كتابات حجي تمساح

27/10/2021

06/09/2021

كان هناك فارس يطعم حصانه احسن انواع الحشيش ويسقيه من الماء النقي الصافي وكان الفارس شجاعا مغوارا لا يهاب الاعداء ويدخل بحصانه كل مكان ويصيح باعلى صوته " انخااااااله خبز يابس طحين انخاااااله"

نعم انه فارس ابو العربانه مال حصان الذي يشتري انخاله

14/05/2019

طالبة الجامعة .. الفتاة اللطيفة وتفاعلها مع المجتمع الجامعي

تستيقظ الفتاة في الصباح الباكر قبل اذان الفجر بخمسة وثلاثين دقيقة لكي تجهز نفسها للدوام فتلبس افضل ما لديها من ثياب كشاخية .. ثم تأتي للميك آب فتضع وجهها في كونية الطحين وترض بعض الماء بالبخاخ مال الحلاق وتلبخ الجهرة لكي تخفي كوارث الطبيعة وعجائب الخلق في خريطة وجهها التي تشبه خارطة الصومال هلكد مو مخربطة .
بعد الانتهاء من اللبخ والدفن والتسوية الترابية تأكل رمانة حمره عالريك عود على اساس حاطة حمرة .
وتذهب الى منقل الشوي وتنخبش وتفتش عن بقايا الفحم لكي تكحل بها اللايتات او القوبجات الموجودة على لوحة الجهرة .

ومن ثم يأتي ابو الاشتراك الافندي وقد خبصها للدنيا بالهورنات ومشغل اغاني اليسا او تامر حسني عود رومانسي ابو الهي هي ومن ينزلن من الاشتراك يبدل محمود العامري .
المهم .
عند باب الجامعة من تريد اتطلع الهوية من الجنطة وتجفص ايدها باللبن اثاري قبلها بيوم جانت مشترية جدر لبن وناسيتها بالجنطة لأن بعد اخوك كونية شايلة مو جنطة , والاغراض الثانية الموجودة بالجنطة هي ككوايه مايعه صارلها اسبوع , جكليت عدد اثنين , ونستله ماكله منها ثترباعها , وبيها ايضاً الفين دينار مشككات ومحروكة من الزواية وبيها احد الالفين الارقام مالتها مختلفة لأن يحبن التزوير .
وتدخل الجامعة منتصبة القامة وي كأنها طياره في المدرج على وشك الاقلاع (على كيفج انجلينا) .

وهي تمشي بالشارع والحذاء ابو الكعب مالتها واحد اعلى من الثاني وواحد منهم يطلع صوت قوي والثاني صامت وتروح للكلية مالتها

اهم الاشياء لدى الفتاة الجامعية .

_ الكشخة , يعني اذا لبست شي جديد لازم تأخذلها فرة بالجامعة كلها حتى الكل يشوفوها بهاي الملابس الجديدة عود مودلز

_ الميكاج , وجهها عبارة عن حقل تجارب للمساحيق وجميع مواد الحصة التموينية

_ الحجي على الاخرين , حيث لا يخلو حديثها عن الكلام على الاخرين مثل .. دحقي حمودي اشقيعمل , تجيبها زميلتها , عووووع اشقد سقيع هذا الولد .. وهكذا .

وبأختصار ان اهم الاشياء التي تحبها الفتاة هي الفلافل ومظهرها وان تصادق كبل حلو

ودمتم فشك للشواجير

ملاحظة : تحشيش للضحك فقط

12/05/2019

بقعة ضوء (تحشيش)

بعنوان : نيوتن

حینما كان نیوتن یجمع التفاح لیبیعه في السوق
ویكسب لقمة عیشه ویسدد الفواتیر ویوفي
الدیانة فكر بعمق لماذا عندما یسقط التفاح من
الشجر نجمعه ونبیعه؟ فاخذ یفكر ویفكر واذا
بفكره تخطر على باله ان التفاح اذا سقط فله
الحق ان یمتحن في الدور الثاني
ومن هذا المنطلق اتخذ نیوتن المعادلة
الطول +العرض* عدد المولدات= عدد العاطلین
عن العمل
وقد استخدم نیوتن وحدة قیاس اسمها نیوتن
وتعني نیو جدید وتن معناها نغمة والمقصود بها
النغمات الجدیده واصبح نیوتن من بائع تفاح الى
صاحب مكتب موبایلات والآن اصبح عالما
فیزیائیا حینما اتت امرءة جمیله ولابسه كیمون
وبرمودا فلحقها فجذبته قال لها انتي جذابه
وضربته بالحذاء وقالت له یاجذاب یا ابن الجذاب
فعرف ان الجاذبیة موجوده واصبح مخترع
الجاذبیة نیوتن وبهذا یكون لنیوتن ثلاث وظائف
كما یقول المثل ثلث صنایع والبحر شاسع!!

