A5 News Sri Lanka

Home
Sri Lanka
Maharagama
A5 News Sri Lanka

News Channel For advertisements contact +94718449424
(17)

19/04/2024

What a thrilling!! 😬😬

19/04/2024

So relax!!! 👏👏

18/04/2024

I love this video so much 😱🔥

16/04/2024

'බේදම් ඉල්ලෙයි'
සිංහල සහ දෙමළ භාෂාවෙන්
විජිත හේරත් කළ කතාව

20242

16/04/2024

'පාලකයෝ මිනිස්සුන්ව
අන්දන්න හදනවා
බඩු මිල අඩුයිලූ දැන්'

- අරුන් හේමචන්ද්‍ර
20241

16/04/2024

රාජ්‍ය අමාත්‍ය චාමර සම්පත් දසනායකගේ රථය හදිසි ගිනිගැනීමකට ලක්ව තිබෙනවා. ඒ බණ්ඩාරවෙල හල්පේ ප්‍රදේශයේ දී යි.

අද (16) අලුයම 12.45ට පමණ මෙම සිදුවීම වී ඇති බවට වාර්තාවෙයි.

රාජ්‍ය අමාත්‍යවරයා මහියංගනය ප්‍රදේශයේ සිට ඇල්ල ප්‍රදේශය දක්වා පැමිණෙමින් සිටියදී මෙම ගිනිගැනීම සිදුව තිබුණා. කෙසේ වෙතත් ගින්න හේතුවෙන් රාජ්‍ය අමාත්‍යවරයාට හෝ රියදුරාට හානියක් සිදුව නැහැ. බණ්ඩාරවෙල මහ නගර සභාවේ ගිනි නිවන ඒකකය ඇල්ල පොලීසිය සහ ප්‍රදේශවාසීන් එක්ව ගින්න නිවාදැමීමට කටයුතු කර තිබුණා.

16/04/2024

ඇසිරියානු බිෂොප්වරයෙකු වූ මාරි මාරි එම්මානුවෙල්ට පිහියෙන් ඇනීමේ චෝදනාවට ප්‍රතිචාර වශයෙන් කෝපයට පත් අනුගාමිකයින් දහස් ගණනක් නිරිතදිග සිඩ්නි හි වීදිවලට ඇදී ආ බව ඔස්ට්‍රේලියානු මාධ්‍ය පවසනවා. ඊයේ (15) සිඩ්නි හි නිරිතදිග ඇසිරියානු ඕතඩොක්ස් පල්ලියක දේව මෙහෙය අතරතුර ප්‍රකට බිෂොප්වරයා සහ තවත් පුද්ගලයින් තිදෙනෙකුට පිහියෙන් ඇනීමෙන් පසු 16 හැවිරිදි පිරිමි ළමයෙකු එරට පොලිසිය විසින් අත්අඩංගුවට ගත්තා. සමාජ මාධ්‍යවල පළ වූ වීඩියෝ පටයේ, ක්‍රිස්තියානි නායකයා වේක්ලි හි ක්‍රයිස්ට් ද ගුඩ් ෂෙපර්ඩ් දේවස්ථානයේදී රාත්‍රී 7.10 ට පමණ සිය දේශනය පවත්වමින් සිටියදී ප්‍රහාරයට ලක් වූ බව පෙන්වයි.

ප්‍රහාරයෙන් පසු 2000 ක පමණ කෝපාවිෂ්ඨ වූ පිරිසක් දේවස්ථානය අසලට රොක් වූ අතර, ඇති වූ ප්‍රචණ්ඩතත්වයන් පොලිසිය විසින් සමහන් කළ බව කියනවා.

