DND News

Welcome to DND News on Facebook - for the stories that matter to you. Updated around the clock with
(1)

07/01/2024

សិស្សគេចសាលាចំនួន ២៣នាក់ ត្រូវបានកម្លាំងនគរបាលស្រុកស្វាយអន្ទរ ហៅមកអប់រំ និងធ្វើកិច្ចសន្យា

ខេត្តព្រៃវែង៖ កាលពីព្រឹកថ្ងៃទី ០៦ ខែ មករា ឆ្នាំ ២០២៤ កម្លាំងអន្តរាគមន៍ នៃអធិការដា្ឋននគរបាលស្រុកស្វាយអន្ទរ បានចុះល្បាតចល័ត ត្រួតពិនិត្យទីតាំងដែលមានសិស្សគេចសាលា ចំនួន ៣ទីតាំង នៅក្នុងភូមិសាស្ត្រឃុំស្វាយអន្ទរ ស្រុកស្វាយអន្ទរ ខេត្តព្រៃវែង ជាលទ្ធផល កម្លាំងនគរបាលបានឃាត់ខ្លួនក្មេងទំនើងដែលស្លៀកពាក់ឯកសណ្ឋានជាសិស្សហើយបានគេចសាលាមិនព្រមចូលរៀនបានចំនួន ២៣នាក់ ដើម្បីយកមកអប់រំណែនាំ និងធ្វើកិច្ចសន្យា ដោយមាន ការធានាពីអាណាព្យាបាល ។

ជាមួយគ្នានោះដែរ ក៏មានការអញ្ជើញចូលរួមសហការពីលោកគ្រូនាយកសាលា និងអាណាព្យាបាលសិស្សជាច្រើនរូបផងដែរ ៕

06/01/2024

លោក នី ណាក់ ត្រូវតុលាការ ឃុំខ្លួន នៅព្រៃសម្តងទៀតហើយ !!!

ចៅក្រមសេុីបសួរសាលាដំបូងរាជធានីភ្នំពេញ ចេញដីកាបង្គាប់ឲ្យឃុំខ្លួនឈ្មោះ នី ណាក់ ដាក់ពន្ធនាគារ ព្រៃស (ម១) ពីបទ ការមិនរាងចាលក្នុងបទមជ្ឈឹមបន្ទាប់ពីការផ្ដន្ទាទោសបទមជ្ឈឹម បរិហារកេរ្តិ៍ជាសាធារណៈ និង ញុះញង់អោយមានការរេីសអេីង ៕

04/01/2024

ថ្មីទៀតហើយទំពាំងស្អុយ!

04/01/2024

រថយន្តដឹកសិស្សឆាបឆេះដោយមិនដឹងមូលហេតុ នៅចំណុចផ្លូវជាតិលេខ៤១ ឃុំពេជ្រមុនី ស្រុកគងពិសី ខេត្ដកំពង់ស្ពឺ ។
តាមសេចក្ដីរាយការណ៍ពីសមត្ថកិច្ចនគរបាលសិស្សានុសិស្សដែលជិះក្នុងរថយន្ដមិនមានរងរបួស ហេតុការណ៍នេះបានកើតឡើងកាលពីព្រឹកថ្ងៃទី ០៤មករា២០២៤ ...

02/01/2024

Update៖ ជនដៃដល់ដែលរឹ.តក.សម្លា.ប់គូស្នេហ៍ក្នុងផ្ទះសំណាក់ បានស្លា.ប់ហើយ ព្រោះបង្អត់បាយខ្លួនឯង និងមានជំងឺប្រចាំកាយ!

(កណ្ដាល)៖ ជនត្រូវចោទដែលបានរឹតក.សម្លាប់ស្ដ្រីម្នាក់ ក្នុងផ្ទះសំណាក់ នៅស្រុកពញ្ញាឮ ខេត្តកណ្ដាល កាលពីថ្ងៃទី២៣.១២.២០២៣ កន្លងទៅនោះបានស្លាប់ហើយ។
បន្ទាប់ពីរងការឃុំខ្លួននៅពន្ធនាគារ ខេត្តកណ្ដាល ជិត១សប្ដាហ៍ គួបផ្សំនិងមានជំងឺប្រចាំកាយ និងសញ្ជឹងសញ្ជប់អង្អត់ បាយទឹកខ្លួនឯង រហូតត្រូវសង្គ្រោះបន្ទាន់នៅមន្ទីរពេទ្យបង្អែកជ័យជំនះ ក្រុងតាខ្មៅ។
-ជនត្រូវចោទឈ្មោះ ហៃ ហួត ភេទប្រុសអាយុ៥៨ឆ្នាំ នៅភូមិថ្មី ឃុំសន្លុង ស្រុកខ្សាច់កណ្ដាល ខេត្តកណ្ដាល បានស្លាប់នៅរសៀលថ្ងៃទី០២.០១.២០២៤។

គួរម្លឹកថា ស្ដ្រីរងគ្រោះឈ្មោះ ប្រាក់ ពៅ ភេទស្រីអាយុ៥៤ឆ្នាំ នៅភូមិថ្មី ឃុំសន្លុង ស្រុកខ្សាច់កណ្ដាល ខេត្តកណ្ដាល។
ត្រូវជនដៃដល់ខាងលើ ដែលជាដៃគូនិងគ្នា យកក្រមា.មករឹតក.សម្លាប់ក្នុងផ្ទះសំណាក់ ១កន្លែង ក្នុងស្រុកពញ្ញាឮ ខេត្តកណ្ដាល កាលពីថ្ងៃទី២៣.១២.២០២៣។

ពាក់ព័ន្ធអំពើឃាតកម្មនេះដែរ ក្រោយកើតហេតុ សមត្ថកិច្ចបានស្រាវជ្រាវឈានដល់ឃាត់ខ្លួន ជនត្រូវចោទឈ្មោះ ហៃ ហួត ។
ទន្ទឹមនិងនោះ ជនត្រូវចោទឈ្មោះ ហៃ ហួត ក៏បានសារភាពថា ខ្លួនពិតជាបានយកក្រមារឹតក.សម្លា.ប់ជនរងគ្រោះប្រាកដមែន។
មូលហេតុមកពីខ្លួន ប្រចណ្ឌនិងជនរងគ្រោះ ដែលមានទំនាក់ទំនងស្នេហាជាមួយប្រុសផ្សេង ហាមមិនស្ដាប់រហូតឈ្លោះប្រកែកគ្នា ក្នុងផ្ទះសំណាក់ ទើបឈានដល់អំពើឃា.តក.ម្មកើតឡើង។

បើតាមសេចក្ដីរាយការណ៍មកសារព័ត៌មានយើង៖ខណៈពេលកំពុងឃុំខ្លួន នៅពន្ធនាគារខេត្តកណ្ដាល ជនត្រូវចោទ ហៃ ហួត បានកើតអាការៈសញ្ជឹងសញ្ជប់មិននិយាយស្ដី មិនទទួលទានអាហារ និងបង្អត់បាយទឹកខ្លួនឯង ស្របពេលដែលរូបគាត់ មានជំងឺប្រចាំកាយ ទឹកនោមផ្អែមផងនោះ។

បណ្ដាលឱ្យជំងឺជនត្រូវចោទ ហៃ ហួត វិវត្តទៅមុខយ៉ាងឆាប់រហ័ស ធ្លាក់ខ្លួនឈឺធ្ងន់ ហើយក៏ត្រូវបានសមត្ថកិច្ច នាំមកសង្គ្រោះបន្ទាន់ នៅមន្ទីរពេទ្យបង្អែកជ័យជំនះ ក្រុងតាខ្មៅ លុះដល់រសៀលថ្ងៃទី០២.០១.២០២៤ ជនត្រូវចោទ ហៃ ហួត បានស្លាប់។
បច្ចុប្បន្ន ក្រុមគ្រួសារសព កំពុងធ្វើបុណ្យតាមប្រពៃណី នៅផ្ទះក្នុងភូមិថ្មី ឃុំសន្លុង ស្រុកខ្សាច់កណ្ដាល ខេត្តកណ្ដាល៕

02/01/2024

អគ្គីភ័យបានឆាបឆេះផ្ទះរបស់ពលរដ្ឋ ទាំងកណ្តាលថ្ងៃក្ដៅនៅភូមិព្រែកក្មេង សង្កាត់ព្រែកក្មេង ក្រុងអរិយក្សត្រ ខេត្តកណ្ដាល នារសៀលថ្ងៃទី02 01 2024នេះ!

30/12/2023

បុរសម្នាក់ជីករមៀតលក់ ប៉ះគ្រាប់មីនបណ្តាលឱ្យផ្ទុះ រងរបួសភ្នែក និងមុខ

ខេត្តបាត់ដំបង៖ នៅថ្ងៃទី៣០ ខែធ្នូ ឆ្នាំ២០២៣ វេលាម៉ោង ១១:០០នាទី មានពលរដ្ឋឈ្មោះ មេង សៀវលីន ភេទប្រុស អាយុ១៧ឆ្នាំ បានរងគ្រោះថ្នាក់ដោយសារមីន នៅចំណុចអូរឆ្នាំងធ្លុះ ភូមិឆករកា ឃុំសំឡូត ស្រុកសំឡូត ខេត្តបាត់ដំបង ហេតុការណ៍នេះកើតឡើង នៅពេលដែលជនរងគ្រោះកំពុងជីករមៀតលក់ ហើយបានជីកប៉ះគ្រាប់មីនបណ្តាលឱ្យផ្ទុះ រងរបួសភ្នែក និងមុខ។ ជនរងគ្រោះបានក្រុមគ្រួសារយកមកព្យាបាល នៅមណ្ឌលសុខភាពឆករកា ឃុំសំឡូត។

អាជ្ញាធរមីន សូមអំពាវនាវដល់បងប្អូនប្រជាពលរដ្ឋទាំងអស់ សូមកុំចូលទៅតំបន់ណាដែលមិនដឹងប្រវត្តិច្បាស់លាស់ និងត្រូវសាកសួរអាជ្ញាធរមូលដ្ឋានមុនចូលតំបន់នោះ និងសូមកុំប៉ះពាល់នៅពេលឃើញមីន និងគ្រាប់មិនទាន់ផ្ទុះ ហើយត្រូវរាយការណ៍ជាបន្ទាន់ដល់អាជ្ញាធរមានសមត្ថកិច្ច និងប្រតិបត្តិករបោសសម្អាតមីន ដែលនៅជិតទីនោះ ដើម្បីយកគ្រាប់ទាំងនោះ ទៅកំទេចចោល៕

30/12/2023

ឧត្តមសេនីយ៍ឯក ជួន ណារិន្ទ បញ្ជាឱ្យកម្លាំងជំនាញស្រាវជ្រាវស្វែងរកអ្នកបើករថយន្ត Ford បើកបុកម៉ូតូ ឃើញជនរងគ្រោះដួលហើយ មានចេតនាចង់បុកបន្ថែម

