រដ្ឋបាលឃុំទន្លេបិទ

16/05/2024

15/05/2024

ផលប្រយោជន៍ស្របច្បាប់សំខាន់ៗ នៃការចុះសំបុត្រអាពាហ៍ពិពាហ៍របស់ប្ដីប្រពន្ធ៖

១-ជាឯកសារបញ្ជាក់ថាបុរស " ក " ជាប្តីរបស់នារី " ខ " បើមានអំពើផិតកើតឡើង គឺអាចប្តឹងដោយស្របច្បាប់ ហើយតុលាការអាចទទួលយកបណ្តឹងយ៉ាងពេញច្បាប់។

២-បើបុរស " ក " ជាប្តីបានស្លាប់ នារី " ខ " ដែលមានសំបុត្រអាពាហ៍ពិពាហ៍បញ្ជាក់ថាខ្លួនជាប្រពន្ធស្របច្បាប់របស់បុរស " ក " នឹងទទួលបានឋានៈជាអ្នកស្នងទ្រព្យរបស់បុរស " ក " នោះ ដែលភាសាច្បាប់ហៅថា សន្តតិជនជានិច្ច ។

៣-កូនដែលកើតចេញពីឪពុកម្តាយដែលមានសំបុត្រអាពាហ៍ពិពាហ៍ គឺឪពុកម្តាយនោះមានសិទ្ធិគ្រប់គ្រងកូនដោយសហការពេញលេញ ដែលភាសាច្បាប់ហៅថា អំណាចមេបា។

៤-ការចុះបញ្ជីទ្រព្យសម្បត្តិដែលមាននៅក្នុងចំណងអាពាហ៍ពិពាហ៍ គឺមានភាពច្បាស់លាស់ ដោយតម្រូវឱ្យទ្រព្យទាំងនេះ ជាពិសេស ដីធ្លី គឺចុះឈ្មោះប្តីប្រពន្ធទាំងពីរនៅក្នុងប័ណ្ណកម្មសិទ្ធិ ជាអាទិ៍ ដែលភាសាច្បាប់ហៅថា ទ្រព្យរួម ។

៥-មានករណីយកិច្ច និងសិទ្ធិស្របច្បាប់ក្នុងការទាមទារឱ្យមើលថែរក្សា ទំនុកបម្រុង និងចិញ្ចឹមគ្នាទៅវិញទៅមក។

15/05/2024

នីតិវិធីនៃការចុះសំបុត្រអាពាហ៍ពិពាហ៍

ប្រជាពលរដ្ឋទាំងអស់ទៅចុះសំបុត្រអាពាហ៍ពិពាហ៍ ដើម្បីឲ្យចំណង អាពាហ៍ពិពាហ៍មានសុពលភាពត្រឹមត្រូវទៅតាមផ្លូវច្បាប់។
ការរៀបអាពាហ៍ពិពាហ៍ភាគច្រើននៅកម្ពុជា ជាពិសេសនៅតាម ជនបទ បានធ្វើទៅដោយគ្រាន់តែមានរៀបចំពិធីតាមទំនៀមទម្លាប់ ប្រពៃណីតែប៉ុណ្ណោះ ប៉ុន្តែមិនបានទៅចុះសំបុត្រអាពាហ៍ពិពាហ៍ ត្រឹមត្រូវតាមផ្លូវច្បាប់នោះទេ។

ចំណងអាពាហ៍ពិពាហ៍ ដែលមានត្រឹមតែពិធីរៀបការតាមប្រពៃណី ដោយគ្មានការចុះសំបុត្រអាពាហ៍ពិពាហ៍បែបនេះ មិនមានសុពលភាព តាមផ្លូវច្បាប់នោះទេ មានន័យថា បើទោះជាគូស្វាមីភរិយានេះ រស់នៅ ជាមួយគ្នា ដោយមានការទទួលស្គាល់ពីសង្គមថា ជាប្តី-ប្រពន្ធរៀបការ ពេញមុខពេញមាត់ហើយក៏ដោយ ក៏ប៉ុន្តែតាមផ្លូវច្បាប់ អ្នកទាំងពីររស់ នៅដោយគ្មានចំណងអាពាហ៍ពិពាហ៍នោះទេ។

