Voice Of Chinland

06/01/2022

Man lo tein Miraang ca cawn khawh a si
〰〰〰〰〰〰〰〰〰〰〰〰〰〰
Miraang ca le miraang holh cawn a duh mi nan um ahcun, a tanglei link in register khawh a si.

https://docs.google.com/forms/d/1jnRdGyvGsNnBGpCieTksAxWTf2JfuFhGjPIquQEnqZw/edit

Cawn na duh ko nain, k*m 10 in k*m 14 kar na si lo ahcun, zaangfahnak tein email ra kan kua law bawmh khawh kan in zuam lai.

A kai duh ding mi nan theih mi an um ahcun rak chim cio hna uh tiah sawm kan in duh hna.

A dang hal ding nan ngeih mi a um ahcun, zaangfahnak tein a tanglei email ah rak kan kua u law, leh khawh colh kan in zuam hna lai!

page Link: https://www.facebook.com/In-Tandem-with-Education-107446421816536/

Email: [email protected]

➖➖➖➖➖➖➖➖➖➖➖➖➖➖➖➖➖➖➖➖

COVID-19 phun khat a si mi OMICRON in luat nakding ah
〰〰〰〰〰〰〰〰〰
🔊 Na k*t i tawl.
🔊 Mi dang he hlat nawn in um.
🔊 Mask i huh.
🔊 A herh lo ah leng chuak hlah.
🔊 Vitamin a tam mi rawl ei.
🔊 Mit kuh vuai tein it.

01/12/2021

29/11/2021

Ram Dawtu Nutling Pawl Hna Photos.

Thla 10 chung ah ralhrang nih ram dawtu nusal, nutling bak an thahmi hna theih khawh tawk an photos pawl. Philh sual lonak ah i save khawh le share khawh a si. Khuami, hawikawm le theih hngalh nih kan in philh sual hna hmanh ah kan ram nih cun an philh hrim hna lai lo.

Upatnak Ngan Bik Kan In Pek Hna.

26/11/2021

Evan Le Pastor Pawl, CDF Nih An In Hlam Hna, An Inn Ngai Hna.

CDF Chungtal nih Pastor le Evan hna nih kan buk teah kan tlawng hna sehlaw Pathian bia in thzaang kan pe kho hna sehlaw kan i lawm tuk ko hnga, Pathian bia in thazaang pek kan herh ko tiah an ti. Hihi, minung pakhat hnih lawng nih an chim ko. Nain, a si awk a si ko caah le an duhnak a si cio ko lai tiah ruahnak ngei in kan rak langhter. Mahhlan ah mi tlawnte nih an chim pah tawn mi cu CDF kan fale Wine le Beer din an hmang an ti pah tawnmi hna hi Pastor Le Evan nih cun ruah ah siarem in thut ko awk a tha lo. Kan kal ah cun a thatnak a chuahpi hrimhrim ko lai tizong ruahchannak ngei bu in rak langhter mi a si.

Covid-19 ruang le Min Aung Hliang ralhrang ruang ah Chin miphun Pathian kan thangthat kho ti hna lo. Zarhpi ni ah pumh a um ti lo leng ah Inn Chungkhar thlacam tik ah kan tling tilo. Ram lak ah kan fa dawt cheukhat cu khua an sa cang, micheu cu an um thai tilo, ruah ah ngaih a chia kho tuk. Khuachung ah hawikawm rual he chawh le vah zong kha an ngai tuk cang. A bik in Biak Inn ah Pathian thangthat kha an ngai hlei khun, Mino an si caah an duhmi a tam, an herh mi a um len, an i nunpi ding ah Pathian bia in thazaang pek zong a rak biapi tuk ve. Cu caah Evan le Pastor hna nih CDF/CNA an umnak buk te ah kan tlawn piak kho hna uhlaw a tha tuk ko hnga mu. Zankhat silo zanhnih zong kan riah piak ko hna uh, Pathian nih an huhphanh ko hna lai dahkaw.

