ウェブサイトとは何ですか？

https://www.facebook.com/107691132383229/

Connect With Khine, Shibuya-ku (2025)

17/04/2024

🌼🍃နှစ်သစ်ဆုတောင်း🌼🍃

မြန်မာသက္ကရာဇ် ၁၃၈၅-၈၆ ခုနှစ်
💦 မြန်မာ့ရိုးရာသကြင်္န်💦 💦💦

🌼🍃နှစ်သစ် အခါသမယမှာ မိတ်ဟောင်းမိတ်သစ်များ အားလုံး ကျက်သရေမင်္ဂလာအပေါင်းနှင့် ပြည့်စုံ၍ ကိုယ်စိတ်နှစ်ဖြာ၊ကျန်းမာချမ်းသာကြပါစေ။

🌼🍃နှစ်ဟောင်းက အညစ်အကြေးများပပျောက်ပြီး နှစ်သစ်ကိုကံကောင်းခြင်း မင်္ဂလာများနှင့် ဖြတ်သန်းနိုင်ကြပါစေလို့ ဆုမွန်ကောင်းတောင်းပေးလိုက်ပါတယ်ရှင့်🙏🙏🙏

#နှစ်သစ်ဆုတောင်း
#မြန်မာနှစ်သစ်ကူး

12/04/2024

ဂျပန်ရောက်ရင်မဖြစ်မနေရှောင်ရှားသင့်တဲ့အချက်များ

01/04/2024

Momiji🍁& Sakura 🌸

29/03/2024

ဂျပန်နိုင်ငံမှာ ITအလုပ်ဖြင့်သွားရောက်နိုင်ဖို့ဘာတွေပြင်ဆင်ထားရမလဲ?

