ေဒၚ႐ူပသိဂီ ၤ

16/01/2025

🙏🙏🙏

16/01/2025

16/01/2025

အိမ်ဖြူတော်မှာ သမ္မတ ဘိုင်ဒန် နှုတ်ဆက်မိန့်ခွန်းပြော

အမေရိကန် သမ္မတ Joe Biden က သူ့ရဲ့ သမ္မတ သက်တမ်းကုန်ဆုံးဖို့ ၅ ရက်အလိုနဲ့ ရွေးကောက်ခံ သမ္မတ Donald Trump ကျမ်းသစ္စာကျိန်ဆိုဖို့ ၅ ရက်အလို ဗုဒ္ဓဟူးနေ့မှာ အမေရိကန် သမ္မတ အိမ်ဖြူတော် သမ္မတ ရုံးခန်းမှာ နှုတ်ဆက် မိန့်ခွန်း ပြောကြားပါတယ်။

ဗုဒ္ဓဟူးနေ့ မနက်ပိုင်းမှာ ထုတ်ပြန်တဲ့ စာထဲမှာတော့ Covid 19 ကပ်ဘေးရောဂါဒဏ် ကာလ၊ နောက် သူ အနိုင်ရခဲ့တဲ့ ၂၀၂၀ ပြည့်နှစ် သမ္မတ ရွေးကောက်ပွဲ ရလဒ်ကို ပြောင်းလဲနိုင်ရေး ကြိုးပမ်းတဲ့ Donald Trump ထောက်ခံသူ လူအုပ်က အမေရိကန် လွှတ်တော်ကို ဝင်ရောက်စီနင်း တိုက်ခိုက်ခဲ့တဲ့ ၂၀၂၁ ခုနှစ် ဇန်နဝါရီလ ၆ ရက်နေ့ တိုက်ခိုက်မှုတွေ နောက်ပိုင်း သူ့အစိုးရ စတင်ခဲ့တာတွေကို သမ္မတ Biden က ထင်ဟပ် ပြောဆိုထားပါတယ်။

လွန်ခဲ့တဲ့ ၄ နှစ်က ဖြစ်နိုင်ခြေတွေရော အန္တရာယ်တွေပါ ရှိတဲ့ ဆောင်းတွင်းမှာ ကျနော်တို့ အားလုံး ရှိခဲ့ကြတယ်လို့ သမ္မတ Biden က စာထဲမှာ ပြောဆိုထားပါတယ်။ ဒါပေမဲ့ အမေရိကန်တွေ ဖြစ်တဲ့ ကျနော်တို့ အားလုံး အတူတကွ ရဲရဲရင့်ရင် ဖြတ်သန်းခဲ့ကြတယ်။ ကျနော်တို့ ပိုပြီး သန်မာ အားကောင်း၊ ကြွယ်၀ တိုးတက်ပြီး ပိုပြီး လုံခြုံမှု ရှိရှိနဲ့ ပေါ်ထွက်လာခဲ့ပါတယ်လို့ သမ္မတ Biden က ပြောပါတယ်။ ၂၀၂၀ ပြည့်နှစ် ရွေးကောက်ပွဲ အပြီးမှာ တရားမဝင် အာဏာ ဆက်လက် ကိုင်စွဲထားဖို့ ကြိုးစားမှုနဲ့ Trump ကို စွဲချက်တင်ခဲ့သူ အထူးစုံစမ်းစစ်ဆေးရေးမှူး Jack Smith က သူ့ရဲ့ အပြီးသတ် အစီရင်ခံချက်ကို ထုတ်ပြန်ပြီးနောက်နေ့မှာပဲ သမ္မတ Biden က နှုတ်ဆက် မိန့်ခွန်း ပြောကြားတာ ဖြစ်ပါတယ်။
🌐 https://burmese.voanews.com/a/7938301.html 🌐
📸 အမေရိကန် သမ္မတ Joe Biden နှုတ်ဆက် မိန့်ခွန်း ပြောကြားနေစဉ် (ဇန်နဝါရီ ၁၅၊ ၂၀၂၅)

