Ceylon Times Network

Home
Sri Lanka
Kalmunai
Ceylon Times Network

உலகம் சொல்லும் செய்திகள் உடனுக்குடன்...
(1)

29/12/2024

சீகிரியாவின் அபிவிருத்திக்கு கொரியாவிடமிருந்து 2.4 பில்லியன் ரூபா உதவி

சீகிரியாவின் பாதுகாப்பு நடவடிக்கைகளை விரிவுபடுத்தவும், சுற்றுலாப் பயணிகளை கவரும் வகையில் சிறப்புத் திட்டத்தை செயல்படுத்தவும் கொரியா சர்வதேச ஒத்துழைப்பு நிறுவனம் முன்மொழிந்துள்ளது.

சிகிரியா பாறைக்கு அணுகு சாலை மேம்பாடு, மாற்று அணுகு சாலை அமைத்தல், சிகிரி அருங்காட்சியகம், உணவகம் மற்றும் பற்றுச்சீட்டு பெறும் இடம் உள்ளிட்ட பல திட்டங்கள் உள்ளன.இந்த திட்டத்தின் மொத்த மதிப்பு 2.4 பில்லியன் ரூபாவாகும்.

அதன்படி, புத்தசாசன, சமய மற்றும் கலாசார அலுவல்கள் அமைச்சின் ஆலோசனையின் பிரகாரம் மத்திய கலாசார நிதியத்திற்கும் கொரியா சர்வதேச ஒத்துழைப்பு நிறுவனத்திற்கும் இடையில் புரிந்துணர்வு ஒப்பந்தம் ஒன்றை கைச்சாத்திடவும் முன்மொழியப்பட்டுள்ளது.

29/12/2024

மனுஷ நாணயக்காரவின் சகோதரருக்கு விளக்கமறியல்

நிதி மோசடி தொடர்பில் கைது செய்யப்பட்டிருந்த முன்னாள் அமைச்சர் மனுஷ நாணயக்காரவின் சகோதரரை எதிர்வரும் 6 ஆம் திகதி வரை விளக்கமறியலில் வைக்குமாறு கம்பஹா நீதவான் நீதிமன்றம் உத்தரவிடப்பட்டுள்ளது.

முன்னாள் அமைச்சர் மனுஷ நாணயக்காரவின் சகோதரர் இன்றைய தினம் கம்பஹா நீதவான் நீதிமன்றில் முன்னிலைப்படுத்தப்பட்டபோதே அவரை எதிர்வரும் 06 ஆம் திகதி வரை விளக்கமறியலில் வைக்குமாறு நீதிமன்றம் உத்தரவிடப்பட்டுள்ளது.

29/12/2024

2024ம் ஆண்டில் காலநிலை மாற்றத்தால் 3,700 பேர் உயிரிழப்பு

ஒவ்வொரு ஆண்டும் காலநிலை மாற்றத்தால் உலக நாடுகள் கடும் பாதிப்புக்குள்ளாகி வருகின்றன. அந்த வகையில் காலநிலை மாற்றம் காரணமாக இந்த ஆண்டு மட்டும் (2024) உலகளவில் 3,700 பேர் உயிரிழந்துள்ளதாக லண்டனை சேர்ந்த உலக வானிலை கண்காணிப்பகம் தகவல் தெரிவித்துள்ளது.

மேலும், காலநிலை மாற்றத்தால் ஆண்டின் சராசரி வெப்ப நாட்களில் 41 நாட்கள் கூடுதலாகி உள்ளது.

மேலும் கடும் வெயில், வறட்சி, காட்டுத்தீ, வெள்ளம் மற்றும் புயல் காரணமாக உலகநாட்டு மக்கள் கடும் அவதியடைந்து உள்ளனர்.

சூடான், நைஜீரியா, கேமரூன் ஆகிய நாடுகளில் வெள்ளப்பெருக்கு ஏற்பட்டு 2 ஆயிரம் பேர் உயிரிழந்துள்ளதாக தெரிவிக்கப்பட்டுள்ளது.

29/12/2024

4 தசாப்த இராணுவச் சேவையிலிருந்து ஜெனரல் சவேந்திர ஓய்வு

ஜெனரல் சவேந்திர சில்வா, 2025ஆம் ஆண்டு ஜனவரி 1ஆம் திகதி முதல் பாதுகாப்புப் படைகளின் பிரதானி மற்றும் இலங்கை இராணுவ செயற்பாட்டு சேவையில் இருந்து ஓய்வு பெறவுள்ளார்.

4 தசாப்தங்களாக இலங்கையின் பாதுகாப்பிற்கு சிறப்பான பங்களிப்பை வழங்கிய இராணுவத் தளபதி சவேந்திர சில்வா, 2020 ஜனவரி 1ஆம் திகதி முதல் பாதுகாப்புப் படைகளின் பிரதானியாக சேவையாற்றினார்.