Um kalnak a har, ralhrang nih an kan thah sual lai tiah tihnak nih kan nun a kan hruai ah cun nunnak pek ngamh in Pathian riantuan aa timmi kan si lo tinak khi a lang ngaingai hnga. CDF minung hna nih Pathian bia in thazaang pek kan herh hringhran ko tiah an timi hi kan Evan le kan Pastor te nih kan theih piak sawhsawh lo tein an herhnak zawnte ah teiman kan thluk piak kho uhlaw kan i lawm tuk ko hnga.

Kan hnu ah CDF-Thantlang chungtal minung hna cu Pathian bia in pakhat le pakhat thazang ipek kha an ngai tuk cang ii khua pakhat ah an va kal i rawl ulh hna in thla an cam ti thawng kan theih. An cung ah Pathian i lawm zungzal ko seh.

Chin ram ah ralhrang hna hi CDF le CNA ral lawng an sihrim lo. Chin mi kan dihlak raltu an si. Kan biaknak le kan sining vialte thlen dih a kan timtu, hrawk dih a kan duhtu le kan citiang hmihdih a kan timtu ralhrang dohnak ah hin a lam kip in kan tikhawh tawk a um ko dahkaw. Cu caah hriamnam he ral a dohmi hna kan miphun mino, thangthar rual hna hi Pathian bia lawng silo in a lamkip in dirpi cio hna usih. A tutan kan teilo sual ah cun Pathian hmanh kan thangthat kho ti lai lo, kan nung nain mithi kan lo te lai. Teilo a ngah bak lo mi ral a si.

Pastor le Evan nih an hmuh khawh ii an thinlung ah Pathian nih rian a tuannak hnga share cio usih.

19/11/2021

Theih Nuam lo Thawngpang:

November 18 ah Thantlang le Sopum khua karlak ah ralhrang le CDF/CNA kahdohnak ah Khua Tin Thang nih ram le muphun caah nunnak a pek.

Khua Tin Thang hi Malaysia ah caan sau nawn a um hnu ah kan ram ah a kir i a tu bantuk in ralhrang thalo dohnak ah a caan le a sining a pek hnu a nunnak a pek hi a si tiah kan theih.

Thawngfiang update khawh kan rak zuam than lai.

16/11/2021

Tidim Peng Aklui Khua Ah Nu Pahnih Ralhrang Nih Tlaihhrem An Sinak Update.

Kan hnu deuh ah khan fa pathum ngei a fahniang thlakhat lawng a si rih mi ralhrang minung pathum nih zankhat ah voithum cio an tlaihhrem tiah kan rak langhter cang. Mah thawngpang kha thawngfiang a si.

Zankhat ah ralhrang minung pathum nih an pa he an ihnak khan ah voithum cio an sualpi mi a si. An pa kha ralhrang pakhat nih meithal in kan kah lai a ti. A lu ah meithal kuang in a cumh i a lu zong kau nawn piin a tlek tiah thawngfiang theih a si. Mah ti a cumh hnu ah rawl chumhnak coka lei ah a kalpi. Mah lio ah ralhrang pahnih nih a nupi cu voikhat veve an sualpi hnu ah a kalpi tu pa zong cu an thlen i a sualpi ve tiah thawngfiang theih a si.

An pa cu an tuk le an velh nak ah thi le hnai he a khat ii a ihnak hmun hmanh in a tho kho tilo tiah theih a si. Zan tlai hnu n**i 11 hrawng ah an rak lut than ii hawihlan bantuk in an ka tlaihhrem than tiah an nu nih cun a chim. Ka fa nih le a hngakchiat tuk caah a Inin ka in lawlaw ko a ti. Cun deilai n**i 4 hrawng ah an rak lut than ii a ning kel tein an ka tlaih hrem than tiah khuami sin ah a chim.

Aklui khua, November 11 zan ah, fa 4 a ngei cangmi nau pawi lio thla 7 a simi zong ralhrang nih an tlaih hrem than. Hi kongkau cu zalen nih a langhter ning chirhkhan in kan rak tial lai.

