Martin & Shulee

09/12/2023

Good Time 🫖🥩🥗

13/08/2023

Nothing beats the road trip with the one you love ❤️ After weeks and weeks of being stressed, we decided to spend a day to drive around.

No Plan! No Destination! Just Drive and capture all the fun and excitement along the way. This was a great moment to remind us of the importance of taking the time off to recharge.

10/01/2023

🛤️នៅពេលដែលយើងនិយាយពីការទៅលេង SAPA, បទពិសោធន៍មួយដែលយើងប្រហែលចង់សាកនោះគឺការជិះរថភ្លើងតែម្តង​ ដែលចម្ងាយពី Hanoi ទៅកាន់ SAPA ផ្ទាល់គឺប្រហែល ៣១៩km។ ជាទូទៅ, ការជិះរថភ្លើងទៅកាន់ក្រុង SAPA គឺត្រូវចំណាយពេលនិងថវិការច្រើនបន្តិច ជាងការដែលយើងជិះឡានក្រុង ព្រោះថានៅSAPAគឺមិនមានស្ថានីយ៍រថភ្លើងទេ។ ដូចនេះ, បើសិនជាយើងចង់ជិះរថភ្លើង គឺយើងត្រូវធ្វើដំណើរទៅកាន់ខេត្ត Lao Cai ជាមុនសិន ហើយបានយើងត្រូវរកឡាន taxi ជីះពី Lao Cai បន្តទៅកាន់ SAPA។

ជាបទពិសោធន៍របស់យើង, យើងអត់បានជិះរថភ្លើងពីទីក្រុង Hanoi ទៅ Sapa ទេ ដោយសារខ្លាចខកពេលវេលា ប៉ុន្តែដោយសារចង់ដឹងអារម្មណ៍ជីះរថភ្លើង យើងក៏សាកល្បងជិះពី Sapa ត្រឡប់មកវិញ ដោយធ្វើការទាក់ទងទៅក្រុមហ៊ុន Vietnam Tours【 by A21 Tours 】 ឲ្យពួកគាត់ជួយមើលជើងរថភ្លើងនិងកក់ឲ្យយើង។

🕰️ សម្រាប់រយៈពេលដែលយើងត្រូវត្រៀម គឺប្រហែលជា ៨-៩ ​ម៉ោង ដែល ១ម៉ោង គឺត្រូវជិះពី SAPA ទៅកាន់ Lao Cai ហើយ ៧-៨ ម៉ោងទៀតគឺនៅលើរថភ្លើង។

🚂 រថភ្លើងដែលយើងជីះមានឈ្មោះថា Chapa Express Train ដែលការរៀបចំ មានលក្ខណៈបែប Classic ហើយសម្រាប់តំលៃវិញ គឺអាស្រ័យលើប្រភេទគ្រែដែលយើងរើស។
——
🧧ការចំណាយ៖
- Taxi ពី Sapa ទៅ Lao Cai $20
- រថភ្លើងពី Lao Cai ទៅ Hanoi ម្នាក់ $៤0

26/12/2022

🏔️សាប៉ាជាទីក្រុងតូចមួយនៅភាគខាងជើងនៃប្រទេសវៀតណាម ដែលចំរុះទៅដោយវប្បធម៌ និងក្រុមជនជាតិភាគតិច ដោយហុំព័ទ្ធដោយសម្រស់ធម្មជាតិ បឹង ភ្នំ និងអ័ព្ទផងដែរ។ មានមនុស្សជាច្រើនតែងតែហៅទីនេះថា Swizerland នៃប្រទេសវៀតណាម ប៉ុន្តែបើសិនជាអ្នកចង់ដឹងថាវាពិតជាស្អាតដូចគេនិយាយមែននោះ? ប្រហែលអ្នកគួរតែមកសាកបទពិសោធន៍ផ្ទាល់ បានល្អជាង។

ការចំណាយនៅទីនេះប្រហែលជាមិនច្រើនទេទៅលើអាហារនិងការស្នាក់នៅ ប៉ុន្តែវាអាចនឹងអស់ច្រើនទៅលើការធ្វើដំណើរ ថាតើធ្វើយ៉ាងម៉ិចបានអាចទៅដល់ទីក្រុងសាប៉ាបាន?

