Namo post

06/08/2022

06/08/2022

24/06/2022

20/06/2022

સુરતના સહારા દરવાજા પર બન્યો ગુજરાતનો પ્રથમ મલ્ટીલેયર અને મલ્ટી ડિરેક્શન રેલવે ઓવરબ્રિજ/ફલાય ઓવરબ્રિજ :સુરતવાસીઓને ૧૧૭મા ફ્લાયઓવર બ્રિજની ભેટ : રૂા.૧૩૩.૫૦ કરોડના ખર્ચે સાકારિત સુરતની શાન સમા મલ્ટીલેયર બ્રિજને ખૂલ્લો મૂકતા સાંસદ સી.આર.પાટીલ

07/06/2022

તાપી જિલ્લા ધોરણ ૧૦નું કુલ-૫૬.૮૨ ટકા પરિણામ

● માર્ચ-૨૦૨૨માં યોજાયેલી ધોરણ-૧૦ની પરીક્ષાનું પરિણામ થતા તાપી જિલ્લાનું ધોરણ ૧૦નું કુલ-૫૬.૮૨ ટકા પરિણામ આવ્યું છે.

તાપી જિલ્લા શિક્ષણાધિકારીની કચેરી દ્વારા મળેલ માહિતી અનુસાર જિલ્લામાં પ્રથમ ત્રણ ક્રમે આવનાર વિદ્યાર્થીઓમાં પ્રથમ ક્રમે વસાવા સર્વચના નરેશભાઇ કુલ-૬૦૦ ગુણમાંથી ૫૭૧ ગુણ સાથે ૯૫.૧૬ ટકા, એકલવ્ય મોડેલ રેસીડન્સીયલ સ્કુલ, ખોડદા નિઝરની વિદ્યાર્થીની, બીજા ક્રમે મોદી નિષ્ઠા રાજેન્દ્રપ્રસાદ, કુલ-૬૦૦ ગુણમાંથી ૫૭૦ ગુણ સાથે ૯૫.૦૦ ટકા, જીવન સાધના વિદ્યાલય, ઉકાઇ, સોનગઢની વિદ્યાર્થીની તથા ત્રીજા ક્રમે બિરારી આર્જવ વિજયકુમાર, કુલ-૬૦૦ ગુણમાંથી ૫૬૯ ગુણ સાથે ૯૪.૮૩ ટકા, જે.બી.એન્ડ એસ.એ.સાર્વ.હાઇ સ્કુલ,વ્યારાનો વિદ્યાર્થીનો સમાવેશ થાય છે.

વધુમાં તાપી જિલ્લામાં કુલ- ૮૧૭૩ વિદ્યાર્થીઓ પૈકી ૭૯૯૪ વિદ્યાર્થીઓએ પરીક્ષા આપી હતી જેમાં ગ્રેડ અનુસાર જોઇએ તો, એ-1 ગ્રેડમાં ૪૦ વિદ્યાર્થીઓ, એ-2માં ૨૪૪, બી-1માં ૬૭૧, બી-2માં ૧૨૩૫, સી-1માં ૧૪૯૮, સી-2માં ૮૨૫, ડી-માં ૨૯, મળી કુલ-૪૫૪૨ વિદ્યાર્થીઓ પાસ થતા જિલ્લાનું કુલ-૫૬.૮૨ ટકા પરીણામ જાહેર થયુ છે.

આ પ્રસંગે સફળ વિદ્યાર્થીઓને તેમના ઉજ્જવળ ભવિષ્ય માટે જિલ્લા શિક્ષણાધિકારીની કચેરી સહિત જિલ્લા વહિવટી તંત્રે અભિનંદન પાઠવ્યા હતા.

07/06/2022

તાપી જિલ્લાના વ્યારા સ્થિત દક્ષિણાપથ ગ્રામ સમાજ ગ્રાઉન્ડ ખાતે “સખી મેળો તેમજ વંદે ગુજરત પ્રદર્શન” યોજાશે


● ગ્રામીઁણ વિકાસ મંત્રાયલય ભારત સરકાર અને ગ્રામ વિકાસ વિભાગ ગુજરાત સરકાર તથા જિલ્લા વહિવટી તંત્ર તાપીનાં સંયુકત ઉપક્રમે જિલ્લા કક્ષાનો મેળો-૨૦૨૨ નું આયોજન તા.૦૮-૦૬-૨૦૨૨ થી ૧૪-૦૬-૨૦૨૨ સુધી કરવામાં આવેલ છે.

જે અન્વયે આજે કૃષિ, ઊર્જા, અને પેટ્રોકેમિકલ વિભાગના રાજ્ય કક્ષાના અને તાપી જિલ્લા પ્રભારી મંત્રીશ્રી મુકેશભાઈ પટેલના અધ્યક્ષ સ્થાને તા.૮મી મે નારોજ સાંજે ૫.૦૦ કલાકે દક્ષિણાપથ ગ્રામ સમાજ ગ્રાઉન્ડ વ્યારા ખાતે “તાપી જિલ્લા કક્ષાનો સખી મેળો તેમજ વંદે ગુજરાત પ્રદર્શન મેળો-૨૦૨૨” નો ઉદ્ધઘાટન સમારોહ યોજશે.

