សមាគមសារព័ត៌មានសុក្រឹត

20/11/2023

នារសៀលថ្ងៃចន្ទ ៨ កើត ខែកត្តិក ឆ្នាំថោះ
បញ្ចស័ក ពុទ្ធសករាជ ២៥៦៧
ត្រូវនឹងថ្ងៃទី២០ ខែវិច្ឆិកា ឆ្នាំ២០២៣

រាជធានីភ្នំពេញ៖ សមាគមសារព័ត៌មានសុក្រឹត
ដឹកនាំដោយ លោក នួន នី ជាប្រធាន បានទទួលការអនុញ្ញាតដ៏ខ្ពង់ខ្ពស់ ចូលជួបសម្តែងការគួរសម និងសូមអនុសាសន៍ណែនាំដ៏ខ្ពង់ខ្ពស់ ពីឯកឧត្តមបណ្ឌិត សុខ ប្រសិទ្ធិ រដ្ឋលេខាធិការ ក្រសួងព័ត៌មាន និង ជាទីប្រឹក្សាផ្ទាល់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ៕

19/11/2023

នាព្រឹក​ថ្ងៃ​ថ្ងៃសៅរ៍​ ០៦កេីត​ ខែកត្ដិក​ ឆ្នាំថោះ​ បញ្ចស័ក​ ព.ស.២៥៦៧​ ត្រូវ​នឹង​ថ្ងៃ​ទី​១៨​ ខែវិច្ឆិកា​ ឆ្នាំ​២០២៣​ ឯកឧត្ដម​ ឃួង​ ស្រេង​ អភិបាល​ នៃ​គណៈអភិបាល​រាជធានី​ភ្នំពេញ​ និង​លោកជំទាវ​ ជា​ សុីណា​ ឃួង​ស្រេង​ និង​ក្រុមគ្រួសារ​ ព្រមទាំង​មន្ត្រី​រដ្ឋបាល​រាជធានី​ភ្នំពេញ​បាន​ដង្ហែអង្គកឋិនទានរបស់​រដ្ឋបាល​រាជធានី​ភ្នំពេញ​ ឆ្ពោះទៅកាន់វត្តប្រសិទ្ធីរីម្មារាម ស្ថិត​នៅ​សង្កាត់​ពន្សាំង​ ខណ្ឌព្រែកព្នៅ រាជធានី​ភ្នំពេញ​។

19/11/2023

នាព្រឹកថ្ងៃអាទិត្យ ៧ កើត ខែកត្តិក ឆ្នាំថោះ
បញ្ចស័ក ពុទ្ធសករាជ ២៥៦៧
ត្រូវនឹងថ្ងៃទី១៩ ខែវិច្ឆិកា ឆ្នាំ២០២៣

កំពង់ស្ពឺ៖ សមាគមសារព័ត៌មានសុក្រឹត ថ្នាក់ដឹកនាំ និងសមាជិក សមាជិកា បានចូលរួមផ្តើមបុណ្យកឋិនទានសាមគ្គី ដង្ហែទៅវេរប្រគេនព្រះសង្ឃ ដែលគង់ចាំព្រះវស្សាអស់ត្រីមាសក្នុងពុទ្ធសីមា វត្តសុវណ្ណមានជ័យកំពូលភ្នំស្រង់(ហៅវត្តខ្នងបារាំង) ស្ថិតនៅលើកំពូលភ្នំស្រង់ ឃុំស្រង់ស្រុកគងពិសី ខេត្តកំពង់ស្ពឺ ៕៚

14/11/2023

នា​រសៀល​ថ្ងៃ​អង្គារ​ ០២កេីត​ ខែ​កត្តិក​ ឆ្នាំថោះ​ បញ្ចស័ក​ ព.ស.២៥៦៧​ ត្រូវ​នឹង​ថ្ងៃ​ទី​១៤​ ខែវិច្ឆិកា​ ឆ្នាំ​២០២៣​

រាជធានីភ្នំពេញ÷ ឯកឧត្ដម​ ឃួង​ ស្រេង​ អភិបាល​ នៃ​គណៈអភិបាល​រាជធានី​ភ្នំពេញ​ និង​លោកជំទាវ​ ជា​ សុីណា​ ឃួង​ស្រេង​ បាន​អញ្ជើញ​ជា​អធិបតីភាព​ក្នុងពិធីក្រុងពាលីសម្ភោធដាក់អោយប្រើប្រាស់ជាផ្លូវការនូវស្ពានបេតុងខ្សែកាបតភ្ជាប់រវាងតំបន់អភិវឌ្ឍកោះនរា និងតំបន់អភិវឌ្ឍកោះពេជ្រ នៅក្នុងកោះនរា សង្កាត់និរោធ ខណ្ឌច្បារអំពៅ។

13/11/2023

នាព្រឹកថ្ងៃចន្ទ ១ កើត ខែកត្តិក ឆ្នាំថោះ
បញ្ចស័ក ពុទ្ធសករាជ ២៥៦៧
ត្រូវនឹងថ្ងៃទី១៣ ខែវិច្ឆិកា ឆ្នាំ២០២៣

ខេត្តកណ្តាល៖ លោក នួន នី ប្រធានសមាគមសារព័ត៌មានសុក្រឹត បានដឹកនាំ គណៈកម្មការប្រតិបត្តិសមាគមចុះសួរសុខទុកលោក
អ៊ុន ចាន់ថា អនុប្រធានសមាគមសារព័ត៌មានសុក្រឹត ដែលមានជំងឺលើសឈាមកំពុងសម្រាកព្យាបាល នៅមន្ទីរសម្រាកព្យាបាល និងសម្ភពអមតៈ ស្ថិតនៅភូមិ ឬស្សីស្រុក ឃុំឈើទាល
ស្រុកកៀនស្វាយ ខេត្តកណ្ដាល។

11/11/2023

សម្តេចតេជោ ហ៊ុន សែន អញ្ជើញដង្ហែព្រះមហាក្សត្រ
យាងក្នុងព្រះរាជពិធីពន្លត់ទៀនជ័យ នៃទិវាបុណ្យឯករាជ្យជាតិ ៩វិច្ឆិកា

