07/11/2020
හරියට මේක්අප් එකක් කළොත් බලන්න කොයිතරම් ලස්සනයි ද ? ඒත් හරියට මේක්අප් එක කරලා තිබුණේ නැත්නම් ? තියෙන පෙනුමත් අවලස්සන වෙලා පෙනේවි. ඒ කියන්නේ
මේක්අප් එකේ අඩුපාඩු ඉස්මතු වී පෙනෙන්නට පටන් ගනීවි. මෙන්න මේ නිසාම තමයි හරියට මේක්අප් කරන්න හරියටම දැන ගන්න ඕන කියලා අපි ඔබට කියන්නේ.
මේක්අප් කරනවා කියන්නේ ඉතාමත් ක්‍රමාණුකූලව නිවැරැදි ශිල්පීය ක්‍රමවලට අනුව නිර්මාණශීලීව කළ යුතු දෙයක්. මේක්අප් කිරීමේදී ඒ පිළිබඳව දැනුම්වත් විය යුතුදේ
බොහොමයක්ම තිබෙනවා. එනිසා දැනුමක් නොමැතිව මෙන්ම නිසි පුහුණුවක් ද නොමැතිව මේක්අප් කරන්නට ගියොත් එහි සාර්ථකත්වය, සුන්දරත්වය දක්නට නොහැකි වේවි. හරියට මේක්අප් කරන්න හරියටම දැන ගන්න හැටි ඔබට කියන්නට ප්‍රවීණ රූපලාවණ්‍ය ශිල්පි සමන්ත ප්‍රනාන්දු සූදනම්.
* මේක්අප් එකක් කරන්නට කලින් :
සමේ ස්වභවය, සමේ වර්ණය නිවැරැදි හඳුනාගත යුතුයි. හේතුව සමහර අයගේ සම පැහැපත් වුණත් සම වියළියි. එහෙමත් නැත්නම් සම තෙල් සහිතයි. සමේ ස්වභාවය හඳුනා ගැනීමෙන් පසුවයි අප ෆවුන්ඬේෂන් එක තෝරා ගත යුත්තේ. ඉන්පසුව අපට මේක්අප් එකට සූදානම් වන්නට පුළුවන්.
* මුලින්ම ගැල්විය යුතු ප්‍රයිමර්
ෆවුන්ඬේෂන් එක පාවිච්චි කරන්නට කලින් ප්‍රයිමර් එකක් පාවිච්චි කරන්නට ඕන. ප්‍රයිමර් එකෙන් කරන්නේ සමේ තෙල් ගතිය හා දහඩිය මතුවීම වැළැක්වීමයි. අප ගල්වන මේක්අප් සමට හොඳින් උරාගෙන ලස්සන පෙනුමක් ලබා දෙන්න ප්‍රයිමර් එක උපකාරී වනවා. ප්‍රයිමර් තවරා විනාඩි පහළොවක් පමණ තිබෙන්නට හැරිය යුතුයි. ඉන්පසුව ෆවුන්ඬේෂන් භාවිතයට සූදානම් විය යුතු වන්නේ.
* නිවැරැදිව තෝරා ගත යුතු ෆවුන්ඬේෂන් :
මේක්අප් එකක ලස්සන පෙනුම රඳා පවතින්නේ අප යොදා ගනු ලබන ෆවුන්ඬේෂන් එක මතයි. ඇතැම්විට මේක්අප් එකකින් පසු මුහුණෙහි අදුරු පාටක්, සුදු වැඩි ගතියක්
පෙනෙන්නේ සමේ වර්ණයට අනුව ගැළපෙන ෆවුන්ඬේෂන් එක තෝරා නොගැනීම නිසයි.
* ෆවුන්ඬේෂන් එක නිවැරැදිව තෝරා ගන්නේ කොහොම ද?
ෆවුන්ඬේෂන් එක අතේ මැණික් කටුව ප්‍රදේශයේ තවරා එය සමේ වර්ණය හා ගැළපෙනවා ද යන්න පරීක්ෂාකර බලන්න පුළුවන්. මෙහිදී අප ගන්නා නිෂ්පාදනවල එක් එක් නම්බර්ස් සඳහන් වී තිබෙනවා. අප ඒ අනුව අවශ්‍ය නම්බර්ස් තෝරාගත යුතුයි. අප ඩර්මා වලින් ෆවුන්ඬේෂන් භාවිත කරනවා නම් අවශ්‍ය නම්බර්ස් ඒ යටතේ තෝරා ගත යුතුයි.