ភ្នំពេញ ៖ ករណីគ្រោះថ្នាក់ចរាចរណ៍រវាងរថយន្ត Ford បើកបុក ម៉ូតូ បណ្តាលឱ្យជនរងគ្រោះរងរបួសស្រាល ប៉ុន្តែក្នុងហេតុការណ៍នោះឃើញម្ចាស់រថយន្តបាត់បង់គុណធម៌ឃើញជនរងគ្រោះដួលហើយមានចេតនាចង់បុក បន្ថែមទៅលើជនរងគ្រោះ។ ហេតុការណ៍កាលពីថ្ងៃទី២៨ ខែធ្នូ ឆ្នាំ២០២៣ នៅសង្កាត់ភ្នំពេញថ្មី ខណ្ឌសែនសុខ។

បន្ទាប់ពីហេតុការណ៍កើតឡើង ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានដាក់បទបញ្ជាឱ្យកម្លាំងជំនាញធ្វើការស្រាវជ្រាវស្វែងរកអ្នកបើកបររថយន្ត Ford ដើម្បីឱ្យចូលខ្លួនមកសារភាព និងដោះស្រាយក្នុងករណីគ្រោះថ្នាក់ចរាចរណ៍នេះចំពោះមុខសមត្ថកិច្ច និងអនុវត្តតាមនីតិវិធី បន្ទាប់ពីគេចវេសមិនទទួលខុសត្រូវ ក្រោយបង្កគ្រោះថ្នាក់ចរាចរណ៍។

លោកឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានប្រកាសឲ្យអ្នកបើករថយន្ត Ford ឈ្មោះ អ៉ឹម អរុណគង់ហុង ចូលខ្លួនមកសារភាព ក្រោយបើកប៉ះ និងកិនជនរងគ្រោះបើកម៉ូតូបណ្តាលឲ្យរងរបួសនៅសង្កាត់ភ្នំពេញថ្មី ខណ្ឌសែនសុខ។

លោកឧត្តមសេនីយ៍ស្នងការ បានបញ្ជាក់ថា «អធិការខណ្ឌសែនសុខ បានលិខិតកោះហៅអ្នកបើកឡានឲ្យចូល ប៉ុន្តែយើងក៏ឲ្យកម្លាំងជំនាញតាមស្វែងរក ដើម្បីនាំខ្លួនមកសួរនាំផងដែរ»។

ជាចុងក្រោយ សូមម្ចាស់រថយន្ត Ford ភ្ញាក់រលឹកចូលខ្លួនមកដោះស្រាយចំពោះមុខសមត្ថកិច្ច ដើម្បីអនុវត្តតាមនីតិវិធី៕

29/12/2023

បន្ទាប់ពីនាវា Westerdamចាកចេញកាលពីយប់មិញ ឥឡូវនាវាទេសចរណ៍ខ្នាតយក្សមួយគ្រឿងទៀតចូលចតនៅកំពង់ផែស្វយត័ក្រុងព្រះសីហនុ

ខេត្តព្រះសីហនុ-នាវាទេសចរណ៍បរទេសមួយគ្រឿងទៀតចូលចតកំពង់ផែស្វយត័ក្រុងព្រះសីហនុ វេលាម៉ោង៧ព្រឹកថ្ងៃទី២៩ធ្នូ២០២៣ ដឹកភ្ញៀវទេសចរណ៍ចំរុះជាតិសាសន៍ចំនួន៥៣២នាក់ ស្រីចំនួន២៧៨នាក់ មកទស្សនាប្រទេសកម្ពុជារយៈពេលមួយថ្ងៃ ។
នាវានេះមាននាវឹកចំនួន៤២៧នាក់ស្រី១០១នាក់ នឹងចាកចេញពីកម្ពុជាវិញនៅយប់ថ្ងៃដដែល៕

28/12/2023

ខេត្តព្រះសីហនុ៖ រដ្ឋបាលខេត្តព្រះសីហនុបានរៀបចំនំខ្មែរដាក់ជូនភ្ញៀវទេសចរណ័កប៉ាល់Westerdam ភ្លក់រសជាតិ មាន នំគម នំបត់ នំក្រូច នំអន្សមចេក នំពងអន្សង...... នៅកំពង់ផែក្រុងព្រះសីហនុដែលបានចូលចតកាលពីព្រឹកថ្ងៃ២៨ធ្នូ២០២៣នេះ ដោយទទួលបានការពេញចិត្ត គាំទ្រ និងសរសើរថាមានរសជាតិឆ្ងាញ់💕❤️💐

28/12/2023

នាវាWesterdam មកកម្ពុជា តាមសន្យា!!

ខេត្តព្រះសីហនុ-នាវា ទេសចរ Westerdam បានចូលចតកំពង់ផែក្រុងព្រះសីហនុដូចការគ្រោងទុកនៅព្រឹកថ្ងៃ២៨ធ្នូ២០២៣ ដោយមានអ្នកទេសចរណ៍ចំរុះជាតិសាសន៍ចំនួន១ ៩៩១នាក់ ស្រីចំនួន១ ០៣២នាក់ មកតាមនាវានេះដើម្បីទស្សនាប្រទេសកម្ពុជារយៈពេលមួយថ្ងៃ។ នាវានេះ មាននាវឹកចំនួន៧៨៣នាក់ ស្រីចំនួន៦៤៨នាក់ ពេលចូលចតដល់កំពង់ផែ ទទួលបានការស្វាគមន៍យ៉ាងកក់ក្តៅពីអាជ្ញាធរកម្ពុជា ក្រសួងទេសចរណ៍ រដ្ឋបាលខេត្តព្រះសីហនុនិងផ្នែកពាក់ពន្ធ័ ហើយនាវានេះ នឹងចាកចេញពីកំពង់ផែស្វយ័តក្រុងព្រៈសីហនុវិញនៅម៉ោង៩យប់ថ្ងៃទី២៨ធ្នូ២០២៣ ដដែល។
នៅក្នុងឱកាសនោះឯកឧត្តម សុខ សូកេន រដ្ឋមន្ត្រីក្រសួងទេសចរណ៍ មានប្រសាសន៍ស្វាគមន៍យ៉ាងកក់ក្តៅចំពោះភ្ញៀវទេសចរចំរុះជាតិសាសន៍ដែលមកទស្សនាប្រទេសកម្ពុជាដ៍សុខសន្តិភាពនាពេលនេះ។
សុំបញ្ជាក់ថា កាលពីអំឡុងផ្ទុះជំងឺកូវីដ១៩កាលពីឆ្នាំ២០២០ នាវា Westerdam នេះត្រូវបានប្រមុខរាជរដ្ឋាភិបាលកម្ពុជា អនុញ្ញាតឲ្យចូលចតនៅកំពង់ផែក្រុងព្រះសីហនុ ដើម្បីជួយសង្គ្រោះអ្នកទេសចរណ៍ចំរុះជាតិសាសន៍រាប់ពាន់អ្នកដែលជាប់នៅលើនាវានេះ បន្ទាប់ពីប្រទេសមួយចំនួនបដិសេធមិនឲ្យចូលចត ក្រោមហេតុផលខ្លាចចម្លងមេរោគកូវីដ១៩។ ក្រោយការចូលចតដល់កំពង់ផែក្រុងព្រះសីហនុកាលពីពេលនោះ អ្នកទេសចរណ៍នៅលើនាវានេះបានរីករាយរហូតខ្លះទៀតស្រក់ទឹកភ្នែក ជាមួយនឹងការរំភើបដឹងគុណដល់សម្តេចអគ្គមហាសេនាបតីតេជោហ៊ុន សែនដែលកាលនោះ សម្តេចតេជោនៅជានាយករដ្ឋមន្ត្រីនៃរាជរដ្ឋាភិបាលកម្ពុជា ដែលអនុញ្ញាតឲ្យនាវានេះបានចូលចតក្នុងប្រទេសកម្ពុជា និងសម្រួលដំណើរបន្តតាមជើងយន្តហោះ បានទៅកាន់ប្រទេសរៀងៗខ្លួន ធ្វើឲ្យកិត្យានុភាពប្រទេសកម្ពុជាល្បីល្បាញលើពិភពលោកជាប់ឈ្មោះជាប្រទេសតូចតែបេះដូងមនុស្សធម៍ធំ៕

27/12/2023

ពេលនេះសមត្ថកិច្ចនគរបាលរាជធានី ភ្នំពេញ ស្រាវជ្រាវរកឃេីញ រថយន្ដបង្ករគ្រោះថ្នាក់ចរាចរណ៍ហើយ ដែលបណ្ដាលអោយស្លាប់ ២នាក់ របួសធ្ងន់ម្នាក់ នៅសង្កាត់ស្រះចក ខណ្ឌ ដូនពេញ ឃេីញហេីយ និងកំពុងបន្តស្រាវជ្រាវតាមចាប់ជនបង្ករបន្តទៀត ។

27/12/2023

ឃាត់ជនសង្ស័យទាំង០២នាក់ កសាងសំណុំរឿងបញ្ជូនទៅសាលាដំបូង ករណីនិយាយពាក្យសម្តីមិនសមរម្យប៉ះពាល់ដល់ថ្នាក់ដឹកនាំ នៅលើបណ្តាញសង្គម

ភ្នំពេញ ៖ ជនសង្ស័យចំនួន០២នាក់ ដែលនិយាយពាក្យសម្តីមិនសមរម្យប៉ះពាល់ដល់ថ្នាក់ដឹកនាំ នៅលើបណ្តាញសង្គម ត្រូវបានកម្លាំងអធិការដ្ឋាននគរបាលខណ្ឌមានជ័យ ស្រាវជ្រាវឃាត់ខ្លួន ដើម្បីចាត់ការតាមនីតិវិធី។
ដោយអនុវត្តតាមបទបញ្ជារបស់ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នៅថ្ងៃទី២៦ ខែធ្នូ ឆ្នាំ២០២៣ បន្ទាប់ពីជនសង្ស័យប្រុសស្រីចំនួន០២នាក់ ប្រើប្រាស់គណនីហ្វេសប៊ុកឈ្មោះ Ly Leap បង្ហោះវីដេអូនិយាយពាក្យសម្តីមិនសមរម្យប៉ះពាល់ដល់ថ្នាក់ដឹកនាំ នៅលើបណ្តាញសង្គម។ បន្ទាប់មក ឯកឧត្តមស្នងការ បានបញ្ជាឱ្យមន្រ្តីជំនាញស្រាវជ្រាវរកម្ចាស់គណនី LY Leap និងសហការជាមួយកម្លាំងអធិការដ្ឋាននគរបាលខណ្ឌមានជ័យ ធ្វើការស្រាវជ្រាវឈានដល់ឃាត់ខ្លួនជនសង្ស័យចំនួន០២នាក់ ១.ឈ្មោះ សុខ លា (ប្តី), ២.ឈ្មោះសុខ លីដា (ប្រពន្ធ) នៅចំណុចផ្ទះសំណាក់គ្រីនផាក ផ្លូវ២៧១ សង្កាត់ស្ទឹងមានជ័យ២ ខណ្ឌមានជ័យ ដើម្បីយកមកធ្វើការសាកសួរ និងធ្វើតេស្តទឹកនោមរកសារធាតុញៀន ជាលទ្ធផលពួកគេមានវិជ្ជមានសារធាតុញៀន។