15/01/2025

Wele Suda, wife sentenced to eight years jail

https://www.dailymirror.lk/breaking-news/Wele-Suda-wife-sentenced-to-eight-years-jail/108-300152

15/01/2025

ရခိုင်-ဧရာဝတီနယ်စပ်တိုက်ပွဲများကြောင့် ဒေသခံတချို့ တိမ်းရှောင်၊ ကမ်းခြေခရီးသွားဝင်ရောက်မှု လျော့ကျ
----------------------------------------
ဒေသနှစ်ခု ထိစပ်နေသောနေရာများတွင် စစ်ကောင်စီက အင်အားများဖြည့်နေပြီး လက်နက်ကြီးများ ပစ်ခတ်နေ၍ ဒေသခံများ ထိတ်လန့်နေကြပြီး တချို့မှာမူ ကြိုတင်တိမ်းရှောင်သွားကြသည်။

ပုသိမ်မြို့နယ်အတွင်း AA နှင့် တိုက်ပွဲများဖြစ်လာပြီး ကမ်းခြေတစ်ဆက်တည်းဖြစ်သည့် ချောင်းသာ နှင့် ငွေဆောင်ကမ်းခြေတို့တွင်ပါ ရိုက်ခတ်မှုများရှိလာသည်။

AA သည် ရခိုင်တစ်ပြည်နယ်လုံး သိမ်းမည်ဟု ကြွေးကြော်ထားရာ ရခိုင် ၁၇ မြို့အနက် ၁၄ မြို့ကို သိမ်းပိုက်ထားပြီး နယ်မြေထိစပ်နေသော ချင်းပြည်နယ် ပလက်ဝမြို့ကိုလည်း သိမ်းထားရာ နယ်မြေ ထိစပ်နေသော မကွေးတိုင်းနှင့် ဧရာဝတီတိုင်းတို့တွင် စစ်ကောင်စီတပ်နှင့်ပါ တိုက်ပွဲများ ဖြစ်လာနေသည်။

ပုံစာ- စစ်တပ်၏ ဆင်ဖြူရှင်စစ်ဆင်ရေးကို ၂၀၁၈ ဖေဖော်ဝါရီလ ၃ ရက်နေ့က ဧရာဝတီတိုင်း၊ ရွှေသောင်ယံကမ်းခြေတွင် ပြုလုပ်ခဲ့စဉ်။ (ဓာတ်ပုံ- EPA)

အပြည့်အစုံဖတ်ရန် > https://myanmar-now.org/mm/news/60377/

Myanmar Now ၏ နေ့စဉ် သတင်းလွှာကို အခမဲ့ စာရင်းသွင်းရန် > https://myanmar-now.org/mm/newsletter/

15/01/2025

ဒေါ်အောင်ဆန်းစုကြည်အကျဉ်းချခံရက် စုစုပေါင်း ၁၉နှစ်ရှိပြီ

ဝင်ခဲ့သမျှ ရွေးကောက်ပွဲတိုင်း အပြတ်အသတ်နိုင်တဲ့ ပါတီ အမျိုးသား ဒီမိုကရေစီ အဖွဲ့ချုပ်ရဲ့ ခေါင်းဆောင် ဒေါ်အောင်ဆန်းစုကြည်ရဲ့ စုစုပေါင်း အကျဥ်းကျနှစ် ဟာ ဇန်နဝါရီလ ၁၄ ရက်နေ့မှာ ၁၉ နှစ် ပြည့်သွားပြီလို့ ဘားမားကမ်ပိန်း ယူကေက ပြောပါတယ်။ ဒေါ်အောင်ဆန်းစုကြည် ဟာ ၂၀၂၁ ဖေဖော်ဝါရီလ ၁ ရက်နေ့ကတည်းက နောက်ဆုံး အကျဥ်းချ ခံလိုက်ရတာ ဖြစ်ပြီး၊ ဒီ အကြိမ်ဟာ စတုတ္ထ အကြိမ် အကျဥ်းချခံရတာ ဖြစ်တယ်လို့ ဘားမား ကမ်ပိန်း ယူကေက သူ့ရဲ့ အင်တာနက် စာမျက်နှာမှာ ထုတ်ပြန်လိုက်တာပါ။

