03/08/2022
KHOCHA
Khocha ali wandaye wa maayi woo.
Lisina khocha liamanana na sifuno mbo paapa woo ali nga wacha mumusiro khuenja esimbo (maayi woo).
Oli kolamo kanyolamo esimbo (maayi woo), Kabukula kakikhocha.
Nono sikilanga nabalanga wanga maayi baali ebukhocha lili mbo paapa woo kachayo mumusiro omwo kakhochamo esimbo.
Khocha ali ne kimilimo kimibofu mwimenya lia omwiwana.
Khocha niye obitanga babaana basoleli. Abukula esimbo esitati, lifumo nende engabo kawelesia babaana basoreri kabawa bibala bine, ali be ebunaswa, ebunafubo, mumbo ne likwe boosi babenywe, wababolela ali sitere silala sesira enda ta. ( nembara mwaelewe ano lusimo luuno).
Baana befwe khocha omululu niye, sosindikha khocha woo ta. Okhamupila chindani ta.
Khocha khakhaba khatiti khakhakhwinyukhila khundebe ta.
Wakhaba baali waenia lukhakwa ta, Sooya mukha khochao ta.
Soyila omukhasi mu kholo niyo khochao kayila ta, aba mulangana muli nanu?
Omwana we sikoko sekebukhila ebukhocha.
Omwana we sikoko sabwana kumulilo mu maika ka mukha khochawe ta, babang'onela kakabwe sibacho eyo.
Khocha sakapa omwiwana ta.
Khocha niye omukayi omubofu, siakila baloma bali wilukhila ebukhocha.
Bana befwe okhakula khasambu wamenya ebukhocha ta, soyindila ta, wisenda aleyi.
Lutukayi Okhwa Waswa | Omubuya Omuolo |