2009 දී පූජකවරයෙකු ලෙසත් 2011 දී බිෂොප්වරයෙකු ලෙසත් පැවිදි වූ එමානුවෙල් බිෂොප්වරයා, ඇසිරියානු උරුමය සහ සංස්කෘතිය ආරක්ෂා කිරීමට ගත් උත්සාහයන් මෙන්ම ඇසිරියානු අයිතිවාසිකම් වෙනුවෙන් පෙනී සිටීම සඳහා ප්‍රසිද්ධ නැඟෙනහිර ඇසිරියානු පල්ලියේ ප්‍රමුඛ බිශෝප්වරයෙකි.

උන්වහන්සේගේ දේශනා කළ ලෝක දේශපාලනය ඇතැමුන්ගේ කෝපයට හේතු වන අතර, භාෂාව, සම්ප්‍රදායන් සහ ආගමික පිළිවෙත් තුළින් අන් අය විසින් ඇසිරියානු සංස්කෘතිය සහ උරුමයන් ආරක්ෂා කිරීමට දරන ප්‍රයත්නයන් සඳහා මැදිහත් වූවකු ලෙස තවත් බොහෝ දෙනෙකුගේ ගෞරවය දිනා සිටින අයෙක් බවයි කියන්නේ.

බිෂොප්වරයා ඇසිරියානු ප්‍රජාවන්ට, විශේෂයෙන් ගැටුම් හෝ තාඩන පීඩනවලින් පීඩාවට පත් ප්‍රදේශවලට සහයෝගය දැක්වීම සඳහා විවිධ මානුෂීය ප්‍රයත්නයන් මෙහෙයවා ඇති අයෙක්.

ගාසා වෙත එල්ල කළ ඊශ්‍රායල් ප්‍රහාර අතර තුර ගාසා වෙත ගිය මෙම බිෂොප්වරයා එහි මිනිසුන් තමාට “බඩගින්නෙන් මිය යන” බව පැවසූ බව කියා සිටියා. උන්වහන්සේ කියා සිටියේ කලාපයේ බොහෝ මිනිසුන් ගැටුමට සම්බන්ධ නැති බවයි.

ප්‍රකාශයක් නිකුත් කරමින් Christ The Good Shepherd Church කියා සිටියේ බිෂොප් එමානුවෙල්ගේ හිසට සහ ශරීරයට පහර කිහිපයක් වැදී ඇති බව සහ අද උදෑසන වනවිට පල්ලිය හෙළි කළේ හදිසි ප්‍රතිකාර වලින් පසු උන්වහන්සේගේ සෞඛ්‍ය තත්වය ස්ථාවර බවයි.

නිව් සවුත් වේල්ස් පොලිසිය පවසන පරිදි දේවස්ථානයේ රැස්ව සිටි පිරිස විසින් ප්‍රහාරකයා වැලැක්වූ බවයි. පසුව පොලිසිය පැමිණ සැකකරු අත්අඩංගුවට ගෙන ඇති අතර පසුව ඔහු 15 හැවිරිදි පිරිමි ළමයෙකු බව දැනට පැවසිය හැකි බව එටර මාධ්‍ය සඳහන් කරනවා. නිව් සවුත් වේල්ස් පොලිස් කොමසාරිස් කැරන් වෙබ් පැවසුවේ ප්‍රහාරය සැලසුම් සහගතව සිදු වූවක් යැයි පොලිසිය විශ්වාස කරන බවයි.

අප්‍රේල් 13 වන දින සිඩ්නි හි පිහි ඇනුමකින් පසු මෙම සිදුවීමත් සමඟ ඔස්ට්‍රේලියානුවන් තැති ගැන්මට ලක්ව ඇති බව කියනවා.

