https://www.facebook.com/106649535668319/

ព្រាបនាំសារ ធីវី, Siem Reap (2024)

05/01/2024

ករណីអគ្គិភ័យឆេះផ្ទះប្រជាពលរដ្ឋអស់ចំនួន០៣ខ្នង សរុបគិតជាទឹកប្រាក់ប្រមាណ ២០,០០០,០០០ រៀល និងប្រាក់ដុល្លារចំនួន ៣០០,០០០ ដុល្លារ ។
#ព្រាបនាំសារធីវី,05,01,2024,ចែករំលែក:
(ព័ត៌មានលម្អិត)
( #ខេត្តកណ្តាល):ថ្ងៃព្រហស្បតិ៍ ៨ រោច ខែមិគសិរ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី៤ ខែមករា ឆ្នាំ២០២៤ វេលាម៉ោង ០៣:២០ នាទីទៀបភ្លឺ មានករណីអគ្គិភ័យឆាបឆេះផ្ទះប្រជាពលរដ្ឋអស់ចំនួន០៣ខ្នង ដែលស្ថិតក្នុងភូមិកំពង់ចម្លង ឃុំព្រែកទន្លាប់ ស្រុកលើកដែក ខេត្តកណ្តាល ។
+ ម្ចាស់ផ្ទះរងគ្រោះទី១ ឈ្មោះ ឡាច ជរ ភេទ ប្រុស អាយុ ៦២ ឆ្នាំ ជនជាតិ ខ្មែរ មុខរបរ លក់ដូរ មានទីលំនៅភូមិឃុំកើតហេតុខាងលើ ។
- ផ្ទះសង់អំពីឈើដំបូលប្រក់ស័ង្កសីជញ្ជាំងសង្ក័សីមានទំហំ ០៥x៥០ ម៉ែត្រ ឆេះខូចខាតទាំងស្រុង សរុបគិតជាទឹកប្រាក់ប្រមាណ ២០,០០០,០០០ រៀល និងប្រាក់ដុល្លារចំនួន ៣០០,០០០ ដុល្លារ។
+ ម្ចាស់ផ្ទះរងគ្រោះទី២ ឈ្មោះ ហាំង សេងហុង ភេទ ប្រុស អាយុ ៥២ ឆ្នាំ ជនជាតិ ខ្មែរ មុខរបរ លក់ដូរ មានទីលំនៅភូមិឃុំកើតហេតុខាងលើ ។
- ផ្ទះសង់អំពីថ្មដំបូលប្រក់ស័ង្កសីជញ្ជាំងសង្ក័សីមានទំហំ ៥,៨ម៉ែត្រ x ២០ម៉ែត្រ ឆេះខូចខាតពិដានជំហៀងខាងត្បូងប្រវែង១៥ម៉ែត្រ។
+ ម្ចាស់ផ្ទះរងគ្រោះទី៣ ឈ្មោះ ឡុង នី ភេទ ប្រុស អាយុ ៦៩ ឆ្នាំ ជនជាតិខ្មែរ មុខរបរលក់ដូរ មានទីលំនៅភូមិឃុំកើតហេតុខាងលើ ។
- ផ្ទះសង់អំពីថ្មដំបូលប្រក់ស័ង្កសីជញ្ជាំងសង្ក័សីមានទំហំ ០៦ម៉ែត្រ x ២០ម៉ែត្រ ឆេះខូចខាតជញ្ជាំងសង្ក័សីបាំងជញ្ជាំង។

+ មូលហេតុៈ បណ្តាលមកពីឆ្លងចរន្តអគ្គិសនី ។

+ កងកម្លាំងនគរបាលបង្ការពន្លត់អគ្គិភ័យនិងសង្គ្រោះ បានប្រេីប្រាស់រថយន្តពន្លត់អគ្គិភ័យសរុបចំនួន០៦គ្រឿង៖
- រថយន្តពន្លត់អគ្គិភ័យការិយាល័យបង្ការពន្លត់អគ្គិភ័យនៃស្នងការដ្ឋាននគរបាលខេត្តកណ្តាលចំនួន ០២ គ្រឿងប្រើប្រាស់ទឹកអស់ចំនួន ០២ រថយន្ត ស្មើ ១៧ ម៉ែត្រគូប។
- រថយន្តពន្លត់អគ្គិភ័យរបស់អធិការដ្ឋានស្រុកលើកដែកចំនួន ០២ គ្រឿង ប្រើប្រាស់ទឹកអស់ចំនួន ០២ ឡាន ស្មើ ១៤ ម៉ែត្រគូប។
- រថយន្តពន្លត់អគ្គិភ័យរបស់អធិការដ្ឋានស្រុកកៀនស្វាយ ចំនួន ០១ គ្រឿង ប្រើប្រាស់ទឹកអស់ចំនួន ០១ រថយន្ត ស្មើ ០៧ ម៉ែត្រគូប។
- រថយន្តពន្លត់អគ្គិភ័យរបស់អធិការដ្ឋានស្រុកពាមរក៍ នៃស្នងការដ្ឋាននគរបាលខេត្តព្រៃវែងចំនួន ០១ គ្រឿង ប្រើប្រាស់ទឹក ០១ រថយន្ត ស្មើ ០៧ ម៉ែត្រគូប។
- ដោយកម្លាំងសមត្ថកិច្ចសហការជាមួយអាជ្ញាធរភូមិ/ឃុំ ប្រជាការពារ និងប្រជាពលរដ្ឋបានជួយពន្លត់និងរលត់ជាស្ថាពរនៅវេលាម៉ោង ០៥:០០ នាទីទៀបភ្លឺ នាថ្ងៃខែឆ្នាំដដែល។
- ករណីខាងលើនេះមិនបណ្ដាលឲ្យគ្រោះដល់អាយុជីវិតមនុស្សឡើយ។
ព័ត៌មានថ្មីៗ JOIN👉https://t.me/PreabMessengerTV

05/01/2024

ជំងឺបូសអន្ទង់!

មនុស្សជាច្រើនតែងតែគិតថា គាត់មានជំងឺឫសដូងបាតនៅពេលដែលគាត់មានរោគសញ្ញាផ្សេងៗនៅម្ដុំបាត(ម្ដុំទ្វារលាមក) ក៏ប៉ុន្តែមានជំងឺផ្សេងៗជាច្រើននៅតំបន់នេះ។

ក) បូសអន្ទង់ជាអ្វី?
វាគឺជាបូសកើតនៅម្ដុំទ្វារលាមក ដែលកើតឡើងដោយការស៊ីចាក់រូងពីក្នុងរន្ធបាតចេញមកខាងក្រៅ។ ជំងឺនេះកើតមានជាទូទៅចំពោះមនុស្សពេញវ័យ ក៏ប៉ុន្តែវាក៏អាចកើតមានលើក្មេងតូចៗផងដែរ។

ខ) រោគសញ្ញាបូសអន្ទង់៖
- មានដុំពកហើមនិងឈឺនៅតំបន់បាតដែលទើបតែកើតមានថ្មីៗ
- ឈឺចាប់នៅខាងក្នុងបាតដែលទើបតែកើតមានថ្មីៗ
- មានហូរខ្ទុះនៅបាត
- មានអារម្មណ៍ថាសើមជាប់ជាប្រចាំនៅបាត
- រមាស់នៅបាត
គ) មូលហេតុ៖
ជាធម្មតានៅខាងក្នុងរន្ធបាតរបស់មនុស្សគ្រប់គ្នា គឺមានក្រពេញធម្មជាតិតូចៗជាច្រើន។ គេសន្និដ្ឋានថាជំងឺបូសអន្ទង់បណ្ដាលមកពីការស្ទះរន្ធនៃក្រពេញតូចៗទាំងនេះ ដែលបង្ករឲ្យមានខ្ទុះស៊ីចាក់រូងចេញមកខាងក្រៅ។

ឃ) វិធីព្យាបាល៖
ការព្យាបាលតែមួយគត់ដែលមានប្រសិទ្ធភាពគឺការវះកាត់។ ការវះបូសអន្ទង់មានពីប្រភេទ គឺការវះបង្ហូរខ្ទុះបន្ធូរបន្ថយការឈឺចាប់ និងការវះឲ្យជាសះស្បើយ។ ជំងឺនេះមិនមានវិធីផ្សេងៗសម្រាប់ព្យាបាលឲ្យជាសះស្បើយទេ ក្រៅពីការវះកាត់។
- ការវះបង្ហូរខ្ទុះបន្ធូរបន្ថយការឈឺចាប់៖
ការវះនេះធ្វើនៅពេលដែលបូសកំពុងតែហើមនិងឈឺ។ យើងគ្រាន់តែចាក់ថ្នាំស្ពឹកវះផ្នែកខាងក្រៅនិងវះបង្ហូរខ្ទុះចេញ ក៏ប៉ុន្តែវាមិនមែនជាវិធីព្យាបាលឲ្យជាសះស្បើយនោះទេ វាគ្រាន់តែជាការវះបន្ធូរបន្ថយការឈឺចាប់ប៉ុណ្ណោះ។ បូសនេះនឹងលាប់មកវិញ ប្រសិនបើមិនធ្វើការវះផ្ដាច់ផ្លូវរូងរបស់វាទេ។
- ការវះកាត់ផ្ដាច់ផ្លូវរូងបូសអន្ទង់៖
នេះជាវិធីតែមួយគត់ព្យាបាលឲ្យជាសះស្បើយ និងមិនលាប់ឡើងវិញ។ ការវះនេះខុសពីការវះខាងក្រៅបង្ហូរខ្ទុះចេញ គឺត្រូវវះកាត់ផ្ដាច់ផ្លូវរូង និងប្រភពដើមនៃបូសដែលស្ថិតនៅខាងក្នុងរន្ធបាត។ ការវះអាចនឹងត្រូវធ្វើឡើង២ឬ៣ដង ប្រសិនបើបូសនោះស៊ីរូងប៉ះពាល់សាច់ដុះបាតធ្ងន់ធ្ងរ។
- វិធីវះ ត្រូវធ្វើនៅក្នុងបន្ទប់វះកាត់ ប្រើថ្នាំឲ្យស្ពឹកត្រឹមចង្កេះចុះក្រោម និងវះដោយគ្មានការឈឺចាប់។ ប្រសិនបើបូសនោះស៊ីរូងប៉ះពាល់សាច់ដុះបាតធ្ងន់ធ្ងរ យើងត្រូវវះផ្ដាច់សាច់ដុះបាតខ្លះ និងទុកខ្លះ និងរងចាំរហូតរបួសលើកទីមួយជាសះសិន ទើបធ្វើការវះម្ដង ឬពីរដងទៀតឲ្យអស់តែម្ដង។ ពីព្រោះប្រសិនបើកាត់ផ្ដាច់សាច់ដុះបាតច្រើនពេក អ្នកជំងឺនឹងមានផលវិបាកទាក់ទងនឹងការទប់លាមកនៅពេលក្រោយ។ បន្ទាប់ពីវះកាត់តម្រូវឲ្យសម្រាកតាមដាននៅមន្ទីពេទ្យតែ១ថ្ងៃប៉ុណ្ណោះ រួចត្រឡប់ទៅផ្ទះវិញនឹងធ្វើការងារផ្សេងៗបានជាធម្មតា។

