Reform

02/02/2025

🔻هەڤاڵ بێرون عومەر فتاح بەشداریکردن لە ڕێوڕەسمی واژۆکردن لەسەر میساقی شکۆ لە پێناو دەستپاکی لە نێوان لایەنە سیاسیەکانی هەرێمی کوردستانی عێراق ..

🔹ئەمڕۆ بەرواری ٢ی شوبات ٢٠٢٥ لە شاری هەولێری پایتەخت ، هەڤاڵ بێرون عومەر فەتاح سکرتێری بزوتنەوەی چاکسازیی نیشتمانی بەشداریکرد لە ڕێوڕەسمی واژۆکردن لەسەر میساقی شکۆ لە پێناو دەستپاکی لەنێوان لایەنە سیاسیەکانی کوردستانی عێراق ..

🔸ڕێوڕەسمەکە بە ئامادەبونی نوێنەری نەتەوە یەکگرتووەکان و نوێنەری سەرۆکایەتی هەرێمی کوردستان و وەزارەتی ناوخۆی حکومەتی هەرێمی کوردستان و ژمارەیەک قونسوڵی وڵاتانی بیانی ، بە چاودێری دەستەی دەسپاکی هەرێمی کوردستان بەڕێوەچوو ..

🔹هاوکات لایەنە سیاسییەکانی هەرێمی کوردستان میساقی شکۆیان واژۆ کرد،ناوەرۆکی میساقەكە تایبەت بوو بەدژایەتی گەندەڵی و ڕێزگرتن لە سەروەریی یاسا و حوكمڕانی تەندروست ..

01/02/2025

هەڤاڵ بێرون عمر فتاح سەردانی مامۆستا عەلی باپیری کرد ..

ئەمڕۆ بەرواری ١ی شوبات ٢٠٢٥ لە شاری هەولێری پایتەخت ، هەڤاڵ بێرون عمر فتاح سکرتێری بزوتنەوەی چاکسازیی نیشتمانی سەردانی مامۆستا عەلی باپیر سەرۆکی کۆمەڵی دادگەری کوردستانی کرد ..

لە دیدارێکدا باس لە بارودۆخی ئێستای کوردستان و عێراق و ناوچەکەکرا ، لە تەوەرێکی تری دیدارەکەدا پەیوەندی دۆستانەی نێوان لایەنەکان و یەکڕیزی نیشتمانی لەم قۆناغەدا بە گرنگ زانرا ...

01/02/2025

بزوتنەوەی چاكسازیی نیشتمانی پیرۆزبایی لە دەزگای میدیایی كات نیوز دەكات..

ساڵڕۆژی دامەزراندنی سایتی كات نیوز پیرۆز بێت

بەبۆنەی هەشتەمین ساڵڕۆژی دامەزراندنی سایتی(كات نیوز) بەگەرمی پیرۆزبایی لە بەڕێوەبەر و ستافی خۆبەخشی سایتەكە دەكەین ، كە دڵسۆزانە و لەخۆبردوانە ئەركەكانیان بەجێ هێناوە لەماوەی ساڵانی ڕابردوودا بەبێ دواكەوتن لە كاروانی ڕۆژنامەنوسی و جێ بەجێ كردنی و ئەركی ڕۆشنبیری وەك سەربازی ون هەمیشە لە خزمەتی گەشەكردن و پێشكەوتنی (سایتی كات نیوزدا )بوون كە ئەوەش جێگای سوپاس و پێزانینی زۆرمانە ،هیوادارین ساڵی نوێی تەمەن بە گڕو تین و بەرنامەی نوێوە بەردەوامبن بۆ خزمەتی زیاتری سایتی كات نیوز و بواری ڕۆژنامەنووسی ،سایتی كات نیوز وەك سایتێكی سیاسی ڕۆشنبیری گشتی بۆ هەشتەمین ساڵ دەچێت بەردەوامە لە خزمەت هیوای سەركەوتن و پێشكەوتنی زیاترتان بۆ دەخوازین..



بزوتنەوەی چاكسازیی نیشتمانی

٢٠٢٥/٢/١

31/01/2025

پەیامی پیرۆزبایی هەڤاڵ بێرون عمر فتاح سکرتێری بزوتنەوەی چاکسازیی نیشتمانی بەبۆنەی هەشتەمین ساڵڕۆژی دامەزراندنی سایتی کات نیوز-ەوە.

