Loch ratha

Home
Loch ratha

ចំណេះដឹងខាងសុខភាព ចំណេះដឹងទូទៅ

08/10/2023

21/09/2023

Account ថ្មី ជួយ follow ម្នាក់1ផង បង ប្អូន

19/09/2023

👉🏻ទើបតែកាត់ការជាប់អណ្តាតអោយទារកម្នាក់ ក៏នឹកឃើញនិយាយពីជំងឺនេះបន្តិចទៅ។
«ជំងឺ Ankyloglossia រឺ Tongue Tie រឺខ្មែរហៅថា ជាប់អណ្តាត» គឺជាជំងឺដែលមានពីរកំណើត ដែលជាលិកាក្រោមអណ្តាតក្មេងភ្ជាប់អណ្តាតតឹងជាមួយក្រអូមមាត់ក្រោម។
👉🏻ផលលំបាក
_ធ្វើអោយក្មេងពិបាកមឹម ពិបាកបឺត និងងាយនឹងឈ្លក់ផងដែរ
_ប៉ះពាល់ដល់ការនិយាយ
_ប៉ះពាល់ដល់សុខភាពធ្មេញ និងមាត់
👉🏻ការព្យាបាល គឺត្រូវកាត់ដើម្បីបន្ធូរជាលិកានោះ តែការកាត់មានច្រើនរបៀបទៅតាមស្ថានភាពជាក់ស្តែង
_ការកាត់ត្រូវធ្វើចំពោះក្មេងដែលមានសុខភាពល្អ គ្រប់គីឡូ និងមិនកំពុងមានជំងឺផ្សេង ព្រោះក្រោយពេលកាត់នឹងមានប៉ះពាល់ដល់ការញាំមួយរយៈខ្លី។
_អាចកាត់ពីក្មេងអាយុ៦ខែឡើង (រឺទាបជាងនេះទៅតាមស្ថានភាពជាក់ស្តែង។
_ ការកាត់គឺប្រើថ្នាំស្ពឹក+ថ្នាំឃាត់ឈាម ចាក់នៅនឹងកន្លែងកាត់ មានការឈឺចាប់បន្តិចបន្តួចប៉ុណ្ណោះ។
ប្រភព: វេជ្ជ. ហ៊ាង រតនា Dr. HEANG ROTTANA # # # # # # # # # #

18/09/2023

ជីវិតជាពេទ្យ មានគ្រប់ទម្រង់គ្រប់បែបបទ អ្វីដែលយើងអាចធ្វើបានយើងនិងធ្វើ មិនថាក្នុង
កាល:ទេស:អ្វីនោះទេ ត្រូវចងចាំថា យើងជាពេទ្យ គឺត្រូវតែ......គ្មានពាក្យថាទេ ហត់នឿយ .... Good night my dream .....

18/09/2023

រីករាយ ថ្ងៃ ដំបូងនៃ ជីវិត ដែលមាន វត្តមាននៅក្នុង ពិភពលោកនេះ
អូនឈ្មោះថា អូនសុខមានសេរីជ័យមង្គល ជម្រាបសួរ លោកតាលោកយាយ អ៊ុំពូមីង បងប្អូន ទាំងអស់
អូន កើត ថ្ងៃច័ន្ទ ទី ១៨ ខែ កញ្ញា ឆ្នាំ ២០២៣
ទំងន់ ៣.៥ គីឡូ កូនប្រុស
មន្ទីរពហុព្យាបាល និងសម្ភព សកល
សូមស្វាគមន៍ ....

16/09/2023

អូន មានសុខភាពល្អណាស់

08/09/2023

#ចែករំលែកដើម្បីចំណេះដឹង ពី
អត្ថប្រយោជន៍ទាំង ១០ របស់ «សេរ៉ូមប្រៃ»👩🏻‍⚕️🧑🏻‍⚕️
តើអត្ថប្រយោជន៍ទាំង ១០ នោះមានអ្វីខ្លះ❓
១. សេរ៉ូមប្រៃ ជាថូន័រ (Toner) ដែលមានគុណភាពសម្រាប់ស្បែកមុខងាយប្រតិកម្ម
២. លាង Contact Lens បានយ៉ាងស្អាត
៣. អាចប្រើជាទឹកខ្ពុលមាត់បាន
៤. អាចប្រើសម្រាប់លាងភ្នែកបាន
៥. អាចប្រើសេរ៉ូមប្រៃលាយជាមួយម្សៅម៉ាស់
៦. ជូតសម្អាតមុខ ក្រោយពេលញិចមុន
៧. ប្រើលាងច្រមុះ ពេលមានសំបោរ
៨. ថែរក្សាមុខកុំឱ្យរលាក ស្លោក ដោយសារអាកាសធាតុក្ដៅ
៩. កាត់បន្ថយមុន (ការប្រើសេរ៉ូមប្រៃជូតមុខនឹងធ្វើឱ្យស្បែកកាន់តែស្អាត)
១០. Mascara ដែលចាប់ផ្ដើមស្ងួត កុំទាន់ចោល‼️ គ្រាន់តែបន្តក់សេរ៉ូមប្រៃប្រមាណ 4-5 តំណក់ ក៏អាចប្រើប្រាស់វិញបានម្ដងទៀត

កុំមើលរំលងសេរ៉ូមប្រៃណា 🤗
ប្រភព ៖ itself care

21/08/2023

🤰🏻ថ្នាំជាតិដែក❓❓❓

✅ជាតិដែកនិងអាស៊ីតហ្វូលិកវាពិតជាសំខាន់តែស្ត្រីចាំបាច់ត្រូវញុំាមុនពេលមានផ្ទៃពោះ៣ខែ រហូតមានផ្ទៃពោះ៣ខែដំបូងនៃគត៌!

