https://www.facebook.com/107677354738724/

رادیۆی مەشخەڵان کۆیە Radioy mashxalan koya

Home
Iraq
Koy Senjaq
رادیۆی مەشخەڵان کۆیە Radioy mashxalan koya

ڕادیۆی مەشخەڵان لەکۆیە لە ٢٠١٠/٢/١٥ دامەزراوە

13/12/2024

کۆیە/دەستگیر کردنی تاوانبارێک

ئەمشەو هێزەکانی یاریدەدەریەتی ئاسایشی کۆیەی سەر بە بەڕێوەبەرایەتی ئاسایشی ڕۆژهەڵاتی هەولێر لە کۆیە، هاووڵاتییەکیان بەناوی(هـ.م.ق) تەمەن 44 ساڵان دەستگیرکرد، کەزیاتر لە(10) دزی کردوە لەشاری کۆیە،

ئەو هاووڵاتییە دانیشتووی شارێکی تری هەرێمی کوردستانەو هاتووە لەکۆیە دزی کردوە، جۆری دزیەکەشی یەک شێوە بووە ئەویش جامی ئۆتۆمبێلی هاووڵاتییانی شکاندووە هەرچی شتێک لەنێو ئۆتۆمبێلەکان بووبی بردوویەتی ..

ئەوکارانەشی لەماوەی 10 ڕۆژ ئەنجامداوە کە 10 ڕۆژ پێش ئێستا ئەوکارەی کردبوو ئەمشەویش جارێکی تر هاتۆتەوە شاری کۆیە و دزیەکانی کردوە ، لە کاتی دزیکردنەکە دەستگیرکرا.

29/11/2024

لە حەلەب تا ئۆکراین تێفکرینی دەوێت
ستران عەبدوڵلا

سوپای رەسمی سوریا تەقریبەن لە حەلەب هەڵات و شارەکە کەوتە دەست گروپە چەکدارەکان. ناو و نازناوی گروپەکان هەرچۆنێک بێت زۆر لەداعشەوە دوور نین.
ڕەنگە گەرەکیان بێت وەک جاری پێشوو کە بە عینوانی داعشی ترسیان خستە دڵی دونیاوە و هاوپەیمانییەکی گەورەی نێودەوڵەتیان دژی خۆیان گاڵدا نەخوازن کەس بوروژێنن، بەڵام هەر لەو تایپەی خوێندنگەی داعش و قاعیدەن ، نە خۆیان دەتوانن زۆر خۆیان حەشاردەن و نەکەسیش بەم دوعایەیان دەڵێت ئامین.
بۆیە زۆر نابا جەمسەرگیری لە ناو سوریا قووت دەبێتەوە. هێشتان زووە بڵێن سوریای رەسمی چی دەکا و چی لێ دێت.
بەڵام لەرووی چانسی دەربازبوون و پەراوێزی هەلودەرفەتی ئاشتییەوە رژێمەکەی ئەسەد دەرفەتێکی گەورەی مانۆری سیاسیی لەدەست خۆیدا چونکە دوای تەنگەتاوکردنی دەوڵەتی داعش لە بەشەکەی سوریا و ڕاماڵینی گروپە چەکدارەکان لەبەشی زۆری وڵاتەکە بە جۆرێک هەڕەشەی روخانی لێ دوورخستەوە، خنەخنی رژێم و سوریای رەسمی بە گشتی لە چارەسەری سیاسیی پێ پەرواییەکی گێلانە بوو و رەوایی دایە گەلەکۆمەکی تازە لە دژی دیمەشق.
هێشتا زووە بزانین ئەم پەرەسەندنە ئەمنی و سەربازییە هەر لەناوخۆی حەلەب و شام قەتیس دەبێت و ئەوانەی کردیان هەر مەبەستیان تەمبێکردنی ئەسەد بوو یان گەرەکیانە سەرەتای گۆبەنێکی ئیقلیمگیر بێت، بەڵام چونکە ناوچەکە لێی دەرژێت و لە بەزمی کەم نییە، پێویستە سیناریۆی رەشمان لەبەرچاو بێت بۆ هەرێمی کوردستان و بۆ خەریتەکەی دەوروبەری کە خۆی بە تڕە کەڵەک بەندە.
بەڕاستی باسەکە تێفکرینی وردی دەوێت پێش هیچ بانگەواز و فاڵگرتنەوەیەک.
هیوادارم کەس تەوتین و هەژماری منەکەی تایتڵی سەرەکییە لەمڕۆی پرۆسەی سیاسیی کوردستاندا گرێ نەدا بە هێڵی گەرمی حەلەب تا کرێم ، ئیسرائیل تا ئۆکراین چونکە زۆر جار ئیدعای ستراتیژزانی دەکرێتە دەسکەلای خۆدزینەوە لە ئەرک و فرمانە لۆکاڵییەکان.
قوربان سکی تێر و گیرفانی پڕ و دانی مووچە لەوادەی خۆیدا تێفکرینی خوازراو لەسەرەوە لە تەمەنناوە دەکاتە واقیعی بەرجەستە.