November 11 zan n**i 10 hrawng ah ralhrang minung pahnih cu kan inn ah an rak lut ii phaisa an kan hal an ti. Phaisa kan ngei lo kan ti caah an chuak than tiah chungkhar bik an nu nih cun a chim. Zan n**i 11 le cheu hrawng ah an rak ra than, Innka kan onh hna lo ah cun kan chungkhar tein kan in thah hna lai an kan ti caah innka cu kan pa nih a va onh hna, ma tlawmpal ah kan pa cu an velh, fak taktak in an velh, a k*t le a ke tiang an tem tiah a chim.

Mah lio ah cun pakhat nih tikholhnak khan lei ah kal tiah a ka fial, ka duh lo. Nain, na kal lo cun kan kah lai a ka ti caah kah ding cu ka duh ve lo ruang ah Zichukhan lei ah cun ka kal. Mah lio ah cun pakhat nih a ka tlaihhrem hnu ah pakhat cu a ra than i a ka tlaih hrem ve tiah a chim.

Mah dih cun an chuak ii zan n**i 2 le cheu hrawng ah an rak ra than, Innka kan onh duh ti lo. Nain kan on lo cun nan inn kan duah lai an kan ti caah innka cu kan onh than hna a ti. Kan pa cu an velhnak ah a cei tuk caah a tho kho ti lo. Cu caah Zichukhan lei ah cun an ka hnuh than i voi khat veve an ka tlaihhrem than tiah a chim. Hi an ka tlaihhrem lio ah hin na lungtling (cenet) maw tiah an ka hal veve a ti. Zei hmanh chim ding ka theih lo ruang ah holh lo tein ka um a ti.

Thla 7 nau pawi lio mi ka si tik ah an ka tlaihhrem caah ka thi zong tam tuk a chuak, ka celh bak lo caah thih lawlaw zong ka duh tiah khuami sin ah a chim. November 12 ah ralhrang pawl cu Akkui khua in an chuak cawlh ve tiah khuami sin in theih a si. An chuah hnu lawng ah hi thawngpang hi theih a si.

Thla 7 nau pawi lio ralhrang minung 2 nih voi hnih veve an tlaihhrem mi nu hi fa 4 a ngeimi a si tiah kan theih. Ralhrang minung 3 nih voithum cio an tlaihhrem mi nu hi fa pathum ngei, a fahniang thlakhat a siah theih a si. Cun, a tu nau pawi lio minu hi a fa thlakhat lawng a si rih mi an pa ii a nau nu a si tiah khuami pakhat nih cun a chim.

Note: Hi Thawngpang hi Zalen chirhchan in le Tidim khuapi minung pakhat sin in kan lak chin mi a si caah a tlamtlin lonak le hngalh thlu lomi a um lai ruang ah nan rak kan theihthiamnak lai nawlh chih nan si. Cun, Tidim khuapi khuasa pakhat nih cun Tidim minung pohpoh kan thin hung tuk tizong ah a chim.

Vawlei pumpi theih in share khawh a si.

Photo: google

12/11/2021

SAC Tiah Kan Chim Le Kan Hman Lengmang Mi Hi Tha Lo.

SAC ti cu State Administrative Council ti a si. Mah min hi an mah tein an duh tuk ruang ah Febuary 1, 2021 ah an rak i bunh mi min a si. Hi min an i bunh mi hi mipi le ramdang nih theihpi mi min a si lo. Lai media ngan p**i nih SAC tiah kan hman peng rih mi hi hrial khawh ah cun a tha.

A ruang cu an mah duh mi min te an ibunh mi hi theihpi lomi a si tik ah Media nih SAC tiah kan chim le kan hman peng a siah cun phunglut min ah kan luhter zungzal khawh mi a si caah a si.

