ម៉ាក ប៊ុនលី - Mak Bunly

07/04/2023

04/04/2023

04/04/2023

04/04/2023

៣១ថ្ងៃ រាប់ថយក្រោយ(31days countdown) ព្រឹត្តិការណ៍ SEA Games និង ASEAN Para Games នៅកម្ពុជា

ថ្ងៃទី០៤ ខែមេសា ឆ្នាំ២០២៣ នេះ គឺនៅសល់តែ ៣១ថ្ងៃទៀតប៉ុន្នោះ នឹងឈានដល់ព្រឹត្តិការណ៍ស៊ីហ្គេមលើកទី៣២(32nd SEA Games) និងអាស៊ានប៉ារ៉ាហ្គេមលើកទី១២ (12th ASEAN Para Games) ដែលកម្ពុជាធ្វើជាម្ចាស់ផ្ទះក្នុងឆ្នាំ២០២៣នេះ។

#អរគុណសន្តិភាព #ថ្ងៃ៧មករា

03/04/2023

ពិធីបើកការដ្ឋានស្ថាបនាផ្លូវលេខ៤ តភ្ជាប់ពីផ្លូវជាតិលេខ៥ កំណាត់ផ្លូវលេខ១៥៣ និងការដាក់ប្រព័ន្ធលូរំដោះទឹក

នៅព្រឹកថ្ងៃចន្ទ ១៣កើត ខែចេត្រ ឆ្នាំខាល ចត្វាស័ក ព.ស. ២៥៦៦ ត្រូវនឹង ថ្ងៃទី៣ ខែមេសា ឆ្នាំ២០២៣ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង អញ្ជើញជាអធិបតីភាព ក្នុងពិធីបើកការដ្ឋានស្ថាបនាផ្លូវលេខ៤ ដែលតភ្ជាប់ពីផ្លូវលេខជាតិលេខ៥ (រង្វង់មូលព្រះនរាយណ៍) មកដល់ផ្លូវលេខ៥៧ (ស្ដុបពេទ្យពពីរ) ប្រវែង២,៦០០ម៉ែត្រ ទទឹង១២ម៉ែត្រ ស្ថិតក្នុងសង្កាត់ទួលតាឯក សង្កាត់អូរចារ និងសង្កាត់ស្វាយប៉ោ ក្រុងបាត់ដំបង និង កំណាត់ផ្លូវលេខ១៥៣ (អតីតផ្លូវជាតិលេខ១០) ចាប់ពីពេទ្យពពីរ រហូតដល់រង្វង់មូលនាងរំសាយសក់ ប្រវែង១,៦៧៤ម៉ែត្រ ទទឹង២០ម៉ែត្រ និងដាក់ប្រព័ន្ធលូរំដោះទឹកមុខកាត់១០០ ស្ថិតក្នុងសង្កាត់ទួលតាឯក និងសង្កាត់វត្តគរ ក្រុងបាត់ដំបង។

03/04/2023

02/04/2023

ឯកឧត្តម ស សុខា ៖ យុវជនជាកម្លាំងចលករដ៏សំខាន់ក្នុងការជំរុញកំណើនសេដ្ឋកិច្ច និងផលិតកម្មដ៏មានសក្តានុពល

ព្រៃវែង ៖ ឯកឧត្តម ស សុខា រដ្ឋលេខាធិការក្រសួងអប់រំ យុវជន និងកីឡា និងជាអនុប្រធានសហភាពសហព័ន្ធយុវជនកម្ពុជា ទទួលបន្ទុកខេត្តព្រៃវែង បាត់ដំបង និងខេត្តបន្ទាយមានជ័យ បានលើកឡើងថា យុវជនគឺជាកម្លាំងចលករដ៏សំខាន់ក្នុងការជំរុញកំណើនសេដ្ឋកិច្ច និងជាកម្លាំងផលិតកម្មដ៏មានសក្តានុពល។ ការថ្លែងបែបនេះរបស់ឯកឧត្តម ស សុខា ធ្វើឡើងក្នុងឱកាសដែលឯកឧត្តម និងលោកជំទាវ អញ្ជើញជាអធិបតីពិធីបើកព្រឹត្តិការណ៍សង្ក្រាន្តស្រុកខ្ញុំ នៅស្រុកកញ្ជ្រៀច ខេត្តព្រៃវែង កាលពីរសៀលថ្ងៃទី០១ ខែមេសា ឆ្នាំ២០២៣ កម្លងទៅ ដែលមានអ្នកចូលរួមប្រមាណជា ៥០០នាក់។

ឯកឧត្តម ស សុខា បានបន្តទៀតថា កម្ពុជាចាត់ទុកយុវជនជាធនធានគន្លឹះ និងមានតម្លៃបំផុតសម្រាប់អភិវឌ្ឍសេដ្ឋកិច្ច សង្គមកិច្ច វប្បធម៌ បរិស្ថាន និងការរក្សាសន្តិភាព ទាំងបច្ចុប្បន្ន និងទាំងទៅអនាគត។ ក្នុងន័យនេះ រាជរដ្ឋាភិបាលកម្ពុជា បានដាក់ចេញនូវគោលនយោបាយជាតិស្តីពីការអភិវឌ្ឍយុវជន ដោយបានកំណត់គោលដៅមួយចំនួនដូចជា ៖ ការផ្ដល់ឱកាសឱ្យយុវជនទទួលបានការអប់រំ និងការបណ្ដុះបណ្ដាលជំនាញវិជ្ជាជីវៈ ប្រកបដោយគុណភាព និងសមធម៌ ការលើកទឹកចិត្តយុវជន ឱ្យមានគំនិតផ្តួចផ្ដើម គំនិតច្នៃប្រឌិត គំនិតបង្កើតថ្មី និងស្មារតីសហគ្រិនភាព ការលើកកម្ពស់ យេនឌ័រ ប្រកបដោយសមធម៌ និងសមភាព ដល់យុវជនទាំង ២ភេទ និងការអភិវឌ្ឍយុវជន ឱ្យមានកាយសម្បទា ចំណេះដឹង ចំណេះធ្វើ សីលធម៌ រស់នៅល្អ ចេះរួមរស់ជាមួយគ្នាដោយសន្តិភាព និងសុខដុម ព្រមទាំងមានស្មារតីស្នេហាជាតិ ស្នេហាប្រជាជន ប្រកបដោយជំនឿជាក់លើខ្លួនឯង សេចក្ដីថ្លៃថ្នូរ ភាពជាអ្នកដឹកនាំ និងលើកកម្ពស់ការយល់ដឹងទូលំទូលាយអំពីសង្គមជាដើម។