26/03/2024

ဂျပန်နိုင်ငံမှာ IT အလုပ်နဲ့သွားရောက်နိုင်ဖို့ ဘာတွေကြိုပြင်ထားရမလဲ

အလုပ်အကိုင်ရှားပါးလာမှုနဲ့ ကုန်ဈေးနှုန်းကြီးမြင့်လာမှုတွေက တနေ့တခြား မြင့်မားလာတယ်။ စား၀တ်နေရေးတွေကျပ်တည်းလာတယ်။ ဒီတော့ ရေကြည်ရာမျက်နုရာ တစ်နယ်ရပ်ခြား နိုင်ငံခြားကို အလုပ်သွားလုပ်ဖို့ ပြင်ဆင်ကြရတော့တယ်။ နိုင်ငံခြားသွားမယ်ဆိုတော့လည်း ဘယ်နိုင်ငံကိုသွားရမလဲ၊ ဟိုရောက်ရင်ရော လစာဘယ်လောက်ရမှာလဲ ၊ ပင်ပန်းတာတွေလုပ်ရမှာလား စသဖြင့် အမျိုးမျိုးပူပန်ကြရပြန်တယ်။ ကိုယ်ကအခု IT နယ်ပယ်ထဲမှာပဲ အလုပ်လုပ်ကိုင်နေတယ်။ နိုင်ငံခြားရောက်ရင်လည်း IT နယ်ပယ်မှာထဲမှာပဲ ဆက်ပြီး အလုပ်လုပ်ချင်တဲ့သူတွေအတွက် ဂျပန်နိုင်ငံက အကောင်းဆုံးရွေးချယ်မှုဖြစ်မယ်လို့ အကြံပြုပါရစေ။ ဘာလို့လဲဆိုရင် ကမ္ဘာပေါ်ကနိုင်ငံတွေထဲမှာ IT နဲ့ပတ်သတ်တဲ့ အလုပ်အကိုင်အခွင့်အလမ်းအများဆုံးနိုင်ငံက ဂျပန်နိုင်ငံဖြစ်နေလို့ပါ။ ဒါကြောင့် ဂျပန်နိုင်ငံကို IT အလုပ်နဲ့ သွားရောက်လုပ်ကိုင်လိုတဲ့ လူငယ်တွေအတွက် ဂျပန်နိုင်ငံမှာ IT အလုပ်ရဖို့ ဘယ်လိုအရည်အချင်းတွေလိုအပ်သလဲ ဘာတွေကြိုတင်ပြင်ဆင်ထားသင့်သလဲဆိုတာ ကျွန်တော်လက်လှမ်းမှီသလောက် ပြောပြပါ့မယ်။
ဘာသာစကား
ဂျပန်နိုင်ငံမှာ အလုပ်လုပ်ဖို့စိတ်ကူးထားတယ်ဆိုရင်တော့ IT အလုပ်မှမဟုတ်ပါဘူး ဘာအလုပ်ပဲလုပ်လုပ် ဂျပန်စကားကို အရေး၊ ‌အပြော ၊အဖတ် တတ်မြောက်ထားဖို့လိုအပ်ပါတယ်။ ဂျပန်နိုင်ငံရဲ့ ရုံးသုံးစကားကို ဂျပန်ဘာသာစကားအဖြစ်သတ်မှတ်ထားပြီး ဂျပန်နိုင်ငံသား 99% က ဂျပန်ဘာသာစကားကိုပဲ အသုံးပြုပါတယ်။ ဒီတော့ ဂျပန်ဘာသာစကား မတတ်ရင် ဂျပန်နိုင်ငံမှာ အလုပ်လုပ် ဖို့ဆိုတာ မဖြစ်နိုင်ပါဘူး။ ဂျပန်ဘာသာစကားကို သင်ယူမယ်ဆိုရင် N5,N4, N3, N2 ,N1 Level (၅) ခုအထိရှိပါတယ်။ ဂျပန်နိုင်ငံမှာ IT အလုပ်နဲ့ သွားရောက်လုပ်ကိုင်မယ်ဆိုရင်တော့ အနည်းဆုံး ဂျပန်ဘာသာစကားကို N3 လောက်အထိပြီးထားသင့်ပါတယ်။ ဒါကြောင့် ဂျပန်နိုင်ငံကို IT အလုပ်နဲ့သွားရောက်မယ်ဆိုရင် ဂျပန်ဘာသာစကားကို N3 Level အထိရောက်အောင် ကြိုတင်ပြင်ဆင်ထားသင့်ပါတယ်။
အလုပ်အကိုင် အခွင့်အလမ်း
ဂျပန်နိုင်ငံမှာဆိုရင် IT နဲ့ပတ်သတ်တဲ့ အလုပ်အကိုင်များစွာရှိပါတယ်။
(၁) Software Engineer/Developer
(၂) Web Developer
(၃) Mobile App Developer
(၄) Data Analyst/Scientist
(၅) Cybersecurity Specialist
(၆) IT Project Manager
(၇) Systems Administrator/Engineer
(၈) Network Engineer
(၉) Cloud Engineer
(၁၀)AI/Machine Learning Engineer
အရင်ဆုံးကိုယ်က ဘယ်နယ်ပယ်မှာ လုပ်ချင်တာလဲဆိုတာ စဉ်းစားပါ။ ပြီးရင်‌ကိုယ်နဲ့ကိုက်ညီမယ့် /ကိုယ်ဝါသနာပါတဲ့အလုပ်ကို ရွေးချယ်ပါ။ ဘယ်နယ်ပယ်မှာလုပ်ချင်တာလဲဆိုတာ ရွေးချယ်ပြီးပြီဆိုရင်တော့ လိုအပ်တဲ့ Skill တွေကို လေ့လာထားပါ။ သင်တန်းတွေတက်ပါ။ ကိုယ်ဖက်က ဘာသာစကားနဲ့ လိုအပ်တဲ့အရည်အချင်းတွေ ပြည့်စုံနေပြီဆိုရင်တော့ ဂျပန်နိုင်ငံကို IT အလုပ်နဲ့သွားဖို့က မခက်တော့ပါဘူး။ အားလုံးပဲ အလုပ်အကိုင်အခွင့်အလမ်းကောင်းတွေ ပိုင်ဆိုင်နိုင်ကြပါစေလို့ ဆုမွန်ကောင်းတောင်းပေးလိုက်ပါတယ်ဗျာ။

