22/12/2024
Seollal (ကိုရီးယား: 설날 ;RR: Seollal ;MR: Sŏllal ) ကတော့ လပြက္ခဒိန်ရဲ့ ပထမဆုံးနေ့ကို အထိမ်းအမှတ်ပြုလုပ်တဲ့ ကိုရီးယား ရိုးရာ ပွဲတော်ဖြစ်ပြီး အမျိုးသား အားလပ်ရက် အဖြစ် ဆိုင်တွေ၊ ကျောင်းတွေ ပိတ်တဲ့ ရက်တစ်ရက်လဲ ဖြစ်ပါတယ်။ ဒီလိုနေ့ရက်မျိုးကို မြောက်ကိုးရီးယားနဲ့ တောင်ကိုးရီးယားအပြင် ကမ္ဘာတစ်ဝှမ်းက ကိုရီးယားလူမျိုးတွေပါ ကျင်းပတဲ့ အရေးအကြီးဆုံး ရိုးရာအားလပ်ရက်တွေထဲက တစ်ခုဖြစ်ပါတယ်။ ဒီရက်မှာ မိသားစုတွေ တွေ့ဆုံစားသောက်ကြရင်း ပျော်ရွှင်စွား အနားယူ ဖြတ်သန်းကြပါတယ်။ ဒီလိုရက်မျိုးမှာ စားသောက်ကြတဲ့အခါ မပါမဖြစ်စားကြတဲ့ အစားအစာတွေကို ပြောပြပေးသွားမှာဘဲ ဖြစ်ပါတယ်။
Tteokguk (떡국၊ Rice cake soup)
Tteokguk (떡국) ကတော့ အသားပြုတ်ရည် (များသောအားဖြင့် အမဲသား သို့မဟုတ် ငါးနီတူနဲ့ ပြုလုပ်ထားပြီး) နဲ့ tteok (떡၊ Rice cake) တို့ ပါဝင်တဲ့ စွ်ပြုတ်ဟင်းရည်ဖြစ်ပါတယ်။ အရသာပိုကောင်းစေဖို့ ကြက်ဥ၊ အသား ဒါမှမဟုတ် ရေညှိကိုလည်း ထည့်နိုင်ပါတယ်။ ဟင်းချိုရဲ့ ကြည်လင်မှူဟာ နှစ်သစ်မှာ သန့်ရှင်းလတ်ဆတ်စွာ စတင်နိုင်ဖို့ကို ကိုယ်စားပြုပြီး Rice cake ရဲ့ ဘဲဥပုံသဏ္ဍာန်ကတော့ နှစ်သစ်မှာ ကံကောင်းခြင်းတွေကို ယူဆောင်လာပေးစေမယ့် အကြွေစေ့ပုံစံ ကိုယ်စားပြုပါတယ်။ မကြာသေးတဲ့ နှစ်တွေအတွင်းမျာ Manduguk (만두국၊ ဖက်ထုပ်စွပ်ပြုတ်) ကိုလည်း Seolllal အတွက် အစားအစာပြင်ဆင်တဲ့အခါမှာ အသုံးပြုလာကြပါတယ်။ ဒီချက်နည်းအတိုင်းကိုဘဲ Rice cake နေရာမှာ Mandu (만두၊ ဖက်ထုပ်) ကို အစားထိုးလိုက်တာဘဲ ဖြစ်ပါတယ်။
Saebom Tteokguk Guksu (새봄떡국국수) - 62-15 Chungjeongno 1(il)-ga၊ Jung-gu၊ ဆိုးလ် (서울 중구 충정로1가 62-15)
Myeongdong Kalguksu (명동칼국수) - 16 Namdaemun-ro၊ Jung-gu၊ ဆိုးလ် (서울중구남대문로 16)
အခုဖော်ပြထားတဲ့ ဆိုင်တွေကတော့ ဆိုးလ်မှာ ဒီစွပ်ပြုတ်သွားစားချင်ရင် စမ်းစားကြည့်သင့်တဲ့ ဆိုင်တွေဘဲ ဖြစ်ပါတယ်။
Mandu (만두၊ ဖက်ထုပ်)
Mandu (만두) ကတော့ ဂျုံမှုန့်နဲ့ ပြုလုပ်ထားတဲ့ ဖက်ထုပ်ရွက်ကို အသား၊ တို့ဟူးနဲ့ ဟင်းသီးဟင်းရွက်တွေ ရောစပ်ထားတဲ့ ကိုရီးယားဖက်ထုပ်တွေဘဲ ဖြစ်ပါတယ်။ ကိုယ်လိုချင်တဲ့ အရသာပေါ်မူတည်ပြီး ပင်လယ်စာ ဒါမှမဟုတ် တခြားပါဝင်ပစ္စည်းတွေလည်း ထပ်ထည့်နိုင်ပါတယ်။ Mandu ကိုတော့ ကြော်၊ ပြုတ်၊ ပေါင်း ကိုယ်ကြိုက်နှစ်သက်သလို စားလို့ရပါတယ်။ Mandu ရဲ့ပုံသဏ္ဍာန်ကတော့ ကံကောင်းခြင်းတွေကို ကိုယ်စားပြုတဲ့ အိတ်တစ်လုံးနဲ့ ဆင်တူပါတယ်။ Mandu ကို Seolllal အစားအစာ အဖြစ် မိသားစုတစ်စုလုံးနဲ့ မျှဝေစားခြင်းဟာ ကံကောင်းခြင်း၊ ချမ်းသာခြင်းတွေ ရရှိနိုင်မယ်လို့ ယုံကြည်ကြပါတယ်။ ဆိုးလ်မှာ ဖက်ထုပ်နဲ့ ပတ်သက်ရင်တော့ အောက်က ဆိုင်တွေကို သွားစားကြည့်သင့်ပါတယ်။
