https://www.facebook.com/847831348592115/

Таттыбү Назаркулова

Home
Kyrgyzstan
Bishkek
Таттыбү Назаркулова

Адамды эки нерсе картайтпайт тез: бири - жакшы мүнөз, экинчиси - жакшы сөз. ЗАМУЖЕМ👨‍👩‍👦

16/12/2024

Журналисттер үчүн жарыяланган Мейкин сыйлыгын тапшыруу аземине чакыруу баракчасын кабыл алдым. Ал үчүн КРнын Президентинин Администрациясынын маалыматтык саясат кызматына чоң ыраазычылыгымды билдирем. Эске салсак ушул жылдын 12-июнунда Президент Садыр Жапаров медиа жана журналистика жаатында жыл сайын ыйгарылуучу “Мейкин” сый акысын уюштуруу жөнүндө жарлыкка кол койгон. Бул сыйлык эми жыл сайын ыйгарылып турат. Бул жолку жалпы байге фонду 10 миллион сомду түзүп, он номинациянын ар бирине 1 миллион сомдон сый акы берүү каралган. Демек эртен кимдер бул акчаларга татыктуу болот, чогуу күбө болобуз. Мен да 10 жылдап көрүшпөгөн кесиптештерим менен жолугушууга себеп болот экен деп сүйүнүп турам. Андыктан урматтуу коллегалар көрүшкөнчө.

15/12/2024

БАЙЫГЫҢ КЕЛСЕ, АЯЛЫҢДЫ ЫРААЗЫ КЫЛ!

05/12/2024

Ээ, достор! Ошентип досторумдун саны бир адамга кыскарды. Жок, каза болгон жок, баары жакшы, болгону мени түшүнбөйт экен. Анын үстүнө аялымды сөктү. Мен мындайга жол бербейм.

- Кеттик достор! Бир чардайлы.

- Азыр, мен аялымдан акча алып алайын.

- Эмне акча? Айлык түшпөдүбү?

- Менин айлыгым аялыма түшөт.

- Койчу?

Мен үйлөнгөнгө чейин бир бөлмөлүү батирде турат элем. Батирдин ичи ээн, шкаф деген жок, кийимдерим эки-үчөө эле, мага ошол эле жетет болчу. Тытынып иштебейт деле болчумун. Курсак тойсо, арман жок дегендей.

Мени азыркы деңгээлге келинчегим жеткирди.

Жашоо шартым кыйла жакшы. Үй салдым. Машина алдым. Чет өлкөлөргө чыга баштадым. Кийимдерим дагы көбөйдү. Жумушумду алмаштырдым. Мен өстүм.

Мага апама, карындашыма, келинчегиме акча короткон жагат. Өзүмө кереги жок. Мен аларга короткон сайын кубанам, анан кайра акчам көбөйөт. Билбейм, өзүм таңкалам. Айлыгымды аялымдын картасына салдыртып койгом. Мен ошондой кааладым.

Билесиңерби, акча бергим келбейт деп, акчасы жок мырзалар айтат. Келгиле, айымдарыбызды кубанталы. Үйлөнбөсөм, бир калыпта эле жүрө бермекмин. Мына, аялымдын сөзүн угуп, жамандык көргөн жокмун.

А мага жакшылык каалаган адамды сөккөн досумдан кол үздүм.

Күйөө болуп күйө албаган күйөөлөрдү сыйлабайм. Аялды аяп, колго салып бөпөлөш керек. Атам мага ушундай тарбия берген.

05/12/2024

Гүл саткан дүкөн. Сатуучу 101 розаны кооздоп таңгактап жатат. Бүгүн сүйгөнүмдүн туулган күнү. Жумуштан эртерээк суранып чыктым. Аванс алдым. Ресторандан столго буйрутма бердим. Айтоор, аябай толкунданып алгам.

Бир жигит кызы менен кирип келди. Кыз гүлдөрдү аралап басып жүрөт. Байкасам, кызын кучактайын дейт, бирок, шарт колун тарта калат, башын тырмайт, эки жакты карайт, кулагын кармалайт, айтоор, уялып жатканы билинип турду. Аны байкап отуруп жаңы үйлөнгөн кезим эсиме түштү.

Үмүт экөөбүздү ата-энебиз тааныштырган. Үч ай сүйлөштүк, анын эки айы телефон аркылуу. Себеби мен чет жакта окуйм. Кыргызстанга кайтып келээрим менен үйлөндүм.

Кичинемден китептен башымды алчу эмесмин. Жанагы кинолордогу ботаниктерди көрсөңүз керек. Дал ошолордун өзү элем: көз айнекчен, арык, досу жок бала. Классташтарым мени кошпойт. Ал эми кыздар тапшырма чыгарыш керек болгондо эле жаныма келишет. Жардам бербейм. Жаман сөздөрдү айтып кетип калышат.