இவர் இலங்கை இராணுவத்தில் தியத்தலாவவிலுள்ள இலங்கை இராணுவ பீடத்தில் 19ஆவது அதிகாரி கெடெட் ஆட்சேர்ப்பு பாடநெறியில் 1984ஆம் ஆண்டு மார்ச் மாதம் 5 ஆம் திகதி சேர்ந்தார்.

சவேந்திர சில்வா வடக்கு, கிழக்கை மீட்கும் மனிதாபிமான நடவடிக்கையில் விசேடமாக செயற்பட்டிருந்தார்.

அந்த மனிதாபிமான நடவடிக்கையில் 58வது படைப்பிரிவின் தளபதியாக செயல்பட்டார்.

பின்னர் 2019ஆம் ஆண்டு ஓகஸ்ட் மாதம் 19ஆம் திகதி இராணுவத் தளபதியாகத் தேர்ந்தெடுக்கப்பட்டு மே 31, 2022 வரை அந்தப் பதவியில் பணியாற்றினார்.

அதன் பிறகு, அவர் பாதுகாப்புப் படைகளின் பிரதானியாகி நான்கு ஜனாதிபதிகளின் கீழ் பணியாற்றினார்.

அதாவது முன்னாள் ஜனாதிபதிகளான மைத்திரிபால சிறிசேன, கோட்டாபய ராஜபக்ஷ, ரணில் விக்கிரமசிங்க மற்றும் தற்போதைய ஜனாதிபதி அநுரகுமார திசாநாயக்க ஆகியோரின் கீழ் அவர் செயற்பட்டிருந்தார்.

29/12/2024

ICC விருதுக்கு குசல், வனிந்து, ஷமரி பரிந்துரை

சர்வதேச கிரிக்கெட் பேரவையினால் 2024ஆம் ஆண்டுக்கான 'ஆண்டின் சிறந்த ஒரு நாள் கிரிக்கெட் வீரர்' விருதுக்கு, இலங்கையின் வனிந்து ஹசரங்க மற்றும் குசல் மெண்டிஸ் ஆகியோரின் பெயர்கள் பரிந்துரைக்கப்பட்டுள்ளன.

இவர்களைத் தவிர, ஆப்கானிஸ்தானைச் சேர்ந்த அஸ்மத்துல்லா ஒமர்சாய் மற்றும் மேற்கிந்திய தீவுகள் அணியைச் சேர்ந்த ஷர்பான் ரதர்ஃபேர்ட் ஆகிய இருவரும், இந்த விருதுக்காகப் பரிந்துரைக்கப்பட்டுள்ளனர்.

இதற்கிடையில், ஐசிசி 2024ஆம் ஆண்டில் 'ஆண்டின் சிறந்த ஒரு நாள் வீரர்' மற்றும் 'ஆண்டின் சிறந்த டி20 வீரர்' ஆகிய இரண்டு விருதுகளுக்கும், ஷமரி அத்தபத்துவின் பெயரும் பரிந்துரைக்கப்பட்டுள்ளமை குறிப்பிடத்தக்கது.

29/12/2024

தென்கொரிய விமான விபத்தில் உயிர் தப்பிய இருவர்: 179 பேர் பலி

தென் கொரியாவின் முவான் சர்வதேச விமான நிலையத்தில் தரையிறக்கத்தின் போது விமானம் விபத்துக்குள்ளானதில் 181 பேரில், இருவரைத் தவிர அனைவரும் இறந்து விட்டதாக அந்நாட்டின் தீயணைப்பு அதிகாரிகள் தெரிவித்துள்ளனர்.

மேலும் எஞ்சியுள்ள சடலங்களை மீட்க மீட்பு குழுக்கள் தொடர்ந்து தேடி வருகின்றன.

இந்நிலையில் மீட்கப்பட்ட இருவரில் ஒரு பயணி மற்றும் ஒரு விமான ஊழியர் உள்ளடங்குவதாக தெரிவிக்கப்பட்டுள்ளது.

தென்கொரிய விமான விபத்து ஏற்பட்டு சில மணிநேரங்களில் கனடாவில் ஹாலிஃபாக்ஸில் தரையிறங்கிய ஏர் கனடா விமானத்தில் தீப்பிடித்துள்ளது.

இதன்போது, பயணிகள் அதிகளவு பதற்றமடைந்துள்ள நிலையில் விமானத்திற்குள் இருந்து ஒருவர் பதிவு செய்த காணொளி ஒன்று தற்போது வெளியாகியுள்ளது.