បច្ចុប្បន្នជនសង្ស័យទាំង០២នាក់ កំពុងឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធី៕

27/12/2023

យុវជនម្នាក់ត្រូវបានកម្លាំងនគរបាលឃាត់ខ្លួនក្រោយពីវាយបំផ្លាញព្រះរូបបដិមានៅក្នុងវត្តព្រៃជុំ

ខេត្តកំពង់ស្ពឺ៖ យុវជនម្នាក់ត្រូវបានកម្លាំងនគរបាលស្រុកសាមគ្គីមុនីជ័យ ធ្វើការឃាត់ខ្លួន បន្ទាប់ពីលោកតាម្នាក់ជាគណៈកម្មការអាចារ្យវត្តប្រាប់ថា មានយុវជនម្នាក់បានវាយបំផ្លិចបំផ្លាញរូបបដិមានៅក្នុងវត្តព្រៃជុំ ហើយព្យាយាមរត់គេចខ្លួន។

ការឃាត់ខ្លួនយុវជននេះបានធ្វើឡើងកាលពីវេលាម៉ោង៥និង២០នាទីល្ងាចថ្ងៃទី២៦ ខែធ្នូ ឆ្នាំ២០២៣ នៅក្នុងភូមិធម្មទ័យ ឃុំយុទ្ធសាមគ្គី ស្រុកសាមគ្គីមុនីជ័យ ខេត្តកំពង់ស្ពឺ។

នគរបាលស្រុកសាមគ្គីមុនីជ័យបានឱ្យដឹងថា នៅមុនពេលឃាត់ខ្លួនយុវជនទមិឡបានគឺកម្លាំងសមត្ថកិច្ចនគរបាលប៉ុស្តិ៍យុទ្ធសាមគ្គីបានទទួលព័ត៌មានពីប្រធានគណៈកម្មការវត្តឈ្មោះ បុិច ឡេង ភេទប្រុស អាយុ៦៩ឆ្នាំ រស់នៅភូមិត្រពាំងល្ពាក់ ឃុំយុទ្ធសាមគ្គី ស្រុកសាមគ្គីមុនីជ័យ ខេត្តកំពង់ស្ពឺ បានរាយការណ៍មកថាមានយុវជនសង្ស័យម្នាក់ ឈ្មោះ វាសនា ភេទប្រុស អាយុ២៦ឆ្នាំ រស់នៅភូមិធម្មទ័យ ឃុំយុទ្ធសាមគ្គី ស្រុកសាមគ្គីមុនីជ័យ ខេត្តកំពង់ស្ពឺ បានវាយបំផ្លាញរូបព្រះបដិមានិងជេីងពានផ្កាឈូកសម្រាប់ដោតធូបនៅក្រោមដេីមពោធិ៍ក្នុងវត្តព្រៃជុំ ស្ថិតនៅក្នុងភូមិព្រៃជុំ ឃុំយុទ្ធសាមគ្គី ស្រុកសាមគ្គីមុនីជ័យ ខេត្តកំពង់ស្ពឺ បណ្តាលឱ្យខូចខាតដាច់ព្រះកេសរូបបដិមាមួយអង្គនិងបែកបាក់ជេីងពានសម្រាប់ដោតធូប។

ក្រោយមកកម្លាំងសមត្ថកិច្ចប៉ុស្តិ៍នគរបាលយុទ្ធសាមគ្គីបានសហការជាមួយកម្លាំងស្រុកធ្វេីការឃាត់ខ្លួនជនសង្ស័យមកសាកសួរនៅអធិការដ្ឋាននគរបាលស្រុកសាមគ្គីមុនីជ័យដើម្បីចាត់ការតាមច្បាប់ ៕

26/12/2023

ឪពុកចុងរំ.លោ.ភកូ.នស្រីជាអនីតិជនបានបីដងបែកការណ៍ដល់ម្តាយប្តឹងសមត្ថកិច្ចឱ្យឃាត់ខ្លួន

ខេត្តក្រចេះ ៖ ករណីឪពុកចុងបានចាប់រំលោភកូនដើមជាអនីតិជនក្រោយបែកការណ៍ហើយក៏បានគេចខ្លួនទៅសម្ងំក្នុងព្រៃក្រោយភូមិ តែត្រូវសមត្ថកិច្ចស្រាវជ្រាវរកចាប់ឃាត់ខ្លួនបានតែម្តង។

តាមប្រភពបានឱ្យដឹងថា ជនសង្ស័យបានធ្វើសកម្មភាពរំលោភកូនចុងជាអនីតិជននៅក្នុងផ្ទះតាំងពីវេលាម៉ោង២១និង០០នាទី ថ្ងៃទី០៥ ខែធ្នូ ឆ្នាំ២០២៣នៅលើគ្រែក្រោមផ្ទះស្ថិតក្នុងភូមិកំបោរ ឃុំគោលាប់ ស្រុកចិត្របុរី ខេត្តក្រចេះ។

ប្រភពបន្តថា នៅល្ងាចថ្ងៃទី២៤ ខែធ្នូ ឆ្នាំ២០២៣ ជនរងគ្រោះបានប្រាប់រឿងនេះឱ្យម្ដាយបានដឹង ហើយម្ដាយរបស់នាងក៏ប្រាប់ទៅឈ្មោះ ឈូក សៀន ត្រូវជាជីដូនរបស់ជនរងគ្រោះ។

ក្រោយពីបែកការណ៍គេដឹងរឿងខ្លួនអស់ហើយជនសង្ស័យឈ្មោះ ហ៊ាង ហេង ក៏បានរត់គេចចេញពីផ្ទះបាត់ទៅដែរ។

លុះមកដល់ថ្ងៃទី២៥ ខែធ្នូ ឆ្នាំ២០២៣ ឈ្មោះ ឈូក សៀន ត្រូវជាជីដូនរបស់ជនរងគ្រោះបានមកដាក់ពាក្យប្តឹងនិងបានរាយការណ៍ជូនសមត្ថកិច្ចនគរបាលខេត្តក្រចេះ។

ដោយមានការសម្របសម្រួលនីតិវិធីពីលោកព្រះរាជអាជ្ញាអមសាលាដំបូងខេត្តក្រចេះ និងបញ្ជាពីឧត្តមសេនីយ៍ស្នងការនគរបាលខេត្ត បានចាត់កម្លាំងជំនាញនៃអធិការដ្ឋានស្រុកចិត្របុរីដឹកនាំដោយលោក ប៊ុត នឿន សហការជាមួយកម្លាំងប៉ុស្តិ៍រដ្ឋបាលឃុំគោលាប់ បានចុះដល់កន្លែងកើតហេតុ ធ្វើការស្រាវជ្រាវជាបន្តបន្ទាប់ទើបនាំខ្លួនជនសង្ស័យបានតែម្តង។

ជនសង្ស័យឈ្មោះ ហ៊ាង ហេង ដែលសម្ងំលាក់ខ្លួននៅក្នុងព្រៃក្រោយភូមិ ពេលយកមកសាកសួរបានឆ្លើយសារភាពថា ខ្លួនពិតជាបានធ្វើសកម្មភាពទៅលើជនរងគ្រោះប្រាកដមែន។

តាមការបញ្ជាក់ឱ្យដឹងថា ក្មេងស្រីរងគ្រោះជាសិស្សសាលាអាយុទើបតែអាយុ១២ឆ្នាំប៉ុណ្ណោះ ឪពុកម្តាយបានលែងលះគ្នា ហើយម្តាយក៏បានយកប្តីក្រោយម្នាក់ទៀត រួចក៏បានមករស់នៅក្នុងផ្ទះជាមួយគ្នា។

រឿងហេតុដែលជនបង្កមានឱកាសឈានដល់ការចាប់រំលោភនោះគឺក្មេងស្រីនោះកំពុងហូបបាយនៅលើគ្រែខាងក្រោមផ្ទះតែម្នាក់ឯង ឈ្មោះ ហ៊ាង ហេង ជាឪពុកចុងបានធ្វើសកម្មភាពចាប់រំលោភបានសម្រេចម្តងទៀត សរុបទៅចំនួន៣លើកជាបន្តបន្ទាប់រួចមកហើយ។

បន្ទាប់មកជនបង្កបានគំរាមសម្លាប់ជនរងគ្រោះទៀតផងបើរឿងនេះដឹងដល់ម្ដាយ។

បច្ចុប្បន្នជនសង្ស័យត្រូវបានឃាត់ខ្លួនជាបណ្ដោះអាសន្ននៅអធិការដ្ឋាននគរ បាលស្រុកចិត្របុរី ដើម្បីកសាងសំណុំរឿងបញ្ជូនទៅការិយាល័យជំនាញខេត្តបន្តនីតិវិធីច្បាប់៕

26/12/2023

សង្ស័យឆ្លងចរន្តឆេះរថយន្ដរាលបន្តគ្នាអស់ចំនួន៣គ្រឿង

ខេត្តក្រចេះ ៖ អគ្គិភ័យបានកើតឡើងបង្កឱ្យឆាបឆេះរថយន្តចំនួន០៣គ្រឿងនិងខូចខាតទ្រព្យសម្បត្តិជាច្រើនទៀតដែលគេសង្ស័យថាឆ្លងចរន្តខ្សែភ្លើងក្នុងរថយន្ដ។

ហេតុការណ៍នេះបានកើតឡើងនៅវេលាម៉ោង២និង៤០នាទីរំលងអធ្រាត្រឈានចូលថ្ងៃទី២៦ ខែធ្នូ ឆ្នាំ២០២៣ននៅត្រង់ចំណុចមុខផ្ទះសំណាក់ មេគង្គដូហ្វីនឡាយស្ថិតក្នុងភូមិត្រពាំងព្រីង សង្កាត់ក្រចេះ ក្រុងក្រចេះ។

តាមរបាយការណ៍នគរបាលក្រុងក្រចេះបានឱ្យដឹងថា ក្នុងហេតុការណ៍អគ្គិភ័យឆេះរថយន្ដនោះធ្វើឱ្យខូចខាតទ្រព្យសម្បត្តិរួមមាន៖

១. រថយន្តម៉ាក Sanyong ពណ៌ខៀវ ពាក់ស្លាកលេខ ភ្នំពេញ 2U-0364 ជាកម្មសិទ្ឋិរបស់ក្រុមហ៊ុនសូឡា ខូចខាតរថយន្តទាំងស្រុងផ្នែកខាងក្នុង រួមទាំងសម្ភារមួយចំនួន រួមមាន៖ អាគុយ១០០អាំពែរចំនួន០៨គ្រាប់, ផ្ទាំងសូឡាចំនួន០៨ ផ្ទាំង អាំងវុិចទ័រចំនួន០១ គ្រឿង និងសម្ភារដំឡើងរបស់ក្រុមជាងមួយចំនួន។

