Tutorials, breakdowns, originals, and all other film stuff. Enjoy! I am a skilled filmmaker and photographer who specializes in professional color grading.
13/10/2023
මේක කියවන 100ක් හිටියොත්, එතනින් 99ක්ම කැමති තමන්ගේම කියලා Business එකක් ගොඩදාගන්න.
තනියම ගේමක් ගහනවා කියන්නේ, කියවනකොටත් පට්ටම මොරාල් එකක් එන වචන සෙට් එකක්!
ඒ නිසා අපි හැමෝම ඒ වචන ටික කියන්න, FB එකේ ඒ වගේ Post එකක් Share කරන්න, හීන මවාගන්න හරිම කැමතියි.
ඒත් ඒ හීනෙට, හැමෝටම යන්න ලැබෙනවද?
දැකලා තියෙනවද ලොකු කාලයක් තමන්ගේ Business එක කලත් ලොකු දියුණුවක් නැති අය?
ඇයි අපි හැමෝටම එක වගේ හීන තිබිලා සමහර පිරිසකට පමණක් ඒක සැබෑ වෙන්නේ??
මට දවසක් කෙනෙක් කිව්වා "අපි දැනන් ඉන්න ඕනි අපි දැන් අපේ ගමනේ කොතනද ඉන්නේ කියන එක. අපිවත් අපි ඉන්න තැන හරියටම දන්නේ නැතිනම්, කවදාවත් හිතාගෙන ඉන්න තැනට යන්න ලැබෙන්නේ නෑ."
1. අපි ඉස්සරලාම "අපි දැන් කොතනද ඉන්නේ" කියන එක ගැන වටහාගන්න ඕනි.
මේක කියවන ඔයා, ඔයාගේ හීනය එක්ක සසඳනකොට ඒ හීනෙට යන ගමනේ ඇත්තටම කොතනද ඉන්නේ?
ඕක දන්නැතිව, වටහාගන්නැතිව කවදාවත් ඔයාගේ හීනය හැබෑ කරගන්න බෑ.
2. ඔයා ඊලඟට අඩිය තියනේ කොතනටද කියලා දන්නවද?
ඔයා ඉන්න තැන හරියටම දන්නවනම්, ඊලඟට හිතන්න ඕනි ඊලඟ අඩිය තියන්නේ කොතනටද කියලා.
සෑම ගමනකටම Steps තියෙනවා.
හැබැයි බහුතරයක් දෙනාට හීනයක් තිබ්බට, හීනෙට යන ගමනේ තියන්න ඕනි Steps ගැන අවබෝධයක් නෑ.
තමන්ගේ හැකියාව ගැන තියෙන විශ්වාසෙන් එකම දේ කරලා කරලා සාර්ථකත්වයක් බලාපොරොත්තු වෙනවනම්, ඒක හරිම දුර්වලයි කියලා මතක තියාගන්න.
ඔයා ඉන්න තැන දන්නවනම් ඊලඟට කරන්න ඕනි දේ ගැන හිතන්න. හරියට දැනගෙන ඒ Step එකට අඩිය තියන්න.
සමහරවිට ඒ Step එක Shop එකක් open කරන එකක් වෙන්න පුලුවන්, Equipment ගන්න එකක් වෙන්න පුලුවන්, වෙන රටකට යන එකක් වෙන්න පුලුවන්, කරන රැකියාව අතහැරලා වෙන දෙයක් කරන්න යනවා වෙන්න පුලුවන්...
මොක වුණත් මොරාල් එක ආපු පලියට කරන්න යන්න එපා.
මතකයිනේ... දැනගෙන අඩිය තියන්න!!
3. ඔයා තිබ්බ අඩිය වැරදුණොත් මොකද කරන්නේ කියලා දන්නවද?
සරලවම කිව්වොත්, වැටුණොත් කොතනටද වැටෙන්නේ කියල Plan කරන්න. මනුස්සයෙක්ට වෙන්න අන්තිම නරක දේ තමයි ඒ මනුස්සයාගේ ජීවිතය, කාලය විසින් තීරණය කිරීම.
ඒ නිසා සෑම පියවරක් තබනකොටම ඒ හා සමානව අඩියක් වැටුණොත් කොතනටද වැටෙන්නේ කියලා දැන්මම Plan කරන්න.
Stress හදාගෙන දුක් පෝස්ට් share කරගෙන තමන්ගේ ජීවිතයේ වටිනා තත්පර කඳු ගනන් නාස්ති කරගන්න එපා.
හොඳ හුස්මක් අරන් ඉන්නෙ කොතනද කියලා බලන්න, ඊලඟ අඩිය ගැන හිතන්න, වැටුණොත් වැටෙන්න තියෙන තැන් ගැන හිතන්න, වැටුණත් ගොඩ යන්න පුලුවන් විදියට ආපස්සටත් Plan කරන්න, සද්දෙ වහල ගේම ගහන්න!!
මේක කියවන මොකෙක්ම හරි ගොඩ ගියොත් මට සතුටුයි!!!
Photo එකට ලස්සනයි කියන්න😋
