Derm Tnoat Hot News

16/04/2020

22/03/2020

15/11/2019

ខេត្តតាកែវ ៖ នៅថ្ងៃព្រហស្បតិ៍ ៣រោច ខែកត្តិកឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១៤ ខែវិច្ឆិកា ឆ្នាំ២០១៩ កម្លាំងជំនាញការិយាល័យគ្រប់គ្រងអាវុធគ្រឿងផ្ទុះ និងជាតិពុល នៃស្នងការដ្ឋាននករបាលខេត្តតាកែវ សហកាជាមួយអង្គភាពកំចាត់មីនកម្ពុជា(សុីម៉ាក់)និងកម្លាំងអធិការដ្ឋាននគរបាលស្រុកគីរីវង់ ចុះប្រមូលគ្រាប់មីនមិនទាន់ផ្ទុះសល់ពីសង្គ្រាមដែលប្រជាពលរដ្ឋរាយការណ៍ មានចំនួន០៦គ្រាប់ រួមមានប្រភេទ១៥៥មមចំនួន០១គ្រាប់_ប្រភេទ១០៥មមចំនួន០២គ្រាប់_ប្រភេទ៨១មមចំនួន០១គ្រាប់_ប្រភេទDK៧៥មមចំនួន០១គ្រាប់ និងប្រភេទ៦០មមចំនួន០១គ្រាប់ ។ បច្ចុប្បន្នគ្រាប់ទាំងអស់ខាងលើកម្លាំងជំនាញបានប្រគល់ឱ្យអង្គភាពកំចាត់មីនកម្ពុជា(សុីម៉ាក់) ដើម្បីយកទៅកំទេចចោលរួច។

29/10/2019

នៅថ្ងៃអង្គារ ២កើត ខែកត្តិក ឆ្នាំកុរឯកស័ក ពុទ្ធស័ករាជ២៥៦៣ ត្រូវនឹងថ្ងៃទី២៩ ខែតុលា ឆ្នាំ២០១៩ វេលាម៉ោង ១១,០០នាទី ឯកឧត្តម មាន ចាន់យ៉ាដា អភិបាលរង នៃគណៈអភិបាលរាជធានីភ្នំពេញ តំណាង ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ បានអញ្ជើញចុះត្រួតពិនិត្យកម្លាំងប្រជាការពារខណ្ឌដូនពេញ ដើម្បីត្រៀមរៀបចំសន្តិសុខ សណ្តាប់ធ្នាប់ របៀបរៀបរយសាធារណៈ និង អនាម័យ ក្នុងព្រះរាជពិធីបុណ្យអុំទូក បណ្តែតប្រទីប និងសំពះព្រះខែអកអំបុក នាពេលដ៏ខ្លីខាងមុខនេះ ក្នុងឱកាសសំណេះសំណាលនេះ ឯកឧត្តម អភិបាលរង ក៏បានពាំនាំនូវប្រសាសន៍ផ្តាំផ្ញើរសួរសុខទុក្ខ និង កោតសរសើរពីសំណាក ឯកឧត្តម អភិបាល នៃគណៈអភិបាលរាជធានីភ្នំពេញ ដល់កម្លាំងប្រជាការពារខណ្ឌដូនពេញ ដែលបានខិតខំប្រឹងប្រែងបំពេញភារកិច្ចបានយ៉ាងល្អខ្ជាប់ខ្ជួននាពេលកន្លងមកនេះ ក្នុងនោះ ឯកឧត្តម អភិបាលរង បានជំរុញបន្ថែម ដល់ម្លាំងប្រជាការពារខណ្ឌ ត្រូវខិតខំយកចិត្តទុកដាក់ក្នុងការបំពេញការងារក្នុង ព្រះរាជពិធីបុណ្យអុំទូក បណ្តែតប្រទីប និងសំពះព្រះខែអកអំបុក នេះឲ្យបានល្អប្រសើរបន្ថែមទៀតផងដែរ ។