આ પ્રસંગે સાંસદશ્રી પ્રભુભાઇ વસાવા, જિલ્લા પંચાયત પ્રમુખશ્રી સુરજભાઇ વસાવા, વ્યારા નગર પાલિકા પ્રમુખશ્રી સેજલબેન રાણા, સર્વ ધારાસભ્યશ્રીઓ મોહનભાઇ ઢોડિયા, પુનાજીભાઇ ગામિત, આનંદભાઇ ચૌધરી, સુનિલભાઇ ગામિત, તેમજ પદ્મશ્રી રમીલાબેન ગામિત સહિત અન્ય મહાનુભવો ઉપસ્થિત રહશે.
આ મેળાનો લાભ લેવા જિલ્લા વહિવટી તંત્ર વતી જિલ્લા કલેક્ટરશ્રી એચ.કે.વઢવાણીયા, તેમજ જિલ્લા વિકાસ અધિકારીશ્રી ડી.ડી. કાપડિયા દ્વારા જાહેર જનતાને અપિલ કરવામાં આવી છે.

30/05/2022

વ્યારા ખાતે જિલ્લા કક્ષાનો કારકિર્દી માર્ગદર્શન સેમીનાર યોજાયો

● વિદ્યાર્થીઓ કોઈપણ ધ્યેય નક્કી કરી તેને લક્ષ્યાંક બનાવી આગળ વધેઃ-તાપી જિલ્લા શિક્ષણાધિકારી આર.એમ.ચૌધરી

● શ્રીમતિ કે.કે.કદમ કન્યા વિદ્યાલય વ્યારા મુકામે આજરોજ ગુજરાત માધ્યમિક,ઉચ્ચત્તર માધ્યમિક શિક્ષણ બોર્ડ, જિલ્લા વહીવટી તંત્ર,જિલ્લા શિક્ષણાધિકારીની કચેરી તેમજ જિલ્લા રોજગાર કચેરીના સંયુક્ત ઉપક્રમે 'જિલ્લા કક્ષા કારકિર્દી માર્ગદર્શન કાર્યક્રમ’નું આયોજન કરવામાં આવ્યું હતું. જિલ્લા શિક્ષણાધિકારીશ્રી આર.એમ.ચૌધરીના અધ્યક્ષ સ્થાને યોજાયેલા આ કાર્યક્રમમાં મોટી સંખ્યામાં વિદ્યાર્થીઓ અને વાલીઓ ઉપસ્થિત રહ્યા હતા.

જિલ્લા શિક્ષણાધિકારીશ્રી આર.એમ.ચૌધરીએ વિદ્યાર્થીઓને 'નવી દિશા નવું ફલક' અંતર્ગત કારકિર્દીનું માર્ગદર્શન આપતા જણાવ્યું હતું કે કોઈપણ ક્ષેત્રમાં જવા માટે વિદ્યાર્થીએ ધ્યેય નક્કી કરવો પડે છે. પછી એ ક્ષેત્રમાં આગળ વધવા માટે સખત મહેનત કરવી જોઈએ. ચોક્કસ લક્ષ્યાંકને આંબવા માટે કરેલો પુરૂષાર્થ કદી એળે જતો નથી. રાજ્ય સરકાર દ્વારા બાયસેગના માધ્યમથી ધો.૧૦ અને ૧૨ પછી કયા કયા પ્રવાહમાં આગળ જઈ શકાય તે માટે ઓનલાઈન વેબસાઈટની માહિતીનો ઉપયોગ કરવા શિક્ષણાધિકારીશ્રી ચૌધરીએ અનુરોધ કર્યો હતો.

મુખ્ય વક્તા ચેતનભાઈ ભીમાણીએ પારંપારિક વિષયોથી લઇને ટેકનોલોજી સુધીના જ્ઞાનની વિસ્તૃત માહિતી આપતા જણાવ્યું હતું કે કોરોનાના કપરા કાળમાં ઉદ્યોગો સહિત ધંધા-રોજગાર ઠપ્પ થઈ ગયા હતા. પરંતુ આઈ.ટી.ક્ષેત્ર અને મેડીકલ તેમજ એનીમલ હસબન્ડરી ચાલુ જ રહ્યા હતા. આમ સમયની સાથે ચાલીએ તો ટેકનોલોજીના સમન્વયથી આપણે કેવી રીતે આગળ વધી શકીએ અને આપણે કયા ક્ષેત્રમાં કઈ જરૂરિયાત છે. તે ધ્યાને લઈને આપણી કારકિર્દીમાં આગળ જઇ શકીએ છીએ. ધોરણ-૧૦ અને ૧૨ પછી આવેલ માર્કસને આાધારે આપણે અભ્યાસની પસંદગી કરી શકીએ છીએ. પરીક્ષાના પરિણામથી ક્યારેય નાસીપાસ થશો નહીં. જે વિષયોમાં વધુ રસ પડે તેમાં હિંમતભેર આગળ વધવા તજજ્ઞ ભીમાણીએ વિદ્યાર્થીઓને પ્રોત્સાહિત કર્યા હતા.