11/05/2019

نشرة الاخبار

قام الرئيس الكوري الشمالي من مقر اقامته في بيونغ يانغ بأطلاق اربع طيور زواجل بعيدة المدى تحمل رؤوس بصل بأتجاه اليابان اسفرت عن نزول دموع سبعة يابانيين من ضمنهم عامل النظافة يامادوكو اوروهاوا . وادت هذه العملية المفاجئة الى ردة فعل قوية من الجانب الامريكي حيث قام ترامب بالرد على هذا الاعتداء السافر من بيونغ يانغ بفتح لابتوبه وانزل منشوراً على تويتر يقول فيه "انا منزعج من التصرفات الكورية الشمالية" واتبعها بأربع سمايلات حزينة وخامسة تبكي
كما من جانبها صرحت السلطات اليابانية بالتصريح التالي
"لقد قمنا بأرسال زوج طيور ارفليات لأعتراض طريق الزواجل الكورية واقتيادهم الى جزيرة اوكيشاوا للتحقيق معها"
وصرح خبراء ان الزواجل الكورية كانت لخلدون المطيرجي في باب الشرجي كان قد باعها لشخص بنغالي يعمل بتنظيف التواليت في مول المنصور .. كما بينوا في التصريح ايضاً ان رؤوس البصل هي من مدينة بلد شمال بغداد .
وهذا ما ادى الى ان تصرح الخارجية الكورية الجنوبية بأن على العراق الحفاظ على الحيادية وعدم التدخل في شؤون الدول الاخرى محذرةً عادل عبدالمهدي من مغبة انتهاج السياسة التدخلية في شؤون الاخرين
من جانبه نفى عادل عبدالمهدي تدخله في ارسال الزواجل لكوريا الشمالية رافضاً التهديدات من الجانب الكوري الجنوبي حيث صرح قائلاً "نحن نرفض التهديدات للعراق" مؤكداً ان "حصة العدس في رمضان ستصل لكل العراقيين"
ما ادري شنو الربط بس هو هذا الكاله
نهاية النشرة وشكراً لحسن الاستماع
كانت معكم محدثتكم من قلب الصالون
جاسبية مسكاره

19/10/2018

ترقبوا .. شغلات جديدة بالباكيت

06/06/2018

سميراميس

راح نسولف اليوم عن واحده من اهم اساطير الدالغة والصفنات حيث يحكى انها جانت شكاكيه ويصفن كلمن يباوعلها ويضرب دالغة ابو صابر
جانت سميراميس مطيرجية منذ الصغر وجانت كرفيقاتها من البنات تحب السوالف الفاهيه والسطحية
سميراميس عتيكه كلش حتى جان اسمها عالفيس اميرة الاحزان هلكد مو قديمة
ترعرعت سميراميس مع سعدون جابر وشمشي ادد واكتسبت مهارات عدة منها طم خريزة والتصاوير
وجان اكو واحد بالمنطقة يحبها اسمه نينوس .. نينوس هو الثاني حديقة وعنده موبايل شحاطة ام اللايت
جانت سميراميس تعبد الصخول والنعاج ولكنها كانت تحترم المطايا جداً
سمي سينما سميراميس تيمناً بأسمها ولو عرفت الافلام الي تنعرض بهاي السينما جان انتحرت
وبعد قصة حب تعبانه مع نينوس الي كضوها تليفونات تالي الليل جاء شلمنصر الى منزل سميراميس وخطبها لأبنه شمشي ادد في نفس عام صدور اغنية خدري الجاي خدري .