28/10/2019

រថយន្តក្រុងបុករថយន្តស្ទូចស្លាប់ម្នាក់ និងរបួស២៥នាក់ នៅក្រុងស្វាយរៀង

ស្វាយរៀង៖ រថយន្តស្ទូច និងរថយន្តក្រុងបុកគ្នា បានបណ្តាឱ្យបុរសម្នាក់ស្លាប់ ខណៈមានអ្នករងរបួសធ្ងន់ និងស្រាលចំនួន ២៥នាក់ ត្រូវបញ្ជួនទៅដល់មន្ទីរពេទ្យភ្លាមៗ នៅព្រឹកថ្ងៃទី២៨ ខែតុលា ឆ្នាំ២០១៩ នៅតាមបណ្តោយផ្លូវជាតិលេខ១ នៅចន្លោះគីឡូម៉ែត្រលេខ១២១-១២២ ស្ថិតក្នុងភូមិស្វាយ សង្កាត់ចេក ក្រុងស្វាយរៀង ខេត្តស្វាយរៀង។

នគរបាលក្រុងស្វាយរៀង បានឱ្យដឹងថា គ្រោះថ្នាក់ចរាចរណ៍នេះបានកើតឡើង រវាងរថយន្តម៉ាកហ៊ីយ៉ាន់ដាយ ប្រភេទទេសចរណ៍ ៤៥កៅអី ពាក់ស្លាកលេខ ភ្នំពេញ 3B-3883 ពណ៌បៃតង បើកបរដោយឈ្មោះ ទ្រឿង ម៉ិញហ័រ ជនជាតិវៀតណាម អាយុ៤២ឆ្នាំ មានទីលំនៅភូមិភូហ្វា ឃុំភូថិន ស្រុកតាំប៊ិន ខេត្តវិនឡុង (ស្លាប់ពេលបញ្ជូន ដល់មន្ទីរពេទ្យខេត្ត) និងអ្នករួមដំណើរចំនួន ២៥នាក់។

សមត្ថកិច្ចបានបន្តថា ចំណែករថយន្តស្ទូច ពណ៌ស ពាក់ស្លាកលេខ ស្វាយរៀង 3A-7677 បើកបរដោយឈ្មោះ គង់ វន្ថា អាយុ២៨ឆ្នាំ មុខរបរបើកបរមានទីលំនៅភូមិទទា សង្កាត់ចេក ក្រុងស្វាយរៀង ខេត្តស្វាយរៀង (គ្មានរបួស)។

បច្ចុប្បន្ន មធ្យោបាយរក្សាទុកនៅការិយាល័យនគរបាលចរាចរណ៍ខេត្ត រីឯសាកសពប្រគល់ជូនគ្រួសារសពធ្វើបុណ្យតាមប្រពៃណី និងអ្នករងរបួសស្រាលព្យាបាល នៅមន្ទីរពេទ្យបង្អែកខេត្តស្វាយរៀង៕

28/10/2019

ក្រសួងការងារអនុញ្ញាតឲ្យកម្មករកម្មការនីឈប់សម្រាកចំនួន ៤ថ្ងៃដោយមានប្រាក់ឈ្នួលក្នុងព្រះរាជពិធីបុណ្យអុំទូក

28/10/2019

ភ្នំពេញ​ ៖​ បុរស​ម្នាក់​ បើក​ម៉ូតូ​មាន​ល្បឿន​លឿន​មិន​ប្រយ័ត្ន​ មក​ដល់​ផ្លូវ​ឆ្លងកាត់​ ក៏​មាន​រថយន្ត​មួយ​គ្រឿង​បើក​មក​ដល់​ បណ្តាល​ឲ្យ​វ៉ា​ក់​អឺ​បុក​បាក់ជើង​ម្ខាង​ កាលពី​ថ្ងៃ​ទី​២៧​ ខែតុលា​ ឆ្នាំ​២០១៩​ វេលា​ម៉ោង​២០​និង​០០​នាទី​ ត្រង់​ចំណុច​មុខ​កន្លែង​ប្តូរ​ប្រេង​សរ​ជីវ​លើ​ផ្លូវ​លេខ​២១៧​ កែង​ផ្លូវ​លេខ​១៦១​ ស្ថិត​ក្នុង​សង្កាត់​អូ​ឫស្សី​ទី​២​ រវាង​រថយន្ត​នឹង​ម៉ូតូ​។​