சம்பவத்தை தொடர்ந்து ஹாலிஃபாக்ஸ் ஸ்டான்ஃபீல்ட் சர்வதேச விமான நிலையம் தற்காலிகமாக மூடப்பட்டுள்ளது.

பிஏஎல் ஏர்லைன்ஸால் இயக்கப்படும் ஏர் கனடா விமானம் 2259, நியூஃபவுண்ட்லேண்டின் செயிண்ட் ஜோன்ஸிலிருந்து வந்துள்ளது.

இதன்போது, தரையிறங்கும் கியரில் ஏற்பட்ட ஒரு கோளாறு காரணமாக தீ விபத்து ஏற்பட்டது. பின்னர் அது விமானத்தின் ஒரு பகுதி முழுவதற்கும் பரவியது.

ஆரம்ப அறிக்கைகளின்படி, விமானத்தின் டயர்களில் ஒன்று சரியாக இயங்கத் தவறியதால் ஏற்பட்ட சமநிலையின்மை காரணமாக விமானத்தின் இறக்கை ஓடுபாதையில் உரசி தீப்பிடித்துள்ளது.

எனினும் அவசரகால மீட்புக் குழுக்களால்,அனைத்து பயணிகளும் பணியாளர்களும் பாதுகாப்பாக வெளியேற்றப்பட்டனர். உயிரிழப்புகள் குறித்து உடனடி தகவல்கள் எதுவும் இதுவரை வெளியாகவில்லை.

29/12/2024

1 வருடம் 8 மாத சிறுமி பாட்டனின் லொறியில் சிக்கி மரணம்

- சாப்பிட எடுத்த ரொட்டித் துண்டுடன் உயிர் பறி போனது
– 2 மாதங்களுக்கு முன் துபாயிலிருந்து வந்த நிலையில் சம்பவம்

மினிபே, ஹசலக்க, கினபலஸ்ஸ பிரதேசத்தில் வசிக்கும் தம்பதியரின் ஒரு வயது மற்றும் எட்டு மாத பெண் குழந்தை ஒன்று லொறி ஒன்றிற்குள் சிக்கி மரணமடைந்துள்ளது.

நேற்று (28) மாலை இடம்பெற்ற சம்பவத்தில் குறித்த குழந்தையின் தந்தையின் மாமா (சிறிய பாட்டன்) செலுத்திய லொறியில் மோதுண்டு துரதிஷ்டவசமாக உயிரிழந்துள்ளார்.

செனுஷி சிஹன்சா என்ற குழந்தையே உயிரிழந்துள்ளது. உயிரிழந்த குழந்தையின் பெற்றோர் துபாயில் பணிபுரிந்து வருவதோடு, இரண்டு மாதங்களுக்கு முன்பு துபாயிலிருந்து நாடு திரும்பிய குறித்த தாய், மகளுடன் மாத்தறையில் உள்ள அவரது வீட்டிற்கு வந்திருந்தார். அதன் பின்னர் சில வாரங்களுக்கு முன்னர் கீனபலஸ்ஸே ஹசலக்கவில் உள்ள தந்தையின் வீட்டிற்கு வந்துள்ளனர்.

ஹசலக்கவில் தங்கியிருந்த அவர்கள் இன்று (29 மீண்டும் மாத்தறைக்குச் செல்லத் தயாராவதற்காக, வீட்டுக்கு அவசியமான பொருட்களையும் தேவையான நீரையும் எடுத்துச் செல்ல நேற்றையதினம் (28) குழந்தையின் பாட்டன் முறையான நபர், லொறியை வீட்டிலிருந்து செலுத்தியுள்ளார்.

இதன் போது செனுஷிக்கு அவரது தாய் உணவு ஊட்டிக்கொண்டிருந்துள்ளார். ஏனையோர் சமையலறை ரொட்டியை சாப்பிட்டுக் கொண்டிருந்துள்ளனர்.

மகளுக்கு சாப்பாட்டை கொடுத்து முடித்துக் கொண்டு கை கழுவுவதற்காக தாய் சமையலறைக்குச் சென்றுள்ளார். இதன்போது ஒரு ரொட்டித் துண்டை கையில் எடுத்த சிறுமி வீட்டுக்கு வெளியே வந்துள்ளார். அதை அறியாத லொறியை செலுத்திய வேளையில் அதன் பின்புற சில்லுக்குள் சிக்கிய செனுஷி துரதிஷ்டவசமாக உயிரிழந்துள்ளார்.

லொறியில் அடிபட்ட மகளை அக்கம் பக்கத்தினர் மீட்டு மருத்துவமனைக்கு கொண்டு சென்ற போதிலும் மகளின் உயிரை காப்பாற்ற முடியவில்லை.

சிறுமி வீட்டின் முன்னால் லொறியை நோக்கி வந்தபோது, அங்குள்ளவர்கள் எவரும் காணவில்லை என தெரிவிக்கப்படுகிறது.

