17/01/2025
قبل سنه
عرضت سيارتي رقم ديالى
عالفيس واجاني عليها واحد من اهل كربلاء السياره بعتها
٤٣ ورقه لان كنت محتاج فلوس وتكاتبت وياه شال ٣٨ ورقه وكال حجي فلوسي مايكفن بس اوصل لكربلاء احولهن لك
عمي ميخالف قابل تكاطعت يبويه والروحه روحه عفته شهر وشهرين
وراها خابرته يابه تعال حول سيارتك كال لا مااحولها اريد ابيعها اذتني دمرتني تعبتني يابه خاف عبالك عالفلوس الباقيه تعال احولك وراها عود من يصير عندك دز الفلوس كال لا ابيع واخابرك
وره ٦ اشهر راسلته عالواتس اب السلام عليكم هذا كبل غلط وفشر شني هاي؟؟!!!
شبيك عمي
كال لا مو عليك
حاي اراسل بواحد وتعاركت وياه وبالغلط رسلت لك
من طبعي مااحب المشاكل
كلت يجوز صح يابه تحول سيارتك كال لا ابيعها
زين عمي فلوسي باقيات عالتحويل كال لا
زين مو كتلي بس اوصل اوديهن كال اي
بس دمرتني تعبتني سكتت منه مااردت اجادله
قبل يومين خابرني
حجي شونك هلا يابه
كال بعت السياره واريدك اطيح لي من الخمس ورقات ضحكت كتله عمي هو شنو مستلم اني واطيح لك مع ذلك طايحه ورقه وتدلل
كال هذا اللي اشتره السياره
شونك حجي هلا عمي
حجي فلوسك يمي امانه
واني اخذتها تدلل احولك وخادم شوكت ما تريد بس لا طولها مثل صاحبك
كال اها صدك جذب الاحد يمك يابه ممنون
كال تعال اخذ فلوسك يابه شكرا باجر جاي لكربلاء
هلا بيك حجي كل الهلا
مع السلامه مع السلامه
بالليل كلت خل اكد عليه خابرته عمي باجر مأجر تكسي لكربلاء يعني اجي كال اها صدك جذب خدام لك بس تعال عمي ممنونك
اخذت تكسي مرجع لكربلاء
زرت كملت صارت ١٠ الصبح خابرت ردت دكيت لطمت بس افتح خط ماكو يدك وميفتح
صارت ١ الظهر احتاريت وين اروح لا اعرف احد وتعبت
دكيت على صاحبي القديم
كال حجي الولد خابرني يكول اطيه الفلوس من يحولها تعجبت عمي هي بسمي مو بسم غيري وفلوسي ماباقيات عالتحويل وماممتنع وتندلون بيتي انوب كلي تعال واجيت واني شايب عمري ٦٠ سنه
بس واالعباس الواكف كدام ضريحه مااحولها لو بكد فلوسها مرتين وسديت خط
فياعمي السياره هاي
ماتتحول ومشيت بإجراءات حجزها
حجز اداري
اخاف يعرضوها عالفيس بقشمرون بيها واحد
والله مااحولها
وسلامي للجميع