မြန်မာ စစ်တပ်က ဒေါ်အောင်ဆန်းစုကြည်ကို စုစုပေါင်း ၁၉ နှစ် အကျဥ်းချခဲ့တာက သူ့ကို စစ်တပ်က ကြောက်နေတုန်းပဲ ဆိုတာ ဆယ်စုနှစ်တွေ ကြာလာခဲ့ပေမဲ့ ပြသနေပါတယ်လို့ ဘားမားကမ်ပိန်း ယူကေရဲ့ ဒါရိုက်တာ Mark Farmaner က ပြောပါတယ်။ စစ်ကောင်စီက ဥပဒေမဲ့ ဖမ်းဆီးထားတဲ့ ဒေါ်အောင်ဆန်းစုကြည်နဲ့ နိုင်ငံရေး အကျဥ်းသား အားလုံးကို လွှတ်ပေးဖို့လည်း ဘားမားကမ်ပိန်း ယူကေ က တောင်းဆိုလိုက်ပါတယ်။

ရွေးကောက်ပွဲတိုင်းမှာ မြန်မာပြည်သူတွေက ‌ဒေါ်အောင်ဆန်းစုကြည်ကို အကြီးအကျယ်ထောက်ခံ လုပ်ပိုင်ခွင့် ပေးခဲ့ပေမဲ့၊ စစ်တပ်ကိုတော့ ပြည်သူတွေက ဘယ်တုန်းကမှ အဲဒီလို လုပ်ပိုင်ခွင့် မပေးခဲ့တဲ့အတွက် စစ်ကောင်စီဟာ တရားဝင်မှု မရှိဘူးလို့လည်း ဘားမား ကမ်ပိန်း ယူကေက ဆိုပါတယ်။

နိုင်ငံရေး အကျဥ်းသားများ ကူညီစောင့်ရှောက်ရေး အသင်း (AAPP)ရဲ့ အဆိုအရ၊ စစ်ကောင်စီက ဖမ်းဆီးထားတဲ့ နိုင်ငံရေး အကျဥ်းသား ၂၁၅၀၇ ယောက် ရှိနေပြီး ဒေါ်အောင်ဆန်းစုကြည် ဟာ အဲဒီထဲကတယောက် ဖြစ်ပါတယ်။ စစ်တပ် အာဏာသိမ်းကတည်းက ကလေး ၅၈၉ ယောက် အပါအဝင် လူပေါင်း ၂၈၀၀၀ ကျော်ကို ဖမ်းဆီးခဲ့တာပါ။
🌐 https://burmese.voanews.com/a/7936921.html 🌐

15/01/2025

14/01/2025

14/01/2025

😍😍

14/01/2025

နယ်စပ် အွန်လိုင်းငွေကြေးလိမ်လည်တဲ့ ကျားဖြန့် ဂိုဏ်းတွေ ဖျားရောင်းခေါ်ယူတဲ့ရန်ကို စိုးရိမ်ပြီး တရုတ်ခရီးသ...

