BAYON Radio News

  • Home
  • BAYON Radio News

BAYON Radio News Bayon Radio is leading radio broadcasting in Cambodia

ស្រុកសាមគ្គីមានជ័យ៖បេក្ខជនក្រុមប្រឹក្សាគណបក្សភ្លើងទៀន ១៣រូបនៅក្នុងឃុំស្វាយជុក ស្រុកសាមគ្គីមានជ័យ ខេត្តកំពង់ឆ្នាំង បានយល់...
30/12/2024

ស្រុកសាមគ្គីមានជ័យ៖

បេក្ខជនក្រុមប្រឹក្សាគណបក្សភ្លើងទៀន ១៣រូបនៅក្នុងឃុំស្វាយជុក ស្រុកសាមគ្គីមានជ័យ ខេត្តកំពង់ឆ្នាំង បានយល់ច្បាស់គុណតម្លៃសន្តិភាពនិងការអភិវឌ្ឍជាតិពិតប្រាកដ ពួកគាត់សម្រេចប្រកាសផ្តាច់ខ្លួនពីបក្សប្រឆាំង និងបានគោរពដ៏ខ្ពង់ខ្ពស់ស្នើសម្តេចតេជោ សុំចូលរួមជីវភាពនយោបាយជាមួយគណបក្សប្រជាជនកម្ពុជាក្នុងនេះ ពួកគាត់ក៏បានចូលរួមអបអរសាទរនូវទិវាសន្តិភាព។

គួរបញ្ជាក់ផងដែរថា៖ ទន្ទឹមនឹងការផ្តាច់ខ្លួន ពួកគាត់បានប្រកាសគាំទ្ររដ្ឋាភិបាលកម្ពុជា ក្នុងការបង្កើតច្បាប់ដាក់ក្រុមជ្រុលនិយម ជាក្រុមភេរវករ។

ព្រឹត្តិការណ៍ «សាទរកម្ពុជា» ពោរពេញទៅដោយសិល្បៈ វប្បធម៌ ទាំងបុរាណ និងសហសម័យ រួមបញ្ចូលគ្នា ដើម្បីអបអរសាទរដល់ដំណើរវិវឌ្ឍន៍ដ៏...
30/12/2024

ព្រឹត្តិការណ៍ «សាទរកម្ពុជា» ពោរពេញទៅដោយសិល្បៈ វប្បធម៌ ទាំងបុរាណ និងសហសម័យ រួមបញ្ចូលគ្នា ដើម្បីអបអរសាទរដល់ដំណើរវិវឌ្ឍន៍ដ៏វែងឆ្ងាយរបស់កម្ពុជា ក្រោមម្លប់ដ៏ត្រជាក់នៃសុខសន្តិភាព ។

ជួបគ្នានៅថ្ងៃទី៣១ ខែធ្នូ ឆ្នាំ២០២៤ នៅសួនច្បារមុខព្រះបរមរាជវាំង ចាប់ពីវេលាម៉ោង ៣:០០ រសៀល រហូតដល់ម៉ោង ១:០០ ទាបភ្លឺ។

ការត្រៀមលក្ខណ:​ ការរៀបចំតុបតែងលម្អ​ ការហាត់សម​ និងផែនការផ្សេងៗត្រូវបានរៀបចំរួចរាល់​ ដេីម្បីនឹងសម្តែង​ តាំងបង្ហាញ​ ក៏ដូចជាបង្កការសប្បាយរីករាយជូនបងប្អូន​ អ៊ំពូមីង​ តាយាយមហាគ្រួសារខ្មែរ​ និងភ្ញៀវជាតិ​ និងអន្តរជាតិ​ ទស្សនាកំសាន្ត​ និងស្វែងយល់ពីវប្បធម៌ប្រពៃណីខ្មែរ​ ព្រមទាំងសាទរជាមួយនឹងសមិទ្ធផលជាច្រេីនរបស់កម្ពុជា។

សូមអញ្ជេីញបងប្អូន​ អ៊ំពូមីង​ តាយាយ​ អញ្ជេីញទៅទស្សនាកំសាន្តជាមួយនឹងកម្មវិធីសាទរកម្ពុជា​ ដែលនឹងប្រារព្វធ្វេីនៅថ្ងៃស្អែកនេះ​ នៅមុខព្រះបរមរាជវាំង​ រហូតដល់ថ្ងៃថ្មី​ ឆ្នាំថ្មី​ ឆ្នាំ២០២៥។

30/12/2024

ព័ត៌មានពេលល្ងាច ៣០ ១២ ២០២៤

ថ្មីៗនេះបណ្តាញផ្សព្វផ្សាយព័ត៌មានមួយចំនួន បានផ្សាយព័ត៌មានស្តីពីការផ្ទុះឡើងនៃយូមិនមេតាភ្ញីម៉ូវីរុស "human metapneumovirus ...
30/12/2024

ថ្មីៗនេះបណ្តាញផ្សព្វផ្សាយព័ត៌មានមួយចំនួន បានផ្សាយព័ត៌មានស្តីពីការផ្ទុះឡើងនៃយូមិនមេតាភ្ញីម៉ូវីរុស "human metapneumovirus (HMPV)" បង្កឱ្យមានជំងឺផ្លូវដង្ហើម។ អាស្រ័យហេតុនេះ ក្រសួងសុខាភិបាល សូមជម្រាបជូនសាធារណជនឱ្យបានជ្រាបថា វីរុសនេះ បង្កឱ្យមានជំងឺផ្លូវដង្ហើម ដែលមានរោគសញ្ញាស្រដៀង ទៅនឹងជំងឺផ្តាសាយធំ ដូចជា គ្រុនផ្តាសាយ ហូរសំបោរ រលាកបំពង់ក ក្អក កណ្តាស់។ យូមិនមេតាគ្លីម៉ូវីរុស អាច បណ្តាលជាជំងឺធ្ងន់ធ្ងរលើទារក កុមារ មនុស្សវ័យចំណាស់លើសពី៦៥ឆ្នាំ ឬអ្នកមានប្រព័ន្ធការពាររាងកាយខ្សោយ។ យូមិនមេតាភ្នំម៉ូវីរុស ត្រូវបានរកឃើញដំបូងក្នុងឆ្នាំ២០០១ នៅប្រទេសហូឡង់ ហើយប្រទេសកម្ពុជាក៏ធ្លាប់រកឃើញ ជំងឺនេះលើកុមារ ក្នុងអំឡុងឆ្នាំ២០០៧ ដល់ឆ្នាំ២០០៩។ នៅកម្ពុជា ដោយសារអាកាសធាតុមិនត្រជាក់ខ្លាំង ជំងឺ នេះមិនសូវធ្ងន់ធ្ងរដូចជំងឺគ្រុនផ្តាសាយធំទេ ហើយកុមារភាគច្រើនបានជាសះស្បើយឡើងវិញ។ អ្នកវិទ្យាសាស្ត្រ បានប៉ាន់ស្មានថាប្រហែល ១០ ទៅ ១២ភាគរយ នៃជំងឺផ្លូវដង្ហើមចំពោះកុមារគឺបណ្តាលមកពីយូមិនមេតាគ្លីម៉ូវីរុស។ ករណីភាគច្រើនគឺស្រាល ប៉ុន្តែប្រហែលពី ៦ ទៅ ១៦ភាគរយនៃកុមារនឹងវិវត្តទៅជាជំងឺរលាកទងសួត រលាកសួត។

អគ្គនាយកដ្ឋានធនធានមនុស្សនៃក្រសួងមហាផ្ទៃសម្រេចលទ្ធផលបានជាង៨០ភាគរយ នៃផែនការឆ្នាំ២០២៤ភ្នំពេញ ៖អគ្គនាយកដ្ឋានធនធានមនុស្ស ក្រស...
30/12/2024

អគ្គនាយកដ្ឋានធនធានមនុស្សនៃក្រសួងមហាផ្ទៃសម្រេចលទ្ធផលបានជាង៨០ភាគរយ នៃផែនការឆ្នាំ២០២៤

ភ្នំពេញ ៖អគ្គនាយកដ្ឋានធនធានមនុស្ស ក្រសួងមហាផ្ទៃ នៅថ្ងៃទី៣០ខែធ្នូ ឆ្នាំ២០២៤ បានរៀបចំសន្និបាតបូកសរុបត្រួតពិនិត្យលទ្ធផលការងារប្រចាំឆ្នាំ ២០២៤ និងលើកទិសដៅការងារឆ្នាំ២០២៥ ក្នុងរយៈពេល១ថ្ងៃ នៅសាលប្រជុំអគារ S នៃទីស្តីការក្រសួងមហាផ្ទៃ។