ឯលឧត្តម ស សុខា បានគូសបញ្ជាក់បន្តថា ដោយសំឡឹងឃើញនូវសក្តានុពលដ៏អស្ចារ្យរបស់យុវជននេះហើយ ទើបកន្លងមករាជរដ្ឋាភិបាល ក្រោមការដឹកនាំប្រកបដោយគតិបណ្ឌិតរបស់សម្តេចតេជោ ហ៊ុន សែន ជាប្រមុខ តាមរយៈក្រសួង ស្ថាប័នពាក់ព័ន្ធ តែងតែផ្តល់ឱកាស និងលើកទឹកចិត្តឲ្យយុវជនបានចូលរួមរាល់សកម្មភាពសង្គម ក្នុងន័យធ្វើយ៉ាងណាឲ្យយុវជនបានសិក្សារៀនសូត្រអំពីការងារបន្ថែមទៅលើទ្រឹស្តីដែលពួកគេបានសិក្សានៅក្នុងសាលា។ ដោយឡែកសម្រាប់វិស័យវប្បធម៌វិញ ជាច្រើនឆ្នាំមកនេះ យុវជនបាននិងកំពុងតែចូលរួមយ៉ាងសកម្មក្នុងសកម្មភាពថែរក្សា លើកកម្ពស់តម្លៃវប្បធម៌ ទំនៀមទម្លាប់ប្រពៃណីជាតិរបស់យើង។ជាក់ស្តែង តាមរយៈព្រឹត្តិការណ៍អង្គរសង្ក្រាន្ត រៀបចំឡើងដោយសហភាពសព័ន្ធយុវជនកម្ពុជា ដែលបានចាប់ផ្តើមជាលើកដំបូងនៅឆ្នាំ២០១៣ រួមទាំងសង្ក្រាន្តនៅតាមបណ្តាខេត្តនានានៅទូទាំងប្រទស ។

ឯកឧត្តម ស សុខា បានគូសបញ្ជាក់បន្តទៀតថា កម្លាំងយុវជនក្រោមការគាំទ្រ និងកិច្ចសហការពីស្ថាប័ន្ធពាក់ព័ន្ធ ចាប់តាំងពីថ្នាក់ជាតិដល់ថ្នាក់ក្រោមជាតិ រួមទាំងវិស័យឯកជាឯកជនផងនោះ ពិតជាបានចូលរួមយ៉ាងសស្រាក់សស្រាំក្នុងការរៀបចំដំណើរការឲ្យព្រឹត្តិការណ៍ដែលបណ្តុំទៅដោយសកម្មភាព រស់រវើកនៃវប្បធម៌ ល្បែងកម្សាន្តបែបប្រពៃណី រួមទាំងការកម្សាន្តបែបសម័យទំនើប បានប្រព្រឹត្តប្រកបដោយជោគជ័យ។ ជាមួយគ្នានេះក្រោមស្មារតីនិងមហាកម្លាំងសាមគ្គីនៃយុវជន កម្ពុជាបានឈានចូលទៅក្នុងកំណត់ត្រាពិភពលោក ឬហៅថា Guinness World Records ដូចជា នំអន្សមយក្ស រាំចង្វាក់ម៉ាឌីហ្សុនរួមទាំងទូក-ង វែងជាងគេលើលោក ដែលជាស្នាដៃយុវជន នៃខេត្តព្រៃវែងរបស់យើងផងដែរ៕

អត្ថបទ ៖ សេង បូលីន
រូបភាព ៖ សាន់ ផានិត

01/04/2023

ប្រជាពលរដ្ឋរងគ្រោះដោយខ្យល់កន្ត្រាក់នៅស្រុកភ្នំព្រឹកទទួលអំណោយមនុស្សធម៌ពីសាខាកាកបាទក្រហម

ខេត្តបាត់ដំបង ៖ នៅព្រឹកថ្ងៃទី ១ ខែមេសា ឆ្នាំ២០២៣ ឯកឧត្តម សុខ លូ ប្រធានគណៈកម្មាធិការសាខាកាកបាទក្រហមកម្ពុជា ខេត្តបាត់ដំបង ដោយមានការអញ្ចើញចូលរួមពីឯកឧត្តមឧកញ៉ា ស៊ីន ឃីម អនុប្រធានកិត្តិយសសាខា ព្រមទាំងគណៈកម្មាធិការសាខាអនុសាខាអ្នកស្ម័គ្រចិត្តយុវជនកាកបាទក្រហមកម្ពុជា បានចុះជួបសំណេះសំណាលសួរសុខទុក្ខ និងនាំយកអំណោយមនុស្សធម៌ជូនប្រជាពលរដ្ឋរងគ្រោះដោយខ្យល់កន្ត្រាក់ចំនួន៧២គ្រួសារ ក្នុងឃុំចំនួន២ នៃស្រុកភ្នំព្រឹក ។

មានប្រសាសន៍នាឱកាសនោះ ឯកឧត្ដម សុខ លូ បានពាំនាំនូវការផ្ដាំផ្ញើសួរសុខទុក្ខពីសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលតែងតែយកចិត្តទុកដាក់គិតគូរខ្ពស់ចំពោះសុខទុក្ខប្រជាពលរដ្ឋគ្រប់រូប មិនប្រកាន់វណ្ណៈ ពណ៌សម្បុរ ជំនឿសាសនា ឬនិន្នាការនយោបាយណាមួយឡើយ។