13/01/2025

တိုက်ပွဲတွေကြောင့် ချောင်းသာ အပန်းဖြေထွက်လိုသူအချို့ ခရီးစဉ်ဖျက်သိမ်း
~~~
■ ဧရာတီတိုင်း ပုသိမ်မြို့နယ်ရဲ့ မြောက်ဘက် အစွန်အဖျား ရွာတွေမှာ တိုက်ပွဲတွေ ပြင်းထန်လာပြီးနောက် ချောင်းသာကမ်းခြေ အပန်းဖြေခရီးစဉ်ကို ဖျက်သိမ်းသူတွေ ရှိလာတယ်လို့ ပုသိမ်မြို့ခံတွေက ဇန်နဝါရီလ ၁၃ ရက်နေ့မှာ ပြောပါတယ်။

ဒီရက်ပိုင်းအတွင်းမှာပဲ ချောင်းသာနဲ့ ငွေဆောင်ကမ်းခြေကို အပန်းဖြေခရီးလာရောက်လည်ပတ်သူတွေ သိသိသာသာ လျော့နည်းသွားတယ်လို့ ဆိုပါတယ်။

အဲဒီကမ်းခြေတွေအနီး တိုက်ပွဲတွေ ရောက်လာတာ မရှိသေးပေမဲ့ စစ်ကောင်စီတပ်က လုံခြုံရေးတိုးချထားတာနဲ့ စစ်ဆေးရေးတင်းကျပ်နေတာကြောင့် ခရီးသွားတွေဘက်က အပန်းဖြေခရီးစဉ်ကို ဖျက်သိမ်းကြတာလို့ ပုသိမ်မြို့ခံတစ်ဦးက RFA ကို ပြောပါတယ်။

“အဓိကကတော့ အချိန်မရွေး တိုက်ပွဲဖြစ်နိုင်တဲ့ အခြေအနေဆိုတော့ ပိတ်မိမှာ စိုးရိမ်ကြတာ။ စက်လှေငှားတာ တွေရော ဘာရောအကုန်ဖျက်ကြတာ။ တချို့ဆို စရန်တွေပါ အဆုံးခံကြတယ်။ ဒီတစ်ပတ်မှာတော့ ပုသိမ်မှာ ဧည့်ရှားတယ်။ ခရီးသည်ကို မတွေ့ရဘူး”

ဒီရက်ပိုင်းမှာပဲ ခရီးသွားဖို့ ကြိုတင်စီစဉ်ထားသူတွေက ချောင်းသာ၊ ငွေဆောင် အပန်းဖြေခရီးစဉ် လက်မှတ်တွေကို ဈေးလျှော့ပြီး ပြန်လည်ရောင်းချလာတာကို လူမှုကွန်ရက်စာမျက်နှာပေါ်မှာ ခပ်စိပ်စိပ် တွေ့လာရပါတယ်။

စစ်ကောင်စီတပ်ကတော့ ချောင်းသာကမ်းခြေမှာရှိတဲ့ ဟိုတယ်နဲ့ ဈေးဆိုင်ခန်းတွေကို မပိတ်ဘဲ ပုံမှန်ဖွင့်လှစ် ရောင်းချဖို့ ဇန်နဝါရီလ ၁၁ ရက်နေ့မှာ အကြောင်းကြားထားတယ်လို့ ဆိုပါတယ်။

ဒီအခြေအနေတွေနဲ့ ပတ်သက်လို့ စစ်ကောင်စီဘက်က တစ်စုံတစ်ရာ မထုတ်ပြန်သေးသလို စစ်ကောင်စီရဲ့ ဧရာ၀တီတိုင်း ပြောခွင့်ရသူ တိုင်းလူမှုရေးဝန်ကြီး ဦးခင်မောင်ကြည်ကို RFA က တယ်လီဖုန်းနဲ့ ဆက်သွယ်ခဲ့ပေမဲ့ လက်ခံဖြေဆိုတာ မရှိသေးပါဘူး။

ဧရာ၀တီတိုင်းနဲ့ ရခိုင်ပြည်နယ်အစပ် ပုသိမ်မြို့နယ်၊ ရွှေသောင်ယံမြို့ ပင်လယ်ကမ်းခြေမှာရှိတဲ့ မကျီးဇင်ရွာ ရဲစခန်းနဲ့ စစ်ကောင်စီတပ်ကင်းစခန်းတွေကို အာရက္ခတပ်တော် (AA) နဲ့ ပူးပေါင်းတပ်တွေက ဇန်နဝါရီလ ၉ ရက်နေ့မှာ တိုက်ခိုက်သိမ်းပိုက်ထားတယ်လို့ ဒေသခံတွေက ပြောပါတယ်။
_________
ချောင်းသာကမ်းခြေသို့ လာရောက်လည်ပတ်သူများကို ၂၀၂၄ ခုနှစ် နိုဝင်ဘာလ ၁၁ ရက်နေ့က တွေ့ရစဉ်။ (Photo: RFA)

#တိုက်ပွဲ #ချောင်းသာ #ခရီးစဉ်ဖျက်သိမ်း #လွတ်လပ်တဲ့အာရှအသံ

13/01/2025

ဒေါ်အောင်ဆန်းစုကြည် ပြန်လွတ်ဖို့ မျှော်လင့်ကြောင်း ဂျပန်သတင်းထောက်ပြော
~~~
■ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အမြန်ဆုံးပြန်လွတ်ဖို့ မျှော်လင့်တယ်လို့ မှတ်တမ်းရုပ်ရှင်ရိုက်ကူးသူ ဂျပန်နိုင်ငံသား သတင်းထောက် တိုရူကူဘိုတာက ပြောပါတယ်။