ចំណង អាពាហ៍ពិពាហ៍បែបនេះ អាចនឹងបង្កជាបញ្ហាស្មុគស្មាញ ជាពិសេស នៅពេលមានការលែងលះ ឬនៅពេលដែលភាគីណាមួយ ទៅលបលួចមានប្តី ឬប្រពន្ធផ្សេង។ ហេតុដូច្នេះ បានអំពាវនាវឲ្យគូស្វាមី ភរិយា ត្រូវនាំគ្នាទៅចុះសំបុត្រអាពាហ៍ពិពាហ៍ឲ្យបានត្រឹមត្រូវតាម ផ្លូវច្បាប់។

ការចុះសំបុត្រអាពាហ៍ពិពាហ៍ត្រូវធ្វើឡើង ដោយគោរពទៅតាមនីតិវិធី
នីតិវិធីនៃការចុះសំបុត្រអាពាហ៍ពិពាហ៍ គឺមានជាលំដាប់លំដោយ ដូចតទៅ៖
អនាគត កូនកម្លោះ ត្រូវដាក់ពាក្យសុំទៅឃុំ-សង្កាត់ ដែលខ្លួនរស់នៅ ដើម្បីឲ្យមេឃុំ-ចៅសង្កាត់ ចេញសេចក្តីបញ្ជាក់ថា ខ្លួនពិតជាមិនមានជាប់ ចំណងអាពាហ៍ពិពាហ៍ចាស់ណាមួយមែន (នៅលីវ ឬពោះម៉ាយ)។ ប្រសិនបើជាពោះម៉ាយដោយការលែងលះ ត្រូវមានដីកាតុលាការ អំពីការលែងលះ។ ប្រសិនបើជាពោះម៉ាយ ដោយប្រពន្ធស្លាប់ ត្រូវមាន លិខិតមរណភាពរបស់សពប្រពន្ធ។

ក្រោយពីបានលិខិតបញ្ជាក់ ពីមេឃុំ-ចៅសង្កាត់រួចហើយ ភាគីខាងប្រុស ត្រូវយកលិខិតនេះ ព្រមទាំងសំណុំបែបបទមួយទៀត បំពេញដោយភាគី ខាងស្រី ដាក់ជូនទៅសាលាឃុំ-សង្កាត់ខាងស្រី។ មន្រ្តីអត្រានុកូលដ្ឋាន នៅឃុំ-សង្កាត់ខាងស្រី ជាអ្នកចេញសេចក្តីប្រកាសជូនដំណឹងអាពាហ៍ ពិពាហ៍ ដើម្បីយកទៅបិទ នៅផ្ទះខាងស្រី ហើយសេចក្តីចម្លងមួយទៀត យកទៅបិទនៅផ្ទះខាងប្រុស។

ក្នុងរយៈពេល ១០ថ្ងៃ ប្រសិនបើមិនមានការតវ៉ាជំទាស់ណាមួយទេ ការ ធ្វើពិធីអាពាហ៍ពិពាហ៍តាមទំនៀមទម្លាប់ប្រពៃណីអាចរៀបចំធ្វើទៅបាន។

ក្រោយ ពិធីអាពាហ៍ពិពាហ៍នេះ (យ៉ាងយូរ ១ខែ) គូស្វាមី ភរិយាថ្មីថ្មោង នេះ ត្រូវត្រឡប់ទៅសាលាឃុំ-សង្កាត់ ខាងស្រីវិញ ដើម្បីផ្តិតមេដៃក្នុង សៀវភៅអត្រានុកូលដ្ឋាន ហើយមេឃុំ-ចៅសង្កាត់ ចេញសំបុត្រអាពាហ៍ ពិពាហ៍ជាផ្លូវការជូន។

គួរបញ្ជាក់ថា នៅក្នុងការចុះសំបុត្រអាពាហ៍ពិពាហ៍នេះ ភាគីទាំងពីរត្រូវ មានសាក្សី យ៉ាងតិច ២រូប (ម្នាក់សម្រាប់ខាងស្រី និងម្នាក់សម្រាប់ខាង ប្រុស)។ សាក្សីនេះ អាចជាឱពុកម្តាយក៏បាន ជាសាច់ញាតិ ឬមិត្តភក្តិណា មួយក៏បាន (មានវ័យគ្រប់ការ)។

