25/12/2024
යාන්තම් ඒ සෙනග මැද්දේ
හුස්ම අදුනන රුවක් දැක්කා
අතීතයෙ එක අදුරු දවසක
මගින් මගැරුනු නුඹද සිතුනා
සෙනග අතරින් දුවන් ඇවිදින්
උරහිසට නුඹෙ අතක් තිබ්බා
ස්ථිරයි දැන් මේ නුඹයි ඒ
පණ ටිකයි නුඹ මගේ පෙරදා
හැරිලා බැලුවත් නුඹ මගේ ඇස්
නුඹේ ඇස් ගැස්සෙනවා දැක්කා
එදා මං බර දුන්න බාහුවෙ
වෙන අතක් පැටලිලා තිබ්බා
තප්පරේකට ලෝකෙ නැවතුන
වගේ මට නම් එවෙලෙ දැනුනා
නුඹෙම ලේ ඇගෙ කුස දරාගෙන
අනේ පණ ගැහෙනවා දැක්කා
මට නැතත් දැන් නුඹගෙ අත් දෙක
ඇයට අයිතිව තිබුන හින්දා
නුඹ මගේ පාසලේ මිතුරෙක්
වගේ හැසිරිල හැරිල ආවා
- නවෝ -
Pc - twinkle studio