👩🏻‍⚕️ មានបងៗ ខ្លះគាត់ប្រាប់ខ្ញុំថា បងញាំថ្នាំជាតិដែកអត់ត្រូវ ធ្វេីទុកអោយគាត់ចាញ់លេីសដេីម គាត់ពិបាកក្នុងខ្លួនណាស់ ពេលលេប អញ្ចឹងហេីយគាត់ឈប់ញាំហេីយ 🥹

តេីបងៗ ដឹងទេថា ថ្នាំជាតិដែក មានសារៈសំខាន់ខ្លាំងណាស់ សម្រាប់ស្ត្រីមានផ្ទៃពោះ និង ទារកក្នុងផ្ទៃ 🤰🏻
👉🏻ប្រធានបទថ្ងៃនេះនិយាយអំពីថ្នាំជាតិដែកដែលមាននៅមណ្ឌលសុខភាព គឺ ថ្នាំជាតិដែក និង អាស៊ីតហ្វូលីក ។

👉🏻ជាទូទៅ ទារកចាប់ផ្ដើមលូតលាស់ អវយវៈផ្សេងៗ ផ្នែកបញ្ញាស្មារតីខួរក្បាលចាប់ពីអាយុ 8 សប្តាហ៍ 👶🏻

👉🏻ក្នុងកំឡុងពេលនេះម្ដាយកំពុងតែពពោះត្រូវតែផ្ដល់ឲ្យកូននៅជាតិដែក វីតាមីនក៏ដូចជាការថែទាំខ្លួនអោយល្អបំផុត 🥰

👉🏻ថ្នាំជាតិដែក មានអត្ថប្រយោជន៍ខ្លាំងណាស់ សម្រាប់សុខភាពម្ដាយនិងទារក🤰🏻
✨ជួយឲ្យកូនមាន ការលូតលាស់ល្អ
✨កាត់បន្ថយភាព ស្លេកស្លាំង
✨ជួយផ្នែក បញ្ញាស្មារតី កូនកាន់តែឈ្លាសវៃ
✨ម្ដាយមានសម្រស់កាន់តែស្រស់ស្អាត និង សុខភាពល្អ
✨បង្កើន គ្រាប់ឈាមក្រហម
✨បំបាត់ភាព ស្លេកស្លាំង
✨កាត់បន្ថយ ការធ្លាក់ឈាមពេលសម្រាលកូន
✨បន្ថយភាព ស្លេកស្លាំងក្រោយសម្រាល
✨ដើម្បីការពារការឆែបមាត់
✨ការពារពកឆ្អឹងខ្នង
✨ទារកសំរាលគ្រប់ខែ គ្រប់គីឡូ
✨ងាយស្រួលសម្រាលកូន មានកំលាំង

👉🏻ការប្រើប្រាស់ថ្នាំជាតិដែកអាស៊ីតហ្វូលីក រយះពេល 3ខែ
មួយថ្ងៃ មួយគ្រាប់ ចំនួន 90គ្រាប់ រៀងរាល់ក្រោយបាយល្ងាច 30 នាទី ។
👉🏻ញាំថ្នាំជាតិដែកជាមួយទឹកស ទឹកឆ្អិន
❌ ហាមញាំជាមួយកាហ្វេ តែ ឬទឹកដោះគោ ដែលបន្ថយប្រសិទ្ធភាពរបស់ថ្នាំ ។
👌🏻ប្រសិនបើមានអាការៈវិលមុខធីងធោងអាចញាំផ្លែឈើជូរតាមក្រោយបន្តិចបន្តួចបាន ។
👌🏻ផលរំខានរបស់ជាតិដែកអាចធ្វើឲ្យ
✨ទល់ លាមក
✨លាមក ពណ៌ខ្មៅ- រាគ
✨ឈឺ ក្រពះតិចតួច
✨ក្អួតចង្អោល តែមិនប៉ះពាល់ទៅលើទារកក្នុងផ្ទៃទេ ។

📌 សម្រាប់ពាក្យ ចចាមអារ៉ាម និយាយតៗគ្នាថាញាំថ្នាំជាតិដែកធ្វើឲ្យរលូតកូន ញាំថ្នាំជាតិដែក ធ្វើឲ្យក្តៅ វាមិនមែនជាការពិតទេ
សូមឈប់យល់ច្រឡំ ទៀតណាបងៗ

(Copy) ត

20/08/2023

👉🏻ស្រីៗមករដូវអត់ទៀង ដោយសារមូលហេតុទាំងនេះ

អ្វីទៅជាការមករដូវមិនទៀង?