Mipi nih an tuahmi le an nun ning vialte a thatlo caah kan doh hna, kan dir onh hna lio ah an duhmi min tein kan auh lengmang hna hi ralhrang a bawmtu Media ti hmanh ah an kan auh thai sual lai ti hi phan a um ngaingai.

SAC tiah a hmang rih mi kan Lai Media ngan ah cun The Hakha Times, The Chin Journal hi an si. The Hakha Post le The Chinland Post hna nih cun an hmang ti lo. Hihi phunglut min ah kan hman sual ah cun a phung ning in hman mi min a si lo caah kan mah zong phungning lo Media an kan ti ve sualnak hnga lo hman ti lo ah a tha.

SAC tiah catial minak fiang deuh in Mr. Hornbill timi page nih special taktak in a hman ve ii a nih khi ai thokka lawng a si caah mindang deuh in kan hman piak kho ve sehlaw a tha tuk lai.

Phunglut min a si lo caah phunglut min ah kan hman lo ah a tha tinak khi a si.

Mindang in hman ning tu cu mah le siarem ning in hman cio ah a poi tuk lem lai lo dah. Ramdang, NUG le Kawl Media nih an hman cio mi mindang hna zong khi kan i hrawm khawh ah cun a tha thiamthiam.

Na copy i na website ah na chiah ah cun source le chirhchan tha tein pek khawh i zuam. Na pek lo ah cun copy hlah.

By; Sang Bawi

12/11/2021

“Dalan" Nu Meithal Zun 9 In An Kah Caah A Thi.

Zar Chi Oo timi nu “Dalan" a si caah Dawei Tiger Force nih an thah tiah Queriilla Dawei nih a langhter.

Daw Zar Chi Oo hi ralhrang uknak kan duhlo timi rak langhter lio zong ah hruaitu a simi le PDF chungtal a si tiah a theih mi hna cu ralhrang sin ah thawng a rak thanh lengmang mi a si tiah Querrilla Dawei nih cun a langhter chih.

Mah lawng cu a si rih lo, PDF chungtal a silo mi le ralhrang uknak kan duhlo tiah a langhter menmen mi hna zong hi amah nih a rem lo mi hna an siah cun lih le hrawkhrawl in ralhrang sin ah thawng a thanh hna ii a tlaihter hna tiah an chim. Cun, mahti thong a thlak mi hna cu an chungkhat sinah phaisa ka pe uhlaw Police ralhrang pawl cu kan nawl piak hna lai i kan chuah piak hna lai a ti hna caah phaisa cu an pek lengmang tiah Querrilla Dawei nih cun a langhter.

Cu caah Zar Chi Oo cu a tu ni November 12 chun n**i 12 hrawng ah meithal zun 9 in an kah i a thi tiah thawng kan theih hi a si.

Source: The Irrawwady

12/11/2021

Ralhrang Bawi a simi Mah Poe timi cu mipi ralkap (PDF) ah ai cang tiah the irrawaddy nih November 12 ah a langhter.

11/11/2021

Thlakhat Chung Ah Ralhrang 1300 Leng Thah An Si.

October 7 khan a tu ni Ñovember 11 tiang ah ralhrang an thahmi hna cu 1300 leng an si tiah NUG cozah nih thawngthanhnak a tuah.

Thlakhat chung ah kahdohnak voi 207 a um ii ralhrang 1309 an thi, 463 nih hliamhma an tuar tiah November 11 ah NUG nih thawng a thanh hi a si.

11/11/2021

Hakha, khuathar ah a ummi Pu Mang Cin cu “Dalan" a si an ti caah November 10 zan ah a ho ti hngalh lomi nih meithal in an kah ruang ah a nunnak a liam tiah kan theih.

A nih hi a luan cang mi caan zeimawzat ah khan ram le miphun kilvengtu ralkap nih warning an rak pek bal cang tiah pawngkam mi nih an chim.

Dalan cu, thah dih ding an si ko tiah Hakha khua, Khuathar sang ummi minung pakhat nih a chim lio ah midang zong nih a dik bak mi a si an ti.