ឯកឧត្តមប្រធានគណៈកម្មាធិការសាខាបានសំដែងនូវការសោកស្ដាយជាពន់ពេកចំពោះការខូចខាតផ្ទះសំបែង ទ្រព្យសម្បត្តិដែលនេះជាគ្រោះមហន្តរាយដោយធម្មជាតិ គ្មាននរណាម្នាក់ចង់ជួបប្រទះឡើយ ហើយថ្វីត្បិតតែអំណោយមនុស្សធម៌ដែលបាននាំយកមកចែកជូនបងប្អូននាពេលនេះ មានចំនួនមិនសមល្មមនឹងការខាតបង់របស់បងប្អូន តែក៏អាចជួយសម្រាលទុក្ខលំបាករបស់បងប្អូនបានមួយកម្រិត ហើយក៏ជាការបង្ហាញនូវការយកចិត្តទុកដាក់ចំពោះប្រជាពលរដ្ឋគ្រប់រូបពីសំណាក់ថ្នាក់ដឹកនាំ ពិសេសគឺកាកបាទក្រហមកម្ពុជា ដែលមានសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន ដូចដែលបានលើកឡើងថា “កាកបាទក្រហមកម្ពុជាមានគ្រប់ទីកន្លែង សម្រាប់គ្រប់ៗគ្នា-មិនទុកនរណាម្នាក់ចោល” និង “ទីណាមានទុក្ខលំបាក ទីនោះមានកាកបាទក្រហមកម្ពុជា”។

ជាមួយគ្នានេះឯកឧត្តម សុខ លូ បានក្រើនរំលឹកដល់ លោកយាយ លោកតា អ៊ំពូមីងថា រដូវនេះជាចុងរដូវប្រាំងក្កៅហួតហែងខ្លាំង ពេលមានភ្លៀងធ្លាក់ម្ដងៗ គឺលាយឡំដោយខ្យល់កន្ត្រាក់ ផ្គររន្ទះហេតុនេះសូមមេត្តាប្រុងប្រយ័ត្នឱ្យបានខ្ពស់ ជាងនេះទៀតសុខភាពជារឿងសំខាន់ណាស់ សូមយកចិត្តទុកដាក់ខ្ពស់ចំពោះសុខភាពផ្លាល់ខ្លួន និងកុមារតូចៗដែលពួកគាត់ងាយនឹងកើតជំងឺផ្សេងៗណាស់ក្នុងរដូវនេះ។

បន្ថែមពីនេះ ឯកឧត្តមប្រធាន សូមអោយបងប្អូនដែលមិនទាន់មានអត្តសញ្ញណប័ណ្ណ ឬមានអត្តសញ្ញាណប័ណ្ណដែលហួសសុពលភាព សូមអញ្ជើញធ្វើអត្តសញ្ញាណប័ណ្ណឱ្យបានគ្រប់គ្នា ព្រោះមានសន្តិតភាព ទើបយើងមានអ្វីៗគ្រប់យ៉ាងដូចថ្ងៃនេះ យើងគ្រប់គ្នារស់នៅក្រោមម្លប់សន្តិភាព ហេតុនេះសូមរួបរួមគ្នារក្សាសន្តិភាពឱ្យបានគង់វង្ស ដោយលោកយាយ លោកតា អ៊ំពូមីង និងបងប្អូនប្រជាពលរដ្ឋ អញ្ជើញទៅបោះឆ្នោតឱ្យបានគ្រប់ៗគ្នាកុំបីខានឡើយ នៅថ្ងៃទី ២៣ ខែកក្កដា ឆ្នាំ២០២៣ ខាងមុខនេះ។

អំណោយមនុស្សធម៌ដែលបានផ្ដល់ជូន០១គ្រួសារៗទទួលបាន៖ -អង្ករ២៥គីឡូក្រាម -ទឹកបរិសុទ្ធ១កេស -មី១កេស -ទឹកត្រី១យួរ -ត្រីខ១យួរ និងសំពត់ថង់១ផងដែរ។
រាយការណ៍ដោយ÷ជាង សុជាតិ

27/03/2023

វេលាម៉ោង២១ៈ៣០នាទី ថ្ងៃទី២៧ ខែមិនា ឆ្នាំ២០២៣ មានករណីគ្រោះថ្នាក់ចរាចណ៍រវាងម៉ូតូនិងម៉ូតូ បណ្តាលអោយមនុស្សប្រុសម្នាក់ស្លាប់បាត់បង់ជីវិត និងម្នាក់ទៀតរងរបួសធ្ងន់ នៅជិតផ្សារជ្រៃ ស្ថិតនៅភូមិពពាលខែ ឃុំជ្រៃ ស្រុកថ្មរគោល ខេត្តបាត់ដំបង🙏🙏🙏😭😭

27/03/2023

វេលាម៉ោង១៣ៈ៣០នាទី ថ្ងៃទី២៧ ខែមិនា ឆ្នាំ២០២៣ មានករណីគ្រោះថ្នាក់ចរាចរណ៍វាងរថយន្តដឹកទឹកកកនិងរថយន្តហាយឡេនដឺ បណ្តាលអោរថយន្តហាយឡេនដឺយ៉ាងដំណំ នៅចំណុចមុខខ្លោងទ្វារបុរីរតនៈ ស្ថិតនៅភូមិ១៣មករា សង្កាត់ព្រែកព្រះស្តេច ក្រុង-ខេត្តបាត់ដំបង។