នៅរសៀល ថ្ងៃសៅរ៍ ១៣រោច ខែអស្សុជ ឆ្នាំថោះ បញ្ចស័ក ព.ស. ២៥៦៧ ត្រូវនឹង ថ្ងៃទី១១ ខែវិច្ឆិកា ឆ្នាំ២០២៣ សម្តេចអគ្គមហាសេនាបតីតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រ បានអញ្ជើញដង្ហែព្រះករុណាព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ស្តេចយាងជាព្រះរាជាធិបតីភាព ដ៏ខ្ពង់ខ្ពស់បំផុត ក្នុងព្រះរាជពិធីពន្លត់ទៀនជ័យ នៃទិវាបុណ្យឯករាជ្យជាតិ៩ វិច្ឆិកា ខួបលើកទី៧០ (៩ វិច្ឆិកា ១៩៥៣-៩ វិច្ឆិកា ២០២៣) ដែលកម្ពុជាទទួលបានឯករាជ្យពីអាណានិគមនិយមបារាំង ស្របជាមួយនឹងខួបលើកទី៧០ឆ្នាំ នៃការបង្កើតកងយោធពលខេមរភូមិន្ទផងដែរ។

ពិធីពិធីពន្លត់ទៀនជ័យក្រោមព្រះរាជាធិបតីភាពដ៏ខ្ពង់ខ្ពស់បំផុតរបស់ព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានប្រព្រឹត្តទៅក្នុងបរិយាកាសរីករាយ យ៉ាងក្រៃលែង ដោយមានការយាង និងអញ្ជើញចូលរួមពី សមាជិកព្រឹទ្ធសភា រដ្ឋសភា មន្ត្រីរាជរដ្ឋាភិបាល មន្ត្រីអង្គទូតនានា មន្រ្តីរាជការ កងកម្លាំងប្រដាប់អាវុធ យុវជន យុវតី សិស្សានុសិស្ស និងមហាជនយ៉ាងច្រើនកុះករ។

ទិវាបុណ្យឯករាជ្យជាតិ ៩ វិច្ឆិកា បានរំលឹកឲ្យឃើញពីព្រះរាជបេសកកម្មដើម្បីជាតិមាតុភូមិ និងប្រជារាស្ត្រខ្មែររបស់ព្រះករុណាព្រះបាទសម្តេចព្រះនរោត្តម សីហនុ ព្រះបិតាឯករាជ្យជាតិ ព្រះបរមរតនកោដ្ឋ ដែលព្រះអង្គបានលះបង់ព្រះកាយពល និងព្រះបញ្ញាញាណយ៉ាងក្លៀវក្លាបំផុតធ្វើការតស៊ូក្នុងក្របខ័ណ្ឌនៃព្រះរាជបូជនីកិច្ច ដើម្បីទាមទារឯករាជ្យដ៏ពិតប្រាកដនៅកម្ពុជា៕

11/11/2023

នាល្ងាចថ្ងៃសៅរ៍​ ១៣កេីត​ ខែអស្សុជ​ ឆ្នាំថោះ​ បញ្ចស័ក​
ព.ស.​២៥៦៧ ត្រូវ​នឹង​ថ្ងៃ​​ទី​១១​ ខែវិច្ឆិកា​ ឆ្នាំ​២០២៣​

រាជធានីភ្នំពេញ÷ឯកឧត្ដម​ ឃួង​ ស្រេង​ អភិបាល​ នៃ​គណៈអភិបាល​រាជធានី​ភ្នំពេញ​ក្នុង​ចូល​រួម​ក្នុង​ព្រះរាជ​ពិធី​ពន្លត់​ភ្លើង​ជ័យខួបអនុស្សាវរីយ៍លើកទី៧០ នៃទិវាបុណ្យឯករាជ្យជាតិ ៩ វិច្ឆិកា និងទិវាកំណើតនៃកងយោធពលខេមរភូមិន្ទ ក្រោមព្រះរាជា​ធិបតី​ភាព​ដ៏ខ្ពង់ខ្ពស់​បំផុត​របស់​ ព្រះករុណា​ព្រះ​បាទសម្ដេច​ ព្រះបរមនាថ​ នរោត្តម​ សីហមុនី​ ព្រះមហាក្សត្រ​ នៃ​ព្រះរាជាណាចក្រ​កម្ពុជា​។

11/11/2023

នារសៀលថ្ងៃសៅរ៍ ១៣រោច ខែអស្សុជ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី១១ ខែវិច្ឆិកា ឆ្នាំ២០២៣ ឯកឧត្ដម សុខ ប្រសិទ្ធិ ទីប្រឹក្សាផ្ទាល់ សម្តេចបវរធិបតីនាយករដ្ឋមន្រ្តី និងជាប្រធានក្រុមការងារគណបក្សចុះមូលដ្ឋានឃុំរមេញ បានអញ្ជើញចុះត្រួតពិនិត្យទីតាំង ដើម្បីត្រៀមរៀបចំសាងសង់សាលារៀន ដែលជាអំណោយដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា មានទីតាំងស្ថិតនៅក្នុងភូមិសំរោង ឃុំរមេញ ស្រុកកោះអណ្ដែត ខេត្តតាកែវ ។

11/11/2023

ឯកឧត្តម នេត្រ ភក្រ្តា រដ្ឋមន្ត្រីក្រសួងព័ត៌មាន អនុញ្ញាតឱ្យគណៈប្រតិភូសមាគមមូលនិធិអភិរក្សដំរីខ្មែរ អៃរាវត្តា (AIRAVATA) ដឹកនាំដោយលោកស្រី ក្លេ ខៃ ចិន្តា នាយិកាសមាគមមូលនិធិអភិរក្សដំរីខ្មែរ អៃរាវត្តា (AIRAVATA) ក្នុងជុំរំ អភិរក្សដំរី ស្ថិតនៅភូមិកាទៀង ឃុំល្បាំងពីរ ស្រុកលំផាត់ ខេត្តរតនគិរី ចូលជួបសម្តែងការគួរសម និងជម្រាបជូនពីការងារ របស់សមាគម ដែលបានអនុវត្តកន្លងមក នារសៀលថ្ងៃទី១០ ខែវិច្ឆិកា ឆ្នាំ២០២៣ នៅទីស្តីការក្រសួង រាជធានីភ្នំពេញ។