​តាម​របាយការណ៍​បាន​ឲ្យ​ដឹង​ថា​ ភាគី​រថយន្ត​ម៉ាក​ហ្វ​ត​រិ​ន​ជឺ​ ពណ៌​ស​ពាក់​ស្លាក​លេខ​2AY7183​ ភ្នំពេញ​បើកបរ​ដោយ​ឈ្មោះ​ ម៉ៅ​ រចនា​ ភេទ​ប្រុស​ អាយុ​១៨​ឆ្នាំ​ ស្នាក់​នៅផ្ទះ​លេខ​១៧៤​ ផ្លូវ​២០០៦​ សង្កាត់​ការ​កាប​ ខណ្ឌ​ពោធិ​សែន​ជ័យ​ មុខរបរ​និស្សិត​។​

​ភាគី​ម៉ូតូ​ម៉ាក​ហុងដា​វ៉េវ​ពណ៌​ខ្មៅ​ បើកបរ​ដោយ​ឈ្មោះ​ យ៉ុ​ង​ សុខ​ ភេទ​ប្រុស​អាយុ​២៥​ឆ្នាំ​ ស្នាក់​នៅផ្ទះ​លេខ​៥៨​អី​o​ ផ្លូវ​លេខ​២១៧​ សង្កាត់​អូ​ឫស្សី​ទី​៤​ខណ្ឌ​៧​មក​រា​ មុខរបរ​លក់ដូរ​។​

​សម្ភារ​ខូចខាត​ ៖​ ម៉ូតូ​ខូច​ធ្ងន់​១​គ្រឿង​ ចំណែក​មនុស្ស​រង​របួស​បាក់ជើង​ម្ខាង​គឺ​អ្នកបើកបរ​ម៉ូតូ​ បច្ចុប្បន្ន​កំពុង​សំរាក​ព្យាបាល​នៅ​គ្លីនិក​ឯកជន​ហុង​ហាក់​។​
​តាម​ការ​សន្និដ្ឋាន​របស់​សមត្ថកិច្ច​ដែល​ចុះ​វាស់វែង​បាន​ឲ្យ​ដឹង​ថា​ ៖​ បញ្ហា​គ្រោះថ្នាក់​នេះ​ បង្ក​ឡើង​ដោយ​ម៉ូតូ​បើកបរ​លឿន​ពេក​មក​ដល់​ផ្លូវ​ឆ្លងកាត់​៕

28/10/2019

កម្ពុជាស្វាគមន៍ដំណើរបំពេញទស្សនកិច្ចផ្លូវរដ្ឋរបស់ប្រធានាធិបតីហុងគ្រី

ឯកឧត្តម យ៉ាណូស អាឌ័រ (Janos Ader) ប្រធានាធិបតីនៃសាធារណរដ្ឋហុងគ្រី និងភរិយា បានអញ្ជើញមកដល់កម្ពុជា នៅយប់ថ្ងៃអាទិត្យនេះ ដើម្បីបំពេញទស្សនកិច្ចផ្លូវរដ្ឋ រយៈពេល៤ថ្ងៃ ចាប់ពីថ្ងៃទី២៧ ដល់៣០ ខែតុលា ឆ្នាំ២០១៩។
ការអញ្ជើញបំពេញទស្សនកិច្ចរបស់ ឯកឧត្តមប្រធានាធិបតីហុងគ្រី បានធ្វើឡើង តបតាមការអញ្ជើញរបស់ ព្រះករុណា ព្រះបាទ សម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា។