ង) ផលវិបាកនៃបូសអន្ទង់៖
- គ្រោះថ្នាក់ធ្ងន់ធ្ងរដល់អាយុជីវិត៖
ក្នុងករណីដែលបូសកំពុងតែហើមឈឺ ហើយមិនបានវះបង្ហូរខ្ទុះចេញ លេបថ្នាំអូសបន្លាយពេលវេលា បូសនោះអាចរាលដាលធំបង្កឲ្យស្លោកពេញតំបន់បាត (Gangrène de Fournier) និងឆ្លងមេរោគចូលក្នុងឈាមដែលអាចបណ្ដាលឲ្យស្លាប់បាន។ ករណីនេះងាយនឹងកើតមានជាពិសេសចំពោះមនុស្សដែលខ្សោយប្រព័ន្ធការពារដូចជា មនុស្សចាស់ជរា អ្នកជំងឺទឹកនោមផ្អែម ។ល។
- លាប់សារចុះសារឡើងប្រសិនបើមិនវះកាត់ផ្ដាច់ផ្លូវរូងនិងប្រភពដើមនៃបូសដែលស្ថិតនៅខាងក្នុងរន្ធបាត។
- ផលរំខានដែលបណ្ដាលមកពីការឈឺចាប់ ការរមាស់ និងការហូរខ្ទុះជាប្រចាំ។

“ប្រសិនបើលោកអ្នកមានបញ្ហា ឬរោគសញ្ញាដូចដែលបានរៀបរាប់ខាងលើ សូមមេត្តាប្រញាប់មកពិគ្រោះជាមួយក្រុមគ្រូពេទ្យឯកទេសនៃមន្ទីពេទ្យកាល់ម៉ែត ដើម្បីទទួលបាននូវរោគវិនិច្ឆ័យ និងវិធីសាស្ត្រព្យាបាល ទាន់ពេលវេលា និងប្រកបដោយប្រសិទ្ធភាពខ្ពស់។”

#មន្ទីរពេទ្យកាល់ម៉ែត
ព័ត៌មានថ្មីៗ JOIN👉https://t.me/PreabMessengerTV

05/01/2024

មិទ្ទីញអបអរសាទរខួបអនុស្សាវរីយ៏លើកទី៤៥ នៃទិវាជ័យជម្នះ ៧មករា ប្រារព្ធធ្វើនៅថ្ងៃទី០៧ ខែមករា ឆ្នាំ២០២៤ នៅទីក្រុងរណបកោះពេជ្រ
#ព្រាបនាំសារធីវី,០៥,០១,២០២៤,ចែករំលែក៖
------------------------------------------
( #ភ្នំពេញ) ៖ មិទ្ទីញអបអរសាទរខួបអនុស្សាវរីយ៏លើកទី៤៥ នៃទិវាជ័យជម្នះ ៧មករា(០៧.០១.១៩៧៩-០៧.០១.២០២៤) នឹងប្រព្រឹត្តិទៅនៅថ្ងៃអាទិត្យ ១១រោច ខែមិគសិរ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី០៧ ខែមករា ឆ្នាំ២០២៤ នៅទីក្រុងរណបកោះពេជ្រ ស្ថិតនៅក្នុងភូមិសាស្ត្រ ភូមិទី១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។

ពិធីនេះនឹងប្រព្រឹត្តិទៅក្រោមអធិបតីភាពដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន ប្រធានគណៈបក្សប្រជាជនកម្ពុជា ព្រមទាំងមានការអញ្ជើញចូលរួមពីសំណាក់សមាជិក សមាជិការនៃគណៈកម្មាធិការកណ្ដាលគណៈបក្សប្រជាជន ភ្ញៀវកិត្តិយសជាតិ អន្តរជាតិ និងមហាជនប្រមាណជាងពីរមុឺននាក់។

ថ្ងៃ ៧ មករា ឆ្នាំ ១៩៧៩ គឺជាទិវាមហាជ័យជំនះរបស់ប្រជាជនកម្ពុជាលើបនប្រល័យពូជសាសន៍ ប៉ុល ពត។ កម្ពុជាបានបិទនូវទំព័រសករាជដ៏ខ្មៅងងឹតរបស់ខ្លួន ហើយបើកចេញនូវទំព័រសករាជថ្មី គឺសករាជឯករាជ្យ សេរីភាព ប្រជាធិបតេយ្យ និងវឌ្ឍនភាពសង្គម។ -ប្រជាជនកម្ពុជា បានប្រសិទ្ធនាមថ្ងៃ ៧ មករា ឆ្នាំ១៩៧៩ ថាជាថ្ងៃកំណើតទី២របស់ខ្លួន ហើយកំណត់នូវគោលជំហរយ៉ាងច្បាស់ថា “បើគ្មានថ្ងៃ៧ មករា ឆ្នាំ ១៩៧៩ ទេនោះ យើងនឹងគ្មានអ្វីៗទាំងអស់នៅថ្ងៃនេះ “។ -លើមូលដ្ឋាននៃការពង្រីកជ័យជំនះ ៧ មករា ឆ្ពោះទៅមុខឥតឈប់ឈរ សាធារណរដ្ឋប្រជាមានិតុកម្ពុជា ដែលជាតំណាងស្របច្បាប់តែមួយគត់របស់ប្រជាជនកម្ពុជាសម្រេចបានស្នាដៃធំៗជាប្រវត្តិសាស្ត្រចំនួ៤គឺ៖ ទី១- បានរំដោះប្រជាជនកម្ពុជាពីរបប ប៉ុល ពត ដ៏សែនមហាឃោឃៅ យង់ឃ្នង និងទប់ស្កាត់របបអន្យតិរ្ថិយនេះមិនឲ្យវិលត្រឡប់មកកម្ពជាជាលើក ទី២។ ទី២- បាននាំមកជូនប្រជាជនវិញនូវសិទ្ធិសេរីភាពទាំងអស់ ដែលសិទ្ធិសេរីភាពទាំងនោះត្រូវបានបន ប៉ុល ពត កំចាត់បង់ក្នុងរបប ៣ ឆ្នាំ ៨ ខែ ២០ ថ្ងៃរបស់ពួកវាទៅហើយ។ ទី៣- បានស្តារ និងកសាងខឿនសេដ្ឋកិច្ចជាតិ ឲ្យមានស្ថេរភាពជាបណ្តើរៗតាំងពីពេលនោះមក។ ទី៤- បានធ្វើជាកម្លាំងស្នូលនៃការបង្រួបបង្រួមជាតិ និងជាកម្លាំងមិនអាចខ្វះបាន ក្នុងការអនុវត្តន៍កិច្ចព្រមព្រៀងទីកុ្រងប៉ារីស ថ្ងៃទី២៣ ខែតុលា ឆ្នាំ ១៩៩១។ -៧ មករា ឆ្នាំ១៩៧៩ជាថ្ងៃដែលប្រជារាស្ត្រកម្ពុជានៅទូទាំងប្រទេស បានរួចចាកផុតពីរបបប្រល័យពូជសាសន៍ រាជរដ្ឋាភិបាលកម្ពុជាកំណត់យកថ្ងៃ ៧ មករា ជារៀងរាល់ឆ្នាំជា់”ទិវាបុណ្យ” ព្រមទាំងអនុញ្ញាតិឲ្យមន្ត្រីរាជការ និយោជិត កម្មករក្នុងព្រះរាជាណាចក្រកម្ពុជា បានឈប់សំរាកចំនួន១ថ្ងៃ ក្នុងឱកាសទិវាបុណ្យនេះ។

– ៧ មករា គឺជារបស់ប្រជាជនកម្ពុជាទាំងមូល។

៧ មករាមានសត្រូវតែមួយគត់ គឺបនប្រល័យពូជសាសន៍ ប៉ុល ពត។ អ្នកប្រឆាំង នឹង៧ មករាគឺជាបក្ខពួករបស់ប៉ុល ពត ឬក៏យ៉ាងហោចណាស់ ពួកគេប្រឆាំង៧ មករា ដើម្បីផលប្រយោជន៍ខាងនយោបាយរបស់គណបក្សផងគេ នៅក្នុងពេលបោះឆ្នោតម្តងៗ។ សរុបមក៧ មករា ឆ្នាំ ១៩៧៩ គឺជាសច្ចធម៌ប្រវត្តិសាស្រ្ត ដែលមិនអាចមានអ្នកណាមកបំភ្លៃ បំផ្លើស បំភ្លេច ឬបំផ្លាញបានឡើយ…៕
ព័ត៌មានថ្មីៗ JOIN👉https://t.me/PreabMessengerTV

05/01/2024

សេចក្តីជូនដំណឹង ស្តីពីលទ្ធផលនៃការប្រកួតប្រជែង ទីក្រុងដែលមានពិធីបុណ្យឆ្លងឆ្នាំសកល ល្អជាងគេប្រចាំឆ្នាំ (Best Countdown City of the Year)
ព័ត៌មានថ្មីៗ JOIN👉https://t.me/PreabMessengerTV

