Thmey Thmey 25

01/10/2025

អ្នកស្រី ហេង គឹមឡាយ ប្រមូលដំណាំលម៉ើប្រមាណជាង ៤០០ដើម ​ដើម្បីផ្គត់ផ្គង់ទីផ្សារក្នុងខេត្តបាត់ដំបង

បាត់ដំបង៖ បន្ទាប់ពីប្រើរយៈពេល ៣ ឆ្នាំកន្លះ អ្នកស្រី ហេង គឹមឡាយ ត្រៀមប្រមូលដំណាំលម៉ើប្រមាណជាង ៤០០ដើម ស្ថិតនៅភូមិដូង ឃុំមានជ័យ ស្រុកបាណន់ ដែលទើបតែ​ផ្លែ​​ឆ្នាំដំបូង​ ដើម្បីផ្គត់ផ្គង់ទីផ្សារ ក្នុងខេត្តបាត់ដំបង ។

អ្នកស្រីរំពឹងថានៅពេលប្រមូលផលផ្លែលម៉ើ មិនពិបាកក្នុងការរកទីផ្សារនោះឡើយ ព្រោះបច្ចុប្បន្ន នេះមានភ្ញៀវមកលេង និងទិញដល់ចំការក៏មាន ។ ចំណែកតម្លៃវិញ អ្នកស្រីថា​ពីមុនចន្លោះពី ១៦ ទៅ១៧ ដុល្លាក្នុងមួយគីឡូក្រាម តែមកដល់ពេលនេះ អាចត្រឹម ៤ម៉ឺនរៀលជាងប៉ុណ្ណោះ ព្រោះមានអ្នកដាំ លម៉ើច្រើនដែរ ក្នុងខេត្តបាត់ដំបង ។

អ្នកស្រីបន្តថា​លម៉ើ មួយដើម អាចទទួលផលពី ៤០ ទៅ ៥០ គីឡូក្រាម ហើយឆ្នាំជាបន្តបន្ទាប់ អាចផ្លែច្រើនជាងនេះ ប្រសិនបើមានការថែទាំដិតដល់ ។ ​ម្ចាស់ចំការរូបនេះ សូមឱ្យបងប្អូនជួយគាំទ្រផលិតផលកសិផល ក្នុងស្រុក ដើម្បីលើកទឹកចិត្ត ដល់កសិករ បង្កើនការដាំដុះបន្ថែមទៀត ។
ដោយ៖ ញែម ចាន់

01/10/2025

បឹងបុរាណត្រពាំងក្រម ជាគោលដៅទេសចរណ៍ជិះទូកលេងកម្សាន្ត នារដូវវស្សា

ត្បូងឃ្មុំ៖ បឹងត្រពាំងក្រម ជាបឹងបុរាណមួយ ស្ថិតក្នុងភូមិ សាទុំ ឃុំជាំក្រវៀន ស្រុកមេមត់ ខេត្តត្បូងឃ្មុំ។
នារដូវប្រាំងបឹងបុរាណនេះ កន្លែងចាប់ត្រីតាមបែបបុរាណដោយប្រើឧបករណ៍ប្រពៃណីដូចជា ឈ្នាង អង្រុតជាដើម។
ចំណែកឯ ក្នុងរដូវវស្សាបឹងត្រពាំងក្រម ក្លាយជាគោលដៅទេសចរណ៍ក្នុងតំបន់ ដែលអ្នកទេសចរណ៍អាចជិះទូកលេងកម្សាន្ត និងងូតទឹកលេង។
បឹងត្រពាំងក្រមមិនត្រឹមតែជាបឹងបុរាណប៉ុណ្ណោះទេ តែក៏ជាគោលដៅទេសចរណ៍វប្បធម៌ប្រពៃណីចាប់ត្រី នឹងបានបង្កើនប្រាក់ចំណូលដល់ពលរដ្ឋក្នុងសហគមន៍ត្រពាំងក្រមផងដែរ៕

ដោយ: ជឿន សុធន

01/10/2025

ជ្រុងមួយនៃរាជធានីភ្នំពេញ

ភ្នំពេញ ស្ថិតនៅក្នុងតំបន់ខាងត្បូង-កណ្តាលនៃប្រទេសកម្ពុជា នៅ​ចំណុច ប្រសព្វ​នៃទន្លេសាប ទន្លេមេគង្គ និងទន្លេបាសាក់ ។ ទន្លេ​ទាំង​នេះ​ផ្តល់​នូវ ប្រព័ន្ធអេកូឡូស៊ីទឹកសាប និងទន្លេ​ប្រកប​ដោយ​សក្តានុពល ដែលជាធនធានដ៏សំខាន់សម្រាប់លក្ខខណ្ឌ បរិស្ថាន​ប្រកប​ដោយ​ចិរភាព សោភ័ណភាព ធម្មជាតិ និង​វប្បធម៌​ប្រកប​ដោយភាព​ចម្រុង​ចម្រើន​សម្រាប់​ប្រជាជននៅរាជធានីភ្នំពេញ តាំង​ពីអតីតកាល​រហូតមកដល់បច្ចុប្បន្ន ។