Photo: Athing

10/11/2021

CDF-Thantlang Hruaitu Minung Pahnih Nithum Chung Rawl Ulh In Thla An Cam.

Upat awk an tlak na ti le Mipi caah thazaang a si na ti siah cun Page like&follow, Share kan bawm ve.

tu thla thokka, November 2 ah khan khua pakhat ah CDF hrauitu minung pahnih cu an va kal i nithum chung rawl ulh in thla an cam tiah kan theih.

Min langhter a duh lo mi khuami pakhat nih a chimnak ah cun Thantlang CDF hruaitu kan khua ah an rak tlung. Kan khua zong ah CDF Training a tuahmi kan tam pah cazong ah an rak tlun hi a si pah lai. A rak tlung mi hi minung pahnih lawng ka theih hna, a dang zong i tal hna sehlaw ka thei lo tiah a ti.

A nolh than rih mi cu, an mah herh ruang, trianing pek duh ruang ah le zeidah an lawh hnga tiah an rak kan vehfet rua tiah kan ruah. Nain, CDF hruaitu pahnih nih a tu bantuk in rawl ulh in thlacamnak an ngeih tik ah kan khuaruah an kan harter ngaingai. Upat awktlak hrim an si, upat hna lo awk hrim zong an tha lo tiah a ti. Hi rawl ulh thlacamnak hi khuapi in kan tuahmi cu a si lo. Nain, a hmuam mi poh cu kan ulh tawn ko a ti. A tutan rawl ulh thlacamnak hi nithum chung caan kan pek tiah a chim.

Zei herh hmanh ah kan rak tlung lo, nan khua ah rawl ulh in thlacamnak an ngei tawn tiah kan theih caah kan nih zong nan sin ah Pathian he biaruahnak ngeih le thangthat kan duh ve caah kan rak tlun mi a si ko tiah an kan ti a ti.

Ram le Miphun caah CDF kan unau hna ramtang ah khua a sa ko mi hna nih a tu bantuk in Pathian sin ah rawlulh in thlacamnak an ngeih hin mipi kan i lawm dih cio lai tiah ruanchannak he hi ca hi rak tialmi a si. A fiang hlang tein langhter zong kan duh ko. Nain, langhter awk a thatlo caah a si.

Cun, Jesuh cawn piaknak ah thla nan cam tik ah midang nih ka thei hna seh tiin nan cam lenmi hi a phungning a si lo, Satan duhci a si a ti caah kan langhter dih lonak zong a si. Rawl loin an umnak ah an thazaang a dihmi le mithli he ram le miphun caah an thla camnak cu Pathian nih theih piak hna sehlaw mipi ca tiang zong in hlawhtlinnak kan pek piak hram ko seh.

Note: Hi thawngpang hi mipi sinah Voice Of Chinland nih langhter a duh ve lo. Nain, kan ruah lengmang tik ah mipi le CDF/CNA caah thazaang a kan pek khawh men lai timi ruahchannak he kan hun langhter mi a si.

06/11/2021

Thantlang Kahdohnak Ah Chin Ralkap A Thimi A Um.

Nivember 6, Thantlang ralhrang cu CNA/CDF nih an kah hna caah inn 5 hrawng an khangh chap tiah kan theih. Hi inn khangh mi ah TABC nih ngaktah an cawmnak hna Inn zong an khangh chih tiah kan theih.

Hi kahdohnak ah CNA lei in pasal bak a simi nih ram le miphun caah a nunnak a pek tiah theih a si. CDF lei in minung pa 2 nih hliam an tuar tiah kan theih.

Chin ram ah kahdohnak a fak khomi a si caah mipi nih khual tlawn le umkal i ralring ko uh tiah Pu Htet Ni nih cun a chim.

05/11/2021

November 5, Thantlang Ah An I Kap.

A tu ni zing n**i 10 hrawng khan Thantlang ah kahdohnak a um. Ralhrang lei minung 2 an thah hna leng ah minung 2 an fak ngai in an hliamh hna tiah kan theih.