சம்பவம் தொடர்பில் ஹசலக்க பொலிஸார் விசாரணைகளை மேற்கொண்டுள்ளதுடன், லொறியை செலுத்தி வந்த உயிரிழந்த சிறுமியின் சிறிய பாட்டன் கைது செய்யப்பட்டுள்ளார்.

29/12/2024

கறுவா உற்பத்தியை முன்னேற்ற 2025ம் ஆண்டிலிருந்து புதிய திட்டம்

நாட்டின் பிரதான ஏற்றுமதிப் பயிர்களில் ஒன்றான கறுவாச் செய்கையின் மூலம் 2030 ஆம் ஆண்டளவில் வருடத்திற்கு 500 மில்லியன் அமெரிக்க டொலர் வருமானத்தை ஈட்ட திட்டமிடப்பட்டுள்ளதாக கறுவா அபிவிருத்தித் திணைக்களம் தெரிவித்துள்ளது.

இலங்கையின் கறுவா உற்பத்தி வருடத்திற்கு 25,000 மெற்றிக தொன் வரை என்பதுடன் அதில் 19,000 மெற்றிக் தொன் வரை ஏற்றுமதி செய்யப்படுகிறது. இலங்கையிலிருந்து இலத்தீன் அமெரிக்க வலய நாடுகளுக்கு அதிகமாகக் கறுவா ஏற்றுமதி செய்யப்படுவதுடன் அவை 60% ஆனவை ஆகும். இவற்றில் மெக்சிகோ முன்னணி வகிக்கிறது.

கறுவா அபிவிருத்தித் திணைக்களத்தின் பணிப்பாளர் நாயகம் ஜனக லிந்தர குறிப்பிடுகையில்; தற்போது கறுவா ஏற்றுமதியினால் இலங்கைக்கு வருடத்திற்கு 250மில்லியன் டொலர் வெளிநாட்டு செலாவணி கிடைக்கிறது.
அது தவிர இலங்கையின் பிரதான பெருந்தோட்டப் பயிராக கறுவா உற்பத்தியை முன்னேற்றுவதற்கு 2025 ஆம் ஆண்டிலிருந்து புதிய திட்டம் நடைமுறைப்படுத்தப்படவுள்ளது.

அதன்படி இதுவரை கிடைக்கப்பெற்ற வருமானத்தை இரு மடங்குகளாக அதிகரிக்கும் திட்டம் தயாரிக்கப்பட்டுள்ளதாகவும் அவர் மேலும் தெரிவித்தார்.

29/12/2024

முச்சக்கர வண்டி திருட்டில் ஈடுபட்டு வந்த 5 பேர் கைது

முச்சக்கர வண்டி திருட்டில் ஈடுபட்டு வந்த 5 சந்தேகநபர்கள் கைது செய்யப்பட்டுள்ளனர்.

சீதுவ, ஒருகொடவத்த, கொழும்பு 10 மற்றும் கொழும்பு 14 ஆகிய பகுதிகளைச் சேர்ந்தவர்களே இவ்வாறு கைது செய்யப்பட்டுள்ளனர்.

சந்தேகநபர்கள் கொழும்பு கோட்டை, கிரிபத்கொடை, வத்தளை, பொரளை ஆகிய பகுதிகளில் முச்சக்கர வண்டிகளைத் திருடியுள்ளதாக பொலிஸார் குறிப்பிட்டனர்.

கொழும்பு மத்திய பிராந்திய குற்ற விசாரணைப் பிரிவினரால் கிரேண்ட்பாஸ் பகுதியில் ஐஸ் போதைப்பொருளுடன் கைது செய்யப்பட்ட சந்தேகநபரிடம் மேற்கொள்ளப்பட்ட விசாரணைகளின் போது, திருடப்பட்ட 9 முச்சக்கர வண்டிகள் கைப்பற்றப்பட்டதுடன் அவற்றை தம்வசம் வைத்திருந்த 4 சந்தேகநபர்களும் கைது செய்யப்பட்டதாக பொலிஸார் தெரிவித்தனர்.

29/12/2024

பெண் ஒருவர் பண்டாரநாயக்க சர்வதேச விமான நிலையத்தில் கைது!

கொக்கேய்னுடன் இலங்கைக்கு வந்த பெண் ஒருவரை பண்டாரநாயக்க சர்வதேச விமான நிலைய போதைப்பொருள் கட்டுப்பாட்டு பிரிவின் அதிகாரிகள் குழுவொன்று கைது செய்துள்ளது.