هەشتەمین ساڵڕۆژی دامەزراندنی سایتی( كات نیوز) پیرۆز بێت .

سایتی كات نیوز وەك سایتێكی سیاسی ڕۆشنبیری گشتی پێ دەنێتە هەشتەمین ساڵڕۆژی دامەزراندن و كاركردنیەوە كە ڕۆڵی خۆی گــــــێڕاوە لە خزمەتكردن بە بواری (ڕۆژنامەنوسی و ڕۆشنبیری وســـیاسی و كۆمـــەڵایەتی)لەسەر دەستی ستافێكی دڵسۆزی خۆبەخـــش كە ئەرك و لێپرســـراوێتی ئەوان بەو شێــوەیە جێگای سوپاس و ئەمەك و پێزانینە، هیوادارین ساڵی نوێی تەمەنی (كــات نیــوز) ســاڵی گەشـــەكردن و پێشكەوتن و خزمەتی زیاتر بێت ،بە دڵنیاییەوە ئێمەش پشتیوان و هاوكار دەبین بۆ بەرەو پێشبردنی كارەكانتان بە شێوازێكی نوێ و بەبەرنامەیەكی نوێی كاركردنەوە .جارێكی تر پیرۆزباییتان لێدەكەین و هیوادارین شاد و سەركەوتوو بن .

بێرون عمر فتاح
١-٢-٢٠٢٥

31/01/2025

پیرۆزبێت ساڵڕۆژی دامەزراندنی سایتی كــات نــیوز

سایتی كات نیوز پێدەنێتە هەشتەمین ساڵیادی دامەزراندنییەوە ،سایتی كات نیوز سایتێكی رۆشنبیری چاكسازیخوازە كە ماوەی هەشت ساڵە زۆر لە خۆبردوانە و دڵسۆزانە كاردەكات وخزمەتدەكەن لە پێناو گەشەكردن و پێشخستنی بواری ڕۆژنامەنوسی لە كوردستان و گەیاندنی هەواڵ و زانیاری و بڵاوكردنەوەی وتاری نوسەران و لێكۆلەران وچاودێران بۆ گەیاندنی زانیاری و ییرو ڕای جیاواز بە هاوڵاتیانی كوردستان .

www.katnews.co

25/01/2025

بەشداریکردن لە دیداری باشور بۆ ئایندەی ڕۆژئاوای کوردستان لە سوریای نوێدا

ئەمڕۆ بەرواری ٢٥ی کانونی دووەم ٢٠٢٥ لە شاری سلێمانی ، هەڤاڵ بێرون عمر فتاح سکرتێری بزوتنەوەی چاکسازیی نیشتمانی بەشداریکرد لە دیداری باشور بۆ ئایندەی ڕۆژئاوای کورد....

22/01/2025

ڕاگەیەندراوی (بزوتنەوەی چاکسازیی نیشتمانی ) سەبارەت بە گەڕانەوەی زەوی و موڵکی هاوڵاتیانی کوردی سنوری مادەی (١٤٠)ی دەستوری ..

بڕیارەکانی ئەنجومەنی نوێنەرانی عێراق سەبارەت بە هەڵوەشاندنەوەی بڕیارەکانی (محکمەی ثورەی) حزبی بــەعــ.ـس و گەڕاندنەوەی زەوی و موڵکی داگیرکراوی هاوڵاتیانی گەلی کورد و تورکمان لە سنورەکانی مادەی (١٤٠)ی دەستوری دەستپێک و هەنگاوێکی دادپەروەرانەیە بۆ گەڕانەوەی مافی زەوتکراوی هاوڵاتیانی گەلەکەمان لەسەر خاک و زێدی مێژوی و ڕەسەنی خۆیان ، هەوڵەکانی فراکسیۆنە کوردیەکان و هەر کەس و لایەنێک بەرز دەنرخێنین کە ڕۆڵیان لەو پرسە نیشتمانیەدا گێڕابێت ، وە پیرۆزبایی لە هاوڵاتیانی گوندەکانی دەوروبەری کەرکوک و سنورەکانی مادەی ١٤٠ی دەستوری دەکەین بۆ گێڕانەوەی مافی شەرعی خۆیان ، هیوادارین هەوڵەکان بەردەوام بن بۆ کاراکردنەوەی مادەی دەستوری( ١٤٠ )و گێڕانەوەی مافە شەرعیەکانی تری گەلەکەمان ، لەڕێگای هەوڵە یاسایی و دەستوریەکان .