សន្និបាតនេះ អញ្ជើញជាអធិបតីក្នុងពិធីបើកនៅពេលព្រឹក ដោយឯកឧត្តម នាយឧត្តមសេនីយ៍ សាស្រ្តចារ្យ សេង ផល្លី អគ្គនាយក នៃអគ្គនាយកដ្ឋានធនធានមនុស្ស និងអញ្ជើញជាអធិបតីក្នុងពិធីបិទនៅពេលរសៀល ដោយឯកឧត្តមសន្តិបណ្ឌិត ចាន់ អ៊ាន រដ្ឋលេខាធិការក្រសួងមហាផ្ទៃ តំណាងដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដែលមានអ្នកចូលរួមចំនួនប្រមាណ ៧៥០នាក់ មកពីអង្គភាពពាក់ព័ន្ធនានា។

ក្រោយដំណើរការអង្គសន្និបាតរយៈពេលពេញមួយថ្ងៃ អង្គសន្និបាតបានបង្ហាញថា លទ្ធផលការងារឆ្នាំ២០២៤ របស់អគ្គនាយកដ្ឋានធនធានមនុស្ស សម្រេចបានចំនួន ៨២,៦១% នៃផែនការសកម្មភាពឆ្នាំ២០២៤ និងបានដាក់ចេញទិសដៅការងារបន្តឆ្នាំ២០២៥ ស្របតាម ផែនការយុទ្ធសាស្ត្ររយៈពេល ៥ឆ្នាំ (២០២៤-២០២៨) របស់អគ្គនាយកដ្ឋានធនធានមនុស្ស។

លទ្ធផល ដែលសម្រេចបាននេះ ដោយមានការគាំទ្រពីប្រមុខរាជរដ្ឋាភិបាលនៃព្រះរាជាណាចក្រកម្ពុជា ការដឹកនាំនិង យកចិត្តទុកដាក់ខ្ពស់ពីឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងការណែនាំតម្រង់ទិសជាប់ជាប្រចាំពីឯកឧត្តមសន្តិបណ្ឌិត ចាន់ អ៊ាន រដ្ឋលេខាធិការ ព្រមទាំងមានកិច្ចសហការល្អពីអង្គភាពពាក់ព័ន្ធនានាចំណុះក្រសួងមហាផ្ទៃ។

គួរបញ្ជាក់ដែរថា សន្និបាតបូកសរុបត្រួតពិនិត្យលទ្ធផលការងារប្រចាំឆ្នាំ ២០២៤ និងលើកទិសដៅការងារឆ្នាំ២០២៥ របស់អគ្គនាយដ្ឋានធនធានមនុស្សនៃក្រសួងមហាផ្ទៃ រៀបចំឡើងក្នុងគោលបំណងសំខាន់ៗចំនួន៣រួមមាន៖ទី១.ពិនិត្យរបាយការណ៍បូកសរុបលទ្ធផលការងារឆ្នាំ២០២៤ និងលើកទិសដៅការងារបន្តសម្រាប់ឆ្នាំ ២០២៥ របស់អគ្គនាយកដ្ឋានធនធានមនុស្ស ក្រសួងមហាផ្ទៃ, ទី២.ចែករំលែកបទពិសោធល្អៗ បញ្ហាប្រឈម ដំណោះស្រាយ និងសំណូមពរ លើការងារគ្រប់គ្រង និងអភិវឌ្ឍធនធានមនុស្ស និងការអនុវត្តនូវលិខិតបទដ្ឋានគតិយុត្តនានាពាក់ព័ន្ធនឹងការងារបុគ្គលិក និងទី៣.ដាក់ចេញទិសដៅការងារបន្ត និងផែនការសកម្មភាពការងារប្រចាំឆ្នាំ២០២៥ ឱ្យឆ្លើយតបទៅនឹង បេសកកម្ម គោលបំណង និងគោលដៅរបស់អគ្គនាយកដ្ឋានធនធានមនុស្ស និងសំណូមពររបស់អង្គភាព ពាក់ព័ន្ធចំណុះក្រសួងមហាផ្ទៃ និងរដ្ឋបាលរាជធានី ខេត្ត៕

សម្តេចធិបតី ហ៊ុន ម៉ាណែត អបអរសាទរ សិស្ស ខឹម​ តារ៉ាឡុង (Koem Daralong) ដែលទទួលបានពានរង្វាន់ “សិស្សឆ្នើម” មេដាយសំរឹទ្ធ ក្នុ...
30/12/2024

សម្តេចធិបតី ហ៊ុន ម៉ាណែត អបអរសាទរ សិស្ស ខឹម​ តារ៉ាឡុង (Koem Daralong) ដែលទទួលបានពានរង្វាន់ “សិស្សឆ្នើម” មេដាយសំរឹទ្ធ ក្នុងកម្មវិធីអាស៊ានបូកបីស្តីពី ASEAN+3 Gifted in Science Student Camp លើកទី១៤ និង សិក្ខាសាលាគ្រូបង្រៀនលើកទី១៦ ចាប់ពីថ្ងៃទី១

នៅទីក្រុងសេអ៊ូល នៃសាធារណរដ្ឋកូរ៉េ ថ្ងៃទី១៦ ដល់ ២១ ខែធ្នូ ឆ្នាំ២០២៤

អនុក្រឹត្យ ស្ដីពី ការពង្រីកវិសាលភាពរបបសន្ដិសុខសង្គម​ផ្នែកថែទាំ​សុខភាពសម្រាប់និស្សិតនគរបាល និងសិស្សនគរបាល
30/12/2024

អនុក្រឹត្យ ស្ដីពី ការពង្រីកវិសាលភាពរបបសន្ដិសុខសង្គម​ផ្នែកថែទាំ​សុខភាពសម្រាប់និស្សិតនគរបាល និងសិស្សនគរបាល

រកឃើញជ័យលាភីលេខ១ការប្រកួតខ្លែងឯក និងខ្លែងសេរី ក្រោយការប្រកួតរយៈពេល៣ថ្ងៃ នៅសៀមរាបសៀមរាប៖ បន្ទាប់ពីឆ្លងកាត់ការប្រកួតរយៈពេល...
30/12/2024

រកឃើញជ័យលាភីលេខ១ការប្រកួតខ្លែងឯក និងខ្លែងសេរី ក្រោយការប្រកួតរយៈពេល៣ថ្ងៃ នៅសៀមរាប

សៀមរាប៖ បន្ទាប់ពីឆ្លងកាត់ការប្រកួតរយៈពេល៣ថ្ងៃរួចមក នៅរសៀលថ្ងៃទី២៩ ខែធ្នូ ឆ្នាំ២០២៤​ម្សិលមិញនេះ ​គណៈកម្មការមេប្រយោគ និងគណៈកម្មការគ្រប់គ្រង និងបច្ចេកទេស នៃការប្រកួតខ្លែងខ្មែរ របស់ក្រសួងវប្បធម៌ និងវិចិត្រសិល្បៈ បានរកឃើញម្ចាស់ជ័យលាភី នៃការប្រកួតខ្លែងឯកខ្មែរ និងខ្លែងសេរីរវាងផ្នែកឯកជននិងរដ្ឋ។

សម្រាប់ជ័យលាភីខ្លែងឯកមន្ទីរ អង្គភាព រដ្ឋបាលក្រុង ស្រុក ជ័យលាភីលេខ១ បានទៅ​លើ​ខ្លែង​ជ័យ​​ឯកកណ្តាលវេហាស៍របស់មន្ទីរវប្បធម៌ និងវិចិត្រសិល្បៈខេត្តកណ្តាល ជ័យលាភីលេខ២ ខ្លែង​ឈ្មោះ​ស​ម្រស់បន្ទាយស្រីរបស់រដ្ឋបាលស្រុកបន្ទាយស្រី និងជ័យលាភីលេខ៣ ខ្លែង​ឈ្មោះ​ពោធិសាត់​មានជ័យបារមីសួគ៌ាលោក របស់មន្ទីរវប្បធម៌ខេត្តពោធិសាត់។

សម្រាប់ជ័យលាភីខ្លែងឯកខ្មែរ ផ្នែកឯកជន ជ័យលាភីលេខ១បានទៅលើខ្លែង ផែនសិល្បៈ និង​កីឡា ពីក្រុមការងារយុវជនផែនសិល្បៈ និងកីឡានៃយុវជនគណបក្សខេត្តសៀមរាប លេខ២ខ្លែង ផ្ការីកគ្រប់រដូវ ក្រុមបាល់ទាត់ផ្ការីកគ្រប់រដូវ ខេត្តស្វាយរៀង និងលេខ៣ បានទៅលើខ្លែង ធនញ្ជ័យ ខេត្តសៀមរាប។

