09/11/2023
اخواني للتوضيح اني صاحب البيج وليس الشخص المعني
ومن قريت قصته حبيت اساعد ليس اكثر والي ايريد ايساعده او يعرف قصته رقمه موجود ويكدر يتواصل وياه....
السلام عليكم اني من بغداد بس ساكن حاليا بفندق بالعمارة صح قصتي شويه طويله بس ياريت تقروها للاخير اني اسمي محمود من بغداد شارع فلسطين عمري 23 سنه طالب سادس علمي طبعا اني والدي ووالدتي منفصلين من سنه 2001 تقريبا جان عمري سنه وانفصلو من انفصلو والدتي سوت تنازل عن حضانتي لوالدي وعافتني يمه ومن سنه 2001 لهذا اليوم اني ما شايف امي ولا اعرفهه ولا اعرف وين ساكنه لان من انفصلو لهذا اليوم تقريبا صار 22 سنه هيه ما سالت عليه ولا اجتني عافتني عمري سنه يم ابويه وبعد ما شفته بعد ما عافتني اني ربيت يم والدي من عمري سنه لحد ما صرت 18 سنه طبعا والدي متزوج 5 مرات يتزوج ويطلك بسنه 2018 والدي اتزوج زوجته الخامسه الي على ذمته حاليا من اتزوجهه تقريبا وره 3 اشهر من زواجهم كالت لوالدي ابنك محمود ما اريده بلبيت لان ابنك رجال غريب عليه وما اريده ابيتي حجيت ويه والدي كالي البيت بيتهه واني ما اكدر اكلهه لا اني ربيتك وكبرتك انته روح دبر امرك رحت لبيت عمتي بمنطقه الحسينيه كعدت يمهم تقريبا 5اشهر وراهه وجهم ثكل عليه طلعت منهم رحت يم اقاربي وهم فتره ووجهم ثكل عليه هم طلعت منهم وبتالي ماكو واحد يحمل احد طول عمره أطريت اروح للشارع لان ما كدامي غير حل فرحت جوه الجسر مال جامع النداء بمنطقه الاعضميه ابغداد عشت هناك ومن سنه 2018 لهذا اليوم اني عايش جوه هذا الجسر تقريبا صارلي 6 سنوات عايش جوه هذا الجسر لا اب ولا ام ولا اخ ولا اقارب ولا صديق عشت جوه جسر يجي بيه اليشرب والي طالع عن الطريق والي يمد ايده بلمختصر عشت بنص عالم تعبانه صح اني مريت بضروف صعبه وعشت بنص عالم متخاف الله بس احمد الله واشكره اني ما طلعت عن الطريق ولا مديت ايدي ولا فد يوم صورته فديو وناشدت احد بلعكس اعتمدت على نفسي من عمري 18 وهسه اني عمري 23 ادرس واشتغل بنفس الوقت الصبح اروح للدوام ارجع ب1 ابدل واروح للشغل وارجع ب10 بليل انام جوه هذا الجسر والحمدلله لا تركت دراستي ولا تركت صلاتي ولا مديت ايدي و هسه اني طالب سادس علمي تطبيقي وراح امتحن بعد كم يوم دور ثالث صح اني ما عندي عائله ولا أحد يسندني ولا عندي بيت ولا البس احسن لبس ولا عندي احسن جهاز ولا اني احسن من غيري بس اني مقتنع بلي كاتبه رب رب العالمين عليه ومتأكد رب العالمين ضاملي شي احلى صح مريت بضروف صعبه بس يبقه اسمها ضروف ولا بد فد يوم تفرج اني حاليا مريض عندي جرثومه بلمعده سببتلي فتحه بلمعده اي شي اكله اتقيئا وهذا التقيئ اثر على أسناني لان من اتقيئ الاحماض مال التقيئ تبقى ابسناني وسببلي التهاب بلانسجه الداعمه للأسنان الحمدلله اتعالجت من الجرثومه سويت عمليه بلبصره وتعالجت منها بس بقه الالتهاب الي باسناني جاي اتعالج وبعد 5 ايام راح اسوي عمليه ابغداد لان حاليا وكعت 2 من أسناني بسبب هذا المرض واذا ما سويت العمليه احتمال تأثر على العصب الي مربوط بالدماغ والحمدلله على كل حال سبب جيتي للعماره حتى أسكن بفندق لان اني رحت اكثر من محافضه حتى أسكن بيها من ضمنها كربلاء والنجف والناصريه والبصره والسماوه بس الفنادق ميقبلون يستقبلوني لان جنسيتي استنساخ الموحده مالتي ضايعه وجاي امشي بيهه ف اجيت العمارة وقبلو بجنسيتي الاستنساخ وسكنت هنا وراح ابقى هنا 5 ايام لحد ما يجي موعد عمليتي الي اريده من الله والشباب الي عنده ملابس ميحتاجهه اكون ممنون حتى لو ملبوسات عادي لان أجيت للعماره وما جبت وياي ملابس ومابقت عندي امكانية اشتري ملابس كل الي جانت عندي انطيتهن ايجار للفندق وحاليا بقت عندي بس 20 الف ضميتهن حتى ارجع بيهن لبغداد ف الي عنده ملابس وميحتاجهن لا يقصر اواليكدر يجيبلي اكل بيت وياه هم ليقصر اني حاليا ساكن بلعماره شارع دجله فندق جنه ميسان قريب على سوك العماره الي يكدر يجي هلا بيه والي ميكدر اني أحاول اجيه وهذا رقمي 07751606294 بيه واتساب .. والي يحب يتاكد من قصتي لان اكو عالم حقهه متعرفني وتريد شي يثبت انو قصتي حقيقيه هاي لقائاتي ويه قناه دجله والرشيد والشرقيه والفلوجه وويه العقيد عزيز ناصر كلهم موجودات عاليوتيوب الي يحب يشوفها ويتاكد والي يحب يجي ويتاكد مني اني الولد نفسي الي بلفديوهات هم هلا بيه ...وهذا مكاني الي عايش بيه وهاي الصورة من سويت عمليه الجرثومه