✈️កន្លែងនេះ, អ្នកត្រូវដឹងថានៅសាប៉ា គឺមិនមានព្រលានយន្តហោះ ឫក៏ស្ថានីយ៍រថភ្លើងនោះទេ ដូចនេះ អ្នកត្រូវធ្វើយ៉ាងម៉ិចធ្វើដំណើរទៅដល់ទីក្រុងហាណូយជាមុនសិន។ជាបទពិសោធន៍របស់ពួកយើងលើកនេះ, អ្នកអាចចំណាយពេលមួយថ្ងៃពេញបើសិនជាអ្នក៖

▪️ជិះរថយន្តក្រុងពីភ្នំពេញទៅទីក្រុងហូជីមិញ (6-7 hours)
▪️ជិះយន្តហោះបន្តពីទីក្រុងហូជីមិញ ទៅទីក្រុងហាណូយ (2 hours)
▪️ជិះរថយន្តគេងពេលយប់ បន្តទៅសាប៉ា (5-6 hours)

តែបើសិនជាចង់លឿន ដើម្បីសន្សំពេលជាងនេះ, អ្នកក៏អាចជិះយន្តហោះពីភ្នំពេញឫសៀមរាបទៅហាណូយ ហើយបន្តជិះរថយន្តទៅសាប៉ា។

🚂សម្រាប់អ្នកដែលចង់បានបទពិសោធន៍ជិះរថភ្លើង, អ្នកអាចជិះពីហាណូយទៅសាប៉ាបាន ប៉ុន្តែពួកយើងមិនសូវជា Recommend ទេ ព្រោះថាទីមួយវាអត់សូវ Comfortable និងទី២ អ្នកត្រូវចំនាយបន្ថែម ពីព្រោះថាបើសិនជាអ្នកជិះរថភ្លើង អ្នកនឹងត្រូវឈប់នៅចំណតរថភ្លើងដែលស្ថិតនៅខេត្ត Lao Cai ហើយបានអ្នកត្រូវបន្តរក Taxi ទៅកាន់សាប៉ាថែមទៀត។

➿សង្ខេបខ្លះៗពីពួកយើង
▪️ អាកាសធាតុនៅទីនោះគឺត្រជាក់ល្អ ប៉ុន្តែអ្នករស់នៅទីនោះប្រាប់ពួកយើងថាពេលដែលសាប៉ាស្អាតជាងគេគឺនៅខែ៧ ខែ៨ គឺនៅពេលដែលផ្ការីកគ្រប់ទីកន្លែង ហើយក៏មិនជាចុះអ័ព្ទដែលយើងងាយស្រួលថតរូបបានស្អាត
▪️អាហារ ប្រហែលជាមិនសូវសំបូរបែបទេ ប៉ុន្តែរសជាតិគឺឆ្ងាញ់ ហើយតម្លៃក៏ថោក
▪️កន្លែងស្នាក់ក៏ដូចគ្នា, តម្លៃថោក ព្រមជាមួយសេវាកម្មល្អ និងការតុបតែងយ៉ាងច្នៃប្រឌិត
▪️ជាជាងការប្រើ Taxi, ជួលម៉ូតូជិះនៅទីនោះ គឺជាបទពិសោធន៍មួយយ៉ាងល្អ (តែត្រូវពាក់មួក ព្រោះមានប៉ូលីសជិះល្បាតមើលគ្រប់ពេល)
▪️ពោរពេញដោយហាងកាហ្វេស្អាតៗជាច្រើន ទាំងក្នុងក្រុង ក្រៅក្រុង និងតាមជើងភ្នំក៏មាន
▪️កន្លែងកម្សាន្តថតរូបក៏មានច្រើនដែរ

✨ជាបទពិសោធន៍រួម, យើងចូលចិត្តទីនោះច្រើន ហើយអ្វីដែលយើងស្តាយបំផុតគឺយើងអត់បានឡើងទៅលើភ្នំ Fasipan ដែលជាកន្លែងល្បីជាងគេបង្អស់នៅទីនោះ ក៏ពីព្រោះតែពេលដែលយើងទៅ គឺគេផ្អាកដំណើរការជួសជុលសិន។ យ៉ាងណាម៉ិញ, វានៅតែសប្បាយសម្រាប់ពួកយើង ជាពិសេគឺជិះម៉ូតូជិះពីកន្លែងមួយទៅកន្លែងមួយ 🖤🖤


———
⛰️Sapa, a small town at the north of Vietnam, with diversity of Culture & People and surrounded by Nature & Mist 🤍🤍

02/12/2022