05/01/2024

#ព័ត៍មានអន្តរជាតិ:
កូរ៉េខាងត្បូងព្រមានតបតក្រោយកូរ៉េខាងជើងបាញ់កាំភ្លើងធំជាង ២០០គ្រាប់
#ព្រាបនាំសារធីវី,០៥,០១,២០២៣,ចែករំលែក៖
-----------------------------------------------
( #កូរ៉េ):ក្នុងពេលដែលកូរ៉េខាងត្បូងនិងអាមេរិកធ្វើសមយុទ្ធបាញ់គ្រាប់ពិត កូរ៉េខាងជើងក៏មានសកម្មភាពតបតវិញ ដោយបាញ់កាំភ្លើងធំរាប់រយគ្រាប់នៅថ្ងៃទី៥ ខែមករា ឆ្នាំ២០២៤។
សារព័ត៌មាន Reuters នាថ្ងៃសុក្រ ទី៥ ខែមករា ឆ្នាំ២០២៤ បានផ្សាយថា យោធាកូរ៉េខាងត្បូងបានឱ្យដឹងថា នាថ្ងៃសុក្រនេះ កូរ៉េខាងជើងបានបាញ់កាំភ្លើងធំសរុបជាង២០០គ្រាប់ ចូលទៅក្នុងផ្ទៃសមុទ្រនៅភាគខាងលិចប្រទេសរបស់ខ្លួន ក្បែរតំបន់ព្រំដែនសមុទ្រជាមួយកូរ៉េខាងត្បូង ខណៈប្រជាជននៅកោះចំនួន២របស់កូរ៉េខាងត្បូងត្រូវបានបង្គាប់ឱ្យជម្លៀសខ្លួនរកកន្លែងសុវត្ថិភាព។
មន្រ្តីកោះ Yeonpyeong ដែលស្ថិតនៅខាងត្បូងខ្សែបន្ទាត់ព្រំដែនសមុទ្រឧបទ្វីបកូរ៉េ Northern Limit Line ឬ NLL បានប្រាប់ថា សេចក្តីបង្គាប់ឱ្យជម្លៀសប្រជាជននៅទីនោះ ត្រូវបានធ្វើឡើងក្រោមសំណើរបស់យោធាកូរ៉េខាងត្បូង។ ចំណែកឯអ្នកស្រុកលើកោះមួយទៀតគឺ Baengnyeong ដែលនៅក្បែរព្រំដែនសមុទ្រដូចគ្នានោះ ក៏ត្រូវបានបង្គាប់ឱ្យជម្លៀសខ្លួនរកកន្លែងសុវត្ថិភាពផងដែរ។
យោធាកូរ៉េខាងត្បូង បាននិយាយថា ការបាញ់កាំភ្លើងធំរបស់កូរ៉េខាងជើង គឺជាសកម្មភាពបង្កហេតុ ដែលបង្កើនភាពតានតឹងនិងគំរាមកំហែងសន្តិភាពនៃតំបន់ឧបទ្វីបកូរ៉េ។ យ៉ាងណាមិញ ការបាញ់សព្វាវុធនោះមិនបានបង្កឱ្យមានការខូចខាតផ្នែកស៉ីវិល ឬយោធានៅកូរ៉េខាងត្បូងឡើយ។ ជាមួយគ្នានេះ យោធាកូរ៉េខាងត្បូងបាននិយាយថា ខ្លួននឹងចាត់វិធានការឆ្លើយតបសមស្របទៅវិញ។
កាលពីឆ្នាំ២០១០ កូរ៉េខាងជើងបានបាញ់កាំភ្លើងធំជាច្រើនគ្រាប់សំដៅមកលើកោះ Yeonpyeong បណ្តាលឱ្យមនុស្ស៤នាក់ស្លាប់ ក្នុងនោះរួមមានជនស៉ីវិល២នាក់។ វាគឺជាការវាយប្រហារធ្ងន់បំផុតមួយរបស់ទីក្រុងព្យុងយ៉ាងមកលើប្រទេសកូរ៉េខាងត្បូង គិតចាប់តាំងពីសង្រ្គាមកូរ៉េបានបញ្ចប់ទៅ ក្រោមបទឈប់បាញ់កាលពីឆ្នាំ១៩៥៣។

នាពេលនោះ ទីក្រុងព្យុងយ៉ាងបាននិយាយថា ខ្លួនត្រូវបានបង្ខំធ្វើការវាយប្រហារយ៉ាងដូច្នោះ ដោយសារការធ្វើសមយុទ្ធបាញ់គ្រាប់ពិតរបស់កូរ៉េខាងត្បូងដែលបានធ្លាក់គ្រាប់ចូលទៅក្នុងដែនទឹកអធិបតេយ្យរបស់កូរ៉េខាងជើង៕
ព័ត៌មានថ្មីៗ JOIN👉https://t.me/PreabMessengerTV

05/01/2024

មន្ទីរសុខាភិបាលរាជធានីភ្នំពេញ ស្នើឱ្យសមត្ថកិច្ចពាក់ព័ន្ធឃាត់ខ្លួនបុគ្គលដែលជិះម៉ូតូនាំមុខឡានពេទ្យ ព្រោះមិនមែនជាការអនុញ្ញាតពីមន្ទីរសុខាភិបាលឡើយ

មន្ទីរសុខាភិបាលរាជធានីភ្នំពេញ នាថ្ងៃទី៥ ខែមករា ឆ្នាំ២០២៤នេះ បានចេញសេចក្ដីជូនដំណឹងពាក់ព័ន្ធក្រុមជិះម៉ូតូនាំមុខឡានពេទ្យ ដែលជាសកម្មភាពអវិជ្ជមាន បង្កភាពអនាធិបតេយ្យនៅលើដងផ្លូវសាធារណៈ ប៉ះពាល់ដល់ការសង្គ្រោះ និងភាពភ័ន្តច្រឡំមកលើមន្ទីរសុខាភិបាល ដូច្នេះហើយទើបមន្ទីរសុខាភិបាលរាជធានីភ្នំពេញស្នើឱ្យសមត្ថកិច្ចពាក់ព័ន្ធឃាត់ខ្លួនបុគ្គលដែលជិះម៉ូតូនាំមុខឡានពេទ្យទាំងនោះ ដើម្បីចាត់វិធានការតាមផ្លូវច្បាប់។
ព័ត៌មានថ្មីៗ JOIN👉https://t.me/PreabMessengerTV

05/01/2024

ស្នងការដ្ឋាននគរបាលរាជធានីភ្នំពេញ សូមបង្ហាញលេខទូរស័ព្ទទំនាក់ទំនងរបស់លោក-លោកស្រីស្នងការរង អធិការដ្ឋាននគរបាលខណ្ឌទាំង១៤ ដើម្បីងាយស្រួលទាក់ទងពេលបងប្អូនមានបញ្ហាផ្សេងៗកេីតមានឡេីង៕
📷 - ស្នងការដ្ឋាននគរបាលរាជធានីភ្នំពេញ
ព័ត៌មានថ្មីៗ JOIN👉https://t.me/PreabMessengerTV

05/01/2024

#ព័ត៌មានអន្តរជាតិ
មនុស្ស ៤ នាក់ស្លាប់ ២៨នាក់រងរបួសក្នុងហេតុការណ៍រថភ្លើងបុកគ្នានៅកោះជ្វាខាងលិចប្រទេសឥណ្ឌូណេស៊ី
#ព្រាបនាំសារធីវី,០៥-មករា-២០២៤ ,ចែករំលែក:
----------------------------------------
( #ឥណ្ឌូណេស៊ី)៖ មនុស្ស ៤ នាក់ស្លាប់ និង ២៨ នាក់ផ្សេងទៀតទទួលរងរបួសក្នុងហេតុការណ៍រថភ្លើងបុកគ្នានាម៉ោង ៦៖០៣នាទីព្រឹកថ្ងៃសុក្រនេះ ស្ថិតនៅក្នុងទីប្រជុំជនស៊ីខាលែងកា (Cicalengka) នៅជិតទីប្រជុំជននៃបាងឌុង (Bandung) នៃខេត្តជ្វាខាងលិច (West Java) ស្របពេលក្រុមជួយសង្គ្រោះបានព្យាយាមជួយមនុស្ស ២ នាក់ដែលជួបនៅក្នុងចន្លោះដែលរថភ្លើងបានបុកគ្នា នេះបើយោងតាមការបញ្ជាក់ដោយអាជ្ញាធរក្នុងតំបន់ ។

អាជ្ញាធរមូលដ្ឋានបានឱ្យដឹងជាបន្តថា អ្នកស្លាប់ទាំង ៤ នាក់សុទ្ធតែជាបុគ្គលិកបម្រើការក្នុងរថភ្លើង ដោយបន្ថែមទៀតថា អ្នកដំណើរសរុបក្នុងរថភ្លើងទាំងពីរមានចំនួន ៤៧៨ នាក់ ហើយអ្នករងរបួស ២៨ នាក់ទទួលបានការបញ្ជូនទៅកាន់មន្ទីរពេទ្យភ្លាមៗ ។

ដោយឡែក មូលហេតុនៃឧបទ្ទវហេតុរថភ្លើងដឹកអ្នកដំណើរបុកគ្នានេះ នៅមិនទាន់ដឹងច្បាស់នៅឡើយទេ ប៉ុន្តែប្រតិបត្តិកររថភ្លើង PT KAI និងរដ្ឋបាលខេត្តបាននិយាយថា ពួកគេនឹងស៊ើបអង្កេត រួមជាមួយនឹងមន្ត្រីទទួលបន្ទុកសុវត្ថិភាពដឹកជញ្ជូនដើម្បីស្វែងរកមូលហេតុពិតប្រាកដ ៕
ប្រភព៖ CNA/ Reuters/ Al Jazeera/ AFP
ព័ត៌មានថ្មីៗ JOIN👉https://t.me/PreabMessengerTV

05/01/2024

ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ សម្រេចអនុវត្តន៍វិន័យចំពោះមន្ត្រីនគរបាលជាតិចំនួន ១២ រូប នៃស្នងការដ្ឋាននគរបាលរាជធានីភ្នំពេញ ក្រោមរូបភាពដកហូតមុខតំណែង ឋានន្តរស័ក្កិ និងបណ្តេញចេញពីក្របខ័ណ្ឌនគរបាលជាតិ។