(ඇසිරියානුවන් (Assyrians) යනු උතුරු ඉරාකය, වයඹ දිග ඉරානය, ගිනිකොනදිග තුර්කිය සහ නැඟෙනහිර සිරියාවේ ආදිවාසී ජනතාවයි. අද ලොව පුරා මිලියන 5කට අධික ඇසිරියානුවන් සිටින අතර ඔවුන්ගේ සාම්ප්‍රදායික කතා කරන භාෂාව වන්නේ සිරියැක් (Syriac) භාෂාව බවයි කියන්නේ. එය ඇතැම් පිරිස් ඇරමයික් (Aramaic) භාෂාව ලෙසද හදුන්වනවා. මෙම ජනයා කල්දිවරුන්, ඇරමියන්වරුන් සහ සිරියන්වරුන් ලෙසද හැඳින්වෙනවා. නූතන ඇසිරියානුවන් යනු මැද පෙරදිග බිහි වූ පැරණිතම ශිෂ්ටාචාරයක් වන පුරාණ ඇසිරියානු සහ බැබිලෝනියානු අධිරාජ්‍යයන්ගෙන් පැවත එන්නන් වන අතර වසර 6770 කට අධික ඉතිහාසයක් ඔවුන් සතුව ඇති බව පැවසෙනවා)

16/04/2024

ශ්‍රී ලංකා රජය සහ ජාත්‍යන්තර බැඳුම්කර හිමියන් සමඟ ලන්ඩන් නුවර පැවති සාකච්ඡාවල දී කරුණු 4ක් සම්බන්ධයෙන් ගැටලුකාරීත්වයක් පැනනැඟුණු බව ජනාධිපති කාර්ය මණ්ඩල ප්‍රධානී සාගල රත්නායක පවසනවා. ණය ප්‍රතිව්‍යුගතකරණයේ ප්‍රගතිය සම්බන්ධයෙන් මාධ්‍ය ආයතන නියෝජිතයින් සමඟ පැවති සාකච්ඡාවක දී ඔහු මේ බව සඳහන් කර තිබෙනවා.

එම සාකච්ඡාව ඊයේ (15) ජනාධිපති ලේකම් කාර්යාලයේ දී පැවැත්වූ බව වාර්තා වෙනවා.

සාගල රත්නායක මහතා සඳහන් කර ඇත්තේ පසුගිය මාර්තු මස අවසානයේ දී ශ්‍රී ලංකා රජය සහ ජාත්‍යන්තර බැඳුම්කර හිමියන් සමඟ ලන්ඩන් නුවර පැවති සාකච්ඡාවල දී කරුණු 4ක් සම්බන්ධයෙන් ගැටලුකාරීත්වයක් පැනනැඟුණු බවයි. ඉන් කරුණු දෙකක් සම්බන්ධයෙන් එකඟතාවයකට පැමිණීමට මේ වනවිට හැකීවී තිබෙන බව ඔහු කියා තිබෙනවා.

අදාළ සාකච්ඡාවල දී එකඟතාවයකට පැමිණීමට අසමත් වූ කරුණු දෙක සම්බන්ධයෙන් ඉදිරියේ දී නැවත සාකච්ඡා කිරීමට බලාපොරොත්තුවන බවත් සාගල රත්නායක මහතා එහිදී සඳහන් කළ බවයි වාර්තා වන්නේ.

ශ්‍රී ලංකා රජය මේ වනවිට අදාළ සාකච්ඡා සම්බන්ධයෙන් සුබවාදී ස්ථාවරයක සිටින බව ඔහු පවසා තිබෙනවා.

පෞද්ගලික ණය හිමියන් සමඟ සාකච්ඡා කිරීම යනු ණය ප්‍රතිව්‍යුහගත කිරීමේ ක්‍රියාවලියේ එක් කොටසක් පමණක් බවද ඔහු සඳහන් කරනවා. ශ්‍රී ලංකාව මෑතකාලීනව ලබා ඇති ආර්ථික ප්‍රගතිය පිළිබඳව ජාත්‍යන්තර මූල්‍ය අරමුදල ඇතුළු සියලුම ජාත්‍යන්තර පරිත්‍යාගශීලීන් සිය තෘප්තිය ප්‍රකාශ කර ඇති බවයි සාගල රත්නායක මහතා මෙම හමුවේ දී කියා ඇත්තේ.