તાપી જિલ્લામાં છેવાડાના લોકો સુધી કારકિર્દી માર્ગદર્શન મળી રહે તે માટે તમામ તાલુકાઓમાં પણ આયોજન કરવામાં આવ્યું છે. વધુમાં વધુ વિદ્યાર્થીઓ તેમાં ભાગ લઇ પોતાની કારકિર્દીનું ઘડતર કરે તે માટે રાજ્ય સરકાર કટીબધ્ધ છે. વિદ્યાર્થીઓમાં કારકિર્દીના ઘડતર માટે પ્રથમવાર સુગ્રથિત સ્વરૂપે પ્રયાસ કરવામાં આવ્યો છે.

આ સેમીનારમાં મદદનીશ પશુપાલન નિયામક ડો.બ્રીજેશ શાહ,પોલીટેકનીક આચાર્યા રૂપલ મર્ચન્ટ, ઔદ્યોગિક તાલીમ સંસ્થાના આચાર્યા શિલ્પાબેન ચૌધરી,સહાયક માહિતી નિયામક નિનેશકુમાર ભાભોર, કે.કે.કદમ કન્યાશાળા આચાર્યા સંગીતા ચૌધરી,નિકુલ સિંગ ચૌહાણ પોલિટેકનીક એગ્રીકલ્ચર નવસારી યુનિવર્સીટીના આચાર્યા શિક્ષકગણ સહિત મોટી સંખ્યામાં વિદ્યાર્થીઓ અને વાલીઓ ઉપસ્થિત રહ્યા હતા.

30/05/2022

તાપીના સોનગઢ ખાતે અંદાજીત દોઢ વર્ષની ઉંમરની અજાણી બાળકી મળી આવેલ છે:

● તાપી જિલ્લાના સોનગઢ તાલુકાના સાગર સ્ટોન ક્વોરી ખાતેથી ચાઇલ્ડ લાઇન-૧૦૯૮ દ્વારા અંદાજીત દોઢ વર્ષની ઉંમરની ગુમ થયેલ બાળકી મળી આવેલ હતી. જેને ચાઇલ્ડ વેલફેર કમિટિ તાપી સમક્ષ રજુ કરવામાં આવી હતી.

આ બાળકી હાલ કઇ બોલતી નથી તથા તેણીએ પગમા ચાંદીના પાયલ, હાથ અને ગળામા કાળા દોરા પહેર્યા છે. બાળકીએ ભુરા કલરનું ફ્રોક અને લાલ કલરનો લહેંગો પહેર્યો છે.

આ બાળકીને હાલ સ્પેશ્યલ એડોપ્શન એજન્સી, નિલમ પેટ્રોલ પંપની સામે કતારગામ, સુરત ખાતે આશ્ર્ય આપવામાં આવેલ છે.

તેણીના વાલી વારસો જિલ્લા બાળ સુરક્ષા એકમ, જિલ્લા-સુરત, બ્લોક-એ, ભોયતળીયુ, જિલ્લા સેવા સદન-2, અઠવાલાઇન્સ, સુરત(૩૯૫૦૦૧)નો સંપર્ક કરવો અથવા ૦૨૬૧-૨૬૫૧૪૭૭, [email protected] ઉપર સંપર્ક કરવા બાળ કલ્યાણ સમિતિ, તાપીના અધ્યક્ષ, બીપીન ચૌધરીની અખબારી યાદીમાં જણાવાયું છે.

17/05/2022

“ગ્રામ્ય કક્ષાએ બેન્કીંગ અંગે “વન સ્ટોપ ડિલીવરી” તરીકે બેંક સખીઓ કામ કરશે.”
-ડીડીઓ

● તાપી જિલ્લાના RSETI ભવન ઇન્દુ ગામ ખાતે જિલ્લા વિકાસ અધિકારીશ્રી ડી.ડી.કાપડિયાના અધ્યક્ષસ્થાને બેંક સખી બહેનો માટે માર્ગદર્શન બેઠક યોજાઇ

● વિવિધ બેંકના ઉચ્ચ અધિકારીઓ દ્વારા બેંક સખી બનવા માટે વિસ્તૃત માર્ગદર્શન અપાયું :