05/01/2024

#ព័ត៌មានអន្តរជាតិ
សិស្សថ្នាក់ទី៦ម្នាក់បានស្លាប់ និង៥នាក់រងរបួសនៅក្នុងហេតុការណ៍បាញ់ប្រហារនៅឯសាលារៀនក្នុងរដ្ឋ Iowa
#ព្រាបនាំសារធីវី, ០៥-មករា-២០២៤ ,ចែករំលែក:
----------------------------------
( #សហរដ្ឋអាម៉េរិក)៖ មន្ត្រីមូលដ្ឋានបានរាយការណ៍ថា សិស្សថ្នាក់ទី៦ម្នាក់បានស្លាប់ ហើយមនុស្ស៥នាក់ផ្សេងទៀតទទួលរងរបួស កាលពីព្រឹកថ្ងៃព្រហស្បតិ៍ (ទី៤ ខែមករា) នៅក្នុងហេតុការណ៍បាញ់ប្រហារដោយសិស្សសាលាអាយុ ១៧ ឆ្នាំម្នាក់ ស្ថិតនៅឯវិទ្យាល័យភើរី (Perry) ក្នុងទីក្រុងភើរី (Perry) រដ្ឋអាយអូវ៉ា (Iowa) នៅថ្ងៃដំបូងនៃការចាប់ផ្តើមថ្នាក់រៀនបន្ទាប់ពីវិស្សមកាល ។

មន្ត្រីបានបញ្ជាក់ឱ្យដឹងតាមរយៈសន្និសីទសារព័ត៌មានមួយថា គេស្គាល់អត្តសញ្ញាណជនសង្ស័យមានឈ្មោះថា ដីលែន បាត់ធ្ល័រ (Dylan Butler) អាយុ ១៧ ឆ្នាំជាសិស្សមកពីវិទ្យាល័យភើរី (Perry) ។ ក្រោយមក គេបានប្រទះឃើញជនសង្ស័យបាញ់សម្លាប់ខ្លួនឯង នៅពេលមន្ត្រីព្យាយាមឡោមព័ទ្ធ ។ នៅក្នុងដំណើរការស្វែងរក សមត្ថកិច្ចក៏បានប្រទះឃើញ ឧបករណ៍បំផ្ទុះអត្តឃាតផងដែរ នេះបើយោងតាមការបញ្ជាក់ទៅកាន់អ្នកយកព័ត៌មានដោយលោក មីច ម៉តវែដ (Mitch Mortvedt) ជំនួយការនាយកនៃនាយកដ្ឋានស៊ើបអង្កេតឧក្រិដ្ឋកម្មរដ្ឋ ។

លោក ម៉តវែដ (Mortvedt) បានបន្ថែមទៀតថា នៅក្នុងខ្លួនរបស់ជនសង្ស័យឈ្មោះបាត់ធ្ល័រ (Butler) ប្រដាប់ដោយប្រភេទកាំភ្លើងសម្រាប់អ្នកដើរព្រៃ និងកាំភ្លើងខ្លីមួយដើម ហើយជនសង្ស័យក៏បានបង្ហោះសារបញ្ជាក់នៅក្នុងបណ្តាញសង្គមផងដែរ អំពីពេលវេលានៃការបាញ់ប្រហារនេះ ខណៈមូលហេតុនៃការបាញ់ប្រហារ កំពុងស្ថិតនៅក្រោមការស៊ើបអង្កេតពីសមត្ថកិច្ចជំនាញ ។

ទន្ទឹមនឹងនោះ លោក ម៉តវែដ (Mortvedt) បានបញ្ជាក់បន្ថែមបន្តិចទៀតថា ជនរងគ្រោះដែលរងរបួសទាំង ៥ នាក់ រួមមាន ៤ នាក់ជាសិស្ស និងជនរងគ្រោះម្នាក់ទៀតគឺជាមន្ត្រីរដ្ឋបាលនៅក្នុងសាលា ។ ក្នុងនោះដែរ លោកបានបដិសេធមិនបញ្ចេញឈ្មោះរបស់ជនរងគ្រោះទាំង ៥ នាក់ឡើយ ។

គួរបញ្ជាក់ថា ការវាយប្រហារខាងលើនេះ បានកើតឡើងនៅម៉ោងជាង ៧៖៣០នាទីព្រឹក មុនពេលសិស្សសាលា និងគ្រូបង្រៀនភាគច្រើនចូលទៅតាមអគារសិក្សា ៕
ប្រភព៖ Reuters Connect
ព័ត៌មានថ្មីៗ JOIN👉https://t.me/PreabMessengerTV

05/01/2024

អនុក្រឹត្យ ស្ដីពីការកែប្រែតម្លៃឯកតានៃសន្ទស្សន៍បៀវត្យមូលដ្ឋានរបស់មន្ត្រីរាជការ នៃព្រះរាជាណាចក្រកម្ពុជា

04/01/2024

អគ្គិភ័យឆាបឆេះទីក្រុង Wajima បង្កដោយគ្រោះរញ្ជួយដី ៧.៦ រិចទ័រដែលបានសម្លាប់មនុស្សកើនដល់ ៧៣ នាក់
#ព្រាបនាំសារធីវី- ០៤-មករា-២០២៤,ចែករំលែក:
------------------------------------------
( #ជប៉ុន)៖ ដោយសារតែគ្រោះរញ្ជួយដីកម្រិត ៧.៦ រិចទ័រកាលពីថ្ងៃចន្ទ នាពេលនេះ ក៏បានបង្កឱ្យមានករណីអគ្គិភ័យឆាបឆេះនៅក្នុងទីក្រុង Wajima ស្ថិតនៅប៉ែកខាងត្បូងតំបន់ណូតូ ខណៈចំនួនមនុស្សស្លាប់ដោយសារតែហេតុការណ៍គ្រោះមហន្តរាយរញ្ជួយដីបានកើនឡើងដល់ ៧៣ នាក់នេះបើយោងតាមការចេញផ្សាយដោយបណ្តាញសារព័ត៌មាន NHK របស់ជប៉ុន ។

ប្រភពពី NHK ដដែលបានបន្តឱ្យដឹងថា អាជ្ញាធរក្នុងតំបន់និងក្រុមការងារសង្គ្រោះបន្ទាន់របស់ទីក្រុង Wajima និងទីក្រុង Suzu ជាមួយនឹងទីប្រជុំជនតំបន់ណូតូ ដែលស្ថិតនៅក្នុងខេត្ត Ishikawa បាននិងកំពុងខិតខំវាយតម្លៃលើស្ថានការណ៍ជាក់ស្តែង និងបន្តស្វែងរកអ្នកបាត់ខ្លួន បន្ទាប់ពីមានគេហដ្ឋានជាច្រើនរយខ្នងបានបាក់រលំ។

ទិដ្ឋភាពទូទៅនៅក្នុងទីក្រុង Wajima ពោលពេញទៅដោយសោកនាដកម្ម ខណៈទីក្រុងមួយនេះជាតំបន់ដែលទទួលរងផលប៉ះពាល់ខ្លាំងជាងគេដោយសារតែគ្រោះរញ្ជួយដី ដោយមានអគារជាច្រើនទទួលរងការបំផ្លាញរាបដល់ដីដោយសារតែអគិ្គភ័យឆាបឆេះ និងបន្សល់ទុកតែកម្ទេចកម្ទីនិងកម្ទេចផេះស្ទើរគ្រប់ទីកន្លែង។

ជុំវិញបញ្ហាគ្រោះមហន្តរាយនេះដែរ នាយករដ្ឋមន្ត្រីជប៉ុនលោក Fumio Kishida បានថ្លែងនៅក្នុងសន្និសីទសារព័ត៌មានមួយកាលពីថ្ងៃពុធថា លោកបានសម្រេចបង្កើនការដាក់ពង្រាយចំនួនកងកម្លាំងស្វ័យការពារសរុបចំនួន ១,០០០នាក់បន្ថែមទៀត ទៅកាន់តំបន់រងផលប៉ះពាល់ដោយសារតែគ្រោះរញ្ជួយដី សម្រាប់បេសកកម្មជួយសង្គ្រោះនិងស្តារស្ថានការណ៍នៅទីនោះឡើងវិញ៕
ប្រភព៖ Reuters Connect
ព័ត៌មានថ្មីៗ JOIN👉https://t.me/PreabMessengerTV

04/01/2024

ដំណឹងស្វែងរកកូន សុំជួយសែរ និងចែករំលែក
#ប្រសិនបើបងប្អូនណា ប្រទះឃើញរូបដូចនេះ
មាននៅក្នុងភិនភាគនេះ Tel 078 471406 🙏🙏🙏

04/01/2024

អ្នកនាំពាក្យអាកាសចរណ៍ស៊ីវិល៖ យន្តហោះមួយគ្រឿងដែលចេញពីកោះត្រល់សំកាំងខ្លួនជាច្រេីនម៉ោង គឺដើម្បីដោះស្រាយបញ្ហាបច្ចេកទេស
#ព្រាបនាំសារធីវី- ០៤-មករា-២០២៤ ,ចែករំលែក:
--------------------------------------
( #កែប)៖ លោក ស៉ីន ចាន់សិរីវុត្ថា អនុរដ្ឋលេខាធិការ និងជាអ្នកនាំពាក្យអាកាសចរណ៍ស៊ីវិល បានឱ្យ ដឹងថា ករណីឧបទ្ទវហេតុយន្តហោះខ្នាតធំ Airbus330-200 បានសំកាំងខ្លួនប្រមាណ ៣ម៉ោងលេីអាកាស ដែលបង្កឱ្យមានការភ្ញាក់ផ្អេីលនារសៀលថ្ងៃទី៣ ខែមករា ឆ្នាំ២០២៤នេះ ដោយសារមានបញ្ហាបច្ចេកទេសពាក់ព័ន្ធនឹងស្លាប (hydraulic Flap problems)។

លោកបានបញ្ជាក់ថា ជាទូទៅនៅពេលយន្តហោះមានបញ្ហាបច្ចេកទេសបែបនេះ គឺយន្តហោះត្រូវហោះលើអាកាសឱ្យអស់សាំង ដើម្បីកាត់បន្ថយហានិភ័យនៅពេលចុះចត។