19/05/2018

حجي ستار والفيسبوك (تحشيش)

حجي ستار عمره ستين سنة فيترجي متقاعد , قرر حجي ستار ان يسوي فيسبوك سوى الحجي فيسبوك بس لما سوا صار اسمه بالفيسبوك "ستار حجي" لان كتب اسمه كبل الحجي بالتسجيل وحط صورة اسد كصورة شخصية .
وره يومين راد الحجي ان يغير اسمه ويسوي حجي ستار وبعد ما كمل وسوا حفظ التغييرات طلع اسمه "حي ستار" لان سحك بكلمة حجي والتغييرات قفلت بعد ماكو تغيير .
وبدا حجي ستار ينزل منشورات طولها تلث امتار عالشاشة (مثل منشورنا هذا هع ) ويجيله تعليق او تعليقين من جماعته حجي جمعة وابوفاروق .
وبالليل راد الحجي ينزل صورة منظر طبيعي وكتب "ما اروعه من منظر هذا المنظر الطبيعي الجميل" وفات عالاستوديو ينزل الصورة وجانت صورة مرته ام عناد بصف صورة المنظر الطبيعي وبالغلط داس على صورة مرتو ونزلت صورة ام عناد بالفيس مالته , انخبص حجي ستار مايعرف شيسوي كام طفا الموبايل وشال الباتري عباله تنمسح صورة الحجية .

وراها جان تصير التعليقات فوك الميه للحجيه ام عناد كلها جماعة حجي ستار وابنه عناد وعجايه المنطقة كلها علقت
"منووورة حجيه"
"طالعه كيكه خاله ام عناد"
"شكاكيه الحجيه"
فضاج الحجي ستار كلش لان انفضح بس بنفس الوكت كيف لان التعليقات يمه اول مره تصير هيج هوسه , منشوراته جانت يا تعليق يا ثنين وهسه فوك الميه واعجابات صار ازدحام بالتنبيهات مال الحجي .

بعد شهر فتحت التغييرات مال الاسم وفات حجي ستار على كروب صاكين وصاكات العراق وبدل اسمه سوا "ثلاثيني صاك"
وابنه عناد جان موجود بالكروب بأسم بنت "نبع الالم"
حجي ستار زحفلها عباله بنيه ونسق ويا ابنه وعناد استغل الفرصة واشترى خط جديد وانطاه لابوه على اساس بنيه وكام يخابره ويقلد صوت بنات وياخذ رصيد من ابوه لحد ما طكت بيده .

وبيوم بالليل فات الحجي عالغرفة مالته ودك علي ابنه عناد جاوبه الحجي ستار والحجيه نايمه بصفه واشتغل الغزل مال توالي الليل وكعدت ام عناد من النوم وكبسته وعلكت بنص الليل وصارت بالنعل على حجي ستار هو ينكتل وابنه عناد يضحك .

بعدين طلع حجي ستار من كروب صاكين وصاكات العراق وفات على كروب "غدر الزمن" .. واستمر المسلسل مال حجي ستار .

15/12/2017

دارميات عالونسه

واحد يدور تعيين كال لصديقة ..
كمت انه اصبر الروح اشرب جكایر ... كالو یجي التوظیف بنص ینایر

صديقة جاوبة وكال ..
یالي تصبر الروح وایدك نظیفه ... اشتغل بالجكلیت ماكو وظیفه

رجع رد عليه خوينه وكال ..
كالو اجا التوظیف سویلي جاره ... عندك عرف یاخوي یم الوزاره

بالاخير قفلها بوجهو وكال ..
لو عندي یمهم شي جا هذا حالي ... انحشش اعله الناس ویا السحالي

بقلم صديقي .. عضله ونص

25/08/2017

هذه احدى ابرز السحالي في التاریخ بعد سعدیه المجنونه

وهاي قصتها لما طلعت من السادس ودخلت الجامعه (المقصود هنا جماعة الاول هع هع هع)
لتزعلون تره مو علیكم

عبسه بنت الابشع الهمجي فتاة في منتصف صباها همجیة اللون سمراء الطبع كانت عبسه تعیش في ثقیف في حي الكرامه یم مقبرة التلفزیون حیث مات اغلب عشیرتها

كانت عبسه قد بلغت سن الرشد وجانت مخلصه سادس بمعدل عالي جداً ٦٥ وانقبلت بكلیة الاداب قسم البرمجة كانت عبسه سعیده وتعیسه بقبولها ففي الیوم الاول من دوامها كعدت الساعه العشره الصبح فلم تغسل وجهها ولم تضع شیئاً من الجص والاسمنت ولم تلبخ ولم تصبغ