អំឡុងពេលទស្សនកិច្ចនេះ ឯកឧត្តមប្រធានាធិបតី នឹងចូលគាល់ ព្រះករុណា ព្រះមហាក្សត្រកម្ពុជា នៅក្នុងព្រះបរមរាជវាំង បន្ទាប់ពីនោះ ឯកឧត្តមប្រធានាធិបតី នឹងទទួលការចូលជួបសម្តែងការគួរសមដាច់ដោយឡែកពីគ្នាចំពោះសម្តេចវិបុលសេនាភក្តី សាយ ឈុំ ប្រធានព្រឹទ្ធសភា និងសម្តេចអគ្គមហាពញាចក្រី ហេង សំរិន ប្រធានរដ្ឋសភាកម្ពុជា។ ឯកឧត្តមប្រធានាធិបតីហុងគ្រី នឹងមានជំនួបពិភាក្សាការងារជាមួយ​ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃកម្ពុជា ដែលនៅក្នុងជំនួបនោះ កិច្ចសហប្រតិបត្តិការទ្វេភាគីលើវិស័យជាច្រើន រួមទាំងបញ្ហាតំបន់ និងអន្តរជាតិដែលជាការយកចិត្តទុកដាក់រួមនឹងត្រូវបានលើកយកមកពិភាក្សា។

ក្រៅពីនេះលោកប្រធានាធិបតី និងភរិយា នឹងអញ្ជើញទៅទស្សនាប្រាសាទនានា នៅក្នុងឧទ្យានអង្គរ និងកន្លែងសំខាន់ៗមួយចំនួន នៅក្នុងខេត្តសៀមរាបផងដែរ៕

28/10/2019

ប្រធានាធិបតីហុងគ្រី និងភរិយា អញ្ជើញគោរពព្រះវិញ្ញាណក្ខន្ធព្រះបរមរតនកោដ្ឋ និងបំពាក់កម្រងផ្កានៅវិមានឯករាជ្យ

បន្ទាប់ពីចូលគាល់ព្រះមហាក្សត្រ និងសម្តេចម៉ែ នៅព្រះបរមរាជវាំង នៅព្រឹកថ្ងៃទី២៨ ខែតុលា ឆ្នាំ២០១៩នេះ ឯកឧត្តម យ៉ាណូស អាឌ័រ (Janos Ader) ប្រធានាធិបតីនៃសាធារណរដ្ឋហុងគ្រី និងភរិយា បានបន្តចូលគោរពព្រះវិញ្ញាណក្ខន្ធ ព្រះបរមរតនកោដ្ឋ និងបំពាក់កម្រងផ្កានៅវិមានឯករាជ្យ។

សូមជំរាបថា ប្រធានាធិបតីនៃសាធារណរដ្ឋហុងគ្រី និងភរិយា បានអញ្ជើញមកដល់កម្ពុជាហើយ នៅយប់ថ្ងៃអាទិត្យមិញនេះ ដើម្បីបំពេញទស្សនកិច្ចផ្លូវរដ្ឋ រយៈពេល៤ថ្ងៃ ចាប់ពីថ្ងៃទី២៧ ដល់ ៣០ ខែតុលា ឆ្នាំ២០១៩ តាមការអញ្ជើញរបស់ព្រះមហាក្សត្រកម្ពុជា។

នៅរសៀលនេះ ឯកឧត្តម ប្រធានាធិបតីហុងគ្រី នឹងមានជំនួបពិភាក្សាការងារជាមួយសម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដែលនៅក្នុងជំនួបនោះ កិច្ចសហប្រតិបត្តិការទ្វេភាគីលើវិស័យជាច្រើន រួមទាំងបញ្ហាតំបន់ និងអន្តរជាតិដែលជាការយកចិត្តទុកដាក់រួម នឹងត្រូវបានលើកយកមកពិភាក្សាផងដែរ៕

26/10/2019

ពត៌មាន​បឋម​ ៖​ រថយន្ត​បេីកវ៉ាមកប៉ះម៉ូតូរងបួសធ្ងន់ពីរនាក់

26/10/2019

ភ្ញាក់ផ្អើល​ជាខ្លាំង​មេ​បុស្តិ៍​ម្នាក់បាញ់សំលាប់ខ្លួន
​ បន្ទាយមានជ័យ​​៖(ពត៌មាន​បឋម​)មានករណីធ្វើអត្តឃាតបាញ់សម្លាញ់ខ្លួនដោយមិនដឹងមូល នៅវេលាម៉ោង ៧:២៥នាទីយប់​ ថ្ងៃទី២៦ ខែតុលា ឆ្នាំ២០១៩ ស្ថិតនៅភូមិគោរដ្ឋាន សង្កាត់អូរអំបិល ក្រុងសិរីសោភ័ណ​ ខេត្ត​បន្ទាយមានជ័យ​។

