01/02/2025
" රාணி " ගැන මගෙ අදහස ..... ❤️
" දන්සල් දොරෙහි නැත යදියෝ
සල්පිල් වලය පුරවැසියෝ
පන්සිල් රකිති මැරවරයෝ
මේ කේතුමතී නුවරයි ....// "
1990 ගනන් වල මෙරට දේශපාලන සමාජ වාතාවරනය තුල එක්තරා දේශපාලන නායකයෙකුගේ අනසක පරිදි රිචඩ් ද සොයිසා නැමති මාධ්‍යවේදීයා අමු අමුවේ මරා දැමූ පුවත අශ්‍රිතව ඔහුගේ මව තම පුතුට සිදු වූ අසාධාරණය වෙනත් දරුවන්ට නොවීමට උත්සුකවන මවකගේ අන්තර්ගතයකින් රාණි චිත්‍රපටය නිර්මාණය කර තිබේ.
මුලින්ම මම කියන්න කැමති Ashoka handagama සර්ගෙ කලින් නිර්මාණය කළ ඇගේ ඇස අග , අසන්ධිමිත්තා, ඇල්බොරාදා චිත්‍රපට වලට වඩා රාණිට පුළුවන් ටිකක් මාව වැඩිපුර සංවේදී කරවන්න.මට දැනෙන විදිහට ඒකට හේතුව චිත්‍රපටයේ මුල ඉඳන් අවසාන වෙනකම්ම අශෝක හදගමයන් ලියලා තිබ්බ ටිකක් වැඩිපුර හිතට දැනෙන සංවේදී දෙබස්.
" මනුස්සය නැතිවෙච්ච ගෑනියෙක්වයි , දරුවෙක් නැතිවෙච්ච ගෑනියෙක්වයි දරා ගන්න තරම් ඔය පත්තිරිප්පුවට හයිය නෑ කරූ "
චිත්‍රපටය තිරගත වෙන්න කලින් ඉඳන්ම චිත්‍රපටයට හොඳ ප්‍රචාරණයක් ලැබුණා.විශේෂයෙන් ඩිජිටල් ප්‍රචාරණ පත්‍රිකාවලින්. ඒ වගේම චිත්‍රපටයේ පූර්ව ප්‍රචාරක පටය ගැනත් කියන්නම ඕනේ. ඒක අමුතුම වැඩක් පහුගිය කාල වකවානුවල නිර්මාණය වුණු චිත්‍රපට පූර්ව ප්‍රචාරකපටවල යම්කිසි හීන ගුණාත්මක බවක් තිබුණාදැයි යන්න පිළිබඳව කතිකාවතක් ගොඩනැගුණු අතර , එය උඩුයටිකුරු කරන්නට රණ්‍ය චිත්‍රපටයේ පූර්ව ප්‍රචාරක පටය සමත් වීී තිබුණි.
Swarna Mallawarachchi සිනමාවේ ගැහැණිය. ස්වර්ණා මල්ලවාරච්චිගෙ රංගනය ගැන කොහොමත් තර්කයක් නෑ.ඇය නිරූපණය කළ චරිත අතුරින් වැඩිපුරම මා සිත් ගත්තේ ඇගේ ඇස අග චිත්‍රපටයේ ඇය නිරූපණය කළ චරිතයයි.මම හිතනවා මගේ අදහස වෙනස් කරන්න මනෝරාණී සරවනමුත්තුට පුළුවන් වුණා කියලා.මනෝරානිට උපරිම සාධාරණයක් කරන්න ස්වර්ණා මල්ලවාරච්ච් උපරිම උත්සාහ කරලා තියෙනවා.එක මිනිත්තුවකටවත් රිචඩ් වෙනුවෙන් එයාගෙ හිතේ තියෙන ආදරය ඒ ඇස්වලින් ගිලිහෙන්න ඇය ඉඩ දුන්නෙ නෑ. අම්මා කෙනෙක්ගේ ආදරය, කාන්තාවගේ තියෙන්න ඕනෙ පෞරුෂය හරි අමුතු විදිහට මම ස්වර්ණා මල්ලවාරච්චිගෙන් දැක්කා.