ដោយឡែកខ្លែងសេរីមកពីរដ្ឋបាលក្រុង ស្រុក ជ័យលាភីលេខ១ បានទៅខ្លែងឈ្មោះ ស្តេចរាត្រី មកពីមន្ទីរវប្បធម៌ និងវិចិត្រសិល្បៈខេត្តសៀមរាប ជ័យលាភីលេខ២ បានទៅខ្លែង​ឈ្មោះ​ក្រុឌមាសធិបតីសែនជ័យ មកពីកងរាជអាវុធហត្ថខេត្តសៀមរាប និងជ័យលាភីលេខ៣ បានទៅខ្លែងឈ្មោះ ស្នងការនគរបាលខេត្តសៀមរាប របស់ស្នងការដ្ឋាននគរបាលខេត្តសៀមរាប។

ជ័យលាភីខ្លែងសេរីផ្នែកឯកជន លេខ១បានទៅលើខ្លែង នាគរាជក្បាល៥ មកពីស្រុកកៀនស្វាយ ខេត្តកណ្ដាល លេខ២ខ្លែងសំពៅហង្សខេត្តកណ្ដាល និងលេខ៣ខ្លែង ឈ្មោះប្រយុទ្ធអន្តរជាតិ មកពីខេត្តសៀមរាប។

លោក លី សារី អភិបាលរងខេត្ត តំណាងឯកឧត្តម ប្រាក់ សោភ័ណ អភិបាល​នៃ​គណៈអភិបាល​ខេត្ត​សៀមរាប បានថ្លែងអំណរគុណ និងការកោតសរសើរ​គ្រប់​ភាគី​ចូល​រួម​ទាំង​អស់​ដែល​បាន​លះបង់​ពេលវេលាកម្លាំងកាយចិត្ត និងធនធានចូលរួមប្រកួតប្រកបដោយភាពសប្បាយរីករាយ ក្នុង​ការរៀបចំពិធីព្រឹត្តិការណ៍បុណ្យខ្លែងឯកខ្មែរ និងខ្លែងសេរីលើកទី១ឆ្នាំ២០២៤ ខេត្តសៀមរាប ទាំងនេះគឺជាប្រភពនៃការលើកទឹកចិត្តដ៏ធំធេង ក៏ដូច​ជាការ​ជួយ​សម្រាល​បន្ទុក​ដល់​គណៈកម្មការ​រៀបចំ​ព្រឹត្តិការណ៍បុណ្យខ្លែង ក៏ដូចជាប្រតិភូខ្លែងបានមួយកម្រិតថែមទៀត។ លោកអភិបាលរងខេត្តបានបន្តថា ការរៀបចំព្រឹត្តិការណ៍បុណ្យបង្ហើរខ្លែងឯកខ្មែរនាពេលនេះ គឺ​ផ្អែក​តាម​អនុសាសន៍ ណែនាំដ៏ខ្ពង់ខ្ពស់របស់ឯកឧត្តម នាយឧត្តមសេនីយ៍ ទៀ សីហា ឧប​នាយករដ្ឋ​មន្រ្តី រដ្ឋមន្រ្តីក្រសួងការពារជាតិ និង​ជា​ប្រធាន​ក្រុម​ការងារ​រាជ​រដ្ឋាភិបាល​ចុះ​មូល​ដ្ឋាន​ខេត្ត​សៀមរាប ក្នុងឱកាសដែលឯ​កឧត្តម​អញ្ជើ​ញ​ជាអ​ធិបតី​ក្នុងពិ​ធី​បើក​ព្រឹត្តិការណ៍​សៀមរា​ប​សង្ក្រាន្ត​ឆ្នាំ​២០២៤ កន្លងទៅ និងស្របតាមយុទ្ធនាការ “ទស្សនាខេត្តសៀមរាប ឆ្នាំ២០២៤” ដែ​ល​បាន​ដាក់ចេញដោយប្រមុខរាជរដ្ឋាភិបាលកម្ពុជា នីតិកាល ទី៧ នៃរដ្ឋសភា ដែលមាន​សម្តេច​មហាបវរធិបតី ហ៊ុន ម៉ាណែត នាយករដ្ឋមន្រ្តី ជាប្រមុខដឹកនាំមួយ រូបពោពេញ​ទៅ​ភាព​ប៉ិន​ប្រសប់ និងមានចក្ខុវិស័យវែងឆ្ងាយ។

លោក លី សារី ពិតណាស់ ការរៀបចំពិធីបុណ្យបង្ហើរខ្លែងឯកខ្មែរ និងខ្លែងឯកសេរី លើកទី១ ខេត្តសៀមរាប ឆ្នាំ២០២៤នេះ គឺជាព្រឹត្តិការណ៍វប្បធម៌ជាតិ ដែលមានលក្ខណៈជាប្រវត្តិសាស្រ្ត និងមានចរិកជាបេតិកភណ្ឌរបស់ជាតិមានតំលៃសម្រាប់ទ្រទ្រង់ព្រលឹង និងអត្តសញ្ញាណរបស់ជាតិ តាមរយៈការលើកកម្ពស់តំលៃវប្បធម៌សង្គមកម្ពុជា។ ឧត្តមភាព នៃវប្បធម៌ និងការផ្សព្វផ្សាយព្រឹត្តការណ៍នេះ នឹងបង្កើននូវភាពទាក់ទាញថ្មីថែមទៀតដល់ភ្ញៀវទេសជាតិ អន្តរជាតិចូលមកទស្សនាខេត្តសៀមរាប និងសិក្សាឈ្វេងយល់អំពីកម្ពុជាកាន់តែច្រើនទៀត ក្នុងឆ្នាំបន្តបន្ទាប់ខាងមុខ ។

តាមការបញ្ជាក់របស់លោក មួន សុភាព ប្រធានមន្ទីរវប្បធម៌ និង វិចិត្រសិល្បះខេត្តសៀមរាប ក្នុងរយៈពេល៣ថ្ងៃ នៃព្រឹត្តិការណ៍បុណ្យបង្ហើរខ្លែងឯកខ្មែរ និង ខ្លែងសេរី មានភ្ញៀវជាតិ អន្តរជាតិ ចូលទស្សនា មានចំនួនប្រមាណជា២ម៉ឺននាក់ ៕

ឯកឧត្តម គួច ចំរើន អំពាវនាវឱ្យបងប្អូនប្រជាពលរដ្ឋ កុំខ្ចីកម្ចីអនឡាញ ព្រោះកម្ចីអនឡាញ គឺជាកម្ចីខុសច្បាប់កណ្ដាល៖ ឯកឧត្តម គួច ...
30/12/2024

ឯកឧត្តម គួច ចំរើន អំពាវនាវឱ្យបងប្អូនប្រជាពលរដ្ឋ កុំខ្ចីកម្ចីអនឡាញ ព្រោះកម្ចីអនឡាញ គឺជាកម្ចីខុសច្បាប់

កណ្ដាល៖ ឯកឧត្តម គួច ចំរើន អភិបាល នៃគណៈអភិបាលខេត្តកណ្ដាល សូមអំពាវនាវឱ្យបងប្អូនប្រជាពលរដ្ឋ សូមកុំខ្ចីកម្ចីអនឡាញ ព្រោះកម្ចីអនឡាញ គឺជាកម្ចីខុសច្បាប់។

ឯកឧត្តម គួច ចំរើន អភិបាល នៃគណៈអភិបាលខេត្តកណ្ដាល បានធ្វើការអំពាវនាវបែបនេះ ក្នុងពិធីចែកវិញ្ញាបនបត្រសម្គាល់ម្ចាស់អចលនវត្ថុចំនួន២,០១០ប័ណ្ណ ជូនបងប្អូនប្រជាពលរដ្ឋស្ថិតនៅភូមិល្វាសរលើក ភូមិល្វាសរកណ្ដាល និងភូមិល្វាសរក្រោម ឃុំល្វាសរ ស្រុកល្វាឯម ខេត្តកណ្តាល នៅព្រឹកថ្ងៃទី៣០ ខែធ្នូ ឆ្នាំ២០២៤ នៅបរិវេណវត្តល្វាសរ ឃុំល្វាសរ ស្រុកល្វាឯម ក្រោមអធិបតីភាពឯកឧត្ដម នូ សាខន ប្រធានក្រុមប្រឹក្សាខេត្តកណ្តាល ឯកឧត្តម គួច ចំរើន អភិបាល នៃគណៈអភិបាលខេត្តកណ្តាល និងឯកឧត្ដម មាន ច័ន្ទវ៉ាន់នី អនុរដ្ឋលេខាធិការក្រសួងរៀបចំដែនដី នគររូបយីកម្ម និងសំណង់។