بزوتنەوەی چاکسازیی نیشتمانی
٢٠٢٥/١/٢٢

19/01/2025

🔵 یەکێک لە ئامانجە سیاسییەکانی بزووتنەوەی چاکسازیی نیشتیمانی لە بواری ئابووریدا:

نەوت وەک بەرهەمێکی سەرەکی و کاریگەر و دەوڵەمەندی کوردستان، لە بازاڕەکانی جیهان سوودی لێ وەربگیرێت و خزمەتی گەل و نیشتیمانی پێ بکرێت.

18/01/2025

🔻هەڤاڵانی بزوتنەوەی چاکسازیی نیشتمانی بەشداریانکرد لە دیداریێکی تایبەت بە بەرهەمە هەمەلایەنەکانی مامۆستا عەبدولکەریمی مودەڕیس...

ئەمڕۆ بەرواری ١٨ی کانونی دووەم ٢٠٢٥ لە شاری سلێمانی ، هەڤاڵ سەرخێڵ عمر فتاح سەرپەرشتیاری ناوەندەکانی شارەزوور بە هاوڕێیەتی هەڤاڵ ئەیوب شێخ محمد ئەندامی ناوەندی سەیدصادقی بزوتنەوەی چاکسازیی نیشتمانی ،بەشداریانکرد لە دیدارێکی تایبەت بە بەرهەمە مەهەلایەنەکانی مامۆستا عبدولکەریمی مودەڕیس .

دیدارەکە لەلایەن دامەزراوەی کەریمی عەلەکە ڕێکخرابوو ، وەزیری ڕۆشنبیری و نوێنەری لایەنە سیاسیەکان و بەرپرسانی حکومی و ژمارەیەک لە کەسایەتی و ڕۆشنبیران لە بەشداربوانی دیدارەکە بوون ، لە کۆتایی دیدارەکەدا بروسکەی دەستخۆشی بزوتنەوەی چاکسازیی نیشتمانی پێشکەش بە ڕێکخەرانی دیدارەکە کرا ..

16/01/2025

🔻بێرون عمر فتاح سكرتێرى بزوتنه‌وه‌ى چاكسازیی نیشتمانى له‌ لێدوانێكیدا بۆ كات نیوز سه‌باره‌ت به‌ دیدار و كۆبونه‌وه‌كانی ئه‌مڕۆى هه‌ولێرى پایته‌خت ڕایگه‌یاند :

به‌گه‌رمى پێشوازی له‌و دیدار و كۆبونه‌وانه‌ى ئه‌مڕۆى هه‌ولێرى پایته‌خت ده‌كه‌ین به‌ له‌به‌رچاوگرتنى گۆڕانكاریه‌كانى ناوچه‌كه‌ و خۆئاماده‌كردن بۆ ئه‌گه‌ر و پێشهاته‌ چاره‌نووسسازه‌كان تایبه‌ت به‌ ئاینده‌ى گه‌لى كورد ،كۆبونه‌وه‌ى به‌ڕێزان (جه‌نابى مه‌سعود بارزانى و ژه‌نڕاڵ مه‌زڵوم عه‌بدى ) له‌لایه‌ك و كۆبونه‌وه‌ى به‌ڕێزان (بافڵ جه‌لال تاڵه‌بانى سه‌رۆكى یه‌كێتى نیشتمانى كوردستان و مه‌سرور بارزانى سه‌رۆكى حكومه‌تى هه‌رێمى كوردستان ) له‌لایه‌كى تر، به‌ گرنگ و جێگاى ئومێد ده‌زانین بۆ یه‌كخستنه‌وه‌ى ماڵى كورد و هێنانه‌ كایه‌ى گوتارێكى یه‌كگرتوو، به‌رامبه‌ر گۆڕانكارى و پێشهاته‌كانى ناوچه‌كه‌ و تێپه‌ڕاندنى دۆخى ئێستای هه‌رێمى كوردستان و پێكهێنانى كابینه‌ى نوێی حكومه‌ت و چاره‌سه‌ركردنى ژیان و گوزه‌رانى خه‌ڵك،هه‌ر له‌و ڕوانگه‌یه‌وه‌ ئێمه‌ له‌ بزوتنه‌وه‌ى چاكسازیی نیشتمانى ده‌ستخۆشی و پشتیوانى خۆمان ڕاده‌گه‌یه‌نین بۆ ئه‌و كۆبونه‌وانه‌ و چاوه‌ڕوانى ئه‌نجامى گرنگ و مێژوویان لێده‌كه‌ین .