19/03/2024

ခုတလော scrub လေးတွေပဲစိတ်ဝင်စားနေ🥰🥰

16/03/2024

နေသာတဲ့နေ့တနေ့ရဲ့ နေဝင်ချိန်လေး 🌅 #臨海公園

15/03/2024

ခုထိကြိုက်တုန်းပဲ #なばなの里 #イルミネーション

12/03/2024

My weight loss journey 🤗 Day 2️⃣8️⃣🤽‍♀️🤽‍♀️

ဝိတ်တက်လာတာနဲ့ ကောင်းတာဘာမှကိုမရှိတော့ဘူး
စိတ်လွတ်ကိုယ်လွတ် ၁နှစ်ခွဲလောက်နေလိုက်တာ
၇၂ ကီလို အထိဝလာတော့တာပဲ😁😁

၇၂ကီလိုလောက်ဝလာတော့
တော်ရုံထိုင်ရာကမထချင်ဘူး
မနက်ဆိုရုံးသွားဖို့ အဝတ်အစားရွေးတာနဲ့ကိုစိတ်ဓါတ်ကျပဲ
ရထားနေရာမရလို့ နာရီဝက်လောက်ရပ်တာနဲ့ကို
ခါးရော ခြေမျက်စိပါနာလာရောပဲ
ကိုယ့်ကိုကိုယ်မှန်ထဲကြည့်လဲအဆင်ပြေမနေဘူး
အဝတ်ဝတ်ရတာအဆင််မပြေတော့
ဘယ်နေရာမဆ်ုဖြစ်သလိုပဲသွားနေတော့တာ
skin care လဲ no
make up လဲ no
ပိတ်ရက် ဘာပွဲညာပွဲ ဘယ်ပွဲမှကိုမသွားတော့တာ
Vlog ရိုက်ဖို့နေနေသာသာ
ကိုယ့်ဘာသာကိုယ်ဓါတ်ပုံတောင်မရိုက်ချင်ဘူး

ကြာလာလေတဖြည်းဖြည်းနဲ့
က်ုယ့်ကိုယ်ကိုယုံကြည်မူ့ပါမရှိတော့တာများ
ဒီတသက်ဝိတ်ချလို့မရလောက်တော့ပါဘူး
အိမ်ထောင်ကျသွားရင်ဝလာမှာထုံးစံပဲတို့
ဝတဲ့မျိုးရိုးမို့လို့ ဝမှာပဲလို့
က်ုယ့်တာဝန်ကိုယ်မယူပဲ
အမျိုးမျိုးဆင်ခြေတွေပေးပြီး
ဖြစ်သလိုနေနေတော့တာ

ခုတော့ ကိုယ်ကိုယ်တိုင်က အခုလက်ရှိပုံစံက်ို
လွှင့်ပစ်ချင်လောက်အောင်မလိုချင်တော့တာမို့
weight loss journey လေးကို ၂လပိုင်း၁၄ရက်နေ့မှာ
မှတ်မှတ်ရရလေးစတင်ခဲ့ပါတယ်🤗🤗

ကြားထဲခရီးသွားပြီး တရက်လောက်
စိတ်ကြိုက်စားလိုက်တာ
၂ကီလိုပြန်တက်သွားသေးတယ်😁😁

၂၈ရက်မြောက်မှာတော့ ၆၈ကီလိုနဲ့
၄ကီလိုလောက်ကျသွားခဲ့ပြီ
goal ကတော့ ၅၄ ကီလိုမို့
ဆက်ပြီးတော့ ကြိုးစားပါဦးမယ်