ចំពោះគូស្វាមី ភរិយា ដែលបានរៀបការកន្លងមក ដោយមិនបានចុះ សំបុត្រអាពាហ៍ពិពាហ៍ (ជាពិសេស អ្នករៀបការក្នុងរបបខ្មែរក្រហម) អាចទៅសុំលិខិតបញ្ជាក់អាពាហ៍ពិពាហ៍ ពីសាលាឃុំ-សង្កាត់ ដែល ខ្លួនរស់នៅ។ ការដាក់ពាក្យសុំនេះ មិនទាមទារឲ្យមាននីតិវិធីប្រកាស ផ្សាយជាសាធារណៈ ដូចការរៀបការថ្មីទេ ប៉ុន្តែ ត្រូវមានសាក្សី យ៉ាងតិច ២រូប ដែរ។

15/05/2024

យល់ដឹងផ្នែកច្បាប់៖ នីតិវិធីក្នុងការលែងលះ

នីតិវិធីក្នុងការលែងលះសម្រាប់ចំណងអាពាហ៍ពិពាហ៍ស្របច្បាប់ មាន០២ ប្រភេទគឺ (០១)ការលែងលះដោយមានការព្រមព្រៀង និង(០២) ការលែងលះដែលមានមូលហេតុ ដូចមានចែងនៅក្នុងក្រមរដ្ឋប្បវេណី នេះបើយោងតាមមាត្រា៩៧៨ និង៩៧៩ នៃក្រមរដ្ឋប្បវេណី ឆ្នាំ២០០៧ នៃព្រះរាជាណាចក្រកម្ពុជា។

(០១) ការលែងលះដោយមានការព្រមព្រៀង មានន័យថាភាគី(ប្តី និងប្រពន្ធ)នៃអាពាហ៍ពិពាហ៍ បានឯកភាពគ្នាដោយស្ម័គ្រចិត្តរំលាយចំណងអាពាហ៍ពិពាហ៍ ហើយភាគី ត្រូវដាក់ពាក្យសុំលែងលះ ដោយភ្ជាប់ជាមួយកិច្ចព្រមព្រៀងលែងលះដោយស្ម័គ្រចិត្ត ទៅសាលាដំបូងរាជធានី/ខេត្ត បើតុលាការរកឃើញថាភាគីទាំងពីរមានឆន្ទៈព្រមព្រៀងពិតប្រាកដ ក្នុងការរំលាយចំណងអាពាហ៍ពិពាហ៍ នោះតុលាការនឹងសម្រេចឲ្យភាគីលែងលះគ្នាតាមរយៈអំណាច “ដីកាសម្រេច” (យោងតាមមាត្រា០៣ កថាខណ្ឌ២ នៃច្បាប់ស្តីពីនីតិវិធីនៃរឿងក្តីរដ្ឋប្បវេណីដែលមិនមែនជាបណ្តឹង) ។

(០២) ការលែងលះដែលមានមូលហេតុដូចមានចែងនៅក្នុងក្រមរដ្ឋប្បវេណី គឺជាការលែងលះដោយមិនមានការព្រមព្រៀង មានន័យថាភាគីម្ខាង(ប្តី/ប្រពន្ធ)នៃអាពាហ៍ពិពាហ៍ មិនមានឆន្ទៈក្នុងការលែងលះ តែភាគីម្ខាងទៀតមិនអាចរួមរស់ជាមួយគ្នាទៀតបាន ដោយយោងទៅលើមូលហេតុនៃការលែងលះ ដែលមានបញ្ញត្តិនៅក្នុងក្រមរដ្ឋប្បវេណី (មាត្រា៩៧៨ កថាខណ្ឌ១) ដូចខាងក្រោម៖
* មានអំពើផិតក្បត់ ទៅលើសហព័ទ្ធ
* បោះបង់សហព័ទ្ធចោល ដោយគ្មានមូលហេតុត្រឹមត្រូវ
* មិនដឹងច្បាស់ថា សហព័ទ្ធស្លាប់ ឬរស់អស់រយៈពេលជាង១ឆ្នាំ
* សហព័ទ្ធបានរស់នៅបែកគ្នាជាបន្តបន្ទាប់ អស់រយៈពេលជាង ០១ឆ្នាំ ដែលផ្ទុយនឹងគោលបំណងអាពាហ៍ពិពាហ៍
* ករណីផ្សេងទៀតដែលនាំឲ្យទំនាក់ទំនងត្រូវបានបែកបាក់ ហើយគ្មានសង្ឃឹមថានឹងអាចបដិទានឡើងវិញបាន ។