වියළි සමක් ඇති අයෙකුට අප භාවිත කළයුත්තේ ලික්විඞ් ෆවුන්ඬේෂන් එක සහ ස්ටික් ෆවුන්ඬේෂන්. වියළි සමක් ඇති අයෙකුට පෑන්කේක් භාවිතය සුදුසු වන්නේ නෑ. හේතුව එමඟින් සම තවත් වියළි භාවයට පත් විය හැකි නිසයි.
* ෆවුන්ඬේෂන් එක භාවිත කළ යුතු හරි ක්‍රමය :
ෆවුන්ඬේෂන් යොදා ගන්නා විට එය වඩාත් අවම ආකාරයට භාවිත කළ යුතුයි. සමහර අය මෙහිදී වඩාත් ඝනව ෆවුන්ඬේෂන් යොදන අවස්ථා තිබෙනවා. එය සුදුසු දෙයක් නොවෙයි. අප මෙහිදී පාවිච්චි කරන්නේ ලික්විඞ් ෆවුන්ඬේෂන් එකයි. එය පාවිච්චි කළ යුත්තේ බ්‍රෂ් එකක ආධාරයෙන්. ෆවුන්ඬේෂන් එක මුහුණේ තිත් :ාදඑි* ආකාරයට තබා ඉන්පසුව ස්පොන් එක ආධාරයෙන් එය සමාන්තරව තුනී කළ යුතුය. ෆවුන්ඬේෂන් තවරන විට එය සමට උරා ගන්නා ආකාරයට ආලේප කළ යුතුයි. සාමාන්‍යයෙන් මෙහිදී ෆවුන්ඬේෂන් ආලේපයේදී ස්පොන්ජ් එකකින් මෙන්ම බ්‍රෂ් එකකින් ගාන්නට පුළුවන්.
ෆවුන්ඬේෂන් ගෑ පසු අවසාන වශයෙන් කළ යුත්තේ ටිෂූ එකකින් තෙත මාත්තු කිරීමයි. එසේ නොකිරීමෙන් ටික වේලාවක් ගතවන විට අළු පැහැති පැල්ලම් ආකාරයට මතුවෙන්නට පුළුවන්. හේතුව වතුරත් සමඟ මුසු වූ ෆවුන්ඬේෂන් පිටතට මතු වී ඒමයි. තෙත මාත්තුකර පවුඩර් ස්පොන්ජ් එකකින් අලේපකර ඉන්පසු බ්‍රෂ් එකකින් බැලන්ස් කළ යුතුයි. මෙය වැඩි දෙනෙක් නොදන්නා දෙයක්. බ්‍රෂ් එකකින් ෆවුන්ඬේෂන් ආලේප කරන විට අප නොදැනුවත්වම බ්‍රෂ් එකෙහි ඉරි මුහුණ මත රැඳෙන්නට පුළුවන්. ෆවුන්ඬේෂන් එකක් අප පාවිච්චි කරනු ලබන්නේ මුහුණේ තිබෙන වර්ණය වඩාත් එළිය කරගන්නටයි. නමුත් මෙහිදි කළු අයෙක් සුදු කරනවාය යන්න අදහස් වන්නේ නෑ. එය සම්පූර්ණයෙන්ම වැරැදි අදහසක්.
මේක්අප් එකෙහි දෙවැනි පියවර වශයෙන් සිදු කෙරෙන්නේ පවුඩර් ගැල්වීමයි. අප ගැල් වු ෆවුන්ඬේෂන් එකෙහි වර්ණයට ගැළපෙන පවුඩර් පාවිච්චි කළ යුතුයි. පවුඩර් පාවිච්චියේ රෝස පැහැය භාවිත කරන්නේ නෑ. අයිවරි පාට ක්‍රීම් පාට වැනි වර්ණ භාවිතයයි වඩා සුදුසු වන්නේ. පවුඩර් භාවිත කරන විටත් එය තැවරිය යුතු වන්නේ පවුඩර් ස්පොන්ජ් එකක ආධාරයෙන්. ඉන්පසු එය බ්‍රෂ් එකකින් බ්ලැන්ස් කර ගන්න ඕනෑ.