ជាទូទៅ ស្រីៗមានវដ្ដរដូវចន្លោះពី ១១-១៣ ដងក្នុងមួយឆ្នាំ ប៉ុន្តែគ្នាយើងខ្លះអាចមកតិចដង និងខ្លះទៀតមកច្រើនជាងនេះ។ ដើម្បីដឹងថារដូវមកទៀងទាត់ ឬអត់ គួរចំណាំការមករដូវយើងខ្លួនឯង ប្រសើរជាងប្រៀបធៀបជាមួយនរណាផ្សេង។

អំឡុងពេលប៉ុន្មានឆ្នាំដំបូងស្រីៗទើបមានរដូវ អាចនឹងមករដូវមិនទៀងទាត់ ដោយសារអ័រម៉ូននៃវដ្តរដូវត្រូវការពេលដើម្បីបង្កើតតុល្យភាព ហើយបើយើងឈានដល់វ័យត្រូវអស់រដូវ ក៏អាចជួបប្រទះនឹងបញ្ហានេះដូចគ្នា។ នៅមានមូលហេតុជាច្រើនទៀតនាំឲ្យយើងមានរដូវមិនទៀងដូចជា៖

១- អត់តុល្យភាព

នៅពេលទម្ងន់ឡើងចុះ នាំឲ្យតុល្យភាពអ័រម៉ូនក្នុងខ្លួនងាយចុះខ្សោយ ដែលជាហេតុប៉ះពាល់ដល់ការមករដូវប្រចាំខែ។ ធ្វើការងារធ្ងន់ៗ ឬអារម្មណ៍តានតឹង ក៏ជាមូលហេតុនាំឲ្យមករដូវមិនទៀងដែរ។

២- ពន្យារកំណើត

គ្នាយើងច្បាស់ជាធ្លាប់សង្កេតឃើញមានឈាមធ្លាក់បន្ទាប់ពីរដូវ ពេលយើងប្រើថ្នាំគ្រាប់ពន្យារកំណើត ឬកងដាក់ក្នុងស្បូន។ បើទោះករណីដាក់កងក្នុងស្បូនកម្រធ្វើឲ្យរដូវមកមិនទៀងមែន ប៉ុន្តែការប្រើកង អាចជួបបញ្ហាមួយចំនួន ដូចជា រដូវធ្លាក់ខ្លាំង ឬឈឺចាប់ខ្លាំងពេលមករដូវម្តងៗ។

៣- ដុំគីសទឹកក្នុងដៃស្បូន

ដុំគីសក្នុងដៃស្បូន ជាជំងឺម្យ៉ាងកើតមាននៅពេលដុំគីសផ្ទុកដោយទឹកវិវត្តនៅក្នុងដៃស្បូន។ រោគសញ្ញាជំងឺនេះបង្កភាពមិនប្រក្រតីការមករដូវ ដូចជា មករដូវមិនទៀងទាត់ រដូវមកតិច ឬរាំងរដូវតែម្តងក៏មាន។ មូលហេតុ គឺក្នុងជំងឺដុំគីសដៃស្បូនមានការវិវត្តអូវុលមិនប្រក្រតី ជាហេតុនាំឲ្យប៉ះពាល់វដ្ដរដូវ។

៤- រោគស្ត្រី

ករណីមានផ្ទៃពោះឥតព្រាងទុក រលូតកូន និងបញ្ហាផ្សេងទៀតក្នុងស្បូន ឬដៃស្បូន អាចបង្កឲ្យធ្លាក់ឈាមដូចគ្នា។ ជាទូទៅ ពេលយើងមានបញ្ហាមករដូវមិនទៀងទាត់ គួរទៅជួបជាមួយគ្រូពេទ្យឯកទេស រោគស្ត្រី ដើម្បីពិនិត្យ ប្រឹក្សាយោបល់ និងព្យាបាលឲ្យបានត្រឹមត្រូវ។

៥- ជំងឺទាក់ទងនឹងក្រពេញទីរ៉ូអ៊ីត

អាចជារឿងកម្រ តែបើយើងមានបញ្ហាក្រពេញទីរ៉ូអ៊ីត អាចនឹងជួបប្រទះបញ្ហាមករដូវមិនទៀងទាត់ ព្រោះក្រពេញទីរ៉ូអ៊ីតស្ថិតនៅនឹងក មានតួនាទីផលិតអ័រម៉ូនបំបែកចំណីអាហារ។ ម្ល៉ោះហើយ យើងគួរពិនិត្យឈាមដើម្បីដឹងពីកម្រិតអ័រម៉ូនក្រពេញទីរ៉ូអ៊ីត ពេលណាមករដូវមិនទៀង។

៦- កត្តាផ្សេងទៀតអាចនាំឲ្យរដូវមិនទៀងទាត់

អ្វីដែលធ្វើឲ្យរដូវមិនទៀង មិនមែនមានតែប៉ុន្មានចំណុចរៀបរាប់ខាងលើទេ ប៉ុន្តែខាងក្រោមនេះ ក៏អាចជាឫសគល់ដែរ៖

– បំបៅដោះ

– ប្រើថ្នាំញៀន

– ព្យាបាលដោយគីមី និងកាំរស្មី

– ជំងឺពោះវៀនធំ របេង ថ្លើម និងទឹកនោមផ្អែម

– សន្ទះព្រហ្មចារីបិទមិនជិតពីកំណើត

– អាសន្នរោគ (Asherman’s syndrome)។

ចាំថា បើទោះជាយើងមិនមករដូវក៏ដោយ ក៏អាចមានផ្ទៃពោះដែរ អ៊ីចឹងគួរប្រើថ្នាំពន្យារកំណើត ចៀសវាងការមានផ្ទៃពោះឥតព្រាងទុក។ ករណីបាត់រដូវ ២-៣ ដង ក៏មិនមានបញ្ហាធ្ងន់ធ្ងរដែរ។ ការរៀបចំជីវិតយើងឲ្យល្អទាំងផ្លូវចិត្ត និងផ្លូវកាយ អាចជួយដោះស្រាយបញ្ហានេះបានច្រើន។
( copy)ត