ដូច្នេះភាគីម្ខាង(ប្តី/ប្រពន្ធ)នៃអាពាហ៍ពិពាហ៍ អាចដាក់ពាក្យបណ្តឹងទាមទារលែងលះគ្នា ទៅសាលាដំបូងរាជធានី/ខេត្ត ហើយបើតុលាការរកឃើញថាមានមូលហេតុ និងភស្តុតាងបញ្ជាក់យ៉ាងច្បាស់លាស់ថាភាគីទាំងពីរពិតជាមិនអាចរួមរស់នៅជាមួយគ្នាជាប្តី/ប្រពន្ធទៀតបាន នោះតុលាការត្រូវសម្រេចឲ្យភាគីលែងលះគ្នាតាមរយៈអំណាច «សាលក្រម» នេះបើយោងតាមច្បាប់ស្តីពីនីតិវិធីបណ្តឹងទាក់ទងនឹងឋានៈបុគ្គល។

បើទោះបីជាពាក្យបណ្តឹងទាមទារការលែងលះរបស់ភាគី មានមូលហេតុដូចមានរៀបរាប់ខាងលើក៏ដោយ ប៉ុន្តែប្រសិន បើតុលាការយល់ឃើញថាការលែងលះនោះ បណ្តាលឲ្យការ ទ្រទ្រង់ជីវភាពរបស់ប្តី/ប្រពន្ធ ឬកូន ក្រលំបាក ឬឈឺចាប់ដែលពុំអាចទ្រាំទ្របាន ឬដោយសារតែការទាមទារនោះផ្ទុយនឹងភាពសុចរិតនោះ តុលាការអាចច្រានចោល ការទាមទារលែងលះគ្នានោះបាន ដោយពិចារណាលើស្ថានភាពជាក់ស្តែង ឬដោយឆន្ទានុសិទ្ធិ។

ជាចុងក្រោយការលែងលះ ឬការរំលាយចំណងអាពាហ៍ពិពាហ៍ស្របច្បាប់ ដែលប្តី/ប្រពន្ធបានចុះសំបុត្រអាពាហ៍ពិពាហ៍ ត្រូវតែធ្វើឡើងតាមផ្លូវតុលាការ ។ ភាគី(ប្តី/ប្រពន្ធ)មិនអាចបង្កើតកិច្ចព្រមព្រៀងលែងលះក្រៅប្រព័ន្ធតុលាការ ឬគ្រាន់តែដាក់លិខិតជូនដំណឹងទៅសាលាឃុំ/សង្កាត់បានទេ។ ប្រសិនបើមិនបានឆ្លងកាត់ការសម្រេចសេចក្តីតាមរយៈសេចក្តីសម្រេចរបស់តុលាការនោះទេ ចំណងអាពាហ៍ពិពាហ៍របស់ពួកគេត្រូវទុកជាបានការដដែល។
ផ្ទុយមកវិញបើសិនជាចំណងអាពាហ៍ពិពាហ៍ដែលបុរស-នារី បានរួមរស់នៅជាមួយគ្នាដោយគ្រាន់តែរៀបអាពាហ៍ពិពាហ៍ (រៀបការ) តាមបែបប្រពៃណីទំនៀមទម្លាប់ ឬពិធីតាមបែបសាសនា ដោយមិនបានចុះសំបុត្រអាពាហ៍ពិពាហ៍ (អនីតិសង្វាស) ពួកគេពុំចាំបាច់ឆ្លងកាត់ការលែងលះ ឬការរំលាយចំណងអាពាហ៍ពិពាហ៍ តាមរយៈប្រព័ន្ធតុលាការឡើយ ពោលគឺបុរស-នារីរូបនោះ គ្រាន់តែរស់នៅបែកគ្នាជាការស្រេច ប៉ុន្តែក្នុងករណីពួកគេមានកូនៗ ឬទ្រព្យសម្បត្តិ ដែលត្រូវធ្វើការបែងចែកអំណាចមេបា និងការផ្តល់អាហាកាតព្វកិច្ច ឬការបែងចែកទ្រព្យដោយឡែក/ទ្រព្យរួម ពួកគេអាចដាក់ពាក្យសុំ ឬពាក្យបណ្តឹងទៅតុលាការដើម្បីសម្រេចសេចក្តីជូនពួកគេបាន (ពាក្យបណ្តឹងដែលមានកម្មវត្ថុស្នើសុំសិទ្ធិអំណាចមេបាលើកូន ឬ/និង បែងចែកទ្រព្យ)៕