ទោះបីជាយ៉ាងណាបន្ទាប់ពីហោះសំកាំងលើអាកាសជាច្រើនជុំ ប្រើពេលប្រមាណ ៣ម៉ោងនោះ យន្តហោះខាងលើបានចុះចតនៅព្រលានយន្តហោះលើកោះភូគុកបានដោយជោគជ័យហើយដែរ។

យ៉ាងណាហេតុការណ៍កម្រនេះ បានធ្វើឱ្យប្រជាពលរដ្ឋនៅក្រុងកែប មានការភ្ញាក់ផ្អើល ដោយបារម្ភចំពោះហានិភ័យណាមួយបានកើតឡើងជាយថាហេតុ។

គួរបញ្ជាក់ថា យន្តហោះAirbus330-200នេះ ហោះចេញពីកោះត្រល់ (ភូគុក) គោលដៅទៅប្រទេសម៉ុងហ្គោលី ដែលមានអ្នកអ្នកដំេណេីរចំនួន ១៩៨នាក់៕
ព័ត៌មានថ្មីៗ JOIN👉https://t.me/PreabMessengerTV

04/01/2024

នាយកដ្ឋាននគរបាលព្រហ្មទណ្ឌ ដឹកនាំស្រាវជ្រាវបង្ក្រាបក្រុមប្ល.ន់.
នៅខេត្តសៀមរាប ចា.ប់ខ្លួ.នបាន ២នាក់, ក្រុមនេះតែងធ្វើសកម្មភាពយ៉ា.ងសកម្មនៅភូមិសាស្ដ្ររាជធានី-ខេត្ត...

04/01/2024

រដ្ឋបាលខេត្ត បានបើកកិច្ចប្រជុំស្ដីពីការបូកសរុបលទ្ធផលការងារឆ្នាំ២០២៣ និងលើកទិសដៅបន្តឆ្នាំ២០២៤...

04/01/2024

ប្រជាពលរដ្ឋខេត្តតាកែវ ប្រទះឃើញរូបបដិមា ២អង្គ
ដែលកសាងឡើងក្នុងសតវត្សរ៍ទី៧...

03/01/2024

នាយឧត្តមសេនីយ៍ ស ថេត៖ ប្រជាពលរដ្ឋជាច្រើនបានរងគ្រោះដោយសារក្រុមជនឆបោកតាមប្រព័ន្ធបច្ចេកវិទ្យា ដូច្នេះមន្ដ្រីទាំងអស់ ត្រូវពង្រឹងសមត្ថភាព និងដើរឱ្យទាន់សង្គមបច្ចេកវិទ្យាឌីជីថល.....

03/01/2024

គណបក្សប្រជាជនកម្ពុជា ចេញសេចក្តីសម្រេចស្តីពីការចាត់តាំងក្រុមបេក្ខជនឈរឈ្មោះជ្រើសតាំងសមាជិកព្រឹទ្ធសភា នីតិកាលទី៥ ឆ្នាំ២០២៤ របស់គណបក្សប្រជាជនកម្ពុជា។

03/01/2024

- បទ ៖ ខួបអាពាហ៍ពិពាហ៍ សម្តេចធិបតី និងលោកជំទាវបណ្ឌិត
- ដឹកនាំផលិត និងគ្រប់គ្រងខ្លឹមសារ ៖ បណ្ឌិត អេង កេងឈុន
- និពន្ធទំនុកច្រៀង ៖ តាជ័យ
- និពន្ធបទភ្លេង ៖ ឯកឧត្តម ទូច ឆដ្ឋា
- សម្រួលបទភ្លេង ៖ លោក ជាង សារ៉ាត
- ច្រៀងដោយ ៖ លោក ម៉ិល ស៊ីដេត និង អ្នកនាង ជា ស្រីលីស
- កាត់តវីដេអូ ៖ លោក ហុង ប៊ុនណា
- ក្រាហ្វិក ៖ លោក ណុង វណ្ណនេត
- ថតដោយ ៖ លោក សាន សុធា និង លោក ហុក សំណាង
- ផ្នែកអក្ខរាវិរុទ្ធ ៖ លោក ស៊ុំ សំអាត
- ផលិតដោយ ៖ នាយកដ្ឋានផលិតកម្មវិធីវិទ្យុ អគ្គនាយកដ្ឋានវិទ្យុជាតិកម្ពុជា នៃក្រសួងព័ត៌មាន
#ព័ត៌មានថ្មីៗ JOIN👉https://t.me/PreabMessengerTV

03/01/2024

#ព័ត៍មានអន្តរជាតិ
កងទ័ពជើងទឹកកូរ៉េខាងត្បូងធ្វើសមយុទ្ធបាញ់គ្រាប់ពិតលើកដំបូងរបស់ខ្លួននៅឆ្នាំ២០២៤
#ព្រាបនាំសារធីវី-03-01-2024-ចែករំលែក៖
------------------------------------
( #កូរ៉េខាងជើង):កងទ័ពជើងទឹកកូរ៉េបានធ្វើសមយុទ្ធបាញ់គ្រាប់ពិតលើកដំបូងរបស់ខ្លួនក្នុងឆ្នាំ 2024 ដោយមានការចូលរួមពីនាវាចម្បាំងចំនួន13 គ្រឿង និងយន្តហោះចំនួន 3 គ្រឿងមកពីកងនាវាទី 1 ទី 2 និងទី 3 ។
មន្ត្រីកូរ៉េខាងត្បូងបានប្រកាសថា នៅថ្ងៃទី 3 ខែមករា កងទ័ពជើងទឹករបស់ប្រទេសនេះបានធ្វើសមយុទ្ធបាញ់គ្រាប់ពិតលើកដំបូងនៅឆ្នាំ 2024 ។ យោងតាមទីភ្នាក់ងារសារព័ត៌មានយ៉ុនហាប់ សមយុទ្ធនេះបានធ្វើឡើងនៅឆ្នេរសមុទ្រខាងកើត ខាងលិច និងខាងត្បូងនៃប្រទេសកូរ៉េខាងត្បូង ។ កងនាវាចរទី 2 បានចល័តនាវាចម្បាំងចំនួន 5 គ្រឿង រួមទាំងនាវាពិឃាត Eulji Mundeok ដែលមានទម្ងន់ 3.200 តោន និងនាវាចម្បាំង Cheonan ដែលមានទម្ងន់ 2.800 តោន រួមជាមួយនឹងយន្តហោះដើម្បីហ្វឹកហាត់បាញ់គ្រាប់ពិត និងសង្គ្រាមប្រឆាំងនាវាមុជទឹកនៅសមុទ្រលឿង។
ទន្ទឹមនឹងនោះ កងនាវាចរទី១និងកងនាវាលេខ៣ បានដាក់ពង្រាយនាវាចម្បាំងនិងយន្តហោះរៀងៗខ្លួន ដើម្បីចូលរួមក្នុងសមយុទ្ធបាញ់គ្រាប់ពិត និងសមយុទ្ធយុទ្ធសាស្ត្រនៅសមុទ្រខាងកើត និងសមុទ្រខាងត្បូងកូរ៉េ។
មេបញ្ជាការកងទ័ពជើងទឹកកូរ៉េ – ឧត្តមនាវីទោ Yang Yong-mo បានបញ្ជាក់ថា តាមរយៈការហ្វឹកហ្វឺនជាក់ស្តែងដោយគិតគូរពីបរិយាកាសប្រតិបត្តិការនៃតំបន់សមុទ្រនីមួយៗ លោកបានបញ្ជាឱ្យកងទ័ពជើងទឹកត្រៀមខ្លួនដើម្បីឆ្លើយតបទៅនឹងហានិភ័យទាំងអស់៕
ព័ត៌មានថ្មីៗ JOIN👉https://t.me/PreabMessengerTV

03/01/2024

ករណីចាប់ខ្លួនអភិបាលក្រុងកែប និងនាយករដ្ឋបាលសាលាក្រុងជាការភាន់ច្រឡំ

កែប៖កាលពីថ្ងៃទី២ ខែមករា ឆ្នាំ២០២៤ លោក ប៊ុន យោង អភិបាលរងខេត្តកែប និង ជាអ្នកនាំពាក្យរដ្ឋបាលខេត្តកែប បានបញ្ជាក់ប្រាប់ឱ្យដឹងថា ករណីអង្គភាពប្រឆាំងអំពើពុករ លួយ(ACU)ចាប់ឃាត់ខ្លួនលោក ខេង យ័ន អភិបាលក្រុងកែប និងនាយករដ្ឋបាលក្រុង គឺជាការភាន់ ច្រឡំប៉ុន្តែករណីចុះផ្សាយថា លោកអភិបាលក្រុង និងនាយករដ្ឋបាលក្រុងកែបម្នាក់ត្រូវបានអង្គភាពប្រឆាំងអំពើពុករលួយចាប់ខ្លួននេះហើយ អភិបាលខេត្តកែបបានច្រានចោលក្នុងការចុះផ្សាយមិនពិតនោះទេ នេះគ្រាន់តែជាការភាន់ ច្រឡំមួយតែប៉ុណ្ណោះ ខណៈមន្រ្ដីទាំង២រូបត្រូវបានវិលត្រឡប់ មកវិញហេីយ។

កាលពីវេលាម៉ោងប្រមាណ១១ និង៣០នាទីព្រឹកនាថ្ងៃទី២ ខែមករា ឆ្នាំ២០២៤ អង្គភាពប្រឆាំងអំពើពុក រលួយ(ACU) បានទៅឃាតខ្លួនលោក ខេង យ័ន អភិបាលក្រុងកែប និងនាយករដ្ឋបាលសាលាក្រុងកែបម្នាក់ទៀត បន្ទាប់ពីលោក ខេង យ័ន អភិបាលក្រុងកែប បានបញ្ចប់កិច្ចប្រជុំមួយនៅសាលាក្រុងកែប៕

03/01/2024

ទិដ្ឋភាពទូទៅ បងប្អូនប្រជាពលរដ្ឋយ៉ាងច្រើនកុះករ នាថ្ងៃឆ្លងឆ្នាំថ្មី ឆ្នាំសកល 2023-2024 ក្រុងពោធិ៍សាត់ ខេត្តពោធិ៍សាត់

