27/12/2024
“တစ်မိနစ်အလုပ်လုပ်နည်း”
အပိုင်း(၅) အဆုံးသတ်
朝1分で 仕事が出来る人になる
1分間仕事術
အထိရောက်ဆုံး အလုပ်လုပ်စရာစာရင်းပုံစံဖြင့်1 မိနစ်အလုပ်လုပ်နည်း စနစ်ကို ဘယ်လိုအသုံးချမလဲ။
အလုပ်လုပ်စရာစာရင်းကို ဘယ်လိုဖန်တီးကြမလဲ။
လက်အောက်အငယ်တန်းဝန်ထမ်းတွေအတွက် အလုပ်လုပ်နိုင်စွမ်းကို အရှိန်မြှင့်ရန် အမြန်ဆုံးသော အကြောင်းရင်းတခုက အလုပ်လုပ်စရာစာရင်း
တခုက ပြုလုပ်ခြင်းဖြစ်ပါတယ်။
တစ်မိနစ်အတွင်း အလုပ်လုပ်စရာစာရင်းကို ချရေးဖို့ ပြောခဲ့ပေမဲ့၊ အစပိုင်း အသားမကျသေးခင်အချိန်မှာ တစ်နာရီလောက် အချိန်ကြာရင်တောင် အလုပ်လုပ်ရမယ့် စာရင်းကို ချရေးဖို့က အရေးကြီးပါတယ်။
"လှေခါးပေါ်မတက်ခင် လှေခါးကို နေရာမှန်မှာ ထောက်ထားဖို့ သေချာပါစေ။"ဆိုတဲ့ စကားရှိပါတယ်။
ကိုယ်က အရေးကြီးတယ်လို့ ယူဆတဲ့အလုပ်ဆို
လျှင်တောင် အထက်အရာရှိရဲ့ ဦးစားပေးတွေနဲ့
မကိုက်ညီပါက သူတို့ရဲ့ ကောင်းမွန်တဲ့အကဲဖြတ်ခံရမှုကို ရရှိနိုင်မှာမဟုတ်ပါဘူး။ လှေခါးကို မှန်ကန်သောနေရာတွင် ထောက်မှီတဲ့အလုပ်က၊ အသားကျနေတဲ့သူတယောက်အတွက် တစ်မိနစ်အတွင်း
လုပ်ဆောင်နိုင်သော်လည်း၊ အခုမှစလုပ်မယ့်
သူတယောက် အတွက်တော့ အချိန်ယူရမှာ
သဘာဝပါပဲ။
ဒါကြောင့် ကိုယ်က ကောင်းကောင်းမလုပ်နိုင်သေးခင် အချိန်မှာ နံပတ်တစ် ဦးစားပေးလုပ်ကိုလုပ်ရမှာကတော့ လုပ်စရာ အလုပ်စာရင်းတစ်ခုပြုလုပ်ပြီး ကိုယ့်အထက်အရာရှိ တင်ပြပါ။ တာဝန်ခံ လူကြီးထံမှ မီးစိမ်းပြခြင်းမရှိဘဲ ကိုယ်ကဘယ်လိုအလုပ်မျိုးကို လုပ်နေပါစေ၊ ကောင်းမွန်တဲ့အကဲဖြတ် ချီးမွန်းခံရခြင်းကို ရရှိနိုင်မှာ မဟုတ်တာကြောင့် ဖြစ်ပါတယ်။
လုပ်ငန်းရှင်၊ အလွတ်တမ်းပညာရှင်များအနေဖြင့်လည်း တင်ပြစရာ အထက်အရာရှိ ရှိမနေသည့်တိုင် ဘယ်လိုပဲဖြစ်ဖြစ် ကိုယ့်ရဲ့တနေ့တာ အလုပ် လုပ်စရာစာရင်းတစ်ခု ဖန်တီးခြင်းဖြင့် နေ့တနေ့ကို စတင်ကြရပါမယ်။ အလုပ် လုပ်စရာစာရင်းကို ချရေးမှတ်ပြီး၊ ကိုယ့်အခြေအနေကို သဘောပေါက်နားလည်ခြင်း