26/03/2023

នាព្រឹកថ្ងៃសៅរ៍ ៤កើត ខែចេត្រ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៤ ខែមីនា ឆ្នាំ២០២៣នេះ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានអញ្ជើញចូលរួមក្នុងពិធីបញ្ចុះខណ្ឌសីមាព្រះវិហារថ្មី និងសម្ពោធសមិទ្ធផលនានា ក្នុងវត្តទឹកជុំមានជ័យ (វត្តកោះចារ) ក្រោមអធិបតីភាពដ៏ខ្ពង់ខ្ពស់ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ប្រារព្ធនៅភូមិផ្អៀង ឃុំកកោះ ស្រុកមោងឫស្សី ខេត្តបាត់ដំបង។

នាឱកាសនោះដែរ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តបាត់ដំបង និងព្រៃវែង ក្នុងនាមរាជរដ្ឋាភិបាលកម្ពុជា ដែលមានសម្ដេចតេជោ ហ៊ុន សែន ជាប្រមុខ បានថ្លែងអំណរគុណយ៉ាងជ្រាលជ្រៅ ក្រុមការងាររាជរដ្ឋាភិបាល និងដោយឡែកក្រុមការងារគណបក្សប្រជាជនកម្ពុជា ចុះមូលដ្ឋានស្រុកមោងឫស្សី ខេត្តបាត់ដំបង និងសប្បុរសជនដែលបានបរិច្ចាគនូវធនធានជាច្រើនក្នុងការចូលរួមអភិវឌ្ឍន៍វិស័យពុទ្ធសាសនា និងវិស័យផ្សេងៗជាច្រើនទៀតក្នុងមូលដ្ឋានខេត្តបាត់ដំបង ពិសេសការកសាងសមិទ្ធផលដែលសម្ពោធនាថ្ងៃនេះ។​

សម្ដេចក្រឡាហោម ឧបនាយករដ្ឋមន្ត្រី បានថ្លែងបន្តថា រាជរដ្ឋាភិបាលកម្ពុជាដែលកើតចេញពីគណបក្សប្រជាជនកម្ពុជារក្សាបានយ៉ាងល្អប្រសើរនូវសុខសន្តិភាព ស្ថេរភាពនយោបាយ លទ្ធិប្រជាធិបតេយ្យ ជំរុញដំណើការអភិវឌ្ឍសង្គម សេដ្ឋកិច្ច និងសម្រេចបានសមិទ្ធផលថ្មីៗ ប្រកបដោយមោទនភាព ទោះបីជាយើងត្រូវជួបប្រទះបញ្ហាប្រឈមជាច្រើន ជាពិសេសការឆ្លងរាតត្បាតនៃជំងឺកូវីដ-១៩ក៏ដោយ។ សម្ដេចក៏បានអំពាវនាវអង្គពិធី រួមគ្នាថែរក្សាការពារសុខសន្តិភាព ស្ថិរភាពនយោបាយ ការពារបូរណភាពទឹកដី អធិបតេយ្យភាពជាតិ ការពារព្រះមហាក្សត្រ ការពាររបបរាជានិយមអាស្រ័យរដ្ឋធម្មនុញ្ញ ការពាររាជរដ្ឋាភិបាលស្របច្បាប់ដែលកើតចេញពីការបោះឆ្នោត ដើម្បីបន្តអភិវឌ្ឍប្រទេសជាតិឲ្យមានការរីកចម្រើនលើគ្រប់វិស័យជាបន្តទៀត។

ជាមួយគ្នានេះ សម្ដេចបានណែនាំជាថ្មីទៀតឱ្យអាជ្ញាធរ និងកងកម្លាំងមានសមត្ថកិច្ចគ្រប់លំដាប់ថ្នាក់ ត្រូវបន្តពង្រឹងការអនុវត្តច្បាប់ ស្តីពីចរាចរណ៍ផ្លូវគោក គោលនយោបាយ ភូមិ-ឃុំ-សង្កាត់មានសុវត្ថិភាព ការបង្ការទប់ស្កាត់ និងបង្ក្រាបបទល្មើសគ្រឿងញៀន បទល្មើសលួច ឆក់ ប្លន់ ល្បែងស៊ីសងខុសច្បាប់ អំពើហិង្សាក្នុងគ្រួសារ ក្រុមក្មេងទំនើង ជាពិសេសប្រយុទ្ធប្រឆាំងនឹងអំពើជួញដូរមនុស្សគ្រប់ទម្រង់។ អាជ្ញាធរមានសមត្ថកិច្ចត្រូវយកចិត្តទុកដាក់ខ្ពស់លើការបង្ការទប់ស្កាត់អគ្គិភ័យ និងណែនាំដល់ប្រជាពលរដ្ឋឳ្យទៅចាក់វ៉ាក់សាំងអោយបានគ្រប់ៗគ្នាផងដែរ៕

26/03/2023

ភ្នំពេញ ៖ សប្បាយភ្លេចខ្លួន ! សប្បាយក៏ក្លាយជាទុក្ខ ! កាលពី ថ្ងៃទី២៦ ខែមីនា ឆ្នាំ២០២៣ នៅតាមផ្លូវជាតិលេខ៤ ត្រង់ចំណុចមុខបុរីញូវថោន ស្ថិតនៅក្នុងភូមិអង្គ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ មានស្ដ្រី ជាអ្នកបើកម៉ូតូដើរលេង ដើរលេងសប្បាយនៅមាត់ទន្លេ អត់បានដេកពេញ១យប់ បើកម៉ូតូងុយដេកខ្លាំងពេកងោក១ភាំង
រេចង្កូតជ្រុលបុកបង្គោលស្លាកប៉ាណូរថយន្តក្រុងរបស់រដ្ឋ បន្ទាប់មកជ្រុលធ្លាក់ចូលទៅក្នុងទឹកប្រឡាយទាំងមនុស្សនិងម៉ូតូ បណ្ដាលឲ្យអ្នកជិះខាងក្រោយម្នាក់ បោកក្បាលនឹងបង្គោលដែកផង និងឈ្លក់ទឹកផង ហើយក៏ស្លាប់ភ្លាមៗ។