រៀបរៀងដោយ៖ កញ្ញា សាវី លីដា សមាជិកក្រុមការងាររៀបចំ និងផ្សព្វផ្សាយអត្ថបទច្បាប់ និងលោក សុខ ពន្លឺ ជំនួយការមេធាវី និងជាសមាជិកក្រុមការងាររៀបចំ និងផ្សព្វផ្សាយអត្ថបទច្បាប់ នៃក្រុមមេធាវីកម្ពុជាសហប្រតិបត្តិការអន្តរជាតិ
Source: http://m.freshnewsasia.com/index.php/en/localnews/97443-2018-09-02-03-33-22.html

10/05/2024

ក្រុមប្រឹក្សាឃុំ​ មេភូមិ​ ជំនួយការឃុំ​ យុវជនទាំងអស់នៃរដ្ឋបាលឃុំទន្លេបិទ​ គាំទ្រយ៉ាងផុសផុលចំពោះគម្រោងព្រែកជីកហ្វូណនតេជោដែលមានសារប្រយោជន៍យ៉ាងសំខាន់សម្រាប់អនាគតនៃប្រជាជនកម្ពុជា❤️
#ព្រែកជីកហ្វូណនតេជោ #កំលាំងសាមគ្គី

01/05/2024

30/04/2024

សូមប្រជាពលរដ្ឋ​ប្រុងប្រយ័ត្នការកើនឡើងនៃរលកកម្ដៅ៤០°C ដែល​ជាកម្រិត​ហានិភ័យ។

29/04/2024

#រដ្ឋបាលឃុំទន្លេបិទ ញត្តិគាំទ្រ​ ការអនុវត្តគម្រោងព្រែកជីកហ្វូណនតេជោ​ ដែលជាព្រែកជីកប្រវត្តិសាស្រ្តទី១​ ដែលជាគំនិតផ្ដួចផ្ដេីមរបស់សម្ដេចអគ្គមហាសេនាបតីតេជោ​ ហ៊ុន​ សែន​ អតីតនាយករដ្ឋមន្រ្តី​ និងជាប្រធានព្រឹទ្ធសភា​ នៃព្រះរាជាណាចក្រកម្ពុជា

27/04/2024

ចា៎នាងខ្ញុំសូមជម្រាបសួរលោកតាលោកយាយ ពុកម៉ែបងប្អូនជាទីគោរព ក្នុងនាមនាងខ្ញុំ ជាយុវជនខ្មែរមួយរូប និងជាប្រជាពលរដ្ឋខ្មែរមួយរូប​ នាងខ្ញុំសូមធ្វើការគាំទ្រយ៉ាងពេញទំហឹងចំពោះរាជរដ្ឋាភិបាលកម្ពុជាដែលបានអនុវត្តគម្រោងជីកព្រែកជីកហ្វូណន តេជោ នេះជាព្រែកជីកប្រវត្តិសាស្ត្រទីមួយនៅកម្ពុជា ហើយព្រែកជីកហ្វូណនតេជោនេះផងដែរ គឺបានផ្តល់ផលប្រយោជន៍យ៉ាងធំធេងជាពិសេស គឺបានផ្តល់ផលប្រយោជន៍ផ្នែកសេដ្ឋកិច្ចសង្គមដល់កម្ពុជាហេតុដូច្នេះហើយនាងខ្ញុំសូមធ្វើការគាំទ្រយ៉ាងពេញទំហឹងចំពោះការអនុវត្តគម្រោងរបស់រាជរដ្ឋាភិបាលក្នុងការជីកព្រែកជីកហ្វូណនតេជោ នេះផងដែរ ខ្ញុំនាងសូមអរគុណនិងសូមគាំទ្រយ៉ាងពេញទំហឹង🙏🙏🙏

