18/11/2024
ကျနော်ရဲ့ ဒုတိယမှတ်တိုင်တခုပါ
Ganwoljae 900m
Ganwolsan 1069m
ပထမမှတ်တိုင်က 641m မြင့်တဲ့ ဘဲ့ဂယောင်းတောင်ပါ
ပြီးခဲ့တဲ့ Saturday တက်နေကျ ဘဲ့ဂယောင်းတောင်ကို တက်ပြီး Sundayကျ အသစ်တခုတက်ကြည့်ရအောင် တလကို ၃ကြိမ်လောက် တောင် တက်နေပြီး
Stairs ကလည်း အထပ် ၂၀ လောက်ကို အတက်အဆင်း ၅ခေါက် တပတ် ၄ရက်လောက်ကျင့်နေတော့ လုပ်နိုင်မှာပါပေါ့
အဲ့ဒါနဲ့ တောင်ကိုရီးယားနိုင်ငံ အူဆန်မြို့က Yeongnam Alps တောင်တန်းတွေစီ သွားခဲ့တယ်
နေရာကတော့ အတော်မိုက်တာဗျ
တောင်ခြေမှာ welcome center ကြီးရှိနေတာ
Rock climbing တဲ့သူတွေအတွက်ပါ နေရာတွေရှိနေတာ ကံကောင်းတော့ အဲ့ climber တွေ event ရယ် တောင်နဲ့ပတ်သက်တဲ့ ရုပ်ရှင် event က ရှိနေတော့ အတော်စည်ကားနေတာပဲဗျ ရုပ်ရှင်သရုပ်ဆောင်တွေ အဆိုတော်တွေပါဖိတ်ထားတယ်ဗျ
ခပ်တည်တည်နဲ့ ဖိတ်ကြားထားတဲ့သူတွေကိုကျွေးတဲ့ ဘူဖေးကိုလည်း နည်းနည်း၀င်စားမိခဲ့သေး သူတို့က နိုင်ငံခြားသား ဧည့်သည်ထင်ပြီးခေါ်တာကို
ကိုယ်ကလည်း အလှူထင်တာလေ ၀င်စားတာပေါ့😅 နောက်မှ လူကြီးမင်း guest ကတ်လေးရော
ရှိ၀ူးလေလို့ သူခေါ်လို့လို့ မှားယွင်းတာပါဆိုပြီး တောင်းပန်ပြန်လွှတ် ကို
ပြီးတော့ ဒီ Yeongnam alps က တောင် ၉ လုံးကိူ သတ်မှတ်ကာလအတွင်းတက်နိုင်ရင်လည်း ဆုရမှာဗျ
တောင် တတောင်တက်တာနဲ့ certificate တံဆိပ်တုံး တခုရမှာပေါ့ app download ရမှာတွေ အလုပ်ရှုပ်တာရယ် အဲ့လေုက်တက်နိုင်မယ်လည်းမထင်လို့ မလုပ်ခဲ့ပါဘူး
ကားလမ်းကတက်ရသလို တောလမ်းလည်းတက်ရပါတယ် ကျနော်ကတော့ တောလမ်းတက်ကတက်ခဲ့ပါတယ်
Iced Americano လေးတခွက်နဲ့ အားဖြည့်ပြီး စတက်ခဲ့တယ် တောလမ်းက အတော်စိူနေတာ ကျောက်တွေကလည်း မတရားချော် ဖိနပ်ကျေးဇူးနဲ့ ဘေးကင်းတယ်လို့ပြောရမယ် ပုံရိုက်ဖို့အခြေနေတောင်မပေးဘူး
သဘာ၀ ရေတံခွန်တွေကတော့ အရမ်းကိုလှတယ်
အခြေအနေက ပျော်လိုက် ပြဲလိုက်ပဲ
အစကသာ အေးသလိုလိုရှိတာ တောင်ခြေ စတက်ထဲက မအေးလိူ့ jacket ခါးစည်းတက်ရတယ်
ခြေထောက်တဖက် သိပ်မကောင်းတော့ ထိမှာလည်းကြောက်လို့ အတော်ဂရုစိုက်တက်ရပြီး အပေါ်မြင့်လေ မြူဖုံးပြီး မမြင်ရလေမို့ အအေးဓါတ်ကလည်း အတော်ပိုလာတာမို့ ကိူယ်တွေတက်ချင်တဲ့ point ရောက်ပါ့မလား
ရောက်ရင်ရော မြင်ရပါ့မလား မမြင်ရရင် တောင်ထိပ်ထိဆက်မတက်ပဲ ဆင်းဖိူ့ဆုံးဖြတ်ထားပါတယ်