"මොකක්ද නම"
"මනෝරාණී සරවණමුත්තු"
"මිස් ද මිසිස් ද"
"ඩොක්ටර් මනෝරාණී සරවණමුත්තු"
මේ දෙබස් ඇහුනු ගමන් ඇඟ කිලිපොලා යන්න තරම් ඇය ඒ චරිතය තුළ ජීවත් වුණා. ක්ෂණයෙන් හැඟීම් වලට මාරු වෙමින් විවිධ රංගන අවස්ථාවන්ට ක්ෂණිකව මාරු වෙන්න පුළුවන් පුදුම හැකියාවක් ඇයට තිබුණා.
" එයාට ගහන්න එපා, මගේ රිචඩ්ට පුංචි කාලෙවත් මම ගහලා නෑ."
රිචඩ් ද සොයිසා කාලයක් ලංකාවේ මිනිස්සු පුදුම විදිහට ආදරය කරපු චරිතයක්. Rehan Amaratunga ශ්‍රී ලාංකීය ඉංග්‍රීසි වේදිකා නාට්‍ය රූපණ ශිල්පියෙක්.ඔහු සිනමාවට නවකයෙක්.නමුත් සුළු මොහොතකටවත් ඔහු සිනමාවට නවකයෙක් යන්න ප්‍රේක්ෂකයාට නොතේරෙන්නට චරිතය ඇතුලේ ඉතා විශිෂ්ට ලෙස ජීවත් වුණා.සාම්ප්‍රදායික මව් පුතු භූමිකාවලින් එහාට ගිහින් එකිනෙකාට අන්‍යෝන්‍ය අවබෝධයෙන් ජීවත් වෙන දෙදෙනෙක් සම්බන්ධය ගොඩනගන්න රෙහාන් උපරිම උත්සාහ කරලා තිබුණා. "අම්මා" කියල රෙහාන්ගෙ කටින් හරිම ආදරණීය විදිහට කියවෙකොට ඒක හරි අමුතු විදිහට පපුවට දැනෙනවා.රිචඩ්ට ඕනතරම් පෙම්වතියන් ඉන්න ඇති. ඒ වගේම පෙම්වතුනුත්.චිත්‍රපටය ගලායන විට රිචඩ් ගයාන්ව වැළඳගෙන සිටින අවස්ථාව, එය දුටු මනෝරාණිට රිචඩ් එය පැහැදිලි කරන අවස්ථාව, මාඝාත වේදිකා නාට්‍ය නරඹා එන අතරමග දෙදෙනා හතර හුවමාරු වන සංවාදය වැනි අවස්ථා රෙහාන්ගේ විශිෂ්ට රංගනය සාක්ෂි දරයි.
ඊට අමතරව චිත්‍රපටයේ අනෙකුත් චරිතයන් පවා ඉතා විශිෂ්ට රංගන හැකියාවක් නිරූපණය කරලා තියෙන්නෙ රාණි තව තවත් ඉහළට ඔසවා තබමිනුයි.
Sanath Gunathilake ( ලලිත් ඇතුළත්මුදලි )
Mayura Kanchana( කරූ )
Rithika Kodithuwakku ( තරුණ යුවතිය )
Sajitha Anuththara Anthony ( ගයාන් )
Priyantha Lalith ( ජනාධිපති රණසිංහ ප්‍රේමදාස )
Bimal Jayakodi ( මහින්ද රාජපක්ෂ )
Ashan Dias ( මංගල සමරවීර )
Anusuya Subasinghe , Sawumya Liyanage ( අසල්වාසීන්
කින් රත්නම් ප්‍රමුඛ මැරයින්
මේ ආදී සෑම චරිතයක්ම චිත්‍රපටයේ සාර්ථකත්වයට තමන්ගේ උපරිම දායකත්වය දක්වලා තිබුණේ ඉතාමත් විශිෂ්ට ආකාරයට.