Myeongdong Kyoja (명동교자) 29 Myeongdong 10-gil၊ Jung-gu၊ ဆိုးလ် (서울 중구명동10길 29)
Chang Hwa Dang (창화당) 23 Supyo-ro 28-gil၊ Jongno-gu၊ ဆိုးလ် (서울 종로구 수표로28길 23)
Bulgogi (불고기၊ အသားကင်)
Bulgogi (불고기) ကို ဘာသာပြန်မယ်ဆိုရင် ပါးပါးလေး၊ နှပ်ထားတဲ့ အသားချပ်တွေကို ကင်ထားတဲ့ "အသားနှပ်ကင်" လို့ အဓိပ္ပါယ်ရပါတယ်။ အသီးအရွက်တွေ မျိုးစုံပါတဲ့ အရံဟင်း (Banchan) နဲ့တွဲစားလေ့ရှိပါတယ် ။ Bulgogi က များသောအားဖြင့် အမဲသားနဲ့ ပြုလုပ်ကြပေမယ့်လည်း တချို့စားသောက်ဆိုင်တွေမှာ ဝက်သားနဲ့လည်း ရရှိနိုင်ပါတယ်။ မိသားစုစုံစုံလင်လင်နဲ့ အသားကင်တူတူစားရင်း အားလပ်ရက်မှာ အရသာရှိရှိ ဖြတ်သန်းနိုင်မှာဘဲ ဖြစ်ပါတယ်။ ဆိုးလ်မှာ Bulgogi ဆိုင်ကောင်းတွေ များစွာရှိပေမယ့်လည်း ဒီဆိုင်တွေလဲ သွားစားကြည့်ဖို့ မမေ့ပါနဲ့။
Daewang Gochujang Bulgogi (대왕고추장불고기) 34-6 Jandari-ro 6-gil, Mapo-gu, ဆိုးလ် (서울 마포구 잔다리로6길 34-6)
Kongbul Sinchon (콩불 신촌점) 35 Yonsei-ro၊ Seodaemun-gu၊ ဆိုးလ် (서울 서대문구 연세로 35)
Galbi-jjim (갈비찜၊ နံရိုးပြုတ်)
Galbi-jjim (갈비찜) ကတော့ အမဲနံရိုးကို ပြုတ်ထားတဲ့ ဟင်းဖြစ်ပြီး Galbi ကတော့ အသားလှီးဖြတ်ပုံကို ပြောတာဖြစ်ပြီး Jjim ကတော့ ချက်ပြုတ်နည်းကို ဆိုလိုတာ ဖြစ်ပါတယ်။ အသားကို နူးညံ့သွားအောင် ပြုတ်ထားပြီး အရသာရှိရှိ ချက်ပြုတ်ထားတာ ဖြစ်ပါတယ်။ သမိုင်းကြောင်းအရ အသားကတော့ လူမှုအဆင့်အတန်းရဲ့ သင်္ကေတတစ်ခု ဖြစ်ပြီး နှစ်သစ်အတွက် အသား စားခြင်းဟာ စီးပွားလာဘ်လာဘ ပေါများလာဖို့ဆိုပြီး ယုံကြည်ကြပါတယ်။ အမဲသားကို Seolllal အစားအစာအဖြစ် တွင်ကျယ်စွာ အသုံးပြုလာကြတာဟာ အမဲသားမှာ ပရိုတင်းနဲ့ တခြားအာဟာရဓာတ်များစွာ ပါဝင်လာတာကြောင့် ကျန်းမာရေးကို အထောက်အကူပြုတာကြောင့်လဲ ဖြစ်ပါတယ်။ နံရိုးပြုတ်ကောင်းကောင်းလေးကို ဆိုးလ်မှာ စားချင်တယ်ဆိုရင်တော့ 👇👇👇👇👇👇
Siksin Spicy Galbi-jjim (식신매운갈비찜) 105-ho, 68 ကမ္ဘာ့ဖလား Buk-ro 5-Gil, 104, Mapo-gu, ဆိုးလ် (서울 마포구 월듸겼둨둨둜 8끴겵 스2차아파트상가 104,105호
Sosinisso (소신이쏘) 19 Yonsei-ro 5-ga (gil) 1-cheung, Seodaemun-gu, ဆိုးလ် (서울 서대문구 연세로5가길 19 1층)