21/07/2023

ថ្ងៃចុងក្រោយហើយ

16/07/2023

ហែបក្ស

20/05/2023

👉🏻មូលហេតុដែលសម្រាលកូនហេីយមិនមានទឹកដោះ ឬ មិនសូវមានទឹកដោះ :
1. របបអាហារមិនសូវគ្រប់គ្រាន់ កង្វះវីតាមីន
2. ម្ដាយប្រឈមជាមួយជម្ងឺបាក់ទឹកចិត្តក្រោយសម្រាលវាជាកត្ថាមួយដែលធ្វេីអោយម្ដាយបញ្ចេញទឹកដោះខ្សោយដែរ
3. ម្ដាយមានជម្ងឺទឹកនោមផ្អែមឬក្រពេញអ័រម៉ូនទីរ៉ូអ៊ីតជាកត្ថាប្រឈមពិបាកធ្វេីអោយមានទឹកដោះ
4. គីសនៅក្រពេញអូវែក៏ជាមូលហេតុនៃការមិនអាចបញ្ចេញទឹកដោះ
5. វ័យរបស់ម្ដាយបេីសិនបេីម្ដាយមានវ័យច្រេីនក៏ការបញ្ចេញទឹកដោះក៏ខ្សោយ
6. ការប្រេីប្រាស់ថ្នាំពន្យាកំណេីតក្រោយសម្រាល ក៏ជាកត្ដាប្រឈមក្នុងការបញ្ចេញទឹកដោះតិចដែរ
☑️ លោកអ្នកអាចទៅពិគ្រោះគ្រូពេទ្យជំនាញ់ដេីម្បីពិគ្រឿយោបលនឹងអាចប្រេីប្រាស់វីតាមីនសម្រាប់ជំនួយបន្ថែមទៀតដេីម្បីធ្វេីអោយការបញ្ចេញទឹកដោះច្រេីនជាងមុន 🥰
https://www.tiktok.com/?lang=en

13/04/2023

បច្ចុប្បន្នមនុស្សភាគច្រើនជួបប្រទះនឹងជំងឺក្រពះពោះវៀនជាច្រើន ហើយនៅក្នុងវិស័យសុខាភិបាលក៏មានវិធីសាស្រ្ដជាច្រើនក្នុងការព្យាបាលទាំងការព្យាបាលទូទៅ និង ការព្យាបាលដោយប្រើប្រាស់ឧបករណ៍ទំនើប ក្នុងនោះផងដែរមានវិធីមួយសម្រាប់ការព្យាបាលជំងឺក្រពះវៀន ដែលមានភាពងាយស្រួលនឹងឆាប់រហ័សនោះគឺ Endoscopy។
តើបច្ចេកទេសនៃការប្រើឧបករណ៍ចោះឆ្លុះ ឫ Endoscopy ជាអ្វី?
ជួបជាមួយលោក វេជ្ជបណ្ឌិត សរ ស៊ីសត្យា ទាំងអស់គ្នា ដែលលោកគ្រូនឹងធ្វើការបកស្រាយប្រធានបទខាងលើនេះ៖
---------------------------------------------------

មន្ទីរពហុព្យាបាល និងសម្ភពសាកល មានបន្ទប់ពិនិត្យ ព្យាបាល និង វះកាត់ ប្រកបដោយ ផាសុខភាព ខ្យល់អាកាសល្អ និងចំណតរថយន្ដធំទូលាយ ។
សេវាកម្ម ២៤ ម៉ោង៖
- ពិគ្រោះ និង ព្យាបាល ជំងឺទូទៅ មនុស្ស ចាស់ និង កុមារ
- សម្ភព និង រោគស្ត្រី ( សម្រាល ដោយធម្មជាតិ និង វះកាត់ , កូនក្រៅស្បូន, ដុំដោះ , ដុំស្បូន)
- វះកាត់ ទូទៅ និង ដោយចោះឆ្លុះ ( តឆ្អឹងបាក់, ខ្នែងពោះវៀន, ដុំគីស, ដុំសាច់, ដុំមហារីក, គ្រួសថង់ប្រមាត់,គ្រួសតំរងនោម,....)
- ថតឆ្លុះអេកូសាស្ដ្រ, កាំរស្មីអ៊ុច និង មន្ទីរពិសោធន៍ ( វិភាគឈាម , ទឹកនោម , ទឹកសរីរះផ្សេងៗ …)
សម្រាប់ពត៌មានបន្ថែម និងការណាត់ជួប សូមទំនាក់ទំនងតាមរយៈ
☎️Smart: 015 52 9000
☎️Cell Card: 095 52 9000
☎️Metfone: 067 52 9000
📩:ផ្ញើសារមកកាន់ផេកផ្លូវការរបស់មន្ទីរពហុព្យាបាល និងសម្ភពសាកល:
🏥អាសយដ្ឋាន: ផ្ទះលេខ ២៨៤ ផ្លូវជាតិលេខ ២ ភូមិក្រពើហា សង្កាត់ព្រែកឬស្សី ក្រុងតាខ្មៅ ខេត្តកណ្ដាល
#ការព្យាបាលដោយចោះឆ្លុះ
#ក្រពះពោះវៀន