21/11/2024

پەیامی مەكتەبی سیاسی لە رۆژی شەهیدی یەكێتیدا

21/11/2024

مۆمێک بـۆ ڕێــزگرت لە شــەهید
بەپێـــنووسی ســــتران عبداللـــە

14/11/2024

پەیامێک لە فەرهاد سەنگاویەوە

12/11/2024

کرۆکی پرۆسەی سیاسیی
چیەتی حوکمڕانی کوردستانە
ستران عەبدوڵڵا

بابەتەكە مەتەڵ نییە، هەر وا كوردە نامووسە و خۆ سەغڵەتكردنی پێش و دوای هەڵبژاردن نییە. بابەتەكە ئایندەی پرۆسەی سیاسیی كوردستان و لە ناویشیاندا، جەرگ و هەناوی ئەم پرۆسەیە، حكومڕانی كوردستان (بە پەرلەمان و حكومەت و دامەزراوەكانی تایبەت بە دەسەڵاتی قەزائیشەوە) جێیەكی سەرەكی دەگرن.
لەهەموو وڵاتەکانی دونیا کە تەنگژە دەبێت دەستەبژێرەکەی مێشک دەگوشێ و بیر لە رێگە چارە و دەرفەتەکانی دەربازبوون دەکاتەوە.
پرۆسەی سیاسیی لە کوردستان قەت لەم پرسە بەدەر نییە و شازی ناو قاعیدە نییە.
لەم رۆژانە سەر وتارێکی بەرپرسانەم لە رۆژنامەی نیۆۆرک تایمز خوێندمەوە کە دارێژەرەکەی لەسەر دونیای سەرۆکایەتی ترامپ قسە دەکا و بەرپرسیارێتی هەر دامەزراوە و نێوەندێکی حەریفی ئەمەریکا لەم خولی سەرۆکایەتی دووەمی ترامپ هەڵدەسەنگێنێ. کاری ئەم وتارە ئانە پانەی سیاسیی نییە لە نێوان دوو رکابەری دیموکراسیی هەڵبژاردنی ئەمەریکا کە داخۆ کامیان خاس و کامیان نە خاسە . ئەوە ئیشی شرۆڤەکارانی معلانە کە ماشەڵلا لە وڵآتی ئێمەش کەم نین ، ئیشی براگماتی سیاسیی ئەوەیە لەگەڵ سەرۆک ترامپ هەڵبکرێت. بەڵام کاری ئەم وتارە ئاماژە دانە بە قوڵی بیرکردنەوەی نووسەری سەروتاری جێی باس کە نیوۆرک تایمز روونە لە کام سەنگەری دژەوە هەڵسەنگاندن دەکات.
نووسەر ئەرک دەخاتە سەر کۆنگرێس و سەناتی داهاتوو، ئەرک دەخاتە سەر چەپکە یاسا تۆکمەو پتەوەکەی دەستووری ئەمەریکا و جیاکردنەوەی دەسەڵاتەکان و زنجیرەیەک رێوشوێن کە رێگە لە تاکڕەوی سەرۆکایەتی دەگرێت لە وڵاتێکدا کەس تانەی وای نییە لەسەر تەزویر و گز و فیزی دەنگدان .بەڵام سەروتار ئەرکی تری جێی سەرنجیش دەخاتە سەرباری ئەرکەکان دەلێ ئەی وەزیر و گەورە فەرمانبەرانی تیمی کۆمارییەکان کە چاوەرێ دەکرێت پۆست و پایەتان پێ بسپێردرێ ئێوەش بێ ئەرک نین و شانی خۆتان لە بەرپسیارێتی مۆڕالی خاڵی مەکەنەوە. ڕاستە ئێوە تیمی دڵخوازی ترامپن بەڵام مەعلوم تیمی گەورەیی ئەمەریکاشن. تیای بن ، بەڵام لە بێ قانونی و پێشێلی پێوەرەکانی بەها سەرەکییەکانی ئەمەریکا پێکدێنن بەقسەی مەکەن و رێی لێ بگرن، رێی راستی پێ نیشان بدەن.