រូបថត៖ ហេង ស្រីលីន
#ភ្នំពេញ

01/10/2025

ចិនសង់ស្ពានខ្ពស់ជាងគេនៅលើពិភពលោក

ចិន៖ Huajiang Grand Canyon Bridge គឺជាស្ពានខ្ពស់ជាងគេបំផុតលើពិភពលោក ដែលស្ថិតនៅក្នុងខេត្ត Guizhou ប្រទេសចិន។ ស្ពាននេះ ត្រូវបានសាងសង់នៅក្នុងឆ្នាំ២០២២ ក្នុងទំហំទឹកប្រាក់ ២ពាន់លានដុល្លារ ដោយមានកម្ពស់រហូតដល់៦២៥ម៉ែត្រ ពីផ្លូវស្ពានទៅជ្រលងភ្នំ ។ ក្រៅពីជាផ្លូវធ្វើដំណើរ ស្ពាន Huajiang Grand Canyon Bridge នេះក៏ត្រូវបានគេរៀបចំឡើងដើម្បីជាកន្លែងទេសចរណ៍ដ៏ទាក់ទាញផងដែរ។

ដោយ៖ អ៊ុត រស្មី

01/10/2025

សត្វទន្សោងកាន់តែច្រើន ត្រូវបានប្រទះឃើញនៅក្នុងព្រៃកម្ពុជា

ភ្នំពេញ៖ តាមរយៈម៉ាស៊ីនថតស្វ័យប្រវត្តិ ក្រុមការងារអភិរក្សរបស់អង្គការសម្ព័ន្ធមិត្តសត្វព្រៃ (WA) បានរកឃើញហ្វ....

01/10/2025

ភ្នំពេញ៖ ទឹកទន្លេ កើនឡើងខ្ពស់កាលពីថ្ងៃទី៣០ ខែកញ្ញា។ ផ្លូវថ្មើរជើងកោះនរា ត្រូវបានជន់លិច។ ហាងលក់ចំណីអាហារមួយចំនួននៅតាមបណ្តោយផ្លូវថ្មើរជើងកោះនរានេះ ក៏ត្រូវបានទឹកលេចចូលផងដែរ។

ដោយ៖ សយ រតណ្ណៈវិសាល

30/09/2025

កង្កែបអាំង ក្ដាមឆា ត្រីអាំង និងទស្សនាសត្វ «ភ្នំតាម៉ៅ»

ខេត្តតាកែវ៖ មានចម្ងាយប្រមាណជាង ៤៣គីឡូម៉ែត ឧទ្យានសួនសត្វភ្នំតាម៉ៅគឺជាតំបន់ទេសចរណ៍មួយដែល ស្ថិតក្បែរទីក្រុងភ្នំពេញ។ ឧទ្យាននេះសម្បូរទៅដោយ សត្វស្លាប ចតុប្បាទ តូចធំជាច្រើនប្រភេទ ដែលបានទាក់ទាញពលរដ្ឋមកជាច្រើនមកកម្សាន្ត។

ក្រៅពីការមកកម្សាន្តនិងមើលសត្វព្រៃដែលមាននៅក្នុងសួនសត្វនេះ ក៏មានលក់ម្ហូបអាហារ ដូចជា កង្កែបបោក ត្រីអាំង ក្តាមឆា អង្ក្រងកញ្ឆែត ជាដើមសម្រាប់ពលរដ្ឋមកលេងកម្សាន្ត។

ដោយ៖ ឡេង សុភានិត្យ


#ព័ត៌មានរូបភាព
#ភ្នំតាម៉ៅ

30/09/2025

លោក ហ្សេលេនស្គី ស្នើបង្កើតខែលការពារដែនអាកាសរួមជាមួយសម្ព័ន្ធមិត្តអឺរ៉ុប

ប្រធានាធិបតីអ៊ុយក្រែន លោក វ៉ូឡូឌីមៀ ហ្សេឡេនស្គី បានស្នើឱ្យបង្កើតខែលការពារដែនអាកាសរួមគ្នា ដើម្បីការពារការគំរាមកំហែងពីរុស្ស៊ី។ សំណើបែបនេះ កើតមានក្រោយពេលមានការឈ្លានពានដែនអាកាសនៅប្រទេសតំបន់អឺរ៉ុបខាងកើត។