ဗြိတိန် နိုင်ငံခြားရေးဝန်ကြီးဟောင်း သုံးဦးဖြစ်တဲ့ William Hague, Sir Malcolm Rifkind နဲ့ Jack Straw တို့က ဒေါ်အောင်ဆန်းစုကြည်ကို ပြန်လွှတ်ပေးဖို့ ပြီးခဲ့တဲ့ ဒီဇင်ဘာ ၁၉ ရက်နေ့က တိုက်တွန်းလိုက်တာကို ထောက်ခံတဲ့အနေနဲ့ အခုလိုပြောကြားတာလို့ ဗြိတိန်နိုင်ငံအခြေစိုက် Independent သတင်းဌာနက ဇန်နဝါရီ ၁၂ ရက်နေ့က ဖော်ပြပါတယ်။

ထောင်ဒဏ် ၂၇ နှစ် ချမှတ်ခံထားရတဲ့ ဒေါ်အောင်ဆန်းစုကြည်ဟာ စတင်ဖမ်းဆီးခံရချိန်ကတည်းက ထောင်သီးသန့်ဆောင်မှာ ထိန်းသိမ်းခံထားရဖွယ်ရှိတယ်လို့လည်း ဆိုပါတယ်။

ဒေါ်အောင်ဆန်းစုကြည်ကို ပြန်လွှတ်ပေးဖို့ ဗြိတိန်အစိုးရ ဝန်ကြီးဟောင်း ပေါလ် စကာလီ၊ စင်ကာပူ နိုင်ငံခြားရေးဝန်ကြီး ဗီဗီယန် ဘာလာခရစ်ရှ်နန်နဲ့ ဗြိတိန်နိုင်ငံ Oxford တက္ကသိုလ် St. Huge ကောလိပ် ကျောင်းအုပ်ဆရာမကြီး Lady Elish Angiolini တို့ကလည်း ၂၀၂၄ နှစ်ကုန်ပိုင်းနဲ့ အခုနှစ်ဆန်းပိုင်းမှာ စစ်ကောင်စီကို တိုက်တွန်းထားပါတယ်။

အခုလိုတောင်းဆိုမှုတွေရှိပေမဲ့ ဇန်နဝါရီလ ၄ ရက်နေ့ စစ်ကောင်စီရဲ့ လွတ်ငြိမ်းခွင့်နဲ့ အကျဉ်းသား၊ အကျဉ်းသူ ၅၈၆၄ ဦးကို ပြန်လွှတ်ချိန် ဒေါ်အောင်ဆန်းစုကြည် မပါဝင်ခဲ့ပါဘူး။