16/01/2025

⚫پرسەنامەیەک لە بزوتنەوەی چاکسازیی نیشتمانی-یەوە

بەناوی خودای گەورە و میهرەبان
ب/پرسەنامە

دڵتەنگ و نیگەرانین بە کۆچیی دوایی خوالێخۆشبووهەڤاڵ ( فاخر حەمید ) برای هەڤاڵمان مامۆستا ولید حمید ئەندامی ناوەندی گەرمیانی بزوتنەوەی چاکسازیی نیشتمانی ، داواکارین لە خودای میهرەبان کۆچکردوو بەبەهەشتی بەرینی خۆی شاد بکات و سەبوری و ئارامیش بە بنەماڵە بەڕێزەکەیان ببەخشێت ، دوا ناخۆشی بێت ..

بزوتنەوەی چاکسازیی نیشتمانی
٢٠٢٥/١/١٦

15/01/2025

🔹کۆبونەوەی هاوبەشی ناوەندەکانی سەیدصادق و هەورامانی بزوتنەوەی چاکسازیی نیشتمانی ...

بەرواری ٢٠٢٥/١/١٥ ، هەڤاڵ سەرخێڵ عمر فتاح سەرپەرشتیاری ناوەندەکانی شارەزوور لەگەڵ هەڤاڵانی ناوەندەکانی سەیدصادق و هەورامانی بزوتنەوەی چاکسازیی نیشتمانی کۆبوەوە .

لە کۆبونەوەکەدا باس لە کار و چالاکیەکانی هەڤاڵان لە سنوری ناوەندەکانیان کراو شێوازی کاری جەماوەری وگەشەی ڕێکخستنەکان بۆ ساڵی نوێ گفتوگۆی لەبارەوە کرا ، هەروەها بەرەوپێشچون و فراوانبوونی بازنەکانی ڕێکخستنی بزوتنەوەی چاکسازیی لەسەر بەرنامەیەکی نوێ لەساڵی نوێدا جەختی لەسەرکرایەوە ..

07/01/2025

هەڤاڵ بێرون عمر فتاح لەگەڵ هەڤاڵانی ناوەندی گەرمیانی بزوتنەوەی چاکسازیی نیشتمانی کۆبوەوە ..

ئەمڕۆ بەرواری (٧-١-٢٠٢٥) لە شاری سلێمانی ،هەڤاڵ بێرون عمر فتاح سکرتێری بزوتنەوەی چاکسازیی نیشتمانی کۆبوەوە لەگەڵ هەڤاڵانی ناوەندی گەرمیانی بزوتنەوەی چاکسازیی نیشتمانی ..

لە کۆبونەوەکەدا هەڵسەنگاندن بۆ کار و چالاکیەکانی ڕابردوو کرا هەروەها ڕونکردنەوەی بارودۆخی ئێستای ناوچەکە و زەرورەتی یەکگرتویی و یەکهەڵوێستی گەلەکەمان بەرامبەر بە ئەگەر و پێشهاتەکانی داهاتوو ..

06/01/2025

بەناوی خودای گەورە و میهرەبان
پرسەنامە

دڵتەنگ و نیگەرانین بەبۆنەی کۆچی دوایی چوار هاوڵاتی خەڵکی پارێزگای هەڵەبجە کە ئێوارەی ڕۆژی یەک شەممە بە کارەساتێکی دڵتەزێن لەسەر ڕێگای هەڵەبجە سیروان گیانیان لەدەستدا، داواکارین لە خودای گەورە کۆچکردوان بەبەهەشتی خۆی شاد بکات و سەبوری و ئارامیش ببەخشێت بە کەس و کار و خانەوادە بەڕێزەکانیان ..

بزوتنەوەی چاکسازیی نیشتمانی
٢٠٢٥/١/٦

31/12/2024

🔹پەیامی پیرۆزبایی هەڤاڵ بێرون عمر فتاح سکرتێری بزوتنەوەی چاکسازیی نیشتمانی بەبۆنەی هاتنی ساڵی نوێی ٢٠٢٥ زاینی :

(هاتنی ساڵی نوێی (٢٠٢٥) تان پیرۆز بێت)

بـەبۆنەی هـاتنی سـاڵی نـوێی (٢٠٢٥) زایـنی پـیرۆزباییتان لـێدەکەین ،هـیوادارین سـاڵی ئـاشتی و ئـارامی و خـۆشگوزەرانی بـێت بـۆ گـەلەکەمان ،هـەروەها داواکاریـن لـەخودای مـیهرەبان سـاڵی نـوێی گـوزەری تـەمەن هـەمولایەک تـەندروستباش و سـەرکەوتوو بکات .