Үйлөндүм. Келинчегим менен жалгыз калгандан качам. Мындайда жазыша берет экенсиң, жанына келгенде сүйлөгөнгө сөз табалбайт. Сүйөм, бирок айталбайм. Эркелетким келет, бирок кучактай албайм. Уялып, өзүнчө эле кызыктай болом десеңер. Ичимен, “эркексиңби, өзүңдү колго” ал деп урушам. Баары бир болбойт. Байкушум, күнөөнү өзүнөн издеп, кээде “мени сүйбөйсүз” деп таарынып жүрдү.

Баш кошконубузга бир ай болоюн деп калган. Бир күнү жумуштан келсем ар дайым тосуп чыкчу келинчегим жок. Ашканадан бышылдаган үн угулат. Кайын энем менен жаңы эле сүйлөшүп бүтүптүр. Мени көрө калып “апамды, үйүмдү сагындым, үнүн угуп алып өзүмдү кармана албай калдым”,-деп чуркап келип төшүмө башын койду. Биринчи жолу кучагыма бекем кыстым. Ушунчалык жылуу бир сезимди сездим. Кое бергим келбей чекесинен өөп, чачынан сыладым. Кучак – бул сыйкыр экен, экөөбүздү мурдагыдан дагы катуу жакындатты. Канча саат турганыбызды билбейм, апам “ай, силерге эмне болду” дегенде эсибизге келдик.

Азыр күн сайын кучакташып коштошобуз, кучакташып кино көрөбүз, кучакташып жатабыз. Бул нерсени силерге да сунуштайм. Сүйүүңөр бекемделет, ортоңордогу алыстык жоголот.

05/12/2024

Акыры бул күн дагы келди. Мен ушундай болорун билгем. Бирок ушул түнгө туш келерин билген эмесмин. Мен бул күндү аябай күткөм.

"Сен муздаксың. Мен сени сезбейм. Эмне каалап жатканыңды билбейм."

"Сен мени кучактабайсың. Жанымдасың, ошол эле учурда алыстасың."

Чогуу жашап келатканыбызга 14 жыл болду. Бирок, акыркы тогуз жылдан бери экөөбүз алыстап кеттик. Чогуубуз, бирок бөтөнбүз. Сертпиз. Муздакпыз. Бул эң жаман нерсе. Муну башынан өткөргөндөр гана түшүнөт.

Ал мага болгон таарынычын айтты. Бир саат айтты. Мен ага болгон таарынычтын баарын айттым. 3 саат айттым. Бакырган жокпуз. Тынч гана отуруп сүйлөшүп жаттык.

Ажырашуу пунктуна келдик. Балдар ким менен калат деген суроо коюлду. Ал балдарсыз жашай албасын айтты. Мен дагы айттым. Ыйладык. Балдарды бөлүп жатканыбызга ачууландык.

"Сага эмнем жаккан?" Алгачкы сезимдерди эстей баштадык. Күлдүк. Толтура окуяларды эске салдык. Маанай көтөрүлө түштү. Ал келип мени кучактады. Кайра ыйладык. Менин адамым экенин ошондо билдим. Ал мени катуу кысты. "Кое бербейм!" деди. "Мен жаныңдамын" деди. Мага ушул сөздөор керек эле. Муздак жүрөккө кан жүгүрдү.

Ачык сүйлөшүү. Мындан ары ачы сүйлөшүүнү чечтик. Кучакташуу. Мындар ары күн сайын кучакташууну сездик. Кол кармашуу. Мындан ары кол кармашыпи жүрүүнү чечтик. Өбүшүү. Мындан ары өбүшүп турууну чечтик.

Кыйын. Ыңгайсыз. Бирок биз сөзүбүздү аткарып жатабыз. Жылыш байкалды.

Ажырашкан баарынын колунан келет. Аракет кылган экөөнүн колунан келет.

05/12/2024

“Апээй ботом, эмне дейт?” Элдер тымтырс. Баарынын көзү экөөбүздө. Мен деле эмне кылышты билбей туруп калдым. Тамаша дейин десем, кудагыйым олуттуу карап турат. Жок, мындай болсо кызымды бербейм.

Быйыл көкүрөк күчүгүбүздү күйөөгө узаттык. Күйөө баланы жакшы тааныйм. Экөө алты жылдан бери сүйлөшүп жүрүшөт. Жамандык-жакшылыкта үйгө келип кол кабыш кылып кетчү. Элпек, жөнөкөй, анан өтө боорукер жигит. Муну ким тарбиялады экен деп ойлонуп койчумун. Минтип кыз узатууда акыры ата-энеси менен тааныштык.