ឯកឧត្តមអភិបាលខេត្តកណ្ដាល បន្តថា៖ កម្ចីអនឡាញនេះ គឺពិតជាគ្រោះថ្នាក់ណាស់ សម្រាប់បងប្អូនប្រជាពលរដ្ឋ ព្រោះថាកម្ចីអនឡាញនេះ មានការខ្ចីពីមួយទៅមួយបន្តគ្នា ហើយចំនួននៃការជំពាក់មានការកើនឡើងទ្វេដង ដូច្នេះប្រសិនបើប្រជាពលរដ្ឋណា មានការជំពាក់កម្ចីអនឡាញ សូមធ្វើការរាយការណ៍មកអាជ្ញាធរមូលដ្ឋាន ឬរាយការណ៍មកឯកឧត្តមផ្ទាល់ ដើម្បីឱ្យអាជ្ញាធរមានមូលដ្ឋានក្នុងការពិនិត្យ និងសម្របសម្រួល ជៀសវាងបំណុលអនឡាញមានការកើនឡើងឥតឈប់ឈរ ដែលធ្វើឱ្យបងប្អូនប្រជាពលរដ្ឋ ប្រឈមនឹងការគិតខ្លី ឬអាចឈានដល់ការបញ្ចប់ជីវិតជាដើម។

ពលរដ្ឋខេត្តស្វាយរៀងសំដែងការសប្បាយរីករាយដែលរាជរដ្ឋាភិបាលបានស្ថាបនាផ្លូវក្រាលកៅស៊ូតាមសំណូមពរស្វាយរៀង ៖ តំណាងពលរដ្ឋឃុំសំឡី ...
30/12/2024

ពលរដ្ឋខេត្តស្វាយរៀងសំដែងការសប្បាយរីករាយដែលរាជរដ្ឋាភិបាលបានស្ថាបនាផ្លូវក្រាលកៅស៊ូតាមសំណូមពរ

ស្វាយរៀង ៖ តំណាងពលរដ្ឋឃុំសំឡី ស្រុកកំពង់រោទិ៍ ខេត្តស្វាយរៀងលោក សុខ សារ៉ាយុទ្ធ នៅថ្ងៃទី៣០ ខែធ្នូ ឆ្នាំ២០២៤ នេះបានសំដែងនូវការសប្បាយរីករាយ និងគោរពថ្លែងអំណរគុណចំពោះសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ដែលសម្តេចបានគិតគូរស្ថាបនាផ្លូវកា្រលកៅស៊ូឆ្លងកាត់ភូមិឃុំ ដាក់អោយពួកគាត់ប្រើប្រាស់តាមការចង់បានរបស់ពួកគាត់ជាយូរយាណាស់មកហើយ ។

តំណាងពលរដ្ឋបានបញ្ជាក់ថា នៅមូលដ្ឋាននេះ កាលពីមុនមិនមានផ្លូវ សម្រាប់ប្រើប្រាស់ ធ្វើដំណើរ ពិសេស ការដឹកជញ្ជូនកសិផលផ្លាស់ប្តូរពីតំបន់មួយទៅតំបន់មួយបានទាន់ពេលវេលា ។ ដូច្នេះពីពេលនេះនិងឈានទៅដើមឆ្នាំ២០២៥ខាងមុខពួកគាត់ មានសង្ឃឹមថាទទួលបានផ្លូវដ៏ល្អសម្រាប់ប្រើប្រាស់ដូចនៅតំបន់ផ្សេងៗទៀតក្នុងខេត្តផងដែរ ។

តាមរបាយការណ៏ ដែលBTVទទួលបានតាមសារតេឡេក្រាមបញ្ជាក់អោយដឹងថា ផ្លូវដែលក្រុមកាងារកំពុងស្ថាបនានេះ ជាផ្លូវប្រភេទ DBSTស្ថិតនៅក្នុងភូមិ រាមជោ ឆ្ពោះមកភូមិព្រៃម្នាស់ ឃុំសំឡី ស្រុកកំពង់រោទិ៍ មានប្រវែង១២គីឡូ ៥២៥ម៉ែត្រ និងទទឹងផ្លូវ ៨ម៉ែត្រ បច្ចុប្បន្នក្រុមការងារ របស់ក្រុមហ៊ុន អ៊ឹម ស៊ឹមស៊ា ស្ថាបនាសម្រេចបានប្រមាណ៤០% និងឈានទៅបញ្ចប់គម្រោងសាងសង់នៅដើមឆ្នាំ២០២៥ខាងមុខ ។

វិស័យឧស្សាហកម្ម បាននិងកំពុងក្លាយជាវិស័យស្នូលដ៏សំខាន់នៅក្នុងសេដ្ឋកិច្ចវិស័យឧស្សាហកម្មគឺវិស័យស្នូល បានរួមចំណែកយ៉ាងសំខាន់ក្...
30/12/2024

វិស័យឧស្សាហកម្ម បាននិងកំពុងក្លាយជាវិស័យស្នូលដ៏សំខាន់នៅក្នុងសេដ្ឋកិច្ច

វិស័យឧស្សាហកម្មគឺវិស័យស្នូល បានរួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ចជាតិ តាម​រយៈប្រសិទ្ធភាពនៃការប្រើ ប្រាស់ធនធាន ការបង្កើត​បរិមាណ​គុណ​ផល​ប្រកប​ដោយ​គុណភាព ការងារ និងប្រសិទ្ធភាពនៃការប្រកួតប្រជែងក្នុងទីផ្សារជាតិ និងអន្តរជាតិ។

ឯកឧត្តម ហែម វណ្ឌឌី រដ្ឋមន្រ្តីក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ លើក​ឡើង​នៅ​ក្នុង​កម្មវិធីប្រគល់ ពានរង្វាន់សមិទ្ធផលផលិតភាព «ស៥» ប្រចាំឆ្នាំ២០២៤ នៅចុង​សប្តាហ៍​កន្លងមកថា រាជរដ្ឋាភិបាលនីតិកាលទី៧ នៃរដ្ឋសភា ក្រោម ការដឹកនាំ​ប្រកប​ដោយ​គតិ​បណ្ឌិត និងចក្ខុវិស័យវែងឆ្ងាយរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី ​នៃ​ព្រះ​រា​ជា​ណាចក្រកម្ពុជា បានធ្វើឱ្យកម្ពុជារីកចម្រើនស្ទើរគ្រប់វិស័យ ក្នុងនោះវិស័យ​ឧស្សាហកម្ម​ជា​វិស័​យ​ស្នូល ជំរុញ​កំណើនសេដ្ឋកិច្ចជាតិ តាម រយ:ប្រសិទ្ធភាពនៃការប្រើប្រាស់ធនធាន និងការ​បង្កើន​ប្រសិទ្ធភាព​ផលិតភាពផលិតផលនិងការងារ សម្រាប់ប្រកួតប្រជែងនៅក្នុង ទីផ្សារជាតិ និង​អន្តរជាតិ​។

ឯកឧត្តម បន្តថា ជាក់ស្តែងនាថ្មីៗនេះ កម្ពុជាបាននាំចេញកុងតេន័រទី ១លាន ដែល​បាន​ឆ្លង​កាត់​កំពង់​ផែ​អន្តរជាតិព្រះសីហនុ ដោយមិនរាប់ចូលនូវច្រកផ្សេងៗ, ដែលនេះជា​ជោគជ័យ​ថ្មី​មួយ​ទៀត​ ដោយបានបង្ហាញឱ្យឃើញថា ការនាំចេញរបស់កម្ពុជាមាន កំណើនកើនឡើង, ផលិត​កម្ម​ក្នុង​ស្រុក​កាន់តែប្រសើរ ជាពិសេសឧស្សាហកម្មធំៗ និងឧស្សាហកម្មកម្មន្តសាលក៏បានកើនឡើង ទោះបី វិស័យសេវាកម្មមានការថមថយ តែវិស័យឧស្សាហកម្មបានកំពុងគាំទ្រដល់ការនាំចេញ ដែល​នេះជាចំណុចល្អបានធ្វើឱ្យកម្ពុជាឈាន ឡើងមួយកម្រិតថែមទៀត។