២. រថយន្តម៉ាក Starex ពណ៌ទឹកប៊ិកចាស់ ពាក់ស្លាកលេខ ភ្នំពេញ 2BF-9280 ខូចខាតរថយន្តទាំងស្រុងផ្នែកខាងក្នុង រួមទាំងសម្ភារប្រើប្រាស់មួយចំនួន ជាកម្មសិទ្ឋិរបស់ឈ្មោះ ធូ សារិទ្ធ ភេទប្រុស អាយុ ៤៣ ឆ្នាំ មានទីលំនៅ នៅភ្នំពេញ។

៣. រថយន្តម៉ាក Hyundai ពណ៌ស មានស្លាកលេខ កំពង់ចាម 3A-3816 ជាកម្មសិទ្ឋិរបស់ក្រុមហ៊ុនស៊ីអែសធី ចែកចាយនិងលក់ផលិតផលគ្រប់មុខខូចខាតរថយន្តទាំងស្រុងផ្នែកខាងក្នុងកាប៊ីន រួមទាំងផលិតផលក្នុងរថយន្តមួយចំនួនផងដែរ ។

ករណីខាងលើ កម្លាំងសមត្ថកិច្ចបានប្រើប្រាស់រថយន្តពន្លត់អគ្គិភ័យរបស់ស្នងការដ្ឋាននគរបាលខេត្តក្រចេះចំនួន ០៣គ្រឿង ដោយប្រើប្រាស់ទឹកសរុបចំនួន ០៣ឡាន ដើម្បីសង្គ្រោះនិងពន្លត់បានទាំងស្រុងនៅវេលាម៉ោង ៣និង៣០នាទី ទៀបភ្លឺ ៕

25/12/2023

ឃាតក.ម្មទៀតហើយ ស្ដ្រីម្នាក់ត្រូវជនដៃដល់ រឹតកសម្លា.ប់ក្នុងផ្ទះសំណាក់ ១កន្លែង នៅស្រុកពញ្ញាឮ!

(កណ្ដាល)៖ គួរឱ្យសោកស្ដាយស្ដ្រីម្នាក់ ត្រូវជនដៃដល់ នាំទៅដេកផ្ទះសំណាក់ រួចរឹតកសម្លា.ប់ចោល..!។
ហេតុការណ៍នេះបានកើតឡើង នៅផ្ទះសំណាក់១កន្លែង ក្នុងស្រុកពញ្ញាឮ ខេត្តកណ្ដាល កាលពីថ្ងៃទី២៣.១២.២០២៣ ហើយទើបនិងភ្ញាក់ផ្អើល ដល់ក្រុមគ្រួសារ រងគ្រោះ នៅរសៀលថ្ងៃទី២៤.១២.២០២៣។

ប្រពភពី«ដើមរាំង»បានឱ្យដឹងថា ជនរងគ្រោះឈ្មោះ ប្រាក់ ពៅ ភេទស្រីអាយុ៥៤ឆ្នាំ នៅភូមិថ្មី ឃុំសន្លុង ស្រុកខ្សាច់កណ្ដាល ខេត្តកណ្ដាល។

ករណីនេះ ជនដៃដល់ជាមនុស្សប្រុស ដែលស្និតស្នាលជាមួយជនរងគ្រោះ នៅភូមិឈូក ឃុំសន្លុង ស្រុកខ្សាច់កណ្ដាល ខេត្តកណ្ដាល ត្រូវសមត្ថកិច្ចឃាត់ខ្លួនបានហើយ។

គួរម្លឹកថាៈ កាលពីកន្លងទៅថ្មីៗនេះ នៅមូលដ្ឋាន ភូមិថ្មី ឃុំសន្លុង ស្រុកខ្សាច់កណ្ដាល មានអំពើឃាតកម្មដ៏សារហាវព្រៃផ្សៃមួយ។
ដោយខ្មាន់កាំភ្លើង បាញ់សម្លា.ប់ប្ដីប្រពន្ធ២នាក់ ហើយរហូតមកដល់ពេលនេះ សមត្ថកិច្ចពុំទាន់ចាប់ខ្លួនជនដៃដល់បាននោះទេ៕

24/12/2023

បុរសម្នាក់បើកម៉ូតូទៅបុកម៉ូតូលោកតាម្នាក់ពីក្រោយបណ្តាលឱ្យស្លាប់

ភ្នំពេញ ៖ យោងតាមរបាយការណ៍របស់សមត្ថកិច្ចជំនាញចរាចរណ៍ខណ្ឌសែនសុខបានឱ្យដឹងនារសៀលថ្ងៃទី២៤ ខែធ្នូ ឆ្នាំ២០២៣នេះថា មានលោកតាម្នាក់បើកម៉ូតូតាមផ្លូវត្រូវបុរសម្នាក់បើកម៉ូតូមកបុកពីក្រោយបណ្តាលឱ្យលោកតាដួលបោកក្បាលនៅនឹងផ្លូវស្លាប់ភ្លាមៗនៅនឹងកន្លែង ហើយម៉ូតូជនបង្កដួលខ្ទាតទៅប៉ះនឹងម៉ូតូម៉ាក CRF មួយគ្រឿងផ្សេងទៀត ជិះដោយមន្រ្តីនគរបាលដួលសង្កត់លើគ្នា ហើយបុរសជាជនបង្កលើកម៉ូតូជិះគេចខ្លួនបាត់។

ហេតុការណ៍គ្រោះថ្នាក់រាចរណ៍នេះបានកើតឡើតកាលពីព្រឹកថ្ងៃទី២៤ខែធ្នូ ឆ្នាំ២០២៣ នៅលើផ្លូវសម្តេចជាស៊ីម ចំណុចខាងត្បូងផ្សារបឹងបៃតង ប្រហែល២០០ម៉ែត្រ ក្នុងសង្កាត់គោកឃ្លាង ខណ្ឌសែនសុខ។

សមត្ថកិច្ចបានឱ្យដឹងថា សពជនរងគ្រោះឈ្មោះ ភុំ ផាវ៉ាត អាយុ៧១ឆ្នាំ បច្ចុប្បន្ន ស្នាក់នៅផ្ទះក្នុងភូមិត្រពាំងស្វាយ សង្កាត់គោកឃ្លាង ខណ្ឌសែនសុខ មានស្រុកកំណើតនៅខេត្តបាត់ដំបង។

យោងតាមរបាយការណ៍របស់សមត្ថកិច្ចជំនាញបានឱ្យដឹងទៀតថា នៅមុនពេលកើតហេតុមានលោកតាម្នាក់ឈ្មោះ ភុំ ផាវ៉ា ជាជនរងគ្រោះបានជិះម៉ូតូម៉ាក Honda cub ពណ៌ទឹកប៊ិច ពាក់ស្លាកលេខ ភ្នំពេញ 1AK-8603 តាមបណ្តោយផ្លូវសម្តេចជាស៊ីម ក្នុងទិសដៅពីជើងមកត្បូង ខណៈបើកមកដល់ចំណុចកើតហេតុបានបង្អង់ល្បឿនក្នុងគោលបំណងបម្រុងបត់ឆ្វេងចូលទៅទិញកាហ្វេនៅក្នុងការាសសាំង PTTក្បែរកន្លែងកើតហេតុ ពេលនោះដែរស្រាប់តែមានម៉ូតូម៉ាកហុងដាឌ្រីម សេ១២៥ ពណ៌ខ្មៅមួយគ្រឿងមិនចាំស្លាកលេខ ជិះដោយបុរសម្នាក់ធ្វើដំណើរមកពីក្រោយស្របទិសគ្នាពីជើងមកត្បូងយ៉ាងលឿន មកបុកម៉ូតូម៉ាក Honda cub ជិះដោយជនរងគ្រោះចំពីក្រោយពេញទំហឹងបណ្តាលឱ្យដួលខ្ទាតទៅខាងស្តាំដៃប៉ះនិងម៉ូតូម៉ាកហុងដា CRF ពណ៌ក្រហម ពាក់ស្លាកលេខ នគរបាល 1.2166 ជិះដោយបុរសជាមន្រ្តីនគរបាលម្នាក់ ដែលធ្វើដំណើរស្របគ្នាពីជើងមកត្បូង បណ្តាលឱ្យដួលខ្ទាតពេញផ្លូវធ្វើឱ្យបុរសវ័យ៧១ឆ្នាំស្លាប់ភ្លាមៗ ពេលនោះដែរបុរសដែលបើកម៉ូតូឌ្រីម ក៏ប្រញាប់លើកម៉ូតូជិះគេចខ្លួនចេញពីកន្លែងកើតហេតុបាត់ស្រមោល នៅតែម៉ូតូរងគ្រោះជិះដោយបុរសជាមន្រ្តីនគរបាលម្នាក់នៅនឹងកន្លែង។

បន្ទាប់ពីសមត្ថកិច្ចមូលដ្ឋានចុះមកដល់បានទំនាក់ទំទៅសមត្ថកិច្ចជំនាញចរាចរណ៍ឱ្យចុះមកវាស់វែងយកម៉ូតូទាំងពីរគ្រឿងទៅរក្សាទុកនៅអធិការដ្ឋាននគរបាលខណ្ឌសែនសុខ រង់ចាំដោះស្រាយគ្នានៅពេលក្រោយ ហើយសមត្ថកិច្ចបានធ្វើកំណត់ហេតុប្រគល់សពឱ្យទៅក្រុមគ្រួសារយកទៅធ្វើបុណ្យតាមប្រពៃណី៕

24/12/2023

(Update) ព្រឹកនេះសមត្ថកិច្ច បញ្ជូនខ្លួនជនល្មើសឈ្មោះ ព្រហ្ម វិចិត្រសុសក្ដា ទៅកាន់តុលាការហើយ ករណីបើករថយន្ដបុកមនុស្សស្លាប់ ..