Кыз узатууну үйдөн өткөрдүк. Күйөөм экөөбүз топтоп жүргөн акчабызды алып чыктык. Жайнатып дасторкон жайдык, тууган-уруктарды, дос-курбуларды чакырдык. Мал союп, боорсок бышырып конокторду күтүп отурдук.

Кызыма ак көйнөгү аябай жарашты. Кийип алып күзгүнүн алдында турганын көрүп, атасы экөөбүз жашып алдык. Кечээ бойтоңдоп чуркап жүрдү эле, мына минтип уядан учуп кетип жатат. “Апаа! Атаа! Эмне ыйлап жатасыңар?” Бурчта ыйлап турганыбызды көрүп, чуркап келип кучактады. Чогуу бир жашып алдык.

Ооуу, кудалар машинасын болушунча пипилдетип кирип келишти. Көчөнүн баарын ээлешти го чиркин. Биринчи куда түштү. Кулдугу бар экенин айтып ийилип кирди. Артынан кудагый чыкты. Сулуучумак, толмоч келген, чачы кыска аял экен.

Кызыма сөйкө салып жаткан.

- Кудагый, кызымды көлөкө жерге бапестеп баккам.

- Коркпоңуз, мен деле күн көрсөтпөйм.

- Ыя?

Бир саамдан кийин тизесин чаап каткырып кирди. Ага кошулуп элдин баары жарылды. А мен тамаша экенин кайдан билдим. Ишенип алганымды айтпайсыңарбы.

Андан кийин жаныма келип, “кудагый, менин кызым жок, макул болсоңуз, кызыңызды келин эмес, кыз кылып алайын,”- деди. Жашылданган көзүм менен башымды ийкедим. Ошентип тамашакөй кудагыйлуу болдум.

02/12/2024

А СИЗГЕ КАНДАЙ АЯЛ ЗАТЫ ЖАГАТ?

Эгер сиз иштеген аялды жубайлыка тандасаңыз, ал үй тиричилигин толук тейлей албастыгын моюнга алууга туура келет.

Эгер үйдө отуруп сизди, балдарды карап, үйдөгү бардык жумуштарды жасаган үй кожойкесин тандасаңыз, анын акча таппай турганын моюнга алууга туура келет.

Жөнөкөй аялды тандасаңыз, ал сизге, бардык керектөөлөргө муктаж, көз каранды болоорун алдын ала билгениңиз туура.

Сиз келечекте эр жүрөк аял менен болгуңуз келсе, анын өз алдынча көз карандысыздыгын кабыл алганыңыз туура.

Сулуу аялды тандагандар көрө албастыкты алдын алуу керек экенин түшүнүшү керек.

Күчтүү аял менен болсоңуз, анын сырткы келбети назик, морт, бирок болоттой бекем экенине көнүшүңүз керек.

Эгер сиз эмоционалдуу, өзүнө ишенбеген аялды көздөп жатсаңыз, ал өзүн коопсуз жана сүйүктүү сезиши үчүн, дайым сиз тараптан кадам болуп турушу керектигин эске алышыңыз керек.

Эч бир аял идеалдуу эмес жана эч бир аял идеалдуу болууга тийиш эмес. Ар бир аялдын өзүнүн инсандыгы жана баалуулуктары бар, дал ошондой сыпаттары аларды ким экенин аныктап, өзгөчө кылат!

А сизге кандай аял заты жагат?

01/12/2024

😂😍 каалоо тилекти катырган наристе

30/11/2024

"АТАНЫН МАЛЫ БАЛАГА ОПО БОЛБОЙТ”.

"Ата-эне көөнү балада, баланын көөнү талаада”.

“Бала өзүнүн баласы тууралуу ойлойт, кам көрөт”.

"Балам, балалуу болгондо билээрсиң" - деп коет.

Бирок, ата өз муунуна көзү өткөндө кор болбой оокат кылышына мал мүлк калтырат.

Аны бала ирээттүү күтө билеби?

Атамдын мага калтырган үйү-жайы дейби?

Муну өзүндөй асырай алабы?

Андайлар мүмкүн, бардыр. Бирок анткени менен атанын мандай тери, таман акысы менен баланын мандай тери менен таман акысы бирдей бааланбайт. Аныкы арзан, өзүнүкү кымбатка турат.

Т.а. эмгектенген адамдыкы жогору, даана тузга татыйт. Бирок, бала бакыра албайт. Ошол үчүн ата эмгеги жеңилдей туюлуп, ал байлык арзан өндүрүлдү болот да, коромжуга учурайт.

29/11/2024

Бир адам кудайдан дайыма суранчу экен: мен бай болсом, аялым сулуу болсо жана атагым бүт дүйнөгө чыкса деп.