فلبست الجبه بجلد الكلب واوصلها والدها بالحمار فكان الطریق شاقا لان الجامعة كانت بعیده حیث كانت في سوق عكاظ یم المجموعه الثقافیه
وصلت الدوام وقد انتهى ولكنها ابت ان ینتهي (خوما بكیفج مخ الهایشه)
المهم جانت تشوف شباب حلوین هناك فانهبلت بهم مثل شنتره بن عداد الاسود وابو خروف الطلياني ذو الصوفة وشباب اخرين لا يعدون ولا يحصون

وبعد شهر جلست عبسه في الساعه الرابعه فجراً لتتجهز للدوام فجلست تختار الثياب واحتارت ماذا تختار حيث كان لدیها كثیر من الثياب ، تنوره واحده وقمیص وتیشرت مشكك والجبه ، فكانت التنوره مصنوعه من صوف حمار وحشي والقمیص كان هدیه من احد اقربائها من الخارج من اطراف ثقیف یم محطة الكهرباء حیث صنع القمیص بیده بعد أن صلخ خروفاً فصنعه بجلده

اما التیشرت المشكك فكان مسلوباً من بنت شیخ عشیرة المخرع حیث اخذو التیشرت وانشك فنشبت حرباً لخمسین عاما من ورا التیشرت

فوقع اختیار عبسه على التنوره والقمیص ولكنها ارادت ربطة عنق فطلبت ذلك من والدها فقص والدها ذیل حماره واعطاه لعبسه لتجعل منه ربطة عنق

وبعد ذلك احضرت عبسه تنكه وبها ماء واحضرت طیناً وبعض الخردل ومواد اخرى خلطت الطین بالماء ووضعت الخردل بالخزانه وجلست تخبط الماء والطین وتضعه على اماكن التشقق في وجهها فصرفت تنكتین ونصف من الماء وثلاثین كوركاً من الطین

بعد انتهاءها من اعمال الدفن والتسویه الترابیه جاءت الى التخطیط ولكن الساعه السادسه الان ویجب ان لا تتاخر فاحضرت الفحم من المنقل (الظاهر مسوین كباب البارحه) وجلست تكحل العین وتخططها وخلال نصف ساعه انتهت من ذلك واحضرت طماطه وشویه معجون مال اسنان فخلطتهم ووضعتها على شفتها (سوت منها حمره مال شفایف)

وفي الساعه السابعه انتهت من هذه الاعمال ولبست حذائها الفاخر كعب الطلي وكان ابو الاشتراك شرحبیل بأنتظارها فكان انذاك یسوق البعیر والجمال

فركبت عبسه على ظهر ناقه وتحركت القافله وفي الطریق واذا بسلابة من قوم بني الجنجل یأسرونهم ولكن شاءت الاقدار ان یمر رتل من مكافحة الارهاب من هناك فهربت السلابة

ثم وصلت عبسه الى الدوام في الساعه الثامنه قبل الدوام بنصف ساعه

19/08/2017

السلام عليكم

شلونكم تماسيح هههههه
يابه اكو سالفة تعبانة صايرة .. اكو واحد نذل حشا الموجودين منتحل شخصيتي حجي تمساح ومسوي حساب بأسمي ويطب على الكروبات ويغلط بأسمي

واني بريء منه (بريء مال مي) فياريت اي واحد يشوفه يغلط يحظره ولا يحسب انه اني الي جاي اغلط لأن مو من سوالفي ولا اخلاقي

وشكراً للجميع

08/08/2017

مشكورين عاللايكات بعد اخيكم

مجموعة كتابات تكتب بقلم حجي تمساح .. واسم التمساح يرمز للشاب
والزواحف شوهو سمعة حتى التماسيح لذلك ال

13/07/2017

المكان : الموصل
التاريخ : 10/6/2014
الوقت : الساعة الواحدة بعد منتصف الليل

الدنيا ليل , الامة مكلوبه , الناس قوافل شايله جنطها وتمشي بالشارع , همرات سيارات مدنية تتوجه الى مخارج المدينة , علي بابا وامه وابوه يمشون عالرصيف .
علي بابا شايل كونية على ظهره , اجت سيارة بيكم , وكفه علي بابا وست الكونيه بالبودي وجلب بالبودي بعد ما ركب ابوه وامه بالبودي