ကံတရားက ကိုယ့်ဘက်ပါတယ်ပြောရမလား အပေါ်ရောက်တဲ့ လေကြမ်းပြီး မြူတွေပါသွား အေးချက်ကတော့
သူ့နိုင်ငံသားတောင် မခံနိုင်လို့ တုန်တက်လို့နေပါတယ် သိူ့သော် အနှုတ် ၁၈ လောက် နှင်းထဲ အလုပ်လုပ်ခဲ့ရဖူးလို့လားမသိ သိပ်မဖြုံတော့ဘူး
ကျနော်မေ့နိုင်မယ် မထင်တာ အဲ့နေရာ အရမ်းလှလွန်းတယ်
တောင်၂ တောင်ကြားထဲက နေရာလေး Ganwoljae လို့ခေါ်တာပေါ့ အမြင့် 900 m မှာရှိတာ
Rest camp ရှိတယ် mess hall လေးတခုရှိတယ်
တခြားတောင်တွေစီကို ဒီကတဆင့် ခရီးဆက်ရမှာပါ
Diet အနေထားနဲ့ တောင်တက်ရတာတော့မမိုက်၀ူးဗျ သူများတွေ ကြက်ကြော်တွေထမင်းလိပ်တွေထည့်လာပြီး mess hall က ခေါက်ဆွဲပြုတ်ဘူးတွေ ပူပူနွေး စားနေကျချိန် ကိုယ်က ကြက်ဥပြုတ်အေးအေးကြီး chicken breast နဲ့ ဆလတ်ရွက်တွေ၀ါးနေရတယ်
တခြားပါတာ vitamin C ဆေးပြားပဲပါတော့ အာ့ကြီး ငုံတက်နေရတယ်
အဲ Ganwoljae ရောက်မှ သိခဲ့ရတာ အဲ့နေရာက နာမည်ကြီး drama Crash Landing on you ရိုက်ခဲ့တဲ့နေရာတဲ့ဗျ
အစက para gliding စီးတဲ့နေရာထင်တယ် အူဆန်ကနေ မြောက်ကိူရီးယားကတော့ အတော်ဝေးတာ ဇာတ်လမ်းဆိုတော့လည်း 😁
အဲ့နေရာကနေကို အတော်မခွာနိုင် လှလို့
သို့သော်လည်း တောင်တတောင်ထိပ်တော့ရောက်ရအုံးမယ်လေ ဆက်တက်လာခဲ့ပါတယ် မြေသားနည်းပြီး ကျောက်သားတွေကြည့်မို့ တက်ရတာ တိုင်တော့ပတ် ကိုယ်က amateur အဆင့်
ဘေးကြည့်တော့လည်း အနက်ကြီး
တောင်တက်တယ်ဆိုထဲက အမြင့်ကလည်း မကြောက်တတ်တာမို့သာ
အဲ့လို့နဲ့ ဆက်တက်ခဲ့ပါတယ် မတရား အအေးကြီးထဲ တနာရီခွဲ လောက်ဆက်တက်ခဲ့ပါတယ်
ကြိုးစားတက်ရင်းနဲ့ပဲ နောက်ဆုံးတော့
Ganwolsan 1069m ကို အောင်မြင်စွာ တက်ရောက်နိုင်ခဲ့ပါတယ်
ကျနော် တောင်တက်ရတာပဲကြိုက်တယ် အဆင်းမကြိုက်ပါဘူး တောင်တက်တာ ကျန်းမာရေးနဲ့ညီညွတ်သလောက် အဆင်းက ဒူး နဲ့ ခြေဖဝါးက်ု အတော်ထိတယ်
ဖြစ်နိုင်ရင် zipline လေးနဲ့ ၀ှီးခနဲသာ ဆင်းချင်ပါတယ်
Ganwolsan အတက်ခက်တော့ အဆင်းပ်ိုတိုင်ပတ်ပါတယ်
သို့သော် ကျနော်က တခြား professional ကြောင့် rappelling နည်းနည်းရလို့ အထိန်း ကြိုးလေးနဲ့ တောင်ကိုကန်ပြီး မြန်မြန်ဆင်းနိုင်ပင်မယ့် ကောင်မလေးက အဆင်းကြောက်လို့ တလမ်းလုံး သူ့သာ ဂရုစိုက်လက်တွဲခေါ်ခဲ့ရတယ်
ပြုတ်ကျမလို ခြေနေပါ ဖြစ်ခဲ့သေး လက်မြဲလို့သာ
ဘယ်လိုဖြစ်ဖြစ် အောင်မြင်ခဲ့ပါတယ် သွားဖူးသမျှထဲ အလှဆုံးတောင်တန်းတခူပါပဲ