នៅមុនពេលកើតហេតុ គាត់បានឃើញស្ត្រីទាំង២នាក់ ជិះម៉ូតូមួយគ្រឿងម៉ាកស៊ុយហ្ស៊ុយគីនិច ពណ៍ស ពាក់ស្លាកលេខ ភ្នំពេញ1FI-5253 ធ្វើដំណើរក្នុងទិសដៅពីកើតទៅលិច ក្នុងល្បឿនលឿនគួរសម ។

ក្នុងនោះក៏មានមិត្តភក្ដិស្រីៗចំនួន៣នាក់ជិះម៉ូតូ២គ្រឿងផ្សេងទៀត ធ្វើដំណើរតាមផ្លូវជាមួយគ្នានោះផងដែរ ហើយពេលទៅដល់ត្រង់ចំណុចកើតហេតុ ក៏រេចង្កូតជ្រុលទៅបុកបង្គោលស្លាកប៉ាណូរថយន្តក្រុងរបស់រដ្ឋ ស្ថិតនៅលើចិញ្ចើមផ្លូវពេញទំហឹង រួចធ្លាក់ចូលប្រឡាយទឹកទាំងមនុស្សនិងម៉ូតូតែម្ដង។

ស្ត្រីជាអ្នកជិះពីក្រោយដែលរងគ្រោះរហូតដល់ស្លាប់បាត់បង់ជីវិត ឈ្មោះឈាង នីហ្សា អាយុ២៥ឆ្នាំ មានទីលំនៅផ្ទះលេខ៣៨៩ ផ្លូវជាតិលេខ៥ ភូមិ៣ សង្កាត់ច្រាំងចំរ៉េះទី១ ខណ្ឌឫស្សីកែវ រាជធានីភ្នំពេញ ។

ស្ត្រីជាអ្នកបើកបរម៉ូតូបង្កឲ្យមានគ្រោះថ្នាក់នេះកើតឡើងនោះឈ្មោះយ៉ាន់ ថាវី អាយុ២៩ឆ្នាំ មានទីលំនៅភូមិគហ៊េរ ឃុំព្រែកកុយ ស្រុកកងមាស ខេត្តកំពង់ចាម ។

ស្ត្រីជាអ្នកបើកបរម៉ូតូរូបនេះបាននិយាយប្រាប់នគរបាលថា នាងនិងស្ត្រីម្នាក់ដែលស្លា.ប់ ព្រមទាំងមិត្តភក្ដិចំនួន៣នាក់ផ្សេងទៀត ទើបត្រឡប់មកពីដើរលេងនៅមាត់ទន្លេ ហើយជិះម៉ូតូទៅផ្ទះជួល ក៏ងងុយដេកងោក១ភាំងក៏បានជួបគ្រោះថ្នាក់បែបនេះតែម្ដង។

ស្ត្រីអ្នកជិះពីក្រោយបានបោកក្បាលផ្ទប់បង្គោលដែក រួចទើបធ្លាក់ចូលទៅក្នុងប្រឡាយទឹក ហើយភ្លាមៗនោះមិត្តភក្ដិ រួមជាមួយអ្នកដំណើរបាននាំគ្នាជួយលើកស្ត្រីរងគ្រោះនិងម៉ូតូចេញពីក្នុងទឹកដាក់លើចិញ្ចើមផ្លូវ ហើយនាងបានបាត់មាត់បាត់ក ស្ដូកស្ដឹង ។

បន្ទាប់មកមិត្តភក្ដិបានហៅរថយន្តពេទ្យដើម្បីដឹកយកទៅសង្គ្រោះដែរ ប៉ុន្តែពេលក្រុមសង្គ្រោះទៅពិនិត្យឃើញថា ស្ត្រីរងគ្រោះបានស្លាប់បាត់ទៅហើយ ដោយសារតែរបួសធ្ងន់ និងឈ្លក់ទឹកថែមទៀត៕

26/03/2023

វេលាម៉ោង១៣ៈ០០នាទី ថ្ងៃីទី២៦ ខែមិនឆ្នាំ២០២៣ មានករណីអគ្គីភ័យឆេះចំការអំពៅ នៅម្តុំអាស្រមមហាកុលកុដិ ខណៈពេលនេះកម្លាំងជំនាញពន្លត់អគ្គីភ័យគ្រប់គ្រងបានហេីយ(បានរលត់ហេីយ)។

23/03/2023

ម៉ូតូពីរគ្រឿងប៉ះគ្នាពេញទំហឹងបណ្តាលអោយក្មេងសិស្សសាលាម្នាក់រងរបួសពេញខ្លួន

ខេត្តបាត់ដំបង! ក្មេងសិស្សសាលាម្នាក់បានរងរបួសរលាត់ពេញផ្ទៃមុខនិងដៃជើង នៅក្នុងហេតុការណ៍គ្រោះថ្នាក់ចរាចរណ៍រវាងម៉ូតូក្រុមហ៊ុនដឹកជញ្ជូនមួយគ្រឿងបុកប៉ះជាមួយម៉ូតូកូនទាពេញទំហឹងនៅវេលាម៉ោង១៥និង៥០នាទី ថ្ងៃទី២៣.ខែមីនា ឆ្ឆ្នាំ២០២៣ នៅតាមបណ្តោយផ្លូវជាតិលេខ៥ ត្រង់ចំណុចផ្លូវបំបែកជាបួន ខាងមុខសាខាក្រុមហ៊ុនព្រូដិនសល(ខេមបូឌា) ស្ថិតក្នុងភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ។