علي بابا يصيح عالسايق : حرك ابن عميييييي
ابو علي بابا : ول ابني جلب زين لا تكع وتنكسر ركبتك
علي بابا : ياب هي انكسرت من وره هالكونيه ادري شمخلي بيها حديد ؟؟
ابو علي بابا : ابني هاي حواسي مخليها بالكونيه
علي بابا : والله ياب توم كروس هم ماعنده هلكد حواس

وصلو السيطرة جان يلكون ثترباع العراق واكف بالسيطرة ودفرات وجلاليق يله عبر وصل علي بابا لكركوك وكعدو ببيت كرايبهم , بعد يومين اتصل علاء الدين بعلي بابا وبعد ان سلم علي كال

علاء الدين : ول يابه تعالو ارجعو على بيتكم كلشي ماكو
علي بابا : يمعود خاف ذوله الدواعش يطكونه بالدهن
علاء الدين : لا تخاف تعال ماكو شي

بعد اسبوع رجع علاي بابا واهله للموصل وبدا علي بابا يشتغل بكافتريا يوزع فحم عالنراكيل وبقا شهر على هالحال

وبيوم من الايام اجتي الحسبة عالكافتريا الحسبة صيح بالكافتريا بصوت عالي

الحسبه : اخزاكم الله تشربون نراكيل بالدولة الاسلامية ؟؟

علي بابا من خوفته كام يصيح

علي بابا : اي والله اخزانا الله .. يله كومو بعد ماكو فحم
الحسبة : قلبك عامر بالايمان يا ولدي
علي بابا : اي شيخ اني الايمان ينكط من هدومي .. كل يوم من اغسل ملابسي يشر منها ايمان
صاحب الكافتريا : اي اعرفها ملابسك الوصخه مليانه ايمان هي جلب ابن الجلب
الحسبة : يله بدون نقاش النراكيل كلها مصادرة بأمر الدولة الاسلامية

وجت مجموعة عناصر وياهم شالو النراكيل واخذوها وابو الكافتريا يتوسل

ابو الكافتريا : يمعود حجي على بختك هاي حكها فلوس
الحسبة : النراكيل حرام واموالها حرام واذا تطاولت اكثر سوف اخذك الى ما وراء القمر وليش الشمس .. لأن الشمس اختصاص علاء الدين

وجان بيد علي بابا نركيله يريد ينزلها لزبون وجرها من عنده عنصر الحسبة فلم يعطيهم لها فلطه ابو الحسبة بكف طير الكمل من راسه

وهكذا جلس علي بابا لا شغل ولا عمل

09/06/2017

بعيداً عن الكوستر والباص والجيمسي

احب انطيكم نبذة مختصرة عن المثل الي يكول
"عصفورٌ باليد خيرٌ من عشرة على واحد"

وقصة المثل تبدأ عندما كان ابو المثل الي كاله راكباً في بطن الكيا وكان ابو المثل جالساً خلف السايق وفجأة وبدون سابق انذار صاح السايق باعلى صوته
السايق : اخوااااااااااااااااان الكروة بله زحمة
فجفل ابو المثل وانرعص ايتها رعصةٍ .
وقام النفرات بلم الكروة وتجمعت في نهاية الامر عند ابو المثل وكانت اربعة الاف وخمس مائة دينار فقط لا غير فعد ابو المثل النفرات مع نفسه فوجد ان المبلغ يزيد بخمس مائة دينار , اي بمعنى حق نفر واحد فلعب جريديٌ كبير في جعبة ابو المثل فناوش الكروة للسائق ولم يضع معها كروته
فعدها السائق ووضعها في جيبه .. وما ان وضعها في جيبه حتى نادى شخص في نهاية الكيا اشعث العيون اجرد البصمات منبسط العاهات عملاق الرأس
ابو راس : ابن عمي السايق رجعلي خمسميه انطيتك الف دينار اني
هنا بالتحديد بدأت يدا ابو المثل ترتعش وصاح
ابو المثل : نازل اخويه نازل
فتوقف السايق وقال له
السايق : بس دقيقة اخويه نحسب الكروه
فحسبها وقال لصحاب الراس الكبير
السايق : اخويه الكروه مضبوطه خاف متوهم انت
ابو راس : اخويه ما متوهم اني انطيت الف للولد يمي
الولد بجانبه : اي صحيح
السايق : لعد واحد منكم ما منطي الكروه
وفي هذه الاثناء فتح ابو المثل الباب واراد النزول
وقفز ولكن قدماه لم تصل الارض ..
ماهذا هل انا اطير ؟؟ (ابو المثل يتساءل)
فدار وجهه نحو بطن الكيا واذا بأبو راس يمسك بياخته من الخلف بيد واحدة وقد رفعه عن الارض كأنها كرين
ونادى احد النفرات "حرااااااااااااااااااااامي"
وانهال الجميع عليه وكان هناك ثمان نفرات بالكيا بالاضافة الى السائق والنفر الي راكب بالصدر اصبحوا عشرة اشخاص يضربون ابو المثل
ومن هنا جاءت الحكمة واقتضت ان يقول
"عصفورٌ باليد خيرٌ من عشرة على واحد"

