https://www.facebook.com/171362186663439/

El Pensiunà de Bulà

Casa
Italia
Bollate
El Pensiunà de Bulà

Ricordi e pensieri in pseudo milanese In questa pagina ho voluto condensare le mie pseudo poesie in pseudo milanese.

Sono scritti senza nessun pretesa , ma un modo semplice di provare a descrivere i miei ricordi di vita a Bollate dove sono nato nel 1952. Con l'aggiunta di alcuni pensieri relativi a tematiche di vario genere. E' nata solo per comodità per le persone che le hanno gradite e dove possono trovarle in qualsiasi momento. Grazie a chi ha avuto la bontà di apprezzarle

16/11/2024

“ Paolìn “

‘Na vita in salida senza pà
el te mancaa in gioin età

Ma cont fòrza e dignità te see crèssuu ben
da tucc stimaa e rispetaa

Ona gioentù passaa insèma
su on praa verd a corr dedree a on ballon

Anca se la vita poeu la slontana
se resta ligaa cont la stessa fiama

La fiama de la passion ch’emm sparti
per tutt chi ann li

Ciao Paolin , dal p*e sinister sorafin

15/11/2024

“ La postina “

Ogni mattìna passa la postina
‘na dòna gentìl semper cont el sorrìs

Cont ‘na motorètta l’arriva denter la via
on concentraa de cortesia

La m’ haa citofonaa , de corsa a firmà ,
ghe vedi pòcch la me guida i oeugg

On pacch o nà raccomandada
‘na cicciarada per saludà la giornada

07/11/2024

“ El me pà “

El me pà l'era del vìnt
‘na vita de privazion e sacrifizzi
de guèrra e de famm

Da partisan on moment de splendor
el dì de la liberazion

Poeu tutta la vita a sgobbà
cont trii fioeu de crèss e fà studià

De mestee on venditor
cont la sescent semper via

Gh'era tutta l'Italia de girà
e i client de portà a cà

Quand el tornava l'era semper festa
fin a la prossima trasferta

Le mancà appèna nassuu el nevodìn
inscì l’ha vorù el sò destìn

30/10/2024

“ El Presepi “

I montagn cont carta de pacch
‘na fiocada de gess per la cima innevada

Cont la stagnola on laghett sagomaa
e duu occhett a nodà

Ona cascada che veniva giò da la montagna
fin dove l'acqua la ristagna

La tèppa verd che se andava a cattà
la diventava on praa profumaa

Mezz meter l'era long el gregg
trii can per controllà e ses pastor per compagnà

In testa gh'era quel cont l'agnell in spalla
i alter long tutta la fila che se creava

Cont i càsett de sughero on bèll paesòtt
pien de bottegar e de gent a fà nagòtt

Vesin a la capanna almen trii palm
e cont i sassolin on long sentee
per tucc quei de fà arrivà a p*e

In fond gh'eren i trii cont i cammèi
gh’era temp de fà arrivà anche quei

El pareva vera , da fioeu se spera

Tèppa = muschio

14/06/2024

“ La dòna “

Appèna la morosa la diventa dòna
subit la comincia a fà la padròna

Ogni moment gh’e semper ‘na rògna
e cont la lingua la va dree a menala

La pensa che la cà l'hann fàda per brillà
gh’è sempet de ciappà la scoa e netà

‘Na pentola foeura posizion
la va dree a menà el torron

Lassa minga in gir on pàra de calzètt
la se presenta cont l’elmètt

Ogni tant l’è giust mandala a ciappà i ratt
o mei anmò a dà via i ciapp

12/06/2024

“ Al temp de i paisàn “
( Bollate che fu )

Gh'eren venticinq tèst d'acqua risorgiva
che i fòss faseven scorr via

Pien de gamber e de pèss
per i fioeu gioin on grand dilett

Di dònn andaven là anmò a lavà
e la sera d’estaa ghe faseven rinfrescaa

Poeu on reticol de rògg per irrigà ogni praa
che i paisàn cont fadiga aveven scavaa

Denter l’ acqua del Villores compradaa a or
proppi ‘na grazia del Signor

Quand maduràva el formenton tucc insema a sloassà
poeu spianal ben sull’aia a seccà

Ogni tant ‘na restelada
e n’ogiada a la prima niola che passava

Ai fest comandaa tutta la gènt la partecipava
l’era proppi lì che i sospiravaa

11/06/2024

“ La furrmìga “

Guardavi ‘na furmìga che cont fadiga
la portava on pes el dupi de lee

La gira on cent meter d’inturna chì
el soo mond podaria vèss tutt lì

A guardala quasi a domandagh :
“ ste savesed cosa gh’è foeura de chi “

Ma gh’è bastaa pocch per capì
te se ‘na furmìga anca tì

Chissà cosa gh’è foeura de ch’el mond chì

10/06/2024

“ L’educazion “

Son de la generazion de i fiorett
de segnà sol librètt per vèss i pu**ee rètt

Adèss nanca sann se l’è el rispètt
se veden on vegett stan setagiò ìstess

A domandà el permess fann finta de nient
forse l’è mei insci podarian anca offend

La colpa l’è de lor genitor
ogni tant ghe vouraria on s’giaffon

09/06/2024

“ Al supermercà “

Appèna entraa son subit congelaa

Cont i sacchètt de la verdura gh’è de giontagh mèzzora
me scivolen tra i man gròss de paisàn

Son giàmo bloccaa de quèi ciappaa a cicciarà
fann el grupp e te lassen minga passà

Cont el carèll van denter fina nel scaffàl
e per toeu foeura nà ròba ghe vòeur on’ora
e ne fann passà oltra misura

Dòpo a cà la mena torron l’ha faa osservazion

Me te faa a sbagliaa ! To scrivù cont whatsapp !