စာလေးကတော့ ၅၄ကီလိုရောက်သွားရင်
ကိုယ်လုပ်နိုင်ခဲ့တာလေးကို
အမှတ်ရနေချင်လို့ ရေးလိုက်တာပါ😊😊😊

11/03/2024

Snow World ☃️❄️

08/03/2024

ဂျပန်နိုင်ငံရဲ့ Aiနည်းပညာမျှော်မှန်းချက်ကဘာလဲ❓

07/03/2024

桜ライトアップ＠なばなの里

06/03/2024

ဂျပန်နိုင်ငံရဲ့ Ai နည်းပညာမျှော်မှန်းချက်က ဘာလဲ

မော်တော်ကား၊ ဆိုင်ကယ်၊ လျှပ်စစ်ပစ္စည်းအစရှိတဲ့ အီလက်ထရွန်းနစ်ပစ္စည်းတစ်ခုခုကို ၀ယ်မယ်ဆိုရင် Made in Japan ဆိုတာနဲ့တင် တခြားဘယ်နိုင်ငံထုတ်နဲ့မှမတူတဲ့ Quality မျိုးကို ပေးစွမ်းနိုင်တယ်ဆိုတာ အားလုံးသိပြီးဖြစ်ပါတယ်။ နောက်ပြီး ဂျပန်နိုင်ငံက အီလက်ထရွန်းနစ် ၊ သိပ္ပံနဲ့ နည်းပညာနယ်ပယ်မှာ ကမ္ဘာ့ဈေးကွက်ရဲ့ ရှယ်ယာအများဆုံး ပိုင်ဆိုင်ထားတဲ့ နိုင်ငံတစ်နိုင်ငံလည်းဖြစ်ပါတယ်။ ၂၀၂၃ ခုနှစ် စစ်တမ်းများအရဆိုရင် ဂျပန်နိုင်ငံဟာ သုတေသနနယ်ပယ်အတွက် အမေရိကန်ဒေါ်လာ (၁၃၀)ဘီလီယံထိ ရင်းနှီးမြှုပ်နှံထားပါတယ်။ ဒါကြောင့်လည်း ဂျပန်နိုင်ငံဟာ ကမ္ဘာပေါ်မှာ Digital Technology နဲ့ပတ်သက်ပြီး အလုပ်အကိုင်အခွင့်အလမ်းအများဆုံး နိုင်ငံအဖြစ်ရပ်တည်နေနိုင်တာဖြစ်ပါတယ်။ ဂျပန်နိုင်ငံမှာ နာမည်ကျော် Ai နည်းပညာ Company ပေါင်း (၆၇)ခု ရှိပါတယ်။ ကျန်းမာရေး ၊ပညာရေးနဲ့ ၀န်ဆောင်မှုနယ်ပယ်တွေမှာ Ai နည်းပညာအသုံးပြုထားတဲ့ စက်ရုပ်တွေကို အသုံးပြုနေပြီဖြစ်ပါတယ်။ ၂၀၁၆ ခုနှစ်ကတည်းက ဂျပန်နိုင်ငံအစိုးရက "Society 5.0" ကို အောင်မြင်ဖို့အတွက် လူအင်အား ငွေအင်အား အမြောက်အများသုံးပြီး ကြိုးစားနေတာဖြစ်ပါတယ်။
ဒီတော့ "Society 5.0"ဆိုတာကဘာလဲ။
ဘာကြောင့် ဂျပန်နိုင်ငံက "Society 5.0" ကို အောင်မြင်ဖို့ အသည်းအသန်ကြိုးစားနေရတာလဲ။