චිත්‍රපටය ගලා යන මධ්‍යයේ අශෝක හඳගමයන්ගේම මාඝාත වේදිකා නාට්‍ය ගර්භ නාට්‍යයක් ආකාරයට සම්බන්ධ කර තිබීම චිත්‍රපටයේ අන්තර්ගතය තව තවත් තීව්‍ර කිරීමට උපයෝගී වී තිබුණු අතර , එයද චිත්‍රපටයේ ගුණාත්මකභාවය තව තවත් ඉහළට නැංවීමට උපයෝගී වී තිබුණි .
මීට අමතරව චිත්‍රපටයේ වේශ නිරූපණය, කැමරා කෝණ භාවිතය, සංවාද භාවිතය, සංකේත භාවිතය ද ඉතාමත් ඉහළ මට්ටමක තිබුණි .
චිත්‍රපටයේ වේෂ නිරූපණය ප්‍රියන්ත දිසානායක විසින් සිදුකර තිබුණු අතර සෑම නිරූපන ශිල්පියෙකුම ඔවුන්ට අදාළ සැබෑ චරිතය ලෙසින්ම ප්‍රතිනිර්මාණය කිරීමට ඔහු සමත් වී තිබුණි .
චිත්‍රපටයේ මා දකින තවත් සුවිශේෂතාවයක් වන්නේ චිත්‍රපටයේ සංකේත භාවිතයයි.චිත්‍රපටයට හානි නොවන ආකාරයට උචිත තැනදී උචිත සංකේත භාවිත කර තිබීම නිසා චිත්‍රපටයේ ගුණාත්මක භාවය දෙගුණ තෙගුණ වී තිබුණි. එයින් මා වඩාත් සිත් ගත්තේ රිචඩ්ගේ මිනීපෙට්ටිය පෙන්වා ඊට පසුව මනෝරාණි අවමංගල්‍ය දේශනය අවසන් කරනවාත් සමඟම පෙන්වන මරිය තුමිය ජේසුස් වහන්සේ තම උකුලේ හොවා සිටින දර්ශනයයි.
ඊට අමතරව චිත්‍රපටයේ කීප තැනකදීම අපි අහලා තියෙන ගීත කිහිපයක්ම හරි අපූරු විදිහට භාවිත කරලා තිබුණා.
" Don't they know
It's end of the world
It ended , when you say
Good Bye "
" සඳහිරු තරු පවතිනතුරු
අපි මැරෙන්නෙ නෑ,
අනග තරුණ බමර අපී
අමර වරම අපට හිමී
අපි මැරෙන්නෙ නෑ ....//"
" මැරුණත් මේ පුරේ
මේ මනරම් සමේ
ඉපදෙන්න යළි වාසනා "
මවකගේ අසීමාන්විත ප්‍රේමය, මළ තම එකම පුතු වෙනුවෙන් කැපකරමින් ගෙවූ ඒ කාල පරිච්ඡේදය මනාව ප්‍රේක්ෂකයා හට දනවන්නට රාණි චිත්‍රපටයට හැකි වී ඇත.
මෙය හුදු චිත්‍රපටයක්ම නොව ආදරය, දයාව, මිත්‍රත්වය හා මව් සෙනෙහස කැටිකරගත් තනිවීම , බලය, ප්‍රතිචාර , මුහුණදීම්, ඉල්ලීම්, පෙළඹවීම් , හැගීම් මැදින් ගලායන විශිෂ්ටතම නිමැවුමක් ලෙස " රාණී" නම් කල හැකිය.
ඔබත් අදම නරඹන්න රාணி.
" පුතුනේ නිදන්න.......//
දසමසක් මකුස තුළ ගුලිවී
සිටින මෙන් ඔබ නිදන්න,
පුතුනේ නිදන්න "
සටහන
සුනෙත් සංදීප
පුංචි ඉල්ලීමක් පුළුවන්නම් මගේ Page එක Follow කරගෙන යනවද ?
https://www.facebook.com/share/1B5CbyG3rG/