Бир күнү жумушка орношконго, жолугушууга бараткан болот. Шашып баратса алдынан бир орто жаштагы киши тайгаланып кулап түшүп, тура албай ары- бери өткөндөрдү жардам береби дегендей карап калат. Бурула калып колун сунуп тургузуп койсо деле болмок, бирок шашып баратканын ичинен шылтоолоп, кайдыгер басып кетет. Жумушка сүйлөшкөнгө келсе, ишкананын жетекчиси жок болуп калып, жардамчылары албай коет. Жакшы жумуш таба албай эптеп күн көрүп жүрөт.

Дагы бир күнү көчөдө клоундор тамаша көргөзүп жатканын көрүп токтоп карап калат.Кызыктуу тамаша бүткөн сон, элдер тарап баштаганда, карыган клоун аял жанына басып келип, «тамаша кандай болду „- деп сураса, карыган аялдан ирээнжип сүйлөгүсү келбей басып кетет. Көңүлүнө жаккан адамын таппай, жалгыздыкта кун кечирип жашап жүрөт.

Бир жолу күүгүм талаш, үйүнө шашып келе жаткан болот, эшик суук, эптеп эле үйүнө жетип, ысык суу толтурулган ваннага жатып жылынсам деп шашып келаткан болот. Көчөдө жалгыз отуруп алып кемпир ыйлап жатыптыр, өтүп баратып токтоп, эмне болгонун сураса, жөн гана жан дүйнөсүн түшүнүп уккан адам жок экенин айтып, угуп коюсун сурайт. Үшүп, көзүнө жылуу уйун элестетип келаткан неме, убактым жок деп басып кетет. Ошентип кызыксыз жашоодо жашап, бул дүйнөдөн өтөт.

Кудайдын алдына барганда, киши кудайдан сурайт: мен түз жүрдүм, бир да жанга жамандык кылган жокмун, өмүр бою үч нерсени тилек кылдым, бирок бир да тилегим аткарылган жок, кайсы жеримен жаздым?

Ошондо жараткан мындай деген экен:

мен сага үч жолу мүмкүнчүлүк бердим, бирок сен ошону кармап кала алган жоксун.

Биринчиси сен жумушка шашып баратканда тайгаланып жыгылган кишини билесинби? Ошол киши ишкананын жетекчиси болчу, сен кол сунуп тургузуп койгонунда, жакшы жумушка орношуп бай болмоксун.

Экинчиси карыган клоун аялды билесиңби, ал сулуу кыз эле, сени бир көрүп жакшы көрүп калган, сен анын көздөрүнөн сага болгон сезимин сезе албай, кол шилтеп басып кеттин.

Үчүнчүсү сенден угуп коюшун суранган кемпир, атактуу жазуучу эле, аны угуп, үйүнө кийирип жакшылык кылып койгонунда, сен жөнүндө китеп жазып, сени бүт дүйнөгө атактуу кылмак. А сен колуна конгон бакыт кушун сезбей учуруп жиберип жаттын, деген экен..................

29/11/2024

Бир баланын апасы бул дүйнөдөн көз жумат. Атасы ʺбалам энесиз кыйналып калбасын, мен жокто курсагы ачып калбасынʺ деп, бир аялга үйлөнөт.

Күндөр өтүп, бир күнү атасы баласынан:
- уулум! биринчи апан менен экинчи апандын айырмасы жокбу? - деп сурайт.

Бала: - биринчи апам жалганчы эле, а экинчи апам чындыкты суйлойт.

Мындай жоопту уккан атасы таң калып: - эмнеге андай дейсин балам? - десе.

Баласы мындайча жооп узатат экен: - биринчи апам ʺоюнду токтотпосон тамак бербеймʺ - дейт эле, а мен кулак салбайт элем. Көчөдөн келбей, алыс жака ойногону кетсем дагы, ошол жерге мени издеп барып, мени таап, бетимден өөп, үйгө жетелеп алып келип, ысык таттуу тамактарды берет болчу.....

А, экинчи апам чын сүйлөйт ʺоюнду токтотпосон тамак бербеймʺ деп, бербейт! эки күн болду тамак жебедим.
ʺАТАКЕ! ЖАЛГАНЧЫ АПАМДЫ САГЫНДЫМʺ......................

26/11/2024

Ойлончу атаңа кандай соопчулук, ага жага турган иш жасадың?

Илгертеден салтыбызда карысы бардын ырысы бар деп улгайган ата-энеге жакшылык кылууда Жараткандан ырыскы берилет дешет.

Урматтуу бир тууган! Ата-эне сени менен менин жаралышыма себепчи инсандар. Бала дайыма ата-энесинин кызматына даяр болушу керек.