ជនរងគ្រោះមានឈ្មោះ ប៊ូ រិទ្ធី ជាមេប៉ុស្តិ៍សង្កាត់ទឹកថ្លា ក្រុងសិរីសោភ័ណ បានធ្វើអត្តឃាតនៅផ្ទះរបស់ខ្លួនត្រង់ចំនុចកើតហេតុខាងលើ។

បេីតាមការបញ្ជាក់ពីក្រុុមគ្រួសារ អាចមកពីមានបញ្ហាវិបត្តិផ្លូវចិត្តនិងគ្រួសារ។

26/10/2019

ខាងក្រោមជាខ្លឹមសារសំខាន់ៗរបស់សម្តេចតេជោ ហ៊ុន សែន៖ នាព្រឹកថ្ងៃទី២៥ ខែតុលា ឆ្នាំ២០១៩

* សម្តេចតេជោ ហ៊ុន សែន បានថ្លែងថា ដរាបណាគណបក្សប្រជាជនដឹកនាំរាជរដ្ឋាភិបាល គឺមិនយកពន្ធលើដីស្រែចម្ការ និងប្រាក់បៀវត្សរ៍អប្បបរិមា។

* សម្តេចតេជោ ហ៊ុន សែន បានថ្លែងថា ពិដាននៃពន្ធបៀវត្សរ៍អប្បបរិមានសម្រាប់ឆ្នាំ២០២០ គ្រោងដំឡើងពី១លាន ២សែនរៀល ដល់ ១លាន ៣សែនរៀល។

* សម្តេចតេជោ ហ៊ុន សែន បានថ្លែងថា មន្ត្រីរាជការដែលមានប្រាក់ឈ្នួលទាបជាងគេបង្អស់មិនត្រូវជាប់ពន្ធនោះឡើយ។

* សម្តេចតេជោ ហ៊ុន សែន ប្រកាសដកហូតសិទ្ធិប្រមូលសំរាមពីក្រុមហ៊ុនស៉ិនទ្រី។ សម្តេចតេជោ បានបញ្ជាក់ថា ចាប់តាំងពីទទួលសិទ្ធិនៅឆ្នាំ២០០២ ក្រុមហ៊ុនមិនទាន់បំពេញកាតព្វកិច្ចបម្រើប្រជាពលរដ្ឋឱ្យស្របតាមការរីកចម្រើនរបស់រដ្ឋនោះឡើយ។

* សម្តេចតេជោ ហ៊ុន សែន បានថ្លែងថា ការដកសិទ្ធិគ្រប់គ្រងសំរាមពីក្រុមហ៊ុនស៊ិនទ្រីជារឿងចាំបាច់ ហើយត្រូវប្រញាប់ដាក់ចេញវិធានការដោះស្រាយ ឆ្លើយតបតម្រូវការរបស់ប្រជាពលរដ្ឋ។

* សម្តេចតេជោ ហ៊ុន សែន បានថ្លែងថា ក្រោយរដ្ឋគ្រប់គ្រងមានស្ថិរភាពហើយ រដ្ឋនឹងជ្រើសរើសក្រុមហ៊ុនចំនួន៤ សម្រាប់ធ្វើការប្រមូលសំរាមក្នុងរាជធានីភ្នំពេញ ដោយចែកចេញជា៤តំបន់។

* សម្តេចតេជោ ហ៊ុន សែន ប្រកាសឱ្យដកតម្លៃសំរាមចេញពីវិក្ក័យបត្ររបស់អគ្គិសនីចាប់ពីថ្ងៃទី១ ខែមករា ឆ្នាំ២០២០។