12/04/2023

🧑‍⚕️កម្មវិធីចាក់វ៉ាក់សាំងថ្នាក់ជាតិសម្រាប់កូនក្មេង

👶ទារកទើបកើត24ម៉ោងដំបូង
+ ចាក់វ៉ាក់សាំងរលាកថ្លើមបេ(Hep B) ចាក់សាច់ដុំភ្លៅស្តាំ
+ ចាក់វ៉ាក់សាំងរបេង(BCG) ជោះក្រោមស្បែកស្មាឆ្វេង

👶 ទារកអាយុ1ខែកន្លះ
+ ចាក់វ៉ាក់សាំង1ម្ជុលមាន DTP(ខាន់ស្លាក់, តេតាណូស, ក្អកមាន់) រលាកថ្លើមបេ, និង រលាកថ្លើមអា ចាក់សាច់ដុំភ្លៅស្តាំ
+ ចាក់វ៉ាក់សាំងរលាកសួត, រលាកស្រោមសួត (PCV) ចាក់សាច់ដុំភ្លៅឆ្វេង
+ បណ្តក់ចូលមាត់2ដំណក់នូវវ៉ាក់សាំងវីរុសគ្រុណស្វិតដៃជើង (OPV)

👶ទារកអាយុ2ខែកន្លះ មានវ៉ាក់សាំងដូចអាយុ1ខែកន្លះដែរ

👶 ទារកអាយុ3ខែកន្លះ មានវ៉ាក់សាំងដូចអាយុ1ខែកន្លះដែរ ប៉ុន្តែប្តូរវ៉ាក់សាំងគ្រុណស្វិតដៃជើងពីបណ្តក់ចូលមាត់ មកចាក់សាច់ដុំភ្លៅឆ្វេងវិញ (IPV)

👶 ទារកអាយុ6ខែ
+ ចាក់វ៉ាក់សាំងកញ្រ្ជឹល និង ស្អូច (MR) ចាក់សាច់ដុំភ្លៅឆ្វេង

👶 ទារកអាយុ9ខែ
+ ចាក់វ៉ាក់សាំងកញ្រ្ជឹល, ស្អូច, អ៊ុតស្វាយ និង ក្រឡតែន (MR) ចាក់សាច់ដុំភ្លៅឆ្វេង
+ ចាក់វ៉ាក់សាំងរលាកខួរក្បាល និង រលាកស្រោមខួរ (JEV) ចាក់សាច់ដុំភ្លៅស្តាំ រឺ ចាក់សាច់ដុំស្មាស្តាំ

👶 ទារកអាយុ18ខែ
+ ចាក់វ៉ាក់សាំងកញ្រ្ជឹល, ស្អូច, អ៊ុតស្វាយ និង ក្រឡតែន (MR) ចាក់សាច់ដុំភ្លៅឆ្វេង

10/04/2023

ពេលវេលាបែបនេះមិនដឹងថាមានវាម្ដងទៀតនៅពេលណាទេ@ មន្ទីរពេទ្យបង្អែក ស្អាង

25/03/2023

ករណី បន្ទាន់ បងស្រី មានបញ្ហា ឈឺចាប់ក្នុងពោះ និង មាន ហូរឈាម.... បន្ទាប់ពី គ្រូពេទ្យ ពិនិត្យ និង ថតឆ្លុះ កំណត់ រោគវិនិច្ឆ័យជា កូនក្រៅស្បូន បែកហូរឈាម... គ្រូពេទ្យ បានធ្វើការ វះកាត់ បន្ទាន់ និង ជួយសង្គ្រោះ ដោយជោគជ័យ

03/03/2023

ទើបសម្រាលកូនរួច រាងកាយស្រីៗនឹងជួបរឿងពិបាកទាំង ១២ យ៉ាងនេះ

១- ឈឺចាប់ត្រង់តំបន់ទ្វារមាស

– មូលហេតុ៖ រន្ធទ្វារមាស និងរន្ធគូទ អាចត្រូវដាច់រហែកពេលសម្រាល ជាទូទៅធ្វើឲ្យមានការឈឺចាប់ ហើយកាន់តែឈឺខ្លាំង បើពេទ្យ កាត់រន្ធទ្វារមាសបន្ថែម ដើម្បីជួយសម្រួលឲ្យទារកចេញមកក្រៅ។

– ដំណោះស្រាយ៖ ព្យាយាមហាត់ប្រាណ Kegel (ហាត់ពង្រឹងត្រគាក) ព្រោះហាត់ប្រាណបែបនេះ ជួយពង្រឹងសាច់ដុំនៅបរិវេណស្បូន ដោយគ្រាន់តែប្រឹងខ្ជឹបសាច់ដុំគូទ រាប់ដល់ ១០ ចាំប្រលែងវិញ ធ្វើបែបនេះឲ្យបាន ១០ដង គិតមួយជុំ និង ៣ ដង/ថ្ងៃ។