Ошондуктан ата-энелерибиздин ыраазычылыгын, дубасын алып, аларга кызмат кылып жашайлы.

25/11/2024

Эл башчыны кемсинтүүнүн ар кандай түрлөрү бар 🥹 андай жоруктардан алыс бололу 🤲

Мухаммад Солих ал-Усеймин :

“Абу Бакратадан келген хадисте мындай деп айтылат, Аллахтын элчиси (Аллахтын ага саламы жана салаваты болсун) айтты: “Кимде ким эл башчыны кемсинткен болсо — Аллах аны кемсинтет!” (Сахих Сунан ат-Тирмизи: 2224).

Эл башчыны кемсинтүүнүн ар кандай түрлөрү бар:

— Качан эл башчы бир нерсе буйруган болсо, анын буйругун мазактап “карасаң эми, бул эмне дегени?!” деп айтыш.

— Качан эл башчы бир иш кылса, ал ишке тиги адам макул эмес болсо “карасаң эми, бул эмне кылганы?!” деп айтышы.

Ушундай жолдор аркылуу, тиги адам, башчынын буйругун эл алдында кемсинткиси келет. Себеби падышанын буйругун эл алдында кемсинтсе – анын аброю эл алдында түшүп, кийин адамдар анын буйруктарын аткарбай, тыйганынан тыйылбай калышат.

Мына ошондуктан, падышаны кемсинтиш үчүн анын айыптарын калк арасында жайып, аны жамандап жүргөн кишини – Аллах Таала ошол кылган иши себептүү өзүн кемсинтип коёт.

Ошондуктан эгер ал эл башчыны ушинтип кемсинткен болсо – элдер падышага каршы чыгышып, анын сөзүн угушпай калышса – тиги киши ошол жамандыктын башаты болгон үчүн Аллах анын өзүн кемсинтет.

Аллах Таала аны бул дүйнөдө шерменде кылышы мүмкүн – анда кылган күнөөсүнүн жазасын алган болот. Ал эми бул дүйнөдөн аны шерменде кылбаса – анда Аллах Таала аны Кыямат Күнү шерменде кылуусуна татыктуу адам болот. Мындан Аллах сактасын!

Себеби Расулаллахтын (Аллахтын ага саламы жана салаваты болсун) сөзү акыйкат! “Кимде ким эл башчыны кемсинткен болсо — аны Аллах кемсинтет!”.

[Демек, мунун тескериси] — кимде ким эл башчыга жардам берген болсо — ага Аллах жардам берет. Себеби, ал жакшылык жана такыбачылык иште көмөк көрсөткөн үчүн.

Ошондуктан, эгер сен адамдарга падышага кандай мамиле кылуу керектигин баяндасаң, күнөө эмес иштерде падышага баш ийүүгө жардам берсең – бул нерседе өтө көп пайда бар, жакшылык жана такыбачылык иштеринде көмөктөшүү бар.

© ИсламЖолу

22/11/2024

Бала 16 жашка чыкканда атасы менен урушуп үйүнөн чыгып кеткен.

Буга ачууланган атасы: «Мындан кийин бул үйдө анын аты да аталбасын!»-деп тыюу салды.

Апа байкуш күнүгө баласынын төшөгүнө барып, жаздыгын жыттап уктап жүрдү.Бир күнү: «Баламды сагындым. Жүрү барып издейли.»-десе да күйөөсү айтканынан кайткан жок.

Арадан эки жыл убакыт өттү.
Бул жылы баласынын туулган күнү менен аталар күнү бир күнгө туш келип калган эле.
Байкуш апанын көз жашына чыдабаган ата:

«Мына бул дарекке барып балаңды көр.»-деп бир кагаз берди. «Даректи менден алганыңды айтпа.»- деп аркасынан көп нерселерди айтты. Бирок сүйүнгөн апа даректен башка эч нерсе деле уккан жок. Дароо даярданып жолго камынды.

Дарек шаардын аркы башында эле. Барса даректе устакана бар экен. Баласы ошол жерде иштейт окшойт сыягы. Бир азга көзү жашылданып карап турду да, баласын карап басты.

Эки жылдан бери үй-бүлөөсүн бир сурап койбогон бала апасын алгач көрүп таң калды, анан жүгүрүп барып кучактап калды.
Атасынан башка баардыгын сурап жатты. Ал кандай, бул кандай?-деп. Акырында: Тиги киши кандай, дагы эле кежир, түшүнүксүзбү?»-деп бурк этти. Апасы суроону жоопсуз калтырды.