* សម្តេចតេជោ ហ៊ុន សែន ហៅការដកតម្លៃសំរាមចេញពីវិក្ក័យបត្រអគ្គិសនី ជាការវះកាត់ជំងឺរ៉ាំរ៉ៃមួយដែលគ្មានការដោះស្រាយ។

* សម្តេចតេជោ ហ៊ុន សែន បានថ្លែងថា ខេត្តដែលមានភ្ជាប់ថ្លៃសំរាមជាមួយវិក្ក័យបត្រអគ្គិសនី ក៏ត្រូវដកចេញដូចគ្នានឹងរាជធានីភ្នំពេញដែរ។

* សម្តេចតេជោ ហ៊ុន សែន ប្រគល់ភារកិច្ចឱ្យក្រសួងរ៉ែ និងថាមពល គិតគូរស្វែងរកការវិនិយោគបង្កើតរោងចក្រអគ្គិសនីដោយការដុតសំរាមនៅទីលានចាក់សំរាម។

* សម្តេចតេជោ ហ៊ុន សែន ហាមដាច់ខាតមិនឱ្យមានការនាំចូលសំរាមពីក្រៅប្រទេស ដើម្បីដំណើរការរោងចក្រអគ្គិសនីនេះឡើយ។

* សម្តេចតេជោ ហ៊ុន សែន បានទុកពេលឱ្យ ៥ឆ្នាំទៀតក្នុងការតភ្ជាប់បណ្តាញអគ្គិសនីឱ្យបានគ្រប់គ្រប់ភូមិ។

26/10/2019

ផ្អេីលទាំងថ្ងៃករណី​បាញ់ស្លាប់មនុស្ស

ភ្នំពេញ​៖(ពត៌មាន​បឋម​)នៅវេលាម៉ោងប្រមាណជិត១១ ថ្ងៃទី២៦ ខែតុលា ឆ្នាំ២០១៩នេះ មានករណីបាញ់សម្លាប់ជនរងគ្រោះម្នាក់ នៅជិតភ្លើងស្តុបណូគៀរ ខណ្ឌទួលគោក ក្នុងរាជធានី​ភ្នំពេញ​ ប៉ុន្តែមិនទាន់ដឹងថា ផ្តើមចេញពីមូលហេតុអ្វីនោះទេ ខណៈកម្លាំងសមត្ថកិច្ចកំពុងជួយអន្តរាគមន៍នៅទីនោះ។

មន្រ្តីនគរបាលមូលដ្ឋាន បានបញ្ជាក់ជាបឋមថា ឃាតកម្មនេះកើតឡើងរវាងបងប្អូនថ្លៃ ហើយជនដៃដល់បានចូលសារភាពនៅចំពោះសមត្ថកិច្ចហើយ៕

26/10/2019

រដ្ឋបាលខណ្ឌដូនពេញ ប្ដេជ្ញាអនុវត្តតាមគោលការណ៍ណែនាំរបស់ សម្ដេចក្រឡាហោម ស ខេង ឧបនាយករដ្ឋមន្រ្ដី រដ្ឋមន្រ្ដីក្រសួងមហាផ្ទៃ ក្នុងការលុបបំបាត់ទាំងស្រុងបញ្ហាគ្រឿងញៀន នៅត្រឹមចុងឆ្នាំ២០១៩