هەرشادبن …

بێرون عمر فتاح

31/12/2024

🔻ڕاگەیەندراوی بزووتنەوەی چاکسازی نیشتیمانی بە بۆنەی هاتنی ساڵی نوێی 2025ـی زاینییـەوە.

جەماوەری خۆڕاگری کوردستان
بەبۆنەی هاتنی ساڵی نوێی 2025ـی زاینییەوە بە گەرمی پیرۆزبایی خۆمان ڕادەگەیەنین، هیوادارین ساڵی نوێ سالی ئاشتی و ئارامی و خۆشگوزەرانی بێت بۆ گەل و نیشتیمانەکەمان، سەروبەندی هاتنی ساڵی نوێ هاوکاتە لەگەڵ ئاڵۆزی و گۆڕانکارییە خێراکان، کە کاریگەری لەسەر ئاییندە و چارەنووسی گەلەکەمان هەیە، هەر بۆیە پێویستە ماڵی کورد یەکبخرێتەوە و بە یەکگوتاری و یەکگرتوویی ڕووبەڕووی ئەگەر و پێشهاتە چاوەڕوانکراوەکان ببینەوە بە لەبەر چاو گرتنی ئەرک و بەرپرسیارێتی مێژوویی و خستنەڕووی ڕۆڵی ئەرێنی لە ساڵی نوێی خەباتدا بۆ سوود وەرگرتن لە هەلە مێژووییە نێودەوڵەتی و ناوچەییەکان، هەروەها پێویستە پەلە بکرێت لە پێکهێنانی کابینەی نوێی حکومەتی هەرێم و کاراکردنی پەرلەمان بۆ چارەسەرکردنی کێشە و گرفتەکانی هاوڵاتییان لە ڕووی دابینکردنی مووچە و دەستەبەرکردنی خزمەتگوزارییەکان و تێپەڕاندنی دۆخی خراپی خەڵک، کە ئەرک و بەرپرسیارێتی دەسەڵات و حکومەتی داهاتووە، جارێکی تر بە گەرمی پیرۆزبایی هاتنی ساڵی نوێتان لێ دەکەین و هیوای شادی و سەرفرازیتان بۆ دەخوازین.

سەرکەوتوو بن.

بزووتنەوەی چاکسازیی نیشتیمانی
٣١-١٢-٢٠٢٤

28/12/2024

هەڤاڵ بێرون عمر فتاح لەگەڵ هاوسەرۆکانی (pyd) کۆبوەوە ..

ئەمڕۆ بەرواری ٢٨ی کانونی یەکەم ٢٠٢٤ لە شاری سلێمانی ، هەڤاڵ بێرون عمر فتاح سکرتێری بزوتنەوەی چاکسازیی نیشتمانی ،لەسەر داوای نوێنەرایەتی پارتی یەکێتی دیموکرات لە هەرێمی کوردستان (pyd)،سەردانی بەڕێزان (غریب حسو)و(سەما دکتاش) هاوسەرۆکانی (پارتی یەکێتی دیموکرات) ی کرد ..

لە دیدارێکدا بارودۆخی ئێستاو هەنگاوەکانی چارەسەری ئاشتی و هەوڵەکانی یەکگرتویی گەلی کورد و ئەگەرەکانی داهاتوو گفتوگۆی لەبارەوە کرا ،هەروەها پشتیوانی و ڕۆڵی لایەنە سیاسیەکانی هەرێمی کوردستان و حکومەتی هەرێمی کوردستان بەگرنگ زانرا لەم قۆناغە چارەنوسسازەدا …

27/12/2024

🔻پەیامی پیرۆزبایی بەڕێز بافڵ جەلال تاڵەبانی سەرۆکی یەکێتی نیشتمانی کوردستان بۆ هەڤاڵ بێرون عمر فتاح سکرتێری بزوتنەوەی چاکسازیی نیشتمانی بەبۆنەی هاتنی سەری ساڵی نوێی ٢٠٢٥ی زاینی ..