សូមបញ្ជាក់ថា ទាក់ទិនវិស័យឧស្សាហកម្ម, សម្រាប់ឆ្នាំ ២០២៤ (នៅពាក់កណ្តាល់ឆ្នាំ) ត្រូវ​បាន​រាជ​រដ្ឋាភិបាលព្យាករថា មាន កំណើន ៧,៩% ខណៈនៅឆ្នាំ ២០២៥ ខាងមុខនេះ ត្រូវ​បាន​ព្យាករ​នឹង​មានកំណើន ៨,៦% ដែលគាំទ្រដោយការរក្សាបានតុល្យភាព នៃអនុវិស័យកាត់ដេរ និង​កម្មន្តសាលមិនមែនកាត់ដេរ ក្នុងនោះសម្រាប់អនុវិស័យកាត់ដេរ ត្រូវបានរំពឹងថា នៅបន្ត​រក្សា​បាន​កំណើន​ ប្រហាក់ប្រហែលមុនវិបត្តិជំងឺកូវីដ-១៩, ដោយសារភាពប្រសើរនៃតម្រូវការសកល គួប​ផ្សំ​នឹង​ការ​ពង្រឹងការ អនុវត្តយុទ្ធសាស្ត្រអភិវឌ្ឍន៍ វិស័យកាត់ដេរ ផលិតស្បែកជើង និងកាបូបកម្ពុជា ២០២២-២០២៧ ដែលនឹងលើកកម្ពស់បរិយាកាស វិនិយោគ និងភាពប្រកួត ប្រជែង​ជាមួយ​នឹង​ការ​បង្កើន​ផលិតភាពពលកម្ម៕

30/12/2024

[WATCH] លោក ជុំ កុសល អ្នកតាមដានការអភិវឌ្ឍសង្គម និងនយោបាយ ផ្ញើសារដល់ប្រជាជនកម្ពុជា បន្តចូលរួមថែរក្សាសុខសន្ដិភាពជាមួយរាជរដ្ឋាភិបាល

30/12/2024

កម្មវិធី ចម្រុះមតិ ប្រធានបទ ៖ នគរបាលរាជធានី ត្រៀមជាស្រេចសម្រាប់ការការពារសន្តិសុខជូនពលរដ្ឋក្នុងថ្ងៃឆ្លងឆ្នាំសកល។
ថ្ងៃទី៣០ ខែធ្នូ ឆ្នាំ២០២៤

30/12/2024

[WATCH] លោកបណ្ឌិត ហែម ប្រសើរ ៖ ទណ្ឌិតក្បត់ជាតិ ៣ជំនាន់ សម រង្ស៊ី បង្កើតចលនាតស៊ូជាតិ និងចលនាផ្ការីក គឺមិនចង់ឲ្យប្រទេសកម្ពុជាមានសន្តិភាពនោះទេ

សម្ដេចធិបតី៖ ជោគជ័យព្រឹត្តិការណ៍ធំៗ និងការជួបជុំលេង-ទស្សនាកីឡា អាស្រ័យកត្ដាចម្បងបំផុត គឺសន្ដិភាពសម្ដេចមហាបវរធិបតី ហ៊ុន ម...
30/12/2024

សម្ដេចធិបតី៖ ជោគជ័យព្រឹត្តិការណ៍ធំៗ និងការជួបជុំលេង-ទស្សនាកីឡា អាស្រ័យកត្ដាចម្បងបំផុត គឺសន្ដិភាព

សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃព្រះរាជាណាចក្រកម្ពុជា បានរំលឹក​នូវ​មហា​ជោគជ័យដ៏អស្ចារ្យ នៃព្រឹត្តិការណ៍កីឡាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ និងការរៀប​ចំ​នូវ​ព្រឹត្តិការណ៍កីឡាធំៗជាបន្ដបន្ទាប់ គឺមិនមែនកើតឡើងដោយចៃដន្យឡើយ តែអាស្រ័យ​កត្ដា​ចម្បង​បំផុត គឺកត្ដាប្រទេសកម្ពុជា មានសុខសន្ដិភាព និងស្ថេរភាពនយោបាយ ក្នុងរយៈពេល​ប៉ុន្មាន​ទសវត្សរ៍ចុងក្រោយ ។

ប្រសាសន៍របស់សម្ដេចបរធិបតី ធ្វើឡើងក្នុងឱកាសសម្ដេច និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត បានអញ្ជើញជាអធិបតីភាពដ៏ខ្ពង់ខ្ពស់ក្នុងព្រឹត្តិការណ៍បាល់ទាត់មិត្តភាព អបអរ​សាទរ «ទិវាសន្ដិភាពនៅកម្ពុជា» កាលពីល្ងាចថ្ងៃទី២៩ ខែធ្នូ ឆ្នាំ២០២៤ ដែល​មាន​ការ​ប្រកួត​មិត្ត​ភាព​ចំនួន ២គូ និងមានប្រជាពលរដ្ឋ និងយុវជនរាប់ម៉ឺននាក់ បានចូលរួមទស្សនាពេញ នៅវិមាន​ពហុ​កីឡដ្ឋានជាតិមរតកតេជោ ។

សម្ដេចធិបតី ហ៊ុន ម៉ាណែត មានប្រសាសន៍ថា ការជួបជុំលេងកីឡា និងទស្សនា​ការ​ប្រកួត​ព្រឹត្តិការណ៍​បាល់ទាត់នាពេលនេះ បានឆ្លុះបញ្ចាំងឲ្យឃើញពីស្មារតីស្រលាញ់កីឡា និងការ​ចូល​រួម​ថែ​រក្សា​សន្ដិភាព ដែលបានរំលេចនូវអត្ថន័យ «កីឡារស់ក្នុងសន្ដិភាព» ហើយព្រឹត្តិការណ៍នេះ ក៏បាន​ទាញសម្ដេចឲ្យរំលឹកដល់អនុស្សាវរីយ៍មិនអាចបំភ្លេចបាន នៃជោគជ័យ​កម្ពុជា​ធ្វើ​ម្ចាស់​ផ្ទះ​ស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ និងបានកោតស្ញប់ស្ញែងពីគ្រប់មជ្ឈដ្ឋានជាតិ-អន្ដរជាតិ ។

សម្ដេចបានសង្កត់ធ្ងន់ថា ជោគជ័យរបស់កម្ពុជា ក្នុងព្រឹត្តិការណ៍ទាំងអស់នេះ ពុំមែន​កើត​ឡើង​ដោយ​ចៃដន្យ តែដោយសារកម្ពុជាមានសុខសន្ដិភាពពេញលេញ ដោយផ្ដើមចេញ​ពី​ការ​លះបង់​សាច់​ស្រស់ ឈាមស្រស់ របស់យុវជនសម័យមុន និងឥស្សរជន ជាក់ស្ដែងសម្ដេចបាន​រំម្លឹក​នូវ​ប្រសាសន៍​របស់ឯកឧត្តមនាយឧត្តមនីយ៍ សៅ សុខា ប្រធានសហព័ន្ធកីឡាបាល់ទាត់កម្ពុជា ដែល​បានលើកឡើងថា យុវជនកម្ពុជាសម័យនេះ មានសំណាង ដ្បិត​ស្រប​ពេល​កំពុង​ទស្សនា​បាល់​ទាត់​ដោយ​រីករាយនៅពហុកីឡដ្ឋានជាតិ ផ្ទុយពីបណ្ដាប្រទេសកំពុងមានសង្គ្រាម ដែលយុវជន​កំពុ​ង​តែ​ត្រូវស្លាប់ ភ័យខ្លាច វេទនាបែកបាក់គ្រួសារជាដើម ។

បន្ទាប់ពីមានប្រសាសន៍ថ្លែងបើកព្រឹត្តិការណ៍បាល់ទាត់មិត្តភាពអបអរសាទរ «ទិវា​សន្ដិភាព​នៅ​កម្ពុជា​» ថ្ងៃទី ២៩ ខែធ្នូ សម្ដេចបវរធិបតី និងលោកជំទាវបណ្ឌិត ព្រមទាំងកូនប្រុស បាន​អញ្ជើញ​ទស្សនា​ការ​ប្រកួត រហូតដល់ចប់ ក្នុងនោះដែរ សម្រាប់គូពិសេស រវាងក្រុមបាល់ទាត់​សហភាព​សហព័ន្ធ​យុវជនកម្ពុជា ដែលមានវត្តមានកីឡាករជាថ្នាក់ដឹកនាំកំពូលៗក្នុងជួរាជរដ្ឋាភិបាល អតីត​កីឡាករ និងយុវជន មកពីគ្រប់មជ្ឈដ្ឋាន បានយកឈ្នះយកឈ្នះក្រុមបាល់ទាត់តារាកម្ពុជា(A) ដោយ​លទ្ធផល ១-០ នៅចុងម៉ោង គ្រាដែល ១គូទៀត គឺក្រុមបាល់ទាត់គុនខ្មែរអលស្ដារ ប្រកួត​ស្មើ​ក្រុម​បាល់ទាត់តារាកម្ពុជា(B) ដោយលទ្ធផល ១-១ ៕