* භදිැ ජමඑ (නෝස් කට්)
නාසයෙහි හැඩය මතුකර ගැන්ම දැන් මේක්අප්වල තිබෙන විලාසිතාවක්. සමහර අය මෙහිදි තද පැහැයන් භාවිත කරනවා. එය සුදුසු වන්නේ නැහැ. තලෙළු සමක් ඇති අයෙකුට පාවිච්චි කරනු ලබන ෆවුන්ඬේෂන් එකෙන් නෝස් කට් එක සකසා ගත හැකියි. එවිට එය දිස්වන්නේ ෂැඩෝ එකක් ආකාරයටයි. කම්මුල් වැඩි, ඩබල් චින් තිබෙන අයට දුඹුරු පැහැය භාවිත කිරීම සුදුසුයි. ඉන්පසු නැවතත් පවුඩර් එකකින් එය බ්ලැන්ස් කළ යුතුයි.
* ඇහි බැමි සැකසිය යුත්තේ කොහොම ද?
ඇහි බැමි හැඩ කිරීමේදි කෙළින්ම පැන්සලයෙන් ඇහි බැමි අඳිනවාට වඩා ඩාර්ක් කලර් අයි ෂැඩෝ එකක් භාවිත කොට :ා්රන ඉරදඅබ* ඇඳීමෙන් වැඩි ලස්සනක් මතුකර ගන්නට පුළුවන්. නැත්නම් පැන්සලේ වර්ණය බ්‍රෂ් එකෙහි තවරා බ්‍රෂ් එක ආධාරයෙන් පැන්සලේ තිබෙන පාට ඇහි බැමි ඇඳීමට යොදා ගත හැකියි. එසේ කිරීමෙන් ස්වභාවික ලස්සනක් ගෙන දෙනවා.
* අයි මේක්අප් එක හරියටම කරන්න
මුලින්ම අපි බේස් කලර් එකක් ගත යුතුයි. සමේ පැහැයට සරිලන අයි ෂැඩෝ එකකින් ලයිට් කොපර් වැනි පාටක් බේස් එක ලෙස තවරන්න. ඉන්පසු අයිලිඞ් එක එනම් ඇස් පිල්ලම ක්‍රමවත්ව සකසා ගත හැකියි. අයි මේක්අප් එක සඳහා වර්ණ හතරක් ප්‍රමාණවත්. ඉන්පසු ඇස කෙළවරට (ක්‍දබැර* තද දුඹුරු පැහැයක් ගෙන ඇසේ දාරය බ්ලෙන්ඞ් කරන්න. ඇසේ ලස්සන පෙනුම අප පිටතට ගනු ලබන්නේ මෙහිදී භාවිත කරන එම වර්ණයෙන්.
* අයි ලයිනර් -
ලික්විඞ් අයි ලයිනර් පාවිච්චි කරනවා නම් වඩාත් සුදුසුයි. ලික්විඞ් අයි ලයිනර් එකෙන් අප පාවිච්චි කරනු ලබන්නේ කේක් අයි ලයිනර් එකයි. අයි ලයිනර් එක දියකර ගත යුත්තේ වතුරෙන්. මේ සඳහා කුඩා ප්‍රමාණයේ - නෝට් පින්සලක් (0 ඉරමිය) ගෙන අයි ලයිනර් එක ඇඳ ගන්නට පුළුවන්. 0 වශයෙන් හඳුන්වන්නේ බ්‍රෂ් එකෙහි ප්‍රමාණයයි. තද මෙරුන් පාට, තද දම් පාට වැනි පාටකින් ෂේඞ්කර ගැන්මෙන් ස්වභාවික පෙනුමක් මතු වී පෙනෙයි. ඇසේ යට ලයින් එක ද පැන්සල ආධාරයෙන් ඇඳ ගත යුතුයි.