ဂျပန်နိုင်ငံသား သတင်းထောက် တိုရူကူဘိုတာဟာ ၂၀၂၂ ခုနှစ်၊ ဇူလိုင်လက ရန်ကုန်မြို့က စစ်ကောင်စီကို ဆန့်ကျင်တဲ့ ဆန္ဒပြလှုပ်ရှားမှုတွေကို မှတ်တမ်းရိုက်ကူးစဉ် ဖမ်းဆီးခံခဲ့ရပြီး ထောင်ဒဏ် ၁၀ နှစ် ချမှတ်ခံခဲ့ရသူဖြစ်ပါတယ်။ ဒါပေမဲ့ သုံးလခန့်အကြာမှာ စစ်ကောင်စီက ပြန်လွှတ်ပေးခဲ့ပါတယ်။
---------------

ဂျပန်နိုင်ငံ တိုကျိုမြို့ရှိ မြန်မာသံရုံးရှေ့တွင် ၂၀၂၃ ခုနှစ် ဖေဖော်ဝါရီ ၁ ရက်က ဂျပန်ရောက် မြန်မာနိုင်ငံသားများ ဆန္ဒပြကြစဉ်။ (Photo: REUTERS)

#ဒေါ်အောင်ဆန်းစုကြည် #ဂျပန်သတင်းထောက် #လွတ်လပ်တဲ့အာရှအသံ

13/01/2025

စစ်ရေးအရှိန်မြှင့်မှာကြောင့် ဘေးကင်းလုံခြုံရေးအစီအမံတွေကို လိုက်နာဖို့ TNLA ဥက္ကဋ္ဌ သတိပေး
~~~
■ ၂၀၂၅ ခုနှစ်အတွင်း တော်လှန်ရေးအဖွဲ့အစည်းတွေက စစ်ရေးအရှိန်မြှင့်သွားမှာဖြစ်တာကြောင့် တိုက်ပွဲတွေအတွင်း ချမှတ်ထားတဲ့ ဘေးကင်းလုံခြုံရေးအစီအမံတွေကို အထူးလိုက်နာကြဖို့ ပလောင်ပြည်နယ်လွတ်မြောက်ရေးတပ်ဦး (PSLF/ TNLA) ဥက္ကဋ္ဌ ဒုတိယဗိုလ်ချုပ်ကြီး တားအိုက်ဘုန်းက သတိပေးပြောကြားလိုက်ပါတယ်။

ဇန်နဝါရီလ ၁၂ ရက်နေ့က ကျရောက်တဲ့ ၆၂ နှစ်မြောက် တအာင်းအမျိုးသားတော်လှန်ရေးနေ့ ဂုဏ်ပြုမိန့်ခွန်းမှာ ထည့်သွင်းပြောကြားခဲ့တာပါ။

မြေပြန့်ဒေသနဲ့ ဆက်စပ်ဒေသတွေမှာ စစ်ရေးအရှိန်မြှင့်သွားမှာလို့လည်း TNLA ဥက္ကဋ္ဌက ထည့်သွင်းပြောဆိုထားပါတယ်။

တအာင်းလူမျိုးအဖိနှိပ်ခံဘဝကနေ တစ်တိုင်းပြည်လုံး ဘုံရန်သူ စစ်အာဏာရှင်တွေရဲ့လက်အောက်ကနေ အလုံးစုံလွတ်မြောက်နိုင်ဖို့ ဆက်လက်ကြိုးပမ်းဆောင်ရွက်သွားမယ်လို့လည်း မိန့်ခွန်းမှာ ပြောကြားထားပါတယ်။

၂၀၂၄ ခုနှစ်တွင်း အောင်ပွဲတွေဆင်နိုင်ခဲ့ပြီး တော်လှန်ရေးအောင်မြင်မှုရောင်ခြည်သန်းလာခဲ့သလို ၂၀၂၅ ခုနှစ်မှာလည်း စစ်အာဏာရှင်ဖြိုချနိုင်ဖို့ စည်းလုံးညီညွတ်အားနဲ့ တော်လှန်ရေးတာဝန်တွေကို ဆက်လက်ကြိုးပမ်းသွားကြဖို့လည်း ပြောပါတယ်။