ද්විපාර්ශ්වික ණය කරුවන්ගෙන් සමන්විත නිල ණයකරුවන්ගේ කමිටුව (OCC) සමඟ ලංකාව සාර්ථක සාකච්ඡා වටයක් පවත්වා තිබෙන බව කී සාගල රත්නායක මහතා ලංකාව චීනය සමඟ ද සාර්ථක සාකච්ඡා වටයක් පවත්වා ඇතැයි සඳහන් කළ බව වාර්තා වෙනවා.

16/04/2024

සමගි ජන බලවේගයේ පිරිසක් ආර්ථික ප්‍රතිපත්ති ගැන විවාද කරන්න තමන්ට අභියෝග කරන බව ජනතා විමුක්ති පෙරමුණේ ප්‍රධාන ලේකම් ටිල්වින් සිල්වා පවසනවා. රනිල් වික්‍රමසිංහ අගමැති යටතේ අවුරුදු 05ක් ආණ්ඩුවේ හිටපු, ජාත්‍යන්තර ස්වෛරිත්ව බැඳුම්කරවලින් ලංකාවට වැඩිම විදේශ ණය ගෙන ඒ උගුලේ ශ්‍රී ලංකාව හිරකරපු අයම ආර්ථිකය පිළිබඳව විවාදයකට කතා කරන බවයි ඔහු කියන්නේ.

“ඒ අයට අපි උත්තර දුන්නේ එහෙට මෙහෙට පනින ප්‍රතිපත්තියක් නැති අය වෙනුවට ජනාධිපතිවණයක දී වැදගත් වෙන්නේ අපේක්ෂකයන් හැටියට ඉදිරිපත් වෙන පක්ෂ නායකයන් නිසා අපේ පක්ෂයේ නායක අනුර දිසානායක සහෝදරයා සමඟ ඒ ගොල්ලන්ගේ නායක සජිත් ප්‍රේමදාස මහත්තයට විවාදයකට එන්න කියලා. අපි ඒක හොඳින් තේරෙන, සරල භාවකින් කියලා තියෙන්නේ. දැන් ඒ අය ඊට කලින් අනෙක් අය කරන එක හොඳ නැද්ද කියා අහනවා. රූපවාහිනී නාලිකාත් ඒකට ලැහැස්ති වෙනවා. සජිත් ප්‍රේමදාස තනියෙන් මොනවා හරි කීවොත් ඇරෙන්න රූපවාහිනී සංවාදවලට ඇවිත් නැහැ. සජිත් ප්‍රේමදාස විවාදයකට එනවා නම් අපි සතුටුයි.

අනෙක් පැත්තෙන් මැදපෙරදිග තෙල් විකුණනවා වගේ අපේ රටේ සම්පත් විකුණන්න අනුමැතිය දෙන අය තර්ක ඉදිරිපත් කරමින් විවාදයක් ගැන කියනවා. මැදපෙරදිග තෙල් විකුණනවා මිසක තෙල් ළිං විකුණනවාද. ඔවුන් තෙල් නිධිය නොවෙයි නිෂ්පාදිතය විකුණන්නේ. අපි කිරි විකුණනවා වෙනුවට ගොවිපොළ විකුණන්න ලැහැස්ති වෙන්නේ. මේ හාදයන්ට ඕක තේරෙන්නේ නැහැ. ඔන්න ඔය සරල දේවත් තේරෙන්නේ නැති අයට අපි කියන්නේ විකුණන් කෑමේ ප්‍රතිපත්තිය වෙනුවට රට හදන ප්‍රතිපත්තියකට යන්න ඕනෑ. අනෙක් පැත්තෙන් කියනවා නම්, වෙනත් විවාදයක් කරන්න අපි ඒක ඒ වෙලාවට බලාගනිමු.