● તાપી જિલ્લાના બરોડા સ્વરોજગાર વિકાસ સંસ્થાન દ્વારા જિલ્લા વિકાસ અધિકારીશ્રી ડી.ડી.કાપડિયાના અધ્યક્ષસ્થાને સખી મંડળની બહેનો માટે “બીસી સખી” કે “બેંક સખી” બહેનો તરીકે કામગીરી કરવા અંગે માર્ગદર્શક બેઠકનું આયોજન RSETI ભવન, ઇન્દુ ગામ ખાતે કરવામાં આવ્યું હતું.
અધ્યક્ષસ્થાનેથી જિલ્લા વિકાસ અધિકારીશ્રી ડી.ડી.કાપડિયાએ બહેનોને પ્રોત્સાહિત કરતા જણાવ્યું હતું કે, ગ્રામ્ય કક્ષાએ બેન્કીંગ અંગે “વન સ્ટોપ ડિલીવરી” તરીકે બેંક સખીઓ કામ કરશે. એટલે કે ગ્રામ્ય કક્ષાએ લોકોને બેંકમા મળતી તમામ સુવિધાઓ જેમાં નવુ એકાઉન્ટ ખોલવા અંગે, પૈસા જમા અને ઉપાડ, મોબાઇલ રિચાર્જ, ગેસ, લાઇટ, ટીવીનું બીલ ભરવું, ટ્રેન, બસ, ફ્લાઇટનું બુકિંગ કરવું, ઇન્સ્યોરન્સના પૈસા ભરવા, પશુ કે પાકનું ઇન્સ્યોરન્સ કઢાવવુ વગેરે જેવા કામો સરળતાથી ગ્રામ્ય સ્તરે બેંક સખી મારફત કરી શકાશે. તેમણે બહેનોને કોઇ પણ એક બેંક સાથે જોડાઇ બીસી સખી તરીકે કામગીરી શરૂ કરવા અંગે અને તેના દ્વારા મળતા વિવિધ કમીશન વડે પોતાને આર્થીક રીતે પગભર બનાવવા અંગે જાણકારી આપી હતી. વધુમાં તેમણે બીસી સખી તરીકે જોડાતી બહેનોને ડીઆરડીએ દ્વારા મળતા ૭૫ હજારની લોન જે-તે બેંક દ્વારા આપવામાં આવતા વિવિધ ફાયદા અંગે વિસ્તૃત જાણકારી આપી વધુમાં વધુ બહેનોને બીસી સખી તરીકે જોડાવા ખાસ આગ્રહ કર્યો હતો.


અત્રે ઉલ્લેખનિય છે કે, બેંક મિત્ર “વન જીપી વન બીસી” ટ્રેનિગ હેઠળ બરોડા સ્વરોજગાર વિકાસ સંસ્થાન દ્વારા જિલ્લાના ૨૦૪ બહેનોને બીસી સખી તરીકે કામગીરી કરવા માટે તાલીમ આપવામાં આવી છે. બીસી સખી કે બેંક સખી તરીકે કામ કરવા સીએસસી આઇડી જરૂરી છે. જેના થકી ૧૦ સખી મંડળના જુથને ભેગા મળી ૧ વીઓ આપવામાં આવે છે. વીઓ મળ્યા બાદ બહેનો પોતાની વ્યવસ્થા અનુસાર ગ્રામ પંચાયત, દુધ મંડળી અથવા પોતાના ઘરે કે જેઓ સ્થળે જઇ બીસી સખી કે બેંક સખી તરીકે કામગીરી કરશે. જેના માટે ડી.આર.ડી.એ અને ડીએસસી દ્વારા બેંક મારફત ૭૫ હજારની લોન મળશે. જેનાથી લેપટોપ, પ્રિન્ટર, બાયો મેટ્રીક, ટેબલ, ખુરશી વગેરે સુવિધાઓ એક સ્થળે ઉભી કરી કામગીરી શરૂ કરી શકાશે. હાલ ૫૧ બહેનોને આઇડી મળી છે અને તેઓ ગ્રામ્ય સ્તરે સારી રીતે કામગીરી કરી રહ્યા છે. જેમાં મનરેગા હેઠળ મળતા વેતન, દુધ મંડળીની રકમ વગેરેને સ્થળ ઉપર પૈસા ઉપાડી આપવામાં આવે છે. વધુમાં બેંક સખીઓ જે-તે ઘરે જઇને પણ તેઓના બેંકના કામો સરળતાથી કરી રહી છે. જેના થકી નાગરિકોને બેંક સુધી આવવા જવાની જરૂર પડતી નથી અને સખી મંડળની બહેનો ગ્રામ્ય સ્તરે સારી આવક મેળવી રહી છે.