"Society 5.0" ဆိုတာကတော့ လူသားနဲ့ အရာ၀တ္ထုများကို System တစ်ခုတည်းမှာ ချိတ်ဆက်ထားပြီး လူသားတွေရဲ့လုပ်ဆောင်သမျှတွေကို Ai က တွက်ချက်ပြီး အကောင်းဆုံးရလာဒ်ကို ထုတ်ပေးမှာဖြစ်ပါတယ်။ ဒီလိုပြောလိုက်လို့ Ai က လူသားတွေကို ထိန်းချုပ်သွားနိုင်တယ်လို့ တွေးပြီးစိတ်မပူပါနဲ့။ "Society 5.0"က လူသားအခြေပြု Ai အမျိုးအစားဖြစ်လို့ လူသားတွေကသာ ဆုံးဖြတ်ချက်ချမှာဖြစ်ပြီး Ai က သတင်းအချက်အလက်ပေးဖို့နဲ့ တွက်ချက်ပေးဖို့ကိုပဲ လုပ်ဆောင်ပေးမှာပါ။ အဓိကရည်ရွယ်ချက်က လူသားတွေနေ့စဉ်ကြုံတွေနေရတဲ့ အခက်အခဲတွေကို ကူညီဖြေရှင်းပေးဖို့ဖြစ်ပါတယ်။ ဥပမာအနေနဲ့ပြောရမယ်ဆိုရင် ရေကာတာတွေ၊ တံတားတွေ ၊မီးပွိုင့်တွေမှာ Ai နည်းပညာအသုံးပြု စက်ပစ္စည်းတွေတပ်ဆင်ထားပြီး Ai နည်းပညာအသုံးပြုထားတဲ့ စက်ပစ္စည်းတွေက လူသားတွေကို စစ်ဆေးတွေ့ရှိချက်တွေကို အချိန်နှင့်တစ်ပြေးညီ ပေးပို့မှာဖြစ်ပါတယ်။ ဒါမှလည်း မတော်တဆမှုတွေကို နည်းနိုင်သမျှနည်းအောင် ကာကွယ်ပေးနိုင်မှာ ဖြစ်ပါတယ်။ နောက်ထပ်ဥပမာတစ်ခုပြောရမယ်ဆိုရင် ကျန်းမာရေး၊ ပညာရေး ၊ စီးပွားရေးစတဲ့နယ်ပယ်တွေမှာလည်း Ai နည်းပညာသုံး စက်ပစ္စည်းတွေတပ်ဆင်ပြီး လူသားတွေကို ကူညီပေးမှာဖြစ်ပါတယ်။ ဒါကြောင့် "Society 5.0" ကို ဂျပန်နိုင်ငံသာမက ကမ္ဘာ့နိုင်ငံအသီးသီးကပါ ကြိုးစားနေတာဖြစ်ပါတယ်။ "Society 5.0" ကို အောင်မြင်တဲ့ နိုင်ငံက ကမ္ဘာ့နည်းပညာအမြင့်ဆုံး နိုင်ငံဖြစ်လာမယ်လို့လည်းဆိုကြပါတယ်။ လတ်တလောမှာ ဂျပန်နိုင်ငံဟာ "Society 5.0" ကို အောင်မြင်နိုင်ခြေအများဆုံးနိုင်ငံအဖြစ်ရေပန်းစားနေတာဖြစ်ပါတယ်။ ဒါကြောင့် မကြာခင်မှာပဲ ဂျပန်နိုင်ငံက "Society 5.0" ကို အောင်မြင်သွားမလားဆိုတာကတော့ ဆက်လက်စောင့်ကြည့်ရမှာဖြစ်ပါတယ်