මේ රටේ මෙතෙක් උන්නු පාලක කණ්ඩායම්වලට ජනතාව ඉදිරියේ හැමදාම තිබුණේ උත්තර දෙකයි. එක්කෝ මර්දනය නැතිනම් වරදාන දෙන එක. මේ කාලයේ එයාලට බලයක් නැති නිසා මර්දනය අපහසු වෙලා තිබෙනවා. ඒ වගේම අපිව මිලදී ගන්නත් බැහැ. දැන් බඩු බෙදන්න පටන් අරගෙන තිබෙනවා. දරුවන්ට කෑම බෙදන්න පටන්ගෙන තිබෙනවා. මීට මාස කිහිපයකට පෙර කන්න නැති දරුවන් පාසලේ රැස්වීමේ දි කලන්තෙ දාලා වැටුණා. එතනදි පිහිට වුණේ ගුරුවරු. එදා ඒක රනිල්ට පෙණුනේ නැහැ. අපේ රටේ ලොකුම අර්බුදය මේ නිකම් දීපු එක කිව්ව රනිල් අද උත්සව සමයේ හාල් කිලෝ 20ක් බෙදන්න පටන්ගෙන තියෙනවා. අපට දවස් පහකට කන්න දීලා අවුරුදු පහකට රට කන්න ඉල්ලනවා. ඒ ක්‍රමය වෙනුවට අපේ රටට ප්‍රතිපත්තිමය දේශපාලනයක් අවශ්‍යයි” බව ටිල්වින් සිල්වා මහතා සඳහන් කරනවා.
#විසඳුම #මාලිමාව

16/04/2024

මැදවච්චිය පොලීසියේ නිලධාරීන් පිරිසක් සිදුකළ පහරදීමක් නිසා තරුණයෙකුගේ වෘෂණ කෝෂයක් සැත්කමකින් ඉවත් කිරීමට සිදුවූ බව කියන සිද්ධිය සම්බන්ධයෙන් පොලිස්පති දේශබන්දු තෙන්නකෝන් කියන්නේ අදාළ නිලධාරීන් අධිකරණයට ඉදිරිපත් කර රක්ෂිත බන්ධනාගාර ගතකළ බවයි.

“අධිකරණයට ඔවුන්ව ඉදිරිපත් කර රක්ෂිත බන්ධනාගාරගත කර තිබෙනවා. පොලිස් නිලධාරීන් රාජකාරී කිරීමේදී වුණත් සීමාව ඉක්මවා බලය පාවිච්චි කළොත් ඒ අයට පුද්ගලිකව ඒ සම්බන්ධයෙන් වගඋත්තර බඳින්න වෙනවා."

ඒ චෝදනාව එල්ල කරන අයත් නීතිවිරෝධී මත්පැන් සහ මත්ද්‍රව්‍ය පිළිබඳවත්, වෙනත් නීතිවිරෝධී කටයුතු සම්බන්ධවත් පෙර වැරදි ගණනාවක් තියෙන පවුලක අය” පොලිස්පතිවරයා සඳහන් කරනවා.

අප්‍රේල් මස 07 වෙනිදා රාත්‍රියේ දී සිදු වූ බව කියන එම සිදුවීමට මුහුණ පා ඇත්තේ මැදවච්චිය, තුලාවේලිය ගම්මානයේ පදිංචිකරුවෙකු වන 23 හැවිරිදි තරුණයෙකු යි. පොලිසියෙන් සිදුකළ පහරදීමෙන් සිය වෘෂණ කෝෂයකට සිදුවූ හානිය හේතුවෙන් එය ශල්‍යකර්මයකින් ඉවත් කිරීමට වෛද්‍යවරුන් කටයුතු කළ බව වාර්තා වුණා. පහර කෑමට ලක්වූ දිලීෂ සංගීත් නමැති 23 හැවිරිදි තරුණයාගේ පියාත් පොලිස් නිලධාරියෙකු බවයි කියන්නේ.