នគរបាលខណ្ឌកំបូល ចុះផ្សព្វផ្សាយផលប៉ះពាល់នៃការប្រើប្រាស់គ្រឿងញៀន ច្បាប់ចរាចរណ៍ផ្លូវគោក និងអប់រំបញ្ហាក្មេងទំនើងនគរបាលជំនាញន...
30/12/2024

នគរបាលខណ្ឌកំបូល ចុះផ្សព្វផ្សាយផលប៉ះពាល់នៃការប្រើប្រាស់គ្រឿងញៀន ច្បាប់ចរាចរណ៍ផ្លូវគោក និងអប់រំបញ្ហាក្មេងទំនើង

នគរបាលជំនាញនៃអធិការដ្ឋាននគរបាលខណ្ឌកំបូលសហការជាមួយ ប៉ុស្តិ៍​នគរបាល​រដ្ឋបាល​កំបូល បន្តចុះផ្សព្វផ្សាយ​អប់រំ អំពីផលប៉ះពាល់នៃការប្រើប្រាស់គ្រឿងញៀន ច្បាប់​ចរាចរណ៍​ផ្លូវ​គោក និងអប់រំបញ្ហាក្មេងទំនើង ដល់សិស្សានុសិស្ស។

ជាក់ស្ដែងនៅព្រឹកថ្ងៃទី ៣០ ខែធ្នូ ឆ្នាំ២០២៤នេះ លោកវរសេនីយ៍ឯក ហុង ពិសិដ្ឋ អធិការ នៃ​អធិការដ្ឋាន​នគរបាលខណ្ឌកំបូលបានដឹកនាំកម្លាំងនគរបាលជំនាញ ចុះផ្សព្វផ្សាយអប់រំ អំពី​ផល​ប៉ះពាល់​នៃ​ការប្រើប្រាស់គ្រឿងញៀន ច្បាប់ចរាចរណ៍ផ្លូវគោក និងអប់រំបញ្ហាក្មេងទំនើង ដល់​សិស្សា​នុសិស្ស នៃសាលាពិភពបញ្ញា ស្ថិតនៅភូមិផ្សារកំបូល សង្កាត់កំបូល ខណ្ឌកំបូល រាជធានី​ភ្នំពេញ​។

ក្នុងនោះដែរ វរសេនីយ៍ឯក ហុង ពិសិដ្ឋ អធិការ នគរបាលខណ្ឌកំបូល បានសំណេះសំណាល ជាមួយ​លោកគ្រូ អ្នកគ្រូ និងស្នើរសុំសហការជាមួយអាជ្ញាធរមានសមត្ថកិច្ចក្នុងមូលដ្ឋាន ដើម្បី​បង្ការ​ទប់ស្កាត់ រាល់បទល្មើសបានទាន់ពេលវេលា ជាពិសេសបញ្ហា ក្មេងទំនើង។

លោកឱកាសចុះផ្សព្វផ្សាយនេះដែរ លោកអធិកា បានឲ្យជំនាញពាក់ព័ន្ធនីមួយៗ ធ្វើការ​ពន្យល់​បញ្ជ្រាប​ ដល់សិស្សានុសិស្ស ឲ្យយល់ដឹងពី ផលប៉ះពាល់នៃគ្រឿងញៀន ច្បាប់ចរាចរណ៍ និង​បញ្ហា​ក្មេង​ទំនើង ដែលធ្វើឲ្យប៉ះពាល់ដល់ ខ្លួនឯង គ្រួសារ និងសង្គមជាតិ។

គួរបញ្ជាក់ផងដែរ កាលពីពេលថ្មីៗ កន្លងទៅនេះ ប្រមុខរដ្ឋាភិបាល បាន​ដាក់​បញ្ជា​ឲ្យ​អាជ្ញាធរ​រាជ​ធានី-ខេត្ត បង្កើនពង្រឹង បង្ការទប់ស្កាត់ បន្ថែមទៀត ជាពិសេស ត្រូវសហការ​ជាមួយ​គណៈ​គ្រប់​គ្រង​សាលា ចុះផ្សព្វផ្សាយ ដល់សាលារៀន៕

លោកជំទាវ ចម និម្មល អញ្ជើញជាអធិបតីក្នុងពិធីបើក «ទិវាសហគ្រិនភាពកម្ពុជា ឆ្នាំ២០២៤»នាព្រឹកថ្ងៃចន្ទ ទី៣០ ខែធ្នូ ឆ្នាំ២០២៤ នៅវ...
30/12/2024

លោកជំទាវ ចម និម្មល អញ្ជើញជាអធិបតីក្នុងពិធីបើក «ទិវាសហគ្រិនភាពកម្ពុជា ឆ្នាំ២០២៤»

នាព្រឹកថ្ងៃចន្ទ ទី៣០ ខែធ្នូ ឆ្នាំ២០២៤ នៅវិទ្យាស្ថានបច្ចេកវិទ្យាកម្ពុជា (សាលាតិចណូ) លោក​ជំទាវ ចម និម្មល រដ្ឋមន្ត្រីក្រសួងពាណិជ្ជកម្ម តំណាងដ៏ខ្ពង់ខ្ពស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ បាន​អញ្ជើញ​ជា​អធិបតី​ក្នុង​ពិធី​បើក “ទិវាសហគ្រិនភាពកម្ពុជា ឆ្នាំ២០២៤” ក្រោមប្រធានបទ “វិនិយោគ​លើ​សហគ្រិន​វ័យក្មេង ដើម្បី​សេដ្ឋកិច្ចថាមវន្ត និងបរិយាប័ន្ន” ដែលមានវត្តមានអញ្ជើញចូលរួមដោយ ឧកញ៉ា ប៉ិច បូឡែន ប្រធានសមាគមសហគ្រិនវ័យក្មេងកម្ពុជា (YEAC) ឧកញ៉ា គួច ផេង តំណាង​អង្គការ​បណ្ដាញ​សហគ្រិនសកលកម្ពុជា (GEN Cambodia) ឯកឧត្តម លោកជំទាវ ជាថ្នាក់​ដឹកនាំ​ក្រសួង-ស្ថាប័នពាក់ព័ន្ធ ភ្ញៀវជាតិ និងអន្តរជាតិ ព្រមទាំងម្ចាស់អាជីវកម្ម ក្រុមហ៊ុន សហគ្រាស ពីវិស័យឯកជន និងសិស្សានុសិស្សជាច្រើនរូប។

ជាកិច្ចចាប់ផ្តើម លោកជំទាវរដ្ឋមន្ត្រី បានកោតសរសើរចំពោះសមាគមសហគ្រិនវ័យក្មេងកម្ពុជា (YEAC) និងអង្គការបណ្តាញសហគ្រិនសកលកម្ពុជា (GEN Cambodia) ដែលបាន​សហការ​រៀបចំ​​ទិវាប្រកបដោយអត្ថន័យនេះឡើង និងបាន​វាយ​តម្លៃ​ខ្ពស់​ចំពោះ​សមិទ្ធផល​សម្រេ​ច​បាន​ជា​ច្រើន​របស់ សមាគម ក្នុងរយៈពេលជាង១៥ឆ្នាំមកនេះ ព្រមទាំង​ការ​ចូលរួ​ម​ចំណែក​យ៉ាង​សំខាន់​របស់​សមាគមក្នុងការជំរុញការអភិវឌ្ឍសេដ្ឋកិច្ចជាតិ។

លោកជំទាវរដ្ឋមន្ត្រី បន្តថា ប្រធានបទនៃទិវាសហគ្រិនភាពកម្ពុជាឆ្នាំនេះ បាន​សបញ្ជាក់​ពី​តួនាទី​ដ៏​សំខាន់​របស់​សហគ្រិនវ័យក្មេង ក្នុងការបង្កើតការប្រកួតប្រជែងលើអាជីវកម្ម ពាណិជ្ជកម្មប្រកប​ដោយ​ការ​ច្នៃប្រឌិត បណ្តុះនូវឯកទេសនិងជំនាញជាក់លាក់ ក្តាប់បាននូវឱកាសថ្មីៗ នៃ​ការ​ធ្វើ​ធុរកិច្ច និង​វិនិយោគ ជាពិសេសការធ្វើការពាណិជ្ជូបនីយកម្មឌីជីថល។