குறித்த பெண் கானாவில் இருந்து வந்தவர் எனவும், அவர் தென்னாபிரிக்க கடவுச்சீட்டுடன் இன்று அதிகாலை 1.50 மணியளவில் கட்டார் எயார்வைஸ் விமானத்தில் நாட்டிற்கு வந்துள்ளதாக தெரிவிக்கப்படுகிறது.

41 வயதுடைய பெண் ஒருவரே கைது செய்யப்பட்டுள்ளார்.

கைதான பெண்ணிடமிருந்து சுமார் 4,068 கிராம் கொக்கெய்ன் போதைப்பொருளை அதிகாரிகள் கைப்பற்றியுள்ளனர்.

29/12/2024

மீண்டும் இரத்த ஆறு ஓட இடமளிக்கமாட்டோம்-சுனில் ஹந்துன்னெத்தி!

இந்த நாட்டில் மீண்டும் இரத்த ஆறு ஓட இடமளிக்கமாட்டோம் என கைத்தொழில் மற்றும் தொழில் முயற்சிகள் அபிவிருத்தி அமைச்சர் சுனில் ஹந்துன்னெத்தி தெரிவித்துள்ளார்.

இன, மத வன்முறைகளைத் தூண்டும் வகையில் கருத்துக்களை வெளியிடுவோருக்கு எதிராகக் கடும் சட்ட நடவடிக்கை எடுக்கப்படும் எனவும், நாட்டில் இன, மத ரீதியிலான சில பிரச்சினைகள் இருக்கின்றமை உண்மைதான், அவற்றுக்கு நாம் தீர்வு காண்போம் எனவும் அவர் தெரிவித்தார்.

எனினும், அந்தப் பிரச்சினைகளை ஊதிப்பெருக்கும் வகையில், வன்முறைகளைத் தூண்டும் வகையில் எவராயினும் கருத்துக்களை வெளியிட்டால் அவர்களுக்கு எதிராகக் கடும் சட்ட நடவடிக்கை எடுக்கப்படும் எனவும் தெரிவித்துள்ளார்.

இந்த நாட்டில் மீண்டும் இரத்த ஆறு ஓட இடமளிக்கமாட்டோம் எனவும், வேரூன்றியிருந்த தேசிய இனப்பிரச்சினை ஆயுதப் போராட்டமாக மாறியதால்தான், வடக்கு மற்றும் தெற்கு இடையேயான உறவு அறுந்ததாகவும், பல்லாயிரக்கணக்கானோர் கொல்லப்பட்டதாகவும் அவர் கூறியுள்ளார்.

இதேவேளை, அந்த நிலைமை மீண்டும் வர இடமளியோம் எனவும் புதிய அரசமைப்பின் ஊடாகத் தேசிய இனப்பிரச்சினைக்குத் தீர்வு காண்போம் என கைத்தொழில் மற்றும் தொழில் முயற்சிகள் அபிவிருத்தி அமைச்சர் சுனில் ஹந்துன்னெத்தி மேலும் குறிப்பிட்டார்.

29/12/2024

சாய்ந்தமருது ஆஸ்பத்திரி வீதியில் ஒரு ஒடுக்கமான பாலம் : பாராளுமன்ற உறுப்பினர் ஆதம்பாவா தீர்வை பெற்றுத்தர கோரிக்கை !

சாய்ந்தமருது ஆஸ்பத்திரி வீதியில் ஒரு ஒடுக்கமான பாலம் அமைந்துள்ளது. அதனை சீரமைக்க அரசியல்வாதிகள் கவனம் செலுத்துவதாக இல்லை என மக்கள் கவலை தெரிவிக்கின்றனர். மக்களின் பிரதான போக்கு வரத்துப் பாதைகளில் ஒன்றான சாய்ந்தமருது ஆஸ்பத்திரி வீதியிலுள்ள தோணாவுக்கு மேலாக குறுக்காக அமைக்கப்பட்டுள்ள ஒரு ஒடுக்கமான பாலமே இது.

இப்பாலத்தின் ஊடாகத்தான் ஆஸ்பத்திரி உப தபாலகம், கமு/ றியாலுல் ஜன்னா வித்தியாலயம், தலைவர் அஷ்ரஃப் ஞாபகர்த்த பூங்கா, சாய்ந்தமருது ஆயுர்வேத மருந்தகம் , மஸ்ஜிதுல் சுஹதா பள்ளிவாசல், சிறிலங்கா யூத் சென்ரர் என்பனவற்றிற்கு செல்ல வேண்டும்.