16/04/2024

මෙරට පැවැත්වෙන විරෝධතා පාලනය කිරීමේ දී පොලිසිය කටයුතු කරන ආකාරය ජාත්‍යන්තර නීතීන්ට සහ ප්‍රමිතීන්ට අනුකූල නොවන බවයි ජාත්‍යන්තර ක්‍ෂමා සංවිධානය(Amnesty International) කියන්නේ. ඔවුන් විසින් ඉදිරිපත් කර ඇති වාර්තාවකට අනුව 2022 වසරේ මාර්තු මාසයේ සිට 2023 වසරේ ජුනි මාසය දක්වා මෙරට පවත්වා ඇති විරෝධතා සංඛ්‍යාව 30ක්. එයින් 17ක් පොලිසිය විසින් මර්දනය කිරීම ජාත්‍යන්තර නීතීන්ට සහ ප්‍රමිතීන්ට අනුකූල නොවූ බවයි මෙම වාර්තාව මගින් වීඩියෝ සාක්ෂි සහිතව පෙන්වා දී ඇත්තේ.

ශ්‍රී ලංකාවේ නීතිය හා සාමය ආරක්ෂා කිරීමේ වගකීම පැවැරී ඇති නිලධාරීන්, ප්‍රචණ්ඩ ලෙස විරෝධතා මර්දනය කරමින් මානව හිමිකම් කඩ කරන බව අදාළ වාර්තාවේ සඳහන් කෙරෙනවා.

මෙරට පැවති සිවිල් යුද්ධය අතරතුරදී බලහත්කාරයෙන් අතුරුදහන් කරවනු ලැබූවන්ගේ ඥාතීන් විසින් 2017 වසරේ සිට අඛණ්ඩව සාමකාමී විරෝධතා සංවිධාන කරන අතර, උතුරු - නැඟෙනහිර පළාත්වල ආරක්ෂක අංශ සහ බුද්ධි අංශ විසින් නිරන්තරයෙන් සිදු කරනු ලබන සෝදිසි කිරීම්, බිය ගැන්වීම් සහ හිරිහැර කිරීම් පිළිබඳව ද අදාළ වාර්තාවෙන් අනාවරණ කර තිබෙනවා. උතුරේ සන්නද්ධ අරගලය යුදමය වශයෙන් පරාජය කර වසර 15කට පසුවත් එම පළාත් දැඩි ලෙස හමුදාකරණය වී පවතින බවයි ජාත්‍යන්තර ක්ෂමා ආයතන පෙන්වා දෙන්නේ.

මුලතිව් දිස්ත්‍රික්කයේ පමණක් 60,000ක් පමණ හමුදා භට පිරිසක් ඉතිරිව සිටින බව ද අදාළ වාර්තාවේ දැක්වෙනවා. එම කලාපයේ සෑම සිවිල් වැසියන් දෙදෙනකු සඳහාම එක් සොල්දාදුවකු යොදවා ඇති අතර, එය ලෝකයේ වැඩියෙන්ම හමුදාකරණය වූ ප්‍රදේශවලින් එකක් බවට පත්ව ඇති බවයි ජාත්‍යන්තර ක්‍ෂමා සංවිධානය අනාවරණ කරනවා. හමුදාව දිගින් දිගටම සාමාන්‍ය ජනයාට අයත් ඉඩම් අල්ලාගෙන සිටීම හේතුවෙන් දෙමළ ජනයා දහස් ගණනක් අවතැන්ව ඇති බව එහි සඳහන් වන්නේ.

ජාත්‍යන්තර මානව හිමිකම් ප්‍රමිතීන් උල්ලංඝණය කරමින්, පොලිසිය විසින් විරෝධතාකරුවන්ගේ පිටුපස සිට කඳුළු ගෑස් ප්‍රහාර එල්ල කර තිබෙන බව ජාත්‍යන්තර ක්‍ෂමා සංවිධානය සිය වාර්තාවේ දක්වනවා.