លោកជំទាវរដ្ឋមន្ត្រី បន្ថែមថា វេទិកានេះនឹងផ្តល់នូវសារៈសំខាន់ជាសារវន្ត ទាំងលើការ​ចែក​រំលែក​ព័ត៌មាន បទពិសោធន៍ល្អៗពីវាគ្មិននិងតួអង្គពាក់ព័ន្ធ ព្រមទាំង​កសាង​នូវ​បណ្តាញ​ទំនាក់​ទំនង​គ្នា​កាន់​តែ​ប្រសើរ ដល់អ្នកចូលរួមទាំងអស់ផងដែរ។

លោកជំទាវរដ្ឋមន្ត្រី គូសបញ្ជាក់ថា សហគ្រិនវ័យក្មេង ប្រកបដោយថាមវន្ត និងវិស័យឯកជន ដែលរឹងមាំ គឺជាតួអង្គដែលមិនអាចខ្វះបាន ក្នុងការអភិវឌ្ឍសេដ្ឋកិច្ច ព្រោះសហគ្រិន ម្ចាស់​អាជីវកម្ម និងវិស័យឯកជន គឺជាសរសៃឈាមនៃសេដ្ឋកិច្ចកម្ពុជាយើង។

មុននឹង​បញ្ចប់ លោកជំទាវរដ្ឋមន្ត្រី បានលើកទឹកចិត្ត និងស្នើឱ្យវិនិយោគិន សមាជិក សហគ្រិន​វ័យក្មេង សហគ្រាសធុនមីក្រូ តូច និងមធ្យម រួមគ្នាសិក្សាស្វែងយល់ពីបញ្ហាប្រឈម និងស្វែងរ​ក​ដំណោះ​ស្រា​យ ព្រមទាំងបន្តអភិវឌ្ឍសមត្ថភាព និងឯកទេសនីយកម្មរបស់ខ្លួន ដោយត្រូវ​តាម​ឱ្យ​ទាន់ការ​វិវត្តន៍របស់វិទ្យាសាស្រ្ត បច្ចេកវិទ្យា សេដ្ឋកិច្ច-សង្គម ដែលមានការប្រែប្រួល​យ៉ាង​ឆាប់​រហ័ស ការប្រកួតប្រជែង ក្នុងយុគ្គសម័យឌីជីថល។ លើសពីនេះ ចាំបាច់ត្រូវ​រួម​សហការ​គ្នាប្រ​កប​ដោយ​ភាព​បុរេសកម្ម និងអន្តរសកម្មបំផុតក្នុងការចាប់យកនូវកាលានុវត្តភាពជាសក្តានុពល ដើម្បី​ជំរុញ​កំណើន​សេដ្ឋកិច្ច-ពាណិជ្ជកម្ម និងលើកកម្ពស់សុខមាលភាពសង្គមឱ្យកាន់តែប្រសើរ៕

ក្រសួងធនធានទឹកជូនដំណឹងស្ថាប័នពាក់ព័ន្ធ និងពលរដ្ឋឱ្យប្រើប្រាស់ទឹកសន្សំសំចៃ នៅ៣ខែដំបូង​ដើមឆ្នាំក្រោយ ខណៈរដូវប្រាំងនឹងចាប់ផ...
30/12/2024

ក្រសួងធនធានទឹកជូនដំណឹងស្ថាប័នពាក់ព័ន្ធ និងពលរដ្ឋឱ្យប្រើប្រាស់ទឹកសន្សំសំចៃ នៅ៣ខែដំបូង​ដើមឆ្នាំក្រោយ ខណៈរដូវប្រាំងនឹងចាប់ផ្ដើមពីខែមករាដល់ខែឧសភា

ភ្នំពេញ៖ បន្ទាប់ពីធ្វើការតាមដាន និងព្យាករណ៍ស្ថានភាពអាកាសធាតុទៅលើបាតុភូតសកល ក្រសួងធនធានទឹក និងឧតុនិយម បានសូមជម្រាបជូនដំណឹងដល់សាធារណជនឱ្យបានជ្រាបពីស្ថានភាពអាកាសធាតុនៅក្នុងរដូវប្រាំងឆ្នាំ ២០២៥ យោងតាមការព្យាករស្តីពីស្ថានភាពវិវត្តនៃសីតុណ្ហភាពនៅលើផ្ទៃមហាសមុទ្រប៉ាស៊ីហ្វិកខាងលិច និង តំបន់អេក្វាទ័របង្ហាញឱ្យឃើញថា ចាប់ពីខែមករា ដល់ខែឧសភា បាតុភូតឡានីណានឹងថយចុះពី ៦០ភាគរយ មក ៤០ភាគរយ ដោយជំនួសមកវិញនូវបាតុភូតអែនសូអព្យាក្រឹត (ENSO-Neutral) ដែលនឹងកើនឡើងពី ៦០ភាគរយ ទៅ ៨០ភាគរយ។

ស្ថានភាពបែបនេះនឹងធ្វើឱ្យ រដូវប្រាំង៖ សីតុណ្ហភាពមធ្យមអប្បបរមា និងអតិបរមានឹងទាបជាងមធ្យមភាគច្រើនឆ្នាំ។ ដោយឡែកចាប់ពីខែមករា ដល់ដើមខែមីនា នៅតំបន់ខ្ពង់រាបរួមមាន ខេត្តកំពង់ស្ពឺ ប៉ៃលិន ឧត្តរមានជ័យ ព្រះវិហារ ស្ទឹងត្រែង ក្រចេះ រតនគិរី មណ្ឌលគិរី តំបន់ជួរភ្នំក្រវាញ និងជួរភ្នំដងរែក អាចមានសីតុណ្ហភាពមធ្យមអប្បបរមា ១៨°C និងមធ្យមអតិបរមា ៣០°C។ ចំណែកបរិមាណទឹកភ្លៀង៖ បរិមាណទឹកភ្លៀងមានកម្រិតប្រហាក់ប្រហែលនឹងមធ្យមភាគច្រើនឆ្នាំ។ ភ្លៀងកក់ ខែមានកម្រិតពីមធ្យមទៅច្រើន និងច្រើនជាងឆ្នាំ២០២៤ ជាមួយបាតុភូតរន្ទះ និងខ្យល់កន្ត្រាក់កើតច្រើន។ ដោយឡែកនៅតំបន់វាលទំនាប និងតំបន់មាត់សមុទ្រ កម្រិតទឹកភ្លៀងអាចខ្ពស់ជាងមធ្យមភាគច្រើនឆ្នាំ។

ដើមរដូវវស្សា៖ រដូវវស្សាអាចនឹងចាប់ផ្តើមនៅក្នុងសប្តាហ៍ទី១ ឬសប្តាហ៍ទី២ នៃខែឧសភា ដែលលឿនជាងឆ្នាំ២០២៤។ សីតុណ្ហភាពមធ្យមអប្បបរមា និងអតិបរមា ទាបជាងមធ្យមភាគច្រើនឆ្នាំ។ បរិមាណទឹកភ្លៀងមានកម្រិតខ្ពស់ជាងមធ្យមភាគច្រើនឆ្នាំ។ កម្រិតបរិមាណទឹកភ្លៀង ពីមធ្យមទៅបង្គួរ ជាមួយនឹងរបាយទឹកភ្លៀងធ្លាក់រាយប៉ាយបានល្អ។ បាតុភូតផ្គរ រន្ទះ និងខ្យល់កន្ត្រាក់កើតច្រើន។

យោងតាមការព្យាករអាកាសធាតុ ក្រសួងធនធានទឹកបានជម្រាបជូនដំណឹងដល់ស្ថាប័នពាក់ព័ន្ធ អាជ្ញាធរដែនដី និងប្រជាពលរដ្ឋចូលរួមសហការ ប្រើប្រាស់ទឹកដោយសន្សំសំចៃកម្រិតខ្ពស់នៅ៣ខែដំបូងនៃដើមឆ្នាំ២០២៥ ជាពិសេសតំបន់ជនបទដែលនៅឆ្ងាយពីប្រភពទឹក។ ជាមួយគ្នានោះសូមយកចិត្តទុកដាក់ និងប្រុងប្រយ័ត្នចំពោះអាកាសធាតុ ដែលមានបាតុភូតផ្គរ រន្ទះ និងខ្យល់កន្ត្រាក់ដែលអាចកើតមានច្រើននៅក្នុងខែមេសា និងខែឧសភា ឆ្នាំ២០២៥៕

Address


Telephone

+85561999877

Website

Alerts

Be the first to know and let us send you an email when BAYON Radio News posts news and promotions. Your email address will not be used for any other purpose, and you can unsubscribe at any time.