அபாயகரமான நிலையில் உள்ள இந்த ஒடுக்கமான பாலம் உறுதியான நிலையில் விரிவாக்கப்படல் வேண்டும் என்பது மக்களின் விருப்பமாகும். தினமும் பல நூற்றுக்கணக்கான வாகனங்கள் பயணிக்கும் ஒற்றையடிப்பாலமான சாய்ந்தமருது ஆஸ்பத்திரி வீதிப்பாலம் இன்னும் நம்மவர்களின் கண்களில் படவில்லை. சுனாமிக்குப் பின்னர் சிதைவடைந்தும் அதன் தேவை பலவாறு உணரப்பட்டும் பல தடவைகள் சுட்டிக்காட்டப்பட்டும் அது இன்னும் புனரமைக்கப்படவில்லை.

மில்லியன் கணக்கில் ஒதுக்கீடு செய்யப்படும் இன்றைய காலகட்டத்தில் இப்பாலத்தை புனரமைப்பு செய்ய சாய்ந்தமருதிலிருந்து பாராளுமன்ற உறுப்பினராக இருக்கும் ஏ. ஆதம்பாவா கவனம் செலுத்த வேண்டுமென அப் பிரதேசவாசிகள் கேட்டுக் கொள்கின்றனர்

29/12/2024

பஸ்களை சோதனையிட பொலிஸாரின் விசேட நடவடிக்கை

நாடளாவிய ரீதியில் வாகன விபத்துக்களைக் குறைக்கும் வகையில் பொலிஸாரினால் விசேட போக்குவரத்து நடவடிக்கையொன்று அமுல்படுத்தப்பட்டுள்ளது.

போக்குவரத்து விதிகளை மீறித் தொலைதூர பஸ் சாரதிகள் கவனக்குறைவாக வாகனம் செலுத்தும் விடயம் தொடர்பில் பிரதானமாக அவதானம் செலுத்தப்படவுள்ளதாக தெரிவிக்கப்பட்டுள்ளது.

பயணிகள் பேருந்துகளைச் சோதனையிடுவதற்கு சிவில் உடையில் உத்தியோகத்தர்கள் கடமையில் ஈடுபட்டுள்ளதாகவும், நீண்ட தூரச் சேவை பேருந்துகளில் அவர்கள் பயணிப்பதாகவும் பொலிஸ் தெரிவித்துள்ளது.

29/12/2024

விமான நிலையம் – சுங்கத் திணைக்களத்தில் நடைபெறும் ஊழல்,மோசடிகளை மட்டுப்படுத்த நடவடிக்கை

ஜனாதிபதி அநுர குமார திசாநாயக்கவுக்கும் குடிவரவு- குடியகல்வு திணைக்களம், இலங்கை சுங்கம் ,விமான நிலையம் , விமான சேவை நிறுவனம் ஆகியவற்றின் தலைமையதிகாரிகளுக்கும் இடையிலான கலந்துரையாடல் இன்று (28) ஜனாதிபதி அலுவலகத்தில் நடைபெற்றது.

போதைப்பொருள்,சட்டவிரோத பொருள்கள் நாட்டிற்குள் வருவதைத் தடுத்தல், விமான நிலையம், சுங்கத் திணைக்களத்திற்குள் நடக்கும் ஊழல்,மோசடிகளை மட்டுப்படுத்தல்,சட்டவிரோதமான முறையில் நபர்கள் நாட்டிலிருந்து வெளியேறுவதைத் தடுப்பது குறித்து இதன்போது விரிவாக கலந்துரையாடப்பட்டது.

அதற்காக, குடிவரவு – குடியகல்வு திணைக்களம், இலங்கை சுங்கம்,விமான நிலையம்,விமான சேவை நிறுவனம் ஆகிய மூன்று நிறுவனங்களிலும் இணை கமரா கட்டமைப்பு,கண்காணிப்பு நிலையத்தை ஸ்தாபிக்குமாறு ஜனாதிபதி அநுரகுமார திசாநாயக்க ஆலோசனை வழங்கினார்.

அதேபோல், தற்போதுள்ள ஸ்கேன் இயந்திரங்களுக்குப் பதிலாக மேம்படுத்தப்பட்ட நவீன ஸ்கேன் இயந்திரங்களைப் பயன்படுத்தி இந்த நிறுவனங்கள் ஊடாக நடக்கும் கடத்தல்களை தடுப்பதற்கு நடைமுறை சாத்தியமான புதிய செயல்முறையை ஆரம்பிக்க வேண்டும் என்றும் ஜனாதிபதி குறிப்பிட்டார்.

மேலும், நாட்டு மக்கள் மத்தியில் சுங்கம் தொடர்பில் தற்போது காணப்படும் தவறான புரிதல்கள் களையப்பட வேண்டும் எனவும், அதற்காக கடுமையான ஒழுக்காற்று மற்றும் சட்ட நடவடிக்கைகள் எடுக்கப்பட வேண்டும் என்பதையும் ஜனாதிபதி அநுரகுமார திசாநாயக்க இதன்போது வலியுறுத்தினார்.