05/03/2024

AI နည်းပညာကို ဂျပန်နိုင်ငံမှာ ဘယ်လိုတွေ အသုံးချနေပြီလဲ❓

ဂျပန်နိုင်ငံဆိုတာ အားလုံးသိတဲ့အတိုင်း Life expectancy အမြင့်ဆုံးနိုင်ငံဖြစ်တဲ့အတွက် သက်ကြီးရွယ်အိုဦးရေကို ကိုင်တွယ်ဖြေရှင်းဖို့နဲ့ လုပ်သားအင်အား လျော့နည်းမှုကို ဖြေရှင်းဖို့ ဉာဏ်ရည်တု (AI) ကို အသုံးပြုလာရပါတယ်။ ကျွန်‌ေတာ်တို့ မြန်မာနိုင်ငံက လူတွေဆိုရင် ဂျပန်နိုင်ငံကို သက်ကြီးရွယ်အို‌စောင့်ရှောက်ရေးအလုပ်နဲ့ သွားရောက် လုပ်ကိုင်နေကြတာ လက်တွေ့ပါပဲ။ ဂျပန်နိုင်ငံက ဒီလို AI ကို အသုံးပြုပြီးတော့ နိုင်ငံခြားက စတင်လုပ်ကိုင်သူ‌တွေ
အသေးစားနှင့် အလတ်စားစီးပွားရေးလုပ်ငန်းတွေ(SMEs) တွေ၊ ဆွစ်ဇာလန်ကုမ္ပဏီ‌တွေနဲ့ ပူးပေါင်းဆောင်ရွက်တဲ့လုပ်ငန်းတွေမှာဆိုရင် အလုပ်အကိုင်အခွင့်အလမ်းသစ်တွေ ဖန်တီးပေးခဲ့ပါတယ်။ အထူးသဖြင့် ဖွံ့ဖြိုးပြီးနိုင်ငံတွေမှာဆိုရင် ဉာဏ်ရည်တု (AI) အသုံးချပြီး သိသာထင်ရှားသော နည်းပညာတိုးတက်မှုတွေ ရှိလာပါတယ်။ ဆိုတော့ ဒီ Artificial intelligence AI က လာမဲ့နှစ်‌ေတွမှာဆိုရင် ကမ္ဘာလုံးဆိုင်ရာ AI ဝင်ငွေ‌တွေသိသိသာသာ တိုးလာမယ်လို့ နိုင်ငံတိုင်းက ခန့်မှန်းနေကြပါတယ်။ ဒါ့ကြောင့် ဂျပန်နိုင်ငံကလည်း အားကျမခံ သူ့မျိုးဆက်သစ်တိုးတက်မှုနဲ့ ဖွံ့ဖြိုးတိုးတက်မှုအတွက် အင်မတန်ကိုမျှော်လင့်‌ထားတာပါ။ ဆိုတော့ ဒီ
AI "Society 5.0" ကို ပုံဖော်ရာတွင် အရေးကြီးတဲ့အခန်းကဏ္ဍက ပါဝင်လာမယ်လို့ ဂျပန်အစိုးရက မျှော်မှန်းထားပါတယ်။ AI ကို အင်မတန်စိတ်ဝင်စားလာတဲ့အတွက် ဂျပန်နိုင်ငံမှာတော့ အဖွဲ့အစည်း‌တွေမှာသာမက ကိုယ်ပိုင်စီးပွားရေးလုပ်ငန်းတွေမှာလည်း တိုးတက်မှုတွေ ရှိလာခဲ့ပါတယ်။ Toyota လို ကားကုမ္ပဏီကြီးတွေကလည်း မောင်းသူမဲ့ ကားတွေ ထုတ်လုပ်ဖို့ စီစဉ်နေပါပြီ။ အဲ့ဒီလိုပဲ Fujitsu ကုမ္ပဏီကလည်း AI သုတေသနမှာ ရင်းနှီးမြှုပ်နှံထားတဲ့ နာမည်ကြီး IT ကုမ္ပဏီတစ်ခုဖြစ်ပါတယ်။ ဒါတင်မကသေးပါဘူး။ Cinnamon AI ကုမ္ပဏီကလည်း Data တွေ Documents တွေကို ဖတ်ပြပါအုံးမယ်တဲ့ခင်ဗျာ။ ကျန်းမာရေး စောင့်ရှောက်မှုမှာဆိုလည်း Cardio Intelligence ဆိုတဲ့ ကုမ္ပဏီက လူတွေရဲ့ နှလုံးခုန်နှုန်းတွေ၊ နှလုံးခုန်မမှန်တာတွေ စတဲ့ နှလုံးရောဂါ ရှာဖွေခြင်းတွေကို လုပ်ဆောင်ပေးမှာဖြစ်တဲ့ အလိုအလျောက် ရောဂါ‌ရှာဖွေပေးတဲ့စနစ်ကို တီထွင်ထားပါပြီ။ ဒါ့အပြင် လူသားအထူးကု ကျွမ်းကျင်ဆရာဝန်ကြီးတွေနဲ့ ကုသမှုခံယူဖို့ အခက်အခဲဖြစ်နေတဲ့ ကမ္ဘာတစ်ဝှမ်းက လူနာတွေကို ကူညီပေးအုံးမှာဖြစ်ပါတယ်။ ဂျပန်နိုင်ငံက အရင်ကတည်းက စက်ရုပ်နဲ့ အလိုအလျောက်စနစ်တွေမှာ
ဦးဆောင်သူဖြစ်တဲ့အတိုင်းပဲ AI မောင်းနှင်တဲ့ စက်ရုပ်များကို သူနာပြု center တွေနဲ့ ဆေးရုံ‌တွေမှာ
ဖြန့်ကျက်ထားပြီး လူနာ‌တွေကို သယ်ဆောင်ခြင်း၊ အဖော်ပြုပေးခြင်းနဲ့ အချို့အခြေအနေ‌တွေမှာဆိုရင်
ပြုစုစောင့်ရှောက်သူတွေအဖြစ်တောင်ဆောင်ရွက်ပေးနေပါပြီ။ ကျန်းမာရေးစောင့်ရှောက်မှုတွေ လမ်းပန်းဆက်သွယ်ရေးတွေနဲ့ အခြားနေ့စဉ်လူနေမှုဘဝကဏ္ဍအသီးသီးတွေမှာ AI နဲ့ ပေါင်းစပ်မှုက ဂျပန်နိုင်ငံသား‌တွေအတွက် ဘဝနေထိုင်မှုအရည်အသွေးကို မြှင့်တင်ပေးနေတာပါပဲ။