08/06/2024

“ I Gioster “
( Bollate )

Arriven anmò incoeu a San Martìn
hoo cominciaa a vedèi de piscinìn

Da ann in semper quei ma per i fioeu in tròpp bei
i pussèe gettonaa l’ autoasconter e el discovolant

El “ Calcincuu “ l’è semper on’emozion
te fann volà tutt d’inturn

Poeu i gabbiòtt cont i attrazion per vèss on campion
i tollin de fà borlà giò , el s’ciòppet per fotografà
e i sfresètt de tirà

Ma anca ròba bòna de mangià
el zuccher filaa , la tiracca , i tortèll el firòn

07/06/2024

“ I Genitor “

On mestee che insegna nissun
se impara ogni dì on quaicòss de bòn

Per i fioeu spèss tribolaa e indaffaraa
ma anca di moment de felicità

Poeu arriva el dì che i lassen andà
ma cont el penser in semper là

I genitor in come i pitor
quand gh’hinn pù ne splend el valor

06/06/2024

“ Al mar “
( Cervia )

Son chi per riposà ma ogni tant gh’è on “vù comprà”
e già !!! Vegni al mar a comprà i tend de cà

A l'ombrellon de frònt gh’è la fèra de i tètt
l'andava bèn se seri nò vegètt

Giren i “ brùnz de Rias ” me metti el coeur in pas
ma per l'ann che vègn vedrèm

Provi a fà el bagn ma l'acqua l'è geladaa
prima de entrà ghe voeur ‘na mèzza giornada

Me seri appèna indormentaa el “coccobello” el m’ha svegliaa

A on meter gh’è on vesin ch’el voeur semper cicciarà
ma son chi per riposà fà nò come el “vù comprà”

05/06/2024

“ L' oratòri “
( Bollate )

La domenega per andà foeura de cà
a l'oratòri dei fioeu seri obbligaa

Quel dei tosànn l'era separaa
'na suora de guardia a controllà

Gh’era tutt per giugà ma anca pregà
e la dottrina de imparà

Gh’avevi pòcch per pagà i vizzi
gassosa regolizzia e farina de castègn

Ogni tant on supplement
e andavi al cinema vègg tutt content

Quand rivava la “ Cavalleria “
tucc insema scalmanaa a pestà i p*e
cont el paviment de lègn l'era on gibillee

Da gioin per vèss content l’era assee pòcch o nient

04/06/2024

“ Noè “
( personaggio biblico )

El solit raccomandaa tucc i alter in negà

La tirà sù on bastimènt ma minga per la gènt

La riempì de animàl , ma pensa ti anca de zanzàr

Appèna l'è sbarcaa per ringrazià el Signor
la fà subit ‘na grigliada

Se capìss ben perchè i ha salvaa…

03/06/2024

“ La macchina “

Appèna compradaa te ste semper lì a lisciala
se vasu on moschin te corret subit lì tutt precisìn

Cont ‘na cagada d’on usèll l’è ‘na fera de purscèll
se ghe fann on gibollìn te divented assassìn

Dòpo pocch mes l’è quasi bandunadaa
toca spettà che pioeuv per vèss lavadaa

02/06/2024

“ La domenega matina “

Quand i campan cominciaven a ciamà
te obligaven ad andà in Gesa

Tutt bèll nètt col vestì de bon
l’era el dì de l‘orazion

Da ona part staven i tosann cont i dònn
da l‘altra i fioeu coi òmm

‘Na sbirciatina per incrosà la pu**ee carina
ma de nascòst per evità on scapelòtt

Apena el pret el finiva la sicümera
on bèll sospir el se levava per tuta la Gesa

Poeu tucc in piazza a cicciarà
soltant i dònn a spetegolà

Intant che i campan andaven dree a sonà
compravom i past per festeggià

01/06/2024

“ El bus del gnào “

Ch’el bus lì l’è là in fond
el se ved nò , girà de dree
tucc sann ben el sò de mestee

Insema al venter ne fà de tucc i colur
ma l’è mei sta minga lì a sentì i odor

Certi dì el fà tribulà , andà de corsa là
ruzà , ruzà , ruzà…..ma passà nient
e restà anmò cont el torment

D’improvvis on’esplosion...
guardass d’inturn cont circospesion
che fortuna se n’è accort nissun

Beh !!! proppi nissun l’è minga vera
nel nas gh’è ‘na spuzza de ruera

01/06/2024

“ Caino “
( personaggio biblico )

Tutt el dì a laurà in de la tera
ma la verdùra l'era semper quela

Al Padron la gh’è piaseva nò
semper disgustaa e arrabbiaa

Mai ‘na volta on compliment
inscì vegnaràa el tormènt

El fradèll el se faseva semper bèll
lu el podeva offrì l'agnèll

In che condizion chi se diventa de sicur assasìn

Oh Caìn !!! L’era assee spettà on poo de ann
adèss va de moda el vegàn

Indirizzo

Bollate

Sito Web

facebook.com

Notifiche

Lasciando la tua email puoi essere il primo a sapere quando El Pensiunà de Bulà pubblica notizie e promozioni. Il tuo indirizzo email non verrà utilizzato per nessun altro scopo e potrai annullare l'iscrizione in qualsiasi momento.