જિલ્લાની તમામ ગ્રામ્ય કક્ષાએ આ મુજબની કામગીરી થાય તેના માટે જિલ્લા વિકાસ અધિકારીશ્રી ડી.ડી.કાપડિયા, ડીઆરડીએ, બરોડા સ્વરોજગાર વિકાસ સંસ્થાનની ટીમ સાથે મળી કુબેરજી એપ્લીકેશન, બરોડા બેંક, ફિનો બેંક-એ દ્રઢ નિશ્ચય સાથે બીડુ ઉપાડ્યું છે. આજરોજ યોજાયેલ માર્ગદર્શક બેઠકમાં કુબેરજી એપ્લીકેશન, બરોડા બેંક, ફિનો બેંકના પ્રતિનિધિઓ દ્વારા બહેનોને બેંક સખી તરીકે જોડાવા માટે જરૂરી માર્ગદર્શન, બેંક દ્વારા મળતી લોન, લેપટોપ પ્રીન્ટર વગેરે સાધન સામગ્રીની વિગતો, વિવિધ ફાયદા અને કમીશન દ્વારા પગભર બનવા અંગે વિસ્તૃત ચર્ચા કરી પ્રોત્સાહિત કરવામાં આવ્યા હતા.
આ પ્રસંગે ડી.આર.ડી.એ ડિરેકટર અશોક ચૌધરી, ચીફ મેનેજર બરોડા બેંક વિનય પટેલ, બરોડા સ્વરોજગાર વિકાસ સંસ્થાનના ડીરેકટર ઉમેશ ગર્ગ, કુબેરજી એપ્લીકેશન, બરોડા બેંક, ફિનો બેંકના પ્રતિનિધીઓ તથા બીસી સખીની તાલીમ મેળવેલ બહેનો ઉપસ્થિત રહ્યા હતા.

17/05/2022

તાપી જિલ્લામાં શાંતિ અને સલામતી માટેનું જાહેરનામું

● તાપી જિલ્લામાં કાયદો અને વ્યવસ્થાની પરિસ્થિતિ તથા જાહેર સુલેહ, શાંતિ અને સલામતિ જળવાઇ રહે તે માટે અધિક જિલ્લા મેજીસ્ટ્રેટ આર.જે.વલવીએ જાહેરનામું બહાર પાડી નીચે મુજબના કૃત્યો કરવા પર પ્રતિબંધ ફરમાવ્યો છે.


જાહેરનામા અનુસાર કોઇ પણ વ્યક્તિએ શસ્ત્રો, દંડા, તલવાર, સોટા, ધોકા, બંદુક, છરા લાકડા કે લાકડી, લાઠી, શારીરિક ઇજા પહોંચાડી શકાય તેવું બીજું કોઇ પણ સાધન સાથે લઇ જવું નહિં. કોઇ પણ ક્ષયકારી પદાર્થ અથવા સ્ફોટક પદાર્થ સાથે લઇ જવા નહિં. પથ્થરો અથવા ફેંકી શકાય તેવી બીજી વસ્તુઓ ફેંકવાના કે ધકેલવાના શસ્ત્રો, અથવા સાધનો લઇ જવા નહિં કે એકઠા કરવા નહિં તથા તૈયાર કરવા નહિં. ધાર્મિક સ્થળોએ લોકોની લાગણી દુભાય તેવું કૃત્ય કરવું નહિં. તેમજ પ્લાસ્ટિકની કોથળીઓમાં કોઇ પદાર્થ કે પાણી ભરીને ધાર્મિક સ્થળોએ ફેંકવા નહિં. કોઇ રાહદારી કે અન્ય ધર્મના લોકોની લાગણી દુભાય તેવું કૃત્ય કરવું નહિં. જેનાથી સુરૂચિ અથવા નીતિનો ભંગ થાય તેવું ભાષણ કરવું નહિં, તેવા હાવભાવ, ચેષ્ટા કરવી નહીં કે તેવા ચિત્રો, પત્રિકા કે પ્લેકાર્ડ અથવા બીજા કોઇ પદાર્થ અથવા વસ્તુ તૈયાર કરવી નહિં, બતાવવી નહિં અથવા તેનો ફેલાવો કરવો નહિં. જલતી અથવા પેટાવેલી મશાલ લઇ જવી નહિં. લોકોને અપમાનિત કરવાના ઇરાદાથી જાહેરમાં બુમો પાડવી નહિં તથા સક્ષમ અધિકારીની પરવાનગી સિવાય જાહેરસભા અથવા સરઘસનું આયોજન કરવું નહિં.

આ હુકમ સરકારી કર્મચારી કે કામ કરતી કોઇ પણ વ્યકતિ કે જેને ઉપરી અધિકારીએ સરકારી ફરજ બજાવવા, આવું કોઇ હથિયાર લઇ જવાની આજ્ઞા આપેલ હોય તેવા કિસ્સામાં, જિલ્લા મેજીસ્ટ્રેટ તથા જિલ્લા પોલીસ વડાએ અધિકૃત કરેલા અધિકારી કે કર્મચારી કે પોલીસ અધિકારીને તથા જેને શારિરીક અશક્તિને કારણે લાકડી, લાઠી લઇ જવાની જરૂરિયાત હોય તેવી વ્યક્તિઓને તથા સરકારી અથવા સ્થાનિક સ્વરાજયની સંસ્થાઓને લગતા કાર્યક્રમોને લાગુ પડશે નહિં. આ હુકમ તા.૩૧/૦૫/૨૦૨૨ સુધી અમલમાં રહેશે. આ હુકમનો ભંગ કરનાર શિક્ષાને પાત્ર થશે.