နိုင်ငံတွင်းကျန်နေသေးတဲ့ ဘုံရန်သူကို အပြီးတိုင်ဖြိုလှဲသွားရမှာဖြစ်ပြီး လေကြောင်းအန္တရာယ်ကိုလည်း တာဝန်သိသိသတိရှိရှိနေကြဖို့ကိုလည်း အထူး မေတ္တာရပ်ခံထားပါတယ်။

ဒါ့အပြင် လက်နက်ကိုင်တော်လှန်ရေးအစုအဖွဲ့အကြား တချို့ပဋိပက္ခတွေကို ရေရှည်နိုင်ငံရေးဖြေရှင်းနိုင်မယ့်နည်းလမ်းကို ရွေးချယ်ပြီး စစ်အာဏာရှင်စနစ် အပြီးသတ်ချုပ်ငြိမ်းနိုင်ဖို့အတွက် လက်တွဲလုပ်ဆောင်သွားမယ်လို့လည်း ဆိုပါတယ်။

ပြောင်းလဲလာတဲ့ကမ္ဘာ့နိုင်ငံရေးအခင်းအကျင်းနဲ့အတူ အိမ်နီးချင်းနိုင်ငံတွေရဲ့ စေ့‌စပ်လှုံ့ဆော်မှုတွေကနေ ပေါ်ပေါက်လာမယ့် နိုင်ငံရေးတွေ့ဆုံဆွေးနွေးဖို့လည်း အမြဲအဆင်သင့်ရှိနေတယ်လို့လည်း ဗိုလ်ချုပ်ကြီး တားအိုက်ဘုန်းက ပြောပါတယ်။

ဒါပေမဲ့ စစ်အာဏာရှင်စနစ်အပြီးတိုင်ချုပ်ငြိမ်းရေးနဲ့ ဖက်ဒရယ်ဒီမိုကရေစီတိုင်းပြည်သစ်ပေါ်ပေါက်ရေးအတွက် ပလောင်ပြည်နယ်လွတ်မြောက်ရေးတပ်ဦး (PSLF/ TNLA ) အနေနဲ့ တခြားတော်လှန်ရေးအင်အားစုတွေနဲ့ ဟန်ချက်ညီညီဆက်လက်တိုက်ပွဲဝင်သွားမယ်လို့ ပြောပါတယ်။

ဒီထုတ်ပြန်ချက်နဲ့ပတ်သက်ပြီး တုံ့ပြန်ချက်ရဖို့ စစ်ကောင်စီရဲ့ ပြောရေးဆိုခွင့်ရှိသူ ဗိုလ်ချုပ်ဇော်မင်းထွန်းကို RFA က ဖုန်းနဲ့ဆက်သွယ်ခဲ့ပေမဲ့ လက်ခံဖြေဆိုတာ မရှိပါဘူး။

စစ်ကောင်စီကို တော်လှန်ရေးအင်အားစုတွေနဲ့ လက်တွဲတော်လှန်သွားမယ်လို့ တအာင်းအမျိုးသားလွတ်မြောက်ရေးတပ်မတော် (TNLA)က တအာင်းအမျိုးသားတော်လှန်ရေးနေ့မှာ ထုတ်ပြန်ထားပါတယ်။
____________
၂ဝ၂၄ ခုနှစ် မေလ ၂၂ ရက်နေ့က ပြုလုပ်ခဲ့သည့် ပလောင်ပြည်နယ်လွတ်မြောက်ရေးတပ်ဦး (PSLF/TNLA) အခြေခံစစ်သင်တန်းဆင်းပွဲအခမ်းအနား မြင်ကွင်းတစ်ခု။

#ပလောင် #တိုက်ပွဲ #သတင်းများ #လွတ်လပ်တဲ့အာရှအသံ