ប្រភពនៅកន្លែងកើតហេតុបានប្រាប់ថា នៅមុនពេលកើតហេតុគេឃើញម៉ូតូកូនទា០១គ្រឿងម៉ាកTODAY F ពណ៌ស បើកបរដោយក្មេងប្រុសសិស្សសាលាម្នាក់ក្នុងទិសដៅពីត្បូងទៅជើង(ឆ្លងកាត់ផ្លូវ) ភ្លាមនោះក៏ស្រាប់តែមានម៉ូតូម៉ាកហុងដាឌ្រីមពណ៌ខ្មៅមួយគ្រឿង ពាក់ស្លាកលេខ បាត់ដំបង 1V-8557 បើកបរដោយយុវជនម្នាក់ក្នុងទិសដៅពីលិចទៅកើត ក្នុងល្បឿនលឿនល្មម និងបានជ្រុលទៅបុកពេញទំហឹងបណ្តាលអោយភាគីខាងក្មេងសិស្សសាលារងរបួសរលាត់ពេញផ្ទៃមុខ និងដៃជើងត្រូវបានសាច់ញាតិដឹកយកទៅព្យាបាលនៅឯមន្ទីរពេទ្យផងដែរ ចំណែកភាគីខាងម៉ូតូសង់ដឹកជញ្ជូនរងរបួសស្រាលបន្តិចបន្តួច។

ក្រោយពេលកើតហេតុភាគីទាំងសងខាងបានទាក់ទងទៅសាច់ញាតិ និងខាងក្រុមហ៊ុនមកធ្វើការសម្របសម្រួល ដោយភាគីខាងម្ចាស់ក្រុមហ៊ុនព្រមជួយមើលខាងក្មេងរងគ្រោះដើម្បីបញ្ចប់រឿងផងដែរ។

22/03/2023

ស្នងការរដ្ឋាននគរបាលខេត្តកំពង់ធំឃាត់ខ្លួនជនសង្ស័យចំនួន៧នាក់ ពាក់ព័ន្ធករណីគប់កញ្ចក់រថយន្ត

កំពង់ធំ៖ ស្នងការរដ្ឋាននគរបាលខេត្តកំពង់ធំ ឃាត់ខ្លួន និងក៏សាងសំណុំរឿងជនសង្ស័យចំនួន៧នាក់ ពាក់ព័ន្ធករណីគប់កញ្ចក់រថយន្ត នៅស្រុកសណ្តាន់ ទៅកាន់តុលាការដើម្បីអនុវត្តន៍នីតិវិធីច្បាប់។

នៅរសៀលថ្ងៃទី២១ ខែមិនា ឆ្នាំ២០២៣, ស្នងការរដ្ឋាននគរបាលខេត្តកំពង់ធំ បង្ហាញមុខសញ្ញា ជនសង្ស័យចំនួន៧នាក់ ពាក់ព័ន្ធករណីគប់កញ្ចក់រថយន្ត នៅស្រុកសណ្តាន់។ ជាមួយគ្នានេះ លោកឧត្តមសេនីយ៍ត្រី ទិត សំណាង ស្នងការរងផែនការងារនគរបាលព្រហ្មទណ្ឌ នៃស្នងការរដ្ឋានខេត្តកំពង់ធំ បញ្ជាក់ថា ដោយមានការសម្របសម្រួលនីតិវិធី ពីលោក ស៊ិន វិរ: ព្រះរាជអាជ្ញាអមសាលាដំបូងខេត្តកំពង់ធំ និងក្រោមការដឹកនាំបញ្ជាផ្ទាល់ពីលោកឧត្តមសេនីយ៍ទោ ម៉ែន លី ស្នងការនគរបាលខេត្តកំពង់ធំ កាលពីថ្ងៃទី ២០ ខែ មិនា ឆ្នាំ២០២៣ វេលាម៉ោង ០៣ និង ៣០ នាទី លោក បានដឹកនាំមន្ត្រីជំនាញ សហការជាមួយកម្លាំង នៃអធិការដ្ឋាននគរបាលស្រុកសណ្តាន់ ប្រើប្រាស់វិធានការ ជំនាញឈានទៅឃាត់ខ្លួនជនសង្ស័យ ចំនួន ៧ នាក់ ពាក់ព័ន្ធករណីគប់កញ្ចក់រថយន្តហ៊ីយិនដាយ ដឹកក្រុមតន្ត្រី បណ្តាលអ្នករបួសធ្ងន់ម្នាក់ និងក្រុមតន្ត្រីផ្សេងទៀតរងរបួសស្រាល កាលពីថ្ងៃទី១៧ ខែមិនា ឆ្នាំ២០២៣ ស្ថិតនៅចំណុច ភូមិសំរិត ឃុំឈើទាល ស្រុកសណ្តាន់ ខេត្តកំពង់ធំ ។

អង្គភាពសារព័ត៌មានយើងបានសម្ភាសសួរទៅលោកឧត្តម សេនីយ៍ត្រី ទិត សំណាង ស្នងការរងនគរបាលខេត្តកំពង់ធំ លោកបញ្ជាក់ថា ក្រុមក្មេងទំនើងទាំង៧នាក់ មានឈ្មោះ៖ ១-ឈ្មោះ រ៉ុង សុវណ្ណារាជ ភេទប្រុស អាយុ១៨ឆ្នាំ ស្រុកកំណើតរស់នៅភូមិត្រពាំងវែង ឃុំច្រនាង ស្រុកតាំងគោក ខេត្តកំពង់ធំ, ទី២-ឈ្មោះ បឿន ជែម ភេទប្រុស អាយុ១៦ឆ្នាំរស់នៅភូមិសហគ្រាស ឃុំចំការអណ្តូង ស្រុកចំការលើ ខេត្តកំពង់ចាម, ទី៣-ឈ្មោះ សើ ចំរើន ភេទប្រុស អាយុ១៧ឆ្នាំ ភូមិចំការលើ ស្រុកថាឡាបរិវ៉ាត់ ខេត្តស្ទឹងត្រែង ,ទី៤-ឈ្មោះ វ៉ុន ឃ្លីន ភេទប្រុស អាយុ ១៧ឆ្នាំ រស់ឃុំច្រនាង ស្រុកតាំងគោក ខេត្តកំពង់ធំ, ទី៥-ឈ្មោះ ឡម លីន ភេទប្រុស អាយុ១៧ឆ្នាំ រស់នៅស្រុកកំពង់ស្វាយ ខេត្តកំពង់ធំ, ទី៦-ឈ្មោះ រុំ ផានិត ភេទប្រុស អាយុ១៧ឆ្នាំ រស់នៅភូមិត្រពាំងអារ័ក្ស ស្រុកំពង់ស្វាយ ខេត្តកំពង់ធំ និងទី៧-ឈ្មោះ ឈុន រតនា ភេទប្រុស អាយុ១៩ឆ្នាំ រស់នៅស្រុកថាឡាបរិវ៉ាត់ ខេត្តស្ទឹងត្រែង អ្នកទាំងនេះសុទ្ធជាកម្មករចំការកៅស៊ូ។