«Кана балам үйгө кетели.»-деди.
«Жок апа мен бул жакта жакшымын, мен ал киши менен бир үйдө жашабайм»-деди да устаканага карап басты. Аркасынан карап калган эне, даярдап келген тортун бериш үчүн баласын чакырды эле баласы келип тортту алган соң: «Апаке суранбачы, мен баары бир барбайм. Эч болбосо бир жолу сурап койбогон адам менен бир үйдө жашай албайм.»-деди.

Апасы ыйламсырап кетип жатып «Мейли балам өзүң бил. Мен түшүндүм, сен чечкиндүүсүң. Бирок муну угуп кой. Атакең: «Бирайдан бери достошуп жүргөн баладан алыс болсун, зыяны тийип калат. Эски достору менен кайра табышсын. Алар жакшы балдар.- деди.

Дегенде бала нес болуп туруп калды.

Апасы үйгө келип атага таарынды. «Билип туруп эмне айтпайсың. Ошон үчүн жыргап жүргөн турбайсыңбы кайгырбай.»-деп.

Ар дайым каардуу, терс көрүнгөн ата бир жуткунуп алды да көздөрүнөн эки тамчы агып кетти.
«Ал менин кара жаным, как жүрөгүм.»-деди

«Канчадан бери билчү элең?»-деп сурады апа.

«Үйдөн чыккандан бери билем. Кээ күнү түштө эмне жеди экен деп карап келем. Кээбир күнү кечинде жумуштан кийин. Сен анда мени достору менен отуруп келди деп ойлочусуң. А мен алыстан балама көз салдым. Ачкабы, токпу, үшүбөй элеби. Бирөө жарым капа кылып койбоду бекен. Кимдер менен достошуп атат деп көз салып жүрдүм…

Эрди-катын бир-бирин кучактап ыйлап жатышканда эшик тыкылдап калды. Көздүн жашын колу менен аарчып, эшикке карап басты апа.

Апасы алпарган торттон да чоң торт жана белек бечкек көтөрүп баласы турган эле. Атасын карап жүгүрдү: «Атаке атакебай аталар күнүң куттуу болсун!»

Жигит эми түшүндү, мени такыр ойлобойт деген атасынын чындыгында бир саамга да көзүн албай аны карап турганын…

Ата деген ушундай. Кыйкырат, урушат, ачууланат. Бирок баардыгы балдарынын жакшылыгы үчүн. Балдары бала кезде түшүнбөйт муну. Бирок бир күн келет алар да ата-эне болот…

21/11/2024

"СҮЙҮҮ ЖАНА УБАКЫТ"
Өткөн бир убактарда адамдын Сезимдери Жана Жандүйнө байлыктары жашаган Арал болгон экен. Ал сезимдер менен чогуу Сүйүү да жашаган экен.

Бир күнү алар аралды Океан каптаарын байкашат да, баары өз кемелерине түшүп аралды таштап кете башташат. А Сүйүү болсо шашпай, акыркы мүнөттөргө чейин калып калат. Качан гана аралды Суу каптап баштаганда Сүйүү аралда Аман калуунун жолу жок экенин көрүп, жардам сурай баштайт.

Анын жанынан абдан жасалгаланган Байлыктын кемеси өтүп бараткан болот. Сүйүү аны ала кетүүсүн өтүнсө, Байлык анын кемесинде алтын, күүмүш зергерлерден Сүйүүгө орун жок экенин айтып кетип калат.

Анан Сүйүү жанынан кемеси менен өтүп бараткан Арнамыска кайрылат. Ал болсо Сүйүү анын кемесинде башаламандык кылып, арнамысына шек келтирип коёрун айтып албай кетет. .

Айласы кеткен Сүйүү Кайгыга кайрылат Кайгы: "Менин көңүлүм чөгүп, кападармын, мен жалгыз болушум керек "деп албай коёт.

Анын жанынан Кубанычтын кемеси өтүп баратканда Сүйүү кол булгалап кыйкырса, өзүнчө ырахатка батып абдан жыргап бараткан Кубаныч Сүйүүнүн жардам сураганын да укпай, жыргалына сүйүнүп өтүп кете Берет.

Бир убакта эле Сүйүүнүн кулагына: "Кел бери, мен сени ала кетем" деген үн угулат. Сүйүү аны куткарууга келген картаң куткаруучуну көрүп сүйүнүп кетет да, анын атын да сурабай калат. Ошентип, куткаруучу Сүйүүнү кургак жээкке чыгарып коёт да, өзү сапарын улап кете Берет.

Качан гана куткаруучунун кайыгы көрүнбөй калганда, Сүйүү тигинин жакшылыгына ырахмат айтпай калганын эстеп, Акыл-эске кайрылып сурайт:

"Мени ким куткарды?" деп.

"Убакыт" деп жооп берет Акыл-эс.