ئێمە نازانین لە کوێ گرێی سیاسەتی ئەمەریکا لەدەستەوە کەوتۆتە دەم و چۆنی ڕایی دەکەن، بەڵام هەقمانە بپرسین لە کوردستان کە پێشێلی یاسا و تاکڕەوی حوکمڕانی وا زەق و بەرچاوە کە تەنانەت بووە بابەتی هەڵبژاردن و خیتابی حزبێکی گەورەی وەکو یەکێتیی ، دەی داخۆ دەبێ ئەولەویەت چی بێت ؟بە پەلە پێکهاتنی حکومەت و کاستی وەزارەت و نووسینگەکانی وەک بڵێی هیچ نەقەوماوە یان گفتوگۆی شێنەیی و بە جەوهەری کۆی پرۆسەی سیاسی وڵات؟ بەلای یەکێتییەوە رێچکەی ڕاستکردنەوەی رێڕەوی حوکمڕانی و کامڵکردنی هیلالی هاوسەنگی هێز بابەتێکی زۆر زۆر جددین، جدیتر لە قات و بۆینباغ کڕین بۆ کابینە.
ناشێ بە بیانووی جیاجیاوە کابینەی نوێ سواقی کاتی بدرێ و هیچ لەسەر بەرنامەیەکی دەربەستی نیشتمانیی و شەراکەتێکی دیموکراتی و قانونمەند نەگوترێ . هیچ ویستێکی جەنتلمانی لەسەر ئەولەویەتی پەرلەمانێکی تۆکمە و سەنگەربەندی فراکسێۆنەکانی لە ئارادە نەبێت.
ئەوە هەڵبژاردن تەواو و خەریتەی سیاسیش بەهەموو تێبینییە رەواکانی لەسەری هەیە، ئیتر وا هەیە، بەڵام ئایا پرۆسەکە لەم بێ مووچەیی و بێ چارەسەرییەدا هەروا بە پاداشتکردنی کەموکوڕییەکانەوە دەڕوا و ئیتر بەردێکی دەخرێتە سەری؟! یان سیاسەتی نیشتمانیی و دەربەستی حەریفانە لە هەموو هێزە دەربەستەکانی وڵات دەخوازێت یاداشتی گرێبەندی میللیی هەبێت کە ببێتە رێنوێنی سیاسەتی داهاتووی کوردستان و هەمووان لەسەر ئەو ئەرکە دیموکراتی و کوردایەتییە کۆکبن؟
ئەم دۆخە گفتوگۆی شایان و سەنگەربەندی دیموکراتی دەوێت کە خاوەندارێتی لە پرسە کوردستانییەکان بکات پێش ئەوەی کورسی و کێکی سەرمێز ببنە ئەولەویەت.
ئەمە جەوهەری دۆخی وڵاتەکەمانە پێش ئەوەی بەناوی ژمارەی کابینەکانەوە پەلە پەل بکرێت.
تێگەیشتن لە پێداویستی حوکمڕانییەکی دروست و دڵنیاکەرەوە کە میکانیزمی چارەسەری دابین کردبێت. دەبێ رێنوێن بێت ئینجا ئیستحقاق و کورسی و پۆست دەبنە وەرگێری دروستی پرۆسەی سیاسیی و جێبەجێکەری گرێبەستە میللییەکان.
فلتەرەکانی تاکڕوی لە کوێن و بەربەستەکانی بەردەم چارەی چەوتیی لە حوکمڕانی چۆن لادەبرێن؟ چۆن تیمەکان هەر ناوێکیان هەبێت بە یاسا و تەشریعاتی قووڵ رێگە لە پێشێلی مافەکان، داخستنی دوکانەکان لەسەر رەنگی سیاسی و بە بارمتەگرتنی هاوڵاتیان لە پایتەخت و گرتنیان بە پسولەی کاتی دەگرن؟
لایحەی سیاسەتی دروست لایحەیەکی دوور و درێژە و گەرەکە ئیمزای دڵنیایی لەسەر بکرێت و مەسەلەکە سوعبەت و شتی وا هەڵناگرێت.