03/01/2024

យុវជនម្នាក់តូចចិត្តរឿងគូដណ្តឹងបានសម្រេចចិត្តមកលោតទឹកពីលើស្ពានជ្រោយចង្វាបានសម្រេច
#ព្រាបនាំសារធីវី-03-01-2024-ចែករំលែក៖
----------------------------------------
( #ភ្នំពេញ)៖ យុវជនម្នាក់បានទាស់ទែងគ្នាជាមួយគូដណ្តឹងរឿងប្រចណ្ឌ ហើយបាន ដើរប្រាប់ក្រុមគ្រួសារ មិត្តភក្កិថាមិនបាច់តាមរកគាត់ទេ ទោះរកគាត់ក៏មិនឃើញដែរ រួចក៏បានធ្វើដំណើរតាមរយៈឡំប្រឺតាមកលើស្ពានជ្រោយចង្វា ហើយក៏លោតទៅក្រោមលិចក្នុងទឹកបាត់តែម្តង។

ហេតុការណ៍នេះបានកើតឡើងកាលពីវេលាម៉ោង១១យប់ថ្ងៃទី២ ខែមករា ឆ្នាំ២០២៤ ស្ថិតនៅត្រង់ចំណុចលើស្ពានជ្រោយចង្វា ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។

ប្រភពបានបញ្ជាក់ថា យុវជនខាងលើមានឈ្មោះ រ៉ា អាយុ១៩ឆ្នាំ មិនបញ្ជាក់ទីលំនៅ។

តាមការបញ្ជាក់ព័ត៌មាននៅកន្លែងកើតហេតុបានឱ្យដឹងថា យុវជនរងគ្រោះបានឈ្លោះទាស់ទែងពីរឿងប្រចណ្ឌជាមួយគូដណ្ដឹង រួចហើយបានខលប្រាប់មិត្តភក្កិថា មិនបាច់តាមរកគាត់ទេ បើរកគាត់ក៏រកមិនឃើញដែរ។ ខលប្រាប់មិត្តភក្តិរួចហើយ ជនរងគ្រោះដែលជាយុវជននោះបានជិះឡំប្រឺតាមកលើស្ពានជ្រោយចង្វា ពេលកំពុងធ្វើដំណើរមកលើស្ពាន មិត្តភក្កិរបស់គាត់ម្នាក់ក៏បានជិះម៉ូតូតាមពីក្រោយ ព្រោះដឹងថាជនរងគ្រោះមកស្ពានជ្រោយចង្វាដើម្បីសម្លាប់ខ្លួន ខណៈមកដល់ចំណុចកណ្តាលស្ពាន ជនរងគ្រោះក៏បានចុះពីលើឡំប្រឺតា ហើយលោតទៅក្នុងទឹកភ្លាមៗតែម្តង មិត្តភកិ្កឃើញហើយតាមមកឃាត់ហើយតែឃាត់មិនទាន់។

ក្រោយពេលកើតហេតុក្រុមគ្រួសារមិត្តភក្កិបានត្រឹមតែស្រែកទ្រហោយំនៅទីតាំងកើតហេតុតែប៉ុណ្ណោះ ចំណែករាងកាយរបស់ជនរងគ្រោះមិនដឹងរសាត់ក្នុងទឹកទៅដល់ទីណាឡើយ៕
ព័ត៌មានថ្មីៗ JOIN👉https://t.me/PreabMessengerTV

03/01/2024

ក្រសួងធនធានទឹក ជូនដំណឹងស្ដីពី ស្ថានភាពធាតុអាកាសសម្រាប់ថ្ងៃទី០៣ មករា ឆ្នាំ ២០២៤នេះ

03/01/2024

សម្តេចធិបតីនាយករដ្ឋមន្ត្រី នឹងអញ្ញេីញទៅបំពេញទស្សនកិច្ចផ្លូវការនៅប្រទេសបារាំងចាប់ពីថ្ងៃ១៨-១៩ ខែមករា ខាងមុខនេះ តបតាមការអញ្ជេីញរបស់ឯកឧត្តមប្រធានាធិបតី អេម៉ានុយអែល ម៉ាក្រុង

ជូនភ្ជាប់សារលិខិតរបស់ឯកឧត្តមប្រធានាធិបតី ម៉ាក្រុង នៅថ្ងៃទី៣១ ខែធ្នូ ឆ្នាំ២០២៣ ផ្ញេីជូនសម្តេចធិបតីនាយករដ្ឋមន្ត្រី (បកប្រែក្រៅផ្លូវ)

ឯកឧត្តមនាយករដ្ឋមន្ត្រីជាទីស្រឡាញ់, មិត្តជាទីស្រឡាញ់

ខណៈដែលព្រះរាជទស្សនកិច្ចរបស់ព្រះមហាក្សត្រនៅប៉ារីសកាលពីខែមុនបានរំឭកឡើងវិញនូវថាមពលនៃមិត្តភាពរវាងប្រទេសយើងទាំងពីរ និងរវាងប្រជាជនយើង ខ្ញុំមានកិត្តិយសអញ្ជើញ ឯកឧត្តម មកបំពេញទស្សនកិច្ចផ្លូវការនៅប្រទេសបារាំង នៅថ្ងៃ១៨-១៩ មករាខាងមុខ។

ទស្សនកិច្ចជាលើកទីមួយនេះនៅប្រទេសបារាំង តាំងពីឯកឧត្តមឡើងកាន់តំណែងនាយករដ្ឋមន្ត្រី នឹងអនុញ្ញាតឱ្យជំរុញទៅមុខយ៉ាងជាក់ស្តែងនូវវិស័យសំខាន់ៗជាច្រើន ដែលជាគ្រឹះនៃទំនាក់ទំនងរវាងប្រទេសយើងទាំងពីរជាអាទិ៍ វិស័យសេដ្ឋកិច្ច អភិវឌ្ឍន៍ យោធា បេតិកភណ្ឌ និងហ្រ្វង់កូហ្វូនី។

ខ្ញុំប្រាថ្នាចង់ឱ្យទស្សនកិច្ចនេះបើកលទ្ធភាពធ្វើឱ្យកិច្ចសហប្រតិបត្តិការរវាងប្រទេសយើងទាំងពីរកាន់តែស៊ីជម្រៅ និងកាន់តែមានលក្ខណៈសម្បូរបែប ដើម្បីរួមគ្នាដោះស្រាយបញ្ហាសកល ដែលយើងកំពុងប្រឈមមុខ ជាអាទិ៍ ក្នុងវិស័យអន្តរកាលថាមពល។ ទស្សនកិច្ចនេះ នឹងអនុញ្ញាតឱ្យយើងពិនិត្យមើលមធ្យោបាយនានាដែលយើងអាចប្រើប្រាស់រួមគ្នា ដើម្បីពង្រឹងសណ្តាប់ធ្នាប់ពិភពលោកផ្អែកលើច្បាប់ ក្នុងគោលដៅធានាអធិបតេយ្យ និងឯករាជ្យពេញលេញនៃបណ្តារដ្ឋទាំងអស់។

សូម ឯកឧត្តមនាយករដ្ឋមន្ត្រី ទទួលនូវក្តីគោរពពីខ្ញុំ។

“សូមមេត្តាពាំនាំនូវក្តីគោរពនឹករលឹករបស់ខ្ញុំជូនចំពោះលោកឪពុករបស់ឯកឧត្តម, មិត្តសំឡាញ់របស់ខ្ញុំ”

អេម៉ានុយអែល ម៉ាក្រុង

02/01/2024

អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ សូមគោរពជម្រាបជូនសាធារណជនមេត្តាជ្រាបអំពីស្ថានភាពពលរដ្ឋខ្មែររស់នៅក្នុងប្រទេសជប៉ុន បន្ទាប់ពីមានគ្រោះរញ្ជួយដីកម្រិត៧,៦វិចទ័រ នាថ្ងៃទី០១ ខែមករា ឆ្នាំ២០២៤
ភ្ជាប់មកកាន់តេឡេក្រាមផ្លូវការក្រសួង៖ https://t.me/MFAICNews
ព័ត៌មានថ្មីៗ JOIN👉https://t.me/PreabMessengerTV

02/01/2024

#ស្វែងយល់សុខភាព #ព្រាបនាំសារធីវី
ហេតុអ្វីត្រូវការពិនិត្យរកមើល ជំងឺបេះដូងពីកំណើត?

ភាពមិនប្រក្រតីនៃរចនាសម្ព័ន្ធរបស់បេះដូង គឺជាជំងឺដែលសំបូរជាងគេក្នុងចំណោមភាពមិនប្រក្រតីពីកំណើត ដែលមានអត្រាប្រហែល ១% លើពិភពលោក។ ភាពមិនប្រក្រតីនៃរចនាសម្ព័ន្ធរបស់បេះដូង មានចែកចេញជាប្រភេទស្រាល ដែលមិនប៉ះពាល់ទៅដល់ការលូតលាស់របស់ទារក និងកុមារ ដែលប្រភេទនេះមានចំនួនច្រើន ដែលអាចវិវត្តទៅជាសះស្បើយ ដោយខ្លួនឯង រឺបន្ទាប់ពីធ្វើការវះកាត់។
ចំណែកភាពមិនប្រក្រតីនៃបេះដូងប្រភេទធ្ងន់ធ្ងរអាចធ្វើអោយខ្សោយបេះដូង និងបាត់បង់ជីវិត ប៉ុន្តែអាចជួយព្យាបាលបានជាមួយបច្ចេកវិទ្យាទំនើបថ្មីៗនាពេលបច្ចុប្បន្ននេះ បើសិនរកឃើញ និងបញ្ជូនទៅអ្នកជំនាញ រឺមន្ទីពេទ្យអោយបានទាន់ពេលវេលា។