"Убакыт ?! Эмнеге ал мени куткарды болду экен?" Деп таңданат Сүйүү.

Ошондо Акыл-эс мындай деген экен:

"Жалгыз Убакыт гана жашоодо сүйүү канчалык баалуу жана барктуу экенин түшүнөт жана билет. Демек убакытты уттурбай сүйүүнүн баркын өз мезгилинде, өз убагында таразалап баалай бил убакыт өтүп кеткен соң, канча аракет кылсаң да аны артка кайруу мүмкүн эмес!

21/11/2024

Дүйнөдөгү эң жакшы адам!...
Көчө бойлой теңселе кадам шилтеген мас аялды кичинекей кыз жетелеп келатты. Ал аялдын кийими кир, чачтары уйпаланган, ал аз келгенсип, улам бирөөгө сүйлөп коюп келатты.

Жолуккандар аны айланып өтүп, иренжиген түр менен карап жатышты. Айрымдары:
«Кандай акмакчылык! Уят эмеспи! Ушундан көрө ичпей эле койбойбу! Аракеч!» – деп сүйлөнүп баратышты.

Ал сөздөрдү угуп ызаланган тестиер кыз көз жашын көлдөтүп:
«Ал аракеч эмес, силер билбейсиңер, ал... ал... дүйнөдөгү эң жакшы адам! Ал – менин АПАМ!» – деп кыйкырып жатты...

Апа деген асмандагы Айга тең,
Апа деген гүлдөп турган гүлгө тең.
Апа деген чалкып жаткан деңиздей,
Жарык берген, жашоо берген Күнгө тең!

Ата-эненин ыраазычылыгын албаган бейишке кире албайт. Хадис

Эне баарынан кымбат. Канчалык жакшы адам болбосун, канчалык кам көрбөсүн, эненин ордун эч ким алмаштыра албайт. Саади

Эне сүтүн актоо – өмүр бою кутулгус карыз.
Н. Островский

Баарынан күчтүү, ыйык сүйүү – эненин сүйүүсү. Ал эч нерсеге багынбайт. Т. Драйзер

21/11/2024

БИР ОКУЯ
Айылдын чет жакасында жашаган, кош бойлуу бир аял бар эле. Анын күйөөсү баласы төрөлө электе эле дүйнөдөн көз жумган. Ал аял бир күнү жайлоодо жарадар бир жапайы мышыкты көрүп, аны үйүнө алып келип карай баштады. Өмүрүн куткарган аялга, жапайы мышык, үй жаныбары болбосо да, ага колго үйрөнүп үйдүн айланасынан кетпес болду.

Бир канча айлар өтүп жатты, аял баласын төрөдү. Аял жалгыз башына, кыйынчылыктарга карабай, баласын багып чонойтууга аракет жасап жатты.

Күндөр өтүп жатты. Бир күнү аял бир канча саатка үйүнөн алыска чыгуусу керек эле. Курсагын жакшылап тойгузган баласы, жапайы мышык менен калууга туура келди.

Бир канча убакыттан кийин аял үйүнө келди, келсе эшигинин алдында оозу канга боёлгон жапайы мышыкты көрүп, эмне кылаарын билбей, жанында жаткан бир таякты алып, жапайы мышыкты өлөрчө сабады. Ошол убакта баланын ыйлаган үнү үйдүн ичинен угулду. Аял шашылып үйдүн ичине кирсе, бала бешикте жатыптыр, ал эми анын жанында болсо майда-майда бөлукчөлөргө бөлүнгөн жылан жатыптыр...

“Бардык нерсенин жакшы тарабын көргөнгө аракет кыл”.

“Жакшыны жана кооздукту көрүүгө араккеттен”.

“Сулуу көргөн, сулуу ойлойт. Сулуу ойлогон, сулуу түш көрөт. Сулуу түш көргөн, жашоонун даамын татат”.

Булак: Мугалимдин сырдаш китеби

21/11/2024

Ата-энени нааразы кылуунун ар кандай көрүнүштөрү бар, кээ бир адамдарга ал көрүнүштөр байкалбашы деле мүмкүн.

Мына ошол көрүнүштөрдүн кээ бирлеринен:

1- Бала ата-энесинин алдында өзүн көтөрмөлөп, кандайдыр себептерден улам аларга менменсинип текебер мамиле кылуусу. Мисалы, мал-мүлкү көбөйүп же билим деңгээли жогорулап адамдар арасында абройлуу болгондуктан ушундай жоруктардарды өз ата-энесине көргөзө баштайт.

2- Аларга мээрим төкпөй, аларды адамдарга зар кылып, колдорунан эч нерсе келбей, эч кимге пайдалары тийбей калган курактарында аларды бакпай кароосуз таштап кетүү.