කඳුළු ගෑස් භාවිත කිරීමේ දී ප්‍රමාණවත් පූර්වාරක්ෂක පියවර අනුගමනය නොකරමින් පොලීසිය දිගින් දිගටම පාසල් අසල සහ ‍පැහැදිලි පිටවීමක් ‍‍නොමැති ප්‍රදේශවලට කදුළු ගෑස් ප්‍රහාර එල්ල කර ඇති බවයි ඔවුන් පෙන්වා දෙන්නේ. එමඟින් විරෝධතා වලට කිසිඳු සහභාගිත්වයක් නොමැති ළමයින් සහ අවට සිටින පිරිස් නිකරුණේ රසායනික ද්‍රව්‍යවල බලපෑමට නිරාවරණය වූ බව, මෙම වාර්තාවෙන් හෙළිදරව් වනවා.

“ආරම්භයේ සිටම, ශ්‍රී ලංකා ‍පොලීසිය 2022 - 2023 විරෝධතා වෙත ප්‍රවේශ වූයේ ඒවා නීති විරෝධී සහ ප්‍රචණ්ඩකාරී වනු ඇති බවත් ඒවා මර්දනය කිරීමට බලය යෙදවිය යුතු බවත් උපකල්පනය කරමින්. සාමකාමීව උද්ඝෝෂණ කිරීමට මිනිසුන්ට අයිතියක් ඇති බවත්, විරෝධතා සඳහා පහසුකම් සැළසීමට සහ විරෝධතා ආරක්ෂා කිරීමට බලධාරීන්ට යුතුකමක් ඇති බවත් හඳුනා ගැනීමට පොලිසිය අසමත් වී තිබේ. ඒ වෙනුවට ඔවුන් ‍‍බොහෝ දුරට සාමකාමී විර‍ෝධතාකරුවන් ඉලක්ක කර, ලුහුබැඳ ගොස් පහර දී ඇත” යි ජාත්‍යන්තර ක්‍ෂමා සංවිධානය හි දකුණු ආසියා කලාපීය අධ්‍යක්ෂ ස්මෘති සිං කියනවා.

විරෝධතා පාලනයට හමුදාව යෙදවීම සාමාන්‍යයෙන් සුදුසු නැති බව පෙන්වා දෙන වාර්තාව, එසේ තිබියදීත්, රටේ දකුණේ විරෝධතා කිහිපයක දී ම ඒවා මර්දනයට හමුදා නිලධාරීන් යෙදවීම දක්නට ලැබුණු බව ප්‍රකාශ කරනවා.

සාමකාමීව රැස්වීමේ නිදහස සඳහා ඇති අයිතිය ආරක්ෂා කිරීමටත් ඒ සදහා අවශ්‍ය පහසුකම් සැලසීමට ක්‍රියාකිරීමටත් ශ්‍රී ලංකා බලධාරීන් යොමු කිරීමට, තමන් සතු සියලුම ද්විපාර්ශ්වික, බහුපාර්ශ්වික සහ කලාපීය ඉඩ ප්‍රස්ථා භාවිතා කරන මෙන් ශ්‍රී ලංකාව සමඟ ද්විපාර්ශ්වික සහයෝගීතාවයන්හි නියැලී සිටින ආණ්ඩු ඇතුළු ජාත්‍යන්තර ප්‍රජාවගෙන් ජාත්‍යන්තර ක්‍ෂමා සංවිධානය සංවිධානය ඉල්ලා සිටිනවා.

15/04/2024

දිනන්නේ කවුද කියලා මේ මොහොතේ කොහොමවත් කියන්න බෑ
- ගාමිණී වලේබොඩ
20242

Address

230/1, Piliyandala Road, Godigamuwa
Maharagama

Telephone

+94777238656

Website

https://www.a5news.lk/

Alerts

Be the first to know and let us send you an email when A5 News Sri Lanka posts news and promotions. Your email address will not be used for any other purpose, and you can unsubscribe at any time.