16/03/2023

បង្រ្កាបទីតាំងល្បែងជល់មាន់មួយកន្លែងនៅស្រុកភ្នំព្រឹកឃាត់ខ្លួនមនុស្សចំនួន០៧នាក់និងវត្ថុតាងមួយចំនួនធំ

ខេត្តបាត់ដំបង៖កម្លាំងជំនាញផ្នែកនគរបាលយុត្តិធម៌ នៃអធិការដ្ឋាននគរបាលស្រុកភ្នំ រួមជាមួយកម្លាំងប៉ុស្តិ៍នគរបាលរដ្ឋបាលបួរ បានចុះប្រតិបត្តិការ បង្ក្រាបល្បែងស៊ីសងខុសច្បាប់ (ជល់មាន់ )មួយករណីក្នុងបទល្មើសជាក់ស្តែង។

កិច្ចចុះប្រតិបត្តិការខាងលើនេះធ្វើឡើងនៅវេលាម៉ោង១៣និង១០នាទីថ្ងៃទី១៤ ខែមីនា ឆ្នាំ២០២៣​ នៅចំណុចសៃឡូមួយកន្លែងស្ថិតក្នុងភូមិបួរ ឃុំបួរ ស្រុកភ្នំព្រឹក ខេត្តបាត់ដំបង ដោយបានឃាត់ខ្លួនមនុស្សចំនួន០៧នាក់និងដកហូតវត្ថុតាងរួមមាន៖
-សង្វៀនមាន់ចំនួន ០១ ដុំ
-មាន់ជល់ចំនួន ១០ក្បាល
-ស៊ុមដាក់មានចំនួន ០៥
-ជញ្ជីងចំនួន ០១ គ្រឿង
-ឆ្នាំងចំនួន ០១ , កាធុនចំនួន ០១ ,ឡាំងស្ពេត្រូចំនួន០១
-ប្រាក់រៀល​សរុបចំនួន ៥៦០០០០រៀល (ហាសិបប្រាំមួយម៉ឺនរៀល )
-ម៉ូតូចំនួន ០៣គ្រឿង ។

ក្រោយពីឃាត់ខ្លួនជនសង្ស័យនិងវត្ថុតាងខាងលើត្រូវបានសមត្ថកិច្ចកសាង​សំណុំរឿង​​បញ្ជូនមកសាលាដំបូងខេត្តបាត់ដំបងដើម្បីចាត់ការ​តាមនីតិ​វិធី​ ច្បាប់៕

16/03/2023

ព័ត៌មានបឋមគ្រោះថ្នាក់ចរាចរណ៍បង្កដោយខ្លួនឯងបើកម៉ូតូបុកដើមចាន់គីរី>នៅព្រឹកថ្ងៃទី១៦ ខែមីនា ឆ្នាំ២០២៣តាមផ្លូវជាតិពីបវេលទៅស្រុកកំរៀងស្ថិតក្នុងឃុំត្តុលតាហែន ស្រុកបវេល ខេត្តបាត់ដំបងស្លាប់ចំនួន១នាក់រងរបួសធ្ងន់ស្រាលចំនួន២នាក់

12/03/2023

អបអរសាទរ ព្រឹត្តិការណ៍ "ម៉ារ៉ាតុងសង្ក្រាន្ត បាត់ដំបង ២០២៣" រៀបចំដោយសហភាពសហព័ន្ធយុវជនកម្ពុជាខេត្តបាត់ដំបងសហការជាមួយរដ្ឋបាលខេត្តបាត់ដំបងក្រោមអធិបតីភាព ឯកឧត្តម ស សុខា រដ្ឋលេខាធិការ ក្រសួងអប់រំ យុវជន និងកីឡា និងជាអនុប្រធាន សហភាពសហព័ន្ធយុវជនកម្ពុជា ទទួលបន្ទុក៣ខេត្ត (បាត់ដំបង ព្រៃវែង និង បន្ទាយមានជ័យ) ព្រមទាំងមានការចូលរួមពីភ្ញៀវជាតិ និងអន្តរជាតិសរុបប្រមាណ ៣០០០នាក់។

10/03/2023

បាត់ដំបងថ្ងៃទី ១០.០៣.២០២៣ បើគោយន្តកន្ត្រៃដឹងឈើដើរលក់តាមផ្លូវដោយសុវត្ថិភាព គ្រាន់តែបរិចាកទឹកចិត្តជូនបងៗសម្ថកិច្ច ដែលប្រចាំគោលដៅតាមដងផ្លូវអត់បញ្ហា..។ល។

09/03/2023

ក្មេងទំនើងពីរក្រុមវាយនិងគប់គ្នាទៅវិញទៅមក ចុងក្រោយសមត្ថកិច្ច ស្រាវជ្រាវឃាត់ខ្លួនបានចំនួន៤នាក់