10/11/2023

សេចក្ដីជូនដំណឹង ស្ដីពីការបញ្ចៀសចរាចរយានយន្តគ្រប់ប្រភេទជាបណ្ដោះអាសន្ន ក្នុងពិធីសម្ពោធដាក់ឱ្យប្រើប្រាស់ជាផ្លូវការស្ពានខ្សែកាបតភ្ជាប់រវាងតំបន់អភិវឌ្ឍកោះនរា និងតំបន់អភិវឌ្ឍកោះពេជ្រ៕

09/11/2023

ថ្ងៃព្រហស្បតិ៍ ១១ រោច ខែអស្សុជ ឆ្នាំថោះ
បញ្ចស័ក ពុទ្ធសករាជ ២៥៦៧
ត្រូវនឹងថ្ងៃទី៩ ខែវិច្ឆិកា ឆ្នាំ២០២៣
សមាគមសារព័ត៌មានសុក្រឹតសូមចូលរួម
ពិធី​បុណ្យ​ឯករាជ្យ​ជាតិ អនុស្សាវរិយ៍ខួបទី៧០​ ថ្ងៃទី០៩​ វិច្ឆិកា​ ១៩៥៣-​ ថ្ងៃទី០៩​ វិច្ឆិកា​ ២០២៣​ ៕

08/11/2023

តាំងពីក្លាយជានាយករដ្ឋមន្ត្រី សម្តេចធិបតី ហ៊ុន ម៉ាណែត ស្គាល់តែបន្ទប់គេង ការិយាល័យធ្វើការ ឯកសារ ផ្លូវទៅធ្វើការ និងធ្វើការ ខណៈកម្មវិធីផ្សេងៗ លែងត្រូវបានគេអញ្ជើញហើយ!!

08/11/2023

សម្ដេចធិបតី ហ៊ុន ម៉ាណែត ថ្លែងអំណរគុណ វិនិយោគិនចិន ដែលបានជួយពន្យល់ និងបំភ្លឺ លុបបំបាត់ការព្រួយបារម្ភ ដែលកើតឡើងដោយសាររឿង «No More Bet»

07/11/2023

WATCH VIDEO: ធ្លាយសំឡេង អនុប្រធានប្រតិបត្តិគណបក្សភ្លើងទៀន ស្រុកតាំងគោក ខឹងសម្បារជាមួយ គណបក្សកម្លាំងជាតិ ដែលអូសទាញសមាជិកក្នុងមូលដ្ឋាន របស់ខ្លួន ទៅបម្រើបក្សថ្មី

(កំពង់ធំ)៖ លោក ស្រ៊ុន ឈុនហេង អនុប្រធានប្រតិបត្តិគណបក្សភ្លើងទៀន ស្រុកតាំងគោក ខេត្តកំពង់ធំ បានខឹងសម្បារយ៉ាងខ្លាំងចំពោះ លោក កត់ សុភាព ជាថ្នាក់ដឹកនាំគណបក្សកម្លាំងជាតិ ដែលបានអូសទាញសមាជិកក្នុងមូលដ្ឋានរបស់ខ្លួន ទៅបម្រើបក្សប្រឆាំងថ្មី គឺគណបក្សកម្លាំងជាតិក្នុងនោះក៏មានទាំងសមាជិកក្រុមប្រឹក្សាឃុំផងដែរ។

សូមស្តាប់ការលើកឡើងរបស់ លោក ស្រ៊ុន ឈុនហេង ដូចខាងក្រោម៖

07/11/2023

WATCH VIDEO: ធ្លាយសំឡេង ថ្នាក់ដឹកនាំគណបក្សភ្លើងទៀនស្រុកតាំងគោក ប្រាប់សមាជិកក្រុមប្រឹក្សាឃុំថា បើចង់ទៅចូលរួមជាមួយបក្សកម្លាំងជាតិ ក៏ទៅចុះ ខ្លួននឹងរៀបចំរចនាសម្ព័ន្ធថ្មី

(កំពង់ធំ)៖ លោក ឆន គឹមសេង ហេរញ្ញឹកគណបក្សភ្លើងទៀនស្រុកតាំងគោក ខេត្តកំពង់ធំ បានប្រាប់ទៅសមាជិកក្រុមប្រឹក្សាទាំងអស់របស់ខ្លួន នៅមូលដ្ឋាននេះថា បេីចង់ចូលរួមជីវភាពនយោបាយជាមួយ គណបក្សកម្លាំងជាតិ គឺអាចដាក់ពាក្យលាលែងពីគណបក្សភ្លេីងទៀនបាន ដើម្បីថ្នាក់ដឹកនាំគណបក្សស្រុក រៀបចំរចនាសម្ព័ន្ធថ្មី ដេីម្បីគណបក្សភ្លេីងទៀន នៅតែអាចដំណេីរការបាន។

សូមស្តាប់ការលើកឡើងរបស់ លោក ឆន គឹមសេង៖

07/11/2023

WATCH VIDEO: ធ្លាយសំឡេង ហេរញ្ញឹកគណបក្សភ្លើងទៀនស្រុកតាំងគោក លោក ឆន គឹមសេង ប្រកាសជំហរមិនចូលរួម ជាមួយគណបក្សកម្លាំងជាតិជាដាច់ខាត ដោយស្តាប់តាមការណែនាំរបស់ថ្នាក់ជាតិបក្សភ្លើងទៀន

(កំពង់ធំ)៖ ប្រឈមនឹងការអូសទាញដើម្បីចូលរួមជាមួយ គណបក្សកម្លាំងជាតិរបស់ លោក ស៊ុន ចន្នី ជាអតីតថ្នាក់ដឹកនាំគណបក្សភ្លើងទៀន លោក ឆន គឹមសេង ហេរញ្ញឹកគណបក្សភ្លើងទៀនស្រុកតាំងគោក ខេត្តកំពង់ធំ បានប្រកាសជំហរមិនចូលរួមជាមួយគណបក្សកម្លាំងជាតិជាដាច់ខាត ដោយស្តាប់តាមការណែនាំរបស់ថ្នាក់ជាតិបក្សភ្លើងទៀន។

