக்சாண்டர் மற்றும் அவரது குடும்பத்தினருக்கும் மிகவும் நெருக்கமானவர். அவர் அடிக்கடி அலெக்சாண்டருக்கு நேர்மையுடன் அறிவுரை வழங்குவார். ஒவ்வொரு போரிலும் அவரது வலதுகை போல செயல்பட்டார்.

அலெக்சாண்டர் அன்று நிறைய குடித்துவிட்டார். உங்கள் ஆளுமை மாறுகிறது. உங்களை நீங்களே கட்டுப்படுத்திக் கொள்ள வேண்டும். நீங்கள் பாரசீக மக்களைப் போல மாறிவருகிறீர்கள். நீங்கள் இனி எங்களில் ஒருவரல்ல என்பது போலத்தெரிகிறது," என்று கிளெடியஸ் கூறினார்.

அதை சொல்வதற்கு கிளெடியஸ் தவறான நேரத்தை தேர்ந்தெடுத்தார். அந்த நேரத்தில் அலெக்சாண்டர் தனது இடத்திலிருந்து எழுந்து, கிளெடியஸின் மார்பில் ஒரு ஈட்டியை எறிந்தார்.

•பாரசீகத்தை கைப்பற்றிய பின்னர் இந்தியா வர வேண்டிய அவசியம் அலெக்சாண்டருக்கு ஏன் ஏற்பட்டது..?

இதற்கு பல காரணங்கள் இருந்தன என்று கிரேக்க கலாசார பேராசிரியரான பால் கார்டிலேஸ் கூறுகிறார்.

தனது தந்தை இரண்டாம் பிலிப் எட்டமுடியாத அளவுக்கு தனது ராஜ்ஜியத்தின் எல்லைகள் விரிவடைந்து விட்டன என்பதைக் காட்ட அலெக்சாண்டர் விரும்பினார்.

"பேரரசுகளுக்கு எல்லைகள் அவசியம். தங்கள் எல்லைகளுக்கு அப்பால் என்ன உள்ளது என்பது குறித்து பேரரசுகள் தொடர்ந்து கவலை கொண்டுள்ளன. இதற்கு ஒரு எடுத்துக்காட்டு ரோமானிய பேரரசு. சீசர்-ஏ-ரூம் (சீசர்) பிரிட்டன் மீது போர்தொடுத்தபோது, அலெக்சாண்டர் தனது எல்லைகளை விரிவுபடுத்திய பின்னர், நிரந்தர எல்லைகளை நிறுவுவதில் ஈடுபட்டிருந்தார்.

கிமு 323 இல், தனது 32 வது வயதில், பாபிலோன் (இன்றைய இராக்) பகுதியை அவர் அடைந்தபோது, ஒரு மர்மமான நோய் அவரது திடீர் மரணத்திற்கு காரணமாக அமைந்தது.

பாரசீகத்தை கைப்பற்றிய பின்னர், அவரது ராணுவம் கிழக்கு நோக்கி நகர்ந்து இந்தியாவை (நவீன பாகிஸ்தான் பகுதி) அடைந்தது. இதற்குப் பிறகு அலெக்சாண்டர் மாசிடோனியாவுக்குத் திரும்பத் தொடங்கினார். ஆனால் தாயகம் திரும்பும் வாய்ப்பு அவருக்கு அமையவில்லை.