Videos

ព័ត៌មានពេលល្ងាច ៣០ ១២ ២០២៤
ព័ត៌មានពេលល្ងាច ៣០ ១២ ២០២៤

ព័ត៌មានពេលល្ងាច ៣០ ១២ ២០២៤

បន្តចូលរួមថែរក្សាសុខសន្ដិភាពដើម្បីការអភិវឌ្ឍជាតិ
បន្តចូលរួមថែរក្សាសុខសន្ដិភាពដើម្បីការអភិវឌ្ឍជាតិ

[WATCH] លោក ជុំ កុសល អ្នកតាមដានការអភិវឌ្ឍសង្គម និងនយោបាយ ផ្ញើសារដល់ប្រជាជនកម្ពុជា បន្តចូលរួមថែរក្សាសុខសន្ដិភាពជាមួយរាជរដ្ឋាភិបាល #BAYONRadioNews

ចលនាផ្ការីករបស់ទណ្ឌិតក្បត់ជាតិ ៣ជំនាន់ គឺប៉ុនប៉ងបំផ្លាញសន្ដិភាព
ចលនាផ្ការីករបស់ទណ្ឌិតក្បត់ជាតិ ៣ជំនាន់ គឺប៉ុនប៉ងបំផ្លាញសន្ដិភាព

[WATCH] លោកបណ្ឌិត ហែម ប្រសើរ ៖ ទណ្ឌិតក្បត់ជាតិ ៣ជំនាន់ សម រង្ស៊ី បង្កើតចលនាតស៊ូជាតិ និងចលនាផ្ការីក គឺមិនចង់ឲ្យប្រទេសកម្ពុជាមានសន្តិភាពនោះទេ

ចម្រុះមតិ ប្រធានបទ ៖ នគរបាលរាជធានី ត្រៀមជាស្រេចសម្រាប់ការការពារសន្តិសុខជូនពលរដ្ឋ...
ចម្រុះមតិ ប្រធានបទ ៖ នគរបាលរាជធានី ត្រៀមជាស្រេចសម្រាប់ការការពារសន្តិសុខជូនពលរដ្ឋ...

កម្មវិធី ចម្រុះមតិ ប្រធានបទ ៖ នគរបាលរាជធានី ត្រៀមជាស្រេចសម្រាប់ការការពារសន្តិសុខជូនពលរដ្ឋក្នុងថ្ងៃឆ្លងឆ្នាំសកល។ ថ្ងៃទី៣០ ខែធ្នូ ឆ្នាំ២០២៤

ទណ្ឌិតក្បត់ជាតិ ៣ជំនាន់ សម រង្ស៊ី នៅតែចិញ្ចឹមចិត្តនាំសង្រ្គាមមកបំផ្លាញកម្ពុជា
ទណ្ឌិតក្បត់ជាតិ ៣ជំនាន់ សម រង្ស៊ី នៅតែចិញ្ចឹមចិត្តនាំសង្រ្គាមមកបំផ្លាញកម្ពុជា

[WATCH] ឯកឧត្ដម ហែម ប្រសើរ ៖ ទណ្ឌិតក្បត់ជាតិ ៣ជំនាន់ សម រង្ស៊ី គឺជាមេឧទ្ទាមជ្រុលនិយម ដែលចិញ្ចឹមចិត្តនាំសង្រ្គាមមកបំផ្លាញសន្ដិភាព និងការអភិវឌ្ឍសង្គមជាតិកម្ពុជា #BAYONRadioNews

ព័ត៌មានពេលថ្ងៃត្រង់ ៣០ ១២ ២០២៤
ព័ត៌មានពេលថ្ងៃត្រង់ ៣០ ១២ ២០២៤

ព័ត៌មានពេលថ្ងៃត្រង់ ៣០ ១២ ២០២៤

សុខសន្ដិភាព គឺជាមូលដ្ឋានគ្រឹះ នៃការគោរពសិទ្ធិមនុស្ស
សុខសន្ដិភាព គឺជាមូលដ្ឋានគ្រឹះ នៃការគោរពសិទ្ធិមនុស្ស

សម្ភាសន៍-ឯកឧត្ដម ស្រ៊ាង ចិន្តា មន្រ្ដីនាំពាក្យគណៈកម្មាធិការសិទ្ធិមនុស្សកម្ពុជា ៖ សុខសន្ដិភាព គឺជាមូលដ្ឋានគ្រឹះ នៃការគោរពសិទ្ធិមនុស្ស #BAYONRadioNews

កម្មវិធី សំណើចប្រជាជន ៣០ ១២ ២០២៤
កម្មវិធី សំណើចប្រជាជន ៣០ ១២ ២០២៤

កម្មវិធី សំណើចប្រជាជន ៣០ ១២ ២០២៤

សហជីពនៅកម្ពុជា៖ បើគ្មានសន្ដិភាព វិស័យការងារក៏មិនអាចសម្រេចបានជោគជ័យដូចបច្ចុប្បន្នដែរ
សហជីពនៅកម្ពុជា៖ បើគ្មានសន្ដិភាព វិស័យការងារក៏មិនអាចសម្រេចបានជោគជ័យដូចបច្ចុប្បន្នដែរ

[WATCH] សហជីពនៅកម្ពុជា៖ បើគ្មានសន្ដិភាព វិស័យការងារក៏មិនអាចសម្រេចបានជោគជ័យដូចបច្ចុប្បន្នដែរ

អតីតថ្នាក់ដឹកនាំបក្សប្រឆាំងក្នុងស្រុកត្រពាំងប្រាសាទ ខេត្តឧត្តរមានជ័យ
អតីតថ្នាក់ដឹកនាំបក្សប្រឆាំងក្នុងស្រុកត្រពាំងប្រាសាទ ខេត្តឧត្តរមានជ័យ

អតីតថ្នាក់ដឹកនាំបក្សប្រឆាំងក្នុងស្រុកត្រពាំងប្រាសាទ ខេត្តឧត្តរមានជ័យ បាននាំគ្នាអបអរសាទរទិវាសន្តិភាពនៅកម្ពុជាលើកទី២៦ និងប្រកាសថ្កោលទោសទណ្ឌិតជនក្បត់ជាតិបីជំនាន់ ដែលប៉ុនប៉ងបំផ្លិចបំផ្លាញសមិទ្ធផលសន្តិភាពនៅកម្ពុជា ព្រមទាំងប្រកាសគាំទ្ររាជរដ្ឋាភិបាលអាណត្តិទី៧ នៃរដ្ឋសភា ដែលកើតចេញពីការបោះឆ្នោត ដឹកនាំដោយសម្ដេចធិបតីនាយករដ្ឋមន្ត្រី។

អតីតថ្នាក់ដឹកនាំបក្សប្រឆាំងក្នុង ស្រុកកោះញ៉ែក ខេត្តមណ្ឌលគិរី
អតីតថ្នាក់ដឹកនាំបក្សប្រឆាំងក្នុង ស្រុកកោះញ៉ែក ខេត្តមណ្ឌលគិរី

អតីតថ្នាក់ដឹកនាំបក្សប្រឆាំងក្នុង ស្រុកកោះញ៉ែក ខេត្តមណ្ឌលគិរី បាននាំគ្នាអប់អរសាទរទិវាសន្តិភាពនៅកម្ពុជាលើកទី២៦ និងប្រកាសថ្កោលទោសទណ្ឌិតជនក្បត់ជាតិបីជំនាន់ ដែលប៉ុនប៉ងបំផ្លេចបំផ្លាញសមិទ្ធផលនៅកម្ពុជាព្រមទាំងប្រកាសគាំទ្ររាជរដ្ឋាភិបាលអាណត្តិទី៧ នៃរដ្ឋសភា ដែលកើតចេញពីការបោះឆ្នោត ដឹងនាំដោយសម្តេចធិបតីនាយករដ្ឋមន្ត្រី។

អតីតថ្នាក់ដឹកនាំគណបក្ស ប្រឆាំង ក្នុងស្រុកសំរោងទង ខេត្តកំពង់ស្ពឺ
អតីតថ្នាក់ដឹកនាំគណបក្ស ប្រឆាំង ក្នុងស្រុកសំរោងទង ខេត្តកំពង់ស្ពឺ

អតីតថ្នាក់ដឹកនាំគណបក្ស ប្រឆាំង ក្នុងស្រុកសំរោងទង ខេត្តកំពង់ស្ពឺ បាននាំគ្នាចូលរួមអបអរសាទរ ទិវាសន្តិភាពនៅកម្ពុជា លើកទី២៦។

Shortcuts

  • Address
  • Telephone
  • Alerts
  • Videos
  • Claim ownership or report listing

  • Want your business to be the top-listed Media Company?

Share