CNA/CDF lei zong aa hliam mi minung pahnih an um tiah theih a si. Minung pakhat nih a phei ah meithal hliam a tuar i pakhat deuh nih a ban ah a tuar tiah kan theih.

Hi hliam a tuar mi CNA/CDF lei cu an nunnak caah thinphan tuk ding a um lo tiah kan theih.

Bawipa tu nih damnak tlamtling pe zokzok ko hna seh.

31/10/2021

CDF-Hakha Nih Fakdeuh In Kahdohnak Kan Tuah Cang Lai An Ti.

Thantlang Ii ralhrang thil tuah thalo ruang ah CDF-Hakha cu an i tuar kho hrim lo.

Cu ruang ah uico ralhrang cu fakdeuh in kahdohnak kan tuah cang hna lai an ti. Nan ngamh taktak a siah cun Inn le Lo um lonak, khuachung a silo mi ramtang ah rak chuah uhlaw kan i tawng hna lai an ti cang.

30/10/2021

CNA/CNDF Nih Ralhrang 2 An Thah.

October 30, Chunlai deng n**i 11 hrawng ah Falam in Kalay lei ah ralhrang mawtaw 15 a kalmi cu Lungbang khua pawng ah CNA/CNDF i bawm in bom an puah hna ii pahnih an thi tiah theih a si.

Bom nih mawtaw le minung zong a khen hna caah mawtaw 8 ai rawk ii ralhrang 15 hliamhma an tuar tiah theih a si.

Mawtaw 3 in zanlei n**i 5 le 30 hrawng ah ralhrang pawl cu Tidim khua chung ah an lut tiah CNDF sin in theih a si.

Crd. The Hakha Post
Photo. Athing

30/10/2021

Bawpa Kan Dirpi Ko.

30/10/2021

CDF Thantlang nih October 30 zing tiang ah ralhrang nih Inn an duah i a kaangmi cazin cu an si khawh chung in an khomhsuat ii Inn 162 an khangh mi a si tiah kan theih.

Zing tiang ah meikhu pawl cu a um rih. Nain, a elh thluahmah mi cu a um hraw ti lo tiah kan theih.

29/10/2021

Zanlei n**i 6 tiang ah Thantlang Inn 100 hrawng ralhrang nih an khangh cang.

A kaang lio mi nih a pawngkam a tlaih chih ding Inn zong an um len tiah kan theih. Pathian nih van ruah tal tampi in hun surter hram sehlaw kan hna angam deuh hnga mu.

23/10/2021

October 23
CDF kan unau hna Khamh Thawng le Hrang Thio nih ram le miphun caah an nunnak an pek.

An pahnih tein bom an tarh mi an i lamh sual i a tu bantuk in an nunnak a liam hi a si tiah kan theih.

22/10/2021

Hakha Nih Inn Duah Piak Mi A Bawmh.

Falam peng kan unau hna cu kawl uico ralhrang nih an inn le an lo an duah piak ruang hna ah harsa ngaingai in an um tiah thawng theih a si.

Hi inn duah piak mi hna cu Rialti, Thlanrawn le Ttal khua hna hi an si. A tu ah harsa tuk in ralhrang nih an chiah ruang hna ah Hakha biaknak lei hruaitu Committee nih phaisa ting 18 a bawmh hna tiah kan theih.

Crd: zalen

22/10/2021

Hakha Le Thantlang Mino Duhtin Cuainak Hlei A Rawk Cang.

Timit hi Hakha lle Thantlang mino nih duhtin kan cuainak ah zulhmi a si. Ngahring dawinak le nomhnak ah kan zulh bik mi lam a si.

A tutan kawl ralhrang ruang ah duhkip cuainak hlei hrawh a si hi cu thinlung a fak ko. Nain, kan tei tik ah hi nak kau deuh le tha deuh in kan donh than te ko lai. Thachiat in zaangder hna hlah usih.
October 20 ah hrawh a si.