សូមស្តាប់ការលើកឡើងរបស់ លោក ឆន គឹមសេង៖

06/11/2023

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានដាក់ចេញនូវអនុសាសន៍ ៦ ចំណុច សម្រាប់ក្រសួងមហាផ្ទៃអនុវត្ត

ងៃទី៦ វិច្ឆិកា ឆ្នាំ២០២៣

06/11/2023

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញសម្ពោធដាក់ឱ្យប្រើប្រាស់ជាផ្លូវការអគារទីស្តីការក្រសួងមហាផ្ទៃ។

អគារនេះ បានបញ្ចុះបឋមសិលាបើកការដ្ឋានសាងសង់នៅព្រឹកថ្ងៃទី១១ ខែវិច្ឆិកា ឆ្នាំ២០២១ ដែលមានផ្ទៃដីសរុបទំហំ ៥.៧ហិកតា ដែលសំណង់អគារមានទំហំ ១៥៣ម៉ែត្រ គុណ ៨៣ម៉ែត្រ មានកម្ពស់ ៩ជាន់ មិនរាប់បញ្ចូលជាន់ផ្ទាល់ដី និងជាន់សម្រាប់ចំណតរថយន្ត (អាចចតរថយន្តក្នុងអគារបានសរុប ចំនួន៣៣០គ្រឿង)

នៅព្រឹកថ្ងៃចន្ទ ៨រោច ខែអស្សុជ ឆ្នាំថោះ បញ្ចស័ក ព.ស២៥៦៧ ត្រូវនឹងថ្ងៃទី៦ ខែវិច្ឆិកា ឆ្នាំ២០២៣

06/11/2023

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដឹកនាំកិច្ចប្រជុំផ្នែករាជរដ្ឋាភិបាល និងផ្នែកឯកជន ពិភាក្សាការងារលើវិស័យទេសចរណ៍នៅកម្ពុជា នៅវិមានសន្តិភាព ។

រាជធានីភ្នំពេញ រសៀលថ្ងៃចន្ទ ទី៦ វិច្ឆិកា ២០២៣

06/11/2023

សម្ដេចធិបតី ហ៊ុន ម៉ាណែត ចាត់ទុកអគារថ្មីក្រសួងមហាផ្ទៃ ជាមរតកដ៏ថ្លៃថ្លារបស់រាជរដ្ឋាភិបាលនីតិកាលទី៦ ដែលផ្តួចផ្តើមសាងសង់ដោយសម្តេចក្រឡាហោម ស ខេង និងការគាំទ្រពេញទំហឹងរបស់សម្តេចតេជោ ហ៊ុន សែន...

06/11/2023

នាថ្ងៃចន្ទ ៨រោច ខែអស្សុជ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី៦ ខែវិច្ឆិកា ឆ្នាំ២០២៣ ឯកឧត្ដម សុខ ប្រសិទ្ធិ រដ្ឋលេខាធិការ បានអញ្ជើញចូលរួមកិច្ចប្រជុំពិភាក្សាការងារក្រោមអធិបតីភាព ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន នៅទីស្តីការក្រសួង។

05/11/2023

សូមជម្រាបជូនលោក /លោកស្រី ប្រធានសមាគម និងអង្គការមិនមែនរដ្ឋាភិបាលក្នុងស្រុក

ដើម្បីចូលរួមប្រឆាំងហិរញ្ញប្បទានដល់ការរីកសាយភាយអាវុធមហា
ប្រល័យ នាយកដ្ឋានកិច្ចការសមាគម និងគណបក្សនយោបាយ និង
អគ្គនាយកដ្ឋានរដ្ឋបាល ក្រសួងមហាផ្ទៃ សូមចែករំលែកបន្តនូវកំណត់
ទូតេលេខ SCA/4/23(09) ចុះថ្ងៃទី១៩ ខែតុលា ឆ្នាំ២០២៣ របស់
លេខាធិកាដ្ឋានអង្គការសហប្រជាជាតិ ស្តីពីការដកបុគ្គល
ចំនួន២៣រូប និងក្រុមហ៊ុនចំនួន៦១ ចេញពីបញ្ជីទណ្ឌកម្មរបស់ក្រុមប្រឹក្សាអង្គការសហប្រជាជាតិ (ដូចមានលិខិតជូនភ្ជាប់ជាមួយ) ៕

04/11/2023

ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន អញ្ជើញជួបសំណេះសំណាល ជាមួយថ្នាក់ដឹកនាំ មន្ត្រីរាជការនៃមន្ទីរព័ត៌មានខេត្តកំពង់ធំ និងអ្នកសារព័ត៌មានដែលកំពុងអនុវត្តការងារនៅខេត្តកំពង់ធំ នាព្រឹកថ្ងៃទី០៣ ខែវិច្ឆិកា ឆ្នាំ២០២៣ នៅខេត្តកំពង់ធំ។

03/11/2023

សមាគមសារព័ត៌មានសុក្រឹតត្រូវបានក្រសួងព័ត៌មានចេញអាជ្ញាប័ណ្ណទទួលស្គាល់ជាផ្លូវការ!!!

ភ្នំពេញ៖ផ្សាយចេញថ្ងៃទី០២ខែវិឆ្ឆិការ ឆ្នាំ២០២៣ សមាគមសារព័ត៌មានសុក្រឹតត្រូវបានក្រសួងមានព័ត៌មានទទួលស្គាល់ជាផ្លូវការហើយ នាថ្ងៃទី៣០ ខែតុលា ឆ្នាំ២០២៣នេះ ដោយមានខ្លឹមយ៉ាងកក់ក្តៅថា៖ជម្រាបជូនលោក ប្រធានសមាគមសារព័ត៌មានសុក្រឹត!!