12/05/2022

તાપી જિલ્લા ધોરણ-૧૨ વિજ્ઞાન પ્રવાહનું ૫૪.૯૭ ટકા પરિણામ

● માર્ચ-૨૦૨૨માં યોજાયેલી ધોરણ-૧૨ વિજ્ઞાન પ્રવાહ તેમજ ગુજકેટ એપ્રિલ-૨૦૨૨ની પરીક્ષાનું પરિણામ જાહેર થયુ છે. જે પૈકી તાપી જિલ્લામાં ધોરણ-૧૨ વિજ્ઞાન પ્રવાહનું કુલ- ૫૪.૯૭ ટકા પરિણામ આવ્યું છે.

તાપી જિલ્લામાં કુલ- ૯૩૫ વિદ્યાર્થીઓએ પરીક્ષા આપી હતી જેમાં ગ્રેડ અનુસાર જોઇએ તો, એ-1 ગ્રેડમાં ૦ વિદ્યાર્થીઓ, એ-2માં ૦૫, બી-1માં ૩૧, બી-2માં ૮૪, સી-1માં ૧૭૯, સી-2માં ૧૭૨, ડી-માં ૪૩, ઇ-1માં ૦ અને ઇ-2માં ૪૨૯ વિદ્યાર્થીઓ સાથે જિલ્લાનું કુલ-૫૪.૯૭ ટકા પરીણામ જાહેર થયુ છે.


તાપી જિલ્લામાં એકથી ત્રણ નંબર મેળવનાર વિદ્યાર્થીઓ જે.બી.એન્ડ એસ.એ સાર્વ.હાઇ.વ્યારાના વિદ્યાર્થીઓ છે. જિલ્લામાં પ્રથમ ક્રમે કુરેશી ફરદિન ફિરોજભાઇ, કુલ ગુણ ૬૫૦માંથી ૫૫૬ ગુણ સાથે ૮૫.૫૩ ટકા, બીજા ક્રમે પટેલ મેઘા મનહરભાઇ કુલ ગુણ ૬૫૦માંથી ૫૫૩ ગુણ સાથે ૮૫.૦૭ ટકા, અને ત્રીજા ક્રમે વહોરા રૂષાંત ઇમ્ત્યાઝભાઇ કુલ ગુણ ૬૫૦માંથી ૫૫૦ ગુણ સાથે ૮૪.૬૧ ટકા સાથે ઉત્તરીણ થયા છે.


જિલ્લામાં એ-2માં ૦૫ વિદ્યાર્થીઓમાં પ્રથમ ક્રમે કુરેશી ફરદિન ફિરોજભાઇ, કુલ ગુણ ૬૫૦માંથી ૫૫૬ ગુણ સાથે ૮૫.૫૩ ટકા, બીજા ક્રમે પટેલ મેઘા મનહરભાઇ કુલ ગુણ ૬૫૦માંથી ૫૫૩ ગુણ સાથે ૮૫.૦૭ ટકા, અને ત્રીજા ક્રમે વહોરા રૂષાંત ઇમ્ત્યાઝભાઇ કુલ ગુણ ૬૫૦માંથી ૫૫૦ ગુણ સાથે ૮૪.૬૧ ટકા, ચોથા ક્રમે માંડળ જાગૃતિ હાઇસ્કુલ, માંડળની વિદ્યાર્થીની સ્નેહલબેન હરસિંગભાઇ કુલ ગુણ ૫૩૪ સાથે ૮૨.૧૫ ટકા અને પાંચમાં ક્રમે જયઅંબે ઇન્ટરનેશનલ સ્કુલ, ઇન્દુ, વ્યારાનો વિદ્યાર્થી વાડિલે ગોકુલ મગનભાઇ કુલ ગુણ ૭૦૦માંથી કુલ-૫૭૧ ગુણ મેળવી ૮૧.૫૭ ટકા સાથે ઉત્તરીણ થયા છે.


સફળ વિદ્યાર્થીઓને તેમના ઉજ્જવળ ભવિષ્ય માટે જિલ્લા શિક્ષણાધિકારીની કચેરી સહિત જિલ્લા વહિવટી તંત્રે વિધાર્થીઓ, તેઓના માતાપિતા અને શિક્ષક પરિવારને શુભેચ્છાઓ પાઠવી છે. સાથોસાથ અનઉતિર્ણ વિદ્યાર્થીઓ અને તેમના માતા-પિતાને હતાશ થયા વિના ફરીથી મહેનત કરીને સફળતા મેળવવા પ્રયાસ કરવા અપીલ કરી છે.