ඇස් පිහාටු යට තද මෙරුන් පාටින් ෂේඞ් කිරීම වැදගත්. අයි ලයිනර් එක ඇඳීමේදී ඇස් පිහාටු යටින් අදින්නට එපා. එයින් ඇස්වලට වෙනස් පෙනුමක් ඇති විය හැකියි. මෙහිදී අප භාවිත කරන සෑම වර්ණයක්ම ස්වභාවික පෙනුමක් ගෙන දෙන ආකාරයට තිබිය යුතුයි.
* මස්කාරා ගල්වන හැටි :
මස්කාරා ගැල්වීමෙන් ඇස් පිහාටුවලට ආකර්ෂණීය පෙනුමක් ලබා ගන්න පුළුවන්. මෙමඟින් ඇස් පිහාටු තිබෙනවාට වඩා දික්ව පෙනෙන ආකාරයෙන් ඉස්මතු කර ගත හැකියි. මස්කාරා තවරා ටික වේලාවක් තබා යළිත් වරක් තවරා වියළෙන්නට හැරිය යුතුයි. ඒ ආකාරයෙන් තුන්වරක් තවරා වියළෙන්නට හරින්න. ඒ ආකාරයටම තුන්වරක් පමණ නැවත නැවත ඇස් පිහාටුමත තැවරිමෙන් වැඩි ලස්සනක් පෙන්නුම් කරයි.
* තොල් ආලේප ගැල්වීම :
තොල් ආලේප තවරන විට ලිප් ලයිනර් එකක් ආධාරයෙන් හෝ ලිප්ස්ටික් ආධාරයෙන් කුඩා පින්සලකින් ලිප් ලයිනර් එක ඇඳගන්නට පුළුවන්. මෙහිදී අප තවරන ලිප්ස්ටික්වලට වඩා ටිකක් තද ලිප්ස්ටික් එකකින් ලයින් එක ඇඳ එයින් දෙතොල හොඳින් බ්ලෙන්ඞ් කරන්න. දෙතොල වටේ බ්ලෙන්ඞ් කිරීමෙන් දෙතොල්වලට ලස්සන නිමාවක් වැඩිකර පෙනේවි. ඉන්පසුව අවශ්‍ය ලිප්ස්ටික් වර්ණය තවරන්න. ලිප්ස්ටික් භාවිතයේදී වුවත් වඩාත් තද පාට පාවිච්චි කිරීම නොකළ යුතුයි. මැට් කලර් ලිප්ස්ටික්ද වුවත් යොදා ගන්නට පුළුවන්. ලිප්ස්ටික් තැවරීමෙන් පසු ඊට උඩින් ලිප් ග්ලොස් ගල්වන්න.
* බ්ලෂර් මේක්අප්වල අවසාන පියවරයි.
ඉහත කී ආකාරයෙන් මේක්අප් එකක නියමිත පියවරයන් සිදු කිරීමෙන් පසු අවසන් වශයෙන් කළ යුත්තේ බ්ලෂර්් කිරීමයි. කම්මුල් දෙපස බ්ලෂර් තවරා මුහුණේ හැඩ මතුකර ගැන්මක් මෙහිදී සිදු කෙරෙයි. එසේ හැඩකර ගත් පසු එම බ්‍රෂ් එකෙන්ම නිකට යට,
හෙයාලයින් එක වැනි තැන් වලත් මඳ වශයෙන් තවරා ඉන්පසුව ෆිනිෂින් පවුඩර් භාවිත කරනු ලබනවා. මුහුණේ යම් යම් තැන්වල බ්ලෂර් වැඩියෙන් තැවරී ඇතැයි හැගෙනවා නම් ෆිනිෂින් පවුඩර් එකෙන් එය බ්ලැන්ස් කර ගත හැකියි.
දෙසැම්බර් රූ ඊැ්මඑහ ඵ්ට්‘සබැ හරහා මේක්අප් පිළිබඳ තවත් වැදගත් කරුණු කාරණා ඔබත් එක්ක කතා කරන්නට අප සූදානම්.
උපදෙස් - ප්‍රවීණ රූපලාවණ්‍ය ශිල්පි
සමන්ත ප්‍රනාන්දු
(සැලොන් සමන්ත වැලිගම්පිටිය )
සටහන - මංජුලා මල්කාන්ති