27/04/2024

រដ្ឋបាលឃុំទន្លេបិទ​ ស្រុកត្បូង​ឃ្មុំ ខេត្តត្បូងឃ្មុំ​
សូមចូលរួមរំលែកទុក្ខ នឹងសោកស្ដាយជាទីបំផុត ទៅដល់បងប្អូនដែលបានបាត់បង់សមាជិកគ្រួសារនឹងអ្នកជួបហេតុការណ៍ផ្ទាល់ នៅក្នុងសោកនាដកម្មផ្ទុះគ្រាប់
នៅ ភូមិភាគ៣ ខេត្តកំពង់ស្ពឺ ផង🙏🏻🕊️
RIP 🕊️

27/04/2024

ក្នុងនាមជាពលរដ្ឋខ្មែរ សូមគាំទ្រយ៉ាងពេញទំហឹងនូវគម្រោងផ្លូវនាវាចរណ៍ព្រែកជីក «ហ្វូណនតេជោ» ដែលជាគម្រោងប្រវត្តិសាស្ត្រលើកទី១ ក្នុងវិស័យដឹកជញ្ជូនផ្លូវទឹករបស់កម្ពុជាដើម្បីតភ្ជាប់ពីទន្លេទៅសមុទ្រ។

តាមរយៈគម្រោងព្រែកជីកនេះ វានឹងផ្ដល់ផលប្រយោជន៍យ៉ាងច្រើនដល់សេដ្ឋកិច្ចកម្ពុជា ។
គាំទ្រប្រសាសន៍ដ៏ថ្លៃថ្លារបស់សម្តេចពុក👍👍👌🙏

23/04/2024

ឃុំទន្លេបិទយេីងហ្នឹង😍

13/04/2024

13/04/2024

#ត្រៀមទទួលទេវតាឆ្នាំថ្មី🙏🙏🙏
ពិធីបុណ្យចូលឆ្នាំប្រពៃណីជាតិ ឆ្នាំរោង ឆស័ក ព.ស ២៥៦៨​ ថ្ងៃទី១៣ ខែមេសា ឆ្នាំ២០២៤​ ជិតចូលមកដល់នៅពេលបន្តិចទៀតនេះ😍❤️️
សូមទេវតាឆ្នាំថ្មី ប្រទានពរជ័យ សិរីមង្គល វិបុលសុខគ្រប់ប្រការដល់ប្រជាជនកម្ពុជាផង🙏🙏🙏
#សាលាឃុំទន្លេបិទ

13/04/2024

ត្រៀមរួចរាល់សម្រាប់ទទួលទេវតាឆ្នាំថ្មី
#រដ្ឋបាលឃុំទន្លេបិទ

12/04/2024

នាព្រឹកថ្ងៃទី១២ ខែមេសា ឆ្នាំ២០២៤ លោកមេឃុំ សមាជិកក្រុមប្រឹក្សាឃុំ​ និងបុគ្គលិកសាលាឃុំទន្លេបិទ​ ទាំងអស់បានចូលរួមសម្អាត និងរៀបចំតុបតែងសាលាឃុំ ដើម្បីត្រៀមទទួលទេវតាឆ្នាំថ្មី ឆ្នាំរោង ឆស័កព.ស២៥៦៨ ក្នុងឱកាសពិធីបុណ្យចូលឆ្នាំប្រពៃណីជាតិខ្មែរនាពេលខាងមុខ 😊😊🥰❤️🥰
#រដ្ឋបាលឃុំទន្លេបិទ