ការរកមើលភាពមិនប្រក្រតីនៃបេះដូង អាចធ្វើទៅបានក្នុងអំឡុងពេលមានផ្ទៃពោះ ក្នុងចន្លោះរយៈពេល ១៨ ទៅ ២២សប្ដាហ៍ នៃគត៌ ដែលអត្រាអាចរកមើលឃើញត្រឹម ៨០ ទៅ ៩០%តែប៉ុណ្ណោះ។ ការធ្វើអេកូបេះដូងលើទារកក្រោយកើត ដែលធ្វើឡើងជារបៀប ស្វែងរកជាលក្ខណៈទូទៅ គឺជាវិធីសាស្រ្តល្អដែលមានលទ្ធផល (Sensibilité និង Spécificité) ខ្ពស់ ក្នុងការរកឃើញជំងឺបេះដូងពីកំណើត ហើយម្យ៉ាងទៀតជាវិធីសាស្រ្តងាយ និងមិនបង្កអោយមានការឈឺចាប់ តែតម្រូវអោយប្រើពេលវេលា និងអ្នកជំនាញប្រកបដោយសមត្ថភាពបទពិសោធន៍ច្បាស់លាស់។
ក្រោយការរកឃើញជំងឺបេះដូងពីកំណើត គ្រូពេទ្យឯកទេសនឹងធ្វើការណែនាំថាត្រូវតាមដានបន្ត រឺត្រូវបញ្ជូន? បើជាលក្ខណៈប្រភេទស្រាល គ្រូពេទ្យអាចណាត់មកតាមដានមើលលើកក្រោយ ក្នុងរយៈពេល១ខែ ២ខែ ៣ខែ រឺ៦ខែទៅតាមសភាពជាក់ស្តែង។ បើជាប្រភេទធ្ងន់ធ្ងរ គ្រូពេទ្យនឹងធ្វើការបញ្ចូនទៅផ្នែកអគារបេះដូងកុមារនៃមន្ទីរពេទ្យកាល់ម៉ែត ដើម្បីធ្វើការព្យាបាលដោយថ្នាំ រឺដោយការវះកាត់។

«ការរុករកមើលជំងឺបេះដូងពីកំណើតដោយវិធីសាស្រ្តអេកូបេះដូងលើទារក និងការបញ្ជូនទៅផ្នែកជំនាញបេះដូងកុមារអោយបានទាន់ពេលវេលាគឺជាការចាំបាច់បំផុត។»
ប្រភព: មន្ទីពេទ្យកាល់ម៉ែត
ព័ត៌មានថ្មីៗ JOIN👉https://t.me/PreabMessengerTV

02/01/2024

ផ្ទុះឡសម្ងួតឆេះម៉ូតូនិងកង់ជាង៣០គ្រឿង ផ្អើលកម្មកររោងចក្រភ័យស្លន់រត់ជាន់.ជើ.ងគ្នា
#ព្រាបនាំសារធីវី,០២ ខែ មករា ឆ្នាំ ២០២៤ ,ចែករំលែក:
---------------------------------------------
( #រាជធានីភ្នំពេញ) ៖ ផ្ទុះឡសម្ងួតនៅក្នុងរោងចក្រកាត់ដេរមួយកន្លែង បណ្ដាលឲ្យអណ្ដាតភ្លើងបែកខ្ទាតចេញពីឡកំដៅនេះ ជះចូលដល់កន្លែងដាក់ម៉ូតូ និងកង់របស់កម្មករ បណ្ដាលឱ្យភ្លើងឆាបឆេះម៉ូតូយ៉ាងសន្ធោសន្ធៅ រហូតខូចខាតប្រើការលែងបានទាំងស្រុងជាង៣០គ្រឿង និងកង់២គ្រឿងទៀត។ ចំណែកក្រុមកម្មករ និងកម្មការិនីវិញ ភ័យស្លន់ស្លោនាំគ្នារត់ជាន់ជើងគ្នា ព្រមទាំងបានជួយជញ្ជូនសម្ភារៈចេញពីក្នុងអគាររោងចក្រផងដែរ ព្រោះខ្លាចភ្លើងឆេះដល់។ ភ្លាមៗនោះ អាជ្ញាធរ និងសមត្ថកិច្ចមូលដ្ឋាន បានចេញអន្តរាគមន៍ និងមានរថយន្តពន្លត់អគ្គិភ័យចំនួន៤គ្រឿងទៅជួយបា.ញ់ទឹកពន្លត់ រហូតអណ្ដាតភ្លើងរលត់ទៅវិញទាំងស្រុង។

ហេតុការណ៍ខាងលើនេះ បានកើតឡើងកាលពីវេលាម៉ោង១២និង១៥នាទីថ្ងៃត្រង់ ថ្ងៃទី២ ខែមករា ឆ្នាំ២០២៤ នៅក្នុងរោងចក្រកាត់ដេរមួយកន្លែងយីហោ «ត្រាវី ហ្គាម៉ិន ខេមបូឌា ឯ.ក» ដែលមានទីតាំងនៅខាងក្រោយទីតាំងត្រួតពិនិត្យលក្ខណៈបច្ចេកទេសរថយន្ត (ឆៀករថយន្ត ) ស្ថិតក្នុងភូមិតាឡី សង្កាត់ដង្កោ ខណ្ឌដង្កោ រាជធានីភ្នំពេញ។

បើតាមកម្មករបម្រើការងានៅក្នុងរោងចក្រនោះ បាននិយាយប្រាប់ឱ្យដឹងថា «នៅមុនពេលកើតហេតុ ខណៈពេលដែលកម្មករកំពុងតែធ្វើការសុខៗ ស្រាប់តែឮផ្ទុះឡសម្ងួតនៅក្នុងរោងចក្រលាន់សូរផូងៗ ហើយក៏មានអណ្ដាតភ្លើងជះចូលទៅដល់កន្លែងដាក់ម៉ូតូកម្មករតែម្ដង បណ្ដលឲ្យម៉ូតូចំនួន៣២គ្រឿង និងកង់២គ្រឿង ត្រូវភ្លើងឆាបឆេះយ៉ាងសន្ធោសន្ធៅ និងយ៉ាងឆាប់រហ័ស ដោយត្រឹមតែមួយសន្ទុះតែប៉ុណ្ណោះ ធ្វើឲ្យរងការខូចខាតទាំងស្រុងនៅសល់តែគ្រោងឆ្អឹងតែប៉ុណ្ណោះ»។

ប្រភបដដែលបន្តថា «ចំណែកក្រុមកម្មករ និងកម្មការិនីរោងចក្របានត្រឹមតែឈរមើលអណ្ដាតភ្លើងលេបត្របាក់ម៉ូតូរបស់ខ្លួនតែប៉ុណ្ណោះ និងមានអ្នកខ្លះទៀត ទ្រហោយំ ព្រោះតែស្ដាយម៉ូតូរបស់ខ្លួនថែមទៀតផង»។

ប្រភពដដែល ប្រាប់ឲ្យដឹងបន្តថា «ម៉ូតូដែលត្រូវភ្លើងឆាបឆេះនោះ ភាគច្រើនគឺម៉ាកហុងដាឌ្រីមសេ១២៥ និងហុងដាស្កូបពី ដែលជារបស់កម្មករ និងកម្មការិនីជិះមកធ្វើការងារ ហើយទុកនៅក្បែរទីតាំងឡសម្ងួត ដែលមានខាងតំណាងរោងចក្ររៀបចំឲ្យទុកនៅទីនោះ»។

ប្រភពដដែល ប្រាប់ឲ្យដឹងបន្តទៀតថា «ដោយឡែក នៅពេលមានភ្លើងឆេះភ្លាមៗនោះ ធ្វើឲ្យមានការជ្រួលច្របល់ខ្លាំងណាស់ អ្នកខ្លះក៏រត់យករួចខ្លួន និងអ្នកខ្លះទៀតក៏បានជួយជញ្ជូនសម្ភារៈចេញពីក្នុងអគាររោងចក្រ។ ប៉ុន្តែពុំមាននរណាម្នាក់អាចមានលទ្ធភាពចូលទៅពន្លត់ភ្លើងនោះបានឡើយ ព្រោះថា ក្នុងម៉ូតូ១គ្រឿងៗសុទ្ធតែប្រេងសាំងធ្វើឲ្យអណ្ដាតភ្លើងឆេះខ្លាំងណាស់ បន្ទាប់មកទើបរាយការណ៍សុំជំនួយពីអាជ្ញាធរខណ្ឌដង្កោភ្លាមៗតែម្ដង»។

ចំណែកនគរបាលខណ្ឌដង្កោ បានប្រាប់ឱ្យដឹងដែរថា «ក្រោយពីទទួលបានដំណឹងនោះភ្លាម លោកស្រី គឹម ញ៉ឹប អភិបាលនៃគណៈអភិបាលខណ្ឌដង្កោ និងលោកវរសេនីយ៍ឯក ជឹម ស៊ីថា អធិការនគរបសលខណ្ឌដង្កោ បានដឹកនាំមន្ត្រីក្រោមឱវាទចុះទៅអន្តរាគមន៍ភ្លាមៗ។ ចំណែករថយន្តពន្លត់អគ្គិភ័យចំនួន៤គ្រឿង ក៏បានទៅដល់ជាបន្តបន្ទាប់ផផងដែរ។ បន្ទាប់មក ក៏បានពន្លត់ភ្លើងរហូតរលត់ទៅវិញ និងមិនបានបណ្ដាលឲ្យឆេះរាលដាលចូលដល់រោងចក្រទាំងមូលឡើយ ហើយក៏ពុំបណ្ដាលឲ្យមានមនុស្សណាម្នាក់រងគ្រោះដែរ។

គួរបញ្ជាក់ថា បើយោងតាមការស្រាវជ្រាវជំហានដំបូងនគរបាលខណ្ឌដង្កោប្រាប់ថា «ការឆាបឆេះនេះ បង្កឡើងដោយសារការផ្ទុះឡកម្ដៅ នៅក្នុងរោងចក្រនេះតែម្ដង»៕
ព័ត៌មានថ្មីៗ JOIN👉https://t.me/PreabMessengerTV