អត្ថបទ៖ ហោ សុវិទ្យា
អត្ថាធិប្បាយ៖​ តុប វណ្ណារ៉ា
ដំឡើងរូបភាព៖ ឡាយ ឡុង

30/09/2025

ទឹកទន្លេ កើនឡើងខ្ពស់នៅថ្ងៃទី៣០ ខែកញ្ញានេះ។ ផ្លូវថ្មើរជើងកោះនរា ត្រូវបានជន់លិច។ ហាងលក់ចំណីអាហារមួយចំនួននៅតាមបណ្តោយផ្លូវថ្មើរជើងកោះនរានេះ ក៏ត្រូវបានទឹកលេចចូលផងដែរ។

រូបភាព៖ សយ រតណ្ណៈវិសាល

#កោះនរា

30/09/2025

កូរ៉េខាងត្បូង ​ចាប់ផ្តើមផែនការ មិនយក«ទិដ្ឋាការ»សម្រាប់ក្រុមទេសចរ​ចិន

កូរ៉េខាងត្បូង​ បានចាប់ផ្តើមអនុវត្តផែនការ ដែលអនុញ្ញាតឱ្យក្រុមភ្ញៀវទេសចរចិន ​ចូល​​ប្រទេសខ្លួន សម្រាប់រយៈ១៥ថ្ងៃ ដោយពុំ​ចាំបាច់មានទិដ្ឋាការ។ ផែនការនេះ ចាប់ផ្តើម ពីថ្ងៃទី២៩ ខែកញ្ញនេះ ដោយ​គោលបំណងរបស់រដ្ឋាភិបាលសាធារណរដ្ឋកូរ៉េ គឺសង្ឃឹម​ថានឹងអាច​ជំរុញ​សេដ្ឋកិច្ច និង​ជួយ​ពង្រឹង​ទំនាក់ទំនង​ជាមួយចិន ដែលជា​ប្រទេស​ជិតខាងរបស់ខ្លួន។ នេះបើយោងតាមការរាយការណ៍​របស់សារព័ត៌មាន Reuter។

អត្ថបទ៖ សាយ លីហ្សា
អត្ថាធិប្បាយ៖​ ឌួក ដែន
ដំឡើងរូបភាព៖ សយ រតណ្ណៈវិសាល

30/09/2025

ជនជាតិចិនព្យួរពោតក្រហមមុខផ្ទះ បង្កើនសោភណ្ឌភាពយ៉ាងទាក់ទាញសម្រាប់ទេសចរ

ចិន៖ ការព្យួរពោតក្រហមនៅតាមមុខផ្ទះរបស់ប្រជាជនចិន បានបង្កើតជាផ្ទាំងទស្សនីយភាពដ៏ប្លែកសម្រាប់ទេសចរ ដែលមកកម្សាន្តនៅទីក្រុងបុរាណធន ឡុង ធុនពូ នៅក្នុងខេត្តគួយចូវ ប្រទេសចិន។ ក្នុងរដូវប្រមូលផល ជាតិជនចិនដែលរស់នៅតាមជនបទ បានចងពោតព្យួរជាជួរៗ ឬជាបាច់ៗ ដាក់តាមជញ្ជាំងមុខផ្ទះយ៉ាងមានសណ្ដាប់ធ្នាប់ ប្រៀបដូចជាវាំងននលម្អផ្ទះដ៏ស្រស់ស្អាត។ ទិដ្ឋភាពទាំងនេះ បានទាក់ទាញទេសចរឱ្យកាន់តែចង់ស្វែងយល់ពីការរស់នៅរបស់ប្រជាជនចិនតាមជនបទផងដែរ។

ដោយ៖ អ៊ុត រស្មី

30/09/2025

អ៊ុយក្រែន ត្រៀមចុះកិច្ចព្រមព្រៀងទិញអាវុធពីអាម៉េរិកទំហំ ៩០ពាន់លានដុល្លារ

ប្រធានាធិបតីអ៊ុយក្រែន លោក វ៉ូឡូឌីមៀ ហ្សេឡេនស្គី នៅថ្ងៃទី២៧ ខែកញ្ញា បានបន្លុយថា គណៈប្រតិភូអ៊ុយក្រែន នឹងបំពេញទស្សនកិច្ចនៅអាម៉េរិក នៅរដូវស្លឹកឈើជ្រុះខាងមុខ ដើម្បីចុះកិច្ចព្រមព្រៀងទិញអាវុធពីអាម៉េរិក ក្នុងទំហំ ៩០ពាន់លានដុល្លារ។ អ៊ុយក្រែន ក៏ចង់នាំចេញដ្រូនទៅលក់នៅអាម៉េរិកផងដែរ។

អត្ថបទ៖ ឧស្សាហ៍
អត្ថាធិប្បាយ៖​ ឌួក ដែន
ដំឡើងរូបភាព៖ សយ រតណ្ណៈវិសាល