06/11/2024

پارتی بۆ ئەم ڕیسوا بوونەی، دەبێ هەم داوای لێبوردن بکات، هەم قەرەبوی ئەوانە بکات کە تاوانباری کردون
سیناریۆیەکی تری پاراستن ئاشکرابوو ، دوای لێکۆڵینەوە راستیەکان دەرکەوت
بەگوێرەی نووسراوی دادگای رەسافە، ئەو سێ کەسەی تۆمەتبارکرابوون بە سووتاندنی بازاڕەکانی هەولێر، کەرکوک و دهۆک بەهۆی نەبوونی بەڵگەی پێویستەوە ئازادکران.

03/11/2024

ئیمرۆ عەسر كۆتایی بەخولی تۆپی لاوانی شارەكانی كوردستان هات بە بەشداری كردنی 9 تیپی كە ریزبەندی كۆتاییان بەوشیوەی لای خوارەوە بوو :-
1- لاوانی كۆیە پلەی یەكەم بە بی دۆرانی هیچ یارییەك
2- لاوانی سلیمانی دووەم بەیەك دۆران
3- لاوانی ئاسۆی بامۆك بەدۆرانی یەك یاری
4- لاوانی ئاوەگرد بە هەبوونی دوو دۆران
پلەپ 5تا 9( سەرچنار -بەكرەجۆ-تەق تەق-بامۆك 1-بامۆك 2)
لەیاری كۆتایی تیپی كۆیە 3 بە 1 لە تیپی سلیمانی بردەوە وئءەوەی مایەی شانازییە یاری كۆتایی زۆر ركابەری و ئاستی بەرزی وەرزشی و رەوشت بەرزی وگۆیرایەلی تیدا بوو سوپاس بۆ هەموو تیپیەكان ئەبیت ئەوگەنج ولاوانە زۆر بەجوانی پەروەردە بكرین دووریان خەین لەگومانی خراپ ویاری كردن بەزۆر بەئەنجام یان شالاو بردنە سەر ناوبژیوان دەنگە دەنگ .چونكە ئەوانە لەسەرەتای ژیانی وەرزشیانە ئەبیت پەروەردە پیش فیر كردن بیت وبەهیوای سەلامەتی وسەركەوتنیان وهەبونی خولی تر وا ئەكات زیاتر چاو كراوە وئاست بەرزتر لا بردنی دلە راوكی
دوبارە سلاو بۆ هەموو تیپیەكان بۆ هەموو یاریزان وراهینەرە بەریزەكان

26/10/2024

بەپێی ئەوزانیاریانەی گەیشتون، مەسعود بارزانی سەرۆکی پارتی دیموکراتی کوردستان لەکۆبونەی ئەمڕۆی لەگەڵ ئەندامانی کۆمیتەی سەرکردایەتی پارتی زۆر توڕە بوەو پێی وتون ئەگەر من نەبام و زۆ پێڕانەگیشتبام لە ٢٥ کورسی زیاترمان بەدەست نەدەهێنا، بۆیە کەس شانازی بە خۆیەوە نەکات. وەخۆشتان ئەوڕاستیە دەزانن.
بۆیە سۆپاسی دۆستەکانمان دەکەم کە لەدۆخێکی ترسناکدا فریامان کەوتن.

21/10/2024

پیرۆزە ..
خاتوو داستان شەهید بەهرام ڕەسول خۆشناو کورسی پەرلەمانی کوردستانی بەدەسهێنا

20/10/2024

کە مەغرور نەبوویت ترست لە میللەتی خۆت نەبوو ئاوا باوەش بۆ خەڵک دەکەیتەوە..

20/10/2024

هاوڵاتی بەڕێز بەکارهێنانەوەی قەڵەمی دەنگـدان بۆ تۆخ کردنەوە دەنگەکەت دەسوتێنێت

20/10/2024

سەرکەوتن بۆ یەکێتی نشتیمانی کوردستان و لیستی ١٢٩

19/10/2024

ســەرۆک بــافڵ :- بـــا بەیەکەوە بیـــان نێرینەوە لــۆ مارێ.

19/10/2024

ئاشــکرا بوونی بەڵــگەیەکی تری حاشـــا هەڵنەگری پەیوندی ژێر بەژێری شاسوارو پارتی..

19/10/2024

هاوڵاتی بەڕێز
سبەی کەمتەرخەم مەبە لەچونت بۆ دەنگدان.
کەچوشی بزانە چۆن بەدروستی دەنگ دەدەیت.
بۆ ئەوەی دەنگەکەت نەسوتێ یا بە فیرۆ نەڕوات.
دەنگ بدە بە لیستی ( ١٢٩ ) بەم شێوەیەی کە ڕونکراوەتەوە.

Address

Koy Senjaq

Website

facebook.com

Alerts

Be the first to know and let us send you an email when رادیۆی مەشخەڵان کۆیە Radioy mashxalan koya posts news and promotions. Your email address will not be used for any other purpose, and you can unsubscribe at any time.

Contact The Business

Send a message to رادیۆی مەشخەڵان کۆیە Radioy mashxalan koya:

Videos

مۆمێک بـۆ ڕێــزگرت لە شــەهید بەپێـــنووسی ســــتران عبداللـــە

پەیامێک لە فەرهاد سەنگاویەوە

ســەرۆک بــافڵ :- بـــا بەیەکەوە بیـــان نێرینەوە لــۆ مارێ.

هاوڵاتی بەڕێز سبەی کەمتەرخەم مەبە لەچونت بۆ دەنگدان. کەچوشی بزانە چۆن بەدروستی دەنگ دەدەیت. بۆ ئەوەی دەنگەکەت نەسوتێ یا بە فیرۆ نەڕوات. دەنگ بدە بە لیستی ( ١٢٩ ) بەم شێوەیەی کە ڕونکراوەتەوە.