២- ឈឺពោះ/ឈឺស្បូន

– មូលហេតុ៖ ឈឺស្បូន បណ្ដាលមកពីស្បូនត្រឡប់ទៅសភាពដើមវិញក្រោយសម្រាល ស្បូនយើងនឹងឡើងមូល ហើយរឹង មានទម្ងន់ប្រមាណជា ១គីឡូ តែអាការៈនេះ នឹងបាត់ទៅវិញក្នុងរយៈពេល ២-៣ ថ្ងៃ។

– ដំណោះស្រាយ៖ យើងអាចសួរយោបល់គ្រូពេទ្យ ថាតើយើងគួរលេបថ្នាំបន្ថយការឈឺចាប់ ឬទេ។

៣- ធ្លាក់ឈាមក្រោយសម្រាល

– មូលហេតុ៖ បន្ទាប់ពីទារកកើតចេញមកក្រៅ នឹងមានធ្លាក់ឈាមមកតាមក្រោយ។ ប៉ុន្មានថ្ងៃដំបូង មានធ្លាក់ឈាមច្រើន មានពណ៌ក្រហមស្រស់ និងអាចមកជាកំណកឈាមដុំៗ តែយូរៗទៅ នឹងចាប់ផ្ដើមហូរមកតិចៗ ប្រែពណ៌ស្រាលទៅៗ ជាទូទៅ អាការៈធ្លាក់ឈាមនេះកើតមានត្រឹម ២-៣ សប្ដាហ៍ ឬអាចដល់ ១ ខែ។

– ដំណោះស្រាយ៖ ប្រើសំឡីអនាម័យរហូតដល់ឈប់ធ្លាក់ឈាម។

៤- ដោះឡើងតឹង

– មូលហេតុ៖ ដោះស្រីៗនឹងឡើងតឹង ហើយឈឺ ដោយសារទឹកដោះចាប់ផ្ដើមផលិតសម្រាប់បំបៅកូនទើបកើត ប៉ុន្មានថ្ងៃបន្ទាប់ពីសម្រាល។ យើងនឹងមានអារម្មណ៍ធូរស្បើយ នៅពេលចាប់ផ្តើមបំបៅកូនជាប់លាប់ តែបើម៉ាក់ៗមិនបំបៅកូនដោយទឹកដោះ ការឈឺចាប់នឹងមានរហូតទាល់ទឹកដោះឈប់ផលិតដោយឯកឯង ក្នុងរយៈពេលប៉ុន្មានថ្ងៃ។

– ដំណោះស្រាយ៖ គួរបំបៅកូនដោយទឹកដោះ ហើយកុំរំលងការបំបៅកូនពេលយប់។ មុនពេលបំបៅកូន គួរច្របាច់ទឹកដោះចេញបន្តិចសិន។ ងូតទឹកក្ដៅឧណ្ហៗ ឬស្អំកំណាត់សើមឧណ្ហៗលើដើមទ្រូង ដើម្បីជួយឲ្យទឹកដោះហូរ ហើយបើអាការៈឈឺចាប់ខ្លាំង ឬហើម ត្រូវប្រញាប់ពិគ្រោះជាមួយគ្រូពេទ្យភ្លាម។
៥- ខ្លួនប្រាណឡើងហើម

– មូលហេតុ៖ ស្រីៗភាគច្រើននឹងហើមដៃ ជើង មុខ អំឡុងពេលពពោះ នេះបណ្ដាលមកពីសារធាតុទឹកក្នុងខ្លួនកើនឡើង។ ក្រោយសម្រាល បញ្ហានេះនឹងបាត់ទៅវិញ។

– ដំណោះស្រាយ៖ គេងចំហៀង ដាក់ជើងឲ្យខ្ពស់ៗ គួរស្លៀកពាក់រលុងៗ និងត្រជាក់ ហើយផឹកទឹកឲ្យបានច្រើន។

៦- ជំងឺទល់លាមក និងឫសដូងបាត

– មូលហេតុ៖ ជំងឺទល់លាមក កើតមាននៅពេលពោះវៀនយើងមិនធ្វើចលនា ម៉ាក់ៗអាចមិនសូវបត់ជើង ឬពិបាកបត់ជើង អាចនឹងបង្កទៅជាឫសដូងបាតទៀតផង។

– ដំណោះស្រាយ៖ ត្រាំទឹកក្ដៅឧណ្ហៗ ញ៉ាំអាហារសរសៃ ដូចជា ពពួកផ្លែឈើ ឬនំប៉័ងស្រូវសាលីជាដើម រួចផឹកទឹកឲ្យបានច្រើន។

៧- មានបញ្ហានោម
– មូលហេតុ៖ ២-៣ ថ្ងៃក្រោយសម្រាល ម៉ាក់ៗអាចពិបាកនោមមិនចេញ ហើយពេលខ្លះ ហូរនោមដោយមិនដឹងខ្លួន។ អាការៈដោយបញ្ហាស្បូនខ្សោយក្រោយសម្រាល ប៉ុន្តែនឹងបាត់ទៅវិញ នៅពេលសាច់ដុំស្បូនរឹងមាំដូចធម្មតា។

– ដំណោះស្រាយ៖ ផឹកទឹកឲ្យបានច្រើន ត្រាំទឹកក្ដៅឧណ្ហៗ។

៨- បែកញើសច្រើន

– មូលហេតុ៖ ចំណុចនេះ ភាគច្រើនកើតលើស្រីៗកូនដំបូង ពិសេសពេលយប់ ដោយសារការផ្លាស់ប្ដូរអ័រម៉ូនក្នុងរាងកាយ ក្រោយសម្រាលកូន។