ភ្នំពេញ៖ ទីបំផុត កម្លាំងសមត្ថកិច្ចបានបញ្ជូនខ្លួនជនបង្កដែលជាអ្នកបើករថយន្ដទំនើបម៉ាក Jeep បុកបុរសម្នាក់ស្លាប់ ទៅកាន់សាលាដំបូងរាជធានីភ្នំពេញហើយ នាវេលាម៉ោង៩ និង ៣០នាទីព្រឹក ថ្ងៃទី២៤ ខែធ្នូ ឆ្នាំ២០២៣ ដើម្បីចាត់ការតាមនីតិវិធីច្បាប់ ចង់ដឹងថាវាសនារបស់ជនបង្ករូបនេះទៅជាយ៉ាងខណៈជននេះត្រូវបានបញ្ជូនទៅដល់តំណាក់កាល តុលាការហើយនោះ។

សូមបញ្ជាក់ថា ជនបង្កបានចូលសារភាព និងទទួលស្គាល់កំហុសរបស់ខ្លួន នៅស្នងការដ្ឋាននគរបាលរាជធានីភ្នំពេញ នារសៀលថ្ងៃទី២៣ ខែធ្នូ ឆ្នាំ២០២៣នេះ ដើម្បីទទួលខុសត្រូវចំពោះមុខច្បាប់នូវរាល់កំហុសរបស់ខ្លួន។

ចំពោះករណីគ្រោះថ្នាក់ចរាចរណ៍នេះ លោក កើត រិទ្ធ ឧបនាយករដ្ឋមន្រ្តី រដ្ឋមន្រ្តីក្រសួងយុត្តិធម៌ បានណែនាំឲ្យព្រះរាជអាជ្ញាសាលាដំបូងរាជធានីភ្នំពេញ ធ្វើការពិនិត្យស្រាវជ្រាវ និងធ្វើការដោះស្រាយឲ្យបានត្រឹមត្រូវ និងម៉ឹងម៉ាត់តាមផ្លូវច្បាប់។ ករណីគ្រោះថ្នាក់ចរាចរណ៍នេះ បានបង្កឲ្យមានការបញ្ចេញមតិយោបល់ផ្សេងៗគ្នា នៅតាមបណ្ដាញសង្គមគ្រាដែលអ្នកបើកបររថយន្ដបង្ក បានព្យាយាមគេចខ្លួនក្រោយកើតហេតុ ហើយគំរាមក្រុមគ្រួសាររបស់ជនរងគ្រោះមិនឲ្យដាក់ពាក្យបណ្ដឹង ជាថ្នូរជាមួយលុយចូលបុណ្យ១.០០០ដុល្លារដើម្បីបញ្ចប់រឿង។

សូមរំលឹកថា ករណីគ្រោះថ្នាក់ចរាចរណ៍នេះ បានកើតឡើងកាលពីថ្ងៃទី១៤ ខែធ្នូ ឆ្នាំ២០២៣ រវាងរថយន្ត Jeep ពណ៌ខ្មៅ ពាក់ផ្លាកលេខភ្នំពេញ2CB-9963 និងម៉ូតូ ត្រង់ចំណុចផ្លូវប្រសព្វ លើផ្លូវលេខ៣១៧ ប្រសព្វផ្លូវលេខ៥៦៦ ភូមិ៦ សង្កាត់បឹងកក់២ ខណ្ឌទួលគោក រាជធានីភ្នំពេញ។ ហេតុការណ៍នេះ បានបណ្ដាលឲ្យអ្នកបើកបរម៉ូតូស្លាប់ភ្លាមៗនៅនឹងកន្លែង ខណៈអ្នកបើករថយន្ដគេចខ្លួនបាត់។

បច្ចុប្បន្នជនសង្ស័យកំពុងស្ថិតក្នុងដំណាក់កាលតំណាងអយ្យការបើកការស៊ើបសួរនៅឡើយ៕

24/12/2023

ឆេះរោងកម្មករ និងគ្រឿងអេតចាយមួយកន្លែងក្នុងខណ្ឌដង្កោយ៉ាងសន្ធោសន្ធៅ ខណៈមនុស្សនិងផ្ទះអ្នកជិតខាងមិនប៉ះពាល់នោះទេ

ភ្នំពេញ ៖ អគ្គិភ័យមួយបានឆាបឆេះរោងកម្មករ និងគ្រឿងអេតចាយ មួយកន្លែងបានបង្កការភ្ញាក់ផ្អើល នៅវេលាម៉ោង ១២និង៣០នាទីរសៀល ថ្ងៃទី២៣ ខែធ្នូ ឆ្នាំ២០២៣ ដែលស្ថិតនៅចំណុចផ្លូវលេខ២១៧ ភូមិរលួស សង្កាត់ជើងឯក ខណ្ឌដង្កោ រាជធានីភ្នំពេញ។

ក្នុងករណីនេះ លោកវរសេនីយ៍ឯក ព្រហ្ម យ៉ន នាយការិយាល័យនគរបាលបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានឲ្យដឹងថា ដោយមានការអនុវត្តតាមបទបញ្ជារបស់ ឯកឧត្តម ឧត្តមសេនីយ៍ទោ ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានណែនាំដល់កម្លាំងជំនាញការិយាល័យនគរបាលបង្ការពន្លត់អគ្គិភ័យ និងសង្គ្រោះ ត្រូវធ្វើការយកចិត្តទុកដាក់ខ្ពស់នៅក្នុងប្រតិបត្តិការជួយសង្គ្រោះប្រជាពលរដ្ឋឲ្យបានទាន់ពេលវេលា។

ដោយទទួលបានបទបញ្ជារបស់ ឯកឧត្តម ឧត្តមសេនីយ៍ទោ ជួន ណារិន្ទ អគ្គស្នងការរងនគរបាល និងជាស្នងការនគរបាលរាជធានីភ្នំពេញ លោកវរសេនីយ៍ឯក ព្រហ្ម យ៉ន នាយការិយាល័យនគរបាលបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានដឹកនាំបញ្ជាផ្ទាល់ដល់កងម្លាំងពន្លត់អគ្គិភ័យដែលប្រចាំការនៅគោលដៅ ដើម្បីចេញទៅជួយអន្តរាគមន៍បាញ់ទឹកពន្លត់ឲ្យទាន់ពេលវេលា កុំឲ្យមានការឆាបឆេះបន្តដល់ផ្ទះប្រជាពលរដ្ឋដែលនៅក្បែរនោះ។ ដោយនៅក្នុងប្រតិបត្តិការខាងលើនេះ កម្លាំងសមត្ថកិច្ចជំនាញ បានប្រើប្រាស់រថយន្តពន្លត់អគ្គិភ័យចំនួន០៥គ្រឿង ក្នុងនោះរួមមាន រថយន្តពន្លត់អគ្គិភ័យរបស់ការិយាល័យរាជធានីភ្នំពេញ ចំនួន០៤គ្រឿង ប្រើប្រាស់ទឹកអស់០២ឡាន ស្មេីរនឹង០៨ម៉ែត្រគូប, រថយន្តជំនួយមកពីក្រុមហ៊ុន ស្រាបៀរកម្ពុជា ចំនួន០១គ្រឿង ប្រេីប្រាស់ទឹកអស់០១ឡាន ស្មេីរនឹង០៦ម៉ែត្រគូប។

លោកវរសេនីយ៍ឯក ព្រហ្ម យ៉ន បានបញ្ជាក់ថា ចំពោះករណីគ្រោះអគ្គិភ័យខាងលើនេះ ជាប្រភេទសំណង់ ដែកប្រក់ស័ង្កសី ទំហំ (៦ម៉ែត្រ គុណ ៨ម៉ែត្រ) បានបណ្តាលឲ្យឆេះរោងកម្មករចំនួន០១រោង រួមទាំងឆេះគ្រឿងអេតចាយអស់មួយចំនួនទៀត និងពុំបានបណ្តាលឲ្យឆេះរាលដាលដល់ផ្ទះអ្នកក្បែរខាងឡេីយ។

លោកវរសេនីយ៍ឯក ព្រហ្ម យ៉ន បានបញ្ជាក់ជូនបន្ថែមទៀតថា ចំពោះករណីខាងលើនេះ កម្លាំងសមត្ថកិច្ចជំនាញបានធ្វើការគ្រប់គ្រង់ទាំងស្រុងនៅវេលាម៉ោង ១និង២០នាទីរសៀលថ្ងៃខែឆ្នាំដដែល។

ដោយក្នុងហេតុការណ៍នេះ មិនបានបណ្តាលឲ្យអ្នកណាម្នាក់រងរបួសនោះឡេីយ រីឯមូលហេតុ បណ្តាលមកពីការឆ្លងចរន្តអគ្គិសនី៕

22/12/2023

បុរសចំណាស់ម្នាក់បើក រថយន្ត FORD បុកគ្រឹះសុីម៉ង់ត៍ តាមផ្លូវជាតិលេខ៣៣ បណ្តាលអោយមនុស្សម្នាក់ស្លាប់នឹងរបួសធ្ងន់ស្រាល៤នាក់

ខេត្តកែប៖ រថយន្តមួយគ្រឿង ដែលជារថយន្តគ្រួសារពលរដ្ឋរស់នៅក្នុងក្រុងព្រះសីហនុ បានជួបគ្រោះថ្នាក់ចរាចរណ៍ នៅខេត្តកែបវេលាម៉ោងជិត៣រសៀលថ្ងៃទី២១ ខែធ្នូ ឆ្នាំ២០២៣ បណ្តាលឲ្យស្ត្រីម្នាក់ស្លា..ប់និងមនុស្សប្រុស ស្រី៤នាក់ទៀតរងរបួ..សធ្ងន់និងស្រាល។
សមត្ថកិច្ចពីខេត្តកែបឲ្យដឹងថា រថយន្តរងគ្រោះបើកជ្រុលទៅបុកគ្រឹះសុីម៉ង់ត៍ តាមផ្លូវជាតិលេខ៣៣ ស្ថិតនៅភូមិរនេស ឃុំពងទឹក ស្រុកដំណាក់ចង្អើរ ខេត្តកែប ពេលបើកបរពីទិសខាងកើតទៅទិសខាងលិច។
របាយការណ៍ពីសមត្ថកិច្ចបញ្ជាក់បន្ថែមថា រថយន្តរ.ងគ្រោះម៉ាក ( FORD ) ពណ៍ស បើកបរដោយឈ្មោះ ឡុង ម៉េង ភេទប្រុស អាយុ ៦១ឆ្នាំ រស់នៅភូមិ៣ សង្កាត់៣ ក្រុងព្រះសីហនុ ខេត្តព្រះសីហនុ (រងរបួសស្រាល) ។ ក្នុងរថយន្តនេះមានអ្នករួមដំណើរចំនួន ៤នាក់ រួមមាន៖
១/ ឈ្មោះ ម៉ៅ ឡា ភេទស្រី អាយុ ៤៣ឆ្នាំ( ស្លា..ប់)
២/ ឈ្មោះម៉ៅ ឡៃ ភេទស្រី អាយុ៦៧ឆ្នាំ(រងរបួ.សធ្ង.ន់)។
៣/ ឈ្មោះ ស្រី បុិច ភេទស្រី(រងរបួ..សស្រាល)។
៤/ ឈ្មោះ ប៉ុក ភេទស្រី អាយុ ៤៣ឆ្នាំ (រងរបួសស្រាល) ។ អ្នកទាំង ៥នាក់ មានទីលំនៅភូមិ៣ សង្កាត់៣ ក្រុងព្រះសីហនុ ។
ករណីនេះសមត្ថកិច្ចចាត់ចែងតាមនិតិវិធីចំណែករថយន្តយកទៅរក្សាទុកបណ្តោះអាសន្ននៅអធិការដ្ឋាននគរបាលស្រុកដំណាក់ចង្អើរ ខេត្តកែប។
សូមចូលរួមរំលែកទុក្ខនិងសោកស្តាយ ជាមួយគ្រួសារជនរ.ងគ្រោះ៕
(រូបភាពពីសមត្ថកិច្ចខេត្តកែប)

21/12/2023

បុរសម្នាក់បើករថយន្តPriusមួយគ្រឿងបោះពួយឡេីងឃឿនពុះទ្រូងផ្លូវបុកបង្គោលភ្លេីងលយរងការខូចខាត…