10/10/2021

October 10, KNDF Bo-1 hna hlasaknak video.

10/10/2021

October 9 zan, Maung, Lungthli Tum umnak pawng te ah nizan ah bomh a puak.

Yangon Hliang Myo ah zanni 7 le cheu hrawng an bomh a puak tiah thawng theih a si.

Pyi Line zong ah a puak than tiah theih a si. A tu bomh a puahnak hi Yangon khuapi laifang nawn ti khawh a si. Hlaing Myo ah cun Laimi tampi zong khua kan sa hna.

A tu a puahnak zong hi Maung Lungthli Tum zung hmai pawngkam hrawng ah si dawh a si. Inn Sein lampi a kam bak ah tiin an langhter.

Maung Lungthli Tum cu a lungre a thei ngaingai lai. A ruang cu a tu a umnak hrawng khi ral an thawh ah cun a sipuaizi tampi a thihkheih khawh.

A sipuaizi kong a ruat lai, a nunnak kong a ruat lai, khatlei in ral lawng te nih an kulh tik ah cun vava a tum ko lai a tu hi tiah an chim len.

09/10/2021

Maung, Lungthli Tum nih CDF he pehtlai in a nunnak a liam mi Mara kan unau pa innchungkhar hna cu ting 50 ka bawmh ve hna tiah thawng a hun thanh cang.

06/10/2021

Malaysia ummi le Delhi ummi pasal nusal vialte Chinland ah tlun in CNA/F ah luh khawh a si.

Tlun kalnak zong liam piak ding le ding lo i pehtlaih hmasa a hau. CNFRC sin ah malaysia um mi nih cun pehtlaih khawh a si.

K*m 18-35 kar minung poh cu duh ah luh khawh a si.

Pehtlaihnak: cnf.malaysia2012gmail.com ah pehtlaih khawh an si.

01/04/2021

မြန်မာစစ်ကောင်စီကို လုံခြုံရေးကောင်စီက ဒဏ်ခတ်အရေးယူဖို့ တရုတ်ကန့်ကွက်
~~~~
■ တရုတ်နိုင်ငံက မြန်မာနိုင်ငံမှာ ငြိမ်းချမ်းရေး၊ တည်ငြိမ်ရေး၊ တရားဥပဒေစိုးမိုးရေး အမြန်ဆုံး ပြန်လည် ပေါ်ထွန်း လာဖို့နဲ့ ဒီမိုကရေစီ အသွင်ကူးပြောင်းရေးကို ဦးတည်နိုင်ဖို့ကို မျှော်လင့်ထားတယ်လို့ ကုလသမဂ္ဂဆိုင်ရာ တရုတ်သံအမတ်ကြီးက Zhang Jun က တံခါးပိတ်အစည်းအဝေးမှာ ပြောဆိုခဲ့တယ်လို့ အေအဖ်ပီသတင်းမှာ ဖော်ပြထားပါတယ်။
ဒီကနေ့ မြန်မာ့အရေး လုံခြုံရေးကောင်စီအဖွဲ့ဝင် ၁၅ နိုင်ငံကနေ တံခါးပိတ်ဆွေးနွေးခဲ့ကြတာဖြစ်ပါတယ်။

13/03/2021

Tlaih ding ah nawlchuah (warrant) an si cang. Hakha khuachung hmun kip ah Ralkap le Palek nih an hmanthlaak an taar/benh.
1.Salai Ngun San Aung
2.Dr. Biak Cung Lian
3. Salai Van Tin Lian
4. Salai Elishama
5. Ni Ceu (Meithat Officer)

11/03/2021

Thaizing March 12, 2021 (Ninga Ni) ah TCF hruainakin ram le miphun caah khuapi tein rawl ulh thlacamnak a um lai.

A hmun : TBC, AG, JMBC
A ni : March 12, 2021
A caan : 9:00 am

Khuapi tein chuah khawh i zuam hna usih!
Note : Thlacam chung dawr khar piak ah tha..

11/03/2021

Photo News