တိုးတက်မှုတွေ အရှိန်အဟုန်ပြင်းတဲ့ ဂျပန်နိုင်ငံကတော့ AI နဲ့ ပေါင်းစပ်ပြီး ဆက်လက်တိုးတက်နေအုံးမှာပါပဲ။ ဒါ‌ေကြာင့်ဂျပန်နိုင်ငံဟာ ဖွံ့ဖြိုးပြီးရင်းဖွံ့ဖြိုးတဲ့ နိုင်ငံအဖြစ်ဆက်လက်ရပ်တည်အုံးမှာပါ။

03/03/2024

Sakura illuminations

17/02/2024

ကြက်သွန်၊အာလူး၊မုန်လာဥနီ
သူ့အိတ်လေးနဲ့အပြည့်ထည့် ယန်း၂၀၀

လိမ္မော်သီး ကျွဲကောသီး ပန်းသီး
သူ့အိတ်လေးနဲ့အပြည့်ထည့် ယန်း၅၀၀

မုန့်ညင်းဖူးလေးတွေလဲစျေးတန်
နံနံပင်လဲစျေးတန်

အိမ်နားကဆိုင်လေးမှာ Sat Sun ဆို
စျေးသက်သက်သာသာနဲ့အသီးအရွက်ရတယ်

နေလာတာ၃နှစ်ပြည့်တော့မယ်မသိဘူး
အောက်ထပ်ကညီမလေးပြောလို့ဒီနေ့မှသိတယ်🤣🤣

09/02/2024

Happy Chinese New Year 2024 🧧🧧🎊🎉

31/12/2023

Happy New Year 🎊🎉🎊🎉
နှစ်သစ်မှာဘေးရန်ကင်းဝေးလို့ကျန်းမာချမ်းသာကြပါစေ🎉🎊

Connect With Khine