المثل يضرب ولا يقاس .. وابو المثل يضرب ويهان هههههههههه

ولو طولتها بس اتمنى تعجبكم

شغل هسه

03/06/2017

الطمع يسبب الغباء

كان هناك رجل فقير يعمل بالزراعة عند اصحاب الاراضي الزراعية , كان الرجل لا يملك سوى كوخ صغير يعيش فيه مع زوجته , وكان له حصان شاب نشيط .
وكان الفلاح دائم الشكوى من ضيق رزقه ولكن زوجته كانت تصبره وتقول بأن الله واسع العطاء , ولكن عليك ان تسعى طلباً للرزق .

فقرر ان يبيع حصانه , فباعه واشترى بها قطعة ارض فوق الجبل بعيدة جداً وبقي لديه بضع دراهم , اشترى بها حماراً عجوزاً يكاد لا يقوى على الحركة .

وفي الصباح الباكر انطلق الفلاح الى ارضه وهو يجر حماره معه , وبدأ بحرث الارض وقلب تربتها , فإذا بمجرفته تضرب بشيء معدني فانهال بالحفر , واخرج ثلاثة صناديق كبيرة مليئة بالذهب والدنانير والمجوهرات , فجن جنونه ولم يصدق ما تراه عيناه , ولم يعرف ما يفعل , ولكن الطمع اعمى بصره وبصيرته فلم يفكر بشيء سوى ان حمل الصناديق الثلاث على ظهر الحمار العجوز , وانهال عليه بالضرب لكي يسرع في مشيته البطيئة جداً , ولكنه حمار عجوز لا يقوى على مثل هذا الوزن الثقيل , وطمع الفلاح اغلق عليه باب التفكير , اذ ان بإمكانه ان يترك جزأ من الذهب ويدفنه مكانه ويأخذ الجزء الاخر , ويعود فيما بعد ويأخذ الكمية المدفونة , ولكن الطمع وعدم القناعة جعلته يدفع بالحمار العجوز الى الهاوية .

ففي منتصف الطريق وقع الحمار على جانبه ولم يستطع على الحراك او ان يكمل وقام الرجل بضربه بقوه لكي يجعله يقف على اقدامه , ولكن الحمار مات مع غروب الشمس من شدة الضرب والتعب , وكان امام الفلاح طريق طويل يجب ان يكمله فخبأ صندوقان خلف شجرة كبيرة , وحمل الصندوق الثالث على ظهره , واخذ يمشي ويلهث من الوزن الكبير , ولكنه لم يبتعد كثيراً حتى ادركته عصابة من اللصوص , فسرقوا الصندوق الذي يحمله وضربوه حتى اغمي عليه , وعندما ذهبوا في الطريق وجدوا ذلك الحمار الميت فعلموا انه قد مات بسبب الحمل الكبير وان الصندوق الذي معهم ليس بالوحيد , فأخذوا يفتشون في الارجاء حتى وجدوا الصندوقان الاخران خلف تلك الشجرة , فعادوا ادراجهم الى ذلك الفلاح وقاموا بضربه مرة اخرى حتى سالت الدماء من جميع اجزاء جسده , لأنه لم يخبرهم فيما سبق ان هناك المزيد من الذهب .

وكان هذا بتوجيه من زعيمهم عندما قال "ان ذلك الاحمق لم يخبرنا عن هذان الصندوقان , لنعد اليه ونضربه مرة اخرى" .

فكان عقاباً شديداً للفلاح اذ لم يحض بالذهب ... ومات حماره ... وتكسرت عظامه من شدة الضرب .

"لا حظت برجيلها ولا خذت سيد علي" .

وفي نهاية القصة فإن الطمع يسبب الغباء .
والقناعة كنز لا يفنى , ويجعل التفكير سليماً