16/04/2024
ឯកឧត្តម ម៉ាត់ សេត អញ្ជើញដឹកនាំក្រុមការងារចុះជួបប្រជាពលរដ្ឋ ក្នុងស្រុកទឹកឈូ ខេត្តកំពត
————————————————-
ស្រុកទឹកឈូ:នារសៀលថ្ងៃអង្គារ ទី១៦ ខែមេសា ឆ្នំា២០២៤ ឯកឧត្តមបណ្ឌិត ម៉ាត់ សេត សមាជិកគណៈកម្មការទី៧នៃរដ្ឋសភា អ្នកតំណាងរាស្ត្រមណ្ឌលខេត្តកំពត ឯកឧត្តម សេន សាប៊ីល អភិបាលរង នៃគណ:អភិបាលខេត្តកំពត ហាជ្ជី សាហ្វាល់ យ៉ាក់ហ្វើត ម្ចាស់ជំនួយពីប្រទេសអូស្រ្តាលី បានអញ្ជើញជាអធិបតីក្នុងពិធី សំណេះសំណាលសាកសួរសុខទុក្ខជាមួយប្រជាពលរដ្ឋ និងចែកអំណោយ ជូនដល់គ្រួសារជួបការលំបាក ចំនួន ១០០គ្រួសារ ស្ថិតនៅភូមិកំពង់កណ្តាល ឃុំជុំគ្រៀល ស្រុកទឹកឈូ ខេត្តកំពត និងមានការអញ្ជើញចូលរួមពី លោក ម៉ាត់ យូណុះ សមាជិកក្រុមប្រឹក្សាក្រុងបូកគោ លោក សាឡេះ ស៊ុបគី អភិបាលរងក្រុង លោកប្រធានគណ:អុីមាំស្រុកទឹកឈូ អាជ្ញាធរមូលដ្ឋាន គណៈអុីមាំម៉ាស្ជិត គ្រួបង្រៀនខ្មែរឥស្លាម ក្រុមការងារសម្ព័ន្ធយុវជនមុស្លិមកម្ពុជាខេត្តកំពត និងប្រជាពលរដ្ឋចូលរួមយ៉ាងច្រើនកុះករ ។
ពិធីសំណេះសំណាលសាកសួរសុខទុក្ខជាមួយប្រជាពលរដ្ឋ និងចែកអំណោយជូនគ្រួសារជួបការលំបាក ក្នុងមួយគ្រួសារៗ ទទួលបាន÷
១.អង្ករ ១០គីឡូក្រាម
២.មីជាតិ ១កេស
២. ស្ករស ១ គីឡូក្រាម
៣. ប្រេងឆា ១ដប
៤.ត្រីខ ៥កំប៉ុង
អំណោយទាំងនេះជាសប្បុរសជនរបស់ប្រទេសអូស្រ្តាលី តាមរយ: អង្គការមូលនិធិអភិវឌ្ឍនិស្សិតឥស្លាម