12/04/2024

ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរខាងមុខនេះ
ក្នុងឆ្នាំរោង ឆស័ក ព.ស.២៥៦៨ គ.ស.២០២៤
យើងខ្ញុំសូមលើកដៃបួងសួងដល់វត្ថុសិក្ដ័សិទ្ធិ ទេវាតាឆ្នាំចាស់ ទេវតាឆ្នាំថ្មី សូមជួយឃុំគ្រង បីបាច់ ថែរក្សា លោកមេឃុំ និងលោកភរិយា ព្រមទាំងក្រុមគ្រួសារ សូមឱ្យជួបតែសេចក្ដីសុខ អាយុវែង មានសុខភាពល្អ កម្លាំងពលំមាំមួន 🙏♥️🙏♥️🙏🙏♥️♥️♥️🙏

09/04/2024

សេចក្តីជូនដំណឹងស្តីពីការធ្វើដំណើរមិនគិតថ្លៃក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ

05/04/2024

នាព្រឹកថ្ងៃទី០៥ ខែមេសា ឆ្នាំ២០២៤ ក្រុមប្រឹក្សាឃុំ​ មេភូមិ​ ប៉ុស្ត៍នគរបាល​ លោក​គ្រូ​ អ្នកគ្រូ​ សិស្សានុសិស្ស​ យុវជន​ស​ ស​ យ​ ក​ ក្នុងឃុំទន្លេបិទ​ បានចូលរួមសម្អាតបរិស្ថានតាមដងផ្លូវជាតិលេខ ៧ ពីចំណុចភូមិយាយស រហូតដល់គល់ស្ពានគីហ្សូណា
#រដ្ឋបាលឃុំទន្លេបិទ
#អ្វីដែលយេីងទាំងអស់គ្នាចង់បានគឺបរិស្ថានស្អាត🍀
#សូមបញ្ឍប់ការបោះចោលសំរាមពាសពាលកាល🙅

19/03/2024

02/03/2024

រដ្ឋបាលទន្លេបិទសូមជម្រាបជូនដល់បងប្អូនទាំងអស់ដែលគ្រប់អាយុផ្តល់ថ្មីនិងមានអត្តសញ្ញាណប័ណ្ណអស់សុពលភាព គិតមុន 90 ថ្ងៃឆ្នាំ2022 ឆ្នាំ2023 ឆ្នាំ2024មកប្តូរដើម្បីបន្តសុពលភាពឡើងវិញនៅថ្ងៃទី 18ដល់ 22ខែ មេសា ឆ្នាំ 2024
#រដ្ឋបាលទន្លេបិទ

18/02/2024

Good morning ថ្ងៃចន្ទ..😴

17/02/2024

ត្រៀមសម្រាប់ថ្ងៃស្អែក
18-02-2024(វត្តសុវណ្ណមាលីទន្លេបិទសម្ភោធឆ្លងសមិទ្ធផល)

10/02/2024

រដ្ឋបាលឃុំទន្លេបិទ សូមជម្រាបជូនដំណឹងដល់បងប្អូនប្រជាពលរដ្ឋទាំងអស់ ក្នុងឃុំទន្លេបិទដែលគ្រប់អាយុធ្វើអត្តសញ្ញាណបណ្ណថ្មី និងមានអត្តសញ្ញាណប័ណ្ណអស់សុពលភាព គិតមុន 90 ថ្ងៃ ឆ្នាំ2022 ឆ្នាំ2023 ឆ្នាំ2024 មកប្តូរដើម្បីបន្តសុពលភាពឡើងវិញនៅថ្ងៃទី 21 ដល់ 22 ខែ កម្ភៈ ឆ្នាំ 2024 ខាមុខនេះ
#ឃុំទន្លេបិទ

09/02/2024

សេចក្តីជូនដំណឹងស្តីពីការ បាក់ស្រុតស្មាផ្លូវបេតុង នៅចំណុចខាងត្បូងភូមិទួលគរ ឃុំទន្លេបិទ ស្រុកត្បូងឃ្មុំ ខេត្តត្បូងឃ្មុំ នឹងផ្អាកចរាចរយានយន្តធន់ធ្ងន់គ្រប់ប្រភេទ ដែលត្រូវឆ្លងកាត់ផ្លូវ ១ខ្សែរនេះ