08/05/2022

તાપી જિલ્લામાં ૨૬ મેના રોજ જિલ્લાકક્ષાનો “સ્વાગત ફરિયાદ નિવારણ કાર્યક્રમ” યોજાશે

● અરજદારોએ ફરિયાદ નિવારણ કાર્યક્રમ માટે ૧૦ મે સુધીમાં અરજીઓ મોકલી આપવી

● સમગ્ર રાજ્યમાં મુખ્યમંત્રીશ્રી અભિગમ દ્વારા પ્રજાના પ્રશ્નોનો ઉકેલ લાવવા માટેનો જિલ્લા કક્ષાનો “સ્વાગત ફરિયાદ નિવારણ કાર્યક્રમ” હેઠળ ઓનલાઇન કાર્યક્રમનું આયોજન કરવામાં આવેલ છે. જે અન્વયે તાપી જિલ્લામા જાન્યુઆરી-૨૦૨૨નો જિલ્લા સ્વાગત કાર્યક્રમ આગામી તા.૨૬/૦૫/૨૦૨૨ના રોજ જિલ્લા સેવાસદન કચેરીના સભાખંડમાં સવારે ૧૧ કલાકે જિલ્લા કલેકટર એચ.કે.વઢવાણિયાના અધ્યક્ષસ્થાને યોજાશે.

આ કાર્યક્રમમાં અરજદારોના પ્રશ્નો અંગે સંબંધિત કચેરી અને અધિકારીનો સંપર્ક કરવા છતાં અને નિયમાનુસાર તમામ કાર્યવાહી અનુસરવા છતા નિવેડો ન આવેલ હોય તેવી સમસ્યઓ/પ્રશ્નોની અરજીઓ આગામી તા.૧૦/૦૫/૨૦૨૨ સુધીમાં જિલ્લા કલેકટર કચેરી ખાતે સમય મર્યાદામાં મોકલી આપવાની રહેશે એમ જિલ્લા કલેકટર, તાપીની અખબારી યાદીમાં જણાવાયું છે.

08/05/2022

તાપી જિલ્લામાં ૨૫ મે ના રોજ તાલુકા “સ્વાગત ફરિયાદ નિવારણ કાર્યક્રમ” યોજાશે

● અરજદારોએ ફરિયાદ નિવારણ કાર્યક્રમ માટે તા.૧૦મે સુધીમાં અરજીઓ મોકલી આપવી

● સમગ્ર રાજ્યમાં મુખ્યમંત્રીશ્રીના અભિગમ દ્વારા પ્રજાના પ્રશ્નોનો ઉકેલ લાવવા માટેનો જિલ્લા કક્ષાનો “સ્વાગત ફરિયાદ નિવારણ કાર્યક્રમ” હેઠળ ઓનલાઇન કાર્યક્રમનું આયોજન કરવામાં આવેલ છે. જે અન્વયે તાપી જિલ્લામા મે-૨૦૨૨નો તાલુકા સ્વાગત કાર્યક્રમ આગામી તા.૨૫/૦૫/૨૦૨૨ના રોજ સવારે ૧૧ કલાકે યોજાશે. જેમાં નિઝર તાલુકાનો કાર્યક્રમ કલેક્ટરશ્રી તાપી એચ.કે.વઢવાણિયાના અધ્યક્ષસ્થાને મામલતદાર કચેરી નિઝર ખાતે, વ્યારા તાલુકાનો કાર્યક્રમ ,વ્યારા પ્રાંત અધિકારી આર.સી.પટેલના અધ્યક્ષસ્થાને મામલતદાર કચેરી વ્યારા ખાતે,વાલોડમાં નાયબ જીલ્લા વિકાસ અધિકારી એસ.એ.ડોડિયાના અધ્યક્ષસ્થાને મામલતદાર કચેરી વાલોડ ખાતે, ડોલવણ તાલુકામા જીલ્લા ગ્રામ વિકાસ એજંન્સી તાપીના ડાયરેક્ટરશ્રી,એ.આર.ચૌધરીના અધ્યક્ષસ્થાને મામલતદાર કચેરી ડોલવણ ખાતે, ઉચ્છલ તાલુકામા જીલ્લા વિકાસ અધિકારીશ્રી ડી.ડી.કાપડિયાના અધ્યકક્ષ સ્થાને મામલતદાર કચેરી ઉચ્છલ ,સોનગઢ તાલુકામાં પોલીસ અધિક્ષકશ્રી રાહુલ પટેલના અધ્યક્ષસ્થાને મામલતદાર કચેરી સોનગઢ ખાતે અને કુકરમુંડામાં નિઝર પ્રાંત અધિકારીશ્રી જયકુમારના અધ્યક્ષસ્થાને મામલતદાર કચેરી કુકરમુંડા ખાતે સવારે-૧૧ કલાકે યોજાશે.