02/11/2023

តាងនាមខ្ញុំបាទប្រធានសមាគម ថ្នាក់ដឹកនាំសមាជិក សមាជិកា តាមបណ្ដារាជធានី\ ខេត្ត
នៃសមាគមសារព័ត៌មានសុក្រឹត សូមគោរពថ្លែងអំណរអរគុណយ៉ាងជ្រាវជ្រៅបំផុតជូនចំពោះឯកឧត្តម នេត្រ ភក្រ្តា រដ្ឋមន្ត្រីក្រសួងព័ត៌មាន
និងឯកឧត្តម ផុស សុវណ្ណ អគ្គនាយកដ្ឋានព័ត៌មាន និងសោទស្សន៍ ដែលបានទទួលនូវសំណុំឯកសាររបស់សមាគមសារព័ត៌មានសុក្រឹតនិងអនុញ្ញាតឲ្យសមាគម(ស ស.ក)ធ្វើសកម្មភាពការងារវិស័យព័ត៌មាន និងសោទស្សន៍នៅក្នុងព្រះរាជាណាចក្រកម្ពុជា។

យើងខ្ញុំទាំងអស់គ្នាសូមបួងសួងដល់វត្ថុស័ក្កសិទ្ធក្នុងលោកជួយបីបាច់ថែរក្សាឯកឧត្តម សូមឲ្យឯកឧត្តម មានសុខភាពល្អ កម្លាំងពលំមាំមួនប្រាជ្ញាឈ្លាសវៃ សំរេចកិច្ចការងារគ្រប់ភារកិច្ច
និងសមប្រកបនូវពុទ្ធពរទាំងបួនប្រការគឺ
អាយុ វណ្ណ: សុខ: ពល: កបីឃ្លៀងឃ្លាតឡើយ🙏🙏🙏

01/11/2023

គណ:សង្ឃនាយក នៃព្រះរាជាណាចក្រកម្ពុជា ចេញសេចក្ដីណែនាំ ស្ដីពី វិធានការទប់ស្កាត់ការផ្សព្វផ្សាយ និងការចែកចាយព័ត៌មាន អវិជ្ជមាន របស់ព្រះសង្ឃ បព្វជិត ពុទ្ធសាសនា ។

29/10/2023

ទូទូលព្រះបង្គំជាខ្ញុំ សូមព្រះបរមរាជានុញ្ញាត ក្រាបថ្វាយនូវព្រះរាជសព្ទសាធុការពរជ័យ សិរី បវរ មហាប្រសើរ ថ្វាយព្រះករុណា ព្រះបាទ សម្តេចព្រះ បរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា នាវរោកាសដ៏នក្ខត្តឫក្សថ្លៃថ្លានៃខួបទី ១៩ នៃព្រះរាជពិធីរាជាភិសេកព្រះមហាក្សត្រ។

សូមគុណបុណ្យព្រះរតនត្រៃ កែវទាំងបី ឫទ្ធីតេជបារមីទេវតាថែរក្សាទឹកដីព្រះរាជាណាចក្រកម្ពុជា ទេវតាថែរក្សាព្រះមហាស្វេតច្ឆត្រ សូមយាងបីបាច់ថែរក្សាអភិបាលប្រោះព្រំ ប្រទាន ព្រះសព្ទសាធុការពរជ័យគ្រប់ប្រការ ថ្វាយព្រះករុណាជាអម្ចាស់ជីវិតលើត្បូង និងសូមព្រះអង្គ ទ្រង់ប្រកបដោយ ព្រះពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ ដើម្បីគង់ប្រថាប់ជាម្លប់ដ៏ត្រជាក់ត្រជំដល់កូនចៅជាប្រជានុរាស្រ្តរបស់ព្រះអង្គ។

28/10/2023

នារសៀលថ្ងៃសៅរ៍ ១៤ កើត ខែអស្សុជ ឆ្នាំថោះ
បញ្ចស័ក ពុទ្ធសករាជ ២៥៦៧
ត្រូវនឹងថ្ងៃទី២៨ ខែតុលា ឆ្នាំ២០២៣

រាជធានីភ្នំពេញ÷សមាគមសារព័ត៌មានសុក្រឹត
ផ្ញើសារលិខិតចូលរួមរំលែកមរណៈទុក្ខ ជូនលោក លក ប៊ុនធឿន និងក្រុមគ្រួសារ ដែលជាចាងហ្វាងគេហទំព័រAK NEWS TV ដែលភរិយាបានទទួលមរណភាពដោយរោគគាពាធ....។

27/10/2023

ថ្ងៃសុក្រ ១៣ កើត ខែអស្សុជ ឆ្នាំថោះ
បញ្ចស័ក ពុទ្ធសករាជ ២៥៦៧
ត្រូវនឹងថ្ងៃទី២៧ ខែតុលា ឆ្នាំ២០២៣

រាជធានីភ្នំពេញ÷សមាគមសារព័ត៌មានសុក្រឹតចេញសារលិខិតថ្វាយព្រះពរព្រះករុណាព្រះបាទសម្ដេចព្រះបរមនាថ នរោត្តម សីហមុនីព្រះមហាក្សត្រ នៃព្រះរាជាណាចក្រកម្ពុជាជាទីគោរពសក្ការៈដ៏ខ្ពង់ខ្ពស់បំផុតក្នុងឱកាសគម្រប់ខួបលើកទី១៩ នៃការយាងគ្រងព្រះបរមសិរីរាជ្យសម្បត្តិ...។

27/10/2023

ចាងហ្វាងបីនាក់ត្រូវបានឡើងសវនាការសាលាដំបូងរាជធានីភ្នំពេញជំនុំជម្រះក្តីក្រោយពីរងបណ្តឹងពីលោក សុខ សុវណ្ណ!!!