வெளிநாட்டு அலுவல்கள் அமைச்சர் விஜித ஹேரத், பொதுமக்கள் பாதுகாப்பு அமைச்சர் ஆனந்த விஜேபால, ஜனாதிபதியின் செயலாளர் கலாநிதி நந்திக சனத் குமாநாயக்க, சுங்கப் பணிப்பாளர் நாயகம் சரத் நோனிஸ், குடிவரவு கட்டுப்பாட்டாளர் நாயகம் (பதில்) பீ.எம்.டி. நிலுஷா பாலசூரிய, நிதி அமைச்சின் பணிப்பாளர் நாயகம் (தேசிய வரவு செலவு) ஜூட் நிலுக் ஷான், விமான நிலையம் மற்றும் விமான சேவை நிறுவனத்தின் தலைவர் எயார் சீப் மார்ஷல் ஹர்ஷ அபேவிக்ரம உள்ளிட்ட அதிகாரிகள் இந்த நிகழ்ச்சியில் கலந்துகொண்டனர்.

29/12/2024

அஸர்பைஜான் விமான விபத்துக்கு காரணம் ரஷ்யாவின் தாக்குதல் – மன்னிப்பு கேட்டார் புடின்

அஸர்பைஜான் விமானம் விபத்துக்குள்ளானமை தொடர்பில், அந்தநாட்டு ஜனாதிபதிக்கு ரஷ்ய ஜனாதிபதி விளாடிமீர் புட்டின் மன்னிப்பு கேட்டுள்ளதாக சர்வதேச செய்திகள் தெரிவிக்கின்றன.

குறித்த விபத்து தொடர்பில் கிரம்ளின் மாளிகை வெளியிட்டுள்ள அறிக்கையில் இந்த விடயம் தெரிவிக்கப்பட்டுள்ளது.

அஸர்பைஜான் விமான நிறுவனத்திற்கு சொந்தமான விமானம் ஒன்று ரஷ்யாவின் க்ரோஸ்னி நோக்கிப் பயணித்த போது கடந்த 26 ஆம் திகதி விபத்துக்குள்ளானதில் 38 பேர் உயிரிழந்தனர்.

இந்த விபத்து குறித்து விசாரணை நடத்தப்பட்டு வரும் நிலையில், உக்ரைன் இடையிலான போரில், ரஷ்ய வான்படைகள் தவறுதலாக இந்த விமானத்தை சுட்டு வீழ்த்தியிருக்கலாம் என செய்திகள் பரவின. இதற்கு, ரஷ்யா எந்த பதிலும் தெரிவிக்கவில்லை.

இந்நிலையில், விமான விபத்து குறித்து அசர்பைஜான் அதிபர் இல்ஹாம் அலியேவிடம், ரஷ்ய அதிபர் புடின் வருத்தம் தெரிவித்ததாக, ரஷ்ய அரசு தெரிவித்துள்ளது. இது குறித்து ரஷ்ய அதிபர் மாளிகையான கிரெம்ளின் வெளியிட்டுள்ள செய்திக்குறிப்பில் கூறப்பட்டுஉள்ளதாவது:

ரஷ்ய வான்வெளியில் நடந்த துயர சம்பவத்திற்கு, அசர்பைஜான் அதிபரிடம், விளாடிமிர் புடின் மன்னிப்பு கோரினார்.

29/12/2024

இந்த வருடத்தில் 350 காட்டு யானைகள் உயிரிழப்பு

கடந்த ஆண்டுகளை விட 2024 ஆம் ஆண்டில் காட்டு யானைகள் பலி எண்ணிக்கை அதிகரித்துள்ளதாக வனஜீவராசிகள் திணைக்களம் தெரிவித்துள்ளது.

இந்த வருடத்தில் சுமார் 350 காட்டு யானைகள் உயிரிழந்துள்ளதாக வனஜீவராசிகள் திணைக்களம் சுட்டிக்காட்டியுள்ளது.

இதேவேளை, துப்பாக்கிச் சூட்டு சம்பவங்களினால் அதிகளவான உயிரிழப்புகள் ஏற்பட்டுள்ளதாகவும் தெரிவிக்கப்படுகின்றது.

மின்சாரம் தாக்கி 50 காட்டு யானைகள் உயிரிழந்துள்ளதாகவும் தெரிவிக்கப்படுகின்றது.

இதேவேளை, ரயில் மோதி 10 காட்டு யானைகள் உயிரிழந்துள்ளதாகவும் தெரிவிக்கப்படுகின்றது.

29/12/2024

இதுவரை 75,000 மெற்றிக் தொன் அரிசி இறக்குமதி

அதில் 32,000 மெற்றிக் தொன் பச்சை அரிசி எனவும், 43,000 மெற்றிக் தொன் நாட்டரிசி எனவும் தெரிவிக்கப்பட்டுள்ளது.