(កំពង់ស្ពឺ)យោងប្រភពតាមផេកស្នងការដ្ឋាននគរបាលខេត្តកំពង់ស្ពឺបានឲ្យដឹងថា គ្រោះថ្នាក់ចរាចបណ្តារណ៍បង្កឡេីងដោយរថយន្ដមួយគ្រឿង ម៉ាក Prius ស្លាកលេខ ភ្នំពេញ 2BO-2970 ពណ៌ស បេីកបរដោយ នុត សារ៉ាត់ ភេទប្រុស មុខរបរ បុគ្គលិកក្រុមហ៊ុន
បានបេីកបោះពួយយ៉ាងលឿនរួចជ្រុលចង្កូតឡេីងឃឿនពុះទ្រូងផ្លូវនៅចំណុចផ្លូវលេខ… ភូមិទួលគោក សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ ។

ក្នុងករណីចរាចរណ៍ខាងលេីមិនបណ្តាលឱ្យរងរបួសមនុស្ស ប៉ុន្តែបំផ្លាញទ្រព្យសម្បត្តិ រថយន្ត បង្គោលភ្លើងសាធារណ:នៅដងផ្លូវមួយដេីម ឃឿនផ្លូវ ដេីមឈើ ..ល ។

ក្រោយកេីតហេតុសមត្ថកិច្ចនគរបាលបានអន្ដរាគមន៍ និងបានយករថយន្ដខាងលេីមករក្សាទុកនៅការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលខេត្ដកំពង់ស្ពឺ ដេីម្បីបន្ដនីតិវិធី ៕

21/12/2023

ស្រ្តីវ័យ៣០ម្នាក់បានស្លាប់ ខណៈបើកម៉ូតូទាក់ខ្សែភ្លើងធ្លាក់កាត់ទទឹងផ្លូវនៅខណ្ឌសែនសុខ!
(ភ្នំពេញ)៖ នារីម្នាក់បានបើកម៉ូតូតាមផ្លូវមិនប្រយ័ត្នបានជ្រុលទៅទាក់ខ្សែភ្លើង ដែលធ្លាក់កាត់ទទឹងផ្លូវដួលម៉ូតូបោកក្បាលស្លាប់នៅនឹងកន្លែងកើតហេតុ។

ហេតុការណ៍គ្រោះថ្នាក់ចររាណ៍នេះកើតឡងកាលពីម៉ោង ៥នឹង៥០នាទីព្រឹកថ្ងៃទី២១ខែធ្នូ ឆ្នាំ២០២៣ នៅតាមបណ្តោយផ្លូវភ្នំពេញហាណូយ ក្បែរហ្គ្រែនភ្នំពេញក្នុងសង្កាត់ឃ្មួញ ខណ្ឌសែនសុខ រាជធានីភ្នំពេញ។

សមត្ថកិច្ចបានឲ្យដឹងថា សពមានឈ្មោះ រស់ សុខកញ្ញា អាយុ៣០ឆ្នាំ រស់នៅផ្ទះក្នុងសង្កាត់ឃ្មួញ ខណ្ឌសែនសុខ រាជធានីភ្នំពេញ។

ប្រភពព័ត៌មាននៅកន្លែងកើតហេតុបានឲ្យដឹងថា នៅមុនពេលកើតហេតុគេឃើញនារីរងគ្រោះបានបើកម៉ូតូម៉ាក ស្មាស់រីវ៉ូ ពណ៌ខ្មៅពាក់ស្លាកលេខ ភ្នំពេញ 1AK-8487 ជិះម្នាក់ឯងធ្វើដំណើរតាមបណ្តោយផ្លូវភ្នំពេញហាណូយ ក្នុងទិសដៅពីត្បូងទៅជើង ខណៈបើកមកដល់ចំណុចកើតហេតុខាងលើជិតច្រកបត់ចូលហ្គ្រែនភ្នំពេញ ស្រាប់តែមានខ្សែភ្លើងមួយខ្សែបានធ្លាក់មកកាត់ទទឹកផ្លូវ ធ្វើឲ្យនារីរងគ្រោះជិះទាក់បណ្តាលឲ្យដួលបោកក្បាលនៅហ្នឹងផ្លូវស្លាប់ភ្លាមៗ ពេលនោះដែរប្រជាពលរដ្ឋធ្វើដំណើរឆ្លងកាត់ ក៏បានទាក់ទងទៅមន្ត្រីសមត្ថកិច្ចមូលដ្ឋាន ឲ្យចុះមកទីតាំងកើតហេតុភ្លាមៗផងដែរ។

បន្ទាប់ពីកើតហេតុសមត្ថកិច្ចមូលដ្ឋានបានចុះមកដល់ក៏បានទំនាក់ទំនងទៅសមត្ថកិច្ចជំនាញចរាចរណ៍ ឲ្យចុះមកធ្វើកំណត់ហេតុយកម៉ូតូជនរងគ្រោះទៅរក្សាទុក។

ចំណែកសពសមត្ថកិច្ចធ្វើកំណត់ហេតុប្រគល់ឲ្យក្រុមគ្រួសារ យកទៅធ្វើបុណ្យតាមប្រពៃណី៕

20/12/2023

រថយន្ត RANGE ROVER ១គ្រឿង បើកបរសុខៗស្រាប់តែឆាបឆេះ នៅតាមផ្លូវក្នុងបរិវេណបឹងកក់

ភ្នំពេញ ៖ រថយន្តម៉ាក RANGE ROVER ពណ៌ស មួយគ្រឿង បើកបរសុខៗស្រាប់តែមានអណ្ដាតភ្លើងឆាបឆេះឡើង បង្កការភ្ញាក់ផ្អើលនៅវេលាម៉ោង០៤និង៣០នាទីល្ងាចថ្ងៃទី២០ ខែធ្នូ ឆ្នាំ២០២៣ ស្ថិតនៅតាមផ្លូវក្នុងបរិវេណបឹងកក់ សង្កាត់ស្រះចក ខណ្ឌដូនពេញ រាជធានីភ្នំពេញ ។

ក្រោយពីទទួលបានដំណឹងនេះភ្លាម កម្លាំងសមត្ថកិច្ចជំនាញបង្ការពន្លត់អគ្គិភ័យ និងសង្គ្រោះ នៃស្នងការនគរបាលរាជធានីភ្នំពេញ បានចេញរថយន្តពន្លត់អគ្គិភ័យ ទៅជួយអន្តរាគមន៍ផងដែរ ៕

20/12/2023

ព័ត៌មានបឋម៖ មុននេះបន្តិច! មានករណីអគ្គិភ័យឆេះការដ្នាន មួយកន្លែងកើតឡើងនៅចំណុចជិត រដ្ឋសភា ក្នុងខណ្ឌចំការមន

ភ្នំពេញ៖ ហេតុការណ៍អគ្គិភ័យ កើតឡើងនៅព្រឹកថ្ងៃទី២០ ខែធ្នូ ឆ្នាំ២០២៣មានករណី អគ្គិភ័យឆាបឆេះ ក្នុងការដ្ឋានមួយកន្លែង ស្ថិតនៅផ្លូវរដ្ឋសភា សង្កាត់ទន្លេបាសាក់ ខណ្ឌចំការមន រាជធានីភ្នំពេញ។

បច្ចុប្បន្នសមត្ថកិច្ចកំពុងតែធ្វើការបាញ់ទឹកពន្លត់ផងដែរហើយក៏មិនទាន់ដឹងថាឆេះដោយមូលហេតុអ្វីនោះទេ៕

20/12/2023

គ្រោះថ្នាក់ចរាចរណ៍រវាងរថយន្តនិងម៉ូតូបណ្តាលអោយនិស្សិតឆ្នាំទី២ផ្នែកអគ្គិសនីម្នាក់ស្លាប់…

ភ្នំពេញ:(ពត័មានបឋម)ករណីគ្រោះចរាចរណ៍រវាងរថយន្តនិងម៉ូតូបណ្តាលឲ្យនិស្សិតផ្នែកអគ្គិសនីម្នាក់ស្លាប់ នាវេលាម៉ោង៧និង១០នាទីព្រឹក ថ្ងៃទី២០ ខែធ្នូ ឆ្នាំ២០២៣ តាមផ្លូវជាតិលេខ៤ ភូមិគល់ សង្កាត់កន្ទោក ខណ្ឌកំបូល រាជធានីភ្នំពេញ៕

20/12/2023

ស្ត្រីជាមន្ត្រីនរគបាល ពាក់សក្ត័៣ម្នាក់ ត្រូវបានដកបញ្ឈរជើង...... !!

ខេត្តកណ្ដាល ៖ លោកឧត្តសេនីយ៍ទោ ឈឿន សុចិត្រ ស្នងការនគរបាលខេត្តកណ្ដាល បានចេញលិខិតបង្គាប់ការ ផ្អាកការងារបណ្តោះអាសន្នមន្ត្រីនគរបាលស្រុកពញាឮម្នាក់ ដែលទារប្រាក់ពីគ្រួសារជនរងគ្រោះជាថ្នូរ នឹងការតាមចាប់ជនសង្ស័យ ៕

19/12/2023

ឧត្តមសេនីយ៍នាយកសាលានគរបាលជាតិភូមិភាគ៥ ត្រូវសាលាដំបូងរាជធានីភ្នំពេញ សម្រេចឃុំខ្លួនក្រោមបទចោទ «រំលោភលើទំនុកចិត្ត»

ភ្នំពេញ៖ នៅរសៀលថ្ងៃទី១៩ ខែធ្នូ ឆ្នាំ២០២៣នេះ លោក វង្ស សាវ៉ាត ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានចេញដីកាបង្គាប់ឲ្យឃុំខ្លួនលោកឧត្តមសេនីយ៍ទោ ប៉ិ វ៉ាន់ នាយកសាលានគបាលជាតិ (ភូមិភាគ៥) យកទៅដាក់ពន្ធនាគារព្រៃស ដើម្បីរង់ចាំជំនុំជម្រះទោស តាមនីតិវិធី។

ការសម្រេចឃុំខ្លួននេះ គឺធ្វើឡើងបន្ទាប់ពីមានសាលដីកាបង្គាប់ឲ្យចាប់-ឃុំខ្លួន ដែលបង្គាប់ដោយលោក សួស សំអាត ប្រធានក្រុមប្រឹក្សារជំនុំជម្រះនៃសាលាឧទ្ធណ៍ភ្នំពេញ តាមរយ:សាលដីកា សភាព្រហ្មទណ្ឌ លេខ៦៧.ដកឧ|២៣ ចុះថ្ងៃទី២២ ខែមិថុនា ឆ្នាំ២០២៣។