នៅរសៀលថ្ងៃសុក្រ ១២រោច ខែអស្សុជ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២៥ ខែតុលា ឆ្នាំ២០១៩ នេះ គណៈបញ្ជាការឯកភាពរដ្ឋបាលខណ្ឌដូនពេញ បានធ្វើការបង្ហាញមុខសញ្ញាជួញដូរ ចែកចាយ និងប្រើប្រាស់គ្រឿងញៀន អំពើឆក់ និងករណីបង្ខាំងមនុស្សដោយខុសច្បាប់ សរុបចំនួន ០៧ករណី ឃាត់ខ្លួនមនុស្សចំនួន ១៤នាក់ ស្រី ០១នាក់ នៅក្នុងភូមិសាស្រ្ដខណ្ឌដូនពេញ ។ ឆ្លៀតក្នុងឱកាសនោះផងដែរ លោក ហែម អាន ប្រធានក្រុមប្រឹក្សាខណ្ឌដូនពេញ និង លោក សុខ ពេញវុធ អភិបាល នៃគណៈអភិបាលខណ្ឌ និងជាប្រធានគណៈបញ្ជាការឯកភាពរដ្ឋបាលខណ្ឌដូនពេញ បានធ្វើបទសម្ភាសន៍ជាមួយអ្នកសារព័ត៌មានថា៖ ក្នុងនាមខ្ញុំផ្ទាល់ ក៏ដូចជាក្នុងនាមគណៈបញ្ជាការឯកភាពរដ្ឋបាលខណ្ឌ ដែលមាន លោក អធិការនគរបាលខណ្ឌ និង លោកមេបញ្ជាការកងរាជអាវុធហត្ថខណ្ឌ ជាសេនាធិការ បានធ្វើការប្ដេជ្ញាចិត្តថានឹងបង្រ្កាប បោសសំអាតឲ្យអស់នូវគ្រប់មុខសញ្ញាជួញដូរ ចែកចាយ និងប្រើប្រាស់គ្រឿងញៀន នៅគ្រប់តំបន់មិនរៀបរយ ស្មុគស្មាញមួយចំនួនក្នុងភូមិសាស្រ្ដខណ្ឌដូនពេញ ជាពិសេសភូមិ៣ សង្កាត់ស្រះចកនេះ ឲ្យខានតែបាន ដើម្បីប្រែក្លាយតំបន់ខ្មៅទាំងនេះ ឲ្យទៅជាតំបន់ស ពោលគឺជាភូមិសាស្រ្ដមួយដែលគ្មានភាពអាណាធិបតេយ្យ អំពើល្មើស លួច ឆក់ ប្លន់ គ្រឿងញៀន និងអំពើជួញដូរផ្លូវភេទ ធានាបាននូវសេចក្ដីសុខ សុវត្ថិភាព គ្រប់ទីកន្លែងជូនបងប្អូនប្រជាពលរដ្ឋទូទៅ ស្របតាមគោលការណ៍ណែនាំរបស់ ប្រមុខរាជរដ្ឋាភិបាល សម្ដេចក្រឡាហោម ស ខេង ឧបនាយករដ្ឋមន្រ្ដី រដ្ឋមន្រ្ដីក្រសួងមហាផ្ទៃ ក៏ដូចជា ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ ផងដែរ ។

ក្នុងនោះ លោក ប្រធានក្រុមប្រឹក្សាខណ្ឌ និង អភិបាលខណ្ឌ ក៏បានកោតសរសើរដល់កម្លាំងជំនាញពាក់ព័ន្ធ ដែលបានអនុវត្តការងារបង្រ្កាបមុខសញ្ញាខាងលើ ទទួលបានជោគជ័យ ដោយបានលះបង់កម្លាំងកាយ ចិត្ត និងសេចក្ដីសុខផ្ទាល់ខ្លួន ព្រមទាំងក្រុមគ្រួសារ ដើម្បីបំពេញតួនាទីយ៉ាងសស្រាក់សស្រាំ មិនថាថ្ងៃបុណ្យ ថ្ងៃឈប់សម្រាក់ ឬជួបប្រទះបញ្ហាសុខភាពខ្លះៗក្ដី ក៏កម្លាំងយើងបានបំពេញតួនាទីប្រកបដោយការទទួលខុសត្រូវខ្ពស់ និងសកម្មបំផុត ។ ជាក់ស្ដែងរដ្ឋបាលខណ្ឌ បានធ្វើការលើកទឹកចិត្តជាថវិកាមួយចំនួនជាបន្ដបន្ទាប់ដល់កងកម្លាំងយើងក្នុងការបង្រ្កាបបទល្មើសផ្សេងៗ ជាពិសេសបទល្មើសគ្រឿងញៀន ដើម្បីជាការលើកទឹកចិត្ត និងបន្ដការឧបត្ថម្ភលើកទឹកចិត្តនេះជាបន្ដទៀតផងដែរ ។