– ដំណោះស្រាយ៖ កុំប្រើភួយច្រើន ឬស្លៀកពាក់ក្រាស់ៗនៅពេលយប់។ ប្រើកន្សែងទ្រាប់ អាចជួយមិនឲ្យសើមកម្រាលពូក និងខ្នើយ។

៩- អស់កម្លាំង

– មូលហេតុ៖ នៅពេលសម្រាលកូន ម៉ាក់ៗបាត់បង់ឈាមច្រើន ធ្វើឲ្យរាងកាយយើងចុះខ្សោយ ម្យ៉ាងទៀត អូនតូច ប្រហែលជាធ្វើឲ្យម៉ាក់ៗគេងមិនបានស្រួលទៀតផង។

– ដំណោះស្រាយ៖ ព្យាយាមគេង នៅពេលកូនគេងលក់ មិនថាពេលថ្ងៃ ឬយប់ ញ៉ាំអាហារសុខភាពឲ្យបានគ្រប់គ្រាន់ ដូចជា បន្លែ ផ្លែឈើ ពពួកស្រូវសាលី និងសាច់មាន់ជាដើម តែកុំញុាំផ្អែមពេក ឬអាហារខ្លាញ់ច្រើន។

១០- ស្បែកឡើងសង្វារ

– មូលហេតុ៖ អំឡុងពេលពពោះ ស្បែកស្រីៗនឹងស្ងួត ងាយប្រេះឡើងសង្វារ ជាពិសេសនៅលើពោះរីកធំទៅតាមទំហំកូន ភ្លៅ ត្រគាក និងគូទ ក៏រីកធំទៅតាមនឹងដែរ។ បើសង្វារកើតមានលើស្បែកហើយ ក៏មិនងាយបាត់ទៅវិញទេ។

– ដំណោះស្រាយ៖ ប្រើឡេការពារសង្វារ ឬលាបប្រេងអូលីវនៅលើស្បែក។

១១- ជ្រុះសក់

– មូលហេតុ៖ នៅពេលពពោះ សក់អាចដុះក្រាស់ពេញក្បាល ដោយសារតែអ័រម៉ូននៅក្នុងរាងកាយកើនដល់កម្រិតខ្ពស់ តែបន្ទាប់ពីសម្រាលរួច សក់ដែលដុះក្រាស់នោះ នឹងចាប់ផ្ដើមជ្រុះទៅវិញយ៉ាងច្រើន។ ជាទូទៅ បញ្ហាជ្រុះសក់អាចនឹងបញ្ចប់ក្រោយសម្រាលបាន ៦ ខែ។

– ដំណោះស្រាយ៖ ញុាំបន្លែផ្លែឈើឲ្យបានច្រើន ជីវជាតិនៅក្នុងបន្លែផ្លែឈើ ជួយការពារសក់ និងធ្វើឲ្យសក់ឆាប់ដុះមកវិញ។ កុំចង់សក់តឹងពេក និងប្រើខ្យល់ត្រជាក់នៅពេលផ្លុំសក់។

១២- ជំងឺបាក់ទឹកចិត្ត

– មូលហេតុ៖ ម៉ាក់ៗទើបសម្រាលកូន ជួនកាលមានអារម្មណ៍សោកសៅ តានតឹង អស់កម្លាំង និងឆាប់មួម៉ៅ។ អារម្មណ៍ទាំងនេះ កើតឡើងដោយឯកឯង ហើយក៏បាត់ទៅវិញដោយឯកឯងដែរ។ ប៉ុន្តែមានករណីខ្លះ អាចធ្ងន់ធ្ងរឈានដល់ជំងឺបាក់ទឹកចិត្ត ហៅថា Postpartum Depression ។

– ដំណោះស្រាយ៖ គេងឲ្យបានច្រើន កុំផឹកគ្រឿងស្រវឹង ឬប្រើថ្នាំមិនមានវេជ្ជបញ្ជាត្រឹមត្រូវ ពិភាក្សាជាមួយក្រុមគ្រួសារ ឬមិត្តភ័ក្ដិ ចំណាយពេលវេលាសម្រាប់ខ្លួនឯង ជួបមិត្តភក្ដិ ពិសេសស្រីៗទើបសម្រាលកូនដូចគ្នា ដើម្បីផ្លាស់ប្តូរបទពិសោធទៅវិញទៅមក។ បើយើងមានអាការៈសោកសៅលើសពី ២សប្ដាហ៍ សូមជួបពិគ្រោះជាមួយគ្រូពេទ្យជំនាញភ្លាម។
មន្ទីរពហុព្យាបាល និង សម្ភព សាកល
015/095 529000

03/03/2023

អ៊ុំស្រី មានបញ្ហា ឈឺចុកចាប់ ក្នុងពោះ នៅផ្ទះ ៣ថ្ងៃ ហើយបាន មកជួប គ្រូពេទ្យឯកទេស ។ ក្រោយពី ពិនិត្យ និង ថតឆ្លុះ កំណត់ រោគវិនិច្ឆ័យជា ជំងឺស្ទះពោះវៀន បណ្តាលអោយធ្លាយ។ ក្រុមគ្រូពេទ្យ បានធ្វើការវះកាត់ ដោយជោគជ័យ
មន្ទីរពហុព្យាបាល និង សម្ភព សាកល
015/095 529000