លោកឧត្តមសេនីយ៍ទោ ប៉ិ វ៉ាន់ ត្រូវកម្លាំងនគរបាលចាប់ខ្លួនកាលពីថ្ងៃទី១៧ ខែធ្នូ ឆ្នាំ២០២៣ នៅស្រុកសំឡូត ខេត្តបាត់ដំបង។ ការឃាត់ខ្លួននេះ យោងតាមសាលដីកាបង្គាប់ឲ្យចាប់ខ្លួន-ឃុំខ្លួន របស់ប្រធានក្រុមប្រឹក្សាជំនុំជម្រះ នៃសាលាឧទ្ធរណ៍ភ្នំពេញ ពីបទ «រំលោភលើទំនុកចិត្ត» ហើយបញ្ជូនខ្លួនមកកាន់សាលាដំបូងរាជធានីភ្នំពេញ ដើម្បីបន្តនីតិវិធី ក្រោយប្រព្រឹត្តនៅរាជធានីភ្នំពេញ កាលពីអំឡុងឆ្នាំ២០០៨ ដល់ឆ្នាំ២០១៥ បទល្មើសព្រហ្មទណ្ឌ ដែលមានចែងឲ្យផ្ដន្ទាទោសតាមបញ្ញត្តិមាត្រា៣៩១, ៣៩២ នៃក្រមព្រហ្មទណ្ឌ៕

19/12/2023

កម្លាំងនគរបាល បើកប្រតិបត្តិការចាប់ខ្លួនក្រុមឧក្រិដ្ឋជនជួញដូរគ្រឿងញៀនដ៏ធំ ជាជនជាតិវៀតណាម រួមនិងគ្រឿងញៀនជាច្រើននៅខេត្តព្រៃវែង

ព្រៃវែង៖ ឧក្រិដ្ឋជនជួញដូរគ្រឿងញៀនដ៏ធំមួយក្រុមនៅក្នុងប្រទេសកម្ពុជា រួមនិងគ្រឿងញៀនជាច្រើនប្រភេទ ត្រូវបានកម្លាំងនគរបាលខេត្តព្រៃវែង បង្ក្រាបបាន បញ្ជូនទៅតុលាការ។ ប្រតិបត្តិការបង្ក្រាបនេះ បានធ្វើឡើង ក្រោយពីកម្លាំងនគរបាលចរាចរណ៍ផ្លូវគោក កម្លាំងការិយាល័យប្រឆាំងគ្រឿងញៀន និងកម្លាំងអន្តរាគមន៍ នៃស្នងការដ្ឋាននគរបាលខេត្តព្រៃវែង សហការធ្វើវិធានការរដ្ឋបាលចំហ ក្នុងចំណុចគោលដៅផ្លូវជាតិលេខ១ នៅវេលាម៉ោង ២២៖៣០នាទីថ្ងៃទី១៤ ខែធ្នូ ឆ្នាំ២០២៣ ស្ថិតក្នុងភូមិជម្រុះ ឃុំរំចេក ស្រុកព្រះស្ដេច ខេត្តព្រៃវែង។

ឧក្រិដ្ឋជនជួញដូរគ្រឿងញៀនជាជនជាតិវៀតណាម រួមនិងបក្ខពួក ដែលត្រូវបានឃាត់ខ្លួន រួមមាន៖

*ទី១៖ ឈ្មោះ ហ្វាមថី មិនហុង (PHẠM THỊ MINH HỒNG ) ភេទស្រី អាយុ៣៣ឆ្នាំ ជនជាតិវៀតណាម
*ទី២៖ ឈ្មោះ កៅថី ធីវឹង (CAO THI THUỶ VÂN) ភេទស្រី អាយុ៣៩ឆ្នាំ ជនជាតិវៀតណាម
*ទី៣៖ ឈ្មោះ ហ្វាម កៅអាន់ទឹង (PHAM CAO ANH TUẤN) ភេទប្រុស អាយុ១៩ឆ្នាំ ជនជាតិវៀតណាម។

ជាការកត់សម្គាល់ ជនសង្ស័យឈ្មោះ កៅថី ធីវឹង (CAO THI THUỶ VÂN) គឺមានដីកាបង្កាប់ឱ្យចាប់ខ្លួន និងឃុំខ្លួនតាមសាលក្រមស្ថាពរលេខ ២១០ បគ ចខឃ/២២ ចេញដោយប្រធានក្រុមប្រឹក្សាជំនុំជម្រះ ឌិន ស៊ីវុទ្ធី ដោយអនុវត្តទោស ដាក់ពន្ធនាគារកំណត់មួយជីវិត ស្តីពីបទល្មើស ផលិតដោយខុសច្បាប់នូវសារធាតុញៀន និងរក្សាទុក ដឹកជញ្ជូន ជួញដូរ ប្រើប្រាស់ដោយខុសច្បាប់នូវសារធាតុញៀន។

គួរបញ្ជាក់ថា នៅមុនពេលកើតហេតុ ជនសង្ស័យឈ្មោះ ហ្វាមថី មិនហុង បានហៅតាក់ស៊ី ដើម្បីដឹកខ្លួន និងបក្ខពួក២នាក់ទៀត (ជនជាតិវៀតណាមទាំង៣នាក់) រួមនិងគ្រឿងញៀនមួយចំនួន (ច្រកថង់បិទជិត) នៅចំណុច ផ្ទះរបស់ជនសង្ស័យស្ថិតក្នុងបុរីមួយកន្លែង ស្ថិតក្នុងភូមិខ្ទរ សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ គោលបំណងដឹកចេញពីរាជធានីភ្នំពេញឆ្ពោះទៅក្រុងបាវិត ខេត្តស្វាយរៀង។

លុះធ្វើដំណើរមកដល់ចំណុចគោលដៅត្រួតពិនិត្យ ចំណុចផ្លូវជាតិលេខ១ ស្ថិតក្នុងភូមិជម្រុះ ឃុំរំចេក ស្រុកព្រះស្ដេច ខេត្តព្រៃវែង ដោយមានព័ត៌មានពីភ្នាក់ងារផងនោះ កម្លាំងសមត្ថកិច្ចនគរបាលខេត្តព្រៃវែង សុំកិច្ចសហការ ពីម្ចាស់រថយន្ត ដើម្បីធ្វើការត្រួតពិនិត្យ ក៏ប្រទះឃើញម្សៅពណ៌សចំនួន២ដុំ សង្ស័យជាសារធាតុញៀន និងម្សៅពណ៌កាហ្វេចំនួន ១ដុំធំ សង្ស័យជាសារធាតុញៀន រួមទាំងសម្ភារវេចខ្ចប់ជាច្រើនទៀត។

បន្ទាប់ពីត្រួតពិនិត្យ និងសួរនាំបឋម ជនសង្ស័យឈ្មោះ ហ្វាមថី មិនហុង បានសារភាពថា វត្ថុតាង និងសម្ភារខាងលើគឺជារបស់ខ្លួន។ ភា្លមៗកម្លាំងអន្តរាគមន៍ នៃស្នងការដ្ឋាននគរបាលខេត្តព្រៃវែង ក៏បាននាំខ្លួនជនសង្ស័យទាំង ៣នាក់រួម និងវត្ថុតាង មកកាន់ស្នងការដ្ឋាននគរបាលខេត្តព្រៃវែង ដើម្បីធ្វើការសួរនាំបន្ថែមតាមនីតិវិធី។

ក្រោយសួរនាំ កម្លាំងនគរបាលខេត្តព្រៃវែង បាននាំខ្លួនជនសង្ស័យឈ្មោះ ហ្វាមថី មិនហុង ទៅចង្អុលបង្ហាញទីតាំងផ្ទះរបស់ខ្លួន ស្ថិតនៅរាជធានីភ្នំពេញ ដើម្បីបន្តនីតិវិធីឆែកឆេររកឃើញគ្រឿងញៀនជាច្រើនប្រភេទបន្ថែមទៀត។

សូមជម្រាបថា ក្នុងប្រតិបត្តិការនេះ កម្លាំងនគរបាលខេត្តព្រៃវែង ចាប់បានគ្រឿងញៀនជាច្រើនប្រភេទរួមមាន៖ ១. ម្សៅពណ៌សទម្ងន់ ៧០៤,៤៣ ក្រាម (ហេរ៉ូអ៊ីន), ២. ម្សៅពណ៌ត្នោត ៩៩៣,៨៣ ក្រាម (M**A), ៣. ម្សៅម៉ត់ ១១៣,៥៥ ក្រាម (M**A), ៤. ម្សៅពណ៌ស ១,៩៩ ក្រាម (មេតំហ្វេតាមីន), ៥. ម្សៅពណ៌សម៉ត់ ១៧៧,៥១ ក្រាម (កេតាមីន), ៦. រុក្ខជាតិក្រៀម ២.៥១២ ក្រាម, ៧. ម្សៅចំរុះ ១២.២៨៨ ក្រាម (មិនទាន់ច្បាស់លាស់) រួមនិងសម្ភារៈមួយចំនួនធំទៀត។ សរុបម្សៅ និងរុក្ខជាតិដែលសង្ស័យជាសារធាតុញៀនគឺមានប្រមាណជិត ១៧ គីឡូក្រាម។

បច្ចុប្បន្ន ជនសង្ស័យរួមនិងវត្ថុតាង ត្រូវបាននគរបាលខេត្តព្រៃវែង កសាងសំណុំរឿង និងបញ្ជូនទៅសាលាដំបូងខេត្តព្រៃវែង ចាត់ការតាមនីតិវិធីច្បាប់៕

18/12/2023

ឡាយផ្ទាល់ ករណីពលរដ្ឋជាង១០០គ្រួសារ ប្ដឹង នៅខេត្តមណ្ឌលគិរី ជាង៤ខែហើយ មិនទាន់មាន ដំណោះស្រាយ!

16/12/2023

រថភ្លើង២ខ្សែបុកគ្នានៅ ចំណុចស្ថានីយ៍រថភ្លើង ដំណាក់ចង្អើរ ក្រឡាប់ធ្លាក់ចេញពីផ្លូវ

ខេត្តកែប ៖ (ពត៌មានបឋម) សមត្ថកិច្ចខេត្តកែបឲ្យដឹងថា នៅវេលាម៉ោងជាង ៥ព្រឹកថ្ងៃទី១៦ ខែធ្នូ ឆ្នាំ ២០២៣ មានហេតុការណ៍រថភ្លើង២ខ្សែបុកគ្នានៅ ចំណុចស្ថានីយ៍រថភ្លើង ដំណាក់ចង្អើរ សង្កាត់ព្រៃធំ ក្រុងកែប ខេត្តកែប បណ្ដាលឲ្យក្បាលរថភ្លើងមួយគ្រឿង និងទូកុងតឺនរ័ដឹកសម្ភារៈមួយចំនួនឡាប់ធ្លាក់ចេញពីផ្លូវ ប៉ុន្តែមិនមានមនុស្សរងគ្រោះថ្នាក់ទេ៕