02/01/2024

#ព័ត៌មានអន្តរជាតិ
ឆេះយន្តហោះរបស់ក្រុមហ៊ុនអាកាសចរណ៍ Japan Airlines នៅឯអាកាសយានដ្ឋាន Haneda ក្នុងរដ្ឋធានីតូក្យូ ខណៈមនុស្ស ៣៧៩នាក់ទទួលបានការជួយសង្គ្រោះ
#ព្រាបនាំសារធីវី-០២-មករា-២០២៤ -ចែករំលែក:
--------------------------------------------
( #ជប៉ុន)៖ ហេតុការណ៍អគ្គិភ័យមួយបានឆាបឆេះលើយន្តហោះមួយគ្រឿងរបស់ក្រុមហ៊ុនអាកាសចរណ៍ Japan Airline ខណៈយន្តហោះនេះបានចុះចតនៅលើផ្លូវរត់នៅឯអាកាសយានដ្ឋានហាណេដាក់ (Haneda) ក្នុងរដ្ឋធានីតូក្យូ នៅល្ងាចថ្ងៃអង្គារនេះ ។

យោងតាមឃ្លីបវីដេអូនៅលើប្រព័ន្ធផ្សព្វផ្សាយ NHK របស់ជប៉ុន បានបង្ហាញអំពីទិដ្ឋភាពអណ្តាតភ្លើងកំពុងតែឆាបឆេះយ៉ាងសន្ធោសន្ធៅចេញពីបង្អួចរបស់យន្តហោះ រួមទាំងឆេះផ្នែកខាងក្រោមផងដែរ បើទោះបីជាមានការខិតខំយ៉ាងក្តៅគគុកក្នុងការបាញ់ទឹកដើម្បីគ្រប់គ្រងអគ្គិភ័យដោយក្រុមជួយសង្គ្រោះក៏ដោយ។

សារព័ត៌មាន NHK បានធ្វើការដកស្រង់សំដីអាជ្ញាធរដែលបានអះអាងថា យន្តហោះខាងលើនេះ ទំនងជាបានប៉ះទង្គិចគ្នាជាមួយនឹងយន្តហោះមួយគ្រឿងផ្សេងទៀតដែលគេសង្ស័យថាជាយន្តហោះរបស់ក្រុមមន្ត្រីឆ្មាំសមុទ្រ អំឡុងចុះចតនៅឯអាកាសយានដ្ឋានហាណេដាក់ (Haneda) ។

គួរបញ្ជាក់ថា មានមនុស្សសរុបចំនួន ៣៧៩នាក់ស្ថិតនៅលើយន្តហោះ រួមមាន អ្នកដំណើរចំនួន ៣៦៧ នាក់ និងបុគ្គលិកបម្រើការនៅលើយន្តហោះចំនួន ១២ នាក់ទទួលបានការជម្លៀសចេញភ្លាមៗ ។ យន្តហោះខាងលើនេះ ជាប្រភេទយន្តហោះ JAL 516 (Japan Airlines Flight 516) បានហោះចេញពីកោះហុកកៃដូ ៕
ព័ត៌មានថ្មីៗ JOIN👉https://t.me/PreabMessengerTV

02/01/2024

លោក ខេង យ័ន អភិបាលក្រុងកែប និងនាយករដ្ឋបាលម្នាក់ទៀតត្រូវបាន ACU ឃាត់ខ្លួន

02/01/2024

ឯកឧត្តម ខូយ រីដា អភិបាល នៃគណៈអភិបាលខេត្តពោធិ៍សាត់ និងជាប្រធានគណៈកម្មាធិការ សាខាកាកបាទក្រហមកម្ពុជាខេត្ត នាព្រឹកថ្ងៃទី០២ ខែមករា ឆ្នាំ២០២៤នេះ បានចុះជួបសំណេះសំណាល សួរសុខទុក្ខ និងនាំយកអំណោយមនុស្សធម៌ របស់សាខាកាកបាទក្រហមកម្ពុជាខេត្តពោធិ៍សាត់ មកផ្ដល់ជូនគ្រួសារអតីតយុទ្ធជន ចំនួន៦២៨គ្រួសារ ដែលកំពុងរស់នៅ និងអាស្រ័យផលក្នុងតំបន់អភិវឌ្ឍន៍ ប៊ុន រ៉ានី សែនជ័យដំណាក់ត្រយឹង ស្ថិតក្នុងភូមិប៊ុន រ៉ានី សែនជ័យដំណាក់ត្រយឹង ឃុំព្រងិល ស្រុកភ្នំក្រវាញ ខេត្តពោធិ៍សាត់។
ព័ត៌មានថ្មីៗ JOIN👉https://t.me/PreabMessengerTV

02/01/2024

ជប៉ុនផ្អាកដំណើរការសេវាកម្មរថភ្លើងល្បឿនលឿនស៊ីនកាន់ស៊ែនជាបណ្តោះអាសន្នក្រោយកើតមានគ្រោះរញ្ជួយដីកម្រិតខ្ពស់
ព្រាបនាំសារធីវី-០២-មករា-២០២៤ -ចែករំលែក:
-------------------------------------
( #ជប៉ុន)៖ ក្រុមហ៊ុនផ្លូវដែកអ៊ីសចាភែន (East Japan) បានផ្អាកសេវាកម្មរថភ្លើងល្បឿនលឿនស៊ីនកាន់ស៊ែន (Shinkansen) ទាំងអស់នៅលើខ្សែរត់នៅក្នុងទីក្រុងចូអ៊ីតស៊ុ (Joetsu) និងខ្សែរត់នៅក្នុងតំបន់កោះហូគឹរីគុ (Hokuriku) នៅទូទាំងតំបន់អ៊ីស៊ីហ្គាវ៉ា (Ishikawa) ខណៈគ្រោះមហន្តរាយរញ្ជួយដីដ៏ខ្លាំងមួយ នៅក្នុងកម្រិតរំញ័ររហូតដល់ ៧.៦ នៃរង្វាស់រ៉ិចទ័រ បានកំពុងតែបង្កផលប៉ះពាល់ដល់តំបន់ឆ្នេរសមុទ្រភាគកណ្តាលប្រទេសជប៉ុនចាប់តាំងពីរសៀលថ្ងៃចន្ទដើមសប្តាហ៍នេះ ។

យោងតាមអាជ្ញាធរផ្លូវដែកជប៉ុន បានអះអាងថា នាពេលបច្ចុប្បន្ននេះ មិនមានការរំពឹងណាមួយនៅឡើយទេ សម្រាប់ការបន្តសេវាកម្មរថភ្លើងល្បឿនលឿនឡើងវិញ ។

អ្នកឆ្លើយឆ្លងរបស់ទីភ្នាក់ងារសារព័ត៌មានចិន CGTN នៅលើរថភ្លើងរថភ្លើងល្បឿនលឿនស៊ីនកាន់ស៊ែនកាហ្គាយ៉ាគិ (Kagayaki) ដែលកំពុងតែផ្អាកការធ្វើដំណើរទៅកាន់ទីក្រុងកាណាហ្សាវ៉ា (Kanazawa) បានលើកឡើងថា អ្នកដំណើរភាគច្រើនបានចាកចេញពីរថភ្លើងហើយបានធ្វើដំណើរទៅកាន់ផ្លូវរត់ផ្សេងទៀត បន្ទាប់ពីពួកគេទទួលបានការជូនដំណឹងជាបន្ទាន់តាមរយៈទូរស័ព្ទដៃរបស់ពួកគេ ។

យោងតាមអ្នកឆ្លើយឆ្លងព័ត៌មានបានបន្ថែមទៀតថា អាជ្ញាធរផ្លូវដែកជប៉ុន ក៏បានស្នើឱ្យអ្នកដំណើរទិញភេសជ្ជៈនិងអាហារសម្រន់ពីហាងដែលនៅជិតបំផុតរបស់ពួកគេ ក៏ព្រោះតែអាជ្ញាធរមិនទាន់អាចកំណត់ពេលវេលាជាក់លាក់សម្រាប់ការបន្តសេវាកម្មឡើងវិញនៅឡើយទេ ។

គួរបញ្ជាក់ថា នៅរសៀលថ្ងៃចន្ទដើមសប្តាហ៍នេះ មានគ្រោះមហន្តរាយរញ្ជួយដីនៅជប៉ុនក្នុងកំរិតញ័រប្រមាណជា ៧.៦តាមរង្វាស់រិចទ័រ និងបង្កឱ្យមានការព្រមានអំពីរលកយក្សស៊ូណាមិក្នុងកំពស់៥ម៉ែត្រ នៅចំងាយប្រមាណជា ៣០០គីឡូម៉ែត្រភាគខាងជើងពីរដ្ឋធានីតូក្យូ ។ អាជ្ញាធរមូលដ្ឋាន បានធ្វើការជម្លៀសពលរដ្ឋនៅក្នុងតំបន់រងផលប៉ះពាល់ចេញទៅរកទីទួលសុវត្ថិភាពភ្លាមៗនៅរសៀលថ្ងៃចន្ទ ជាពិសេសនៅក្នុងតំបន់ ណូតូនៃដែនដី អ៊ីស៊ីហ្គាវ៉ា។

អាជ្ញាធរបានបញ្ជាក់បន្ថែមទៀតថា មនុស្ស ៤ នាក់នៅក្នុងដែនដីអ៊ីស៊ីហ្គាវ៉ា បានស្លាប់ដោយសារតែគ្រោះរញ្ជួយដីនេះ ហើយនេះគឺជាលើកទីមួយហើយ ដែលអាជ្ញាធរបានចេញការព្រមានអំពីរលកយក្សស៊ូណាមិ ចាប់តាំងពីគ្រោះរញ្ជួយដីកាលពីឆ្នាំ ២០១១ នៅភាគខាងជើងប្រទេសជប៉ុន ៕
ប្រភព៖ Reuters Connect
ព័ត៌មានថ្មីៗ JOIN👉https://t.me/PreabMessengerTV

05/01/2024

05/01/2024

05/01/2024

05/01/2024

05/01/2024

05/01/2024

05/01/2024

05/01/2024

05/01/2024

05/01/2024

05/01/2024

04/01/2024

04/01/2024

04/01/2024

04/01/2024

04/01/2024

04/01/2024

03/01/2024

03/01/2024

03/01/2024

03/01/2024

03/01/2024

03/01/2024

03/01/2024

03/01/2024

03/01/2024

02/01/2024

02/01/2024

02/01/2024

02/01/2024

02/01/2024

02/01/2024

02/01/2024

Address

Telephone

Website

Alerts

Contact The Business

Shortcuts

Share

Category

Other Siem Reap media companies

You may also like