18/05/2024
ترکیې افغانستان ته ۲۴ ټنه بشري مرستې واستولې
۸صبح، کابل: په کابل کې د ترکیې سفارت د افغانستان سېلابځپلو ته د ۲۴ ټنه بشري مرستې د استولو خبر ورکړی دی.
په کابل کې د ترکیې سفارت جمعه د غويي پر ۲۸مه په خپله اېکسپاڼه کې لیکلي چې دا مرسته یې د مزارشریف ښار په مولانا جلالالدین بلخي هوايي ډګر کې افغاني سرې میاشتې ته سپارلې ده.
سفارت زیاته کړې ده: «د ټپونو د تسکین په موخه به د خپلو بشردوستانه مرستو هڅو ته د اورګاډي له لارې چې ډېر ژر به حرکت وکړي، ادامه ورکړو.»
د يادونې ده چې تېره اوونۍ سېلابونو د هېواد په شمالي ولايتونو کې درانه ځاني او مالي زيانونه اړولي او يوازې په بغلان ولايت کې يې تر ٣٠٠ زيات کسان مړه کړي دي.