15/12/2023

កម្លាំងអន្តរាគមន៍ពិសេស ចាប់ខ្លួនបុរស៥នាក់ ក្រោយឆែកឆេររកឃើញវត្ថុតាងបទល្មើស

ភ្នំពេញ ៖ បើតាមសេចក្តីរាយការណ៍បានឱ្យដឹងថា ជនសង្ស័យចំនួន៥នាក់ ត្រូវបានកម្លាំងអន្តរាគមន៍ពិសេស នៃអធិការដ្ឋានខណ្ឌមានជ័យ ធ្វើការឃាត់ខ្លួនប្រគល់ឱ្យប៉ុស្តិ៍នគរបាលស្ទឹងមានជ័យទី១ ធ្វើការសាកសួរ បន្ទាប់ពីឆែកឆេររកឃើញនូវឧបករណ៍សម្រាប់កាច់.កម៉ូតូ និងឆ្កឹះសោមួយឈុត បង្កឱ្យមានការភ្ញាក់ផ្អើលកាលពីវេលាម៉ោង១១និង៣០នាទីយប់ ថ្ងៃទី១៤ ខែធ្នូ ឆ្នាំ២០២៣ នៅម្តុំផ្លូវបេតុងមាត់ប្រឡាយទឹកស្អុយ ចំណុចជិតស្ពានអាកាសស្ទឹងមានជ័យ ស្ថិតក្នុងសង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ ។

សេចក្តីរាយការណ៍បន្តថា ជនសង្ស័យទាំង៥នាក់ខាងលើនេះ សមត្ថកិច្ចមិនទាន់ឱ្យស្គាល់អត្តសញ្ញាណនៅឡើយទេ គ្រាន់តែដឹងថា ដកហូតវត្ថុតាងរួមមាន ៖ ឧបករណ៍សម្រាប់កាច់.កម៉ូតូនិងឆ្កឹះសោមួយឈុត ព្រមទាំងម៉ូតូកង់បីឥណ្ឌា ពណ៌ស ពាក់ស្លាកលេខ ភ្នំពេញ 1IE 2219 មួយគ្រឿងផងដែរ។

បើតាមសមត្ថកិច្ច បានប្រាប់ឱ្យដឹងថា មុនពេលកើតហេតុ កម្លាំងសមត្ថកិច្ចអន្តរាគមន៍ពិសេសនៃអធិការដ្ឋានខណ្ឌមានជ័យ បានជិះធ្វើការល្បាតពួនស្ទាក់ ដើម្បីទប់ស្កាត់បទល្មើសផ្សេងៗនិងការពារសុវត្ថិភាពជូនប្រជាពលរដ្ឋ។

សមត្ថកិច្ចបន្តថា ខណៈពេលមកដល់ចំណុចខាងលើ ក៏ប្រទះឃើញបុរសជាជនសង្ស័យមួយក្រុម កំពុងតែជិះកង់បីឥណ្ឌាជាមួយគ្នា ហើយណាមួយដោយមានការសង្ស័យផងដែរ កម្លាំងសមត្ថកិច្ចក៏ធ្វើការឃាត់ និងសុំធ្វើការឆែកឆេរ ដើម្បីត្រួតពិនិត្យ ស្រាប់តែប្រទះឃើញនូវឧបករណ៍សម្រាប់កាច់.កម៉ូតូ និងឆ្កឹះសោមួយឈុតនៅក្នុងកាបូបស្ពាយរបស់ជនសង្ស័យទាំងនោះ។

សមត្ថកិច្ចបន្តទៀតថា បន្ទាប់មកសមត្ថកិច្ចក៏សម្រេចធ្វើការឃាត់ខ្លួន និងដកហូតយកវត្ថុតាងទាំងអស់ ប្រគល់ឱ្យផ្នែកជំនាញប៉ុស្តិ៍នគរបាលរដ្ឋបាលស្ទឹងមានជ័យទី១ ដើម្បីធ្វើការសាកសួរនិងចាត់ការតាមនីតិវិធីនៃច្បាប់ផងដែរ ៕

Address

Phnom Penh

Telephone

+85593767626

Website

https://dnd.news/

Alerts

Be the first to know and let us send you an email when DND News posts news and promotions. Your email address will not be used for any other purpose, and you can unsubscribe at any time.

Videos

ថ្មីទៀតហើយទំពាំងស្អុយ!

Update៖ ជាងហាច ត្រូវបានដោះលែងវិញហើយ នៅរសៀលទី០៤.១២.២០២៣!

ប្រពន្ធជាងហាចជាងហួយនិយាយពីរឿងដើមហេតុមុនកើតរឿង! ត្រូវគេវា.យនិងចា.ប់ច.ង ធ្វើទារុ.ណកម្ម នៅយប់ទី០៣.១២.២០២៣!

រដ្ឋមន្ត្រីក្រសួងព័ត៌មាន អញ្ជើញជាអធិបតី ពិធីសំណេះសំណាលជាមួយសមាគមអ្នកសារព័ត៌មាននៅកម្ពុជា —- —-

សម្តេចតេជោ ហ៊ុន សែន ប្រកាសជួយទំនុកបម្រុងសិស្សនិទ្ទេស A ក្រខ្សត់ម្នាក់ឈ្មោះ អន ផានិត និងក្រុមគ្រួសារ ដែលឪពុកម្តាយមានពិការភាព ហើយជួបការលំបាក ដែលរស់នៅភូមិ ស្រុកអង្គរជ័យ ខេត្តកំពត❤️❤️អរគុណសន្តិភាព❤️❤️

ករណីឃាតកម្ម នៅស្រុកខ្សាច់កណ្ដាលមិនទាន់ចាប់ជនល្មើសបាន!

ក្រុងប៉ោយប៉ែត បង្កឲ្យមានការភ្ញាក់ផ្អើលទាំងព្រឹកព្រលឹម មានករណី បុរសម្នាក់ អាយុប្រហែល២៨ ឆ្នាំ បានសម្រេចចិត្ត ធ្វើអត្តឃាត ចង ក សម្លាប់ខ្លួន មិនទាន់ដឹងពីមូលហេតុ នៅព្រឹកថ្ងៃអង្គារ ទី ២៨ ខែវិច្ឆិកា ឆ្នាំ២០២៣នេះចំណុចកើតហេតុស្ថិតនៅក្នុងភូមិបាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។ព័ត៌មានបឋម

នាយប្រិមប្រិយ រៀបរាប់រឿងរ៉ាជាមួយមេប៉ុស្តិ៍ ស្រែចារ ស្រុកស្នួលនិងរឿងអធិការស្រុកំពង់រោទិ៍ ខេត្តស្វាយរៀង ទារលុយ១០ម៉ឺនរៀល ពេលសម្តែងនៅវត្តរោទិ៍!

មេប៉ុស្តិ៍មកបិទល្ខោននាយព្រឹកព្រៃកំពុងតែសម្ដែង

សេចក្ដីបំភ្លឺជូនជាសាធារណៈ៖លោក ហោ គីមហេងមានទីលំនៅភូមិស្វាយរលំ2សង្តាត់ស្វាយរលំ ក្រុងតាខ្មៅ ខេត្តកណ្តាល។ បានប្រាប់មកអង្គភាពសារព័ត៌មានយើងថា៖ ជារឿងភាន់ច្រលំគ្នា រវាងលោកសុខ សុខា ព្រោះរូបលោកសុខ សុខា មិនមែនជាជនជាតិវៀតណាមនោះទេ ហើយបានសម្រប សម្រួលបញ្ចប់រឿងនៅមុខតុលាការរួចហើយ ដោយភាគីទាំងពីរបានសុំរាប់អានគ្នាឡើងវិញ!

ពលរដ្ឋមួយគ្រួសាររងភាពអយុត្តិធម៌ ពីជនជាតិវៀតណាមដែលមានលុយមានអំណាចមករស់នៅទឹកដីខ្មែរក្នុងក្រុងតាខ្មៅ ខេត្តកណ្តាល បានស្នើសុំទៅដល់ឯកឧត្ដម គង់ សោភ័ណ្ឌ អភិបាលនៃគណៈអភិបាលខេត្តកណ្តាលនិងឯឧត្តមព្រះរាជអាជ្ញា នៃអយ្យការអមសាលាដំបូងខេត្តកណ្តាល មេត្តាជួយរកយុត្តិធម៌ដល់ក្រុមគ្រួសាពួកគាត់ផងទាន! ប្រភព៖ម្ចាស់ទន្លេមេគង្គ

សេចក្ដីជូនដំណឹង៖ សូមឱ្យលោកសេង វណ្ណា ចូលខ្លួនមកដោះស្រាយ រឿងលុយ និងកិច្ចសន្យាថាឱ្យដី ទៅលោកឃឹម ឃិន ជាជនរងគ្រោះ តាមកិច្ចព្រមព្រៀងចុះនៅថ្ងៃទី០៩,០៦,២០២៣ ។ សូមស្តាប់វីដេអូ លោកឃឹម ឃិន ជាជនរងគ្រោះដូចតទៅ!

ម្ដាយឧកញ៉ា ឈាង រ័ត្ន ស្នេីសុំសម្ដេចតេជោ សម្ដេចគតិព្រឹទ្ធបណ្ឌិត និង សម្ដេចធិបតី ហ៊ុន ម៉ាណែត មេត្តាជួយរកយុត្តិធម៌ អោយកូនប្រុសគាត់ដោយក្ដីអនុគ្រោះ🙏

ភូមិសន្លុង ឃុំសន្លុង ស្រុកខ្សាច់កណ្តាល ខេត្តកណ្តាល កន្លែងកើតហេតុ ៣ករណីនៅក្នុងពេល៣ថ្ងៃជាប់គ្នាទីតាំងជិ តៗគ្នាមិនដល់១០០mពីគ្នា ១.ករណីចូលបន្លំយកលុយ ពេលរសៀល ២.ករណីលួចម៉ូតូសន្ដោងរម៉ក ពេលយប់ ៣.ករណីឆក់ខ្សែក ពេលព្រឹក សូមបងប្អូននៅក្នុងភូមិទាំងអស់គ្នា និងខ្ញុំបាទផងដែរ បង្កើនការប្រុងប្រយ័ត្នបន្ថែមទៀត ដើម្បីសុវត្ថិភាពរៀងៗខ្លួន។ ...សូមអរគុណ ប្រភពពីfb

ផ្អើលទាំងព្រឹករវាងម្ចាស់ការ៉ាស់សាំងនិងអ្នករត់រម៉ក!

កាលពីម្សិលនៅវត្តវិហារសួគ៌មានការប្រណាំងក្របី ស្រាប់ក្របីដែលត្រូវរៀបចំប្រណាំង ក៏ផ្អើលរត់ជាន់ម្ចាស់បណ្តាលឱ្យរងរបួសធ្ងន់!

សូមពុកម៉ែបងប្អូនមានការប្រុងប្រយ័ត្ន ករណីស្ត្រីជាជនសង្ស័យមានគ្នាប្រហែលពីរនាក់បានធ្វើសកម្មភាពលួចយកកាបូប ពុទ្ធបរិស័ទដែលអញ្ជើញមកវត្ត..ខណះពុទ្ធបរិស័ទកំពុងប្រជ្រៀតគ្នាអុចធូប។ ហេតុការណ៍នេះកើតហេតុនៅចំណុចវត្តសន្សំកុសល ស្ថិតនៅក្នុងសង្កាត់បឹងទំពុន ខណ្ឌមានជ័យ រាជធានីភ្នំពេញ ។ សូមទស្សនាវីដេអូកាមេរ៉ាខាងក្រោម។