அரிசி இறக்குமதிக்கு வழங்கப்பட்ட காலத்தை ஜனவரி 10 ஆம் திகதி வரை அரசாங்கம் அனுமதி வழங்கியுள்ளமை குறிப்பிடத்தக்கது.

29/12/2024

பயன்படுத்திய தேங்காய் எண்ணெயை சுத்திகரித்து மீண்டும் சந்தைக்கு விநியோகிக்கும் மோசடி

பண்டிகைக் காலத்தை மையமாக கொண்டு நாடளாவிய ரீதியில் வர்த்தக நிலையங்களை சோதனை செய்யும் நடவடிக்கைகள் கடந்த முதலாம் திகதி ஆரம்பிக்கப்பட்டன.

இதன்போது தரமற்ற உணவுகளை விற்பனை செய்த 450 வர்த்தக நிலையங்களுக்கு எதிராக வழக்குத் தொடரப்பட்டுள்ளதாகவும் பொது சுகாதார பரிசோதகர் சங்கத்தின் பிரதம செயலாளர் சமீர முத்துகுட குறிப்பிட்டார்.

இதேவேளை, பயன்படுத்தப்பட்ட தேங்காய் எண்ணெய்யை சுத்திகரித்து மீண்டும் சந்தைக்கு விநியோகிக்கும் மோசடி தொடர்பில் முறைப்பாடுகள் பதிவாகியுள்ளதாக பொது சுகாதார பரிசோதகர்கள் சங்கம் தெரிவித்துள்ளது.

மிளகாய், மஞ்சள், மசாலா வகைகளுடன் பல்வேறு வகையான மா கலக்கப்படுவது தொடர்பிலும் தகவல் கிடைத்துள்ளதாக சங்கத்தின் பிரதம செயலாளர் சமீர முத்துகுட தெரிவித்தார்.

Address

Kalmunai

Telephone

+94774560737

Website

http://www.ceylontimesnetwork.lk/

Alerts

Be the first to know and let us send you an email when Ceylon Times Network posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Ceylon Times Network:

Videos

உயர்நிலை நீதிமன்றங்களில் வழக்கு நடவடிக்கைகளை நிச்சயம் மேற்கொள்வோம். நீதிக்கான எமது போராட்டம் தொடரும்.-சட்டத்தரணி எம்.எம்.எம். முஅஸ்ஸம்

திகாமடுல்ல மாவட்ட பொதுத் தேர்தல் வாக்குகள் மீள எண்ணப்பட வேண்டும் : மனித உரிமைகள் ஆணைக்குழுவில் முறையிட்டார் தே.கா. தலைவர் அதாவுல்லா ! National Congress Noorul Hutha Umar Ishak A RahumanJowsi Abdul JabbarRahmath MunsoorSky Tamil

திகாமடுல்ல மாவட்ட பொதுத் தேர்தல் வாக்குகள் மீள எண்ணப்பட வேண்டும் : மனித உரிமைகள் ஆணைக்குழுவில் முறையிட்டார் தே.கா. தலைவர் அதாவுல்லா !

சீனி வருத்தக்காரனின் கையில் கிடைத்த வட்டிலப்ப கோப்பை போல அனுரவுக்கு இந்த அரசாங்கம் கிடைத்துள்ளது. : சபீஸ் காட்டம்

மக்கள் கருத்து - මහජන මතය

மக்கள் கருத்து - මහජන මතය இம்முறை பாராளுமன்ற தேர்தல் 2024 இல் அனுராதபுர வாழ் மக்களின் மனதில் உதித்த பெயர் இஷாக் ரஹூமான் #parlimentelection2024 Ishak A Rahuman

வஞ்சிக்கப்பட்ட நமது ஹரீஸுக்கு நடந்தது என்ன? மக்கள் மன்றில் ஹரீஸ் உரையாற்றுகிறார்... காலம்: வெள்ளிக்கிழமை மாலை 5.00 மணிக்கு. இடம் : கல்முனை கடற்கரை வீதி பொது விளையாட்டு மைதானம். கட்டணம் செலுத்தப்பட்ட விளம்பரம் #parlimentelection2024 #paidad #திகாமடுல்ல

Ceylon Times Network

29/12/2024

29/12/2024

29/12/2024

29/12/2024

29/12/2024

29/12/2024

29/12/2024

29/12/2024

29/12/2024

29/12/2024

29/12/2024

29/12/2024

29/12/2024

29/12/2024

29/12/2024

29/12/2024

29/12/2024

29/12/2024

Address

Telephone

Website

Alerts

Contact The Business

Videos

மக்கள் கருத்து - මහජන මතය

Paid Advertisment

Paid Advertisment

Shortcuts

Share

Category