3- Башкаларды ата-энеден абзелирээк көрүү. Мисалы, өзүнүн досун же аялын алардан артык көрүп, ата-эне балага көз каранды болуп турганда, аларга кош көңүл мамиле жасоо.

4- Ата-эненин көңүлдөрүн оорутуп, кылган иши менен же сөзү менен аларды иренжитип ыйлатуу.

5- Аларга бакырып, каяша сөз кайтарып үн көтөрүү.

6- Алардын буйруктарын жактырбай, тажоо сезимин туундуруп үшкүрүнө берүү.

7- Энесинин жасаган тамагына жаман сын айтуу.

8- Алардын айткан сөздөрүнө маани бербей, кош көңүл мамиле кылуу.

9- Аларды башкалардын алдында жамандап, айып-кемчиликтерин айтуу.

10- Ата-эненин балага муктаж болуп турган курактарында алардын уруксатысыз үйдөн чыгып, аларды таштап, көчө тинтип жүрө берүү.

11- Аларга акаарат кылып сөгүш айтуу.

12- Аларга кол көтөрүү.

13- Аларга өлүм тилөө.

Аллах бизди мындай жаман жоруктардан сактасын!

Эч качан ата-энең сага бере албаган нерселерге нааразы болбо! Алар сага колунда болгон бардык аракетин жасаган. Ар бириң аларга карыздарсыңар!

Ата-эне – бул баа жеткис бакыт, түгөнбөс байлык, өчпөс жылдыз. Ата-энеге урмат көрсөтүү парз жана эң сооптуу амал.

Address

Кыргызстан
Bishkek
720047

Website

facebook.com

Alerts

Be the first to know and let us send you an email when Таттыбү Назаркулова posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Таттыбү Назаркулова:

Videos

БАЙЫГЫҢ КЕЛСЕ, АЯЛЫҢДЫ ЫРААЗЫ КЫЛ!

😂😍 каалоо тилекти катырган наристе

"АТАНЫН МАЛЫ БАЛАГА ОПО БОЛБОЙТ”. "Ата-эне көөнү балада, баланын көөнү талаада”. “Бала өзүнүн баласы тууралуу ойлойт, кам көрөт”. "Балам, балалуу болгондо билээрсиң" - деп коет. Бирок, ата өз муунуна көзү өткөндө кор болбой оокат кылышына мал мүлк калтырат. Аны бала ирээттүү күтө билеби? Атамдын мага калтырган үйү-жайы дейби? Муну өзүндөй асырай алабы? Андайлар мүмкүн, бардыр. Бирок анткени менен атанын мандай тери, таман акысы менен баланын мандай тери менен таман акысы бирдей бааланбайт. Аныкы арзан, өзүнүкү кымбатка турат. Т.а. эмгектенген адамдыкы жогору, даана тузга татыйт. Бирок, бала бакыра албайт. Ошол үчүн ата эмгеги жеңилдей туюлуп, ал байлык арзан өндүрүлдү болот да, коромжуга учурайт.

Ойлончу атаңа кандай соопчулук, ага жага турган иш жасадың? Илгертеден салтыбызда карысы бардын ырысы бар деп улгайган ата-энеге жакшылык кылууда Жараткандан ырыскы берилет дешет. Урматтуу бир тууган! Ата-эне сени менен менин жаралышыма себепчи инсандар. Бала дайыма ата-энесинин кызматына даяр болушу керек. Ошондуктан ата-энелерибиздин ыраазычылыгын, дубасын алып, аларга кызмат кылып жашайлы.

🫢🫢🫢

Динге жамынып алып, тескери кеткендерди Муфтият тарбиялап, даават айтуу менен оң жолго салышы керек.

Өз колубуз менен таттууларды жасайбыз ❤️

Башканын жакшылыгына, бактысына чын ниетинен кубанган адам жүрөгү ак, тилеги түз акылман инсан .

Ну нельзя же такому балеруну отказать в вкусняшках!!!😂

Сауд Арабиядан келген сулуулук- блогери Сара Аль-Вадаани Орусияга болгон сапарында аюу менен фотосессияга катышууну чечкен. Жыйынтыгы ушундай болду.... 😂

Таттыбү Назаркулова

16/12/2024

15/12/2024

05/12/2024

05/12/2024

05/12/2024

05/12/2024

02/12/2024

01/12/2024

30/11/2024

29/11/2024

29/11/2024

26/11/2024

25/11/2024

22/11/2024

21/11/2024

21/11/2024

21/11/2024

21/11/2024

Address

Website

Alerts

Contact The Business

Videos

Өз колубуз менен таттууларды жасайбыз ❤️

Ну нельзя же такому балеруну отказать в вкусняшках!!!😂

Shortcuts

Share

Category