આ કાર્યક્રમમાં અરજદારોના પ્રશ્નો અંગે સંબંધિત કચેરી અને અધિકારીનો સંપર્ક કરવા છતાં અને નિયમાનુસાર તમામ કાર્યવાહી અનુસરવા છતા નિવેડો ન આવેલ હોય તેવી સમસ્યઓ/પ્રશ્નોની અરજીઓ આગામી તા.૧૦/૦૫/૨૦૨૨ સુધીમાં તાલુકા મામલતદારશ્રીને સમય મર્યાદામાં સંબંધિત કચેરીમાં મોકલી આપવાની રહેશે, એમ જિલ્લા કલેકટર, તાપીની અખબારી યાદી દ્વારા જણાવાયું છે.
૦૦૦૦૦૦

07/05/2022

તાપીમાં ગોલ્ડન અને સિલ્વર નંબરની પસંદગીની ફાળવણી માટે ઓનલાઈન ઇ-ઓક્શન


● એ.આર.ટી.ઓ કચેરી વ્યારા, દ્વારા મોટરીંગ પબ્લિકની સગવડતા માટે ગોલ્ડન અને સિલ્વર નંબરની પસંદગીની ફાળવણી માટે ઓનલાઈન ઈ-ઓક્શન શરૂ કરવામાં આવી છે.

જે મુજબ મોટર-સાયકલ માટેનાં નંબર માટેની સીરીઝ GJ-26-AA,AD,R,S,AC તેમજ ફોર વ્હીલર માટે GJ-26-AB (RE-AUCTION) માટે શરૂ કરવામાં આવનાર છે.

ઈચ્છા ધરાવનાર વાહન માલીકો તેમના વાહનનોનુંhttp://parivahan.gov.in//fancy પર ઓનલાઈન રજીસ્ટ્રેશન કરી ઈ-ઓકશનમાં ભાગ લઈ શકશે છે. જેમાં તા. ૧૫-૦૫-૨૦૨૨ થી તા.૧૯-૦૫-૨૦૨૨ સુધી RE-AUCTION ઓનલાઈન માટે ફોર્મ રજીસ્ટ્રેશન તથા એપ્લિકેશન કરવાની રહેશે. તા.૨૦-૦૫-૨૦૨૨ ઈ-ઓકશનનું બિડીંગ ઓપન થશે. તથા તા.૨૧-૦૫-૨૦૨૨ના રોજ ફોર્મ આર.ટી.ઓ કચેરી વ્યારા ખાતે જમા કરવાના રહેશે.


અરજદારો ફેન્સી નંબર મેળવવા ઈચ્છતા હોય તો ઉપર દર્શાવેલ વેબ સાઈટ ઉપર જઈને સી.એન.એ ફોર્મ વાહન ખરીદીના સાત દિવસમાં ઓનલાઈન ભરવાનું રહેશે. વાહન સેલ લેટરમાં સેલ તારીખથી ૬૦ દિવસના અંદરના જ અરજદારો હરાજીમાં ભાગ લઈ શકશે તથા સમય મર્યાદાની બહારની અરજીઓ રદ કરવામાં આવશે એમ ઇન.સહાયક પ્રાદેશિક વાહન વ્યવહાર અધિકારી-તાપીની અખબારી યાદીમાં જણાવાયું છે..

06/05/2022

સચિન પોલીસ દવારા સ્ટુડન્ટ ને રોકી તેમની પાસે ડોક્યુમેન્ટ નાં નામે પૈસાની માંગણી કરાય

04/05/2022 ને બુધવારે સવારે 10:30 વાગ્યાં નાં સુમારે એક મોપેડ ચાલક સુરત થી બારડોલી તરફ જય રહ્યા હતા ત્તયારે સચિન ચાર રસ્તા પાસે પોલીસ દવારા વાહન ચેકીંગ નાં બહાના હેઠળ ત્યાં થી જતા તમામ રાહદારી ને રોકી તેમની પાસે જબરદસ્તી દંડ ની માંગણી કરવા માં આવતી હોવા ની માહિતી આ વીડિઓ માં જોવા મળી રહી છે એક પ્રાપ્ત માહિતી મુજબ એક વાહન ચાલક પાસે પી યુ સી અને હેલ્મેટ નાં હતું ત્તયારે ત્યાં ઉભેલા જમાદાર દવારા ચાલક પાસે 3000/નો મેમો આપવા ની ધમકી આપવા માં આવી હતી જયારે ચાલક એ જમાદાર ને જણાવ્યું કે અમે સ્ટુડન્ટ છે એમને જવા દો બીજી વાર ધ્યાન રાખશુ ત્તયારે જમાદાર એ દંડ ભરો નહિ તો ઓરિજિનલ લાઇસન્સ જમા કરી દેવા આર તી ઓ માં થી દંડ ભરી ને છોડાવી લેજો આમ જો પોલીસ ડીપાર્ટમેન્ટ પબ્લિક સાથે વર્તન કરશે તો પોલીસ અને પબ્લિક કયારે સાથે સુમેળ ભર્યું વાતાવરણ કયારે બનશે..જેવા લખાણ સાથે આ વીડિયો સોશિયલ મિડિયામાં ખુબ વાયરલ થઈ રહ્યો છે. જોકે નમોપોસ્ટ આ વાયરલ વીડિયોનું પુષ્ટિ કરતું નથી...