ភ្នំពេញ៖នាព្រឹកនៅថ្ងៃទី២៦ ខែតុលា ២០២៣ នេះលោកចាងហ្វាងបីរូបត្រូវបានឡើងសាវនាការជំនុំជម្រះក្តីនៅអយ្យការសាលាដំបូងរាជធានីភ្នំពេញ ពាក់ព័ន្ធករណីរងបណ្ដឹងពីលោក សុខ សុវណ្ណ ជាចាងហ្វាងសារព័ត៌មាន UMA TV Online ជាប់ចោទពីបទ៖ បរិហាកេរ្តិ៍ ឬមួលបង្កាច់ចំពោះការប៉ះពាល់កិត្តិយស និងសេចក្ដីថ្លៃថ្នូរ ប្រព្រឹត្តទៅ រាជធានីភ្នំពេញ កាលពីថ្ងៃទី២០ ខែតុលា ឆ្នាំ២០២២ តាមបញ្ញត្តិមាត្រា១០ នៃច្បាប់ស្តីពីរបបសារព័ត៌មាន ។

ក្រោយពេលបានចុះផ្សាយព័ត៌មានមួយមានចំណងជើងថា៖ក្រដាសខ្ចប់ភ្លើងមិនជិតទេ ទីបំផុតមន្ទីរពហុព្យាបាល សម្ភព សុខ សុវណ្ណ និង សុវណ្ណ រិទ្ធីសក្ដិ មិនមានច្បាប់នោះទេ គឺលួចប្រើប្រាស់ឈ្មោះវេជ្ជបណ្ឌិត កែវ ការីណូ ដែលបានស្លាប់បាត់បង់ជីវិតទៅហើយនិងមានពាក់ព័ន្ធនឹងមន្ទីរពហុព្យាបាលសម្ភព សុខ សុវណ្ណ» ដែលមានទីតាំងស្ថិតក្នុងភូមិទេពប្រណម ឃុំវិហារហ្លួង ស្រុកពញាឮ ខេត្តកណ្តាល។

ដោយមន្ទីរពេទ្យមួយនេះបានលួចប្រើប្រាស់ឈ្មោះ លោក វេជ្ជបណ្ឌិត កែវ ការីណូ ដែលលោកវេជ្ជបណ្ឌិតរូបនេះបានទទួលមរណភាពទៅហើយត្រូវបានរងការប្ដឹងពីសំណាក់លោក សុខ សុវណ្ណ ជាចាងហ្វាងសារព័ត៌មាន UMA TV Online ជាប់ចោទពីបទ៖ បរិហាកេរ្តិ៍ ឬមួលបង្កាច់ចំពោះការប៉ះពាល់កិត្តិយស និងសេចក្ដីថ្លៃថ្នូរ ចំពោះចាងហ្វាង៣រូបមានឈ្មោះដូចខាងក្រោម៖
១/លោក នួន នី ចាងហ្វាងការផ្សាយអង្គភាព{ខ្មែរសុក្រឹត្យ}
២/លោក មីន ចន្ធី ចាងហ្វាងការផ្សាយអង្គភាព{អាស៊ានដេលី}
៣/លោក ឈុំ ដានី ចាងហ្វាងការផ្សាយអង្គភាពកងមាសញូស៍។

ក្រោយពីសាកសួរអង្គសវនាការចៅក្រមជំនុំជម្រះក្តីអយ្យការសាលាដំបូងរាជធានីភ្នំពេញរួច លោកចាងហ្វាងទាំងបីបានផ្ដល់បទសម្ភាសន៍បណ្ដាញព័ត៌មានអោយដឹងថាការចុះផ្សាយរបស់ពួកគាត់គឺមានវិជ្ជាជីវៈត្រឹមត្រូវ និងបានសម្ភាសន៍អ្នកនាំពាក្យក្រសួងសុខាភិបាលនិងមន្ទីរសុខាភិបាលខេត្តពាក់ព័ន្ធនិងទទួលបានឯកសារមួយចំនួនដែលជាឯកសារដែលបញ្ជាក់ថាទីតាំងដែលបើកពហុព្យាបាលដែលមានឈ្មោះ មន្ទីរពហុព្យាបាល សម្ភព សុខ សុវណ្ណ និង សុវណ្ណ រិទ្ធីសក្ដិ មិនមានច្បាប់អនុញ្ញាតពិតប្រាកដមែន។

លោកចាងហ្វាងទាំងបីរូបក្រោយពីរអយ្យការសាលាដំបូលរាជធានីភ្នំពេញធ្វើការសាកសួរចម្លើយនិងជំនុំជម្រះក្តីខាងលើរួចបានលើកឡើងថាពួកគាត់ផ្សាយអ្វីដែលជាការពិតហើយការចុះផ្សាយព័ត៌មានខាងលើនេះក៏ដូចចូលរួមបម្រើជាប្រយោជន៍សាធារណៈរួមនិងបានទទូចសំណូមពរសម្ដេចបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និង ស្នើសុំឯកឧត្តម កើត រិទ្ធ ឧបនាយករដ្ឋមន្ត្រីនិងជា រដ្ឋមន្ត្រីក្រសួងយុត្តិធម៌ ពួកគាត់សង្ឃឹមថាថ្នាក់ដឹកនាំលោកនិងមាន សុភវិនិច្ឆ័យនឹងជួយអន្តរាគមន៍នៅលើសំណុំរឿងពួកគាត់ដែលបានផ្សព្វផ្សាយជារឿងការពិតបែរត្រូវជាគេប្ដឹងទៅវិញហើយចុងក្រោយគាត់ក៏សំណូមពរទៅដល់អង្គចៅក្រមជំនុំជម្រះទាំងមូលតំណាងអយ្យការព្រះរាជអាជ្ញា ក្រឡាបញ្ជី នៅក្នុងសាលាយុត្តិធម្មនេះសូមឱ្យលោកពិនិត្យដោយសុភវិនិច្ឆ័យនិងសុំអោយរួចពីបទចោទចំពោះរូបខ្ញុំទាំងបីនាក់នេះ។

26/10/2023

លោកចាងហ្វាង៣រូបត្រូវបានឡើងសវនាការសាលាដំបូងរាជធានីភ្នំពេញជំនុំជម្រះក្តីក្រោយពីរងបណ្តឹងពីលោក សុខ សុវណ្ណ!!! – ខ្មែរសុក្រឹត្យ

ភ្នំពេញ៖នាព្រឹកនៅថ្ងៃទី២៦ ខែតុលា ២០២៣ នេះលោកចាងហ្វាងបីរូបត្រូវបានឡើងសវនាការជំនុំជម្រះក្តីនៃអយ្យការសាលា...