ខេត្តបាត់ដំបង! ក្រុមក្មេងទំនើងពីរក្រុមមានគ្នាប្រមាណជាង ១០នាក់ បានធ្វើសកម្មភាពដេញវាយនិងគប់គ្នាទៅវិញទៅមកបង្កភាពអាណាធិបតេយ្យនៅតាមទីសាធារណៈ កាលពីវេលាម៉ោងប្រហែល ០៣ និង ៤០នាទីរំលងអាធ្រាត ឈានចូលថ្ងៃទី០៩ ខែមីនា ឆ្នាំ២០២៣ នៅចំណុចសួនសម្ដេចក្រឡាហោម ស ខេង ស្ថិតក្នុងភូមិរំចេក៤ សង្កាត់រតនៈ ក្រុងបាត់ដំបង រហូតមកដល់ពេលនេះត្រូវបានសមត្ថកិច្ចចុះស្រាវជ្រាវនិងឃាត់ខ្លួនបានចំនួន០៤នាក់។

លោកវរសេនីយ៍ឯក ឈឿង គឹមសុង នាយការិយាល័យនគរបាលព្រហ្មទណ្ឌកម្រិតស្រាល បានអោយដឹងថា ក្រោយទទួលបានព័ត៌មានពាក់ព័ន្ធក្នុងករណីហិង្សាដោយចេតនាខាងលើ ភ្លាមនោះលោកបានដឹកនាំកម្លាំងការិយាល័យជំនាញសហការជាមួយកម្លាំងអន្តរាគមន៍បង្ការបង្ក្រាប បានចុះធ្វើការស្រាវជ្រាវរហូតឈានដល់ការនាំខ្លួនក្រុមបក្សពួកក្មេងទំនើង០១ក្រុមមានគ្នា០៤នាក់។

ក្រុមក្មេងទំនើងដែលត្រូវបានឃាត់ខ្លួនរួមមាន:
១-ឈ្មោះ ពេជ្រ សកល ហៅ ឃ្លូ ភេទប្រុស អាយុ១៩ឆ្នាំ ទីលំនៅភូមិដំណាក់ហ្លួង សង្កាត់វត្តគរ ក្រុងបាត់ដំបង
២-ឈ្មោះ លីន ចាន់ខេង ភេទប្រុស អាយុ ១៩ឆ្នាំ ទីលំនៅភូមិដំណាក់ហ្លួង សង្កាត់វត្តគរ ក្រុងបាត់ដំបង
៣-ឈ្មោះ ចៅ ប៊ុនឡុង ភេទប្រុស អាយុ ២៣ឆ្នាំ ទីលំនៅភូមិដង្កោទាប សង្កាត់ទួលតាឯក ក្រុងបាត់ដំបង
៤-ឈ្មោះ សុវណ្ណ វិច្ឆ័យ ភេទប្រុស អាយុ ២៤ឆ្នាំ ទីលំនៅភូមិវត្តគរ សង្កាត់វត្តគរ ក្រុងបាត់ដំបង ហើយក្រោយពីឃាត់ខ្លួនក្រុមជនទាំង០៤នាក់ បច្ចុប្បន្នត្រូវបានការិយាល័យជំនាញកំពុងធ្វើការកសាងសំណុំរឿង ដើម្បីបញ្ជូនទៅសាលាដំបូងខេត្តបាត់ដំបង ចាត់ការបន្តតាមនីតិវិធី ។

26/02/2023

ករណីភ្លើងឆេះរថយន្តនៅស្រុកកំរៀង សង្ស័យមានអ្នកដុត មិនមែនជាករណីឆេះឯងៗ

ខេត្តបាត់ដំបង! កាលពីវេលា​ម៉ោង​០១​និង០៨នាទី រំល​ងអធ្រាត្រ ឈានចូលថ្ងៃទី​២៥​ ខែកុម្ភៈ ឆ្នាំ២០២៣ មាន​ករណី អគ្គិភ័យមួយបានកើតឡើងបណ្តាលអោយឆេះរថយន្តមួយគ្រឿងយ៉ាង សន្ធោសន្ធៅបង្កការភ្ញាក់ផ្អើលដល់ប្រជាពលរដ្ឋ ក៏ដូចជាសមត្ថកិច្ចចេញអន្តរាគមន៍បាញ់ទឹកពន្លត់ ។

សមត្ថកិច្ចបានអោយដឹងថា ចំពោះករណីឆេះរថយន្តខាងលើនេះដែរ យោងតាមរូបភាពកាមេរ៉ាសុវត្ថិភាពបានបង្ហាញថាមានជនសង្ស័យមិនស្គាល់​ អត្តសញ្ញាណបានធ្វេីសកម្ម​ភាពលួចដុតបំផ្លាញថយន្តមួយគ្រឿងម៉ាក TOYOTA បាឡែនពណ៌ទឹកមាស​ស៊េរីឆ្នាំ 2003 ពាក់ស្លាក​លេខបាត់ដំបង 2B-92​24 ដែលជារបស់ជនរងគ្រោះឈ្មោះ ឆោម ឆវ័ន្ត ភេទប្រុស អាយុ ៤៣ឆ្នាំរស់នៅ ភូមិឃុំកើតហេតុខាងលើ។

សមត្ថកិច្ចបានបញ្ជាក់ថា ក្រោយទទួលបានរូបភាពវីដេអូ លោក​វរ​សេនីយ៍ទោ​ វេ​ គឹម​ចត់​ អធិការន​គរ​​បាលស្រុកកំរៀង​ បា​នដឹកនាំកម្លាំងនគ​របាលធ្វេីការស្រាវជ្រាវរហូតឈានដល់ធ្វេីការឃាត់ខ្លួនជនសង្ស័យជាបុរសចំនួន​០២នាក់មកសាកសួរ ហើយរហូតមកដល់ពេលនេះសមត្ថកិច្ចកំពុងធ្វេីការ ស្រាវជ្រាវជុំវិញមូលហេតុនៃករណីដែលឈានដល់ការដុតបំផ្លាញទ្រព្យសម្បត្តិខាងលេីនេះ។

23/02/2023

វេលាម៉ោង២២ៈ២៥នាទី ប្អូនស្រីត្រូវបានបងប្អូនជួយកាក់ទុកហេីយ នៅបុរីថ្មី សូមអរគុណដល់បងប្អូនដែលជួយសហការ🙏🙏🙏💝💐