ကနေ ဘာကိုအရင်လုပ်ရမယ်၊ နောက်ဘာလုပ်ရမယ်၊ ဘယ်ဟာကိုတော့ ရွှေ့ဆိုင်းထားရမယ်ဆိုပြီး ဆုံးဖြတ်နိုင်ပါတယ်။
လုပ်ငန်းရှင်က သူ မလုပ်ရမယ့်အရာတွေကို ဆုံးဖြတ်ချက်ချတာဟာ အလုပ်ရဲ့ အရေးကြီးပါတဲ့ တစ်စိတ်တစ်ပိုင်းတစ်ခုပါ။ တစ်ခုခုကို ရေးချလိုက်ပေမယ့် တစ်လလောက်ကြာတဲ့အချိန်အထိ မလုပ်ဖြစ်ရင်၊ တစ်သက်လုံး မလုပ်ဘဲထားတာက ပိုကောင်းတယ်လို့ ယူဆလို့ရပါတယ်။ လုပ်စရာစာရင်းထဲကနေ လုပ် မလုပ် ရွေးချယ်မှုပြုလုပ်ခြင်းက အလုပ်စာရင်းကို ပြုလုပ်ရတဲ့ ရည်ရွယ်ချက်လည်းဖြစ်ပါတယ်။
အလုပ်ကို မြင်သာအောင်လုပ်တယ်ဆိုတာမှာ အဆင့်လေးဆင့်ဖြင့် အလုပ်ကို ပိုင်းခြားထားခြင်းဖြစ်ပါတယ်။
တချို့က "အလုပ်ကို မြင်သာအောင် လုပ်…. မင်းရဲ့အလုပ်ကို မြင်သာအောင် လုပ်ဖို့လိုတယ်" ပြောကြပါလိမ့်မယ်။ ဒါပေမယ့် "အလုပ်ကို မြင်သာအောင်လုပ် ဆိုတာဘာလဲ… အလုပ်ကို မြင်သာအောင် ဘယ်လိုလုပ်ရင် မြင်နိုင်မလဲ" လို့ မေးတဲ့ အခါမှာတော့ ကောင်းကောင်းဖြေဆိုနိုင်တဲ့သူဆိုတာ အများကြီးရှိမှာမဟုတ်ပါဘူး။
ဒါဆိုရင် ကျနော်တို့ရဲ့ အလုပ်ကို ပိုပြီးမြင်သာအောင် ဘယ်လိုလုပ်မလဲ။ အဖြေက အလုပ်ကို အဆင့်လေးဆင့်ခွဲထားရင် အလုပ်ကိုမြင်သာအောင်
လုပ်နိုင်တယ်ဆိုတာပါပဲ။
အလုပ်အဆင့် ၄ ဆင့်
အလုပ်ကို အဆင့်လေးဆင့် ခွဲထားပါ။ နောက်ပြီး အလုပ်တစ်ခုစီကို အမှတ်အသားပြုလုပ်ရပါမယ်။ အဲဒီလိုလုပ်လိုက်တဲ့ အရာတစ်ခုတည်းနဲ့ အလုပ်ကိုမြင်သာအောင် လုပ်နိုင်ပါတယ်။
□ . . . မစတင်ရသေးတဲ့ အဓိကအလုပ်။
△. . . အခုချိန်ကနေ စလုပ်ရမယ့် အရေးကြီးအလုပ်။
▲. . . လုပ်နေဆဲအလုပ်။ နောက်ဆုံးမှာ (.%) ဖြင့်
ဖော်ပြလို့ ရတယ်။
■. . . ပြီးမြောက်သွားတဲ့အလုပ်။
အပေါ်ကအမှတ်အသားလေးခုကို ပိုင်းခြားပြီး အခြားသူများအား ပြသခြင်းဖြင့် အလုပ်ကိုမြင်သာအောင် လုပ်နိုင်သွားမှာ ဖြစ်ပါတယ်။
#တစ်မိနစ်အလုပ်လုပ်နည်း
အားလုံးအဆင်ပြေ လွတ်မြောက်နိုင်ကြပါစေ:)
zin myo @ eric
2024/12/27(Fri)