12/02/2023

ការបាញ់លាងច្រមុះ ពេល កូនៗ តឹងច្រមុះ ដោយ ផ្តាសសាយ

20/12/2022

💊 ឈ្មោះ និងប្រភេទថ្នាំ: Virest 400mg ជាគ្រាប់

✅ការព្យាបាល:
👉 ការបង្ករោគដោយវីរុសដូចជា រើម អុចស្វាយ

✅របៀបប្រើប្រាស់:
👉 មនុស្សពេញវ័យ: ២០០-៨០០ម.ក្រ លេប៧-១០ថ្ងៃ អាស្រ័យតាមស្ថានភាពជំងឺ
👉 ក្មេង២-១២ឆ្នាំ: ២០ម.ក្រ/គីឡូ

❗ផលរំខាន: ចង្អោរ រាក ក្អួត ឈឺពោះ កន្ទួលរមាស់

🚫ការប្រុងប្រយ័ត្ន:
👉 ហាមប្រើសំរាប់អ្នកដែលមានប្រតិកម្មជាមួយ aciclovir

16/12/2022

បើយើងចូលចិត្តយកខ្លួនឯងទៅប្រៀបធៀបនឹងអ្នកផ្សេង នោះអ្នកនឹងមិនអាចរកក្តីសុខឱ្យខ្លួនឯងបាននោះទេ ឬមិនសប្បាយចិត្តនូវអ្វីដែលខ្លួនមានក៏នឹងអាចធ្វើឱ្យចិត្តយើងមានទុក្ខបានដែរ ។

23/11/2022

ក្នុងជីវិតមនុស្សយើងម្នាក់ៗដែលរស់នៅក្នុងសង្គមសព្វថ្ងៃនេះគ្មាននរណាម្នាក់ដែលមានជីវិតល្អឥតខ្ចោះនោះឡើយ។ គ្រប់ទង្វើគ្រប់ការសម្រេចចិត្តមានត្រូវ មានខុសជារឿងធម្មតា។

29/10/2022

អុំទូកតាខ្មៅ

20/10/2022

ជម្រាបសួរពូមីង ពុកម៉ែបងប្អូនទាំងអស់. ពួកអូន មានសុខភាពល្អ ទាំងអស់គ្នា ទេម៉ាក់អូនក៏មានសុខភាពល្អដែរ អរគុណដល់ មន្ទីរពហុព្យាបាលនិងសម្ភពសាកល ក្រុងតាខ្មៅ
ដែលបាន ជួយដល់ពួកអូន.

14/10/2022

ពិបាកពណ៌នាណាស់ កូនគេកូនយើង ចូលរួមសោកស្ដាយផងចំពោះគ្រួសារ ន័យសព # # # # # # #

12/09/2022

សំរាល់ដោយការវះកាត់ សុវត្ថិភាព ទំនុកចិត្ត និងរក្សាអនាម័យ គោរពគោលការណ៍អាសុិបសុី បានយ៉ាងត្រឹមត្រូវ

25/08/2022

ទាល់តែចឹង.......

Address

Telephone

+85598447473

Website

http://WWW.NSZWORLD.COM/

Alerts

Be the first to know and let us send you an email when Loch ratha posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Loch ratha:

Videos

👉🏻ទើបតែកាត់ការជាប់អណ្តាតអោយទារកម្នាក់ ក៏នឹកឃើញនិយាយពីជំងឺនេះបន្តិចទៅ។ «ជំងឺ Ankyloglossia រឺ Tongue Tie រឺខ្មែរហៅថា ជាប់អណ្តាត» គឺជាជំងឺដែលមានពីរកំណើត ដែលជាលិកាក្រោមអណ្តាតក្មេងភ្ជាប់អណ្តាតតឹងជាមួយក្រអូមមាត់ក្រោម។ 👉🏻ផលលំបាក _ធ្វើអោយក្មេងពិបាកមឹម ពិបាកបឺត និងងាយនឹងឈ្លក់ផងដែរ _ប៉ះពាល់ដល់ការនិយាយ _ប៉ះពាល់ដល់សុខភាពធ្មេញ និងមាត់ 👉🏻ការព្យាបាល គឺត្រូវកាត់ដើម្បីបន្ធូរជាលិកានោះ តែការកាត់មានច្រើនរបៀបទៅតាមស្ថានភាពជាក់ស្តែង _ការកាត់ត្រូវធ្វើចំពោះក្មេងដែលមានសុខភាពល្អ គ្រប់គីឡូ និងមិនកំពុងមានជំងឺផ្សេង ព្រោះក្រោយពេលកាត់នឹងមានប៉ះពាល់ដល់ការញាំមួយរយៈខ្លី។ _អាចកាត់ពីក្មេងអាយុ៦ខែឡើង (រឺទាបជាងនេះទៅតាមស្ថានភាពជាក់ស្តែង។ _ ការកាត់គឺប្រើថ្នាំស្ពឹក+ថ្នាំឃាត់ឈាម ចាក់នៅនឹងកន្លែងកាត់ មានការឈឺចាប់បន្តិចបន្តួចប៉ុណ្ណោះ។ ប្រភព: វេ