25/10/2023

ថ្ងៃពុធ ១១ កើត ខែអស្សុជ ឆ្នាំថោះ
បញ្ចស័ក ពុទ្ធសករាជ ២៥៦៧
ត្រូវនឹងថ្ងៃទី២៥ ខែតុលា ឆ្នាំ២០២៣

ក្រសួងព្រះបរមរាជវាំង ប្រកាសថា៖ ព្រះរាជសារដែលបានចុះផ្សាយក្នុងបណ្តាញសង្គមដោយជនអានាមិក ជាលិខិតក្លែងបន្លំពុំមែនជាព្រះរាជសារពិតប្រាកដ របស់ព្រះមហាក្សត្រ និង សម្តេចព្រះមហាក្សត្រី ឡើយ។

25/10/2023

ថ្ងៃពុធ ១១ កើត ខែអស្សុជ ឆ្នាំថោះ
បញ្ចស័ក ពុទ្ធសករាជ ២៥៦៧
ត្រូវនឹងថ្ងៃទី២៥ ខែតុលា ឆ្នាំ២០២៣

សម្ដេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជាបាន អញ្ជើញចុះហត្ថលេខាលើកិច្ចព្រមព្រៀងចងសម្ព័ន្ធភាពរវាងគណបក្សប្រជាជនកម្ពុជា ជាមួយបណ្ដាគណបក្សនយោបាយនៅកម្ពុជា ចំនួន២៧ផ្សេងទៀត។ ពិធីនេះធ្វើឡើងនៅវិមាន៧មករា ទីស្នាក់ការកណ្ដាលរបស់គណបក្សប្រជាជនកម្ពុជា។

23/10/2023

អបអរសាទរខួបទី៣២ឆ្នាំ នៃកិច្ចព្រមព្រៀងសន្តិភាពទីក្រុងប៉ារីស ២៣ តុលា

ថ្ងៃទី២៣ ខែតុលា ឆ្នាំ២០២៣នេះ គឺជាខួប ៣២ឆ្នាំ (២៣ តុលា ១៩៩១-២៣ តុលា ២០២៣) នៃកិច្ចព្រមព្រៀងសន្តិភាព ទីក្រុងប៉ារីស។ ៣២ឆ្នាំមុន ពោលគឺនៅថ្ងៃទី២៣ ខែតុលា ឆ្នាំ១៩៩១ ភាគីទាំង៤ របស់កម្ពុជារួមមាន សម្តេចតេជោ ហ៊ុន សែន តំណាងឱ្យរដ្ឋាភិបាលកម្ពុជា ចលនាតស៊ូហ៊្វុនស៊ិនប៉ិច ដែលតំណាងដោយសម្តេចព្រះ នរោត្តម សីហនុ និងសម្តេចក្រុមព្រះ នរោត្តម រណប្ញទ្ឋិ រណសិរ្សជាតិរំដោះប្រជាពលរដ្ឋខ្មែរ ដែលតំណាងដោយ លោក សឺន សាន និង ក្រុមចលនាកម្ពុជាប្រជាធិបតេយ្យ (ប៉ុលពត) តំណាងដោយ លោក ខៀវ សំផន បានឈានទៅចុះហត្ថលេខា លើកិច្ចព្រមព្រៀងសន្តិភាព នៅទីក្រុងប៉ារីស ប្រទេសបារាំង ក្រោមវត្តមានសាក្សីមកពី១៨ប្រទេស រួមទាំងអគ្គលេខាធិការអង្គការសហប្រជាជាតិ (UN) ផងដែរ ដើម្បីបញ្ចប់សង្រ្គាមស៊ីវិលនៅកម្ពុជា។

មុននឹងឈានមកដល់កិច្ចព្រមព្រៀងនាទីក្រុងប៉ារីស ២៣ តុលា គឺសម្តេចតេជោ ហ៊ុន សែន បានជួបពិភាក្សាដំបូងបំផុតជាមួយ អតីតព្រះមហាក្សត្រខ្មែរ សម្តេចព្រះ នរោត្តម សីហនុ នៅថ្ងៃទី០២ ខែធ្នូ ឆ្នាំ១៩៨៧ នៅ FERE-EN-TARDENOIS នៅប្រទេសបារាំង ដែលការចរចានេះ មានសេចក្តីប្រកាសរួមឡាយព្រះហស្តលេខាដោយ សម្តេចព្រះ នរោត្តម សីហនុ និង សម្តេចតេជោ ហ៊ុន សែន ដែលហៅថា (ជំនួបចរចា សីហនុ-ហ៊ុន សែន នៅ FERE-EN-TARDENOIS ថ្ងៃទី០២-០៤ ខែធ្នូ ឆ្នាំ១៩៨៧)។ បន្ទាប់មកក៏មានកិច្ចចរចាបន្តរវាង សីហនុ-ហ៊ុន សែន លើកទី ២ ប្រព្រឹត្តឡើងនៅថ្ងៃទី២០-២១ ខែមករា ឆ្នាំ១៩៨៨ នៅ SAINT-GERMAIN-EN-LAYE ប្រទេសបារាំង និងនៅទីកន្លែងផ្សេងៗមួយចំនួនទៀត។

ទោះបីមានកិច្ចព្រមព្រៀងសន្តិភាពប៉ារីស ២៣ តុលា ១៩៩១ ក៏ពិតមែន ប៉ុន្តែសង្រ្គាមស៊ីវិលនៅកម្ពុជា នៅបន្តដែលបង្កដោយភាគីកម្ពុជាប្រជាធិបតេយ្យ (ប៉ុលពត)។ ក្រោមនយោបាយ ឈ្នះ-ឈ្នះ របស់សម្តេច តេជោ ហ៊ុន សែន គឺបានបញ្ចប់សង្រ្គាមស៊ីវិលទាំងស្រុង នៅឆ្នាំ១៩៩៨ ដែលកម្ពុជាទូទាំងប្រទេស បានស្គាល់នូវសន្តិភាពពេញលេញ និងសម្បូរសប្បាយរហូតមកដល់សព្វថ្ងៃ៕

