01/12/2024
Oduu gammachiisaa ummata Oromoo boqachiisu
***************************************
Waliigalteen nageenyaa Mootummaa fi WBO waamicha nageenyaa fudhatan gidduutti jalqabame injifannoon goolabamee jira.
Tibbana qaamni lamaanuu marii nageenyaatti akka jiranii fi walhubannaan uumamaa jiraachuu ibsuun isaanii ni yaadatama. Haaluma kanaan qondaaltoota WBO waamicha nageenyaa fudhatanii fi Mootummaa gidduutti waliigalteen nageenyaa mallattaa'ee jira. Afaan qawweetiin dantaa Oromoo mirkaneessuun akka hin danda'amne, nageenya waaraa buusuuf waliin hojjechuu fi qabsoo dirree nagaa filannoo taasifachuun barbaachisaa ta'uurratti waliigalamee jira. Waliigalteen nageenyaa kunis qaamni sadaffaa osoo hin barbaachisne karaa aadaa fi duudhaa Oromoo ganamaa eegeen bakka Abbootiin Gadaa fi Haadhooliin Siinqee argamanitti mallattaa'eera