22/10/2023

ថ្ងៃអាទិត្យ ៨ កើត ខែអស្សុជ ឆ្នាំថោះ
បញ្ចស័ក ពុទ្ធសករាជ ២៥៦៧
ត្រូវនឹងថ្ងៃទី២២ ខែតុលា ឆ្នាំ២០២៣

រាជធានីភ្នំពេញ÷ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញអញ្ជើញចូលរួមពិធី​ចែក​អំណោយ​ជូន​បងប្អូន​ប្រជាពលរដ្ឋ​រងគ្រោះ​ដោយសារ​ជំនន់​ទឹក​ភ្លៀង​ចំនួន​ ២.១០១គ្រួសារ​ ស្ថិត​ក្នុង​មូលដ្ឋាន​សង្កាត់​ចំនួន​​១០​ នៃ​ខណ្ឌ​ដង្កោ​ រាជធានី​ភ្នំពេញ​ ក្រោម​អធិបតីភាព​លោកជំទាវ​ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា តំណាងដ៏ខ្ពង់ខ្ពស់បំផុតសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា។

20/10/2023

ថ្ងៃសុក្រ ៦ កើត ខែអស្សុជ ឆ្នាំថោះ
បញ្ចស័ក ពុទ្ធសករាជ ២៥៦៧
ត្រូវនឹងថ្ងៃទី២០ ខែតុលា ឆ្នាំ២០២៣

រាជធានីភ្នំពេញ÷យោងតាមវិដេអូសន្ទនារបស់ក្រុមគណបក្សភ្លើងទៀន ដែលត្រូវបាន Facebook មួយឈ្មោះ Neak Proyuth «អ្នកប្រយុទ្ធ» បានទម្លាយនៅរសៀលថ្ងៃទី២០ ខែតុលា ឆ្នាំ២០២៣ អំពីភាពជ្រួលច្របល់ពេញក្រុមគណបក្សភ្លើងទៀន រាជធានីភ្នំពេញ បន្ទាប់ពីថ្នាក់ដឹកនាំ និងសមាជិកមួយចំនួនបានចាកចេញ ពីគណបក្សភ្លេីងទៀន​ មកចូលរួមជីវភាពនយោបាយ ជាមួយគណបក្សប្រជាជនកម្ពុជា។

19/10/2023

ថ្ងៃព្រហស្បតិ៍ ៥ កើត ខែអស្សុជ ឆ្នាំថោះ
បញ្ចស័ក ពុទ្ធសករាជ ២៥៦៧
ត្រូវនឹងថ្ងៃទី១៩ ខែតុលា ឆ្នាំ២០២៣

រាជធានីភ្នំពេញ÷ សមាគមសារព័ត៌មានសុក្រឹតផ្ញើរសារលិខិតអបអរសាទរ សូមគោរពជូនពរ
សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងឱកាសខួបកំណើតគម្រប់ខួប ៤៦ ឈានចូល ៤៧ ឆ្នាំថ្ងៃទី២០ ខែតុលា ២០២៣ ។

17/10/2023

ថ្ងៃអង្គារ ៣ កើត ខែអស្សុជ ឆ្នាំថោះ
បញ្ចស័ក ពុទ្ធសករាជ ២៥៦៧
ត្រូវនឹងថ្ងៃទី១៧ ខែតុលា ឆ្នាំ២០២៣

រាជធានីភ្នំពេញ÷ អគ្គនាយកដ្ឋានពន្ធនាគារ សម្រេចដាក់ពិន័យលើពិរុទ្ធជន សុខ សុវណ្ណវឌ្ឍនាសាប៊ុង ហៅ William Guang ដែលលួចប្រើទូរស័ព្ទ និងបញ្ចេញសារនយោបាយពីក្នុងពន្ធនាគារ....

15/10/2023

នាព្រឹកថ្ងៃអាទិត្យ ១ កើត ខែអស្សុជ ឆ្នាំថោះ
បញ្ចស័ក ពុទ្ធសករាជ ២៥៦៧
ត្រូវនឹងថ្ងៃទី១៥ ខែតុលា ឆ្នាំ២០២៣

រាជធានីភ្នំពេញ÷ឯកឧត្តម​ ឃួង​ ស្រេង​ អភិបាល​ នៃគណអភិបាលរាជធានីភ្នំពេញ​ បានអញ្ជេីញចូលរួមខួបលេីកទី១១​ នៃទិវា​ប្រារព្ធ​ពិធី​គោរព​ព្រះវិញ្ញាណក្ខន្ធ ព្រះករុណា​ព្រះបាទ​សម្តេច​ព្រះ នរោត្តម សីហនុ ព្រះមហាវីរក្សត្រ ព្រះ​វររាជ​បិតា​ឯករាជ្យ បូរណភាព​ទឹកដី និង​ឯកភាព​ជាតិ​ខ្មែរ (King Father's Commemoration Day)

15/10/2023

ថ្ងៃអាទិត្យ ១ កើត ខែអស្សុជ ឆ្នាំថោះ
បញ្ចស័ក ពុទ្ធសករាជ ២៥៦៧
ត្រូវនឹងថ្ងៃទី១៥ ខែតុលា ឆ្នាំ២០២៣

សមាគមសារព័ត៌មានសុក្រឹតសូមចូលរួមខួបលេីកទី១១​ នៃទិវា​ប្រារព្ធ​ពិធី​គោរព​ព្រះវិញ្ញាណក្ខន្ធ ព្រះករុណា​ព្រះបាទ​សម្តេច​ព្រះ នរោត្តម សីហនុ ព្រះមហាវីរក្សត្រ ព្រះ​វររាជ​បិតា​ឯករាជ្យ បូរណភាព​ទឹកដី និង​ឯកភាព​ជាតិ​ខ្មែរ (King Father's Commemoration Day)